مساء الخير متابعيني الاعزاء اتمنه لكم قراه ممتعه
البارت السابع عشر
🌺معاناتي بسبب يتيم 🌺
🌹 للكاتبه رونق🌹
نترك القلم للبطل يتكلم
ليث ..سمعت صرخته طفرنه كلنه
طلعت مخوفته فاره صدك ضحكت
ع منضره والضحكني اكثر غيث لازمله
الفاره وهاي مصدكه راح يذبه عليه وجه
صار اصفر ردات تبجي وره بقينه بالغرفه
كلنه كاعدين ضحك وسوالف
بالاخير عمتي كالت يله
كافي خلو العرسان ياخذون راحتهم ماتدري عمتي بالمضموم
والله لو تدري جان شهرتني 🤣
وراه فرشت بالكاع تريد تنام ماخليته
كتله نامي ع الجربايه حسيت غرفته
واني ضيفه عليه هيه ماقبلت اني
اصريت عليه نيمت صفاوي ونامت
ماجاني نوم ابد ذكرت رويحتي اوووف
واليوم ماشميت ريحته متعود انام ع ريحته
كوه نمت. وكعدت ب 12 صفاوي كعدني
لكيته كاعده قبلنه تغدينه وكملنه للعصر اجو اهله
اخوانه حبابين ماطولو اخذولهم ساعه
وترخصو وراهم طريق جلبت بيهم ماقبلو يبقون
لليل هم نفس الجمعه والكعده الحلوه
عمتي الكعده وياه حلوه لاحضت بنات عمتي
يضوجن منه بس اليوم لا شفتهن ملتمات
وضحك ونزلن يمه راحت عمتي يمهن
وره شوي طلعت عمتي غير شكل
خرب لاعبات بيه لعب مكيجاته
لاعبات بيه لعب كوه كاتم ضحكتي
كتله ماتستحين زعاطيط يضحكن عليج
ولامهتمه خرب مكيفه للوضع
غيث ماقصر خوش قسمله بس شكله
كلش حلوه وره شوي اخذن امي هم
لعبن بيه لعب وبده التصنيف ع امي وابوي
وراه طلعت جبت موطا وشاميه
بليل جعنه كامو البنات سوو اكل
اكلنه كالو مشتهين شي حلو خرب
جايب بقلاوه بالدهن الحر رحت جبته
ناسيه بالسياره نص ليل وكله كاعده
حته صفاوي مكيف غيث كام يصيح وراي دوام
نعست رحت نمت اني وصفاوي صارت ب 4
ومااجت عفته ونمت ع الجربايه
حسيت عليه دخلت ع كيف
مااعرفت شوكت اجت وراه نمت
ماكعدت الا ل 12وربع لكيت صفاوي
يلعب وياي طلعت هيه وره شوي
اشوهاي رجعت نامت طلعت
بره هدوء شويه وكعدو صبينه غده دزو عليه
وراه راحت عمتي تعودنه ع وجوده مرحه
وتونسنه من راحت ضجنه وراه رجعت
لغرفتي افيش يمه مشتاق لرويحتي
صار يومين مفاركه نمت مرتاح جنت
مخنوك هناك مشت الايام عاديه
ماتواجد بس وكت الغدا والعشا خابرو
اهله عزمونه والله كوه رحت بس عيب منهم
صادف يوم جمعه كعدنه لصبح رحنه
مبين عليه الفرحه ماصعدت وياي صعدت
وي غيث كلت خفتا وراحه وصلنه لهله
صبو الغده اشكال مسوين اكل طيب
وراه قررو تبقه يومين يم اهله ماعترضت
خليته براحته ميهمني
رجعت من
اهله كبل لنجف لان اليوم مارحت لرويحتي
لصبح تاخرت عليه مامتعود اتاخر
اكيد هسن تكولون هذا شكد يبالغ
بس والله صعب تحبه وكوه
حصلته يروح منك بهل سهوله
رتاج جانت تعنيلي هواي
من راحت راح كلشي حلو وياه
اعرف ضلمت ريام بس والله
متبيدي شي الكل رام ينتقدني
لان بهذا وكتنه قليل الي تموت
زوجته ومايفكر يزوج
صح لبنيه ماناقصه شي
ومامقصرت بشي حته وي ابني
بس شي موبيدي
رجعت لمغرب للبيت وراه جنت مطلع
صفاوي وياي خابروني ع ببسي
جبت وياي رجعت لكيته بالبيت
واكفه بالمطبخ سلمت ودخلت
شوي وجابت العشا بيتزا شكله مشهي
لمن ضكته طعم موطبيعي صدك
طيبه بس غلست الكل مدح اني ساكت
ثاني يوم كعدت لصبح لكيته كاعده
من لصبح مسوييه ريوك لابوي تعجبت
وسوتلي هم ريوك رحت لدوام ورجعت
لكيت تغيرات بالبيت الطارمه تخبل
والمطبخ بي فد شي متغير وريحه
الاكل تكتل لمن تجمعنه لكيتهم
مسوين بانيه وخبز حار خبز بيت تفاجئت
الصراحه طبعي ماحب خبز المخبز
والوالده جانت تخبز من تمرضت تركت
الخبز والبنات مايعرفن اضطرينه نشتري
خبز مرات كرار يدزلي خبز من اهله
بس من شفت خبز بيت افيش
ارتاحيت بس توقعت دازينه النه
تفاجئه من كالت امي هيه خابزه يعني
تعرف تخبز ويوميه خبز اويلي
طبخه مبين طيب تغديت ونمت
بليل تعشينه وكملنه طلعت رجعت لكيته
كالبه البيت كلاب حته غرفه اهلي منضفته
مسويه تغير بالبيت من دخلنه بليل للغرفه
نضفت الصاله صبح لصبح كعدت لكيته
خابزه ستوه راحت تنضف الطارمه كعدت اكل
خبزه مكسبه كالت انتضر اسويلك ريوك
صدك شوي وجابت الريوك بيض عيون
وجبن اني احب بيض عيون طيبه مسويته
اكلته ورجعت اكل خبز وجاي مشتاق للخبز
رحت لدوام ورجعت لكيته مسويه مقلوبه
كلش طيبه تغديت ونمت
لاحضته منضفه البيت كله بس غرفتي
نطيته الحق لان اني هم ماريده
تدخل غرفتي عفته ماهتميت
ثاني يوم هم كعدت
لصبح خبزت وسوتلنه ريوك رجعت للغده
وجان اطب للبيت والكه الريحه ترست خشمي
اويلي وجان طلع دولمه الريحه تسطر
تجمعنه وخلو الاكل طعم فدشي
صدك طيبه وياه دجاج عجبتني بس
ابد مامدح بيه اكل واسكت
لاحضته تتعب هواي البنات دوام
امي مريضه والبيت كله عليه وطبخ
وخبز وصفاوي بس ابد ماتتعاجز عده خلك
قررت من استلم راتب اخصصله مبلغ
خاف تحتاج شي هم حقه
استلمت راتب اجيت لكيت ابوي
منطيه حته غيث مسوكله تارس
ثلاجته اني دزيتله بيد امي 150
اجتي امي كالت كوه قنعته اخذتهن
تكول مامحتاجه لااطلع ولاامشي
وانتم مامقصرين وياي مقنعته امي
😏فوكاه ماقابله
وره فتره اجه رمضان اجواءحلوه
رمضان اجه اول يوم احنه قبله مسوكين
كلشي مامخلين نقص كلشي وفرناه
اجه اول يوم روائح اشكال مبين اللكل
طيب اذن الاذان متعودين نفطر بس ياذن
بعدين نصلي اشو هاي جابت بس شوربه
ولبن وعصير وتمر كالت اكلو ونصلي وراه
فطر محد اعترض احترمنه قراره كلنه
نجرب صدك صلينه وكملنه قريت شوي قران
اشو بعدنه منشتهي فوك لنص ساعه
وجابو الفطور اشكال مسوين صدك اكل طيب
وفكرته حلوه حته جعنه واكلنه هواي جنه
نشبع مي ومناكل
عجبتني فكرته
وراه مسوين حلويات لليل هم سولنه اكل
الكل كاعد حته صوفي
اني حدي ب 2نمت وراي دوام
كامت تتفنن بالطبخ واكله طيب
وهواي تتعب الثكل كله عليه
والاحظ البنات مرات يكعدن لمغرب
ومرات يساعدنه وتخبز وهيه صايمه
تتعب حيل حته متاكل ويانه تالي
ليل تاكل اكله حيل طيب مشابه
لطبخ امي بس هيه تبتكر طبخات
تعجبني الفطائر الي تسويه طيبه
بيتزته احسه اطيب من بيتزت السوك
يوم منهن دخلت للغرفه لكيت الغرفه وصخه
وملابسي مامغسولات كمت اصيح
ع امي اجت كتله اريد اعرف شنو غرفتي
بيه جرب محد ينضفه لو هاي ملابسي
الوصخه شنو لعبان النفس تنضف
البيت كله وتعزل غرفتي مايصير
هذا الحجي خليت وطلعت رجعت
لكيت الغرفه تخبل صدك تفتح النفس
جانت مفروشه فراش الشتا لكيته
شايله لفراش ومغيره البرده ومغيره
الفرشه والغرفه ثلج ومعطره فتحت
الكنتور ردت ابدل لكيت ملابسي
مغسولات ومعطرات ومسفطات
كل الملابس بمكانهن عجبني ترتيبه
ارتاحيت من شفت الغرفه هيج
يوم منهن راحت لهله
طبخو البنات وامي وصبو فطور
الصراحه افتقدت اكله وخبزه الحار
وحشه عليه صفاوي يبجي عليه
خبصنه خبص كوه نام بليل
ثاني يوم رجعت من الدوام سبحت
وطلعت جان الكاه جايه الكل فرح بيه بالاخص صفاوي
تعودت ع شوفته بالبيت
رحت نمت كعدت
شميت الريحه تسطر وفوكاه لخبز الحار
اذن صلينه وراه صاحتلنه ع الفطور بيه طبيعه
تفرش السفره وتكمل وتصيحلنه
سفره شكله يشهي وين البارحه وين اليوم
رغم جنت احب طبخ امي بس
البارحه من طبخت امي غير
اكلت هواي مشتهي دولمه اجت بمحله
فطرت خابرت كرار كال مافاطر بعدني
كتله ابو بطن ترجع وافطر
خابروني بليل بيت عمي
موجودين كالو تعال
جبت حلويات ورجعت
وياي كرار جلبت بي رحنه للبيت كرار
كال مافاطر اريد ارجع جلبت بي كتله افطر
يمنه اجو ولد عمي يمنه وديت
غيث يسويلنه فطور لكرار وره شوي
جابو الاكل جنت مطمن تسوي خوش
فطور جابو الاكل صلاوات اشكال مسويه
عرفته ترتيبه وهواي مسويه كلت وين وجه
بيه نسينه ارواحنه ضحك وسوالف
لمن نتبهت الاكل ماكو الماعين فارغه
هههههه نسيت عدنه حوت وصيت ع جاي
شويه وجان اسمع صوت صفاوي يصرخ
طفرت وجان اشوف طفل عاض صفاوي
ومطلع دمه اني فقدت رجعت عليه ذبيت
حركتي بيه رزلته كدام بيت عمي
كتله طفل ماكدرتي تعتنين بي
ماحجت اي شي ابد دخلت بغرفته
كله كامت تحجي عليه لبنيه مامقصره
وطفل شنو تسويله تضل مكابلته
غيث كال غير ملتهيه بالعشا كتله ماكو غيره
تسوي اكل اخذت صفاوي وطلعت وي كرار
حته كرار ضل يحجي عليه
رجعت لكيته ماكو هدى كالت حته
فطور مافطرت وصار لسحور مااجت
كله صاحت ماقبلت دزوله اكل اذن صلينه
راحت فرح لكت الكل ماماكلته
ضجت عليه هواي قسيت عليه
صفاوي راد يمه دزيته نام عده
اجيت من الدوام مالكيته من رحت
لغرفتي حسيته طلعت حته بالفطور
ماشفته حسيته تتهرب مني وحقه
عدت ايام وهيه وجه ثكيل
لاحضت غيث ميانه كلش وعلاقتهم
قويه تضحك وتشاقه
بيوم خابرت ام زوجتي خطيه
كتله تعاي يمنه شوفي صفاوي كوه اجت
رحت لعصر جبته ماخلوه تطلع فطرت
يمنه ونفرشت السفره اشكال بيه
شفته ارتاحت اله وصته ع صفاوي
رجعته هواي مدحت بيه كالت مبينه
خوش بنيه وتحب صفاوي كتله اي
وراه يوم طلعنه برا فطرنه
ويوم عزمونه بيت خالتي ويوم بيت عمي
يوم عزمنه خالتي اجو للفطور
ارجع من وكت برمضان
رجعت لكيته بالمطبخ ومخبوصه
تشتغل رحت نمت كعدت لكيتهم
جاين كعدنه شوي واذن وراه صبو
شوربه ولبن وجميع العصاير عجبني عصير
تمر هند كلش طيب ولو كلهن طيبات
اخذت منه ردت اضم كالت عندي بعد اكو
كالت راح اضملك وراه صلينه وصاحتلنه
فارشله السفره كلمن شافه صله ع النبي
سفره مرتبه وكلشي تشتهي نفسك
تلكا بيه الكل كعد ياخذ صور والي اخذ
سلفي اجت جلبوله اله تكعدين
نحرجت وكعدت ماكو مكان اله
كباله حسيته رتبكت ماكلت شي
الكل مدح باكله وكاله عاشت ايدج
اني ذابه ع الصامت ومدحو بخبزه
خالتي تكل لامي هنيالج عليه بس
ع الخبز تهربت بحجه الجاي
لاحضته مافاركت صفاوي عينه عليه
تاخرنه ع سفره هيه اختفت وراه
شالو السفره ودت الجاي بيد فرح
البنات كلهم بالمطبخ لاحضت علاوي
كل سوي ودخل للمطبخ ضجت منه
وراه اجت وجابو بسبوسه
اكلنه وهنه نعزلن بالصاله البنات
اجيت ادور ع صفاوي لكيت صفاوي نايم
بحضنه ومدده رجليه كتله نيمي بفراشه
لاياذيج تاخرو يله راحو كعد صفاوي
اجه غيث كال جوعان رادت تكوم تسوي
ماقبل كاله تعبتي خلي البنات
راحو اكلو بغرفته واسمع ضحكهم
وصفاوي بنصهم صحت صفاوي اجه يركض
ماعرف ليش ضجت من سمعت
ضحكهم
قرب العيد وطلعو مره وي ابوي بليل
ومره طلعهم غيث وبدت تنضف للعيد
سوت البيت غير شكل يوميه تنضف شغله
بس شنو من تنضف يبين اكو فرق
بحيث من تدخل تلاحظ التغير والنظافه
كملت البيت كله حته كليجه سون
شغله كله بليل لاحضت بس غرفتي
مامنضفته قبل العيد بيوم طلعت
اخذت صفاوي اشتريله ملابس
رجعت لكيتهم كاعدين كتله
حضري صفاوي باجر اخذه وياي
محد قبل اخذه لان ازدحام اتفقت وي
ام رتاج نطلع وي الصلا واخذ صوفي
دخلت للغرفه وجان الكاه
تخبل تفتح لنفس ارتاحيت من شفته
منسقه الفرشه وي البرده جنت اخلي كله
الوان غامقه هل مره لكيته مخليه الوان فاتحه
تفتح النفس وقت المنبه ونمت
كعدت صليت لكيته كاعده كتله
جاهز صفاوي راحت جابته نايم
كسر خاطري من شفته نايم
اخذته ورحت لعمتي ذكرت بالطريق
ماسلمت عليه خرررب غير نسيت شجاني
مريت بيه لكيته جاهزه رحنه لقبره وخلصنه
رجعت خطيه صوفي ضاج
حاره وازدحام تندمت لان
اخذته