အခန်း(၆၅) ချီရှိုးကျဲ့ဘဝ
ကျိူးယွင်ရှန့် ကရောကပါးထွက်သွားသောလီကျင်းထျန်းကို မျက်နှာသေနှင့်စိုက်ကြည့်နေခဲ့၏။ အရိပ်အယောင်ပျောက်သွားတော့မှ လက်တစ်ဖက်နှင့်နဖူးမှသွေးများကိုသုတ်ပစ်လိုက်ကာ ခြောက်ကပ်ကပ်ရယ်မောလိုက်သည်။ သူ့အစေခံတွေအားလုံးက စိတ်ညှို့ ခံထားရတာမို့ သူ့အပေါ်သစ္စာရှိပြီးခေါင်းကိုငုံ့ထားကြတာမကြား၊မမြင်သယောင်ရပ်နေကြလေသည်။
လီကျင်းထျန်း ယန်ရှင်းနန်းဆောင်ကိုမသိလိုက်ဘဲပြန်ရောက်လာပြီး စားပွဲပေါ်ကသဝဏ်လွှာများကိုတွေငေးကြည့်နေမိသည်။ ထိပ်ဆုံးမှအမည်စာရင်းများက အမတ်ချူပ်ချင်ထျန်းကိုယ်တိုင် အသေအချာစီပေးထားသည်နံမည်များဖြစ်သည်။ ထိုထဲတွင်'ယွီကောကုန်း'ဆိုသည့်စာလုံးကတော့ မင်နှင့်ဝိုင်းထားခံရပြီး ကောင်းမင်ကဒီလူဟာကောင်းလန်ပါလို့ပြောပြထားသည်။ ယွီကောကုန်း....ဒုတိယအိမ်မက်မှာလည်း ကောင်းလန်ကသူ့ကိုယ်သူယွီကောကုန်းလို့ပြောခဲ့တယ်မလား။ ဒါဆို အိမ်မက်တွေကအမှန်လား။
လီကျင်းထျန်း လက်များတဆတ်ဆတ်တုန်လာပြီးသဝဏ်လွှာများကိုအကြမ်းပတမ်းတွန်းချပစ်လိုက်သည်။ နောက်ကျသွားပြီ အားလုံးကကောင်းလန်ရာထူးတိုးမှာကိုသိနှင့်ကြပြီးပြီ။ ကောင်းမင်စိတ်ကြည်အောင်လို့ သူကောင်းလန်ကိုအိမ်တော်တစ်ခုပါချီးမြှင့်ထားပြီးပြီ။အခုဆိုကောင်းအိမ်ကလူတွေအားလုံး ပြောင်းနေကုန်ကြပြီ။
လီကျင်းထျန်း ယင်ကောင်တစ်ထောင်မြိုချမိသော်လည်းပြန်အန်မထုတ်နိုင်သည့်ခံစားချက်မျိူးခံစားနေရသည်။ ပရဆေးလက်ဖက်ရည်တစ်အိုးပြီးတစ်အိုးသောက်နေသော်ငြား သူ့စိတ်များကမတည်ညိမ်နိုင်ပေ။ ထိုစဉ်အစေခံတစ်ဦးက ကောင်းကွေ့ကျွင်း၏အစေခံတစ်ဦးကအခစားဝင်လိုကြောင်း လာလျှောက်တင်သည်။
"ခစားစေ'' လီကျင်းထျန်းသိပ်ကိုတုန်လှုပ်နေပေမယ့် သူပြန်မလွှတ်ရဲပေ ဘာကြောင့်ဆိုသူကောင်းမင်ကိုသိပ်ချစ်သည်လေ။
"အရှင်ကျွန်မမင်းကြီးကိုအရိုအသေပေးပါတယ်။ ကျွန်မသခင်ကအရှင်မင်းကြီးအတွက်စကားပါးလိုက်ပါတယ်အရှင်။ ဒီနေ့ ချီကွေ့ကျွင်းကတော်ဝင်စာသင်ဆောင်ကိုဝင်လာပြီး မင်းသားတစ်ပါးကိုခေါ်ဆောင်မယ်ပြုနေပါတယ်။ အဲ့တာ...အရှင်မင်းကြီးဘယ်လိုများမိန့်ကြားလိုပါသလဲ'' အစေခံမိန်းကလေး၏မျက်နှာသည် ချီရှိုးကျဲ့အားအထင်သေးမှုများနှင့်ပြည့်နေမှန်းသိသာလွန်းသည်။သူကဘယ်လိုအရည်အချင်းနဲ့များမင်းသားတစ်ပါးကိုသူကမွေးစားမယ်ပြုရတာလဲ။
"ဘာမိန့်ကြားရမှာလဲ ချီကွေ့ကျွင်းကလေးမွေးစားမှာကိုခွင့်ပြုပေးလိုက်တာငါကိုယ်တော်ပဲ။ ငါကိုယ်တော်ကိုဘယ်သူအာခံဝံ့သလဲ''လီကျင်းထျန်မာထန်စွာဟိန်းဟောက်လိုက်၏။ ကောင်းမင်ကိုသူချစ်လွန်းတာနဲ့ပဲ ဘာမဟုတ်တဲ့အစေခံကတောင် စည်းကျော်တတ်နေပြီ။
အစေခံမလည်း မင်းကြီးရဲ့အေးစက်တဲ့အရှိန်အဝါတွေကြောင့်မှားမှန်းသိပြီး မြန်မြန်ပြန်ထွက်သွားတော့သည်။
တော်ဝင်စာသင်ဆောင်တံခါးဝရှေ့မှာတော့ ကျိူးယွင်ရှန့် နှင့် ကောင်းမင်တို့ထိပ်တိုက်တွေ့လျှက်ရှိသည်။
ရက်အတော်ကြာနှိပ်စက်ခံထားရတာတောင်မှ ကျောရိုးဆန့်လျှက်မော်ကြွားရောင်သာပြည့်နေသည့် ချီးရှိုးကျဲ့ကိုကောင်းမင်နားမလည်နိုင်။ ချီအိမ်ကဘာမှမရှိတော့ဘဲ သူတစ်ယောက်ပဲကျန်တာကိုများဘာအားကိုးနဲ့မော်ကြွားနေနိုင်သေးတာလဲ။ဒါကိုတွေးရင်း ကောင်းမင်ခပ်မဲ့မဲ့ပြုံးလိုက်၏။ သို့သော်အပြုံးသည်မရှည်ကြာလိုက် အစေခံတစ်ဦး၏တီးတိုးကပ်ပြောသံကြောင့် သူ့မျက်ဝန်းများပြူးကျယ်သွားရသည်။
ကျိူးယွင်ရှန့်ကပြုံးလိုက်ပြီးလက်ကိုဝေ့ရမ်းလိုက်ကာဖြင့် ''ဒါဖြင့် ကျွနိုပ်ကိုခွင့်ပြုပါအုန်း'' ဟုဆိုပြီး တော်ဝင်စာသင်ဆောင်ထဲဝင်သွားလိုက်သည်။
"မင်း မင်းကြီးကိုဘာမိစ္ဆာခေါ်ပြီးပြုစားလိုက်လို့ သူမင်းကိုချမ်းသာလိုက်လဲငါမသိဘူး။ ဒါပေမယ့် ငါကတော့မင်းကိုကောင်းကောင်းနေခွင့်ပေးမှာမဟုတ်ဘူးဆိုတာသိထားလိုက်!" ကောင်းမင်အေးစက်စွာခြိမ်းခြောက်လိုက်၏။ထို့နောက် သူ့ပုံစံကကိုယ်လုပ်တော်အချင်းချင်းဘုရင့်အချစ်လုနေသည့်ပုံမျိူး ပေါက်နေလေရာ မျက်နှာကရုတ်ချည်းခက်ထန်သွားလေသည်။
ကျိူးယွင်ရှန့် ခပ်မဲ့မဲ့ရယ်လိုက်ပြီး စာသင်ဆောင်ထဲဝင်လိုက်သည်။ စာသင်နေချိန်ကိုသူတမင်မသွားဘဲ နေ့လယ်စာစားချိန်မှသူဝင်ရခြင်းက ဒီအချိန်ဟာ ကလေးတွေကိုအကုန်လုံးမြင်နိုင်တဲ့အချိန်ဖြစ်တာကြောင့်ပင်။
သူ့ပုံစံကရောက်တတ်ရာမွေးစားလိုက်ပုံပေါက်ပေမယ့် တကယ်တမ်းကအကြံစည်နှင့်ဖြစ်သည်။ သူကအနာဂတ်ဘုရင်လောင်း လီရွှီယန်းရဲ့သစ္စာစောင့်ဆဋ္ဌမမင်းသား။ ဆဋ္ဌမမင်းသားနံမည်က လီရွှီသုန်း။ မိခင်ကနယ်စပ်နိုင်ငံငယ်လေးကဆက်သလိုက်တဲ့ ကချေသည်တစ်ဦးမို့ သူမနေရာကမယ်မယ်ရရမရှိဘဲ မီးဖွားရင်းသေဆုံးခဲ့သည်။ လီကျင်းထျန်း ပြန်ဝင်စားလာသည့်အခါမှာ သူ့အာရုံက ကောင်းမင်နဲ့ကောင်းမင်သား ပဉ္စမမင်းသားဆီမှာသာရှိပြီး အခြားကလေးတွေရဲ့သေရေးရှင်ရေးကိုတောင်ဂရုမစိုက်ပေ။
ဆဋ္ဌမမင်းသားရဲ့ဘဝဟာနိမ့်ကျပြီး ကာကွယ်မယ့်သူမရှိတာကြောင့်နန်းတွင်းမှာဆိုးဝါးစွာဆက်ဆံခံရသည်။ အခုအချိန်မှာအနိုင်ကျင့်ခံနေရပေမယ့် နောက်ပိုင်းအစေခံသုံးဦးသတ်လိုက်ပြီး ကောင်းမင်ရဲ့အာရုံစိုက်သနားမှုကိုခံရလိမ့်မည်။ ထို့နောက်ဂရုတစိုက်ပျိူးထောင်ပေးလိမ့်မည်။ လီရွှီသုန်း ဟာဒေါသကြီးပြီးခက်ထန်ပေမယ့်လို့ကျေးဇူးသိတတ်သူတစ်ယောက်ဖြစ်သည်။ကောင်းမင်ရဲ့ကျေးဇူးကိုဆပ်ဖို့ကောင်းမင်နောက်လိုက်ပြီး တိုက်ပွဲဆင်နွဲရင်းသူဟာပါရမီရှိသူဖြစ်ကြောင်းပြသနိုင်လိမ့်မည်။
ကျိူးယွင်ရှန့်လိုချင်သည်မှာ နောက်ဧကရာဇ်တင်မြှောက်ရန်ဖြစ်သည်မို့ အလားအလာအကောင်းဆုံးသူကိုရွေးချယ်လိုက်ခြင်းကအမှန်အကန်ဆုံးဆုံးဖြတ်ချက်ပေ။ ကောင်လေးကအသက်၁၃နှစ်ရှိပြီဖြစ်တာကြောင့် ကိုယ်ပိုင်အသိဥာဏ်ရှိပြီးဆုံးဖြတ်တတ်သည့်အရွယ်ရောက်နေပြီ။ ဒါပေမယ့်ကောင်းမင်တောင်သူ့ကိုပျိူးထောင်နိုင်တယ်ဆိုမှတော့ ကျိူးယွင်ရှန့်ကရောသူ့ကိုမပျိူးထောင်နိုင်စရာလား။ ပြီးတော့ သူဟာဒီမင်းသားလေးကိုဘုရင်တစ်ပါးဖြစ်လာအောင်မပျိူးထောင်နိုင်ရင် ကောင်းမင်ကိုဖျက်ဆီးဖို့ကအခြားနည်းရှာရလိမ့်မည်။
ဒါကိုတွေးရင်းကျိူးယွင်ရှန့် ထမင်းစားခန်းတလျှောက်ပတ်ကြည့်လိုက်၏။ ထမင်းဟင်းနံများကသွားရေကျဖွယ်မွှေးပျံ့နေပြီး လီရွှီယန်ကအခြားမင်းညီမင်းသားများခြံရံလျှက်ဝံ့ကြွားနေသည်။ ထောင့်တစ်နေရာမှာတော့ ပိန်ပါးပါးမင်းသားလေးတစ်ပါးထမင်းဗူးကိုကိုင်ရင်း ဆာလောင်မွတ်သိပ်စွာဖြင့်စားသောက်နေသည်။
"ညီတော်လေး ဖြည်းဖြည်းစားပါကွ။နင်နေပါအုန်းမယ် ဒီမှာဝက်နံရိုးပေါင်းလေးစား'' လီရွှီယန်းသည်ပေါင်းသင်းဆက်ဆံရေးအလွန်ကောင်းပြီး လူကိုချော့၍ပါအောင်မြူတတ်သည်။
အပြုအမူကြမ်းသည်က လီရွှီသုန်း။ ထမင်းဗူးကိုချက်ချင်းဗုံးကာ ရှက်ရွံ့စွာဖြင့် လီရွှီယန်းကိုကျေးဇူးတင်ပြီးသူဝပြီဖြစ်ကြောင်းပြောလေ၏။ မင်းသားငယ်လေးကထောင့်တစ်နေရာကိုကပ်သွားပြီး ခပ်လှောင်လှောင်ပြုံးလိုက်သည်။ လီရွှီယန်းဟာတကယ်ပဲကြင်နာတတ်သလား?ဝေးပါသေး တကယ်ကြင်နာတတ်ရင် သူဒုက္ခရောက်နေကြောင်းမသိဘဲနေမလား။ အစေခံတွေနေ့တိုင်းသူ့ထမင်းဟင်းတွေခိုးစားနေမှန်းသိလျှက် ဘေးကကြည့်နေပြီးမှသူတော်ကောင်းလာလုပ်ပြနေတာ။ ကြောင်သူတော်ကြွက်သူခိုးစရိုက်နှင့် လီရွှီယန်းကို လီရွှီသုန်းအော့နှလုံးနာမိသည်။
ပြတင်းနားမှကျိူးယွင်ရှန့်ကထိုမြင်ကွင်းကိုကြည့်ရင်း ရယ်လိုက်မိ၏။ သူကကောင်းသားအဖ လီရွှီသုန်းကိုသိမ်းသွင်းပြီးလောက်ပြီလိုအထင်ကြီးမိထားတာ။ ဟုတ်ပါတယ်လေ လက်ရှိ လီရွှီသုန်းကဘာအစွမ်းအစမှမရှိတဲ့လူတစ်ယောက်ပဲ ဘယ်လိုလုပ်ကောင်းမင်မျက်လုံးထဲဝင်ပါ့မလဲ။ ကောင်းမင်ဟာလူအကဲခတ်တော်တာတော့ သူဝန်ခံရမည်။ လီရွှီသုန်းဟာ ဝံပုလွေအရိုင်းပေါက်စလေးတစ်ကောင်ဖြစ်ပြီး အန္တရာယ်ပြုလာသူမှန်သမျှကိုက်တတ်သလို တစ်ခါကျေးဇူးပြုလိုက်ပါကတစ်သက်လုံးသစ္စာရှိမည့်လူစားမျိူးလည်းဖြစ်သည်။
ကျိူးယွင်ရှန့် အထဲဝင်သွားသည့်အခါ လီရွှီယန်းအပြင်မင်းသားငယ်အားလုံးကိုသူ့ကိုဦးညွှတ်နှုတ်ဆက်ကြလေသည်။ ဒါပေမယ့် သူ့အာရုံမှာအဲ့ကလေးတွေမရှိ ခြေလှမ်းတို့က လီရွီသုန်းရှိရာအရပ်ဆီသို့သာ တစိုက်စိုက်မတ်မတ်ဦးတည်ထားလိုက်သည်။ ထို့နောက် လီရွှီသုန်းလက်ထဲကထမင်းဗူးကိုအတင်းဆွဲလုယူလိုက်သည်။
"ဆန်လုံးညိုနဲ့မုန်လာထုပ်ရေလုံပြုတ် ဘယ်သူကမင်းကိုဒီလိုမျိူးကျွေးတာလဲ'' ထမင်းဗူးဟာပြောင်စင်နေပေမယ့်လို့ ကျိူးယွင်ရှန့်နှာခေါင်းကတော့အနံ့ ကိုကွဲကွဲပြားပြားခွဲနိုင်သေးသည်။
လီရွှီသုန်းကကြောင်အစွာနှင့် ကျိူးယွင်ရှန့်ကိုမော့ကြည့်နေလေသည်။ ချီကွေ့ ကျွင်းဘာကြောင့်သူ့ကိုလာအာရုံစိုက်နေသလဲသူနားမလည်။
"မင်းအစေခံဘယ်မလဲ။ခေါ်ခဲ့စမ်း'' လီရွှီသုန်းကမဖြေဘဲဆက်ညိမ်နေတော့ ကျိူးယွင်ရှန့်သူ့နားရွက်ကိုဆွဲလိုက်သည်။
ထိုအခါမှလီရွှီသုန်းလည်းအသိပြန်ဝင်လာတော့သည် ''အပါးတော်မြဲက ဝါးခန်းမထဲမှာနေ့လယ်စာစားနေတုန်းပါ။ သူပြီးရင်လာပါလိမ့်မယ်''
ကျိူးယွင်ရှန့် အနီးနားကမိန်းမစိုးတစ်ဦးကိုလက်ဟန်ပြပြီး လီရွှီသုန်းရဲ့အစေခံကိုသွားခေါ်ခိုင်းလိုက်သည်။ ထို့အတူ စားမကုန်သေးသည့်ထမင်းဗူးပါ ပါလာ၏။
ကျိူးယွင်ရှန့် ထမင်းဗူးကိုငုံကြည့်ရင်း ခပ်ရွဲ့ရွဲ့ပြုံးလိုက်သည်။ ''ဆန်ချိူမွှေး၊ကြက်ပေါင်းဟင်း နဲ့ လေးရာသီပင်လယ်စာ စွပ်ပြုတ်ပါလား သိပ်ကောင်းတဲ့နေ့လယ်စာပဲ။ မေးပါရစေအုန်း မင်းကမင်းသားလား သူကမင်းသားလား''
အစေခံရဲ့ခြေထောက်တွေဟာကြောက်ရွံမှုကြောင့်တုန်ရီလာပြီး အမြန်ဒူးထောက်ဦးကုန်းချရင် အသနားခံတော့သည်။ သို့ပေမယ့် ကျိူးယွင်ရှန့် က ဂရုမစိုက် လီရွှီသုန်းကိုသာဆွဲခေါ်သွားလေသည်။ အများအမြင်မှာတော့ သူဟာဆိုင်းငံ့ခံထားရသည့်အပြစ်သားသက်သက်သာဖြစ်နေသေးသည်။ အစေခံတစ်ယောက်ကို ကိုယ်တိုင်အပြစ်ပေးလိုက်ရင်မလိုအပ်တဲ့ကောလဟာလတွေပြန့်သွားနိုင်တာမို့ ဒီကျွန်ကိစ္စကိုတော့ လီကျင်းထျန်းလက်ထဲသာထိုးထည့်လိုက်တော့မည်။
"ချီကွေ့ကျွင်း ကျွန်တော့်မှာအတန်းရှိသေးတယ်။ ဒီလိုထွက်သွားရင်ဆရာစိတ်ဆိုးလိမ့်မယ်ဗျ'' လီရွှီသုန်းက ပူထူနေတဲ့နားရွက်ကိုပွတ်ရင်းဆိုလိုက်သည်။ သူ့အနေနဲ့အခုလို ရင်းနှီးလွန်းသည့်အသားချင်းထိကပ်မှုမျိူး မွေးကတည်းကပင်မခံစားခဲ့ရဖူးချေ။
"ဘာအတန်းလဲ ။ ငါတို့ဒီနေ့ပဲဇီချန်နန်းဆောင်ကိုပြောင်းကြမှာ။ အခုချိန်ကစပြီး မင်းကငါ့သားပဲ'' ကျိူးယွင်ရှန့် ဆဋ္ဌမမင်းသားလေးကဲ့ခေါင်းကိုကိုင်ရင်းပြောလိုက်သည်။
အဟာရချိူ့တဲ့မှုကြောင့် လီရွှီသုန်းဟာ လီရွှီယန်းထက်လူကောင်သေးပြီး ၁၀နှစ်သားသာသာထင်ရသည်။ တကယ်တမ်းမှာ သူတို့ဝါအသက်တူတူဖြစ်ပြီး မွေးနေ့တောင်မှလအနည်းငယ်သာကွာကြသည်။
"ကျွန်တော်ကခင်များသား?'' လီရွှီသုန်း အံ့အားသင့်မှုကြောင့်ရုတ်တရက်သူ့ခေါင်းပေါ်ကလက်ကိုဖမ်းဆုပ်လိုက်မိသည်။
"ငါ့မှာမိသားစုနောက်ခံမရှိပေမယ့် မင်းကိုတော့ကာကွယ်ပေးနိုင်ပါတယ်။ ငါကတစ်ကိုယ်တည်း၊ မင်းကလည်းမိဘမဲ့ဆိုတော့ နောက်ကျရင်တစ်ယောက်ကိုတစ်ယောက်မှီခိုနေထိုင်သွားကြတာပေါ့ ဟုတ်ပြီလား'' ကျိူးယွင်ရှန့် ကိုယ်ကိုကိုင်းပြီး ကောင်လေးရဲ့မျက်ဝန်းတွေကိုနူးညံ့စွာကြည့်ရင်းပြောလိုက်သည်။
သူ့မျက်လုံးတွေကကြည်လင်တောက်ပနေပြီး စိတ်ညှို့စွမ်းအင်သုံးထားခြင်းမဟုတ်ဘဲ အမှန်တကယ်စိတ်ရင်းပါသည့် အကြည့်များနှင့်ဖိတ်ခေါ်ခြင်းဖြစ်သည်။ ဒီစကားတွေကပေါသောနိုင်ပေမယ့်လို့ တကယ်တမ်းလိုအပ်သူကိုပြောတဲ့အခါမှာတော့ အမှန်တကယ်နွေးထွေးလွန်းသည်။ လီရွှီသုန်း ရဲ့ အိမ်မက်ဟာလည်း တစ်စုံတစ်ယောက်ကိုချစ်ဖို့နဲ့အချစ်ခံရချင်တာဖြစ်သည်။ နီရဲလာတဲ့မျက်ဝန်းတွေကိုမျက်ရည်တွေကိုထွက်မကျလာအောင်ထိန်းပြီး သူခေါင်းခပ်ကြမ်းကြမ်းညိမ့်လိုက်၏။
ကျိူးယွင်ရှန့် ကိုယ်ကိုပြန်မတ်ကာရယ်မောလိုက်သည်။ နေရောင်ခြည်ကသူ့အပေါ်တောက်ပစွာဖြာကျနေသည်ကို လီရွှီသုန်း မင်သက်စွာငေးရင်း ရောသောရယ်မောလိုက်မိ၏။
....
ယန်ရှင်းနန်းဆောင်မှာတော့ တော်ဝင်အထိန်းတော်ကြီးကမင်းကြီးကိုအချိန်ကိုက်လျှောက်တင်သည်။ ''မင်းကြီး ချီကွေ့ကျွင်းက ဆဋ္ဌမမင်းသားကိုမွေးစားလိုက်ပါတယ်''
"ဆဋ္ဌမ? ဘာလို့ မင်းသား၁၂မဟုတ်တာလဲ '' လီကျင်းထျန်းထူးဆန်းသည်ဟုခံစားလိုက်သည်။ အရင်ဘဝကချီမိသားစုကမင်းသား၁၂ကိုဖွက်ထားပြီးနန်းတင်ခဲ့တာပါ။ ဒါကြောင့် ချီရှိုးကျဲ့ကိုလည်းတူတူပဲလုပ်လောက်မယ်ထင်တာ။
မင်းသား၁၂ကခြောက်နှစ်သားပဲရှိသေးပြီး အငယ်ဆုံးမင်းသားလေးဖြစ်သည်။ သူ့ မှာကိုယ်ပိုင်အသိဥာဏ်ဆိုတာမရှိသေးတာကြောင့် မင်းသား၆ထက်ဘဝကြမ်းလေသည်။
အထိန်းတော်ကြီးက အသက်ကိုမရဲတရဲရှူပြီး ''မင်းကြီး....မေ့သွားပြီလား။ မင်းသားလေး၁၂က မရှိတော့ဘူးလေ''
"မရှိတော့! ဘယ်လိုဖြစ်တာလဲ'' လီကျင်းထျန်းလန့်သွား၏။
အထိန်းတော်မိန်းမစိုးကြီးက တုန်ရင်စွာဦးညွှတ်ပြီး ''လွန်ခဲ့တဲ့သုံးနှစ်က မင်းသား၅အဆိပ်မိပြီးမေ့မျောနေတုန်း မင်းကြီးကသမားတော်အားလုံးကိုထိုက်ချန်းနန်းဆောင်မှာခစားခိုင်းတဲ့အချိန် မင်းသားလေး၁၂ကလည်းအပြင်းဖျားနေခဲ့တာပါ။ ဒါကြောင့် သူ... သူ''
မိန်းမစိုးကြီးပြောလို့မပြီးပေမယ့် လီကျင်းထျန်းအလုံးစုံနားလည်လိုက်သည်။ သမားတော်တွေက မင်းသား၅ကိုအာရုံစိုက်ဖို့အမိန့်ပေးခံထားရတာကြောင့် မင်းသား၁၂ကိုကုသဖို့နှောင့်နှေးသွားရတာပဲ ။ သူ့နေရာကိုဆက်ခံမယ့်နောက်ဆုံးသွေးဆက်ကမရှိတော့ဘူးတဲ့လား။ ချီမိသားစုကငါးနှစ်လုံးဖွက်ထားခဲ့တဲ့ကလေးက မရှိတော့ဘူး...။
လေးလံတဲ့ကြောက်ရွံမှုက လီကျင်းထျန်းရင်ဝကိုဆောင့်ဝင်လာပြီး ပလ္လင်ပင်ယိုင်နဲ့လုခံစားလိုက်ရသည်။ သူထင်ခဲ့တာ ဒီဘဝတော့အရာအားလုံး အကောင်းဖက်မှာရှိနေခဲ့မယ်ပေါ့။ သူမှားနေခဲ့တာပဲ။ အရာအားလုံး သူ့ထိန်းချူပ်မှုအောက်မှာလို့ထင်ထားပေမယ့် တကယ်တမ်းသူ့လက်ထဲက လွှတ်ထွက်နေခဲ့တယ်။
လီကျင်းထျန်းတုန်ရီလာသည်။ မင်းသား၁၂ဘုရင်ဖြစ်လာတယ်ဆိုတာ ကျိူးယွင်ရှန့်ဖန်တီးထားတဲ့အတုအယောင်မှတ်ဥာဏ်မှန်း သူမသိရှာ။ ကျိူးယွင်ရှန့်လိုချင်သည်ကလည်း သည်အချက်ပေ။ လူတစ်ယောက်ရဲ့အာနည်းကကြောက်ရွံခြင်းပဲမဟုတ်လား။ ကြောက်ရွံ့ ခြင်းသာဝါးမျိူသွားရင် ကျေးဇူးတရားဟာလည်းပျောက်ကွယ်သွားလိမ့်မည်။ လီကျင်းထျန်းအခုချိန်ကစပြီး ကောင်းမင်ရဲ့ကျေးဇူးတွေအစား အမှားတွေကိုသာမြင်နေတော့မှာအသေအချာပင်။
လူ့ပင်ကိုယ်သဘာဝကိုကထိခိုက်လွယ်တာကိုး။
28-2-19
TN - လီကျင်းထျန်းပြောနေတဲ့အရင်ဘဝမှာ ချီရှိုးကျဲ့က ဘယ်တုန်းကမှ လီကျင်းထျန်းပေါ်သစ္စာမရှိခဲ့ဘဲ သစ္စာရှိတယ်ဆိုတာ အကုန်ကျိူးယွင်ရှန့်ရဲ့လိမ်ဆင်တွေပဲဖြစ်တယ်။
ဒါကြောင့် ဒီArc က IC အကြိုက်ဆုံးArcထဲကTop1ဖြစ်နေတာပဲ။ ဘာလို့ဆိုဒီArcမှာ ကျိူးယွင်ရှန့်ကလုံးဝဗီလိန်တစ်ယောက်ရဲ့ကြင်အင်လက္ခဏာနဲ့ပြီးပြည့်စုံနေတယ်။ တကယ့်ဗီလိန်မာယာဆိုတာ ဒါမျိူးပဲ။
Big warning - ဘာမှန်းမသိ Upဆိုတဲ့တစ်လုံးထဲတွေ ။ ' ပေါ်လာသေးတယ်နော် ' လိုမျိူးမန့်တွေမမန့်ရ။ 🙄 ဟုတ်တယ် အိုင်မသေသေးဘူးအကောင်းကြီးပဲ။ အဲ့လိုမန့်တွေမြင်ရင်သွေးတက်လို့ နောက်သုံးဘဝလောက်ထိupdateမလုပ်ချင်ဘူး ဘယ်နဲ့ လူကိုသိပ်သေစေချင်နေကြသလိုပဲ:3