Translated by Invisible clover
အခန်း(၆၃) ချီရှိုးကျဲ့ဘဝ
ကောင်းလန်သည်ချီရှိုးကျဲ့အား ချက်ချင်းလက်စတုံးပစ်ချင်သော်လည်း တော်ဝင်အမိန့်တော်ကနောက်တစ်နေ့မှကွပ်မျက်ရန်ပြန်တမ်းရောက်လာသည်။ အစောကြီးသတ်လိုက်ရင် ဥပဒေအရအကျိူးအကြောင်းမဆီလျော်ရကျလိမ့်မည်။ ဒါပေမယ့်မနေ့ကထောင်ဝင်စာတွေ့တော့ ချီရှိုးကျဲ့ကိုမနက်စောစောကွပ်မျက်ဖို့ထောင်မှူးကိုမှာခဲ့လိုက်သည်။ ထောင်မှူးလည်း ဘယ်သူဘယ်နေရာမှာရှိတယ်သိတာမို့ ငြင်းဆန်ရဲမှာမဟုတ်ပေ။
နောက်တစ်နေ့နံနက်၊ နေပင်မထွက်သေး ထောင်မှူးက ပါးကွပ်သားနှစ်ယောက်ကိုအမိန့်ပေးပြီး ချီရှိုးကျဲ့ကို ကွပ်မျက်ဖို့ သတ်ကွင်းကိုဆွဲခေါ်သွားကြသည်။
"နေရောင်ကမတောက်သေးဘူး။ ယန်ဓာတ်က ယင်းဓာတ်ထက်နည်းနေတယ်။ မင်းတို့အခုချိန်ငါ့ကိုသတ်ရင် ငါမြစ်ဝါကိုဖြတ်တဲ့အခါ မင်းတို့ကိုပြန်လာနှောင့်ယှက်ရလိမ့်မယ်'' ကျိူးယွင်ရှန့် လင့်စင်မှာဒူးထောက်နေပြီး မတုပ်မလှုပ်ဆိုလိုက်သည်။
ရှေးခေတ်က ညနေမရောက်ခင်သုံးနာရီအလိုမှာကွပ်မျက်လေ့ရှိကြသည်။အဘယ်ကြောင့်ဆို ထိုအချိန်သည်နေရောင်အတောက်ဆုံးနှင့်ယန်ဓာတ်ကြွယ်ဝဆုံးဖြစ်ပြီး ရာဇဝတ်သား၏ဝိညာဉ်မကောင်းဆိုးဝါးဖြစ်သွားပါက ယန်ဓာတ်ကြောင့်ပြိုကွဲပြီး သူတို့ကိုပြန်ဒုက္ခမပေးနိုင်သောကြောင့်ဖြစ်သည်။ လက်ရှိမှာနေကမထွက်သေးဘဲ ပတ်ဝန်းကျင်ကအေးစိမ့်ကညှို့ မှိုင်းနေသည်။ ထိုအချိန်သည် မကောင်းဆိုးဝါးများအားကောင်းရာအချိန်ဟု ရှေးလူများကယုံကြည်ပြီးကြသည်။ ထို့ကြောင့် ကျိူးယွင်ရှန့် စကားကိုကြားသည့်အခါ ပါးကွပ်သားနှစ်ဦးကအချင်းချင်းကြည့်ပြီး နေထွက်သည်အထိစောင့်ဖို့ဆုံးဖြတ်လိုက်ကြသည်။
ကျိူးယွင်ရှန့် ကောင်းကင်ကိုမော့ကြည့်လိုက်သည်။ နေထွက်သည်ကအလွန်မြန်၏။ လီကျင်းထျန်း အိမ်မက်ဆိုးမက်ထားတာမို့အခုချိန်နိုးနေလောက်ပြီ။ အမှန်ပင် ထိုအိမ်မက်များက သူဖန်တီးထားသောပုံရိပ်ယောင်များပင်။ ကောင်းမင်သည်ဖြောင့်မတ်ကာတယူသန်သည့်လူစားမျိူးဖြစ်သည်။ ပုန်ကန်ခြင်း၊ဖောက်ပြန်ခြင်း၊သစ္စာဖောက်ခြင်းနဲ့အခြားကျင့်ဝတ်ဖောက်ပြားတာတွေဟာ သူ့စရိုက်နဲ့တစ်ခြားစီပင်။
ဒါပေမယ့် အဲ့တော့ဘာဖြစ်လဲ ။ ကောင်းလန်ကသူ့မိသားစုဝင်ရာချီကိုသတ်ထားတာ။ ကောင်းမင်ကလည်း ချီရှိုးကျဲ့ကိုအဆိပ်ခတ်ပြီး သားအိမ်ကိုပျက်စီးစေခဲ့တယ်။ ချီရှိုးကျဲ့ရင်ထဲကအမုန်းတရားတွေက တူညီတဲ့ပေးဆပ်ခြင်းနဲ့ချေဖျက်မှပဲ ကြေနိုင်လိမ့်မယ်။ ကျိူးယွင်ရှန့်အနေနဲ့ ဇာတ်လိုက်သူ့ကိုလာရန်မစရင် ဘာမှမလုပ်ခဲ့ပေ။ ဒါပေမယ့် သူ့ကိုလာထိလို့ကအဆတစ်ရာပေးဆပ်ရလိမ့်မည်။
ကောင်းမိသားစုလက်ထဲမှမသေရုံမကဘူး။ လီကျင်းထျန်း ၊ ကောင်းမင် ပြီးတော့သူတို့သားလေးအနာဂတ်ဘုရင်လောင်း လီရွှီယန်း လည်းပဲ သူ့လက်နဲ့ဖျက်ဆီးရလိမ့်မည်။ သူအခုချီရှိုးကျဲ့ကိုယ်ကိုယူထားမှတော့ ချီရှိုးကျဲ့ဆန္ဒများအားလုံးကိုဖြည့်ဆည်းရမည်။
တကယ်တော့ ဒီကမ္ဘာဟာအတော်ပျင်းဖို့ကောင်းသည်။ အခုလိုလက်စားချေရတဲ့ဇာတ်လမ်းမျိူးက သူကျွမ်းကျင်လွန်းသောအရာများပင်။
နေမင်းကတိမ်ထုကြားပြူထွက်လာတော့ ပါးကွပ်သားတွေကအချိန်ကိုကြည့်ပြီး သေရည်အိုးအဖုံးကိုဖွင့်ကာဓားသွားပေါ်လောင်းချလိုက်သည်။ ထို့နောက် ဓားကိုမြင့်မြင့်မြှောက်လိုက်၏။
"နေကြအုန်း နေကြအုန်း ဓားကိုရပ်လိုက်!" အမောတကောနဲ့အသံတစ်ခုက လည်ပေါ်ဓားမကျခင်ကွက်တိပေါ်ဘာခဲ့သည်။ ပါးကွပ်သားများလှည့်ကြည့်လိုက်တော့ မင်းကြီးနဲ့အပါးတော်မြဲမိန်းမစိုးကြီးကိုမြင်လိုက်ရပြီး ကြောက်ရွံစွာ ဒူးတုပ်လိုက်သည်။
"မင်းကြီးကိုဂါရဝပြုပါတယ်။ မင်းကြီးသက်တော်ရာကျော်ရှည်ပါစေ''
"ဖယ်ကြစမ်း အချိန်တောင်မကျသေးဘူး မင်းတို့ကိုဘယ်သူကကွပ်မျက်ခွင့်ပေးထားလို့လဲ'' လီကျင်းထျန်းဒေါသနဲ့ ထိုလူနှစ်ဦးကိုကန်ကျောက်လိုက်သည်။
"မင်းကြီးကိုလျှောက်တင်ပါတယ်။ ဒါကအမတ်ကြီးကောင်းလန်အမိန့်ပါ ကျွနိုပ်တို့ဘာမှမသိရပါဘူး'' ပါးကွပ်သားများက နဖူးတိုက်ကာဆိုလိုက်ကြသည်။
ကောင်းလန်? လီကျင်းထျန်း မျက်မှောင်ကြုတ်လိုက်သည်။ သူ့ဆီမှာအခု မရေမရာတဲ့ခံစားချက်တွေရှိနေပြီ။ သူ့အမိန့်ကိုတောင်မှမနာခံဘဲ နေနိုင်ရင် ကောင်းအိမ်ကဘာတွေထပ်လုပ်နိုင်သေးလဲ။ ချီမိသားစုဟာဂုဏ်အရှိန်အဝါအကြီးဆုံးမိသားစုဆိုပေမယ့် သူ့အပေါ်မှာတော့လေးစားမှုရှိသေးတယ်။ ကောင်းလန်က သူတို့လောက်တောင်ရိုကျိူးမှုမရှိဘူး။ ကောင်းမင်သူ့ကိုဆက်ဆံပုံကိုလည်းကြည့်လေ သူပျော်နေရင်သူ့ကိုစကားတစ်နှစ်ခွန်းပြောပြီး မပျော်ရင်မောင်းထုတ်တတ်သေးတယ်။ ဘုရင်တစ်ပါးအပေါ်ဘာရိုသေကြောက်ရွံ့ မှုမှမရှိဘူး။
အလိုလိုက်လွန်းတာဟာကောင်းတဲ့ကိစ္စမဟုတ်ဘူး။ အခုကောင်းအိမ်က တော်ဝင်မိသားစုထက်အင်အားကြီးနေပြီ။ ပြီးတော့ကောင်းမင်နဲ့ညီတော်.... သူတို့တကယ်ပဲ ဖောက်ပြန်နေကြသလား။ဘယ်အချိန်ကတည်းကလဲ။
အဲ့ဒီအိမ်မက်ကလီကျင်းထျန်းအပေါ်သက်ရောက်မှုအတော်ပြင်းထန်သည်။ ဒါပေမယ့်သုံးနှစ်ကြာပေါင်းသင်းခဲ့ပြီးနောက်မှာ ကောင်းမင်ပေါ်သူ့ခံစားချက်တွေကကျေးဇူးတရားကနေ အစစ်အမှန်ဖြစ်နှင့်နေပြီ။ ဒါကြောင့်မို့ လွယ်လွယ်နဲ့ကောင်းမင်ကိုလက်လျော့ပစ်ဖို့ခက်ခဲလွန်းတယ်။
အိမ်မက်ကိုခဏလောက်ဆန်းစစ်ဖို့အချိန်ပေးပေမယ့် သူ့သံသယကိုမညိမ်းသတ်နိုင်ခဲ့။ ကိုယ့်ကိုယ်ကို နှစ်သိမ့်ဖို့ချီရှိုးကျဲ့ကိုလွှတ်ပေးလိုက်သည်။
ကျိူးယွင်ရှန့် ဒူးထောက်ဦးညွှတ်ပြီးကျေးဇူးတင်လိုက်သည် ''ဂရုဏာနဲ့မထိုက်တန်တဲ့ ဒီအပြစ်သားကိုချမ်းသာပေးတဲ့အတွက်ကျေးဇူးတော်ကြီးမြတ်လှကြောင်းပါ အရှင်မင်းကြီး။ ချီမိသားစုနဲ့ကျွနိုပ်ဖခင်ဟာ နိုင်ငံနဲ့မင်းကြီးပေါ်မှာသစ္စာရှိခဲ့ပါတယ်။ ဒီလိုဘာကြောင့်ဖြစ်ခဲ့ရလည်းကျွန်ုပ်မသိပေမယ့် ကျွနိုပ်ဖခင်ကွပ်မျက်ခံရပြီးနောက်မှာကျွနိုပ်လည်းလိုက်သွားရမယ်ဆိုတာကို နားလည်ခဲ့ပါတယ်အရှင်။ အခုလိုချမ်းသာရာရလိမ့်မယ်လို့မထင်ခဲ့ရိုးအမှန်ပါ။ အခုအရှင်ကျွန်မှာဆန္ဒတစ်ခုသာရှိပါတယ်။ ကျေးဇူးပြုပြီးနားညောင်းတော်မှုပါ''
သူ့မျက်လုံးတွေကဝမ်းနည်းနေပေမယ့် လူကတော့ပူဆွေးဟန်မပြ။ သွေးစွန်းနေသောအကျဉ်းသားဝတ်ရုံကိုဝတ်ထားသည့်တိုင် တော်ဝင်ကျက်သရေကမှုန်ဖျသွားခြင်းမရှိပေ။ ချီရှိုးကျဲ့ရဲ့ယခုပုံစံဟာ သူ့အိမ်မက်ထဲက ရွှမ်ဝမ်နန်းဆောင်မှာဒုက္ခခံနေတဲ့ချီရှိုးကျဲ့ကိုတဖန်ပြန်သတိရမိစေသည်။ အပြစ်မကင်းသောခံစားချက်တို့အလုံးအရင်းပြန့်နှံ့ သွားပြီး လီကျင်းထျန်း ဝတ်ရုံကိုခါကာမျက်နှာလွှဲပြီးဆိုလိုက်သည်။ ''ဘာဆန္ဒလဲ''
အဲ့ဒီအိမ်မက်ကအစစ်အမှန်ဆန်လွန်းလို့ သူ့အာရုံကြောတွေလွန်ဆွဲနေဆဲပဲ။
"အရှင်ကျွန်မေးချင်တာက အရှင်ကျွန်မိသားစုအခုလိုအဖြစ်မျိူးဖြစ်ရအောင် မင်းကြီးအပေါ်မည်သို့အပြစ်ပြုခဲ့မိကြောင်းသိလိုပါတယ်။ ဒီကျွန်ကိုလည်း မိသားစုနဲ့အတူသေခွင့်ပေးပါအရှင်'' ပြောပြီးနောက်မှာ အတင်းဦးတိုက်ထားတဲ့ ကျိူးယွင်ရှန့်ခေါင်းပြန်မော့ပြီး လီကျင်းထျန်း၏မျက်လုံးတွေကိုရင်ဆိုင်ကြည့်လိုက်သည်။
လီကျင်းထျန်းလည်းအဖြေမရှိတဲ့အမေးတစ်ခုကို မေးလိုက်ရလို့ကြောင်အသွားခဲ့သည်။ ချီမိသားစုသည် အရမ်းရိုကျိူးပြီး သတိရှိလွန်းကာ တင်းကြပ်စွာထိန်းချူပ်ဖွဲ့စည်းထားသည့် မျိူးနွယ်ပင်။ သူ့မှာပထမကမ္ဘာကအတွေ့အကြုံမရှိခဲ့ရင် သူတို့သစ္စာကိုမယုံသင်္ကာဖြစ်ခဲ့လိမ့်မည်မဟုတ်ပေ။ သူပြန်မွေးဖွားလာတော့ အရမ်းဒေါသထွက်ပြီး ကောင်းလန်နဲ့လီဝမ်ကို ချီအိမ်ကိုရှင်းပစ်ဖို့အမိန့်ပေးခဲ့သည်။ အခုချီရှိုးကျဲ့က တကယ့်အကြောင်းပြချက်ကိုမေးလာတော့ သူ့မှာဖြေစရာမရှိတော့။ ထိုအိမ်မက်ကအာရုံထဲတကြော့ပြန်လာသည့်အခါ သူ့နှလုံးသားကိုပြင်းပြင်းထန်ထန်လှုပ်ခတ်စေသည်။
တကယ်လို့သူသေပြီးနောက် ချီမိသားစု က သစ္စာရှိနေခဲ့ပြီးသူ့မျိူးဆက်ကိုစောင့်ရှောက်ပေးခဲ့ရင် သူ့ရဲ့သစ္စာတော်ခံအစေခံတွေလည်းအသတ်မခံရဘူးလား? လီဝမ်ကသူ့ကိုနန်းတော်ကနေထုတ်ပေးလာပေမယ့် သူကကောင်းမင်လက်ကိုဆွဲထားခဲ့တာ။ သူတို့သေတဲ့အချိန်မှာတောင် လီဝမ်အကြည့်တွေကကောင်းမင်ဆီကလွှဲမသွားခဲ့ဘူး။ သူတို့ပထမဘဝကတည်းက ပတ်သက်နေခဲ့ကြတာလား။
သူပြန်ရှင်လာတော့ ကောင်းအိမ်ကိုအယုံကြည်လွန်ပြီးလီဝမ်ကိုအမြင့်ဆုံးမြှောက်စားပေးခဲ့သည်။ ကောင်းမင်ရဲ့အကြံပေးချင်နဲ့ ချီမိသားစုကိုရောအခြားသစ္စာမဲ့မိသားစုတွေကိုရောရှင်းပစ်ခဲ့သည်။ အခု ကောင်းလန်၊လီဝမ်နဲ့ကောင်းမင်ကရာထူးအမြင့်ဆုံးနှင့် တော်ဝင်အသိုင်းအဝိုင်းထက်သာလွန်နေပြီ။ သူကိုယ်တိုင်မှာကချီမိသားစုရဲ့အထောက်အပံ့မရှိတော့ သူတို့ပုန်ကန်ကြရင် သူဖက်ကဘယ်လိုပြန်တိုက်ရမှာလဲ။ ဒါကိုတွေးမိတော့သူဇောချွေးပြန်ပြီး ခြေပင်ခွေကျလုနီးဖြစ်သွားသည်။
"ချီကွေ့ကျွင်းကို ဇီချန်နန်းဆောင်ဆီပြန်ပင့်ဆောင်သွားလိုက်တော့'' သူအားဖျော့စွာပြောလိုက်ပြီး အစေခံတွေရဲ့ချီရှိုးကျဲ့အပေါ်ဆက်ဆံပုံက ကြမ်းတမ်းတာမြင်တော့ သူချက်ချင်းထပ်ပြောလိုက်သည်။ ''သမားတော်ခေါ်ပြီး သူ့ကိုဇီချန်နန်းဆောင်ဆီသွားခိုင်းလိုက် ဟိုမှာကြိုစောင့်နေလို့'' အဲ့ဒီနောက် ချီရှိူးကျဲ့ကိုယ်ပေါ်ကသွေးတွေကိုမမြင်ရလေအောင် မျက်နှာကိုလွှဲပြီးထွက်သွားလိုက်သည်။
[ကွေ့ကျွင်း - အမျိူးသားကိုယ်လုပ်တော်တွေအတွက် စာရေးဆရာတွေပေးထားတဲ့ ဘွဲ့။ sharing rain and drewမှာက ကွေ့ချင်း လို့သုံးထားတယ်။မိုပန်းကလေးမှာက ချင်းကျွင်းလားပဲ။ Gui က Nobel ၊ Jun က monarch, Lord စသဖြင့်အဓိပ္ပါယ်ရတယ်။ တကယ့်ရှေးခေတ်မှာလည်းဘွဲ့တွေရှိမှာပဲ ဒါပေမယ့်မပြောပြဘူး ဖုံးထားကြတယ်]
ကျိူးယွင်ရှန့် ရေနွေးနဲ့စိမ်ပြီးဒဏ်ရာတွေကိုသန့်စင်လိုက်သည်။ ဒီခန္ဓာဟာ နုနယ်တယ်ထင်ရပေမယ့် အလွန်သန်မာသည်။ ရက်အနည်းငယ်အတွင်းသူပြန်ကောင်းလာလိမ့်မည်။
လီကျင်းထျန်းအမိန့်အောက်မှာသမားတော်တွေလည်း သူ့ကိုလျစ်လျူမရှုရဲ။သွေးကြောစမ်းပြီးတော့ ဆေးအညွှန်းပေးပြီး အစေခံတွေကိုချက်ချင်းစီစဉ်စေလိုက်သည်။ ဇီချန်နန်းဆောင်သည် နဂိုကလည်းချီရှိုးကျဲ့၏နန်းဆောင်ဖြစ်ပြီး ဗိသုကာလက်ရာကအထက်တန်းစားပင်။ သူ့မိသားစုပြိုလဲတော့ နန်းဆောင်လည်းစွန့်ပစ်ခံရပြီး အစေခံတွေပါအသတ်ခံရသလို တစ်ချိူ့ကထွက်ပြေးကုန်သည်။
ခန်းစီးအားတိုးဝှေ့နေသောလေပြေက နန်းဆောင်ကိုပိုလို့အထီးကျန်စေသည်။ ကျိူးယွင်ရှန့် ဆံပင်စိုတွေကိုခြောက်သွေ့အောင်လုပ်ပြီး ပြတင်းနားကကတီပါအောက်ခံပျော့ခင်းခုံမှာ ထိုင်လိုက်ပြီးနေမင်းကြီးကိုငေးနေမိသည်။ အဲ့ဒီနောက်ရယ်လိုက်၏။
လီကျင်းထျန် ၊ ချီရှိုးကျဲ့ကိုလွှတ်ပေးလိုက်တာ ကောင်းမင်လုံးဝကျေနပ်မှာမဟုတ်ဘူး။ အရင်ကဆိုရင်တော့ ကောင်းမင်ကျေနပ်ဖို့ လီကျင်းထျန်းဘာမဆိုလုပ်ကောင်းလုပ်နိုင်တယ်။ ဒါပေမယ့်အခုက သူ့မှာသံသယတွေတွယ်ကပ်နေပြီ။ သူတို့ဆန့်ကျင်လေ သူ့သံသယတွေပိုများလေပဲ။ ဒါပေမယ့်ကိစ္စမရှိ။ အနာဂတ်မှာ ကောင်းမင်ကနိုင်ငံရေးမှာပိုစွတ်ဖက်ပြီး စစ်ပွဲအတွက်ဦးဆောင်ဖို့တောင်းဆိုလိမ့်မယ်။ မူလဇာတ်ကြောင်းမှာ လီကျင်းထျန်းကလွယ်လွယ်နဲ့သဘောတူခဲ့သည်။ ဒါပေမယ့်အခုတော့ ကောင်းမင်လုပ်သမျှလီကျင်းထျန်းသံသယပိုပွားစေရုံသာ။
သံသယဆိုတဲ့အမျိူးဟာအစေ့ချလိုက်တာနဲ့ အညှောင့်တက်တာတားဖို့ခဲယဉ်းလွန်းသည်လေ။
ကျိူးယွင်ရှန့် ကတော့လက်တစ်စုံမှမပေဘဲ သူတို့အချင်းချင်းသတ်တာဘေးကထိုင်ကြည့်မည်။ ဇာတ်လမ်းပြီးဆုံးဖို့ အတွက် ယန်ကောဘုရင်သစ်တစ်ပါးကိုသူပျိူးထောင်ဖို့တော့လိုလိမ့်မည်။ ချီရှိူးကျဲ့ဆန္ဒတွေဖြည့်ပြီးတာနဲ့ သူကမ္ဘာပတ်ပြီးလျှောက်သွားမည်။ ရွှေပုလ္လင်၌အချူပ်အနှောင်မခံနိုင်။ ဘုရင်ဆိုသည်မှာခွေးထက်နောက်ကျအိပ်ရပြီးကြက်ဖထက်စောထရသည့်သူဖြစ်သလို မှူးမတ်တွေရဲ့ထိန်းကြောင်းခံရသူမို့ လွတ်လပ်မှုအစစ်အမှန်ဆိုတာမရှိပေ။ ပြီးတော့ သူ့ချစ်သူကိုလည်းရှာရအုန်းမယ်။ အခုတစ်ခါဘယ်သူများဖြစ်နေမလဲစိတ်ဝင်စားလှပြီ။ ဒါကိုတွေးမိတော့ ကျိူးယွင်ရှန့် မေးကိုပွတ်ပြီးညင်သာစွာပြုံးလိုက်မိ၏။
ညီလာခံမှာတော့ မှူးမတ်တွေရှေ့မှာကောင်းလန်က ချီရှိုးကျဲ့ကိုလွှတ်ပေးမယ့်အစီအစဉ်ကိုအပြင်းအထန်ကန့်ကွက်နေသည်။ ချီရှိုးကျဲ့ဟာကျားတစ်ကောင်ဖြစ်ပြီး သူ့အကွက်မှာထောင်ချောက်မိမခံသင့်ကြောင့်ထပ်တလဲလဲလျှောက်တင်သည်။ အခြားအမတ်တွေလည်းသူ့စကားကိုထောက်ခံပြီး လီဝမ်တောင်မှသူ့ကိုဖျောင်းဖျလာသည်။
ကောင်းလန်နဲ့လီဝမ်ရဲ့နန်းတွင်အပေါ်လွှမ်းမိုးမှုကို လီကျင်းထျန်းပထမဦးဆုံးအကြိမ်လေးပင်စွာခံစားမိသွားသည်။ သူ့ရင်ထဲကသံသယဟာအခုတော့အခက်အလက်စုံတဲ့သစ်ပင်ကြီးဖြစ်နေပြီ။ ကောင်းလန်ရဲ့လျှောက်လဲချက်ကိုငြင်းဆိုပြီး သူညီလာခံသိမ်းပစ်လိုက်သည်။
ယန်ရှင်းနန်းဆောင်ကိုပြန်ရောက်တော့ ကောင်းမင်ကအထဲမှာ မှတ်တမ်းစာအုပ်ကိုဖတ်နေပြီး တော်ဝင်စုတ်တံနှင့်ရေးမှတ်နေသည်။ သူကတော်ဝင်ကုလားထိုင်မှာထိုင်နေပြီး ရင်းနှီးသည့်တော်ဝင်လက်ဖက်ရည်ရနံ့ ကပြန့်လွင့်နေသည်။
ဒီလိုမြင်နေကျမြင်ကွင်းသည် လီကျင်းထျန်းမျက်ဆန်များကိုကျူံ့ သွားစေသည်။ ဒါပေမယ့်ကောင်းမင်ဟာသူ့ကိုဖက်ပြီး အတူသေပွဲဝင်ခဲ့တာကိုပြန်သတိရတော့ သူ့မျက်နှာတင်းမာမှုလျော့ကျသွားသည်၊ အိမ်မက်လေးတစ်ခုကဘယ်လိုလုပ်အနာဂတ်ကိုတွက်ဆနိုင်မှာလဲ။ ကောင်းမင်နဲ့လီဝမ်ကအဆက်အဆံတောင်သိပ်မလုပ်တာ ဘယ်လိုလုပ်ဖောက်ပြန်နေရမှာလဲ။
ကြိမ်ဖန်များစွာကိုယ့်ကိုယ်ကိုတရားချပြီး လီကျင်းထျန်းအထဲကိုဖြည်းဖြည်းချင်းဝင်သွားကာ ကောင်းမင်ကိုဖက်လိုက်သည်။
ဒါပေမယ့်ကောင်းမင်ကသူ့ကိုချက်ချင်းတွန်းထုတ်ပြီး ''ခင်များ ချီရှိုးကျဲ့ကိုလွှတ်ပေးလိုက်တယ်ဆို''
လီကျင်းထျန်းကပြန်မဖြေ။
ကောင်းမင်ကဆက်ပြီး ''သူနဲ့ရွှမ်ဝမ် ခင်များကိုဘယ်လိုသစ္စာဖောက်ခဲ့ဆိုတာမေ့သွားပြီလား။ သူ့မိသားစုတစ်ခုလုံးသတ်ပြီးမှာ ဘာလို့ကျားမွေးနေအုန်းမှာလဲ''
"သူဘယ်လိုလက်တုန့်ပြန်မှာလဲ။ သူ့မိသားစုမှာသူတစ်ယောက်ပဲကျန်တာ သူ့ခန္ဓာကလည်းမင်းအဆိပ်ခတ်ထားလို့ သားမမွေးနိုင်တော့ဘူးလေ။ဘယ်လိုနည်းနဲ့လက်တုန့်မှာလဲ'' လီကျင်းထျန်ပင်ပန်းစွာနဲ့မျက်ရိုးကိုညစ်လိုက်သည်။ ''သူဘာမှမလုပ်နိုင်ဘူး လွှတ်ထားလိုက်ပါ''.
ရွှမ်ဝမ်သူ့ကိုသတ်ခဲ့တုန်းကတည်းက ချီရှိုးကျဲ့သူ့အပေါ်သစ္စာရှိခဲ့တယ်ဆိုတာကိုမေ့ထားလိုက်သည်။ အိမ်မက်ကအမှန်ဆိုရင် သူ့ကိုယ့်ဓားကိုယ်ပြန်ချိူးမိတာပဲ။ သူ့ကိုသူများအနိုင်ယူနိုင်အောင်အားနည်းချက်ကိုထုတ်ပြထားခဲ့မိတယ်။ သူနှစ်ဘဝတောင်နေခဲ့ပြီးတာတောင် ဆုံးဖြတ်ချရာမှာ အခုဘဝကအရူးမိုက်ဆုံးပဲ။
ကောင်းမင်ရဲ့စကားနာထိုးချက်တွေကိုနားထောင်ပြီး လီကျင်းထျန်းခေါင်းကိုက်လာသည်။ ကောင်းမင်ကသူ့စိတ်မသက်သာမှုကိုမြင်ပေမယ့် ခပ်မဲ့မဲ့ပြုံးပြီးတော့သာထွက်သွားလေသည်။
ဥပေက္ခာပြုထွက်ခွာသွားတဲ့ကောင်းမင်ကျောပြင်ကိုငေးရင်း လီကျင်းထျန်းရင်ထဲကတစ်ဆစ်ဆစ်နာသည်။
1,01,19
ကျေးဇူးပြုပြီးစာလုံးပေါင်းသည်းခံပေးကြပါရန်။
လီကျင်းထျန်း
ကောင်းမင်