#تهمتي حبك
البارت التاسع عشر
ل وردالعامري
حياتنا عباره عن اختبارات كل يوم اختبار جديد توتر جديد
كأني بمغاره مغلقه التفس يتسارع ويزيد واكفه بين طريقين طريق يتمنه ابويه يحن. كلبه ولو للحضه وطريق ثاني يكول اذا رفض راح اصرخ بعلو صوتي اني اريده بين توتر وخوف وقلق دعاء مكتوم بين ضلوع صدري قلب يصرخ ولسان ينطق بخوف محتم لايسمع مايقال غير نفسي وربي لحضات حبست انفاسي وكان وره هذا الباب موت ام حياة
اسمعهم يسولفون وفجاءه سمعت الصوت الي اريد اسمعه يحجي يرد وبنفس الوقت خايفه من رده وحجيه
ابورنا: اول شي جيتو وحيتو واهلاوسهلا بيكم شرفتوني بجيتكم ثاني شي اني كلته قبل وراح اعيدها اني غايتي موفلوس ولامفكر بماده
عدنان: عمي
ابورنا: خليني اكمل ابني
رنا: من سمعته عاد نفس الجمله كعدت بالكاع منتضرته ينطق الحكم الي راح يقتلني بيه
ابورنا: ابني رنا بنتي الجبيره واول فرحتي واول ابوتي يمكن اذا اكولك اخوتها كلهم بكف وهيه وحدها بكف متصدك فبيوم الي اقرر ازوجها راح ازوجها لرجل يكون شاريها بكل مايملك وانت ياابني كفيت ووفيت وكل هذا جنت اريد اشوفك تمل تكل حبك حب فتره ويخلص لو مستعد تحارب علمود حبك وانت ثبتتلي ياابني انك تستاهلها ويشرفني نسيب مثلك ومهرها ياابني كدام الحاضرين ختمته قرأن وغايبها حجه بيت الله
رنا: كمت وكفت امي حاطه ايدها ع حلكه وعيونه مليانه دموع واني مثل الفاز مصدومه لالا اني عقلي راح وخيط بكيفه حجي اتلفت عله اني وعل باب يعني شنو هااا يمه يعني شنو
ام رنا: اششش صوتج يمه شايفه كل الخير حبيبتي
رنا: يعني يعني هوه يعني ابويه وافق
ام رنا: هههه ولج شبيج تخبلتي شهل حاله جنج مذعوره اي يمه وافق الله يسعدكم
رنا: يعني اني وعدنان الله يسعدنه ووافق ابويه مو هذا قصدج
ام رنا: ههه ممصدكه ولج شبيج
رنا: اخر كلمه سمعتها يشكرون من ابويه ويجددون موعد لمشيه وخلص حسيت امي تشممني عطر اغمى عليه من الفرحه لااني ممصدكه اصلا بعدني ممصدكه لحدماامي كالت
- الجمعه يجون ليشوفج ابوج هيج ولج عيب شبيج هههه ممصدكه
طول الايام الي مشت الي هيه سبوع تقريبا اني اختلي بنفسي واغمض واكول يعني صدك صارت اسئل امي اكولها صدك لو ده احلم فرحتي متنوصف ليالي مرت واني ماعندي غير الدمع واناجي ربي وربي مفشلني ولاردني خايبه
الجمعه لبست فستان 👗 احمر وامي سرحتلي شعري وعافته مفتوح ومكياج خفيف ونازك ووكفت كدام لمرايه واني راضيه ع شكلي واتمنه بس عيونه تشوفني كل الناس مايهمني احد بيهم بس عيونه اريد دخلن النسوان وجانن مويبوسني لابوس بقوه وايدهن تعصر بيه لوايجرني من شعري عود بله قصد خصوصا عماته وخالاته يتأكدن اخاف باروكه رغم كلشي فرحتي مخليتني استمتع حته بالهوه الي يدور بالاستقبال رغم زحمت الاستقبال والنسوان الي داير مدايري وره شويه سمعت الهلاهل فرحتي وصلت لدرجه امنيتي اصعد ع طبله الي كدامي واكمز واهلهل واركص صاحولي اوكف وره الباب حته يعقدلنه الشيخ
-رنا بنت محمد اتقبلين
بعدنان ابن حسين زوجا لكي
رنا: نعم من حجيتها حسيت انطلقت هل نعم بكل انش بداخلي بقوه بتحدي لكل من عارض كأن هاي الاحرف هيه نصر انتصرت بي عليهم كأنها مونعم كأنها كلمات اكول بيها عارضتو وصرت اله ربي اقوه منكم حبنه اقوه منكم سمعته يسئل عدنان وكف التفكير 💭 وصرت استمع بكل حواسي سمعت رده يكوله نعم اقبل جريت نفس بكل قوه عندي كأني جنت بداخل بحر وصعب اتنفس وهسه طلعت جريت نفس اخترق جدار صدري يعني شنو يعني صرت زوجته هسه هههه اي زوجته غصبا عله لرضه والي مارضه صارالي وصرت اله راحو واني جنت اتمنه اشوفه بس وياهم زلم. هواي راحو ودخلو خوالي وعمامي باركولي من وره خشمهم وجدي باركلي بثقل
والله مهمني شي اباوع بوجوهم واسمع صوته وهوه يرد بنعم واذكر اللحضه الي نطقت بيها اني نعم هل كلمه عشقتها لان ربطتنه مع بعض
مفات وقت ولاضيع ايام عدنان بسرعه حط محامي حته يستعجلنه بعقد المحكمه ومن سئلته شبيك تركض ركض
جوابه جان لوبيدي اغمض وافتح والكاج ابيتي وكدام عيوني لج خايف والله اكول يله لاابوها يرجع بكلامه هههههههه
وره كم يوم رحنه نسوي تحليل دم ثنينه جانت فرحتنه مبينه بوجوهنه مكادرين لانكتم فرحتنه ولانخف هل ابتسامه ولمعت عيونه من نشوف بعض كعدنه بعيد عن امي وامه بس طالعه عينه هل ولد صاير وكح كل شويه كارصني من خصري يطبب ايده بسكوت بيني وبينه ويكرصني من خصري لويشاورني ويتغزل كلماته جانت تخبل بس مرات لايحجي شغلات
عدنان شبيك شوطالعه عينك
صرتي مرتي بيج غير طببيهه
رجع شاورني فتحت عيوني لا والله ماسوي الي كلته
جاوبني وهوه يغمز ويضحك بمكر انشششوووف
اف شكد مكروه
عدنان: هههههه مشفتي شي
رنا: كان يحاول ايوترني يحارشني ويضل يتمضحك عليه
كملنه اجرأت فحص الدم ووره كم يوم رحنه نعقدمحكمه دخلنه وحدنه يم القاضي
عدنان: رناوي المهر الي خلاه ابوج راح يضل بركبتي امام الله واوفي الج ان شاءالله بس هنا بقانون المحاكم يردون المؤخر والمؤجل بصوره رقم مادي انتي شكد متردين وشنو الرقم الي يجي ابالج كوليه انتي هاي الروح مسجله الج ففكري بالي ترديه واني حاضر
رنا: وكفنه كدام القاضي كنت عندي شك بلي كاله عدنان كلت يجوز يريد يشوف يعني اخاف عباله مموافقه ع الي حطه بابا اويمكن يريد يسويها عناد ويه عمه فمن سئلني القاضي شكد مهرج كان جوابي حفظ القرأن بحج بيت الله
القاضي: بنتي ميصير هذا الكلام لازم. يكون اكو شي مادي لازم يكون مبلغ من المال مذكور بنصوص العقد
رنا: ااااه ماشي لعد 5ملايين ب5ملايين عقدنه وطلعنه
عدنان: رنا يعني صدك هسه انتي مرتي شرعا وقانونا
رنا: ههههه اي يعمري
عدنان: ااااوف الحمدلله ربي لج ممصدك. كرصيني بوسيني حضنيني سوي اي شي
رنا: لاوالله شنو هاي عيني صاير تخوف
عدنان: يامسكين يااني اكولها سوي اي فعاليه حته اصدك ان احنه ازوجنه تكولي صاير اخوف
رنا: ياعيني شكد مسكين ضلمتك هههه
عدنان: هههههه اي ضلمتيني لان بعدج مشايفه شي ولااني مسوي شي حته اخوف
رنا: شسوي بعد بله زحمه
عدنان: هههههه بعدين تعرفين
#تهمتي حبك
البارت عشرون
ل وردالعامري
رجعنه للبيت وامي جلبت بيهم. عله الغده ام. عدنان مقبلت تبقه ورادت تروح اني حاسه انها موعله بعضها بس جان. حبي لعدنان وشوف الفرحه الي بعيونه تخلينه اتغاضه عن كلشي وماافكر بيه واجل اي فكره ممكن تمر عله بالي وتكدر فرحتي
مقبلت تبقه راحت بس الي جبر خاطري هوه. عدنان بقه يمنه ولبه دعوه امي. ع.غده
كعدنه نتغده وعود لان يستحي اخاف اذا وياه اهلي كلهم ماما حضرت سفره الي واله وويه كل لكمه بوسه
وبعدين عدنان
عدنان: شنو البعدين
رنا: عدنان كافي شبيك مشايف ههههه موانشلعت شفتي مشبعت صار كم. مره
عدنان: اشبع اني انسي منين اشبع هنه غير كرز ع فروله ع تين ع خوخ ع طعم عسل ولج هنه غير موتني سنه ونص ياضالمه مرتين بس ضايكهن وهسه تكوليلي مشبعت
رنا: ههههههه خرب عدنان وخررر هسه يجي بابا كتله لاتبوس كام يحضن ياربي
عدنان: واذا اجه هلابيه مرتي واني حر بيها مررررررتي
رنا: جانت كل ثانيه تمر عليه وياه رغم مشاغبته كانت هاي الثواني تحسسني اني مو عله الارض كنت احس اني طير وطاير بسمه فاتح جناحيه ويتغلغل الهوه بين جنحه ويطير ويعلي بين الغيوم جنت ادعي ربي يديم عليه هل فرحه دوم
ثاني يوم رحت لدوامي واخذت وياي علبه شوكلا وزعتها بمناسبه خطوبتي
اسعد: انخطبتي !
رنا: ههه ايي
اسعد: هاا اي بيها الخير بس منو يعني من اقاربج
رنا: هههه تتوقع بيوم اني اقبل بااحد غير عدنان
اسعد: يعني قصدج
رنا: اني وعدنان انخطبنه لالا الحمدلله تقريبا ازوجنه عقدنه مهر ومضل شي ع زواجنه حسيت بي انصدم الكل باركلي وهوه صافن بوجهي سمعت صوت ورايه يصيح رنا انداريت شفت مرتضى الي سئلني كنتي مرتبطه من جنه نلعب لعبه الاسئله بالبطل نعم
مرتضى: انتي موكلتي انفصلنه
رنا: شبي هذا اي انفصلنه بس بعدها اجه و خطبني وصرت زوجته شرعا وقانونا خير اكو شي مرتضى
مرتضى: لاسلامتج
رنا: عافني وراح حته مبروك مكال شبيهم ذوله
عدن كم يوم واجاني عدنان للمعهد طرت من الفرحه من شفته كعدنه وسولفنه وطلع جاي حته
عدنان: حبي ان شاءالله الجمعه اجي اخذج واروح انجهز ملابس بس الذهب اذا تقبلين يعني اني اطلب ولد صاحب محل ذهب وصيرفه فكلت اني اجيبلج كم قطعه منه وانتي اختاري اذا ميضايقج هل شي واذا تحبين من نطلع نشتري ملابس نشتري الذهب
رنا: حبي الي عنده جوهره اثمن من كلشي بحياته ايفكر بذهب انتي ذهبي وانت جوهرتي ميهمني غير شي حبي جيبلي ع ذوقك اي شي يعجبك حيعجبني
عدنان: ربي يحفطج الي ياغله من نفسي ودمي انتي
رنا: وره كم يوم جوي اخت عدنان وامه وجايبين كم قطعه وياهم اختاريت منهن زنجيل ومداليه كلمه الله ومحبس وحلقه كتلهه هذاهوه خاله ماريد تراجي اني عندي تراجي ثنين ومحبسين مااحتاج بعد بس ذني كافيات
راحو امه واخته وبليل خابرني عدنان
عدنان: حبي ليش مااخذتي بعد وليش مماخذه تراجي
رنا: حبي ذني كافيات والله واني كتلك انت الذهب والزينه وكلشي حلو بحياتي ثانيا ياحبيبي بعد وراك هواي مصاريف وغرفه النوم
عدنان: رنا اني اتمنه اجيبلج. كلشي ماريد اقصر بشي وياج
رنا: وانت ممقصر صدكني كلش كافي الي اخذته
قنعته وفاتن كم يوم ورحنه اني وعدنان وامي وام عدنان حته نجهز ملابس كنت حاطه ابالي مااكلفه اخذت من كلشي حاجتين مكثرت دخلنه لمحل ملابس نسائيه وجان يكولي اني وانتي ندخل
-لاعيني لا شتحجي انت
عدنان: رنا اني وياج ندخل نقطه ع سطر يله كدامي
رنا :حاولت اقنعه ماكو اخر شي لزمني من ايدي وطببني وامي وامه مطبو ويانه حسيت حراره تطلع من راسي وهوه ولامهتم اختار سيت وردي عود لليله الدخله ههه
عدنان ميصير لازم ابيض
عدنان: لالايصير اني اريده وردي
رنا: عدنان ميصير شبيك غير ابيض وبعدين حته اذا غير لون تريد المهم موهذا اختار غيره
عدنان: لاوالله شو اله هذا
رنا: اخذه واباوع عليه فضيحه هذا مجرد النضر اله شايلني هم ع لبسه راح اختار هوه كم قطعه بعد بس اختياراته تخليني ابحلق عيوني واحس روحي لوراح اتخربط لو راح يطلع نار من راسي فضت من محل الملابس النسائيه واني روحي مفرفحه وهم شلون حلبس هيج اني
طلعنه لمحل بدلات .اني اختاريت بدله سمائي للحنه وهوه اختار وردي وضلينه نتناكر اني وياه اني ع سيت النوم الي اختاره كرهت شكو لون وردي بعد بس انسه غصب عني حجز الوردي
واختارينه بدله العرس جان موديل تركي كلش حلو وحجزنه صالون تقريبا اليوم بسبب الركض ماله خلانه نخلص كلشي بدلات وصالون وملابس ركض ركض
رجعنه للبيت لبسني حلقتي واني هم جبتله حلقه ذهب لبستهه اله وهم بقه عود يتغده يمنه
عدنان تره هذا الاكل والله موشفتي
عدنان: هههه واني شسوي بهذا الاكل كله اني منا اكل بشفايفج واشبع
رنا: ثاني يوم امي اخذتني للسوك كالت اكمل جهازج من عندي مخلت شي بسوك لاتراكات لابرمودات سيتات نوم ودشاديش قصيره انوب كالت ذني بس لغرفتج راحت جهزت ملابس بيت بيها عرض يعني مستره وردان لان اني وياهم راح اضل يعني من انزل لازم لابسه حجابي هاي عاداتهم. همه انوب اخذتلي مكياج وعطور وحته فرشات لجربايه اخذتلي جنه نطب للمحل نطلع محملين بس علاليك بيدنه
عدنان جان مصر وره متخلص امتحانات اخر السنه نتزوج جان باقي اقل الشهرين ع امتحاناتنه
حاولت اركز ع امتحاناتي حته انجح من. اول دور
بيوم بالمعهد جنت كاعده واجه مرتضى سئلني ع مسأله وطلب مني اشرحله كعدت اشرحله ومندمجه بشرح
مرتضى: تدرين الحقله والمحبس لايكين عله ايدج بس خطيبج ملايكلج ابد
رنا: ههه مويكولون الحب اعمى ههه بالعكس عدنان دره مال الله ويابختي بي اصلا احس انه يستاهل الاحسن مني كثر ماهوه انسان نقي ويعرف الله
مرتضى: ع عموم الله يهنيكم استئذن اني
رنا: راح وبعدني ممخلصتله شرح المسئله ع راحته
مرت الايام واني ملتهيه بين تجهيزات. وبين الدوام وطبعا متخله من المشاحنات بيني وبين عدنان وكل يوم مزاعلين ومصالحين بسبب غيرته عليه وشلابسه وشحاطه
قربنه ع تخرج واتفقنه نسوي يوم لصور التخرج وثاني يوم نسوي حفله تخرج
بيومها لبست فستان 👗 الخطوبه لان جان مستور كلش وعزمت عدنان وخلاني ساعه اتوسل هوه يصيح مطلعين هيج روحي بدليه واني مجلبه
بيه والله مستور اخر شي خلاني البس عبايه فوك هدومي كال مطلعين هيج رحنه للمعهد من وصلنه كوه خلاني اذب العباه وطلع روحي بالحفله يشوف زملائي يسلمون ويشاقون وهوه يشعوط اخر شي اجه ولد زميلي كردي كال هاي شنو احلاهن شطالعه كال هيج الولد بشقه لوعدنان صارت عيونه براسه
عدنان: كومي كومي يله بسرعه
رنا: عدنان شبيك بعدنه ساعه مصايرلنه
عدنان: كومي اكولج ليش اهجم لحفله هسه كومي
رنا: استغفرالله طلعت وياه وضلينه نفترافترينه بغداد الجديده وتغدينه واكلنه موطه يم حسان ورجعني للبيت واني ممفتهمه من حفلت تخرجي كلشي
دخلت علينه امتحانات اخر السنه وبيوم واكفين اني وصديقتي ده اسولفلها ع بدلات الي اجرتهن واوصفهن الها وهيه ترد مبينات حلوات
هنه حلوات بس اني يراد اضعف نفسي هسه باديه بدايت اني وزين وصل وزني 56 واريد بعد شويه هم سكتني صوت حجه ورايه
مرتضى: لالالا جسمج كلش حلو لتضعفين
رنا: ضليت باهته اباوع ع صديقتي وهيه تباوع عليه مصدومين بتدخله وشدعوه هلكد مركز ومنتبه ع كلشي مرات اتفاجئ اشوفه ياورايه ياكدامي
خلصت امتحاناتي واليوم اخر يوم ده اطلع ووكفتي مرتضى
مرتضى: رنا بس لحضه
رنا: نعم مرتضى
مرتضى: ممكن سؤال
رنا: اكيد كول كان بضني يسئلني ع شي يخص الاسئله الي بالامتحان بس فاجأني بسؤاله
مرتضى: رنا بعدج مقتنعه بخطيبج
رنا: ااي اكيد الحمدلله طبعا مقتنعه
مرتضى: خلص ان شاءالله الله يوفقكم
رنا: شكرا جزيلا تسلم
هذا الولد موطبيعي بعدني مشيت خطوتين وسمعت رنا انداريت عمار عفته ده امشي وصاح رنا بس كلمه وحده اترجاج
خيرررر عمار شرايد
عمار: رنا بس ردت اكولج ابريني الذمه عله الي سويته وياج صدكيني جانت نيتي وياج غير وصدك حبيتج من كل كلبي بس هسه مااكولج غير الله يوفقج ويسعدج مع الي اختاريتيه
رنا: شكرا عمار ومبري الذمه
عفته وطلعت وعفت لمعهد كله ورجعت للبيت خلصت امتحاناتي يوم 17/6/2010
اول مطبيت للبيت خابرني عدنان
عدنان: ها حبي كملتي امتحانات اليوم مو
رنا: اي حبيبي كملت الحمدلله
عدنان: يعني بعد لااكو دراسه ولا مشغوله باامتحانات ولاشي
رنا: هههه لالا ماكو خلصنه
عدنان: جيد جدا ماشي يحلوه لعد بعد اسبوع الحنه والعرس
رنا: ششششنووووو
عدنان :اكولج بعد اسبوع الحنه والعرس حضري روحج
رنا: عدنان اسبوع شلحك منو اعزم شبيك
عدنان: باي يروحي اشوفج بعد اسبوع بالعرس
رنا: عدنان. الووووو يمعود
#تهمتي حبك
البارت الواحد والعشرون +18
ل وردالعامري
كان قرار نهائي بعد اسبوع يعني بعد اسبوع خلص ماكو نقاش يوم2010 /6//24كان يوم الحنه اخذتني امي الصبح ورحنه لمحل لبدلات حته اخذ بدله الحنه شفت البدله السمائي الي عجبتني ومقبل عليها عدنان شفتها موجوده بدلت بدلتي بيها واخذتها واني فرحانه واتخيل عدنان من يفوت ويلكاني بيها والصدمه الي حينصدمها
رحت للصالون واختاريت يكون مكياجي لبناني وام الصالون كالت لازم نكص شويه من شعرج حته التسريحه تطلع حلوه
-لاعفيه بله كص ماريد
-لاتخافين قابل راح ابتره لوازينج صفر شبيج صفريتي شويه ناخذ منه حته تعدل التسريحه وتطلع احله
-يله ماشي بس عفيه موهواي
-لالالتخافين
رنا: ضليت بقلق كأنها ده تكص من ركبتي مومن شعري كصت تقريبا شبر كأنها كصت من كلبي هل شبر
كانت تسريحتي بسيطه من فوك والباقي مفتوح وملفوف نازل ع جتفي بعدني بصالون وخابرني عدنان
عدنان: وين انتي حبي
رنا: بعدني بصالون ليش
عدنان: مواحنه جايين بطريق
رنا: يااا صدك يله بلكن اخلص بسرعه
تاخرت بصالون واجه عمي يرجعنه والي عرفته ان عدنان واهله وجماعته واصلين ولان اني متاخره موكفين السيارات ع شارع العام واصدقائه بشارع نازلين يركصون ويهوسون
اول مطبيت البيت كتله وصلت كال جايكم
صديقاتي جانن حاضرات عزمتهن كلهن بنات شعبتي وبنات الي بالخط
شويه وطب عدنان عيوني كانت تشوفه اجمل من اي شي جنت كل مااشوفه اردد بداخلي فديتك وفديت طلتك. وحلاواتك يربي جان بعيني اجمل شي بدنيتي كلها طبو وياه عمه وخاله خال عدنان تقريبا بعمر عدنان بعده شاب صغير
عدنان طرده لخاله من شافني بالبدله خله خاله يطلع مقبل يفوت عود ليشوفني واندار ع عمه عمه بسرعه خزره هوه استحه من عمه وسكت ولوما مستحي جان هم طرده لعمه موقفه خلاني افصل من الضحك ولكل ضحك خصوصا من اندار ع عمه والموقف الصار الكل يضحك 😆 عليه
المهم حناني ولبسني الذهب مالتي وكاعد يمي يمد ايده من ويكرصني لو يمد ايده يدغدغني واني اباوع ع العالم ياربي شلون بس لاديشوفوه طبعا هوه جان لازك بيه بالكعده واني بدلتي صايره ساتر تقريبا لاايده ختمها بالمشاور يهمس بااذني همس
عدنان:رناوي دكومي ويايه هسه ولج والله ممصدك اخاف ابوج يكلب عليه اوووف يابه شيجيب باجر وادخلج لغرفتج حته اطمئن بعد محد ياخذج مني وبهذا يدخل الغزال لعرين الاسد هوه غير يجي باجر حته واحد يشوف دربه
رنا: اني لااحسد ع موقفي حسيت فقدت حاسه النطق متت بدمي من خجلي وهوه يداهرني مداهر ويتغزل وماعرف شيسوي
مصدكت كالو يله كصو الكيك ووكلها ووكليه ولعصير وكذا بس هم معافني بحالي خبث ويايه وكصلي قطعه كيكه شكبرها وحرجني ضليت حايره شلون اكلها ومنين اكلها اصلا شكبرها
شربته عصير وشربني وشويه غلس عليه ولعب بااعصابي لعب وراح خلصت حفله الحنه وهوه من اول مطلع دك عليه ويصيح اليوم شيخلص الليل الليل شطوله اليوم
ضليت اباوع من الشباك حسيت صدك الليل صارسنه اريد بس الشمس تطلع ماعت اذني كثر مصاح شوكت يخلص الليل الصبح ليش لحد هسه مطلع
بيومها ضلينه للفجر نحجي اذن الفجر وامي طبت للغرفه عاطت بينه اخذت التفلون مني وكالتله
ياخاله هيه بس هليله ومخليتها تنام باجر يمك هيه واشبع منها بس دعوفها هل ليله تنام ترتاح -
رنا: اسمعه يعتذر من امي ويضحك سديت التلفون وامي واكفه ع راسي يله نامي باجر وراج حصبه وجدري نامي يحضي نامي تلحكين ع سهر باجر السهر جايج نامي هسه خلي جسمج يرتاح عافتني وطلعت وغصبت روحي ع نوم نمت حسيت امي تكعدني جانت ساعه ب9الصبح لكيتها محضرتلي الحمام طبيت سبحت ونعشت صحصحت من سهر البارحه وطلعت لكيتها محضره سفره الريوك ودلال ودلع كله الي ههههه
تريكنه وطلعنه للصالون بينتسريحه ومكياج وماعرف شنو للعصر يله رجعت للبيت الي شويه كاعده وصاحو جوي الزفافه
حسيت كلبي ينتفض ويه صوت المزيقه بس ماعرف احساسي فرح ممزوج بخوف وتوتر
دخل عدنان جان لابس قاط. بعيني جان اجمل انسان حسيت القاط لايكله ومطلعه حلو هواي رغم خوفي ركزت عليه اريد اتأكد معقوله هوه عدنان الي دخل وراح ياخذني ويزفوني اله يعني صدك صارت
طببو وراه يهوسون ويركصون اله اول مفات قبل ميكعد اتوجهه عليه لفني لف بالبرنص كمطني بي كماط
حسيت اختنكت كثر ملفني
كعد شويه واهليته يهوسون وفرحه ويركصون
وره شويه اخذني كومني هوه لازم ايدي وطلعني حسيت خطواتي صارت ثكيله دمعتي بطارف عيني بنص الهوسه والي يصفك والي يركص حسيت بخوف كأني ماريد اطلع من بيتنه وبنفس الوقت اني اريد عدنان بس كون ايضل ويايه ابيتنه صعدوني بسياره بالهوسه كعدت بسياره ونداريت اباوع من شباك السياره شفت اهلي يبجون ويباعون عليه ابويه وامي ابويه يمسح دموعه بسرعه ويحاول يتماسك اخوتي وخصوصا اخويه اصغر واحد بينه عبودي كلب الدنيه ولازمته امي يريد يجي ويايه من غير مااحس حسيت دموعي تنزل وياهم حركت السياره وضل ايهدي بيه عدنان واني بالي يم اهلي وبالاخص عبودي عبودي اني ربيته من جابته امي اني جنت صف اول متوسط وجنه مكيفين كلنه بيه جنت اذا اشوفه بالكاع اركض اشيله واتوسل باامي تخليني اغسله وابدله واللعب وياه
حاولت اندمج ويه عدنان والفرحه لان ضل يمسح بدموعي ويحاول يرضيني ويضحكني ونجحت اني التهي بتوتر اكبر بهل هوسه الي بين الناس
اخذونه للمصور عدنان جان متفق ويه مصوره هيه تصورنه بس بيومها صاير حادث عد المصوره ومكادره تجي فمصور ولد هوه الي كان مستعد حته ياخذلنه صورنه
فاضطر عدنان يرضه بالامر الواقع لكن مع بعض شروط وهيه اهم شي البرنص مينزع زين وشنو راح ايبين من بدلتي لعد
مخلاني اذب البرنص واخذنه صوره واني بالبرنص ونفس التلفلف ملفلفه كملنه ورجعنه للسياره ورحنه لبيتهم هذي اول مره اطب بيها بيتهم لان من عاداتهم ان لبنيه ميصير اطب بيت زوجها اله بيوم العرس يعني لاتنعزم ولاتجي اتشوف غرفه ولاترتب غراضها متوصل
للحضه حسيت اني غريبه بينهم خصوصا بعد مطلع عدنان وعافني كاعده جوه بالاستقبال الي مجموعه بيه النسوان لان جانو مسوين حفله بره وحايبين منشد وحاطين كراسي بشارع
دخل بعد ماخلصت الحفله وبعد ماحسيت كل العيون الكاعده راح تاكلني جنت مجلبه بيد بيبي الي توسلت بيها تبقه يمي بعد مخلصت الحفله صعدوني لغرفتي
هذي اول مره اشوفه جانت كلش حلوه وهوه مرتبه حاطلها اشكال اضويه و نشرات ضوئيه وورد جانت الغرفه متروسه ورد ههههه
بس مزاح شي من توتري بعدني مجلبه ببيبي وماخليه لاتنزل ولاتعوفني واكولها اليوم تباتين يمي هنا حبابه وهيه تقنعني انو ميصير وعيب من العالم ل12بليل وهيه تقنعني وتحجي عليه واخر شي استسلمت ونزلت بيبي وصعد عدنان للحضه اذكرت كلامه طول فتره الخطوبه وتحلفه الي بهل ليله خطر ع بالي شي واحد وين انهزم هسه
اول مطب باوع عليه يبتسم وندار ع باب قفله بالمفتاح ويكولي وهاي قفلناه اخاف ابوج يغير عليه ويريد يجي ياخذج فينقفل احسن حته لويجي ويكسر الباب مافتحها اله
حسيت بالفعل بالخوف اجه كعد كبالي واني راسي شنج ماكدر ارفعه ولاعبالم صارسنتين اعرفه رفع راسي وباسني من كصتي لازم. وجهي باايده محاوط وجهي بثنين ايده حسيت عيونه لمعت بدمع
عدنان: رنا كرصيني عضيني ضربيني راجدي سوي اي فعاليه اتأكدلي اني موبحلم واني بعلم وانتي يمي صدك وعلينه باب مقفوله وانج بنص بيتي وغرفتي الي جنت احلم ويمكن بعدني احلم اي اكيد احلم بعدني وهاي التفاصيل كلها من تخيلاتي معقوله ابوج اطاج الي وصرتي يمي
رنا: حبيبي حقيقيه واني الك وحدك
عدنان: اااااااااااه عيدي شكلتي
رنا: ههه اني الك وحدك
عدنان: لالاالي قبلها شكلتي
رنا: كلت حب ي بي
عدنان: بوياي اليوم. اموتن وعلي شو دذبي هذا الجادر ماعرف شنو
رنا: تمسكت بالجادر
عدنان: ولج ذبيه جا غير اني رجلج هاج شوفي بس انه والله ماكو احد غيري ذبيه فدوه
رنا: لاعفيه عدنان بعدين
عدنان: ولج، شنو بعدين اني مشتعل ابو ابوي
رنا: جر البرنص مني جر
عدنان: بوياااااي عيوني انعمن ياخلق الله ذني زنود لوكلوبات
متكوليلي محمد شنو طلع هل انتاج اني هم اريد هيج انتاج اريد جهالي يشبهوج وخصوصا البنات بويه اذا شبهني يحمضني هنا ايوغفن ع كلبي محد ياخدهن بعد
رنا: هههههههههه ضحكت ع كلامه وتصنيفه ع نفسه شفته عظ شفته بقوه
عدنان: اوووف دكومي كومي الدنيا حاره كومي ذبي هل بدله شكبرها يله كومي
رنا: عزه هذا ولايستحي يحجي ويايه ويذب القاط ماله وضل بالشورت والفانيله واجه كعد يمي
عدنان: هههه هاا حنصدر طماطه شبيج جنج طماطيه انصبغتي
رنا: ايحاول ايضحكني اني تبسمرت بمكاني هوه حط ايده ع جتفي ويشاقيني عود وايده شويه شويه تنزل ع ضهري من وره البدله وترجع ع كتفي اخر شي حسيت فتح سحاب البدله ويصيح
-بوياي خل ادز كاهي ويه هل كيمر عليج الله هاي طبيعي لوصابغته لضهرج
رنا: رغم مستحيه من تصرفه بس من مرجع راسه ويسئل موقفه صدك ضحكني كام وكف وجرني وكفت وياه يضحك 😆 ويشاقيني وشبيج يمعوده عليش هل رجيف محسيت اله بسرعه نزل تعلاكات البدله ده اجر ايدي مخلاني لازم ايدي ويباوع عليه ويضحك نزلهن ووكعت البدله دمعت هوه حضني ورجع ميباوع بعيوني عدنان
-يعمره
-عفيه دير وجهك بس البس السيت
-اي ليش لا
-حسيت روحي ارفعت وانشمرت ع جربايه ويحضني حيل ويبوس بيه
جنت خايفه واتمنه اي شي البسه وماكون هيج كدامه بس هوه مسمحلي حته بسيت عرسي البسه
من شافني خايفه وكمت ابجي من تصرفه
عدنان: رنا شبيج ياعيني اوف اوف عليمن هل رجيف ولخوف يابه والله ماسوي شي اله برضاج صح هسه كلها لازمه دوريه ع درج تنتضرني بس ميخالف المهم. اهدي انتي وماكو شي كلشي برضاج ياعيني
رنا: دموعي تنزل رغم حاول ايهديني مكدرت
عدنان: لاهيه مبينه الليله امسح ايدك بالحياطين ياعدنان كلشي ماكو والعالم بره هسه تكص بيه كص بويه تعاي امري لالله تعاي عاد خل انام بس احضنج ونام
رنا: ذب فانيلته وجرني نيمني ع ايده وحاوطني بيده صرت بين حضنه ونمنه محسيت اله ساعه سته الصبح
يهمس بااذني حبيبتي حياتي ويبوس بيه بهدوء من
حاولت اتحرك صاح اهدي ماكوشي حبيبتي ياحب عمر
يتعامل بهدوء خلاني اضيع بين لمسته وحركاته قشمرني ووووووتم كلشي باسني كال مبروك يامرتي وحلالي ودنيتي كلها اني هنا طكيت بجي الباب اندكت امه ركض بسرعه اطاه النيشان واشتغلت الهلاهل سد الباب ورجع يتمضحك ويحجي
-حضرتج نايمه واني محترك ابوي ع كيمر النايم يمي واحترك احوص وانتي ولايمج ههههه يمه يمن فدوه لحبيبتي الصارت مره وبس الي صارت رسم اثبات وملكيه ههههه
دكافي ياعيني هسه شكو هل بجي ولدموع هيه جكت ابره ههههه
رنا: يحاول ايضحكني ويشاقيني وخررر قشمرتني والله
عدنان: عهههه ولج غير انتي نايمه وهمه كل شويه داكين الباب عليه هاا وين صرت حبيبتي هاي عوايدنه كافي هل دموع ياروحي انتي اسف والله اني اسف وبعد وعد ماتقربلج اله برضاج بس هل مره عديها لخاطري يله عاد سامحيني هل مره
رنا: مسحت دموعي وابتسمت اله عادي حبيبي مسامحتك هجم عليه ع انتي كلتي مسامحتك بس هل مره كان هادئ اكثر خلاني ابعد توتري وروح وياه لغير ذنيه وغيرعالم
واطير من الفرح كل مايهمس بااذني بكلماته ياحبي ياحب عمري ياتعبي الصار الي وبس جنت احس بحبه بكل كلمه تطلع منه
#تهمتي حبك
البارت الثاني والعشرون
ل وردالعامري
قضيت اول اسبوع من عرسنه كنت اسعد وحده بدنيه ويايه 24ساعه معافني كانت احله ايام بعمرنه ثنينه بيوم السبعه بس جووي اهلي لان مسوولي حفله يعني فجوي اهلي جابولي هدايه كانت تلفزيون وستلايت وثلاجه وصوبه وزوليه ومن ثاني يوم وره السبعه نزلت اشتغل وياهم وهم ردت اتعلم عليهم احاول اساعدهم حته اكدر اتواصل وياهم اغسل مواعين اسوي اكل اشوف شنو عدهم اساهم وياهم الي 10ايام وعمتي وحمواتي راحن لكربله اني عروس بعدني استحي من عمي وحمويني وعدنان جان يطلع من الصبح للمحل لحد اذان المغرب ايصلي بالجامع يله يجي للبيت يعني ضليت وحدي لارجلي لاحمواتي لاعمتي بس عمي وحمويني واني بعدني ممتعلمه عليهم حسيت كأني تايهه بنصهم استحي منهم وماماخذه ع بيت بعدني ماندل كلشي بالبيت لحد مااجه عدنان اني حته دموع مضلن عندي ماعرف شسوي وشصرف استحي انزل يمهم واستحي ابقه فوك ضليت بحيره كمت اكل بنفسي اكول ليش يعني لومفوتات بعد كم يوم والله مااندل شي بعدني يادوب الي كم يوم نزلت وياهم المهم رجعو وره يومين وبعدها ب3ايام كمت اوكف ويه حماتي حنين اساعد بالطبخ بالمواعين انضف يعني نتساعد سوه
بعدها بدت العزايم. من اهلي وعمامي وخوالي يعزمونه
وجنت كل ماريد اطلع ويشوفني حاطه مكياج يعوف الكلينكس ويعوف الخاولي ويركض ورايه بوصله الطباخ ويختار وصله يعني مخصصه لمسح الطباخ كلها دهن ويركض ورايه اله يمسح وجهي بيها واني اتوسل بيه والله حخفف والله
-واني شسوي بالتخفف اريد امسحه حته اجوزين متحطين مكياج بعد ابد
رنا: اضل المطارده بنص الساعه يركض ورايه واضل اتوسل وابوس بيه وبالاخير تنتهي بفوزي طبعا هههه بعد ما اقشمره اني عروس وميصير عيب لازم حاطه مكياح ومعدله اتحملني بس هل فتره المهم الله يهدي ويقبل
فات شهر ع زواجي وبدن حمواتي يسحبن نفسهن شويه شويه من شغل البيت واني اكول ميخالف جنت بعدني عروس اريد اطلع مواهبي ابرز عضلات مادري تالي توكع ع راسي كلها صارن مالهن شغله بشي ماعون ميشيلن من الكاع وعمتي كامت متقبل انضف تنضيف عادي مسح وكنس وهاي لا اله غسل ولازم ينغسل من فوك ليجوه ع طرامي الحمامات كله غسل موغسل مي وماسحه لاجلف جلفي اني وين جنت ممتعلمه ع هيج تعب وشغل جانت كلهه ماما شايلتها اني يادوب اعرف اسلك بيض اسوي اندومي وكيكتي ايحبوها اهلي ومتباهيه بهل كيكه الي اسويهه الهم. ومالي شغل بشي بعد هسه وين اوكف فوك الساعه ونص اني ع طباخ اكلي واطيهم. ماعدهم قانون ينتضرون كلشي يجهز لا اكثر من طاوه احط واضل منا ومنا واطيهم بسرعه بسرعه لان يردون الاكل حار لازم من النار للمعده ومالحك اكلي واطي واركض منا ومنا وحدي واني امشيتها بفطاريه وع نيتي ع ميخالف عيب اصيح وحده منهم تساعدني واكرب ومالحك
صار التطبيق الصيفي ولازم اداوم مخلوني بحجه حاره الدنيه اتصلت بصديقاتي شرحتلهن وضعي مقصرن سدن مكاني وحاجن المشرفه اني مزوجه محافضات وصعب عليه اجي لبغداد تساهلت ويايه الله هداها عليه واطتني درجه جيد بدون مااحضر التطبيق
بيوم كعدت الصبح ويه عدنان اريد اوكف ماكدر الدنيه تفتر بيه دايخه كلش نفسي تلعب احس معدتي تأذيني شافني عدنان صفره كركم وماكدر اوكف كالي ابقي بغرفتج اليوم لتنزلين
اني بصراحه مصدكت يكولي ابقي اني اكولهم مريضه اريد بس الفراش جسمي كله نحلان لفيت راسي ونمت للضهر يجي عدنان يتغده وينام ساعه ويرجع يطلع لمحله حسيت صوت اذان الضهر ياربي شبيه اليوم مده اكدر اوكف كمت بالكوه كلت اغسل واتوضه واصلي بلكن اصحصح شويه نزلت ع كيفي امشي كوه احس الكاع تفتر بيه واكفه ع مغسله اتوضه وسمعت
-ماما كومي كعديها للخاتون خل تسوي غده منشتغل عد الخلفوها احنه
-عوفيها يمعوده اخوج يكول مريضه مالها خلك خلوها نايمه
-لابله اخاف مترضين صيحيها خل تنزل منشتغل عدها احنه
رنا; من سمعت حجيهم صدك انقهرت ليش يعني اذا يوم جنت مريضه ومنزلت غير احنه ابيت واحد وصرنه خوات ونتعاون صليت وكمت سويتلهم غده بس كوه اتحرك اجه عدنان شافني كوه واكفه ووحدي اركض منا ومنا وهنه كاعدات يتفرجن مسلسلات هنديه
عدنان: اني موكتلج ارتاحي
رنا: حبيبي والله ارتاحيت قبل شويه كعدت من النوم لتخاف عليه ماكوشي
صبيت الهم الاكل وكعدت اريد احط لكمه بحلكي ماكدر معدتي تأذيني متحملت ركضت للحمام تقئت واني مماكله شي اصلا
عدنان: شبيج عيني انتي
رنا: مادري دايخه ومعدتي
عدنان: تعاي صعدي فوك ارتاحي اني شويه واجيبلج غده
رنا: ده اصعد ع درج وسمعت امه تكوله هاااا بدينه بعيارت النسوان
عدنان: يمه ياعياره متشوفيها وجهه اصفر كركم صاير
-اي عيني ليش لا شبساع يمه شبساع ياابن بطني بعت امك وصفيت ويه مرتك هاي الرجه بيك ياعدنان
رنا: حاولت اتماسك واصعد بسرعه ماريد اضل اسمع ماريد اخذ موقف منهم ولااريد اقهر نفسي صعدت تمددت ياربي شبيه اليوم ليش هيج لحضه اي صح اني فايتتني صار اسبوعين تقريبا حسبت اي صحيح ✔ والله ياربي كون الي ابالي صحيح ✔
وره شويه صعد عدنان كتله اريد تيست حمل
عدنان: ههههه يمعوده تونه ازوجنه ممعقوله حامل
رنا: عدنان صار اسبوعين والله شبيك
عدنان: ان شاءالله ياعمري انتي ان شاءالله تدللين بعيني اجيبلج
رنا: جابلي تيست الحمل وننتضر الاختبار ياخذله ثواني ويضهر طلعت طايره من الفرح وهوه حضني ويكولي الحمدلله حسيت بي فرحان مثلي واكثر رحت افرحهم كاعدين الصبح حمواتي وعمتي كتلهم اني حامل
شوفجاءه حسيت لوجوه كانها انكلبت ويباوعلي من فوك ليجوه
- شنو هاي شبسرعه
رنا: والله حامل سويت تي…
ام عدنان: اي ديله يله احنه راح اروح للزياره والبيت وصخ همي نفسج وغسلي يله
رنا: ضليت صافنه ليش هيج حته مافرحت وحده منهم عافني وراحن للزياره اباوع ع بيت لفراش ع حطته والحمام متروس هدوم ولماعين مكومه ركض ركض نضفت وكملت وركضت سويت الغده وغديتهم وغسلت لمواعين وصعدنه انام الضهر اني وعدنان حسيت حروره تنزل كمت شفت……
كمت ابجي صحت ع عدنان بس لاوكع الطفل ياربي
-ابيش طالبتنه يمعوده دنامي نامي ارتاحي بين متجي امي هيه اكيد تعرف شلون متعرف خبره امي اصلا جايبه 6انتضري بلكن. تجي
رنا: ضلينه للعصر وسمعتهم جوي عدنان مطلع ضل يمي وينتضرهم نزل يسئلها وصعد وحده
توقعت تلحكه اني مرت ابنها وبعتبار هذا حفيدها
عدنان: رنااا كلت لاامي تكول
رنا: اي شتكول
عدنان: تكول هاي جتها….……
وهيه متعرف عبالها اكوشي
رنا: عدنان شبيك وتيست الحمل موسويناه وطلع حمل موشفته ايجابي
عدنان: اي يجوز غلط مادري بعد المهم اني طالع هم يله
رنا: عافني وطلع واني صدك طكيت بجي يعني شنو قابل اكذب عليهم وهمه من عافو كومه هدوم واصعد اشر وانزل اخذ وجبه لخ والبيت والركض
اجه عدنان بليل كتله مشتاقه لااهلي من يوم العزيمه لليوم مشايفتهم
عدنان: اي الله كريم
رنا: عدنان اكولك مشتاقتلهم شبيك والله
عدنان: ديله ماشي اوديج الصبح بس هااا اوديج الصبح واجيبج بليل
رنا: ان شاءالله همزين رضه من رحت لهلي عرفت ان اخويه عبودي من رايحه اني بيوم الزفه ايدورون عليه مالاكيه طابين لغرفتي يسمعون صوت تشهنك مدوريه لاكيه بالكنتور خاتل ويشمشم بالهدوم مالتي يكولهم اريد ماما من طفولته يصيحلي ماما ومن ازوجت هوه اول متوسط وبعده يصيح مامه
رحت من الصبح لهلي وسولفت لاامي ع الي صار ويايه كالت كومي اوديج للدكتوره
-ماما اخاف يحجي عليه عدنان
-لاكومي اني اكوله تخربطت ووديتها
رنا: اخذتني الدكتوره وسئلتني بعد اكو كتلها لابس وكع شي بسيط وحسيت بوجع ببطني سوتلي تحليل حمل واخذتلي سونار وطلعت حامل والي شهر ونص يعني من ليله عرسي شايله بس الجنين مهدد بالاسقاط
ام رنا: لااسم الله والحل عيوني دكتوره
-الحل اتنام اسبوعين ع ضهرها وومنوع زوجها يوصلها وتاخذ هذا المثبت والفيتامينات ووره اسبوعين ان شاءالله اذا بين نبضه يعني الجنين بخير
ام رنا: يارب يارب يكون بخير
رنا :رجعنه للبيت واجه عدنان كتله و اتوسلت بيه ابقه هنا بحجه الدرج وميصير انت تتقربلي قبل بس سواها زعله خابرني
عدنان: رنا اني محجيت كدام اهلج بس شنو قصدج يعني احنه منداريج
رنا: حبيبي موهذا قصدي من كتلك ابقه واني مكتلك ع مداراه كتلك ميصير درج وبعدين اهم شي هيه الدكتوره يم اهلي اني هم موزين عليه هسه للطريق خوما اضل اروح واجي واني فهمتك اني ممنوع اي تعب واي حركه
كوه قنعته وكوه خلصن الاسبوعين من النك ماله اخذتني امي ورحنه للدكتوره واني ادعي يارب لاتفشل فرحتي يارب اخذتلي سونار
ام رنا: ها دكتوره
-لاالحمدلله الجنين بخير وصاير بي نبض بس هم لازم ادير بالها لحد ماتكمل الشهر الثالث
#تهمتي حبك
البارت الثالث والعشرون
ل ورد العامري
اجه عدنان وسولفتله واخذني ورجعنه للبيت اني طول. الطريق افكر بفرحتهم اكيد حيفرحون هذا ابنهم الجبير واول طفل اول حفيد هذا اكيد حيفرحون بحملي وصلنه للبيت واني ابتسامتي طاكه خدودي اتخيل شلون حيكيفون طبيت عمتي وحماتي سلمن عليه بثقل والوجوه مكلوبه تمنيت احد منهم يكولي مبروك مطلعت منهن جريت ذيول خيبتي وفشلتي وصعدت لغرفتي ابدل هدومي واني احس ببتسامتي الي تحولت لدمع جامد بعيني وكلمه ليش حته مبروك مطلعت منهم معقوله مفرحانين ليش هيج لوجوه كوه طايقتني فتحت باب غرفتي وانصدمت غرفتي مكلوبه كلاب الكناتير مفتحه وهوسه ع ميز تواليت ملحكت اشوف غرفتي لاملحكت ابدل
بعدني مندهشه بلي ده اشوفه وحايره ليش هيج الغرفه وسمعت صوت عمتي تصيح
-يله ست الحسن فضيها عاد البيت كاتله الوصخ شوكت تنزلين
رنا: صدك تحجي نزلت عود ده احاجيها سبقتني
-فضيها يله فضيها حنين مريضه متكدر توكف فضيها نضفي البيت وسويلنه العشه صافنه بوجهي
رنا: عافتني وراحت واني مندهشه من تصرفها ومن غرفتي الي ملحكت افتح بابها عدنان طبعا ذبني بالبيت وطلع بسرعه يعني يمكن ملحك يكولها لاامه ان موزين عليه الحركه بس هوه مواليوم يدري همه يعرفون اني ضاله ابيت اهلي هل مده لان موزين عليه الحركه
افتريت بالبيت المطبخ كاتله الوصخ الطباخ مليان دهن ووصخ البيت وسخ انحبست الدمعه بطرف عيني باوعت ع سمه من شباك المطبخ وكلت يارب انت تحميه لهل طفل مالي غيرك وماريد اسوي مشاكل والي يلوموني هواي ياربي احميني واحمي حملي
كفيت ردني وكمت ع بيت طبعا متقبل تنضيف عادي اله غسل وجلف كملت وصعدت لغرفتي اريد اشوف شبيها اني ملحكت اطب بس هيه مخربطه شنو هل هوسه الي شفتها فتحت الباب ودخلت بسرعه رحت اريد اشوف شنو هل هوسه والاشمر ع ميز تواليت
لكيت مكياجي كله مكسر ضليت اكلب بيه بدهشه ليش هيج مكياجي اكو شغلات بعدني حته ممستخدمتها ضامتهن بكراتينهن ماكو مموجودات وين راحن ذني زين اني كله مصفطته شوكت تكسر هيج رحت ع كناتير المفتوحه
ملابس الطلعه مالتي مهوسه ومشمره ابطن الكنتور اني كلها كاويتها ومعلكتهن ملابس البيت اني مسفطتهن مكلوبات رأسن ع عقب ضليت افتر واباوع ع غرفه الجرجف مال الجربايه مطكع وعليه كشور حب والكاع متنداس وصخ جياس جبس ودبك معقوله عدنان هوه الي مسوي هيج زين شوصله لمكياجي اكو هدوم مشمره رحت شفتهن هدوم عدنان الملابس الي لابسهن واني الي اسبوعين يم اهلي مشمورات هنا فانيله محد غاسله لكيت هدومي وياهن زين اني معفت شي وصخ ايجوز بالجر جارهن عدنان وصايرات ويه هدومه بس ذني مطكعات وريحتهن مطيبه لميتهن وبدلت الجرجف وعدلت الغرفه وعفت الكناتير بالليل من اصعد ارتبهن واني ابالي من يجي عدنان اسئله جمعت لهدوم وجرجف ونزلت اغسلهن واني مصدومه من منضر غرفتي بس يعني قابل اسئلهم شعليهم همه عدنان الي ينام بيها بس يعني عدنان قابل يلبس ملابس هااا لاشلون يلبسهن يعني يحط مكياج يااا ههه شبيه اني تخبلت احجي ويه نفسي يله يجي واسئله حطيت لهدوم بالغساله وطلعت اسوي العشه سمعت الغساله رحت طلعت وجبه وخليت وجبه ثانيه وصعدت اشر الوجبه الاولى نزلت واشوف الحمام متروس هدوم كأن مفتوح سوق الباله بي ضليت صافنه شنو ذني فززني صوت عمتي ورايه وهيه تكولي غسلي الهدوم ذني وياج وفضيها بسرعه وين صار العشه وعافتني وراحت
وين صار العشه اني طبخته بس العشه شنو هوه غير بعده الدنيه عصريه بعده حته ممأذن المغرب ضليت اغسل الهدوم وايد ع عشه كملت العشه واني هدوم بعدني ممكمله اذن المغرب توضيت وصليت ورجعت اكمل الغسل واجه عدنان وصبيتلهم العشه ورجعت اكمل لهدوم بحيث بجيت اريدهن بس يخلصن ضهري طك مخلصتهن اله واني احس ضهري انقسم 4اقسام واصعد اشر وانزل
كملت وصعدت لغرفتي اكمل ترتيبها بعده عدنان جوه يم اهله لان قانون حطته امه ان ممنوع يصعد لغرفته اله تصير ساعه 11قبل هل وقت ممنوع
اول مصعد انفجرت بي احس مبقه لاحيل ولااعصاب عندي من طبيت من لهل باب لهسه اكرب
عدنان مااكولك اني بعدني عروس وبعدني ممكمله 3شهور وياك وهيج اكرب كراب بس اني حامل وانت تعرف بحالتي وكتلك عليها الدكتوره كالت بس اعدي الشهر الثالث وارجع لحياتي الطبيعيه عادي بذاك الوقت يكون الحذر اقل يعني صار اسبوعين اني مموجوده ياعدنان اسبوعين البيت محد ماد ايده ومنضفه والهدوم مجموعه اله اني اجي وغرفتي مكلوبه كلاب لامكياجي لاهدومي يعني معقوله انت تلبس ملابسي وتحط مكياجي
عدنان: هسه شنو راح تموتين من الشغل شسويلج يعني هذا الموجود وبعدين شكو بيها البنات صعدن بالغرفه ايباعن تلفزيون 📺 شسوي يعني اطردهن مثلا موعيب ابويه دايره ع اخبار وصعدت يتفرجن فوك قابل اكلنها للغرفه
رنا: عدنان هدومي ومكي…
عدنان: اوووو شيسدها اليوم سدي الموضوع رنا هذا هوه قابل شسويلهم يعني هذا هوه خلص كافي تعبان واريد انام سد الحجي كله
رنا: ضليت اباوع عليه ماعرف شكوله
عدت الايام واني لاحسيت بنفسي عروس مثل العرايس لااكدر ابدل ولااكدر امكيج واذا اصعد لغرفتي حته بغرفتي مااخذ راحتي كاعدات بغرفتي 24ساعه ع. تلفزيون 📺
ايام اني جوه حايره بتتضيف وركض منا ومنا وتركيب وهنه ينزلن لابسات من ملابسي ومكيجات من مكياجي من غير حته ميستئذنوني بعتبارهذا الشي مالتي واصعد لغرفتي الكاها مكلوبه كلاب ومفردشه حته لمجر مفتحه ومكلبه وكل هذا ومااكدر احجي ممنوع افتح حلكي لازم اسكت لان كلها ضدي حته عدنان من احاجيه احبج اي بس اهلي لا ممنوع تنجاب سيرتهم
يعني رغم حبه الي مينطي بيهم واني ضاله اكل بروحي
بدت المدارس وحنين كل يوم تنزل اشوف بس واحد من احذيتي ملبوس وتفوت من كدامي حته من غير متكول يابه تره لبست ماريد يستئذنون بعد لوبس،يطوني علم ع قليل واذا رادت تطلع ويه امها تصعد لغرفتي بكيفها اطلع تكشخ بملابسي واحذيتي وتمكيج وتنزل
ومن ترجع من الطلعه حته متكلف نفسها تحطهن بنفس لمكان الي اخذتهن منه تشمرهن شمر يابالكاع وتسوي فضل اذا شمرتهن ع جربايه وفوك كل هذا من اجي اشيلهن الكاهن يابيهن زرف يامطكعات يامسلوتات تخربهن وتشمرهن واحذيتي الكاها مشمره و
ومشلعه من صفحه يا المداليه اول الدزاين الي عليهن رايح منتهي ومكطع
نفسيتي يوم عن يوم احسها تدمر منا شغل البيت الي ع راسي ومالحك اتنفس ومنا حامل وكوه شايله نفسي بجري هذا وتعبانه وفوك هذا كله غرفتي الي مااعندي حجايه حته بغرفتي مالي كلمه حته بغراضي
بهل فتره اهلي جانو يجوني محملين اشكال والوان نساتل والماكنتوش كراتين البيتزه المعلبات الحلويات الكنافه الكرواسون كلشي يعرفوني احبه تجيب امي وتحمل تترس ثلاجتي بعتبار اني حامل وتخاف استحي اطلب لو مااكل زين جوه استحي منهم فتنكل متدري اني لاكعدتي مثل الاوادم ولااكلي مثل البشر تترس ثلاجتي ترس واني والله مااضم شي عليهم هم انزل واوزعلهم والباقي اخلي بثلاجتي لان مرات حته ماالحك اكل وياهم اصعد اريد احط،شي بحلكي الكه ثلاجتي صفر كلشي مابيها زين اني بعدني نستله مماكله وين راحن الكه بس لكراتين مشمره فارغه واستحي اكول لعدنان اذا ع غرفه يكولي قابل اكلوها اكوله عله ذني شيكول نفسي لوعيني ضاكت اكول يله ميخالف واضل اكل بروحي
مشت حياتي هيج لالي كلمه ولالي احترام ولالي شي غير الخدمه بهل بيت وششوفين تسكتين لاكدر اشكي لعدنان لان رده اهلي شسويلهم ميكدر ايسوي شي ولااكدر اشكي لااهلي لان هذا اختياري الي منعوني منه مواختيارهم فلازم اتحمل واسكت
شعري كام يوكع ويتهلس لان حته مالحك اغسله وامشطه اطلع من الحمام بوجهي ع شغله ويضل هوه ع لفته ووجهي تعب حيل صرت جني فوك الثلاثينات واني بعدني 22سنه ممكمله وكل هذا واني بعدني يادوب 7شهور مزوجه
ووين وين يله اروح لهلي وابات يمهم كل شهرين مره واروح اباتلي يوم وارجع ثاني يوم
الدنيه شته واني بايته يم اهلي رجعت ثاني يوم سلمت وصعدت لغرفتي اباوع الزوليه محتركه رحت ع مكانها اريد اتأكد اباوع هذا حرك زوليه تركيه بعدها هاي اول نزلتهن وغاليات جانن شحركها هاي صعد عدنان وسئلته جان رده
-هااا اي موالبارحه البنات مسويات جدر شاميه وصاعدات يباعن ع تلفزيون 📺 وحاطات الجدر حارع زوليه فحاركها
رنا: وشنو ماكو ماعون طاسه يتفرغ بيه الشاميه اكو واحد ياكل بجدر وبغرفه النوم لو ممعروفه ميصير شي حار ع زوليه
عدنان: رنا قدر وصار هذا هوه يعني شسويلج عود اجيبلج احسن منها خلص سدي السالفه
رنا: متت قهر اني وين وهوه وين سكتت شكدر احجي وشكول كمت الملم الغرفه وشفت فوك هذا كله جدر الشاميه داحساته جوه الجربايه والثلاجه مصفره بطل مي مباقي بيها بس دموعي جانت كل يوم ترسم ع الي ديصير بيه اني وين جنت بنص الدلال وهسه هذا حالي