مساء الخيرر حبايب قلبي
قبل لاابدي بلبارت اريد احچي عله شي
بلنسبه للي ينقل القصه وينشرهه بلفيس
او بصفحته بلواتباد بدون علمي شتحس بله ؟
اني ماعندي مشكله تنشر بس خلي عندك احترام
وأستأذن يااخي يااختي يعني خلي نفسكم مكاني
من يجي صاحب القصه الحقيقيه يتمشكل ويايه ويكول اني نطيتج القصه وطلبت منج تنقلينه بكل امانه ليش اجي الكاهه بلفيس
اني شراح اسوي وشريد اكول هاا ؟؟
اكو بنيه صاحبه حساب نشرت قصه عشگ الشيخ وبكل
ادب اجتي سألتني وتحياتي اله ولاخلاقه
اكثر من مره تجيني رسائل للخاص يكلولي
لكينه القصه بلانستا لكيناهه بلفيس
منو سمح الكم تنشرونه ???
طبعا مابيدي شي اسويه بس اكلكم
غير مبريين الذمه اذا تنشرون ماوصيكم نشرو هاي هم بلفيس
وخلي عباس يجي يسحولني 😭
اما صقيقاتي الحلوات اني حبكم 😘😍
وهسه تونسو بعرس غززل المخبله 😂
#نهوه-عباس(عشقي نهوتي)
#اماني-ياسر
گاعدات فوك راسي يلبسن ويحضرن وفرحانات واني
ماعندي اي مشاعر گلبي فارغ بسبب انانيتهم حطمو كلشي
بيه نزلن جوه لفيت راسي ونمت ...كعدتني بنين للعشا
بنين-غزوله غزوله
اممممم
بنين-صح النومه گومي راح تخلصينها نوم تره عباس هناك
ميخليچ تنامين ههههه
جريت الخده وضربتها بيها
بنين-هههههه گومي عيني الخجلانه گومي اكليلچ لگمه
ماااريييييد
بنين-تردين وغصباً عليج يلاا عباس خابر حمودي وگله
خليها تتعشه
وعباس شمدري بيه ممتزقنبه لحد هسه
بنين-هذه الي يسموه تخاطر يعمرري
بنين ولي مني
بنين-ههههههه لج دكومي يمعوده خلصينه
گمت گمت الله اكبر حتى نومتي وگعدتي بكيف عباس
بنين-غزل عود صدك تكرهينه
شوف هاي شتحجي
بنين-لا والله صدك انتي ليش متنطينه مجال انطي فرصه
يعني مبين من تمسكه بيچ يحبچ
حبيبتي عباس فاهم الحب غلط هذه مو حب هذه حب تملك
هذه تسلط هذه احتكاااار ...هذه مو حب
بنين-منو گلچ موو حب وسبق وكتلج يجوز هوه بهاي الطريقة
يعبر عن حبه
اووو بنين رحمه لاهلچ سدي الموضوع
بنين-سدينا گومي تعشي يلاا بس هليومين وتفارگينه
خلينه نشبع من
نزلت وياها وكلهم ملتمين جوه يشاقون ويضحكون ويايه
وشلون راح تعوفينه ومنو يدوخنه بسوالفه ومن هلحجي
واني گوه مسيطره عله نفسي تمنيت افرغ كل ضيم گلبي بوجهم
اصرخ واصرخ لحد ما ارتاح بس ماگدرت اخرب فرحتهم
خلصت اخذ گلاص الچاي وطلعت بلحديقه گعدت اشتم هوه
احس من جواي فارغ ماعندي شعور احس بي هاي اولها هيج
بعد شهر شهرين شلون ياربي هم ابقى هيج ْعـايشة بفراغ
واني صافنه وسرحانه بأفكاري وعيت على صوت طبگه لباب
مديت راسي شفت عباس دخل يمشي وهوه يعدل
الغتره مالته دشداشته نيليه وغترته بيضه حواجبه ثخان
وكل وكته طابكهن وعيونه حااده خشمه طويل بختصار
شاب تحلم بيه كل بنيه بس بوقتها ماجنت اشوف وسامته
(هسه لا يسوه عندي الف زلمه 😍 حچي غزل😂 )
فات لجوه وماشافني بعد احسن شعنده جاي اصلاًيومية
طاب طالع ماشفته يوم خابر دز رساله يگول خطيبتي خرب
حضي شويه وطلع صادق صاحلي نكتت دشداشتي وكمت
ردت ادخل للستقبال جرتني بنين وياهه فوگ..
اووي بنين شبيج
بنين-غزل شنو قصتج ماتردينه افتهمنه بس هذه مو معناها
تهملين نفسج
يعني شنو
بنين-دشداشتج مال الصبح شعرج مكفش شنو قصتج
وشتردين
ضربتني وكالت فوتي للحمام سبحي وتعالي
اهوووو ماا
بنين-غزل والله اذا مشيتي كدامي ادخلج اسبحج بيدي
دخلت سبحت طلعت لكيتها محضرتلي دشداشة
صفره وبيهه طوبات زغار سود وبيه فتحات زغار لبستها
سرحتلي شعري وجبرتني اخلي مكياج خفيف ولبستني مداليه
وسوار طبعا يمكن ساعه اني وياهه نتعاتت هيه تشمرعليه البس
واني اشمر عله الجربايه بس غصباً عليه سمعت كلامها
رشتلي العطرونزلت واني وراهه دفعتني بالاستقبال
بس احمد وعباس شافوني ابتسمو اثنينهم شدعواكم عيني
ليشوفكم يكول اول مره اسبح تحجي بينه وبين نفسها
السلام عليك
ردو وعليكم السلام...احمد ابتعد من عباس شويه وسوالي
مكان بينهم وأشرلي اگعد بنصهم ماريد افشله ورحت گعدت
بينهم همه طوال واني گصيره ضعت بينهم احمد خله ايده على
چتفي
احمد- عباس جاي حتى يشوف اذا محتاجه شي
لا
احمد-شنو لا ؟ ...مامحتاجه
عباس-اكيد ..؟ هزيت راسي اي
عباس-كملتي كلشي
يمكن
عباس-شنو يمكن
يعني اني ماسويت شي تريد روح اسأل امي ولبنات
احمد-غير انتي العروس
باوعتله ورجعت دنگت اريد احسسهم اني مارايده العرس
بس احمد الخبيث عافنه وطلع وسد لباب وراه
عباس- شبيج
شبيه ؟
عباس-ليش تحجين من وره خشمج
لا عادي جاي احجي وياك طبيعي
عباس-راح تبقين هيج
يعني شنو
عباس-ميبسه راسج وكلامج جاف
هذه الموجود
مسح وجهه بأيده وگال استغفر الله ربي واتوب اليك
غزل بعدين وياج ووين تردين توصلين
عباس خطبه وخطبتي وعراس وراح تسوي شتريد مني بعد
عباس-ليش هوه الزواج بس عرس وخطبه ودك وركص
انتي شوكت تكبرين عقلج
عقلي مايكبر اكثر من هيج هاي كل طاقتي وهذه كل العندي
عباس-خووش يغزل ابقي هيج معانده ورافعه خشمج بس
والله ثم والله دفع راسي باصبعه هذه الراس اله اكسره
وگولي گال
عافني وطلع هزيت ايدي وضحكت مافهمت جاي يهددني
لو يشوفني محتاجه شي ..يغصبني ويريدني اركصله بچفيه
صعدت وخليت الهتفون بأذاني وماخليت اغنيه حزينه تعتبً
عليه بچيت لحد مانشفت دموعي بحيث الصبح ساعه ينهدون
بيه واني مادري حسبالهم انتحرت گعدت راسي شكبره من
لبچي وعيوني مورم جفنها طبعا حصلتلي رزاله من التمام
شربت چاي وطلعنه للصالون لبست بدله چويتيه مابيهه شيالات
والصدر مالته كله ليلو چانت هسه نازله وغاليه ام الصالون
عافت نص شعري مفتوح والنص الثاني رفعته بس شي بسيط
گالت التسريحه القويه بلعرس اني بيضه والالوان الغامقه تلوگلي
صراحه انعجبت بنفسي شويه ..
هاي البدله الكل بنيه تحلم تلبسها اتمنى هسه انزعها واحرگها
مادامني مالابسته برغبتي ساعه ٢ اجه حيدر اخذنه
طلعت للبيت دك وركص وهوسه وتعاي جاملي وضحكي
بس لا جاملت ولا ظحكت الكل يدري اني مغصوبه
وره ساعتين اجو اهل عباس وطبعا عماتي ونسوان عمامي
بيتهم لان اهل العريس عشتو طبن وگامن يصلن عله النبي
واني عيني بلگاع صدگ گاعده عله اعصابي ودخلت فرح
باوستني وباركتلي ومرة هادي هم ومبينات بس هنه فرحانات
ام عباس ونوال سلمن من وره خشومهم ماشفت ندى
يركصن انوب حنن ايدي وراحن بس طلعن گمت ردت انزع
البدله جرتني شيماء
شيماء-وين وين
تعبت اريد انزعها
شيماء-مو بكيفج تاني شوي
هوه شتاني شوي شيماء انكسر ضهري من الگعده
شيماء-ايي ادري بس اصبرلي اخذلج صوره
صورتيش
شيماء-لعباس گال نطگلچ صوره وندزها
باوعتله هاي شتمسلت دوخري شيماء مالي خلگچ
جرتني وكعدتني عله جربايه امي وصاحت للبنات رتبن
مكياجي وسوي هيج وهاي الحركه حلوو ولا باوعت الهن
وغصباً عليهن طكن صوره واني مدنكه عفتهن وكمت
بس مديت راسي للفضول اشوف صورتي صح ممبين وجهي
حيل بس كعدتي حلوه مرتبة عفتهن وصعدت وبدلتي تسحل
وراي ذبيتها وبجهي للحمام جلفت وجهي من الصبغ وطلعت
صليت وحطيت راسي اريده يهده صار طبوول ..
غفيت شويه ونزلت تعشيت وماخليت حبوب مال راس
ماشربتهاورجعت نمت غافيه واسمع تلفوني يرج جواي..
كوه حركت ايدي ورفعت جاوبت بدون شوف ..
عباس-وينج صار ساعه اخابر
نايمة
عباس-نزلي اني جووه وسده
يربي هزلمه والله راح يجلطني گمت غسلت وجهي ونزلت
لكيته بلكراج مثل الحرامي
ليش مادخلت جوى
عباس-زحمه النسوان نايمه...صددك چنتي نايمه حسبالي
تشاقين..
اشاقه ؟؟ عباس ساعه ب١ ونص شمگعدك لهسه
عباس-ومنين يجيني نوم حچاهه وهوه مبتسم
خوفني وخله بالي يروح لبعيد ...يعنو شنو ؟
عباس-ههه شبيچ انخطف لونچ ماكوو شي بس كل عرسان
بليله عرسهم ما يگدرون أ ينامون
لعد شو اني نمت
عباس-انتي ...انتي غير كل العرايس لا مشاعر ولااحساس
خوشش اذا تعرف شكوو تريد تزوجني
تقدم وسحب ايدي وشبگني بأديه
عباسس شسوي ؟؟
صفن بعيوني وهوه مبتسم وماحچه شي خفت لا يطلع واحد
من اخوتي وتصير مو حلوه حاولت اخلص روحي منه ماطاني
فكه عباسسس؟
عباس-يفداج....
من گال هيچ گلبي صار طبول وبعد ماتحركت احسه يريد
ياكلني بعيونه وهوه مركز علهة كل تفاصي وجهي
عباس عوفني عيب
عباس- ليش عيب غير مرتي
بعدني ماصرت مرتك باجرر يلا
عباس-يعني واخيرا اقتنعتي
لا ولا راح اقتنع
عباس-شوكت گلبچ الصخره يحن
حسيت بلمساته ثگلت وگام يضغط ع جسمي وعيونه غريبه
بدا يتقرب مني كشيت منه..
ودفعته حييل بس بدفعتي هوه رجع لوعية دار وجهه واستغفر
وعدل غترته ورجع گال باچرر هم دفعيني هيج وحق الحسن
راسچ اكسره عافني وطلع ..
بقيت بمكاني اباوعله خاف ماچنت خاايفه زاد خوفي
بس محاطوني بأدي وهيج سيطر عليه الله واعلم بلعرس شراح
يسوي وبعد طارت نومه عيني التفكير اكل عقلي شكد جنت
ضايجه بس مافكرت بهاي الشغله ولو لشويه لان جان عندي
امل يخرب العرس بس خابت امالي..
يمكن نمت ساعة اول اقل ورحنى وطول الوقت واني اكل
بأضافيري من التوتر الماچنت حاسبتلها حساب وگعت بيها
يبقى هوه رجال اقوى مني وشريد اسوي..
بدلتي كلشش حلوه بيضه وبياضها اوف وايت مو ناصع
وبيها ردن تول مستوره وحلووهه البدلات يشماء وفطم
ختارنهن اني ماختاريت شي..
رفعت شعري كله وخلتلي تاج ناعم وبيه كرستالات ..
خضر وخلتلي مكياج زيتوني ويه التاج وطوخت الحمره
ماخذنه صور عباس ميحب هاي السوالف..
صور وخبصه طلعنه للبيت وهاي السالفه مافارگت دماغي
وصلنه دك وركص وهوسه حاولن يوكلني شي ماكدرت
شكد تعبانه ومحتاجه اكل بس جسمي رافض حته المي بسبب
الخوف چنت ماخذه السالفه بستهزاء وبطوله لساني هسه وگع
لفاس براسي..
گعدت يمي بنين تسولف عله غراضي موديهن كلهن
وبعد جم شغله بقت بلغرفه البنات گايلات اني وره السبعه
اجي واخذ الي اريده منهن ولباقيات اعوفهن ومن هلحجي
وغراضي هناك..
فرح مرتبتهن وصيري سباعيه واقري قرأن ولا تعاندين
ادري بأمي دزت بنين لان الوحيده الاسمع كلامها شويه والجو
احترگ رمي ويه كل طلقه اني گلبي يرجف كامن يسمن
وخلن البرنص عله چتفي دخل عباس وهنه يهوسن ويهلهلن
ماشفته ولا رفعت عيني تقدم ودنگ باس راسي..
ويه بوسته كزبر جسمي حيييل گعد شويه وصاح عمي
ابو ناصر يلاا بويه گوم مريتك وامشينه گام هوه ومدلي ايده
بقيت صافنه عليه..
جر ايدي وگومني البنات رتبني كلشي صار بسرعه بسرعه
مالحگت احس بشي كل الشاغلني الخووف وبس..
اخذ ايدي بأيده وطلعنه الكل فرحان ويرگص بس اني
بعالم ثاني..
الشي الوحيد الي اجه ابالي امي ماشفتها وينها ولاطلعت
ودعتني
والشي الثاني چف ايد عباس چبير وايدي ضايعه بين ايده
طلعنه للكراج ابوي واخوتي واگفين سلمت عليهن وحضنت
بابا الدمعه بطرف عيني شابگته قوي وبداخلي اطلب منه
ياخذني يمه بين جناحه رفع راسي وباسني بگصتي وگال
بويه صيري سباعيه وديري بالچ عله رجلج وجه نفس
الحچي لعباس وعباس جاوبه..
لا توصيني على بنيتي عمي غزل بنص گلبي..
اخوتي يضحكون ويشاقون ويايه واحمد الوحيد الضوجه
مبينه عليه
گتله احمد وهزيت راسي عود اكله ماريد اروح
باسني وگال بس أشري تلگيني يمچ بثانية
ماخلولي كل سبيل اطلب منهم يوگفون شي الناس مخبوصه
واني الهوسه ال بداخلي اكبر من كل هاي الناس
ماشفت شي البرنص نازل بس سيارته مزوقه فتحلي لباب
ومد ايده وبنين وفطم ساعدني بلبدله خلاني اصعد سد للباب
وراح للجهه الثانية وبلصدر عمي ابو ناصر وابنه يسوق
المسافه بين بيوتنا يمكن العشر دقايق بس همه سووها
نص ساعة..
فرو بينه المنطقه وصلنه ودخل السياره لكراجهم نزلني هوه
وذبحو طلي يم رجليه والرمي ما وكف ضاغطه ع ايده حيل
خفت من الصوت عالي يم راسي يرمون ..
دخلونه للاستقبال صار سنين ماداخله بيت عمي ابو عباس
والسبب هوا
ماجي من وراه بيتهم كما هوه بس متغير للاحسن..
وكعدنه اجن خالاته وكرايبه سلمن عليه شويه وطلع
نسوان اخوتي وخواتي كعدن يمي وفرح طبعا ذبت لحم
الوحيده الونستني بدت الدنيا تغرب وطفو الديجي وكامو
يصبون العشا..
ناس بدت تتعشه واني احس بدت ساعات عمرري تخلص
شعور مخيف ومفزع الي حسيت بيه من الان حياتي راح
تتغير والله وحده يعلم شلون راح اعيش من غير كلشي
امه ونوال ما ينجرعن انوب هوه ماريده ومناا زوجته الي
ماشفتها ابد..
تقدمت عمتي ام جاسم وگرمتني ومن الجهه الثانيه شيماء
گتلهن هااا
ام جاسم- هم يالله تصعدين فوگ ترتاحين بين مايزفون عباس
گامن يجرن بيه واني رجليه وحده تضرب الثانيه وجسمي
يختض خض..
صعدني كلشي ماشفت من طريقي من وصلت للغرفه فرح
قبلنه طلعت المفتاح وفتحته اول مانفتح الباب كفختني بروده
التبريد يضحكن يكولن ليوم تتمرضون مي وبروده ..
هنه وين واني وين
الغرفه كلش چبيره ومضويه حييل يمكن لان غرفتي ركزت
بيه الاخشاب حلوه وبعدها جديده مبينه من الريحه السقف يجنن
بلازما معكله وكلش جبيره براد مي وثلاجه يعني مسويها سويت
بختصار..
صعدن خواتي ونسوان اخوتي واني كعدت عله الجربايه
وبدت فقره النصائح التربوية..
هااي دكول سلمي نفسج وذيج دكول سمعي كلامه
وبعد كلام طووييل كل عروسه تعرفه خاف ماجنت خايفه
چملنه هنه يسولفن اشتغل الرمي والهوسات صاحت فرح
زفو عباس باوسني وطلعن واني مابقت بيه قطره دم
مدري بردانه مدري حرانه عركت والغرفه تثلج واديه باارده
احوالي كله تخربطت دخل عباس وسد لباب لو عبالك دخل ملك الموت عليه ..
بقيت مدنگه مارفعت راسي وگلبي بيه زلزال
گعد يمي وگال ...غزالي
ماحاچيته رجع گال ديري وجهج عليه اشوفچ
هم ماحاچيته مد ايده ورفع راسي اله
ابتسم وگال اللهم صل على محمد وال محمد گمر ونازل بغرفتي
وخرت ايده وانطيته ضهري لو بيه مجال اشرد چا شردت
عباس-غزالي ليش درتي وجهج ؟
گتله عباس جاوبني يفداچ ؟
رجعني لأهلي
عباس-ههههههههه شلون ؟
بعد ما صرتي يمي ارجعج ترضينها
باوعتله وعيوني غرغرت عباس فدوه رجعني
خله اديه على خدودي وگال اشششش يروحلچ فدوه عباس
لا تبچين صار اوديچ لأهلچ بس مو اليله وغمزلي
گمزت منه وگفت عله صفحه وگتله يعني شنو ؟
وگف يمي وگال ليش گمتي تعاي گعدي
ابتعدت عنه وگتله لا ماريد عوفني
عباس-براحتج بس انتي تعبانه اكيد اگعدي ارتاحي
هزيت راسي بلا
شال الغتره من راسه وخلاها عله الچربايه اول مره اشوفه
بدونها شعره حلوو ومرجعه ليورى ..
شافني اباوعله ابتسم وگال هااا ؟
يمكن الشي الخوفني منه بذيج الساعة مو الموقف الاحنى بيه
لا تعامل عباس ويايه بحنيه هوه الخوفني اني متعوده على
اسلوبه المتسلط..
بده يفتح دگم دشداشته شافني بعدني بمكاني گال
راح تبقين واگفه
شتريد مني
-رايد سلامتج بس ليش واكفه كعدي
ماريد اكعد
-عله راحتج ....زين بدلي
هاااا
-بدلي ذبي البدله اكيد حاره عليج
ماريد اذبها
-هههههه غزل شبيج
عباس شتريد مني
-ماريد والله بس ليش هيج خايفه ماراح اسويلج شي تره ؟
ايي..لا تسوي شي ولا تحجي وياي وياريت تعوفني لوحدي
وتطلع من كتله هيج ضااج وتقرب مني
-تردين اطلع
اييي اطلع عوفني
-وين اطلع غير صرتي مرتي وابقىيمج اليلة؟
بس اني ماريد ابقه"ى يمك ..عباس تطلع لو اطلع اني
ضحك ومد ايده راد يلزمني وگال حبيبي ليش خايفه دتعاي
يمي شويه
واني صرخت بوجهه لا تلزمني عووفني
هوه تخبل ...غزل والتالي
كتلك اطلع عوفني افهم ماريدك ماريدك عوووفني
-غزل صووتج نصي منا الناس
شعليه بلناس وبچيت الخوف اكلني وگمت ارجف هوه
شافني ارجف ركض طفه التبريد
-غزل ليش ترجفين تعاي يمي
ماريد اجي يمك رجعني لاهلي عباس عفيه رجعني لاهلي
-غززززززل الحجايه هاي انسيها اني اهلج منا وغاد
تسمعين لولا
شفته مامنه فايده شلت بدلتي وردت اطلع صاح بيه ويييين ؟
جرني ودخلني وگال الله ياخذني انتي ماناويه تكبرين وتعقلين
موتج وسمج عباس
واني ابجي كتله ليش تصيح عليه شسويتلك
-استغفر الله ربي غزل فوتي جووه
عوفني اروح
-وين رايحه يبت الناس فوتي واني رايح عساني لا رجعت
خليته يطلع وقفلت الباب وكعدت بجيت لحد مامليت
اندگ لباب وگفت بسرعه اندگ مره ثانية وفرح گالت عيني
عروستنه فتحي الباب فتحته شافتني گالت يااا شبيچ
بچيت هيه دخلت الصينيه مالت العشه وقفلت لباب
فرح -غززل شبيچ
فرح خابري اهلي يجون ياخذوني
فرح-صخام الصخمني وين ياخذونج غزل
عفيه خابري امي ماريد ابقى هناا
فرح-غزل تخبلتي صلي على محمدشجرالج
بقت يمي شويه تهدي بيه وتسولف وعباس هيج وهيج
ولا تخافين راحت نزلت للگاع لميت رجليه وگعدت ابچي
غفيت ومادريت بروحي ماوعيت اله على صوت عباس وهوه يگعدني غزل ..غزل
شفته وفزيت ردت اگوم لزمني وگعدني
عباس-ليش نايمه هنا ؟ وبلبدله
عووفني
عباس-والله خبلتيني بس فهميني شبيچ
بجيت وصوتي مبحوح گتله عووفني
عاف ايدي وگابلني وگعد گال عاد گومي بدلي ملابسچ
واكلي لكمة انتي مريضه سكرچ لا ينزل
گام وجرني وياا گال راح اطلع لبسي شي وروحي غسلي
لا تطلعين بلبدلة..
خليته يطلع قفلت لباب ذبيت البدله ولبست دشداشة
اخذت منشفه وطلعت لگيته واگف يم لباب ويدخن أشرلي
على الحمام دخلت سبحت وغسلت وجهي صاير خريطه
من البچي لبست وطلعت لگيته گاعد على سجاده الصلاه
ويسبح باوعت للساعه ب١١ حييل
عباس-نزلت الصينيه لفرح تحمي العشها
ماريد
عباس-مو بكيفج انتي مريضه وعندج علاج لو نسيتي
سكتت منه وكفت كدام المراية فتحت شعري انشف بيه
شفته يباوعلي دنكت ورجعت انشف شعري گام وتقدم
وصار ورايه
-اطيني المنشفه انشفه الج
لا ميحتاج.
اخذهه مني وسحبني من ايدي گعدني وصار ورايه
وبده ينشف شعري احس نفسي مربوطه يمه حركه
ماگدرت اتحرك
عباس-تدرين صار سنين اتمنى الزم شعرچ بيدي
واليوم تحققت امنيتي
اخذ المشط وبده يمشط ورجع گال من هسه اكلچ شعرج
ممنوع توصلين اله اذا لكيته گصران شويه ايدچ اگصها
باوعتله هوه ضحك..
خلص ردت المه گال لا عوفي مفتوح حسيته تقرب مني اكثر
وخله ايده على خصري واني طفرت
عباس-ليش گمتي
شتريد تسوي
عباس-مااسوي شي تعاي گعدي
لا
عباس-وعيونچ ماسوي شي بس تعاي يمي
چذاب
عباس-هههههه وداعتچ وغلاتچ ماتقرب منچ اله برضاتچ
تعاي..مادلي ايده بس مالزمتها گعدت بس مو يمه بيناتنة
مسافه ندك لباب صااح فوتي
دخلت فرح وبيدهه الصينيه مبتسمه خلتها على الطبلة
واجتي باستني وكالت الف مبروك عباله صار شي بيناتنا
لان سابحه
هزيت راسي أي
فرح-اذا تردين شي گولي
لا ماريد ..گرصتني بخدي وطلعت
يتبع...