اثناء ماه بجهزو عشان يطلعو من المستشفي جات داخله ام سعيد ومعاها خالتو وكان باين ع وشها انها خايفه شديد ع جميله لما جات داخله سلمت علي سعيد وسالتوً جميله مالها 😳😳.... مافي شي ي امي تعبت شويه واغمي عليها انتي كنتي وين من قبيل وليه اتاخرتي .... انا كنت مع خالتك ف السوق وانت لما انصلت علي انا كنت قربت اصل البيت ومن هناك جيت ع المستشفي طمني هسا هي كيف والخلاها يغمي عليها شنو 😨😨.....
رد عليها وهو شكلو حزين ماعارف ي امي جميله ليها كم يوم كده ماطبيعيه بتحلم بكوابيس خلتها ماقادره تنوم وانا خايف عليها شدي 😔😔😔....
بسم الله الرحمن الرحيم كوابيس شنو ي ولدي 😰??! ......
والله ي امي ماعارف خليها بعد تروق بكره تحكي ليك المهم هسي لاذم نخليها ترتاح وماتخليها تعمل اي شي ف البيت ي امي لحد تلد يمكن ده بس ارهاق وانتي عارفاها عنيده ومابتقدر تقعد حته واحد 😥.....
معقوله ي ولدي جميله دي بنتي الماولدتها مابتوصيني عليها هسي خلينا نطلع انا جو المستشفيات ده مابحبو بحس اني حامرض طوالي 😤😤...
طيب ي امي يلا
(طلعو من المستشفي ومشو البيت حميله كانت نايمه لحد وصلو البيت وطلعو غرفتهم سعيد صحاها واداها حليب ونومها تاني كانت نايمه نومه عميقه سعيد فكر يتصل بصحبو ويطلب منو يشوف ليهو بت تشتغل ليهم ف البيت لانو صحبو عندهم واحده شغاله معاهو وممكن تساعدهم ع الاقل تساعدهم وتقوم بشغل البيت صاحب سعيد اسمو علي اخد التلفون ونزل تحت اتصل عليهو وكلمو بس سعيد من صوتو واضح انو مهموم ومقلق ومامرتاح لما علي سالو قال ليهو انو محتاج يقعد معاهو لانو متضايق وحابي يحكي ليهو بحاجات كتيره حاصله معاهو بعد المكالمه طلع سعيد ونام جنب جميله وبعد تقريبا ٣ ساعات اللي هي كانت الساعه ٢ صباحا جميله فجأه صحت من النوم وكانت عرقااانه شديد نزلت من السرير ومشت باتجاه الباب وقعدت تحت وبقت تضرب في راسها ب الباب براحه براحه بس بعد شويه بقت تضرب راسها شديد😧 سعيد صحي مخلوع وشاف جميله ف نهايه الغرفه بتضرب راسها ف الحيط شديد لدرجه انو الصوت خلاهو يصحي من النوم سعيد اتخلع وجري علي جميله ختا يدو بين راسها وبين الحيطه وجميله لسه بتضرب ف راسها ع يدو قعد ولما عاين ف وشها لقي دموعها نازله بغزاره كانت بتبكي شديد بس من غير صوت 😭😭😭😭😭😭😭😭😭 ...... شششششش جميله حبيبتي بتبكي ليه مالك في شنو احكي لي انتي الحاصل معاك شنو حبيبتي وريني فيك شنو وسعيد بقي يبكي كمان وهو حاضنها .... ردت عليهو وهي بتبكي شديد انا تعبانه ي سعيد انا ماكويسه انا مخنوقه وبقت تبكي وتبكي سعيد بي حاضنها وببكي كمان بس بقي يقول ليها .... انتي كويسه حبيبتي مافيك شي اطمني 😭 ..... لحد مانامت اخدها وطلعها السرير الصباح صحي قبلها ونزل قعد مع امو تخت وبقي يحكي ليها في الحاصل من اول مره امو طبعا اتخلعت شديز وقالت ليهو ....
اسمعني هنا ده اكيد عين او اعوذ بالله راكبها جن مرتك دي 😰.....
ي امي جن شنو انتي بتؤمني بالخرافات دي بس 😪 ...
يً ولدي ماخرافات الجن مذكور ف القرآن انت ماعارف يعني 😡....
عارف عارف ي امي بس لالا انا مامقتنع بالفكره دي انا حاخدها بعد تصحي واطلع ع المستشفي تاني .....
ي ولد انت جنيت دكاتره شنو البعالجوها مرتك محتاجه شيخ يقرا ليها قران ويطلع الحاجات المعموله ليها انا ح اكلم خالتك ونوديها سوا وانت يااخوي لو خايف ماتجي معانا ✋🏻😏....
لالالا ارجوك ي امي ابعدي جميله عن الحاحات دي جميله كويسه وده شويه ارهاق من الحمل انا مستحيل اوافق بحاجه زي دي لاتكلمي خالتي ولاشي 😡😡😡 انا طالع ماشي الاقي علي عشان عايزه يجيب بنت تشتغل ف البيت من الليله لاانتي لا جميله ماعايز وحده فيكم تشتغل ✋🏻....
ي ولدي شغاله ليه هو بزار قروش يعني انا براي بدبر حالي .... رد عليها وهو بلبس ف الجكت بتاعو لانو الدنيا كانت شتاء وفي برد شديد انا طالع ي امي ده ماموضوع مناقشه خلي بالك من جميله ولو حصلت اي حاجه اتصلي علي تمام!!..
حاضر تمام انت بس خلي بالك من نفسك وافطر طيب شوف وشك ده بقي كيف من عدم الاكل 😪😪...
طلع سعيد ولاقي علي في بيتهم وجاب ليهو شاي وهو بتكلم معاهو بس سعيد سرحان ومامنتبه مع علي لحد ماعلي ضرب الملعقه ف الكبايه وقال ليهو ..
سعيد انت مالك الليله ماعاجبني من قبيل بتكلم معاك وانت شارد ف شنو 🙄🙄😳....
والله ي علي انا مخنوق ومتضايق انا ي علي (هنا تلفون سعيد اتصل وكانت المتصله مياده بس سعيد قفل الخط ف وشها ورجع يتكلم تاني ) انا ماعارف انا عملت كده كيف بس انا بخون جميله ي علي انا بخون جميله وبخونها جوه بيتها كمان ومع صحبتها انا متضايق شديد 😭😭😭😭✋🏻 .... الخبر وقع ع علي زي الصدمه وفتح عيونو وقال ل سعيد شنووووووو ؟؟؟! بتخون جميله 😳😳😳 كيف الكلام ده ي سعيد انت وجميله بتحبو بعض تلاته سنه قبل الزواج وتعبتو وعانيتو عشان الزواج ده يكمل (طبعا اللحظات دي كلها ومياده بتتصل ب سعيد وسعيد كان بعاين ف الار
ض ودموعو ناذله وماقادر يتكلم واصل علي كلامه ) انت اكيد بتهظر ي سعيد كده ارفع راسك ده واحكي لي اي شي والموضوع ده بدا متين واقفل تلفونك ده ياخ صرعتنا بيهو 😳😡.....
قفل سعيد التلفون خالص وبدا يحكي ل علي كل شي وبدايه علاقتو مع مياده كانت ولما كان بحكي كان ظاهر ف وشو علامات الاستياء وانو قرفان من حالو وانو ماقادر يتخلص من مياده لانها بتهددو انو توري جميله كل شي وهو خايف يفقد جميله ،،.
#في_الاثناء_دي مياده كانت ف البيت بتشرب ف سجاير وبتتصل وبتصل ولما اتصلت تاني لقت التلفون مقفول زهجت وبقت تشرب ف السجاير زي المجنونه وتتكلم مع نفسها وتقول طيييب ي سعيد تستاهل كل الحايحصل ليك 😡😡😡 ...
جميله صحت من النوم ونزلت تحت لقت ام سعيد واقفه ف المطبخ وبتقطع ف لحمه سلمت عليها
امي كيفك صباح الخير 😊...
اهلين يابتي انا كويسه انتي كيف وبقيتي كيف احسن
ايوه احسن سعيد وين ....
طلع قال ماشي لعلي وجاي مابيتاخر لانو الليله مامشي الشغل ...
طيب ي امي تحبي اساعدك ف شنو ☺...
ولاشي يابتي امشي ارتاحي بس زي ماطلب منك الدكتور قبل ماتتحرك جميله فجأه كده بقت مركزه شديد في يدين ام سعيد وهي بتقطع اللحمه وام سعيد بقت تقطع وتقطع وختت السكينه ف اصبعها وبقت تقطع ف اصابعها 😱😱😱 واحد واحد مع كل قطعه اصبع الدم بيطير ف وش جميله جميله واقفه مخلوعه وماقادره تنتطق وام سعيد ولارفعت راسها ولاصرخت ومواصله ف تقطيع اصابعها جميله بقت تتكلم معاها وهي خايفه وبتحاول تقرب منها
امي امي ده شنو البتعملي فيهو ده ي امي لا ي امي وقفي انا خايفه بطلي البتعملي فيهو ده انا خايفه ي امي 😭😭😭😭😭ومسكت ام سعيد من كتفها وصرخت قالت ليها لااااااا ام سعيد لما قبلت علي جميله كان منظرها مختلف كانت بتشبه المره الشافتها جميله ف المطبخ قبل يومين شعرها منكوش اسود وبتطلع منو ثعابين وعيونها كلها باللون الاسود والدم سايل من عيونها واسنانها حاده بشكل غريب جميله بقت تصرخ لاااااااااا لاااا سيبني لا عايزه مني شنو انتي ردت عليها ام سعيد انا عايزه البيبي وعايزه روحك 😡😡😡 وقعت جميله ف الارض وختت يدينها قصاد وشها وبتصرخ ابعدي مني ابعدي مني بعد شويه الصوت الكان طالع من ام سعيد اختفي ولما حميله زحت يدينها من وشها لقت ام سعيد شايله كبايه الحليب وواقفه قصادها مخلوعه 😨😨😨وبتعاين ليها وبتتكلم معاها .... بسم الله الرحمن الرحيم جميله انا جايبه ليك الشاي مالك يابتي فيك شنو ،، جميله لما ركزت لقد يدين ام سعيد طبيعيات ولقتها شايله الحليب خلتها ف مكانها وجرت قفلت باب غرفتها عليها وبقت تبكي وتبكي وتبكي ... ام سعيد اتصلت لسعيد وقالت ليهو ....
لالا الموضوع ده فات عن حدو جميله كانت معاي ف المطبخ وفجاه قعدت ف الارض وهي بتصرخ وبتعاين ع السكين وبتقول ايعدي مني عايزه مني شنو جميله مابخير ي ولدي ولاذم نتصرف ✋🏻😔
سعيد اعتزر من علي بعد اتفق انو يشوف ليهو البت الشغاله وطلع جاري علي البيت وع الغرفه امو جات طالعه وراهو طلب منها يطلع براهو وفعلا طلع براهو واتفاجأ من الحاجه الشافها قدامو 😳😳😳😳😳😳