#تهمتي حبك
البارت السادس
ل وردالعامري
ضليت افكر بصار صادف تعارفنه يوم خميس الى الان اذكر التاريخ كان 25/12/2009
كعدت الاحد بكل نشاط اكو شي محببني اليوم بدوام اكثر سويت ريوك كالعاده لبابا واختي واخويه عيني ع ساعه اريد الوقت يصير واروح للمعهد عقلي مشوش حطيت للبيض ع النار سلك وخليت الجاي ورحت ابدل اليوم الساعه متمشي شنوهل ريحه هاي شكو ريحه عطاب قويه ركضت للمطبخ وشفت حاطه البيض بجدر بدون مي والقوري حاطه بي جاي وهم بدون مي ركضت سويت من جديد اني ب7يجيني الخط بدلت بسرعه بسرعه اجاني الخط اي واخيرا طلعت اركض هستوني ده
اصعد
نور: لج هاي شنو
رنا: شكو شبيج
نور: ولج شلابسه
رنا: شلابسه ووجع شبيج
نور: ولج دباعي ع نفسج جايه بشبشب
رنا: باوعت عله رجلي عااااااارجعوني للبيت
-ههههه عيني هذا كله تأثير عدنان شمسويلج وهيج دايخه
رنا: رجعت للبيت طبيت عله كيفي همزين بعدهم نايمين اختي وبابا يطلعون ورايه بوقت لبست حذائي وطلعت ركض بسرعه للسياره بس بذاك ليوم اشسوو بيه استلموني لعبو بيه لعب لولد حششو عليه وصنفوني تصنيف
وصلنه للمعهد شفت عدنان واكف كدام القاعات اول مشافني اجه بسرعه عليه
عدنان ;صباح الخير
رنا: صباح النور
حسيت كلبي صار طبل صوته اخترق مسامع اذني بكل قوه من كثر مادك ماعرف شبيه ياربي دخيلك جسمي يرجف وكلبي يدك بقوه
وصلني لقاعتي عدنان
عدنان: رنا من تخلصين تلكيني هنا منتضرج
رنا: دخلت للمحاضره واحسها شطولها عليه صارت اريدهابس تخلص مصدكت كملنه بسرعه طلعت لكيته واكف متانيني تمشيت بااتجاها واحس الابتسامه شنجت عضلات حلكي واتمنه اسد حلكي واوخر هل ابتسامه بس مادري ليش مكادره اسيطر عله نفسي هوه هم كان مبتسم من تقربت صازت عيونه بعيوني حسيت عيونه بيهن الف قصه وروايه يحجن هنه قبل ميحجي لسانه شفت بدا،خلهن حب وعشك حسيت كاني اعرفه من سنين
عدنان: تعالي نكعد بالحديقه
رنا: كعدنه وكان الي بينه نضرات بريئه
ماعرف ليش حسيت بروحي موحبيته لااني احبه كأني اعرفه من الف سنه دخل كلبي ببساطته
وخجله وتردده
تعلقت بيه وصار يومي يحله بوجوده نلتقي يابالنادي اوبالحديقه
مرت ايام واحنه مع بعض
بيوم اجاني اسعد
اسعد: رنا اريداحجي وياج بموضوع
رنا: خير كول
اسعد: كومي ويايه هسه لان شي كلش ضروري لازم تعرفيه
رنا: خير اسعد خوفتني شكو
اسعد: بصراحه رنا سمعت حجي ع عدنان صديق وياه بنفس منطقته هوه الي كالي عليه
رنا: وشنو هل حجي يعني شكالك عليه
اسعد: رنا اني للامانه حكولج لان اني الي عرفتج عليه واخاف يصير شي واكون اني السبب وضميري ايضل ايأنبني
رنا: اسعد احجي عاد هوه شكو شصاير
اسعد: بصراحه رنا اوووف والله ماعرف شلون اكولج بس مجبور
رنا: اسعد احجي عاد
رنا: بصراحه كال عدنان يشرب ويكبسل وعده سوالف مكسره هواي
رنا: هههه شنو هل حجي مستحيل عدنان بقمت الاخلاق والادب
شتحجي انت عدنان جدا محترم وماشفت منه شي ابد
اسعد: والله يارنا اني كتلج حته ابري ذمتي وانتي فكري بكلامي
اني كتلج حته بعدين موتلوميني وتكولين انت الي عرفتني عليه
رنا :طلعت من لمعهد رحت للسياره حاسه بغصه بكلبي مقهوره معقوله لكلام الي كاله الي كذب معقوله ايغشني انقهرت هواي حسيت هاي الطعنه الثانيه الي ووجعتني اكثر
نزلت من لسياره رجعت للمعهد ورحت غسلت وعدلت مكياجي ورحت للنادي شافني عدنان واجه عليه اني عفته ومشيت لاحجيت وياه ولاعبرته
هوه هم من شافني هيج طلع من النادي كعدت وحدي مقهوره حاسه بحركه بداخلي ضليت الوم نفسي لان انخدعت ومتعلمت من الصار وكعت مره ثانيه اني السبب اني الي اطيته مجال يحجي وياي بس كضينه ايام حلوه بين الضحك ولشقه وجان هواي محترم وياي اووف ياربي والله عقلي مديستوعب معقوله عدنان هيج تصرفاته ومعقوله ديغشني كل هذا جان يمثل بي عليه ياربي، راسي حينفجر شسوي قطع تفكيري صوت ورايه انداريت شفته عمار
عمار: محن كلبج عليه تركتج فتره كلت تفكرين وارجع افتح لموضوع رنا اني صار ايام ده احترك من اشوف ويه لولد الي اشوفج وياه صاركم مره بس كوليلي بشنو هوه احسن مني معقوله يكون بي شي احسن مني اذا كان جمال فااني اجمل منه ومستوى فااني افضل منه بالمستوى المادي واكدر اعيشج ملكه بس كوليلي اشفتي بيه متكوليلي اشفتي بيه الي مابيه
رنا: عمار
عمار: ياعيون عمار
رنا: استغفرالله
عمار: فديت المتعصب اني
رنا: يااخي اترجاك افهم
عمار: شترديني افهم حاضر بس من غير اخي
رنا: وبعدين شلون بابا مده اتقبلك انت شنو متحس يااخي كوه هيه خوما كوه مااتقبلك ولااحب اسلوبك فلهنا وكافي
ردي كان بعصبيه لان اصلا اني كنت ده افكر وروحي طالعه وهوه اجه ع نفس الموضوع بس ردت فعله صدمتني
ضرب لميز حيل بيده
عمار: بسيطه يارنا اذا مخليتج تركضين ورايه وتتوسلين اني فلا ابن ابويه اذا ماخليج تفترين حوالين نفسج اني مو رجال
رنا: ايصيح بكل صوته ويهدد
ههههه خوفتني والله روح شسوي سوي واني اشوفك الامهات شجابت لك اني اخت باشا
اني ف………… .ه شيخه بت شيوخ مضل عليه بس انت حته تهددني كلك واحد مهتلف منو انت حته تجاوز عليه وتهددني جرب بس هاا تجربه جرب والمس شعره مني حته تنمحي انت واهلك مايبقالك ذكر حرك تنحركون هي يالله مبقه عليه بس انت عفته بنادي وطلعت فاير دمي طلعني من طوري اني مومن طبعي احجي هيج بس استفزني الحقير والله يالله منوانت اشايف نفسه هذا باي حق بيا سلطه ايهددني اني حره انسانه حره مادام الله خلقني حره محد يجبرني عله شي ضليت امشي واحجي ويه نفسي احس اعصابي نار وكفت اذكرت اووف ياعدنان انت اكبر صدمه بحياتي معقوله تطلع مثل مكال اسعد
الناشر اسراء
تفاعلو. حته اكمل النشر
#تهمتي حبك
البارت السابع
ل وردالعامري
طلعت من المعهد واني مثل الاعصار ماعرف شسوي او وين اروح عقلي توقف ساعه اكول اي همه ولد ناس تعرف ناس كلام اسعد صحيح وساعه اكول لاعدنان ميسويها
ثاني صعدت بالخط مالي نفس لكلشي وكلهاانتبهت عليه
وصلنه ده انزل وصاحني محمد
محمد: رنا شبيج اليوم
رنا: سلامتك ماكوشي
محمد: بس لحضه رنا شنو صاير شي بينج وبين عدنان
رنا: لا من رخصتك
محمد: رناشبيج ياخيتي لحضه شنو الصاير عدنان يسئل عليج البارحه يكول مشفتها وانتي ماعرف شبيج رنا انتي مثل اختي تره والله وعدنا….
رنا: لوجنت صدك مثل اختك جان نبهتني وخفت عليه
محمد: تعالي وين رايحه ذبيتي قنبله ماعرف سببها ورايحه شنو قصدج
رنا: تفتهم. قصدي كلش زين بس يله حقك اني منو اصلا بالاسم اختك وهوه صديقك
محمد: انتي شبيج اليوم متعرفين تحجين شنو صديقك عليمن تقصدين قصدج عله عدنان شمسويلج ههههه وهيج ضايجه
رنا: عتبي موعله عدنان عتبي ع الي جنت مستنده عليهم واكول ذوله اخوتي
بس مع الاسف خيبتو ضني وجنت اتمنه لو انت منبهني قبل اسعد
محمد: شبيج اليوم تحجين 10بشهر شنبهج وع شنو دوختيني والله مده افهمج وشبي اسعد
رنا: اسعد الوحيد الي ثبت خوفه عليه واعتبرني اخته صدك ونبهني ع عدنان بس انت فضلت صديقك و…
محمد: لحضه لحضه اخذتيني حاصل فاصل شنبهج ع عدنان ليش عدنان بي شي غلط حته انبهج عليه شبيج انتي
رنا: لاابد مابيه بس سكير ومكبسلجي و…
محمد: لالا لهنا وكافي عاد رنا عدنان محشوم من هل شي الي ده تحجيه عليه
رنا: هههه صحيح منو يشهد صديقك بعد
محمد: اذا كان اخويه وعده غلط راح اكول بي غلط واني هسه اكولج اخويه ابن امي وابويه بي غلط وعدنان مابي غلط ولد صايم مصلي يخاف الله عيب هل حجي عيب
رنا: اضاهر انت هم مثلي لعد ههه مينعتب عليك اسعد حاجي ويه ولد من منطقته وعارف كلشي
محمد: هااا يعني اسعد الي وصلج هل شي
رنا: اي
محمد: واسعد مكلج انه حاط عينه عليج وعباله راح ترفضين عدنان بس من شافها صارت صدك وارتبطو كال لااخرب كلشي واني اطلع بصوره الزينه
رنا: اسعد هوه الي عرفني ع عدنان
محمد: عرفج عليه لان جان متأكد مثله مثل غيره راح يرفض بس شافكم ارتبطو كام يخرب بينكم
رنا: اسعد مثل اخويه شتحجي انت
محمد: وياترى اخوج ليش مانقلج اخبار 📰 الولد الحقيقيه يله فضل منه خلالي مجال الي سمعيني زين رنا عدنان اني نفسي مااوصله ابن ناس ومحترم وصايم مصلي يعرف الله ملتزم بدينه وازيدج شي عدنان من ضمن شباب ايسون اعمال خيريه يساعد الي يحتاج او يتيم وكل سنه يسون حمله طهورجماعب مجاني بالجامع للناس الي حالتها موزينه عدنان انسان ع كد حاله واهله هم ناس بسطاء بس عده غنى نفس وعمل طيب متفقين هوه والشباب الي وياه يسون حمله تبرع اني من لناس قنعني اشارك بشي بسيط وهواي ناس تشارك بفضله وفضل الي وياه ويرحون للي بحاجه مثل الي مريض وماعنده علاج يسون حمله علموده او الي ناوي يزوج وماعنده يفتحون تبرعات اله ايفروله لوغرفه نوم 💤 اويشاركون بتكاليف عرسه واذا تشوفين كلامي ممعقول روحي لمنطقته لوليش انتي ترحين اني اوديج بنفسي هسه اذا تردين وسئلي عن رابطه خدام الحسين كل العالم 🌎 تعرفهم لان حته بالعيد يفترون يوزعون ملابس لليتامه فمتعبين اصغر طفل ايوديج عليهم
اعرفي ناسج زين وبعدين احجي عليهم رنا لان اكو ناس الذم بحقهم جريمه لانهم ميستحقون احد ايذمهم وعدنان واحد منهم كتلج الي عندي وانتي حره اطيتج اسم الرابطه واسم الحسينيه الي يجتمعون بيها والمنطقه تعرفيها وتكدرين توصلين بيه اوبلايه من رخصتج
رنا: كلام محمد فرحني بس بنفس الوكت خجلت من نفسي حسيته موبس وعاني لاهاني اهانه باادب لاني ذميت وحجيت من غير مااتأكد بس معقوله اكون مخدوعه بااسعد اوووف ياربي شلون كل يوم انصدم بشخص بطريقه مختلفه ياانصدم بحبيب ياا بواحد جنت احسبه اخويه
ضليت استحي تحط عيني بعين محمد وعدنان من بعد معفته بالنادي وطلعت من غير مااحاجيه مشفته ولاحاول اصلا يشوفني
فات اسبوع كامل واني مشايفه عدنان سئلت محمد عن عدنان
كال موجود مداوم ليش تردين منه شي
-لالا عفته ورجعت ع نادي اكيد زعل مني بس اني ماكنت عارفه اصرف اه ياربي دخيلك
طبعا اسعد اني مكتله شي عن لموضوع ولاواجهته كل الي سويته قللت كلامي وياه مرات تخجل من كلمه الخوه رغم كل الي سواه بس احس روحي اني خجلانه من تصرفه لان جنت اعتبره اخويه كل الي سويته صرت ع كد السلام وياه
فاتن كم يوم واني ع حالي مستحيه اواجه عدنان بذاك اليوم هستوني ده افوت للمعهد شفت عدنان كدامي واكف متانيني يمكن لان من شافني ابتسم حسيت كلبي كمز وراح يركض اله كدامي
صباح الخير
عدنان: صباح النور
رنا: عدنان اني اسفه ذاك اليوم عفتك ورحت بس جنت مقهوره من شغله وجانت كلش شاغله بالي
عدنان: اعرف الي جان شاغل بالج شنو محمد حجالي كلشي بس عتبي عليج لانج صدكتي من غير حته متحاولين تعرفين الصدك من الكذب جان ع قليل واجهتيني الي
اوتسأليني الي مو تديرين وجهج وترحين
رنا: حقك بس جنت مشتته وماعرف شلون اتصرف وصار اسبوع اني ادورعليك وحته سئلت محمد كلي موجوده ده ايداوم بس اضاهرجنت متريد تشوفني والدليل اني مشفتك ابد
عدنان: رنا اني ماعرف اكذب ومومن طبعي اكذب بصراحه من. حجالي محمد كلت لهنا وكافي لان صعب انك تحب شخص وهوه ماعنده ثقه بيك
وانت اثبتي انج مو واثقه بيه ومن اول مشكله اوبالاصح كلام ملفق عليه صدكتي ودرتي وجهج عني ومهتميتي الي ولاحته كلفتي نفسج بمجرد سؤال ❔اذا هسه لااهتميتي ولاسئلتي ولاحاولتي تعرفيني اخذتي صوره غلط من شخص واكتفيتي بيها حته مفكرتي اني متصرفت ولاحاولت اتصرف بشي غلط بحقج اذا هسه هيج انتي جاباجر من نتزوج شلون هم اديرين وجهج وتمشين وترحين من غير متحاولين تعرفين هل انسان الي كدامج ولاتكلفين نفسج اصلا
ع عموم رنا اني اسف واعتذر منج احسبي الصار كأنما مصار ولاكأنما جيتج اوصارحتج بحبي لان متعودت افرض نفسي ع احد ولاراح افرض نفسي عليج لان الي صار ثبتلي انج لاحبيتيني ولاحاولتي تحبيني اصلا وانتي حره مومن حقي اجبرج عله حبج الي بس اوعدج من اليوم متشوفين وجهي بعد ولا راح اضايقج بشي اكرراعتذاري ع اي شي بدر
#تهمتي حبك
البارت الثامن
ل ورد العامري
رنا: حجه الي يرديه وعافني وراح واني واكفه بمكاني مثل تمثال جامد بس داخله يحترك حسيت اخذو مني شي عزيز عليه بس مواحد اخذه اني جنت السبب بضياعه داخلي يعصرني احس بقهر بداخلي دموعي صارن ينزلن مكدرت اسيطر او اتحكم بدموعي صارن يجرن ع خدي حاولت اسيطر ع روحي مكدرت رحت للمغاسل بسرعه ماريد احد يشوفني بهل حاله وبهيج منضر انفجرت هناك صرت ابجي بكل قوه عندي ع امل يخف الالم الي حاسه بيه
غسلت وجهي وطلعت دكيت. ع نور
نور فدوه تعاليلي
نور: خيرشبيج
رنا: بس تعالي فدوه
نور: وينج انتي
رنا: كاعده بضهر الكشك مال الاستنساخ
نور: زين زين جايتج
رنا: مخنوكه حاسه الدنيه كلها وكعت ع راسي اني السبب بكل شي صح كلامه حته مكتله ولااهتميت سمعت واخذت الحجي من غير مااواجهه اوافكر للحضه ممكن يكون الحجي تلفيق بس غصبا عني جنت حاسبته اخويه
نور: لج شبيج منو وياج
رنا: من شفت نور شمرت روحي بحضنها وبجيت اتمنيت هل بجي يخفف الالم لبداخلي بس بالعكس ده يحركني اكثر حسبت شي مسلوب مني وغالي كلش وخسرته وسببلي هل وجع
هديت شويه اخذت نفس شربت مي حاولت استجمع لباقي من قوتي حته اكدر ارد ع اسئله نور جاوبتها وحجيتلها كل الي صار
نور: رنا حبيبتي شبيج يمعوده مصارلكم فتره طويله كلها شهرشبسرعه حبيتيه ليش هيج مسويه بروحج
رنا: نور عدنان انسان يختلف غيرشي يختلف عن كل الي حواليه احس بقربه براحه نفسيه باامان احس كأني اعرفه من زمان من اشوفه احس اني عايشه وياه بغير عالم بغير دنيه
نور: دكومي حبيبتي كومي غسلي وجهج وعدلي نفسج عدلي مكياجج هذا الي ساح صاربخبر كان كومي هسه اذا شافج اسعد يشمت بيج ويفرح باانتصاره عليج وعله عدنان وعدنان اذا جان يحبج صدك راح يحس نفس احساسج ويجيج وميعوفج وراح يسامح لان الي يحب ميشيل بكلبه شي ع حبيبه
رنا: انتي تشوفين هيج يعني
نور: اي انت بس كومي وسمعي كلامي وشوفي
رنا: كمت وياها ونفذت كلشي كالته
يله لعد خل ندخل محاضره بله شي فااتني محاضرتين اني
نور: ندخل ليش لا بس اخاف تخلصيها مناحه للمحاضره وتفضحينه
رنا: لالاوالله خلص هذاهوه وهاي عيوني هم مسحتها حته ميبين شي
وصلتني لقاعتي وراحت لقاعتها صح مسيطره ع نفسي ومبينت شي بس جسمي بمكاني وعقلي بمكان ثاني كملنه المحاضره ورجعنه للبيت الطريق كله مثل الفاكد شي حسيت اني فاكده عدنان وهل شي كلش مأذيني
مراسبوع واني مشايفته لعدنان ابد كل يوم جنت اتأمل اشوفه اويجي ويسمع عذري ويتقبله يمكن لوكنت اغيب عن المعهد افضل من وجودي الغائب ممنتبه لاع دروس ولاعله شي احس بوجع بداخلي يعصرني وضاله باامل اسمه نرجع سوه
حاولت اقوي نفسي ماردت احد يشوفني هيج وبالذات الي وكعوني بهل شي ماردت اسعد بذات يشوفني هيج قويت نفسي هذي اول مره كلبي يدك لاانسان بهل طريقه بس اني الي خسرته لهل حب لازم ارضه بالواقع ومااضل ع امل وهمي اوهم نفسي بيه هيه تجربه وفشلت بهل تجربه اني ولازم اعترف بغلطي واكدر استرجع شي من نفسي جنت ناطيه كل الحق لعدنان واعترفت بيني وبين نفسي انه صاحب حق اني الي غلطت مكلفت نفسي اسئله اواعرفه زين اني مسامحته ع كلشي صار ومن حقه يعوفني كضيت الليل كله افكر كعدت الصبح كدام. المرايا حسيت. اني. بحاجه احاجي نفسي
رنا كافي تجربه وخسرتي لاتخسرين كلشي ع قليل حاولت تربحين ولو الباقي من. نفسج دراستج لاتنكسرين وتشمتين احد اني قويه ومراح اضعف وجعي احبسه بداخلي ومراح اطلعه لااحد بيوم
غسلت بسرعه وحطيت مكياج. كأني اتحده نفسي لبست تنوره قصيره جوه الركبه سوده وبدي اسود ولياخه بيضه مبين عبالك جوخ البدي تشيرت اسود وفوكاه جاكيت وترست عيوني كحل اسود برزن اكثر وهنه كبار احسهن برزن بشكل حلو وتناسقن ويه وجهي
اول مصعدت بسياره
هلووو صباح الفل
احمد: انتي الفل عيني شطالعه اليوم. صدك. لوكالو من لبس السواد سبي العباد
رنا: ههههههههه
نور: اني اضن راح تصير حرائق اليوم خصوصا لوعدنان شاف سيقانج طالعه ينجلط لمسكين
رنا: عفيه نور لجيبين. طاريه ولااذكرين اسمه تره كلبي بعده ملجوم ومتعرفين بالوجع الي بداخلي سكتت شويه وبعدها نتسدني بخصارتي
اي شبيج
نور: لج باعي اسعد
رنا: شبي صخام
نور: دباعي راح ياكلج هههه
رنا: رفعت عيني عليه جان فاتح عيونه بوجهي باوعت عليه ورفعتله تك حاجب بخزره وودرت وجهي ع نور اضحك. وياها وصلنه للمعهد دخلت لقاعتي الاستاذ مجاي فماكو محاضره اليوم
شعبتي كلها التمت بنادي كاعدين رحت يمهم جنت احب صداقتي وياهم اخوه ولد وبنات ماكو. تجاوز بينه وناس تحترم ناس وكفت يمهم. وره شويه فات عمار يعرف ولد من شعبتي من شافني حسيت عيونه طلعن من مكانهن شفته عفهم واجه بتجاهي يمشي 🚶 بحركه سريعه
#تهمتي حبك
البارت التاسع
ل وردالعامري
عمار: لج هسه من احرك عشيرتج احد يكولي ليش
رنا: لتجاوز واحترم نفسك لا…
عمار: شحترم متكوليلي لج هوانتي خليتي عقل براسي ولج شلابسه تردين تموتيني انتي لوترديني ابتلي بااحد
رنا: والله يالله وخر بابا
عمار: لج رنا مده تشوفيهم شلون يباوعون عليج امشي خل اوديج لبيتكم بدلي وارجعج
رنا: لاوالله من كل عقلك عود يعني
عمار: رنا فدوه اروحلج امشي اخذج اني بدلي ورجعي
رنا: لامصدك نفسك لك بابا من كل عقلك اصعد سيارتك وثاني شي انت منو شعليك بابا شيخصك انت بلبسي ولي امري اخويه ابويه زوجي
عمار: ولج اخ يابه بس عيدي اخر كلمه شكلتي
رنا: كلت مووووو زوجي ومالك حجم عليه
عمار: خرب لج احترك ابويه واحتركت عشيرتي كلها اذا مصرت رجلج
رنا: تره اختنكنه قل الاوكسجين هوينه شكد لزكه عابت هل شكول
عفته ودخلت لداخل النادي شفت عدنان كاعد ع ميز ووياه بنيه ديقرون احس عقل مضل براسي احتركت واني واكفه بمكاني ش مكعده وياها بسيطه ياعدنان تقصدافوت من يم لميز مالته وكعدت ع ميز المقابيله مباشرتا بصفه صارلميز بس لكرسي لكاعده عليه كباله مباشرتا بنات من شعبتي جني كعدن يمي وولد هم ويانه كعدو وعمار اللزكه وياهم
سويت روحي اشاقه واضحك ومامهتمه بس ارفع عيني اباوع عليه وجهه صار احمر دم يباوع عليه مخنزر ولايمي ولاهتميت بالعكس زدت شقه وياهم باوعت عليه يأشرلي براسي عود يعني كومي اني ارفع كتافي ونزلهن بدلع وضحكه خبيثه
اخر شي كام
عدنان: كومي ده احجي وياج
عمار:خير شتريد ليش تكوم وياك
رنا: عمار كمز من مكانه اجه ع عدنان وعدنان اكتفه يندار عليه يباوعله بتك عين من فوك ليجوه
عدنان: يله كومي
عمار: موده احجي وياك شنو كومي ويايه
عدنان: استغفرالله بابا اني حبيبتي واكولها تعاي وياي انت منو حضرتك
رنا: حسيت عمار عيونه انقلعن اعصاب صار
عمار: حبيبتك شنو شوكت صارت حبيبتك ولي منا يله
عدنان: لتجاوز والزم حدك حته لاتنهان وانتي كومي فضيني
عمار;لامتكومين بله شوفني شسوي
رنا: عدنان دفعه ولولد الواكفين جرو عمار كلوله لاتدخل انت معيلك
رادت تعلك بينهم بس ولد هدو بينهم طلعو عمار كالوله لادخل نفسك واني خفت ع عدنان لاذاك الحقير يسويله شي كمت وياه ورحنه للمكان الي تعودنه نكعد بيه وره كشك الاستنساخ بس عدنان اعصاب عاصر ايدي عصر وجريجرني مومشي كعدنه وره الكشك نزع سترته غطه رجلي
عدنان: كعدي هنا لاتتحركين هسه اجي
رنا: وين رايح
عدنان: معليج هسه اجي ضلي هنا لاتكومين منا ابدهسه شويه واجيج
رنا: اباوع عليه راح ابتعد بعد شويه واتحزم واركص كثر مفرحانه لان غار عليه وطلعني من. النادي
شويه وشفته اجه بيده علاكه سوده
عدنان: هاج
رنا: شنوهاي
عدنان: فتحيها وشوفي
رنا: فتحتها جايب جواريب نسائيه بس من هاي الشرعيه الي تصير ثخينه كلش وعلاكه بيده طلع منها لفات وببسي
عدنان: شكو. صافنه فتحيهن لبسيهن وبعد مينزعن لجواريب ابد من رجلج فضيها صافنه بوجهي فضيني ده. نتغده يبستي كلبي شدعي عليج
رنا: ههههه فتحتهن ولبستهن من غير مااعارض رغم عنوديه وماانفذ شي بس نفذت واني فرحانه يعني ماعرف ليش وياه احس مواني لعنوديه الي محد يفرض شي عليه وياه اكون مطيعه وحبابه وانفذ بله اعتراض
عدنان: شبيج تباوعين ههه لبسي بسرعه اريد ناكل
رنا: عود انت شمسويلي وهيج انفذ اني
عدنان: يمكن مسويلج سحر 🔮 ههههههه
رنا: هههههه يمكن صدك بشنو ساحرني ضليت احجي بكلبي يمكن ساحرني بنضرته بتصرفاته بكلماته البيها نوع من الغيره تصرفاته الشرقيه حته بكلامه احسها صدك رجل شرقي كلماته جانت مثل سهم ينبت بكلبي بس ميأذيني بالعكس ايحرك كل مشاعري ويخليني اطير وافرح وتحسسني اني ملك اله بخوفه عليه معد بصفي
عدنان: اووووف وتالي وياج يابنت الناس شسويتي بحالي لاليلي ليل مثل البشر ولانهاري نهار ماخذه عقلي مني ومستحله كلبي لاكادر اعوفج ولااكدر انساج كل الي اعرفه هوه اني احبنج اموتن عليج والله يشهد عليه
كل الي اريده منج تتغيرين لخاطري حته نكدر انكمل سوه لحد الموت منتفارك
رنا: والله اني هم احبك متدري شصاربيه من عفتني صرت مثل طفل مضيع امه بس كولي شتريد اسوي واني حاضره
عدنان: كل الي اريده تغيرين من نفسج
رنا: اغير من نفسي
عدنان: اي هذا اللبس ماريده ولو بيدي البسج جادر وبوشي حته محد يشوف هل جمال غيري
رنا: هههه جادر
عدنان: اي والله وها لجواريب متنزع ابد يل متخافين الله مطلعه رجلج وزرورج جنهن حلبلاب الرايح ولجاي يباوع متحسين متخافين الله لج بابا فهمي هذا حسنج وكلشي بيج الي وحدي بس اني اشوفه وهذا عقلج. كبري طفله يضحكون. عليج بكلمتين مثل ذاك اليوم لاكلتي لاسئلتي وكبل درتي وجهج. ورحتي لاتتصفنين وها حجي ويه الولد ماريد شهل مياعه ليش تخليني ارتكب جريمه بيج واشيل ذنب واحد بركبتي وبذات اسعد وعمار بذات ذوله ممنوع منعا باتا مفهوم الي كلته صار معلوم لواعيد
رنا: صافنه وفاتحه حلكي عليه من هسه يتشرط يله انفذ شنسوي حجيت بصوت ناصي
عدنان: شكلتي بله زحمه
رنا: ها لا ماكلت اكول يعني ميخالف انفذ شنسوي يعني احاول بس ها ماالبس كادر البس تنوره طويله ميخالف
عدنان: هههههههههه خرب غيرته لعقلج اكلي عاد اللفات بردن
رنا: اطاني اللفه وفتحلي قوطيه لببسي اطانياها وعيونه عليه
دير وجهج استحي احد ايباوع عليه واني اكل
عدنان: هااا هاي عود تستحين لعد اذا متستحين شلون تاكليني
رنا: ههههههه عابتلك
عدنان: نعم شكلتي بله زحمه
عيدي
رنا: هههه كلت عابتلك صار ساعه تحط شروط اوي شكد مليق
عدنان: لابله اكول خفي شويه اكوناس نجمه خفيف متتحمل وتخاف ع روحها لاتسوي جريمه
رنا: هئ هئ هواني شحجيت احجي وياه بدلع وابرطم
عدنان: لااني اكول خل اكوم احسلي
رنا: لاشبيك ويايه شمسويتلك
عدنان: لاشمسويه بس سودنتيني كافي رحمه لاابوج
رنا: هسه غيراعرف شسويت
عدنان: خرب لج. كافي لاتحجين بهل طريقه لواكولج ابوس ايدج سكتي ولاكلمه
رنا: سكتنه وضل يباوع عليه شفت بعيونه حب لاول مره اشوفه حب بصدق وخوف مجانت نضرته الي بيها شي موحلو لونضره مونضيفه
حسيت دوده تمشي ايدي كرصتني عطت
عدنان: شبيج شبيج
رنا: اي مادري شي كرصني يمكن. دوده شفت لدوده وكرصتها اذتني كمت ابجي واصيح عفيه وخرها
وخر الدوده وضل يفرك باايدي بمكان الكرصه حسيت كهرباء تولدت من ايده وسرت بجسمي ووصلت لنص كلبي احساس حلو اول مره اعيشه حب حنان خوف امان هيج احس واني بقربه تقرب باسني من راسي وكام وكف مسح وجهه بيده ومد ايده كومني عصر ايدي باايده وطلعنه. نتمشه كدام الكل نمشي واحنه ايد باايد كان مثل اعلان عن حبنه كدام. الكل وبالاخص اسعد وعمار كان مثل رساله انكم متكدرون تفركونه هذا حبنه حب بالفطره الله زرعه بكلوبنه وجمعنه مع بعض حته يضهر هل حب رغم. هوه من مطقه واني من منطقه وحته بالمعهد اني ميكانيك وهوه مرحله ثانيه كهرباء بس الله لاكانه وجمعنه سوه خلص يومنه بين سوالف ونضرات ودفو حسيته وايدي باايده
عدنان: رنا شوكت ناويه تطيني رقمج. صار شهرين سوه وانتي متقبلين. تطيني رقمج
رنا: فدوه عدنان. كلشي ولارقمي والله اخاف
عدنان: هههه شبيج. معقوله احرجج ويه اهلج بس اسويلج مسكول وانتي سويني مثل صديقاتي سميني بااسم بنيه بتلفون كل الي اريده هوه. اني اطمن عليج
رنا: اخذ تلفوني سجل رقمه ومن يومها بدت رحمه الله هههه طبعا بس نسوي مسكولات منتخابر نحجي بالمسجات وجانت
وين. انتي
وين رحتي
شدسوين
ومن هل كلام واذا مرديت يزعل ويكولي بيمن مشغوله. عني منو.شاغلج ليش متردين
استمرينه هالشكل ساعه نزاعل وساعه نتصالح وجتنه نص السنه وامتحنه ووره الامتحانات بسبوعين اني مشايفته وشوقي اله مينوصف متلهفه لشوفته اريد بس لدوام. يبده
اول مداومت شفته متانيني بمكانه مشتاقه اله كومه بس هوه جان موعله بعضه
عدنان شكو. شبيك معقوله هيج ممشتاقلي
عدنان: مخبله انتي شلون ممشتاقلج واني اريد هل عطله بس تخلص حته اشوفج
رنا: لعد شبيك
عدنان: مابيه شي حبيبتي
رنا: عدنان شنو مابيك شي كولي شبيك ليش هيج تخليتي بقلق
عدنان: اوووف حبي ماكوشي لايضل بالج شويه مشاكل بالبيت
رنا: وشنو هل مشاكل
عدنان: رناوي يروحي ونبض كلبي انتي لاتشغلين بالج. وواوعدج من تنحل اسولفلج عليها
رنا: عفته براحته ملحيت. عليه رغم ممرتاحه واني اشوفه هيج ضلينه اسبوع هوه نفس حاله وكل مااسئله يكولي ماكوشي بدينه الاسبوع الثاني وهوه مداوم ادك عليه ادز مسجات وهوه ماكو تلفونه مغلق وبالمعهد ماكو ممداوم اسودت الدنيه بعيني حته الاكل قطعته وبس ابجي غيابه فجاءه خلاني مثل الضايعه اسئل عليه محديعرف عنه شي كل يوم اكول باجراشوفه ويجي غيره واني مشايفته وبعدني مثل الي يفتر حول نفسه فات الاحد والاثنين والثلاثاء وادك. وادز مسجات ماكو ورحت للمعهد مشفته لحد الخميس
الناشر اسراء
#تهمتي حبك
البارت العاشر
ل وردالعامري
صار اسبوع اني ماعرف شنو النوم حته اكلي بالكوه اكل بعد ضغط امي عليه اكعد وياهم امثل عله روحي وعليهم اني اكل
الصبح الخميس كان يوم يئس يأئسه من كلشي مالي خلك نفسي سؤال ❔ صار اكبر مني ودمرني وينه وين رايح وين اختفه
كمت بالكوه غصبت نفسي بدلت وسمعت الخط طلعت
نور: رنا شبيج وين حيويتج يمعوده شنو القصه صباح الخير كوه تكوليها
رنا: ماكوشي تعبانه شويه
نور: اسم الله عليج حب شبيج
رنا :مابيه نور كتلج شويه تعبانه
وصلنه للمعهد دخلت شفت احد واكف بالمكان مالتنه هذا عدنان مشيت بخطوه سريعه اريد اتأكد باامل مكسور وروح تعبانه لايكون موهوه
من اتأكدت انه هوه ركضت ركض حته اوصل يمه حته سلام مسلمت عليه
ليش مترد ليش مغلق ليش مداوم ليش هيج اختفيت ليش هيج سويت بيه فقدت اعصابي لدرجه منتهت ع نفسي عيطت عليه واضرب بيه ع صدره ودموعي حسيتها متنزل من عيون كأنما تنزل من كلبي كثر ماكلبي واجعني
عدنان: بس بس يروحي انتي اهدي شويه رنا كافي اهدي عاد
رنا: يهدي بيه واني مكادره اسيطر ع روحي مثل الي نفجر كلشي بداخلي صار اسبوع بهذي الحيره اني واليوم نهاريت جرني لحضنه
حضني بقوه حسيت ان البركان الي بداخلي خفت وتبعثر ونطفه ضلت بس دموعي تنزل بحضنه ذبت بدفو حضنه وهديت بالحنان الي حسيت بي واني مطوقتني ايده عطره ادخل لسكينه لقلبي الهائج الموجوع عطره اخذني لعالم ثاني
عدنان: بس اهدي وكافي بجي حته نكدر نحجي كافي ياعيوني انتي والله دموعج ادمرني كافي
رنا: كعدني وخليت راسي بصدره وكأني خايفه ابتعد ويطلع حلم واني بعدني بنفس لدوامه وماعرف عنه شي ايده جانت تمسد راسي ولثانيه محتضنه كتفي
ليش هيج سويت بيه
عدنان: اسف غصبا عني
رنا: صار اسبوع موجعك كلبك عليه وكلك حالتها بالويل طمنها عنك
عدنان: ضروف جبرتني اني مااتواصل وياج بس اصلا كلبي يمج سلمته الج وصار البين ضلوعي انتي موقلب
رنا: لوتعرف شكد اشتاقيتلك
عدنان: اااه واني متت وهسه احتيت بشوفتج
رنا اريد احجي وياج بموضوع
رنا: شنو
عدنان: رنا اريدج توكفين وياي وتسانديني وماتتخلين عني
رنا: حركت راسي ع صدره وكأني اريد ادخل لجوفه واكون بنص صدره
مستحيل اتخله عنك حبيبي روحي اكدر افاركها واتخله عنها بس انت لا
عدنان: اريدج بعد مااحجي يكون هذا موقفج نفسه
رنا: مهما كان الي راح تكوله مستحيل اتخله عنك
عدنان: رنا اني ماريد اضم عليج شي لأنج نصي الثاني لا انتي مونصي انتي كلي كياني انتي ولهل سبب اريد اصارحج بكلشي
رنا اني ابويه يشتغل عماله وعندي اخوان 3بنات و2ولد اني بيتي بالم………..
بيت تجاوز حته كاعه مونضيفه كلشي يطلع منها حيايه عكارب
اني اشتغل ويه ابويه بالعماله باايام العطل يعني اطلع مصرف 🏦 جيبي ولكراوي
يعني بين قوسين اني مومدلل مثلج وانتي مستحيل تكدرين تعيشين مثلي رنا كل حلمي هوه اخطبج ونزوج وتكونين ابيتي بيتي موحياطين وسكف اقصد لا تكونين بوسط روحي عيوني اول شي تشوفه انتي واخر شي انتي
صدكيني اتمنه هسه اروح لاابوج واخطبج منه بس راح اضلمج لان متكدرين تعيشين عيشتي واني كل الي اريده منج تصبرين عليه بس اتخرج واتعين واكدر اكون نفسي حته اكدر اكون الج بيت يكون مناسب ونضيف واعيشج مرتاحه ماريد اتعبج بعيشتي رنا كل الي اريده تصبرين شويه صبر تصبريلي
رنا: واني وياك وراح اصبر
عدنان: توعديني
رنا: اوعدك حبيبي
عدنان: تصبرين وتنتضريني ومتكونين لغيري
رنا: لواخر يوم بعمري ماكون لغيرك وراح اصبر وانتضرك لوعمري كله هم اتانيك
عدنان: اااااه وعد
رنا: وعد
عدنان: الحمدلله متعرفين شنو الهم الي كسرتيه وزلتيه عن صدري بس اكوشي ثاني لازم تعرفيه
رنا: شنو احجي
عدنان: رنا احنا عاداتنا يعني عادات العمام واهلنا يعني يزوجونه واحنه صغار لبنات عمامنه يعني لان ع كد الحال فبنت العم مهرها يكون مكدور عليه مومثل الغريبه اني من كملت صناعه ابويه حاجه عمي ع بنته يعني ع اساس ازوجها بس اني رفضت فكره الزواج لان اريد اكمل معهد فكلت لوالدي احل الزواج وره مااتخرج بس ابويه حجزها الي لحد مااتخرج يعني ومابقى شي
رنا :اييي وقصدك شنويعني
عدنان: رنا بس اهدي شويه حته اكدر افهمج
رنا: شتفهمني وره تخرجك تزوج بت عمك
عدنان: لا لا بس خليني افهمج كل الي اريده تسمعين الهم الي ع صدري
كلها تعرف ان مبقالي شي واتخرج والجمعه الفاتت اجه عمي ل ابويه واتفقوا يعقدولنه واني مادري شلون اخلص نفسي
رنا: حرام عليك ليش ضميت من البدايه كل هذا
ليش تخليني احبك وانت تعرف نهايتك بت عمك بركبتك حته مفكرت شراح ايصيرلي اني
عدنان: اشششش لج بابا من كل عقلج اني افكر ولومجرد تفكير اني اترتبط لو ازوج غيرج مستحيل الموت ارحملي لج انتي روحي اذا يوم ماشوفج ادمر شلون اكدر اخذ غيرج اصلا
رنا: هذا كله حجي انت ده تكول ابويه وعمي متفقين جان لازم. من لبدايه متخليني بهيج موقف لوكنت تحبني صدك جان..
عدنان: رنا اني موبس احبج اعشقج وحطيها ابالج سولفتلج لان اريدج تصبريلي وتسانديني بس اني اخذ غيرج لاهاي متصير لواعرف انطرد من العشيره كلها لوصلت لتبري هم خل يتبرون اني قصدي من كلامي اريدج تكونين وياي موحته اروح ازوج غيرج واعوفج كم مره كلت كبري عقلج وفتهمي قبل مايعله صوتج وهل حجي كله
رنا: وفوكاها اني الغلطانه بس بله مكتلي وبت عمك اكيد هم متعلقه بيك خطيه شلون تعوفها 😒
عدنان: هههه واني متعلق بيج وبس وثانيا لتخافين عليها بعدها صغيره وعندي عمام وولدهم هواي اي واحد ياخذها كلش كلش اخويه الصغير ياخذها اهم شي انتي لتخافين عليها
رنا: واني شكو اخاف عليها شعليه لوتاخذ رئيس الموزمبيق اهم شي لتوصل لمنطقتي حضر عليها الي وبس
عدنان: هههههه وهوه الج. مثل ماانتي اله وبس حبي بس صبر وغلات عيونج اخليج بين عيوني واحبسج بقفص صدري بس كوني وياي وسانديني
رنا: ماشي واني وياك ومن سابع لمستحيلات اتخله عنك لومهما يصير
عدنان: اااااااه ريحيتي كلبي يا لبة كلبي لوتدرين شكد مشتاقلج
رنا: ههه واني اكثر منك والله
عدنان: اكييييددد
رنا: اكيد ونص
عدنان :اذا اكيد بداعتي عندج اطيني بعد حضنه
رنا: هههه لابالله هيه صارت مره وبعد خلص بش خلصنه بله طمع
عدنان: اوووف زين بوسه وحده بس
رنا: شنوو طالع عينك. افندي كوم يله كوم لمحاضرتك متنطي عين ابد يله كدامي للمحاضره اني اليوم عندي عملي ماكدر مااحضر يله كوم
عدنان: حرام والله يعني واحد ميت شوق لحبيبته وتالي كلشي ماكو شكد نحيسه لتخزرين امشي امري ل الله امشي اوصلج نحيسه
رنا: اي نحيسه لعد شعبالك ههههه
كادني وهوه يشبك اصابيعي بااصابيعه ويتمسك بقوه بيدي وصلني للمعامل وراح. هوه للمحاضره
دخل احساس الخوف ليمتلك قلبي الذي عاش الحب وعشق بكل قواه
خوف من ماذا لو حدث مااخاف منه ماذا لولم يكن لي
ماذا لو ابتعد عني ليصبح لغيري
#تهمتي حبك
البارت الحادي عشر
ل وردالعامري
ضليت بحاله قلق لكن ضامتها بداخلي ومااحجي بيها مشت ايامنه بين يوم نتزاعل ويوم نتصالح ويوم ينكضي بغزل ورومانسيه جانت غيرته عليه تثبتلي حبه الي اكثر مشاكلنه جانت بسبب يشوفني احجي ويه واحد من زملائي وبهاي يكلب الدنيه ع راسي وادخل مجلس تحقيق ليش وشنو وشراد وشكلتيله وشكلج اوبسبب مكياجي اذا طوخته شويه بذاك اليوم اني ممسوح وجهي ومترزله منه لويعاركني علمودلبسي
جان اكثر الايام يرجع ويانه بالخط
وطبعا نحجز الكراسي الاخيره تكون النه وبس علاقتنه وصلت لمرحله الكل عرف احنه الاثنين نحب بعض بجنون وقوت علاقتنه اكثر من البدايه صار مسؤل عني استشيره باي شي وهوه ميضم عني اي شي
صرت اذا اريد اطلع لمكان لازم يكون عنده علم جان اذا ميقبل ع طلعه ممكن اكنسل اي شي وابقه بالبيت حط شروط حته ع لبسي
البنطرون ممنوع قصير ممنوع ضيق ممنوع حجابي لازم يكون مضبوط ممنوع يطلع اي شي من شعري ولوحصل وطلعت شعرايه وحده بذاك اليوم يبقه بس يقيم الحد عليه شيخلصني صرنه كأنما مزوجين لكن ليس بكل شروط الزواج صرت انفذاي شي يكوله وبلا اعتراض اوحته تردد
حنيته جانت حياة ثانيه بالنسبه الي حنيته جانت بكلشي عليه ومشكلتي لوحيده هيه غيرته
الايام تمشي بسرعه وصار وقت تخرج عدنان وكانو كل مايقرب موعد تخرجه يزيد توتري وخوفي
كاعده بالبيت وكل تفكيري باجر حفله التخرج ويمكن تكون نهايتي وصلني مسج من عدنان
-شلونج ياحب حياتي يانبع انفاسي
حبي بحفله التخرج الج عندي مفاجئه
-لالاعدنان عفيه هسه كولي ماعندي صبر لباجر
-يانور عيوني تعلمي الصبر -
-بس عفيه دكولي هسه
-هههههه احبج وباجر نلتقي
-ماشي امري ل الله بس ممكن طلب
-عيوني ترخصلج
-ههههه حباب خل البس بنطرون باجر
-اي شكو ماكو شخبارج يله روحي نامي باي
-هههه عدنان بداعتي لتسوي هيج والله مستور وداعتك حباب بداعتي
-اوووووف منج يله ميخالف بس ها بس باجر
-هههه تمام بس باجر وبس هذا الطلب غيره لا قبل متكولين مكياج ممنوع واذا شفتج راسمه عينج بمجردكحل تجنين ع نفسج
-ههههههه ماشي ماشي
كعدت الصبح وحضرت نفسي استعداد للحفله لبست بوقتها
ستره يميل لونها للجوزي والبنطرون ابيض والشال والحذاء والجنطه نفس لون البنطرون
رحت وضليت انتضر جيته بيومها اجه جان لابس قاط اسود وقميص ابيض ومرتب لحيته وشعره جنت انسحر بسماره
طول حفله التخرج اني حاسه بخوف وتوتر ومنتضره لمفاجئه وخايفه منها
رحنه اني وياه لمكانه
عدنان كتلي ع مفاجئه احجي عاد والله راح اموت من القلق
عدنان: هههههه ليش هل خوف يانور عيونه لعدنان انتي
رنا: اووووف عدنان يعني شكولك كل متقرب حفله التقرب ايزيد خوفي انوب صار حفله التخرج ماعرف اوصفلك الي حاسه بيه والله
عدنان: يعيون عدنان انسي كلشي انتي الي وبس والمفاجئه اني صارحت اهلي وكتلهم اني احب بنيه واموت. عليه ومستحيل اتزوج بت عمي
رنا: تحجي صدك كول والله
عدنان: هههههه والله
رنا: زين وشكالولك احجي بسرعه
عدنان: مااكذب عليج اهلي رفضو الفكره وخصوصا الوالد لان يريد بنت اخوه بس حليتها رحت لعمي وشرحتله لموضوع كله وجان متفهم وكان رده اخذ الي اختارها كلبك وابويه من شاف اصراري ع موضوع كال خلص انت حر بس حط ابالك اني ماادخل باي شي انته تتكفل كلشي مصاريف عرسك تجهيز بنيه نيشان الى اخره اني معليه بي
واني وافقت كتله كلشي اني اشيله وخلص سديت لموضوع مال بت عمي
رنا: اااااه الف الحمد والشكر الك ياربي الف الحمد والشكر
عدنان: هههه واكو مفاجئه ثانيه
رنا: شنو شنو كولي
عدنان: اشترينه بيت يعني اهلي اشترو بيت بمنطقه افضل من منطقتنه وصار النه بعتبار ملك طابو وهل ايام ننقل اله ان شاءالله
بعنه بيتنه وربج سهله وهاي المنطقه احسن بهواي من الي جنه كاعدين بيها يعني ع قليل بيها خدمات كاعها نضيفه وهوه البيت بناء بعده جديد يعني ربج سهلها من كل لنواحي وهاي لمنطقه ناقصها بس تتبلط وتكمل
رنا: ههههه وحته اذا مبلطوها هسه بعد كل هل فرج تتبطر ع تبليط اوف عدنان لوتعرف شنو الامل الي نزرع بداخلي ولفرحه يارربي الحمدلله يعني هسه ماكو عارض ع انجماعنه سوه
عدنان: واوعدج عن قريب ننجمع سوه
رنا: فرحتي متنوصف رجعت للبيت واحس الكاع مسايعتني من فرحتي
سئلت ماما بحجه…
ماما سؤال ❔
ام رنا: جواب
رنا: ماما ويايه بنيه بالمعهد يعني همه بنيه وولد زملائي يحبون بعض بس الولد شويه حالته ضعيفه وبيئته تختلف عن بيئه البنيه يعني هوه كلش خوش ولد بس اكو شويه صعوبه بحياته ويريد يتقدم لهاي لبنيه شتتوقعين اهلها ايوافقون وينطوها اله
ام رنا: لاطبعا
رنا: ليش لا يعني
ام رنا :لان ميصير صعبه ثنينهم يتأقلمون
رنا: زين ليش صعبه
ان رنا: امممم شلون افهمج زين يصير يطلعون سمجه من نهر ميه حلو وعذب ،ويحطوها ببحر وبنص المي المالح شتكولين انتي السمجه راح تعيش لوتموت
رنا: اكيد تموت
ام رنا :هههه وصاحبتج الي تكولين عليها نفس هاي السمجه متكدرين تعيش اله بمي حلو. لان. تعلمت وعاشت ع هل مي واذا تغيرت بيئتها حتموت
رنا: كلام امي قهرني وسيطر ع فرحتي ضل يرن براسي وينعاد ع مسامعي الليل كله
بس اني احب عدنان واموت عليه اصلا مااعيش لا اني مااكدر اصلا اتخيل نفسي بدونه ولااتخيل نفسي لغيره ياربي ارحمني وارحمه
خلص تعتب من هل تفكير مويكولون الزمن كفيل بكلشي والايام دول خلص خليتها ع ايام وهيه كفيله بتغير الحال ورميت حمولي ع ربي ومادام حبنه صادق وطاهر مستحيل ربي يفرقنه واكيد حيجمعنه بالحلال
التهيت باامتحانت اخر السنه واليوم اخر يوم النه
اسعد: رنا ممكن كلمه
رنا/تفضل
اسعد: رنا حالليني وواهبيني ع سويته وياج واريدج تعرفين اني بحياتي مطمعت بيج واعتبرج اختي الصغيره ومن شفت ان علاقتكم اطورت خفت عليج بصراحه لان عدنان مومن مستواج
لان انتي مراح تكدرين تعيشين وياهم ذوله يختلفون بكلشي نسوانهم يكعدن الفجر 🌆 ويطلعن للزرع يحشن ويحلبن هوايش وبيت وغسل وطبخ وخبز وشغل اله اول ماله تالي
خفت عليج وفكرت بيج انتي مدلله وصغيره وحلوه شيوديج هناك حرامات تضيعين احله ايام شبابج وعمرج وطلعين من الدلال للضيم رنا فكري
فكري بعقلج موبكلبج
رنا: شكرا لهتمامك اسعد
اسعد: شنو. شكرا لهتمامك انتي اختي الصغيره
رنا: اسعد اني مسامحتك وانسه كأنما مصار شي
اسعد :رنا فكري تركي كلبج وفكري بعقلج اترجاج
رنا: ان شاءالله افكر عندي عطله 3شهور وراح افكر بيهه براحتي
اسعد :اتمنه الج كل الخيرولتوفيق وان شاءالله اشوفج ع احسن حال
رنا: شكرا اخويه الغالي
اسعد: صدكيني حاجيتج لانج غاليه عليه
رنا: وانت اخ غالي وعزيز عليه
راح اسعد وكعدت انتضر عدنان رغم فكري لمشوش من شفت عدنان نسيت كلشي نسيت الدنيه كلها نسيت كلام. امي وكلام. اسعد بلحضتها توصلت لشي اني افدي عدنان بروحي وميهمني اي شي ولااهتم لااي كلام
عدنان: شلونج ياقمري
رنا: تمام بشوفتك
عدنان: حبي بعد ساعه وينتهي لدوام واني اريد منج شغله
رنا: كول حبي
عدنان: رناوي امي تريد تشوفج
رنا: تشوفني
عدنان: اي هيه جايه ومتعنيه حته تشوفج
رنا: صدك وينها لعد
عدنان: ابيت عمتي بيتها قريب من المعهد وجتي بيه حته تشوفج يله تعاي وياي
رنا: حسيت بخوف وتردد هاا اااه زين يعني ليش ماانت اجيبها هنا للمعهد
عدنان :معنه. كلامج انج ماعندج ثقه بيه
رنا: ها لا بس يعني
عدنان: ع عموم اذا ماكنت. كافي لوجود ثقه. عندج. من ناحيتي تكدرين تشوفين وحده من صديقاتج وتجي وياج
رنا: بوقتها لزمت تلفوني ودكيت ع نور كانت مشغول اكيد مشغول طبعا موبحالي اكيد ويه حبيب الكلب احمد
عدنان: هااارنا يله شوفيلج احد يجي ويانه
رنا: هاا لاخلص يله اروح اني وياك
انجبرت اروح وياه ولان مشتته بين خوفي وبين. اني واثقه منه