مساء الخير متابعيني الاعزاء اتمنى لكم قراءه ممتعه
البارت الثامن.
🌸 معاناتي بسبب يتيم. 🌸
🌹 لكاتبه رونق 🌹
طلعت الدكتوره كالت الحمد لله ع سلامته
عده مرحله الخطر وفاقت من البنج
طلعوه كدامنه وجه اصفر دزوه للغرفه
غرفة الاهلي تصير زغيره واحنه ماشاء
جاين وياه عشيره اهلي واهلهه
ارتاحيت من شفته خفت عليه كلش
حته الطفل نسيته وره شوي صحت
تسال عن ابنه جابوله ابنه يمه وتبوس بي
وتبجي اخذتلهم صوره هيه وياه
وكالو باجر طلعوه لازم تبقه اليوم تبات هنا
صدك بقت امي وامه وياه
ثاني يوم طلعناه راحت يم اهله امه
كالت اني اداريه صادف جابت بشهر التاسع
يعني عطله همزين من صالحه حته ترجع
عافيته. ضلت شهر يم اهله اني يوميه اروحله
وادز مسواك ومصرف وحفاضات وحليب
طكت روحي ردته ترجع وامه معانده
بعده ومتعرف لطفل وعمليته بعده
كوه تحملت خلص الشهر ورجعت
من اجت للبيت امي اتكلفت
الطفل هيه والبنات حته بليل امي تاخذه يمه
كتله يوم خطيه عده دوام ومتلحك
مكالت شي اخذته وبده يكبر فديته يخبل
يكولون يطي شبه منك بعد ماعرف
تمنيته يشبه امه من كد حبي اله تمنيت
تجيب بنيه نسخه منه ماعرف شنو السبب
تعلقت بالطفل كلش هيه تحبه بس
مو كلش تخاف منه متعرفله واضحك عليه
صار عمري صفاوي شهرين بده يفتهم
اول حفيد للعائله وماعنده طفل زغير
اخر وحدت فرح كلنه كبار
من اجه صفاوي متخبلين بي حته ابوي تعلق
بي كلش
غيث يطب ويطلع يعضعض بي ورتاج تضل
تصيح تكله خطيه ليش تبجي
هذا ع عناده يكله كون اكرطه
بدت رتوجه داوم السنه خليتله سايق
لان العام تاذه مرات اتاخر عليه وتضل
تنتضرني خليتله خط وي صديقاته
ماودي تصعد وي غريب بس مضطر ولولد حباب
وزوجته وياهم بالخط طمنت
نطلع سوا ونرجع تقريبا سوا نرجع نتغده ونام
خطيه الكي امه مبتله بصفاوي
رتاج ماله دخل بالبيت ولاتتقرب لاي شي
تكعد بليل تقره مرات اساعده اني واشجعه
مرات نطلع بليل اغيرله جو
اهله دوم تروحلهم
تطلع وي اهله دوم شنو الي
تريده تلكه موجود ماحسسته
بالملل حتت من جابت
ماثرت ع دراسته وطلعته
ولبسه بدت تتعلق بصفاوي
مرات تجيبت بليل يمنه
بس يتبهذل لصبح من نطلع
لدوام يم امي احسن
تكسر خاطري امي خطيه البيت براسه
وفوكاه صفاوي هدى السنه سادس وفرح رابع
ورتاج ثاني كليه والواكعه بيه امي
صح تساعده هدى وفرح امي متقبل
تكول دراستهن اهم
صار عمر صوفي اربع اشهر كام يتعلق
بيه واخد عقلي فديته كام يفتهم ويعرفني
ويعرف امه
تروح لهله مرات ماتاخذه
لان مو كلش تعرفله الاكثر يم امي
مرات تروح تبات يمت اهله
ماكدر انام بس اضطر اوافق
خواته يتجمعن خطيه
اوديه ونضل ليل كله نتراسل
لو نتخابر امت تتخبل
مرات اسمعه تكله عامي عيونج
حتت هنا مايفوت حالج
يوم كاعدين بليل
اجتي رتوجه كالتلي ليوثي حبيبي باجر اهلي
يرحون لاربيل صادف خميس كالت اماداوم
وجمعه وسبت وكالت الاحد ماداوم خلي
اروح وياهم ضايجه حباب ماقبلت كتله ممنوع
ترحين بمكان اريد اشوفج واشبع منج
شوف بخلال هاي العطله محروم منج
زعلت وكال حته ساره تروح
وياهم بقت عليه وانت عندك دوام
متلحك تاخذني مشكلتي ماكدر
ارفضله طلب اكول خطيه شي يضل بنفسه
بس هل مره ماهاوي تروح
كتله والله الاسبوع الجاي
اخذ اجازه واخذج بس هيه
معانده وامه كل شوي وتخابر
شفتت حيل ضاجت
كتله روحي بس مو من كل كلبي كلتله روحي
احس كلبي مقبوض مامرتاح كلش
كيفت وبوستني وحضنتني مثل الطفله
كتله اوديج هسه مقبلت كالت باجر وديني
اريد اشبع منكم شوف
خابرت امه كاللتله يمر عليج ابوج
كالتله لا باجر ليث من لصبح يجيبني الكم
اسمعه تكله ماما هو بس سواد ليل
من لصبح يمكم
الضاهر امه ماقابله
راحت جابت صفاوي يمنه
وتبوس بي
نامت بحضني وكلتلي صفاوي امانه
خاف اموت ضحكت عليه كتله بعيوني
موتي حته الاربعين بعد مطالع وازوج
كامت تضحك كالت لازوج وعيش حياتك
مراح تنتهي الدنيا امانه تزوج بس اموت
بس كون موتجيب وحده تاذي صفاوي
خطيه طفرت جابت صفاوي بحضنه
اول مره تنيمه عده كتله شبيج اليوم مخبله
كالت مشتاقتلكم
حسيته لصبح مانامت حاضنتني كعدت
نص ليل لكيته حاضنه صفاوي وتبجي
كتله شبيج كالت مابيه شي نيمته بحضني
حسيته مو ع بعضه
صبحت لصبح بدلت بوست صفوي
وتكلي امانه عندك. وبوستني عبالك تريد تودعني
وسلمت ع اهلي وطلعت
صعدنه بالسياره بس ساكته كتله يروحي
شبيج كالت مابيه شي بس راح اشتاقلكم
كتله اذا اردين تركينه سفره اليوم
والجمعه والله اخذكم
كالت لا عيب من اهلي منتضريني
كتله ترجعين بالسلامه
بوستني بلهفه شفت دمعته بطرف عينه
الصراحه كلبي نقبض وخفت عليه كلش
مارتاحيت لروحته بس شاسوي
رحت لدوام بس ضايج كلش حسيت
كلبي مقبوض اخذتلي ساعتين
ورجعت للبيت متحملت
تلكتني امي كالت خيرك يمه اكو شي كتله لايمه
هيج ماكو شي
خابرت كالت بالطريق كتله ديري بالج ع نفسج
كالت تدلل حبيبي ردت اسد الموبايل
صاحت ليوثي
كتله عيونه وروحه وكلبه
كالت احبببببببببك
كتله اموت عليج
وسديناه
مامرتاح كلش احسه اليوم مو ع بعضه
وره ساعتين ادك عليه محد يجاوب
دكيت فوك العشرين مره ماكو
دكيت ع ابوه مرتين يله جاوب
بس حسيته مو ع بعضه
اول ماحجيت وياه بجه
اني نهد هيلي من بجه
عرفت. صاير شي
كتله عمو خير شكو كال صار حادث
كتله فهمني شنو صار كال صار حادث بسياره
وسام زوج اخته ورتاج وياهم
اني كال رتاج وكع الموبايل مني
وحسيت سودت الدنيا بوجهي
ابوي يمي شافني تخربطت توقعته ماتت
اخذ
التيلفون مني وحجه وي ابوه سمعت ابوي
كال لاحول ولاقوه الابالله العضيم
باي مكان انتم كاله ماشي احنه جاينكم
اني مامستوعب الخبر مثل الحلم عندي
اجاني ابوي كال خلي نروح لكركوك
اجت امي كالت شكو كاله ابوي رتاج
مسوين حادث امي بسرعه صرخه اج
البنات يركضت سمعن الخبر كام يبجن
اني بس ساكت بسرعه دخل غيث
يمكن ابوي مخابره
اجاني غيث كلي خابرت اخوه
ويكول بعده عايشه بس حالته خطر
كتله ليش الله عاف الناس كله اله بنيتي
ياخذه والله ماتحمل اذا صار بيه شي
طلعو مسوين الحادث بكركوك
رحنه اني وابوي وغيث رحنه بسياره
غيث لان ماكدر اسوق
وصلنه بليل خابرنه لاخوه نطانه
عنوان المستشفى كال بمستشفى كركوك العام
طبيت لمستشفى رجليه متعيني ماكدر امشي
لكينه ابوه كال بالعمليات مدخلينه
اسمعه يسولف لابوي ع الحادث
طالعين سيارتين سياره اخوه يسوق
وياه زوجته و ابوه وجهال وامه
وسياره الثانيه زوج اخته يسوق وياه رتاج
واخته وجهاله مجلبات بيه اله
تجين ع الواهس ويانه.
وكاسره عليهم تريله وماردتهم مرد
زوج اخته مات وهيه الضربه براسه
وهيه كاعده لجهه السايق
وطفل ميت والطفل الثاني زين واخته
عايشه بس متاذيه حيل
دخلت انتضره يطلعوه من العمليه
حيل ماعندي كتله ربي ساعدني ونطيني
الحيل والقوه والصبر وره شوي
طلعوه الضاهر من زمان مدخليه
لان احنه تاخرنه بالطريق
تمنيت اني بمكانه والله ماشبعت منه ليش
ليش ياربي تحرمني منه
كتله البارحه كلبج يعلم تحضنين بيه
وتبوسين وجبتي صفاوي نيمتي بحضنج
وتوصيني عليه يبعد عمري فدوه اكعدي
صفاوي منو اله منيله ام المن
بعد يصيح. ماما😥😢 ابوس ايدج
اكعدي بعدج طفله شنو شفتي من الدنيا
جنت شايل هم لفراك هنه
3ايام بس ماحبيت اكسر بخاطرج
والله لو ادري هيج يصير ماخليج
ترحين لو مو تزعلين ولا روحتج هاي
هاي كله من امج تلح عليج
لو باقيه يمي مجان انتي هسه بحضني
ليش ستعجلتي توسلت بي
بيج اجليه ونروح اني وياياج ماقبلتي
امه بس تبحي تصيح بيه الصوج اني
جبته وياي ماقبلت كالت السبوع الجاي
نروح كتله ع واهسنه لو مخليته بيته احسن
امه تفرفح
ضاكت الدنيا بعيني من دخلوه للعنايه
المركزه شفته كرهت حته نفسي شنو
بيدي اسوي لو بيدي والله انطيج
عمري تعيشين بي بس لاتعوفيني فدوه
اباوعله من الجامه واعاتبه بداخلي
من شفت الصونده بحلكه والاجهزه
وجه صاير اصفر يمه اتنهيت كوه رجليه
شايلاتتي بس مجبور اصير قوي كدام الكل
ماحبيت ابين ضعفي كدام واحد
منهار تماما لان رتاج روحي بدونه ماكدر اعيش
حاسبه مثل بنتي جنت اصيحله بنيتي
تضوج وتزعل تكلي شنو تكلي هيج
قابل اني طفله عمري 20سنه
اكله بنضري انتي طفلتي وتزعل من صدك
كوت اراضيه رغم هدى ازغر منه
بس احسه ريام اعقل وافهم منه
هيه بريئه متعرف شي رغم
جانت متعبتني بشغله وحده الي هيه
تاخذ بحجي امه واني اعرف شلون اتصرف
وياه مره تكله خلي يعزلج بيت
. مره تكله خلي يشتريلج كاع ويسجله باسمج
وتكله اخذي منه فلوس وضمي لو شتري
ذهب الزلم ماعليهم امان
من تجي وتكلي اريد هيج وهيج
بطريقتي الخاصه اخليه تحجيلي
وتكلي ماما كلتلي هيج وهيج
اكلت يروحي مامقصر وياج اني
وماعندي غيرج وان كان ع البيت وحدج
لو بيت وحدج ترتاحين هاي الراحه
تنجبرين تشتغلين وتنضفين وطبخ
اما هنا انتي مدلله تقتنع وكتله
شلون امن واخليج بيت وحدج متخافين
تطفر من مكانه كالت يمه والله
اخاف بطلت. ابقه هنا
اموت عليه ضحك 🤣🤣
واكله تخيلي وحدج بالبيت ويطفر
عليج حرامي شنو تسوين
كتله اختبرج اذا عرفتي دافعين
عن نفسج اطلعج بيت
اريد اضحك عليه اعرفه جبانه
كالت اذا حسيت حرامي بالبيت
ادخل بغرفتي واقفله عليه واخلي
يبوك البيت كله كتله واذا كسر الباب
شسوين طفرت بحضني وكالت لاحباب
ماريد بيت وحدي
كالت اذا كسر الباب يوكف كلبي
هاي بس حجي وهيج خفت يمه لو صدك 😥
اني وكف كلبي من الضحك كتلت لعد منو
قشمرج ع البيت وحدج هيه فلتلته
كالت ماما وبعدين غيرت الموضوع
والله بطلت التوبه اريد ابقه يمكم
هيه من نوع خوافه بليل حته لو تموت
جوع متروح للمطبخ
مره كعدت بليل لكيته تبجي 😢😢
كتله خير كالت جوعانه😥 كتله مترحين
تاكلين كالت اخاف بيومه شفنه فلم رعب.
صدك ضحكت عليه كمت وياه
سوت لفه جبن وجاي ورجعت للغرفه تركض
ذكرت مواقفه دمعت عيوني
طلعت برا باب المستشفى وكفت
الجو بارد شهر الواحد كتله ياربي
لاتحرمني منه شافيه اليه يارب
ماكدر بدون اموت وراه
حالته خطره لان الدكتور كال
عده نزف داخل الجمجمه وهو انفجار شراين بالدماغ
وكسرور بجسمه هواي الدكاتره كالو
سوينه العلينه ضلت يم ربي العلمين
ردت انقل للخارج ماقبلو كالو حالته متسمح
ماعندي غير ادعيله حسيت جمدت
من كثر البرد محد بالشارع
دخلت للمستشفى دافيه
رحت يمه ممنوع ندخل. لكيت ابوه
سالته عن اخته كال بعده ماواعيه
كسر بضلعه وكسر بالحوض عده
احسن من رتاج وضعه. سالت ع زوجه
كال اجو اهله عليه باجر ياخذو
الطفل الثاني وضعه خطر
امه ماعرف يمكن متخربطه ومخليله مغذي
صبح لصبح لصبح هيه نفس وضعه
اجت امه تبجي تصيح اني كتلت بتي
اني جبته والله ماردات تجي كتله
ازعل وياج اذا ماتجين كالت الاسبوع اليجي
ليث يجيبنه كتله لاتعاي ع واهسنه
والله مارادت تجي بسببي جبته لو باقيه
حان هسه مابيه شي تصيح ربي اخذني
اني ورجعلي. بنتي بعدهي طفله مشافة شي
من الدنيا كامت تصيح بس خلي اشوفه لحضه
محد خلاه تدخل كالو ممنوع
اجت يمي كالت ليش خليته تجي مامنعته
كتله تعرفين كلش زين مارفضله طلب
لو ماانتي تلحين عليه جان مااجت
كامت تبجي اي والله اني كتلتهه
اذت نفسه تخربطت وشالوه
الصراحه كسرت خاطري رغم كلشي
تبقه ام وماكو ام تتعمد تاذي بناته
عباله دور مصالحتهم بس هيه بالعكس دور
خراب بيت بته بدون متحس شوف
وين وداه عناده واله تجيب بته وياه
زوج ساره الله يرحمه اخذوه اهله هو والطفل
راحو يدفنوهم صفنت كلت بسبب
امه شكم عائله دمرت خطيه لولد
بعده بعز شبابه وابنه راح ورتوجتي
حالته خطره وساره هم وضعه
موتمام وبته خطيه هم ع ساعه تموت
يصح بشر يفكر بسعاده الاخرين وهو بالعكس
يوديهم لتهلكه
ابوه يكسر الكلب
شوي ودخلت امي خطيه هيه وخالي
اخدولهم شويه كلت لغيث اخدهم
وارجع حته ابوي رجعه
غيث ماقبل كالو خالو ياخذهم
وابوي تعب خلي يرجع
صدك رجع ابوي بقينه اني وغيث وراه اجه
صديق عمري كرار كلي اليوم يله سمعت
غير تنطيني خبر كتله حته موبايلي
مادري بي وين كاله تحجي صدك شجابك
زعل كال اذا بشدتك ماوكفلك.لعد
شوكت اوكفلك لك انت اخوي
للماجابته امي شانسه من وكفاتك وياي
لعد شوكت اوكفلك
ضلينه ننتضر ماكو شي جديد كالو توقف
النزف ارتاحينه شويه واطمنه
لليل صار هدوء. توسلت بالممرض كتله
بس ثواني ادخل يمه كوه خلاني
كال الك خمس دقايق
دخلت وريتني ماشفته اووووف وجه
كله مورم ملامحه مامبينه وجه الحلو تخرب
ضليت احجي وياه لزمت ايده لزمته ايدي
كالت حبيبي عبالي بحلم غمضت
عيوني وفتحتهن عبالي اتخيل
بس مااعرفته حلم لو حقيقه
بس ايدي من صدك لزمته
وره شوي اجه لولد كال كافي ممنوع
تبقه طلعت ورحي طالعه متت من شفته
لو ماشايفه احسن شكله ميروح من بالي
صار لصبح هذا الحجي اليليلتين مانايم
ولااكل جابلنه كرار اكله كوه جبروني
اكلت شويه
هذا الحجي الساعه ب 5 الفجر 🌆
وري شوي طلعت الممرضه
تركض واجو الاطباء وياه
ياهو الي اساله مينطي جواب
وجان يطلع الدكتور يكول……
باجر راح نشوف الدكتور شنو كال لهم