#بقـــــلمي/اوم غمازات❤❥
#جــــمــرة قـــ❤ـلبي(ابو الاكــبر)
#البارت السادس❤
☺☺☺☺
#ابــو الاكــبر
ضلينه انسولف بعد ما عاطت بيه انا وهاي ام السان وردت اطلع بس جدتي ما خلتني بعدها صاحتنه واجت ايه وكعدنه انسولف ونضحك وانتبهت ع جدتي اشلون اتحاجي جمرة اوووف اسمها حلوو نفسهاا 😍وهي شلون اتعاملها
جانهن متعارفات من زمان ما جانهن صالهن سبوع شي غريب
بيج يالجمرة
بعدها استاذنت وطلعت وانا افكر ليش من اول يوم اجتنه وانا انام بجناحي الي فوك واكعد من وقت لان عرفت من ايه هي تكعد من وقت علمود اتصلي ليش وليش وليش طلعت من غرفت جدتي وصعدت لجناحي الي فوك
واهلي مستغربين مني ليش كمت انام اهنا شنهي صار بيك يا ابو الاكبر لا مو انت الي تحب كافي مرة ابد مو ناقص ايصير بيه نفس الشي
اي ما ناقصني اوووف خليت وحطيت راسي ونمت بدون غدة نمت لساعه بال4 العصر كعدت سبحت وبدلت ونزلت اكلت اشوي وانا ادور بعيوني عليها بس ماكو ما شفتها
بعدها خلست وطلعت لمكان شغلي وكعدت اشتغل وانا اشرب جكاير لان كل ما احاول اركز ماكدر اوووف شمالك يا ابو الاكبر خلي عقلك ابراسك احسلك شنو انت مراهق انت حبيت مرة وحدة وبعد ما راح احب انتهينه
اهنا اتصلت عليه وحدة وضلينه انسولف بس اني مالي خلق وكل اشوي واريد اصيحها جمرتي واكمص الساني صار الليل ع هل الحاله
بعدها خليت ورجعت للبيت اجيت ادخل لبيت اهلي واتراجعت
ف خليت ورحت لمخبائي السري دخلت نزعت ملابسي ودخلت للحمام سبحت وطلعت كعدت ارسم وانا افمر بيها خلصت رسم وكعت انحت بخشبه صغيرة
ضليت فترة اسوي الى ان
شفت الساعه بال12. بالليل
سمعت صوت مشي ع الحشيش
كمت شفت جمرة واكفه ومنطيتني ضهرها
ابتسمت بس استغربت شعدها بهل
الليل واكفه اهنا
خليت وطلعت وقبل لا اقرب عليها
سمعتها اتكول
ابو الاكبر/😒😡.....
▧▧▧☺
#جمــــرة➣✹
خلصت اليوم وانا عقلي كله ايفكر بابو الاكبر وقلبي يدك سريع اكثر شي لما شفت معاملته ويا الحجيه ام خالد وهو من طلع
كعدت الحجيه تحجيلي عن
طفولته وحتي عن حبه وصبرة ع سمر بس انا الي اشوف معاملته الها ما توضح كل هذا الي جاي اتكوله الحجيه
خلصنه سوالف وشقه تعشينه وكمت انا وايه لغرفتي كعدت تحجيلي
عن امنياتها انه تلاكي فارس احلامها ايه مثل كل البنات حلمها بسيط بس صعب هسه تكولولي شلون اني اكلكم
كل بنيه منتضرة فارس احلامها انه يحبها حتى اذا ما جان نفس مواصفات الي بعقلها بس يكون ايحبها بس بهل الوكت منين
تلكه الي يحب بصدق ومن قلب صادق
هسه صار يكولون كلمه احبك حتى لتليفوناتهم 😏😏😏
بعدها سالتها عن ابو الاكبر وسمر بس هي كالتلي انه
ايه/شوفي حبي ابو الاكبر جان يعبدها لسمر من الصغر بس
هي من عملتها خلته يكرهااا ويكرة كل جنس حواء .....
جمرة بعدم فهم/ليش يعني اسوت لحتى خلته هيج 😞😕
ايه/مو مهم انتي حجيتيلي عن اهلج بس ما كملتيلي
جمرة/شكمل بعد
ايه/انتي كلتيلي لو ما الضروف جان ما اجيتي لمحافضتنه واشتغلتي اهناا شنو صار وياج احجيلي
جمرة وهي تذكر الي صار وياها من زوج اختها وعيونها صارن كلهن ادموع/اخخخخ يا ايه شحجي وشكول
ايه بخوف/ليش خيه اسم الله الرحمن شصاير وياج
اهنا جمرة ما تتحملت وضلت تبجي وتحجيلها عن زوج اختها وشنو صار وياها من اول ما بلش يتحرش بيها الى ان اتعرفت ع ايه واهنا ايه مصدومه كامت وشبكتها وضلت اتهدي بيها
ايه/كافي حبيبه هذا واحد نذل وخسيس يموووي شلون ايفكر باخت مرته من كون عيونه معميه ولا مباوع عليج
جمرة وهي تمسح دموعها/اووف ربي وج والله عشت ليله من طلعت من بيتنه الساعه بال3 الفجر وانا جسمي كله يرجف والدنيا ضلمه حيييييللللل واناااا الوحدي بس الحمدلله كدرت اوصل بسلامه للمستشفى اووف
ايه/الف الف الحمدلله والشكر ع فضله وهسه حبي لازم تتصلين ع اخوج مو هو الي دائما اتسولفين عليه اكيد هسه هو قلقان علييج وانا متاكدة انه اكيد ايصدكج انتي وما ايصدك هذاك الحقير لان هو اخووج سندج
جمرة بقناعه/اي صح كلامج لازم اتصل ع ياسر واشوف شنو ايكولي
ايه ببتسامه/اي يروحي اتصلي بي وانا رايحه اسبح وانام وباجر تحجيلي كل شي
جمرة ببتسامه/من عيوني حبيبه
راحت ايه وعافتني بين المقتنعه وبين لا اخاف اسمع شي
ايغير حياتي ويكرهني عيشتي فوك ما انا كارهاااا نفسي استعفرالله ربي واتوب اليه
كمت افتر بالغرفه اروح وارجع
حسيت نفسي اختنكت اخذت شالي وخليته ع شعري وهو مفتوح
ونزلت وانا ايدي ترجف اريد اتصل ع ياسر بس خايفه خايفه الكا كارهني ومحتقرني اوووف
ضليت اتمشا وانا اتذكر هذيج الليله هسه اكو بيكن يسال ليش ما رحت الاخوي لثاني وهو عندة بيت وزوجه وابن لان بالفترة الي ضليت بيها بالمستشفى اتصلت عليه من تليفون عناء وردت زوجته عليه ومن كتلها اريد
اخوي كالت اخوج تعبان هسه واذا
تردين شي انتضرينه نرجع من السفر وانوبك اتصلي يله ولي وسدت الفون بوجهي بوقتها ما كدرت ابلع ريكي من الصدمه والخذلان الي عشتهن اووف
اخر شي اتصلت وخليت الفون ع اذني وانا احس كل خليه بجسمي ترجف
فاجاة وبدون مقدمات سمعت صوت ياسر (هسه اتكولون منين جبت الرقم رقم اخواني الاثنين واختي هديل امسجلتهن بالدفتر مالتي وهو عبارة عن مذكراتي وكذاا)
من سمعت مادري شلون نزلت دموعي وشهكت بصوت عالي وصار الصمن سيد المكان وانا ايدي ع حلكي اكتم شهكاتي بعدها حسيت ع صوت ياسر وهو ملهوف
جمرة يروح اخوج وينج هيج اتكطعيت بينه وين جنتي ها ولج والله لو ما مشغول وماكدر اعوف ابوي جان اجيتج من اول ما كالتلي هديل وج احجي مو موتيني وين وليتي
جمرة وهي تبجي واتحس بجسمها خدران/ياسر والله والله والنبي ما سويت شي اني بس
ياسر وهو يحجي بحنيه/كافي يروحي ما اريد اسمع شي عن هذا الموضوع وانتي لازم اترجعين للبيت وتحجين ويا هديل خوش حبيبه
جمرة وهي تمسح دموعها/ماكدر ارجع هسه بس حتى اذا شفتها شلون راح اواجها
ياسر بضحكه خفيفه/اخخ منج يالخوافه طول عمرج خوافه
بس لازم اترجعين اي صخ انتي وين اصلان وليش ما اتكدرين اترجعين
جمرة ببتسامه/اني رحت لمحافضه ال****
ياسر بعصبيه/شتسوين اموليه لعناككككك هااااا
جمررة بخوف/ليش عصبت هسه اني رحت لان جنت خايفه وهمين انا ابيت افارب المدير اشتغل عدهم ممرضه لجدتهم خطيه حجيه كلش حبابه بس مريضه
ياسر بهدوء/يعنب اناي مرتاحه عليج بروح امي اتكولين الصدك
جمرة ببتسامه/ع فكرة ماكو داعي اتحلفني بماما بان انا عمري ما جذبت عليك بشي وانت تدري والله مرتاحه وهمين عدهم بنوته اسمها ايه بنفس عمري وما اتعوفني الوحدي غير لما اتروح اتنام ارتاح انت وانا بعد يومين اخذ اجازة لان ايصيرلي سبوع ونص انزل للمستشفى اوقع وامر ع هديل
ياسر وهو يجر حسرة/ماشي جمرتي انتبهي ع نفسي وهذا رقمج موو
جمرة/صار تدلل اي رقمي باي وقت تكدر تتصل بيه حبيبي ..بعدين كالت وهي تنزل دموعها.. شيتاقيتلك بكد رحمه الله حبيبي والله نفسي اشوفك
ياسر وهو مايدري شيكول منا ابو الي تعبان من العمليع الي سواها وموصي ما ايكول لي اي شخص ومنا اخته وبنتع الزغيرة بس متحلف من يرجع الا ايندم كاضم ع كد شعر راسه ع هاي سوايته النذل االحقير الساق.../وانا هم مشتاقلج يروحي لا اتخافين بعد فترة انزل واجيج ماشي حبيبه يله مع السلامه انتبهي ع نفسج
جمرة وهي تمسح دموعها/الله وياك حبيبي انتضرك
سدت الفون وهي تاخذ نفس بقوة وتمسح ادموعها التفتتت واتفاجئة
جمرة وهي اتعدل شالها/هلا خويه ابو الاكبر محتاج شي
ابو الاكبر وهو قلبه يعصرة لان هو وصل وسمعها من كالت اشتاقيتلك بكد رحمه الله واتريد اتشوفه وهو اتخبل ف كال بسخربه/هه شكلج مشتاقتله هوواي
جمرة ببرود/اي مشتاقتله..وكملت بحدة.. وانت اشدخلك شنو جاي تسمع عليه
ابو الاكبر بخبث بس بداخله غير شي/اذا محتاجه تعالي انا اريحج هاي الغرفه شوفيها تعالي وانا اريحج احسن من الي جنتي اتحاجينه لو اني اتبيعين عليه شرف اصلان كلجن نفس الشي كلجن خاينات
جمرة ما اتحملت كلمه ودفعته بكل قوتها وكالت بعصبيه وحدة/انت واحد حقير ونذل وانت مو احسن من غيرك كلكم نفس الشي ما اتفكرون غير بغرائزكم الحيوانيه شنو امفمر بيه ما عندي شرف وبعدين انا اشرف منك ومن 1000مثلك ومثل تفكيرك وع كولتك انا لو اريد ابيع شرف ما ابيع عليك وبعدين اهلي ما يدرون شنو اسوي ما يدرون ولا راح يدرون بس انا قبل ما اخاف او اخشه اهلي اخاف واخشه رب العالمين الي فوكنه الي مستحيل عينه اتنام او تغفل عن اي مخلوق هو خالقه وبعدين فكر زين قبل لا تحكم ع الناس هه تصبح ع الخير مع انك ما تستاهلها ..وعافته ومشت بدون ما تسمع منه ولا كلمه ...
#ابو الاكبر
من سمعت كلامها احس
عيوني شكد جانن معميات اذا انا جنت اعاقب سمر ع خطاء وانا جنت اسوي مثلها هي هم اتزوجت بس بالسر وانا هم اتزوجت وجنت اطلق بس انا جنت اتزوج بالحلال مو مثلها وانا ما خنت احد هي خانتني اي اي هي مو انا اهنا ابو الاكبر نام بالكاع ع الحشيش وغمض عيونه والافكار تاخذة وترجعه
الى ان حس ع ....
#جمــــرة➪☺
من عصبت عليه وعفته ومشيت
وكفت شوي وانا اتذكر كلامه
من الي خاينته الى مخليته
ايشك بكل جنس حواء بس
هو غلطان شلون يتهمني ههيج اتهام باطل وهو ما سمع غير اخر جمل من كلامه واضح انه ما سمع كلامي من الاول
بعدها درت وباوعت شفته نايم بالكاع ويدي ورجلي امطشرات
وانا بسرعه رجعت عليه ووانا قلبي ايدك سريع بسرعه خليت ايدي ع جتافه وكلت بخوف/ابو الاكبر بيك شي
بس فاجاة هو فتح عيونه
وضل ايباوع بعيوني
ابو الاكبر بستغراب/شرجعج
جمرة وهي تتنهد/عبالي صار بيك شي ليش نايم بالكاع اكو شي يوجعك
ابو الاكبو اتنهدد من قربها بي وهو يشوف بعض خصلات شعراها طالعه ونفسه ايسوي اشياء ما تخطر ع بال الجهال الي مثلنه (احم احم 😂😂😂منحرف تتتتفففف😝😝😝)
ابو اباكبر وهو يغمض عيونه/مابسه شي روحي من كدامي
جمرة وهي وكايمه وتحجي بسرعه وتضرب رجلها بالكاع مثل الجهال/هو مو صوجك صوجي اني الي خفت عليك واجيت ..وعافته وراحت بسرعه ..
وهو بقى نايم بالكاع ويفكر
العقل/ منو الشخص الي جانت اتحاجي اكيد هذا حبيبها ما اعتقد كل هذا الجمال والى الان مل عدها حبيبي وانت شبيك هيج محترك اكووو احله منهاااا بمراحل ليش اتفكر بيها
القلب/اي صح اكو احله منها بس ماكو مثل البرائه الي بعيونها وبعدين لو هي نفس غيرها جان من اول ما اجت ضلت تتلزك بيك بش هي سوت غيرهن كلهن بعدت عنك
العقل/ليش ما اتكول انه كل هذا تمثيل نفس سمر لما مثلت وبالاخير تطلع متزوجه ع ورق والى هاي الحضه ما كدرت اعرف منها منو الشخص الي سلبها عفتها ومغشمها بالزواج وهو جانن مجرد اوراق مزورة اذا لا شيخ ولا محكمه لعد شلون صار زواج
القلب/....راد يرد بس قاطعه صوت النقال مال ابو الاكبر جاي من غرفته
كام وراح لغرفته شاف وحدة من صاحباته هي الي متصله
ف اجع ايرد بس فاجاة صارت صوت جمرة كدامه ماكدر ايرد ف راح سبح وطفه النار الي اشتعلت بي من قرب جمرة ولمستها ع جتفه وبالكوة ارتاح
بعدها خله راسه ونام ......
انتضرووووني .....
اعتقد هذا البارت تعوبض عن امسس بس هواااي احداث
انتم صبركم عليه وان شاء الله ما اقصر لا تتستعجلون خلي الاحداث تجيكم بالترتيب 😍😍😍
شكرااا لكل شخص دعمي بكلماته وانتضارة اليه 😙😙😙
تصبحون ع ما تتمنووون 😘
#بقـــــلمي/اوم غمازات❤❥