رواية / شنطة سفر
( قلوب موجوعة )
الفصل ( 13 )
=*=*=*=*=*=
فيفى : انا طبعآ
بدرية : وانا كمان
لواحظ : وانا معاكم
هيام : لا خليكى انتى يالواحظ هنا فى امان بعيد عن عين اهلك
فريدة : هتفضلى مع فاتن وخلوا بالكم من ادم الحمد لله اننا فى اجازة اخر السنة كدة مش هيخرج من بوابة المزرعة وابقى قولى لطنط مديحة كل شيئ نصيب ياماما
خديجة : حاضر ربنا يحفظكم
شهاب : هنطلع ننام تصبحوا على خير
هيام : زوجنا على ورق بس
شهاب. : تمام موافق
هاشم : هو يوسف لسة مجاش
شهاب : شكلة لسة برة بيهلك نفسة فى ركوب الخيل
هاشم كتر خير بقالة 14 سنة فى عذاب
شهاب : اية رأيك شكلنا هنورط نفسنا فى زواجة مورهاش غير المشاكل ووجع الدماغ
هاشم : بصراحة فريدة عجبانى ومكنتش اتمنى زوجة احسن منها بنت جدعة يعتمد عليها
شهاب : شكلك واقع امال لية لازمة كلمتك شوفوا حد يرضى بيكم ويتبرع ويتزوجكم
هاشم : كنت بغتت عليهم
شهاب : يارب يوسف يوافق مش عوز اعمل حاجة غصب عنة
يوسف : هو فى اية افهم
هاشم : من الاخر بكرة هنكتب كتابنا على هيام وفريدة
يوسف: الف مبروك دة شيئ يخصكم طبعآ المفروض انى انا مش اخواكى انا من المعازيم
شهاب : والله ما نقصد كل الحكاية انى عوز اساعدهم
يوسف : مليش فية تصبحوا على خير
هاشم : عوزين نساعد سجدة اللى ابوها مطلع ليها شهادة وفاة وهى عايشة
يوسف : دى مشاكلكم انتم احرار
شهاب : تعرف واحد اسمة محمود سعيد بدران هو عضو مجلس الشعب
يوسف : وصاحب شركات بدران للبناء والتعمير ماله دة
هاشم : دة ابو سجدة
يوسف : ازاى دولادة لسة صغيرين مش شايف انها واسعة شوية
شهاب هو فعلا ابو سجدة وامها سيدة الاعمال مرفت ماهر ياسين عضوة مجلس الشعب
يوسف : بتهرج صح مرفت تبقى مرأت حاتم خميس الطويل
شهاب : حاتم دة زوجها التانى انما محمود بدران يبقى زوجها الاول وابو سجدة
يوسف : قوم انت وهو حضرو افطار كويس مهو خلاص النوم طار
هاشم : دادة سيدة
يوسف : سايبها نايمة حرام عليك حضر انت الفطار هاخد شور
هاشم _: لا كدة حرام هو انا لا لاقى احترام من البنات ولا منك
يوسف : مهو من خابتك ههههههه
شهاب : بقولك زمان المطبخ اشتغل هاروح اجيب فول وجبنة
هاشم /وانا هاعمل بيض وفى عسل كدة تمام
منصور : خليل ياخليل
خليل : اخلص عوز انام
منصور : عوز حاجة للصداع
خليل : معنديش روح اتخمد وخف من النت شوية انا مش هادفع الاشتراك انا مش باستخدمة لانى طول النهار برة
منصور : ما انا عارف اصل القاعدة عند ميمى ام محسن حلوة
خليل : وانت مال اهلك اقسم بالله ارميك فى الشارع مش كفاية شايل قرفك اكل وشرب ونور ومية ونت وابقى روح القسم شوفهم وصلوا لاية
منصور : خلاص قصرنا هادخل انام
خليل : غور ميوعاك تصحى يابعيد
منصور : وانت من اهلة
يوسف : الحمد لله قول الحكاية من الاول
شهاب: بص ياسيدى الحكاية. هى وحكى لة
يوسف : انا فعلا فاكر انى جبت سجدة لاقيتها قاعدة جنب الطريق بتبكى بس لما سألتها قالت ان ابوها وامها ماتوا وفى ناس عوزة تخطفها
هاشم : ياريتهم كانوا ماتوا دول ميتين الضمير
يوسف: وهتعملوا اية
هاشم :عوزين نعرف نقطة ضعف محمود بدران
يوسف : الستات والشرب بس الشرب على خفيف
شهاب : هو انت اتعاملت معاه
يوسف : ايوة قبل حكاية وشى دى ودخلت فيلاتة كذا مرة
هاشم : الله ينور عليك اوصفلى الفيلا من جوة وهو فيها خزنة
يوسف : ايوة فى واحدة فى المكتب على ايدك الشمال خلف البرواز
هاشم : فل عليك خليك جدع وعرفنا على حد يسرق الخزنة دى اكيد فيها اوراق مهمة هنضغط علية بيها
يوسف : انا مستعد افتح الخزنة بس المكان يكون مامن
شهاب : لا نشوف حد احسن
يوسف : انت ناسى ان تخصصة الكترنيات اى خزنة مش هتاخد فى ايدى دقيقتين
هاشم : عوزين شقتك القديمة نقعد فيها احنا والبنات
يوسف : واية لازمة البنات خليهم هنا
هاشم : لا هم لازم يشاركو امال اية لازمة كتب الكتاب مهو علشان نقدر نحميهم من ابوهم وابن عمهم اللى رافعين عليهم قضية سرقة
يوسف: ابوهم رافع عليهم قضية سرقة طب ازاى دشكلهم غلابة
شهاب : هم كدة انا فى الاول كنت فاكر ان وراهم بلاوى علشان تلات بنات وامهم والولد الصغير فبحثت عنهم لاقيتهم غلابة منة لله ابوهم راجل مفترى وكمان ابن عم ابوهم راجل شرانى عوزين يعيشوا عالة على البنات
يوسف : شكلنا مش عايشين فى الدنيا
هاشم : المفتاح يابرنس
يوسف : بشرط محدش يدخل اوضة نومى
شهاب : مقدرش اوعدك دول بنات مفترية
يوسف : اللى ميقدرش يحكم على مرأتة ميبقاش راجل
هاشم : ههههههههه مش لامة يعترفوا بينا اصلا دلولا اننا هنساعدهم فى رجوع حق سجدة مكنوش وافقوا اصلا
يوسف : بنات غريبة فعلا لو حد غيرهم كان اتمنى زواجة زى دى راحة وفلوس
شهاب : بمناسبة الفلوس تصدق هم بقالهم شهرين يشتغلوا كلهم الفترتين مفيش واحد غابت علشان يبقى معاهم فلوس يقدرو بيها يرجعوا حق سجدة
يوسف: كلهم ازاى يعنى فيفى ولواحظ معاهم
شهاب : ايوة طبعا هم السبعة مع بعض ايد واحدة فى كل حاجة حتى لو الماكنة اتعطلت هيام بتصلحها
يوسف : عندكم حق تنشغلوا بيهم بنات زى دى تسد وتقف جنب زوجها مش زى
هاشم : الزفتة فريدة ان ربك لبمرصاد زوجها موريها الذل ضرب واهانة
يوسف : ربنا يسهلها كل شيئ نصيب هنام انا
شهاب : دعمر بيرن علية
هاشم : دبينادى شكلة تحت
شهاب : ايوة يابنى تعالى اطلع
عمر : لا بس البنات فى الشغل دلوقت قلت اشوفكم هتعملوا اية
يوسف : اطلع يازفت
عمر : هههههه طلما فيها زفت يبقى الدار امان ههههههه طالع وعوز افطر
هاشم : ارجع شغلك داداة نزلت تجيب الاكل
عمر : صباحكم فل اعرسان
هاشم : اهى عينك دى هى اللى هتفركش ام الزواجة من قبل ما المأذون يكتب
عمر :بمناسبة المأذون البنات بتقول نكتب فى البريك علشان نخلص طلبية الحاج فراج النهاردة
يوسف : مستحيل دى عوزة على الاقل اسبوع شغل
هاشم : دكان زمان دلوقت فى انضباط وشغل نضيف بجد
يوسف : كان نفسى اتابع الشغل واشتغل معاكم زى الاول انما دلوقت انا واحد عاطل
هاشم : انت الاساس يابرنس روق عوزين نشوف دكتور كويس تتابع معاه
يوسف : ههههه اكبر دكتور برة قال مفيش غير شال طبقة الجلد وبعد كد هاكون راجل من غير مايطلع شعر دقنى خالص وكمان العملية مش مضمونة
عمر : روق كدة وقول يارب هامشى انا سلام
هاشم : روح هات المأذون وعلى فكرة لازم تحضر كتب الكتاب
يوسف : الف مبروك مش هاقدر مش عاوز انكد عليكم البنات لو شافت وشى هتتفزع
شهاب : هى كلمة لازم تحضر كتب كتابا
يوسف : انا هاتابع من خلف الستاير يلا امشوا عوز انام
هاشم : مفيش فايدة فيك هتفضل حابس نفسك زى ماتكون بتعاقبها
يوسف : انا كل الحكاية باتجنب نظرة الشفقة والتقزز من شكلى
هاشم : انا نازل وانت اية نظامك
شهاب هاروح مشوار واجيب المأذون فى ايدى وانت على شغلك
هاشم : حاضر نتقابل فى البر٠٠٠٠٠٠٠٠٠٠٠
#للاحداث_باقية بقلم / هبة أحمد