Napagkasunduan na tayo ay magkita sa tagpuan
Mayroon kang ipagtatapat akin na hindi ko alam
Naisipa'y ito na rin ang tamang pagkakataon
Na aking ipagtapat ang katotohonang matagal na ibinaon.
Hindi malaman kung paano ba sayo ay sasabihin
Dahil ang buhay, kapag natuldukan, mahirap ilihim,
Ngunit nang ikaw ay magpaalam, mas mahirap tanggapin,
Lalo na sana ako sayo ay may aaminin.
Siguro kapag sinabi ay wala na ring saysay,
Itatago na lamang at maghandang mamatay
Sapagkat wala ng silbi ang nalalabing buhay,
Kapag walang sasangga sa hangin,
Kandila ay mabilis ding mamamatay.
Kaya't sa huling gabi ng ating malungkot na pagsisintahan
Tuparin mo sana itong aking huling kahilingan
At samahan mo ang aking huling pagtanaw sa pagsikat nang araw
Habang sa iyong kandungan ako ay dahan-dahang papanaw...
dawn017