هيام: نعم
يزن: نطلب منك طلب
هيام: شن قول
يزن: نبيك اتقولي لصبا ان اني معجب بيها وانك تقنعيها
هيام: أصلا صبا تعرف
يزن: عارف ان هيا تعرف بس انتي اقنعيها باسلوبك
هيام: ليش انتى اخترتها هيا بدات مع انها هيا مش حلوة
يزن: حسيتها ان فيها حاجة قصدي تصرفاتها وحركاتها وعفويتها هذا إلي خلاني نعجب بيها
هيام: انحاول امعاها بس هيا امعندة
يزن: ونبي حاولي امعاها
هيام: اوكي باي "وعدت"
يزن: باي.... مش عارف شن اندير مع صبا" وامشي وقف قدام الباب "
طلعت صبا وهيا امكشخة وباين عليها مش امجاوبة شافت يزن لتفتت وجهه وامشت بسرعة جئ وراها
يزن: صبا استني
صبا: خيرك انتى امعاي
يزن: استني من كلمك اشوي
صبا: اوووف شن تبي توا
يزن: بس نبي نعتذر ان شكيت فيك امبكري
صبا: أصلا هذا إلي جابني صاحبي
يزن: بلا كذب عرفت ان هذا خوك
صبا: لا مش خوي هذا
يزن حمق وشد يدها: خيرك انتي شن تبيني انديرلك مااتخلينيش نفضحك قدامهم كلهم
صبا: خوفتني اطلق يدي
يزن طلق يدها
صبا: عل فكرة اخر مرة تدوي امعاي بطريقة هذي افهمت وامشت
صبا وهيا متجهة لهيام : شن الفرخ هذا
هيام : خيرك حامقة
صبا : ع الفرخ 'لي اسمة يزن
هيام: خيرا حرام عليك تعرفي ان هوا احسن ولد في الثانوية
صبا :به شن دخلني
هيام: صبا بلا اعناد شوفيه ولد حلو البنات ديما يجرو وراه وانتي 'لي يبيك هكي اديري فيه
صبا: انتي صاحبتي ولا صاحبتة
هيام: اني لان صاحبتك ندويلك هكي لان وين ابتلقي واحد زي يزن
صبا: خلاص فكيني
هيام: ياريت اتفكري في الكلام الي قتهلك
صبا: مستحيلة انفكر في الكلام هذا باااي السواق جيئ
هيام: بااااااااي
جيئ يزن لهيام: شن قتيلها
هيام: مش عارفة شن منقولك لكن صبا امعندة
يزن انقلب وجة: منسألك هيا في حد في حياتها
هيام: لا مستحيلة
يزن: امالة خيرها
هيام: انت لازم اتبينلها ان اتحبها
يزن: باهي كيف
هيام: خليني انفكر وبكرا انرد عليك توا باي اتاخرت
...........................................................................
عند صبا وصلت للحوش
أمها: شن جاوبتي
صبا: إيه إيه
وركبت فوق وغيرت دبشها وبدت اتفكر
صبا: معقولة يزن يدوي بجد او لعب افروخ لا لا كل الأولاد هكي
سمعت صوت امهااتنادي عل الغدي نزلت القتهم كلهم امقمعزين
قمعزت وبدت تاكل
صبا: براء امس في الليل نسمع فيك تتكلم وانتي ومن تتكلم
"وغمزتلة"
براء وهو ياكل خص: اح اح اح اح
ويشبح في صبا وقعد بهدد فيها
بوها: براء خيرك مارديتش ع اختك
براء: لا ممكن كنت نحلم
صبا: ااااااا نحسابك
براء: شن تحسابي
صبا:شيئ شيئ
معتز وهو يضحك: في حد يحلم ويتكلم بصوت عالي
براء: ايه فيه اني
بوها: شن جو الامتحانات
صباولينا بتوتر:تمام إتمام
براء: ايه باين ع وجوهكن
صبا: انتى شن دخلك
براء: لا مادخلنيش
كملو الاكل وامشت صبا فوق بتقرا لكن مافهمتش شيئبدت اتفكر واتصلت بهيام
طووط ططو ططوط
هيام: الو
صبا: الو هيام تقري
هيام: ايه
صبا: افهمتي شيئ
هيام: اشوي اشوي
صبا: اني مافهمتش شيئ بكرا تعالي بدري عشان تشرحيلي
هيام جت في بالها فكرة: انحاول
صبا: حاولي لان عابية عليك
هيام: خلاص باهي
صبا: باي بكرا نتلاقو
هيام: اقلبي وجك
وسكرت الخط
هيام: كيف نوصل في يزن عشان انقولة ع فكرتي
وبدت اتفكر
هيام: ايه فكرة نتصل باختة سامية
هيام خدت نقالها واتصلت بسامية
هيام: الو
سامية: الو
هيام: اهلين سامية اعرفتيني
سامية: ايه عرفتكهيام ولا
هيام: ايهكيف حالك
سامية: كيف حالك انتي والامتحانات
هيام: الحمد لله واني اتصلت بيك لهذا السبب
سامية: شني
هيام: انا في درس مش فاهماتة ونبي يزن بكرا ايجي للثانوية بدري عشان يشرحلي
سامية: ااااا لكن توا يزن طالع نعطيك رقمة
هيام: اعطيهلي
سامية: سجلي .......092
هيام: شكرا....باي
سامية: ان شاء الله بالنجاح
هيام: ان شاء الله
سكرت هيام
واتصلت بيزن
يزن: الو
هيام: الو
يزن: من امعاي
هيام: انا هيام
يزن : اشوي بس
واتباعد من احدا الشباب
يزن: ايوة هيام كيف الحال
هيام:الحمدلله...انا اتصلت بيك عشان انقولك ان صبا اتصلت بيا وقالتلي ان هيا مش فاهمة دروس وتبيني بكرة انجي بدري للثانوية عشان نشرحلها اني قتلها باهي لكن مانيش ماشية بدري وانتى بكرا امشي بدري وقوللها تبي مساعدة وتقرب منها
يزن: اها شكرا هيام تعرفي بدوتك راني مااعرفتش شن اندير امعاها
هيام: لا عادي هذا كلا عشان مصلحت صبا لان مصلحتها عندك انتى
يزن: ثاني مرة شكرا
هيام: بكرا مااطعطلش
يزن : من الفجر امنمشي
هيام: ههههه باي
يزن : باااااي
^^^^^^^^^^^^^^^^^^^^^^^^^^^^^^^^^^^^^^^
عند صبا :شن هذا ماافهمتش شيئ احسن شيئ نرقد بكرا اتفهمني هيام
رن تلفون صبا شافت تليفونها القاتة رقم غريب ردت
الرقم الغريب :الو
صبا عرفت ان ولد:الو
الرقم الغريب: صبا؟؟؟؟
صبا: وانتى شن عرفك
الرقم الغريب: ماعرفتينيش
صبا: شن عرفني فيك
الرقم الغريب:اني ادهم
صبا: ادهم وينك ورقم من هذا قديش ليا انحاول عليك نقالك مقفل
ادهم:بشوي عليا
صبا: قول خيرك
ادهم: نقالي انسرق ونوا كيف طلعت شفرة اجديدة
صبا: ونوا كيف اذكرتني
ادهم: مااتنسينيش قولي ليش رديتي عل الرقم الغريب طول
صبا: عادي رديت وانت خيرك مش واثق فيا ولا شنو
ادهم:لا مش هكي لكن
صبا: بلا لكن لاشيئ قول مش واثق فيا ولا
ادهم حمق: قولي ديما اتردي ع الارقام الغريبة
صبا: وانتى ليش ديما تحمق ع فكرة اني مليت كل شيئ عتدك بعصبية
وسكرت
صبا: لكن انحبك
^^^^^^^^^^^^^^^^^^^^^^^^^^^^^^^^^^^6
للتعريف باادهم هذا ولد خالها هما من لما اصغار ايحب بعضهم لكن ماقالوش لا حد ابدا
^^^^^^^^^^^^^^^^^^^^^^^^^^^^^^^^^^^^^^^^^
في الصبــــــــــــــــــــــــــــــــــــــــــــــــــــــــــــــــــــــــــــح
ناضت صبا بدري فطرت وامشت
وكاين يزن جاي قبلها يستنى وشافها خاشة قمعزت صبا وبدت تستنا
صبا: وينها اتاخرت "طلعت نقالها واتصلت بهيام"
هيام:صبا اسفة سيارتنا عطلت
صبا: وااااااو
هيام:اسفة
صبا: خلاص باااااي
وسكرت وبعدها قرب من عندها يزن
صبا: وانتى خيرك امعاي
يزن: وانتي خيرك حامقة
صبا: همرك ريت وحدة بتسقط وهيا فرحانة
يزن: وليش تسقطي
صبا: لان مش فاهمة شيئ واني اصلا ليش ندويلك
يزن: تبيني نشرحلك
صبا:انتى
يزن: ايه اني
صبا فكرت وشن فيها كان شرحلي مافيها شيئ
صبا: باهي لكن بلا حركات هكي او هكي
يزن: خلاص ولا حركة
صبا: هيا ابدا
يزن : شن مش واضح
صبااتقلب في الاكتاب:كلا مش واضح
يزن: كلا ليش
صبا: لان الابلة امتاع المادة هذي متعاركة اني وياها ومش حاضرتلها ولا حصة
يزن حاول ان ايدرك ضحكتة لكن مااقدرش
صبا: وانتى خيرك تضحك
يزن: معقولة تتعاركي انتي وابلة
صبا: ايه لان هيا تستفز فيا واني مانتحملش
يزن: تعرفي انتي جريئة حتى الاولاد ماقدروش ايديرو حركتك
صبا: هيا ابدا اشرح وقت
يزن: نبدا نشرح من الدرس الاول
وبعد نص ساعة كملو
صبا شدت يد يزن :شكرا شكرا شكرا وااااااااجد
يزن: لاعادي كاني راجعت معلوماتي
صبا: طلعت تعرف تشرح خير من الاحمارة الي اتقري فينا
يزن ضحك
هيام قربت من عندهم :صباح الخير
صبا:وانتي وينك اني الغبية ان عبيت عليك
هيام: مش قتلك ان سيارتنا عطلت
بعدين شبحت يد يزن كانت شادتها صبا
هيام: الله الله شن صاير
وبعدين صبا اذكرت وطلقت ايدة
:اسفة
يزن: لا عادي
صبا: ممكن انكونو اصدقاء
يزن: اوكي
صبا: لكن اصدقاء بس
يزن : به
صبا: ممكن نطلب طلب ثاني عارفة ان ثقلنها عليك لكن
يزن: قولي شن تبي
صبا: ممكن اتجي لحوشنا وتشرحلي كان مافيش ازعاج
هيام: شبحت في يزن وغمزتلة
يزن وهو طاير من الفرحة: عادي
صبا: كان مش فاضي او بتقرا عادي
يزن :لاعادي توا انجيك وانراجع امعاك
صبا: خلاص اتفقنا....اعطيني رقمك وتو انكلمك امتى اتجي
يزن:سجلي.......092
صبا: شكرا خلينى نمشو الامتحان بيبدا
خشت صبا ودارت الامتحان وطلعت بسرعة وكانت اول مرة تطلع بسرعة كانت فرحانة
يزن: جاوبتي
صبا: ايه وهذا كلا بفضلك
صبا شافت هيام من بعيد فاامشت تجريلها وخبطت في ولد
صبا ابصوت عالي: شوف قدامك يااعمى
الولد:شني مش ناقص غير فرخة تدوي امعاي هكي
صبا: شد السانك خير مانقطعهلك
الولد: خوفتيني امشي من احاي خير مانضربك
صبا: جرب هيا
وجئ يزن:نعم في شيئ
الولد:وانتى شن دخلك
يزن ابتسم: خلاص امشي
الولد: كان ماامشيتش شن بدير
يزن: امشي خلاص ماتكبرش المشكلة
الولد دف يزن: شن بدير هيا وريني فلاحتك
يزن عطي بوني للولد لعند ماطيحة جت صبا : خلاص فكينى منى
يتبع D.A.M.A#