💝لقاء الاحبه 💝
يوسف 💔 تيلا
🌺الواحد والاربعون🌺
اشرقت شمس صباح يوم جديد بنورها الساطع فى سماء الاسكندريه لتبدء تيلا بفتح عيونها بصعوبه بعد ليله قضتها كلها فى دموع وألم سمعت صوت باب الاوضه خبط قامت من على السرير وفتحته قالت
تيلا :- نعم
يوسف :- اجهزى يلا علشان هنمشى
تيلا :- هغسل وشى واصلى ونزله
يوسف :- ماشى وبصلها كتير وبعدين قال تيلا بلاش عند وتعالى نسامح بعض وننسا كل اللى فات
تيلا :- مبقاش ينفع يا يوسف عن أذنك وقفلت الباب وراها واتنهدت وسندت ضهرها على الباب وقالت بحبك بس مش قادره اسامحك ودخلت الحمام اتوضت وخرجت أدت فرضها ونزلت وقالت
تيلا :- انا جاهزه
يوسف :- بصلها شويه وبعدين راح عند الباب فتحه ليها وشاور براسه لتيلا تخرج
تيلا :- خرجت من الباب وخرج يوسف وراها وقفل الباب بالمفتاح وراحو عند العربيه وركبو الاتنين وبدأ يوسف يشغل العربيه وبص لتيلا وقال
يوسف :- تيلا لاخر مره بطلب منك ننسا اللى فات احنا الاتنين غلطانين فى حق بعض تعالى نرمى كل ده وراه ضهرنا ونرجع تانى يوسف وتيلا الاحباب لا أنا ولا انتى قد الفراق
تيلا :- ياريت توصلنى الفيلا لو سمحت
يوسف :- اتنهد وقال براحتك يا تيلا ومشى بالعربيه على أقصى سرعه وصل تيلا الفيلا عند مى وراح هو الفيلا عندهم
ودخل وقال
يوسف :- السلام عليكم
مها :- يوسف حبيبى واحشتنى يا قلبى فين تيلا
يوسف :- وصلتها الفيلا بتاعتهم
أسر:- وليه مرجعتش معاك هنا تانى
يوسف :- مبقاش ينفع يا بابا هى رافضه العيشه معايا
أسر :- وقف وقال انت جنس جبلتك ايه افهم بقى يا شيخ تيلا بتحبك بس مصدومه من اللى حصل منك وهى كانت نيتها خير لكن انت بعصبيتك وبتهورك رافض تسمع لاى حد مش بتسمع غير صوت نفسك وبس كتير قولتلك أن هيجى يوم وتيلا هترفض العيشه معاك وهتندم فى وقت مينفعش فيه الندم وانت اللى فيك فيك شايف نفسك عليها وعمال تدوس على قلبها برجلك مش رحمها
يوسف :- مكنتش أعرف الحقيقه وحتى بعد ما عرفتها انا شايف انها برضه غلطانه لأنها اتصرفت من نفسها ومقدرتش أى راجل فى العيله بس رغم كده بحبها وقلبى وجعنى علشانها امبارح واحنا بنتكلم انا وهى وشوفت دموعها قلبى اتكوى بالنار حسيت ان نفسى اروح اخدها فى حضنى واطبطب عليها طلبت منها ننسا اللى فات بس هى عناديه جدآ ورفضت عارف ان صعبه عليها اللى حصل منى بس غصب عنى والله انا راجل شاف مراته فى حضن حد تانى بقميص النوم اعصابى فلتت منى مكنتش هعمل اللى عملته ده بوعى مش انا الراجل اللى يقبل يظهر جسم مراته لحد ولحد دلوقتى مش متخيل أن حصل كده منى وبلوم نفسى مليون مره على كده بس خلاص بقى تعبت مليون حاجه فى راسى بفكر فيها وبفتكر اللى حصل منها وافتكر منظرها وهى مع الراجل والوم نفسى نزلتها ليه مليون حاجه وحاجه بفكر فيها لحد ما بقيت اتمنى الموت الف مره علشان ارتاح من الصراع ده بس بعد كل ده حاجه واحده بس اللى متأكد منها أنى بحب تيلا ومقدرش أعيش من غيرها
مها :- حضنته وقالت يا قلب امك يا ابنى كل ده فيك وساكت وجعت قلبى عليك ليه يا حبيبى
يوسف:- بدموع انا تعبان اوى يا ماما اوى
أسر :- وانت عرفت الحقيقه منين يا يوسف
يوسف :- بدموع هى بنفسها اللى قالت ليا عن موضوع فيديو سمر وانا هى خافت عليها وعملت كده علشان تحمى بيتها من الخراب
أسر :- وناوى على ايه بعد ما عرفت
يوسف :- زى ما قولت لحضرتك انا مقدرش أعيش من غير تيلا اموت يا بابا
مها :- تيلا طيبه وبتحبك وهى بس واخده على خاطرها شويه وتهدا وترجع ليك علطول انتو الاتنين متقدروش تعيشو بعاد عن بعض كتير
أسر :- بتحلمو تيلا معقده نفسيآ من الرجاله بسبب اللى ابوها عملو فيها زمان وجه ابنك طينها اكتر وتيلا عمرها ما هتسامح ابنك وعلشان تتأكدو من كلامى مازن ابوها حتى لما عرفت أنه تعبان واللى حصل ده غصب عنه برضه مسمحتهوش ورافضه تسامحوه وابنك بالنسبالها دلوقتى مازن التانى بالظبط وعلشان تسامح يوسف لازم قبلها تسامح ابوها علشان العقده دى تروح من عندها
يوسف :- مش فاهم المطلوب منى ايه
أسر :- ولا حاجه تستنا لحد ما مازن هو اللى يعمل ويخليها تسامحه وبعد كده انت تحاول تقرب منها وسعتها العقده هتكون خفت من عندها هتسامحك
يوسف :- وافرض مسمحتش ابوها ابقى انا كده خسرتها للابد
أسر :- للاسف أيوه مسمحت تيلا ليك متعلقه بمسمحت تيلا لأبوها
يوسف :- للاسف تيلا عمرها ما هتسامحه ولا هتسامحنى
أسر :- مفيش حاجه بعيده عن ربنا
يوسف :- ونعمه بالله عن أذنكم وسابهم وطلع على اوضه
مها :- ابنك مقطع قلبى عليه أوى أعمل أى حاجه يا أسر
أسر :- ولا بأيدى أى حاجه
مها :- كلم تيلا هى بتحبك وبتسمع كلامك
أسر :- مقدرش اقولها سامحى ابنى وارجعى ليه لازم أبنك اللى يعمل ده
مها :- يا قلب امك يا حبيبى طول عمرك مكتوب عليك الحزن والقهر من فراق تيلا
أسر :- ابنك اللى ضيع النعمه من أيده ولازم يتعب لحد ما يرجعها تانى
مها :- يارب ريح قلبه واسعده يوسف ابن مها يارب
أسر :- سابها ودخل المكتب بتاعه ومسك تليفونه وقعد يتكلم فيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
دخلت تيلا وكان الكل قاعد على السفره بيفطر
مى :- اول ما شافتها قامت تجرى عليها وحضنتها وقالت تيلا حبيبتى واحشتينى يا قلب امك
تيلا :- وانتى أكتر يا ماما واحشتينى اوى اوى
مى :- ا.ا انتى كويسه ولا عمل فيكى حاجه
تيلا :- الحمدالله يا ماما انا كويسه ويوسف معملش حاجه متخفيش بس كل الحكايه أن هو ردنى ليه
باسم :- تعالى يا حبيبتى أقعدى
تيلا :- قعدت وقالت عاملين أيه
الكل :- سلم عليها
باسم :- رجعك ليه تانى يعنى انتى دلوقتى مراته
تيلا :- ايوه يا بابا
هنا :- ولما انتو رجعتو لبعض تانى ايه رجعك على هنا مروحتيش معاه الفيلا بتاعتهم ليه
تيلا :- لأن انا هطلق منه
الكل :- بصو لبعض بأستغراب
عمار :- انتو بتلعبو القطه العاميه ولا عسكر وحراميه ازاى رجعتو لبعض ومنين هتطلقو
تيلا :- هو ردنى غصب عنى وانا طلبت منه الطلاق
فرحه :- انتو ليه بتعاندو بعض انتى بتحبيه وهو بيحبك يبقى ليه اللى بتعملوا ده عيشو مع بعض وخلصو نفسكم بدل الغلب ده
تيلا :- بحبه أه لكن مستحيل افكر ارجع ليه تانى
مى :- يا حبيبتى اللى يريحك أعمليه بس هو عرف انك ح
تيلا :- قطعتها وقالت احم يوسف ميعرفش حاجه خالص
باسم :- على ايه مش فاهم
تيلا :- ها ولا حاجه يا بابا ماما قصدها عارف ان لسه بحبه
مى :- ا.ا اه قصدى كده
باسم :- ربنا يهديكم ويصلح حالكم
تيلا :- الحمل عامل معاكى ايه يا فرحه
فرحه :- تعبنى اوى بس بحاول محطهوش فى دماغى وباخد العلاج بأنتظام
تيلا :- ربنا يكملك على خير يارب
مى :- شوفتى اللى حصل أمبارح
تيلا :- ايه
مى :- مش م
باسم :- قطعها وقال محصلش حاجه يا حبيبتى اطلعى اوضك ريحى شويه
تيلا :- عندك حق يا بابا انا منمتش طول الليل ومحتاجه انام عن أذنكم وطلعت على اوضتها
مى :- انت ليه مخلتنيش اقول ليها على اللى حصل أمبارح من مازن
باسم :- علشان هى شكلها تعبان ومرهق وشكلها مكسور وقلبها وجعها وبدارى متجيش انتى تحكى ليها وتزودى عليها وانتى عارفه الموضوع ده بيعصب تيلا قد ايه
مى :- طيب ما هو برضه مش هيهدا وهيفضل ينط ليها فى كل مكان لازم نعرفها علشان تكون مستعده لده
باسم :- مى اطلعى انتى من بين الأب وبنته وسبيه هو يتصرف معها بطريقته ويخليها تسامحه
مى :- تيلا عمرها ما هتسامحه
باسم :- ملكيش دعوه انتى فى الاول وفى الاخر ابوها
هنا :- وقفت وقالت انا ماشيه وأحتمال أتأخر النهارده
مى :- ليه
هنا :- احم هتغدا مع بابا
مى :- بنت انتى هتفرسينى شايفه الدنيا مولعه هنا بسببه وتقولى هتتغدى مع اللى ما يتسمى
هنا :- والله انا مليش دعوه بمشاكل الكبار انا ليا ابويه اللى ربنا وصانى عليه
مى :- وربنا وصاكى على ابوكى ومش موصيكى على امك
هنا :- وانا مقصرتش مع حضرتك فى حاجه برضه يا ماما
باسم :- روحى انتى يا حبيبتى
هنا :- حاضر يا بابا عن أذنكم ومشيت وسابتهم
باسم :- أهدى يا مى مش كده لسه بقولك متدخليش ما بين الأب وبنته هنا بتحب ابوها سبيها براحتها تزوره تقعد معاه فى الاول وفى الاخر مازن ليه فيها زيك بالظبط
مى :- نفخت وقالت زفت الطين زفت الطين ليه محسسنى أنه فاجئه بقى ملاك بعد ما هو كان الجانى لا سيبنى فى حالى ولا وانا صغيره ولا وانا كبيره تعبت بجد وقامت وسابتهم ودخلت اوضتها
عمار :- ماما زعلها وحش اوى لما بتقفل من حد خلاص
باسم :- ربنا يهديها ووقف وقال عايزين حاجه
فرحه وعمار :- سلامتك يا بابا
باسم :- انا ماشى خلى بالكم من نفسكم
فرحه :- حاضر
وخرج باسم وركب عربيته وراح على الشركه
فرحه :- وانت يا عمار مش رايح مدرستك
عمار :- هروح بس لما تمشى انت الاول مع عدى
فرحه :- لاء روح يا حبيبى انت علشان متتأخرش وانا قاعده هنا مستنيه عدى
عمار :- قام وقف وراح عند فرحه بسها فى راسها وقال خلى بالك من نفسك ومن حبيب خالو ده
فرحه :- وليه مش حبيبت خالها بنت يعنى
عمار :- علشان لو بنت هطلعها ليكى فاشله واخرها رقاصه فى شارع الهرم وبعدين انا عايز ولد بدل ما ديك البرابر وسطكم كده عايز راجل يسند خالو
فرحه :- هههههههههه إن شاءالله يا ديك البرابر روح يلا علشان متتأخرش
عمار :- سلام ومشى وسابها
فرحه :- اتنهدت بتعب وحطت ايديها على بطنها وقالت يا ترى هتطلع ايه ولد ولا بنت فى الحالتين انت صعبان عليا اوى لأنك هتتولد وانت من غير اب هتعيش طول عمرك ناقص حاجه مش بأيديك ولا بأيديه بس لك رب أحسن من الدنيا دى بحالها مبينساش عبيده ابدآ ودموعها نزلت منها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت عدى
صحيت مى من نومها قبل عدى حست بمغص فى بطنها قامت بتعب دخلت الحمام وشويه وخرجت وهى تعبانه ونامت تانى على السرير
عدى :- حس بحركة مى فتح عينه وقال صباح الخير يا حبيبتى
مى :- بتعب صباح النور
عدى :- مالك يا قلبى تعبانه ولا أيه
مى :- اممم شويه
عدى :- بخوف عليها تحبى اجبلك دكتور دلوقتى
مى :- لالالا مش محتاجه احم ده تعب طبيعى
عدى :- يعنى ايه طبيعى
مى :- احم البريود يا عدى
عدى :- اااااه سلامتك يا قلبى
مى :- الله يسلمك
عدى :- مش هتروحى الجامعه النهارده
مى :- لالالا انا تعبانه هنام لحد ما تيجى انت
عدى :- طيب انزلى افطرى الاول
مى :- بزهق يا عدى مش عايزه
عدى :- طيب بتزهقى عليا ليه انا خايف عليكى مش أكتر
مى :- معلش يا عدى اللى عندى بيخلينى عصبيه شويه
عدى :- مش علشان كده انا حاسس انك زعلانه لسبب تانى
مى :- قعدت على السرير ودموعها نزلت منها وقالت كان عندى أمل اطلع حامل الشهر ده بس للاسف محصلش
عدى :- شدها فى حضنه وقال أنتى عبيطه يا بت احنا لسه متجوزين فى أول شهر
مى :- وايه يعنى طيب ما سمر وفريد متجوزين معانا واهى سمر حامل وفرحه متجوزه بعدينا وحامل ومراتك الاولانيه حملت من أول شهر اشمعنا انا بقى
عدى :- بعدها عن حضنه ومسك وشها بأيده وقال يا حبيبتى دى حاجه بتاعت ربنا طيب تيلا ويوسف اتجوزو معانا وتيلا مش حامل زيك ومليكه اختك اتجوزت فى نفس يوم فرحه ومش حامل لسه احنا لسه اول شهر والأيام جايه كتير ولو مطلعش الشهر ده يطلع اللى بعده ولو مطلعش اللى بعده يطلع اللى بعديه مدام احنا مع بعض يبقى مش مهم أى حاجه
مى :- كنت عايزه أحمل قبل ما روان تولد وتشدك ليها باللى هيجى
عدى :- وقف وقال بعصبيه لاء انتى اتجنيتى رسمى انا عمرى ما هفكر ارجع لروان يا مى حتى لو طلع الطفل اللى فى بطنها ابنى هخده منها وهنربيه احنا ولو انتى يا مى لاقدر الله حتى مبتخلفيش هعيش معاكى عمرى كله علشان انتى عندى بالدنيا دى كلها
مى :- وقفت وقالت يعنى عمرك ما هتسبنى حتى لو طلعت مبخلفش
عدى :- حط أيده على وشه بعصبيه واخد نفس وطلعه وقال لاء يا مى عمرى ما هسيبك
مى :- قعدت على السرير وعيطت
عدى :- اتنهد وراح قعد جنبها وقال بتعيطى ليه بس
مى :- علشان انت زعلت منى
عدى :- شدها فى حضنه وقال يا عبيطه انا ازعل من الدنيا كلها ومزعلش منك ده انتى عمرى كله يا مى
مى :- اتشعلقت فى رقبته أكتر وقالت وانا بحبك اوى اوى والله العظيم
عدى :- بسها فى راسها وقال بهزار طيب احم ابعدى بقى لأنك محظوره من الخدمه اليومين دول وانا كده هتعب
مى :- ضربته فى صدره وقالت انت قليل الادب
عدى :- هههههههههههه بغمزه مش أكتر منك يا منحرفه
مى :- بكسوف عدى
عدى :- عيون عدى
مى :- بس غلاسه
عدى :- حاضر هههههههههه ولسه هيقوم
مى :- شدته وقالت رايح فين
عدى :- هدخل الحمام
مى :- لاء نيمنى الاول فى حضنك ولما عينى تروح فى النوم ابقى قوم أدخل الحمام براحتك
عدى :- هههههههههه حاضر يا ستى يا مهون الكام يوم دول ونام على السرير وفتح دراعه وقال تعالى فى حضنى
مى :- راحت نامت فى حضن عدى وقالت بعشقك
عدى :- بموت فيكى يا قلبى وقعد يمشى أيده على شعرها لحد ما أتأكد انها نامت بسها فى راسها ونيمها براحه على السرير وغطاها ودخل الحمام اخد شاور واتوضه وخرج لبس هدومه واده فرضه وراح عند مى بسها برقه فى خدها وفتح الباب براحه ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فريد
صحى فريد من نومه بيبص ملاقاش سمر جنبه اتخض وقام يجرى بس لاقها خارجه من الحمام
سمر :- صباح الخير يا قلبى
فريد :- وهو بياخد نفسه صباح النور
سمر :- مالك يا حبى شكلك كأنك مخضوض فى حاجه ولا أيه
فريد :- قومت ملاقتكيش جنبى خوفت عليكى لتكونى اغمى عليكى فى الحمام ولا حاجه
سمر :- حضنته وقالت يا قلبى حقك عليا مش قصدى اخضك والله انا صحيت من شويه قولت أدخل اخد شاور واتوضه علشان افوق شويه
فريد :- وهو بيضمها ليه أكتر قال انا بخاف عليكى من الدنيا بحالها يا سمسمه
سمر :- ربنا يخليك ليا ديدو يارب
فريد :- ولا يحرمنيش منك أبدآ يارب
سمر :- ادخل خد شاور واتوضه وانا هتوضه تانى وصلى بيا
فريد :- ماشى يا قلبى ودخل فريد أخد شاور واتوضه وخرج ودخلت سمر تتوضه على ما فريد يلبس هدومه وخرجت لبست الاسدال بتاعها وصلى بيها فريد وخلصو ونزلو الاتنين لتحت
وقبلو فى السكه عدى
عدى :- صباح الخير
سمر وفريد :- صباح النور
سمر :- امال فين مى
عدى :- تعبانه شويه النهارده ونامت
سمر :- بخوف تعبانه عندها ايه
عدى :- متقلقيش شوية تعب عادى يعنى
سمر :- فهمت وقالت اه ماشى
ونزلو التلاته مع بعض وقالو صباح الخير
فهد ومليكه وجاكلين :- صباح النور
جاكلين :- هههههههه الثلاثى المرح اهم
عدى :- هههه خفه
جاكلين :- امال فين الفور كاتس بتاعتكم مى
عدى :- نايمه مش هتروح الكليه النهارده
جاكلين :- ههههههههه ريحت وربنا وبصت لسمر وقالت عتريس عامل ايه
سمر :- هو انتو ايه حكايتكم واحده تقولى سحلول والتانيه تقولى عتريس
جاكلين :- مش أحسن ما اقولك كلابله عتريس ارحم بكتير ابن اخويه وخايفه عليه
فهد :- يا بت اتلمى
جاكلين :- ايووووه بقى بدأنا التفرقه العنصريه اهى من دلوقتى بدافع عنه امال لما يجى هتعمل فينا ايه يا فهودى
عدى :- لاء وخدى الكبيره كمان هيسموه فهد
جاكلين :- صلاة النبى أحسن يعنى هيكون عندنا فهودى كبير وفهودى صغير كتيرررر عليا والله
فريد :- بس ربنا يجيبو بالسلامه يارب
الكل :- يارب
مليكه :- كلو بقى وبطلو كلام
والكل سكت وقعدو ياكلو وكان وش مليكه باين عليه انها بتتألم
عدى :- اخد باله وقال ماما مالك
مليكه :- وهى بتحاول تدارى سلامتك يا حبيبى انا كويسه
فهد :- لاحظ التعب على مليكه وقال لايا مليكه انتى تعبانه بجد انا مش عبيط عنك
مليكه :- شوية وجع فى المعده صغيرين متقلقوش وقامت مره واحده جريت على الحمام والكل جرى وراها
جاكلين :- لسه هتدخل لأمها
فهد :- خليكم انتو هنا ودخل وراه مليكه الحمام وسندها وقال مالك يا قلبى
مليكه :- شكلى بس اخد شوية برد فى معدتى
فهد :- غسل ليها وشها وشالها
مليكه :- نزلنى يا فهد انا اقدر امشى
فهد :- شششش مش هنزلك هتصل بالدكتور يجى حالا
مليكه :- لاء يا فهد مكنتش عايزه اقول علشان كده دول كلهم شوية برد فى المعده
فهد :- طلع بيها من الحمام وبص لعدى وقال اتصل بالدكتور خليه يجى حالا
عدى :- حاضر
فهد :- دخل حط مليكه على السرير وغطها وقعد جنبها واخدها فى حضنه وبسها فى راسها وقال الف سلامه عليكى يا عمرى
مليكه :- الله يسلمك يا قلبى
جاكلين :- عامله ايه دلوقتى يا ماما
مليكه :- والله يا بنتى ابوكى بس اللى مكبرها انا معدتى ارتاحت شويه
سمر :- عمو فهد خايف عليكى يا خالتو
مليكه :- بتعب عارفه والله بس مش عايزه اقلق حد فيكم
فريد :- ايه اللى حضرتك بتقوليه ده احنا هنموت عليكى يا ماما
فهد :- حسه بأيه دلوقتى
مليكه :- تعب بسيط فى معدتى
فهد :- بعصبيه روح يا ابنى شوف اخوك بيعمل ايه كل ده خليه يستعجل الدكتور
فريد :- حاضر يا بابا
مليكه :- اهدا شويه يا فهد
وشويه والدكتور وصل ودخل مع فريد وعدى
الدكتور :- السلام عليكم
الكل :- وعليكم السلام
الدكتور :- سلامتك يا مدام مليكه
مليكه :- بتعب الله يسلمك يا دكتور
الدكتور :- ممكن يا جماعه تستنو بره لحد ما اكشف عليها
فهد :- اطلعو انتو انا مش هطلع
الدكتور :- ميصحش كده يا فهد باشا اطلعو كلكم
فهد :- بص ليه بغيظ وداس على سنانه وقال قولتلك مش خارج واخلص علشان انا على أخرى
الدكتور :- اتوتر وقال احم م.م.مفيش مشكله
وخرجو عدى وسمر وجاكلين وفريد من الاوضه وبدأ الدكتور يكشف على مليكه وبعد وقت خلص
فهد :- مالها يا دكتور
الدكتور :- احم لازم تنتقل على المستشفى حالا
فهد:- بخوف ولهفه ليه
الدكتور :- اكلت حاجه مسممه ولازم يتعمل ليها غسيل معده حالا
مليكه :- بتعب مش مستحقيه يا دكتور انا كويسه
الدكتور :- مدام مليكه مش كويس كده اللى حضرتك بتعمليه ده وبدارى الالم اللى فيكى عن الكل
فهد :- شال مليكه من غير ولا كلمه وخرج بيها من الفيلا
عدى :- خير يا بابا
فهد :- ادفع للدكتور وتعالو ورانا على المستشفى وحط مليكه فى العربيه وركب ومشى بيها على المستشفى
فريد :- خير يا دكتور
الدكتور :- اكلت حاجه مسممه ولازم يتعملها غسيل معوى حالا
جاكلين :- بدموع يا قلبى يا ماما
عدى :- حاسب الدكتور وركبو العربيه وراحو وراه مليكه على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
فى اوضت كريم
كان بيتكلم مع ولاء فى التليفون
كريم :- ده انا أمبارح كان هاين عليا اخدك من وسطهم واخطفك وامشى
ولاء :- هههههههه علشان أبيه أيمن كان علقك من قفاك
كريم :- لاء مش انا اللى يخاف على فكره انا ممكن اتجن وميهمنيش حد
ولاء :- ماشى يا عم هيرو
كريم :- هو انتى متعرفيش تتكلمى بصوت ناعم زى البنات
ولاء :- لاء والله انا كده مليش فى دلع البنات والسهتنه بتاعتهم ولو مش عجبك ممكن تروح تشوف واحده بسكويت وعلى قفه من يشيل النوع ده
كريم :- بحب قال بس انا بحبك انتى زى ما انتى كده واكتر حاجه شدتنى ليكى انك مش زى البنات بتوع اليومين دول بنت بمية راجل وفى نفس الوقت كلها انوثه
ولاء :- اتكسفت وقالت أحم ش.ش.شكرآ
كريم :- شكرآ ايه هو انا بعزم عليكى بكوباية شاى ده انا بقولك كلام حلو والله يعنى تردى عليا بكلام حلو مش شكرآ
ولاء :- يا ابنى انت أفهم انا مش بعرف فى سهوكت البنات دى
كريم :- ابنك حاضر امامى
ولاء :- هههههههههههه
كريم :- ايوه كده اضحكى خلى الشمس تطلع المهم مفكرتيش
ولاء :- فى ايه
كريم :- فى موضوع الجواز اللى قولتلك عليه انا عايز اجى اتقدم واكتب الكتاب علشان نكون براحتنا بقى ومحدش ليه عندنا حاجه
ولاء :- احم ا.ا.انا فكرت و.و.وموافقه
كريم :- بس انا مش موافق
ولاء :- بصدمه نعم
كريم :- ههههههههههههههه بجد مش مصدق نفسى احلفى انك بتتكلمى بجد
ولاء :- احم ايوه وكلمت ماما تقول لأبيه أيمن عليك
كريم :- ايوه بقى هو ده وربنا بموت فيكى
ولاء :- سكتت ومردتش عليه
كريم :- بلعتى لسانك ولا أيه
ولاء :- انا هقفل علشان اقوم أجهز للكليه
كريم :- طيب طمنى قلبى اللهى يطمنك قوليلى بحبك قوليلى أى كلمه حلوه
ولاء :- بحنيه كريم
كريم :- ايوه بقى يا قلب كريم
ولاء :- بحب السحلب ابقى اعزمنى عليه
كريم :- بصدمه سحلب
ولاء :- ههههههههههههههههه سلام
كريم :- سلام ايه يا حاجه تعالى هنا بتشتغلينى
ولاء :- هههههههههههه لتكون مفكرنى من البنات بتوع الهئ والمئ لا حاسب ده انا ولاء والأجر عالله الكلمه دى اقولها ليك لما تكون جوزى لكن دلوقتى لاء يا حليوه
كريم :- ها حليوه وهئ ومئ ايه جاب امى فى التليفون انتى متأكده انك ولاء ولا ده مقلب من أمى
ولاء :- هههههههههه ليه
كريم :- اصل انتى بتتكلمى بنفس أسلوب امى
ولاء :- ههههههههه طيب دى حاجه وحشه ولا حلوه
كريم :- وحشه طبعآ دى امى علطول الشبشب فى أيديها مش فى رجليها نصيبه سوده لو انتى طلعتى كده
ولاء :- ههههههههه لاء أطمن على أيامنا هيكون طلع اساليب تانيه غير الشبشب
كريم :- ربنا يطمنك يا قلبى
ولاء :- هههههههههههه سلام وقفلت التليفون وحضنته وقالت بحبك يا ابن اللذينه يخربيت خفت دمك قمر يا ناس
كريم :- قفل مع ولاء التليفون وبصله وقال بلطجيه بس بعشقها وقام من على سريره ودخل الحمام اخد شاور واتوضه وخرج لبس هدومه واده فرضه ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت بسمله
رن تليفونها برقم غريب عرفت أن جاسر ردت عليه وقالت
بسمله :- السلام عليكم
جاسر :- وعليكم السلام صباح الخير
بسمله :- صباح النور
جاسر :- عامله ايه
بسمله :- الحمدالله وحست أن صوته متغير قالت مالك يا جاسر
جاسر :- سلامتك يا قلبى مفيش
بسمله :- بس صوتك باين عليه أنك زعلان أو مخنوق
جاسر :- سكت ومردش عليها
بسمله :- شوفت مدام سكت يبقى فيه اتكلم يا جاسر باللى وجعك وانا سمعاك
جاسر :- مخنوق يا بسمله من اللى بيحصل ابويه صعبان عليا اوى بيتعذب ومش بأيديه حاجه اعملها ليه
بسمله :- ليه طيب ايه حصل
جاسر :- ابويه بيحاول يخلى ام تيلا وهنا تسامحوه بس هى رفضت وإهانته جامد وجوزها كمان مد أيده عليه ولما جيت اتدخل بابا منعنى
بسمله :- طنط مى تعمل كده مستحيل دى طيبه اوى وعمو باسم طيب جدآ جدآ
جاسر :- لاء يا بسمله حصل المشكله أنهم رفضوا يسامحوه ونسوه أنه مريض نفسي ولسه كمان بنته تيلا مش عارف هتعمل معاه ايه دى أخر مره جرحته جامد بكلامها انا مش هقول أن مش معها حق تعمل كده لاء انا حاسس بيها وبشعورها لان كنت زيها فى يوم من الايام وكنت موجوع من ابويه أن اتخلى عن امى وهى حامل فيا بس لما شوفته وشوفت حالته نسيت كل ده صعب عليا مقدرتش ما اسمحهوش
بسمله :- معلش يا جاسر هما برضه تعبو جامد فى حياتهم بسببه ومستحيل ينسوه كل ده فى يوم وليله هياخدو شوية وقت على ما يتأقلمو على وجوده فى حياتهم صدقنى مدام هو قاصد خير يبقى ربنا هيريح قلبه وربنا يهديهم ليه يارب
جاسر :- يارب يا بسمله نفسى بابا يرتاح اوى نفسى اشوفه بيضحك من قلبه والدمعه الحزينه اللى تملى محبوسه فى عينيه متبقاش موجوده
بسمله :- اصبر وما صبرك الا بالله بكره كل حاجه هتكون حلوه إن شاءالله
جاسر :- تعرفى يا بسمله انا بشكر ربنا انك موجوده فى حياتى ربنا يديمك نعمه فى حياتى
بسمله :- احم ربنا يخليك
جاسر :- بحبك اوى يا بسله
بسمله :- ا.ا انا لازم أقفل علشان مستنينى تحت
جاسر :- اهربى ماشى ههههههههه
بسمله :- احم سلام وقفلت مع جاسر وهى طايره من الفرحه بكلام جاسر ليها قامت اتوضت وأدت فرضها ولبست هدومها ونزلت وقالت
بسمله :- صباح الخير
الكل :- صباح النور
كريم :- مش ملاحظه انك بقيتى تغيبى يا بسله اليومين دول
بسمله :- ها م.م.معلش ا.ا.اصل بتأخر ف.ف.فى النوم
فارس :- مبقاش غيرك أنت اللى بتتكلم عن التأخير ما انت طول عمرك بتتأخر فى النزول ومحدش قال حاجه سبها براحتها
كريم :- خلاص يا حاج ولا تزعل نفسك
جومانه :- حالك اليومين دول غريب مره تضحك ومره زعلان ومره تاكل ومره لاء حالك مش عجبنى يا ابن بطنى
كريم :- معلش هو الحمل كده مخلينى مش على بعضى فيكى أيه يا جومانه أهدى شويه ده انا حاسس لو شوفتى البت هتقطعى ليها شعرها من كتر الكره اللى عندك ليها
جومانه :- انا نفسى اقعد عليها افطسها علشان معرفش عملت فيك ايه خليتك هتموت عليها كده
كريم :- عملت ليا عمل عند الشيخ مرجان ابن الجان وعمل سفلى ومقولكيش بقى على اللى بيحصلى
جومانه :- وحيات امك بتهزر
كريم :- هقولك ايه طيب واحده شوفتها وحبيتها وعشقتها وبموت فيها وبهواها
جومانه :- انت عايز تفرسنى صح
كريم :- ههههههههههه لاء والله بجد يا ماما بكره لما تشوفيها هتحبيها علطول ومش هتحسى بموضوع السن ده خالص
جومانه :- عوجت بؤقها وقالت بكره نشوف
فارس :- حددت معاد مع اهلها
كريم :- قالت لامها تقول لاخوها وهترد عليا
بسمله :- والله وهتتكلبش يا كيمو وهفرح فيك
فارس :- عقبالك يا حبيبتى ما ربنا يرزقك بأبن الحلال اللى يسعدك
بسمله :- لاء يا بابا انا اهم حاجه عندى دراستى وادخل الكليه اللى بحلم بيها
كريم :- جدعه يا بت خليكى طالعه لاخوكى
جومانه :- اتوكس على وكستك يا موكوس ده انت فاشل فى الدراسه وكمان رايح تتجوز واحده اكبر منك
كريم :- ايه كمية الوكسه اللى قولتيها دى ده انتى شايله منى ومعبيه انا احسن حاجه اقوم امشى ووقف وقال سلام وخرج وسابهم
فارس :- بص لجومانه وقال اللى فيكى فيكى انتى حره بقى وقام وقف وقال انا ماشى وخرج وسابهم
جومانه :- وانتى كمان مش عايزه تقولى حاجه
بسمله :- بعتت ليها بوسه فى الهوا وقالت انا كمان ماشيه وسابتها وخرجت
جومانه :- بغيظ كله منك انتى يا اللى عايزه تخدى ابنى منى اللهى تنشكى وقامت تشوف اللى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة أيمن
صحيت مليكه من نومها وكان أيمن مش نايم جنبها قامت دورت عليه ملاقتش حد موجود فى الشقه استغربت ودخلت مسكت تليفونها واتصلت عليه وانتظرت الرد
أيمن :- صباح الخير يا قلبى
مليكه :- صباح النور انت فين كده
أيمن :- معلش يا قلبى كان ورايا شغل مستعجل ومرضتش اصحيكى نزلت من غير ما اقولك
مليكه :- طيب انا عايزه انزل الكليه اعمل ايه
أيمن :- معلش اركبى تاكسى دلوقتى وانتى خارجه انا هاجى اخدك ماشى
مليكه :- ماشى سلام وقفلت معاه ودخلت الحمام اخدت شاور واتوضت وخرجت لبست هدومها وأدت فرضها ونزلت ركبت تاكسى وراحت على الكليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
فرحه قعدت كتير مستنيه عدى ومى محدش فيهم جه اتصلت كتير على مى بس محدش رد قامت وقفت ولسه هتخرج ندهت عليها تيلا
تيلا :- فرحه انتى لسه هنا
فرحه:- اه استنيت عدى ومى ومحدش فيهم جه واتصلت بمى مردتش عليا قولت اركب اى تاكسى واروح انا
تيلا :- يمكن مى مش هتروح الجامعه النهارده تعالى اوصلك على سكتى
فرحه :- وانتى رايحه فين كده
تيلا :- مجليش نوم قولت انزل اروح الشركه اهو يعدى وقت وخلاص
فرحه :- ماشى يلا
وخرجو الاتنين من الفيلا وركبو العربيه وصلتها تيلا الكليه وراحت على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا أسر
نزل يوسف من اوضه وهو مخنوق
أسر :- رايح فين كده
يوسف :- مخنوق قولت أنزل الشركه واشوف اللى ورايا احسن
مها :- ريح جسمك يا حبيبى شويه
يوسف :- مفيش راحه فى الدنيا دى طول ما تيلا بعيده عنى يا ماما وسبهم وخرج
مها :- ابنى بيتعذب يا أسر
أسر :- وفى أيدى أيه انا قولت لما تيلا هتقول الحقيقه ليه بنفسها ابنك هيقدر يصالحها بس شكل الأمور اتأزمت اكتر معاهم
مها :- ربنا يهديكى يا تيلا ويحنن قلبك على يوسف يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة أسر
وصلت تيلا الشركه ودخلت مكتابها وشويه ودخل أياد ليها وقال
أياد :- حمدالله على سلامة حضرتك
تيلا :-الله يسلمك يا أستاذ أياد وبعدين بصت ليه بأستغراب وقالت ايه اللى عند عينك ده
أياد :- ها د د.ده اتخبط أمبارح فى الباب وقال لنفسه ده لوح مش باب عادى الله يحرقه
تيلا :- سلامتك يا أستاذ أياد
أياد :- الله يسلمك
تيلا :- عايزه اعرف ايه حصل فى الشغل فى اليوم اللى غبته
أياد :- اتفضلى معايا فى مكتبى وانا هشرح لحضرتك
تيلا :- وقفت وقالت اوك وخرجت معاه
أياد :- امال فين مدام جاكلين
تيلا :- هى مجتش
أياد :- لاء
تيلا :- غريبه يبقى فى حاجه عند خالتو مليكه علشان الكل النهارده مش ظاهر
وفى الوقت ده وصل يوسف وشاف تيلا واستغرب نزولها الشركه راح عندهم وقال
يوسف :- انتى ايه نزلك النهارده
تيلا :- حاجه متخصكش
يوسف :- وهو بيحاول يتحكم فى أعصابه قال تيلا بلاش تعصبينى ارجوكى
تيلا :- ولا تعصبنى ولا أعصبك
أياد :- ازيك يا أستاذ يوسف
يوسف :- بقرف اهلا
أياد :- والله الشركه كانت مطلمه امبارح علشان حضرتك ومدام تيلا مكنتوش موجودين
يوسف :- بقرف والله
تيلا :- ميرسى يا استاذ أياد يلا نشوف شغلنا
أياد :- اتفضلى حضرتك فى مكتبى وحط أيده على كتف تيلا كأنه بيشيل حاجه وقال اسف بس كان فى حشره صغيره على كتفك جايه معاكى من بره
تيلا :- شكرآ ليك
يوسف :- اتجن لما سمع انها هتدخل معاه مكتبه واتجن اكتر لما شاف أيد أياد على كتف تيلا قال بصوت عالى أياااااااااااد
أياد :- وقف مكانه مبصش ليه وقعد يقول الشهاده فى سره وقال لنفسه حفرت قبرك بأيديك يا أياد الله يرحمنى كنت زينة الشباب والله
يوسف :- راح مسكه من رقبته وقال ليه وهو بيبص فى عينه وبيدوس على سنانه انت ازاى تتجرأ وتمد ايدك عليها
أياد :- وهو مش قادر ينطق ك.ك.كنت بشيل حشره م.م.من على كتفها
تيلا :- زقت يوسف وبعدته عنه وقالت انت مالك يا أخى بيا انا مش صغيره واقدر ادافع على نفسى كويس اوى
يوسف :- بعصبيه اه بأمارة انك شكرتيه
تيلا :- بحذرك يا يوسف أياك تدخل فى حياتى فاهم وبصت لاياد اللى كان بياخد نفسه بصعوبه وقالت يلا بينا يا أستاذ أياد
أياد :- هز راسه بمعنى ماشى وقال ا.ا.اتفضلى ودخلو الاتنين المكتب بتاع أياد
يوسف :- اتعصب وكان فيه مرايا قصاده ضربها بأيده مره واحده وكسرها
تيلا :- سمعت صوت الازاز من جوه عرفت أن يوسف كسر حاجه
أياد :- لسه هيروح يفتح الباب يشوف فيه أيه
تيلا :- تعال يا أستاذ أياد ده أستاذ يوسف اتعصب وكسر حاجه
أياد :- لنفسه كويس جت على كسر حاجه مكسرش رقبتى انا ورجع تانى قعد على مكتبه وبدأ يشتغل هو وتيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى كلية هنا
دخلت هنا الكليه واول ما شافت محمد افتكرت اللى حصل أمبارح فى اوضه اتكسفت وبصت فى الارض
محمد :- راح عندها وقال واحشتينى
هنا :- احم بابا ع.ع.عامل ايه
محمد :- خالو كويس لكن أنا اللى مش كويس ينفع كده تزوقينى أمبارح وتنزلى
هنا :- م.م.محمد مش بحب الأسلوب ده فى الكلام
محمد :- ولا انا بس حبك هو اللى بيجننى وبيخلينى بنأدم تانى تصرفاته طايشه
هنا :- احم ح.ح.حاول تتحكم فى نفسك أكتر من كده
محمد :- عارفه نفسى فى ايه
هنا :- ايه
محمد :- نفسى اطلبك من ابوكى اللى هو خالو واتجوزك ومش مهم عندى أى حد تانى
هنا :- لاء طبعآ مستحيل اعمل كده انا يوم ما اتجوز هيكون بموافقة الكل ماما وبابا وبابا باسم
محمد :- موت يا حمار بقى على ما اتجوزك
هنا :- أنت متأكد انك كنت عايش بره ومتربى بره
محمد :- هههههههه اه ليه
هنا :- اصل طريقة كلامك كأنك متربى هنا فى مصر
محمد :- انا اه مولود ومتربى بره بس عشت عمرى كله فى جو أسرى مصرى كان كلامنا كلنا مع بعض بنفس الطريقه دى وحتى أصحابنا كانو مصرين أو حتى عرب وعلمناهم الكلام المصرى زينا علشان كده لما رجعت مصر محستش أن انا غريب عنها ولا طريقة كلامى اختلفت هى هى نفس الحياه
هنا :- فعلا حتى طريقة كلام عمتو زيك بالظبط
محمد :- يا بنتى البلدى بلدى مفيش احسن منه اقسم بالله واحلى ما فى بلدى انتى يا أحلى واجمل ورده بلدى
هنا :- اتكسفت وبصت فى الارض وقالت احم محمد بس بقى بتكسفنى
محمد :- بتتكسفى من الكلام ربنا يعينك على الفعل بقى امشى يا اختى قدامى على المحاضره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى كلية فرحه
دخلت فرحه تدور على البنات وشافت مليكه وولاء راحت عندهم وقالت
فرحه :- صباح الخير
مليكه وولاء:- صباح النور
فرحه :- امال فين مى
مليكه :- مش عارفه ده انا لسه كنت هسألك عليها علشان مش بترد على تليفونات حد مننا قولت انتى بتيجى معاهم كل يوم
فرحه :- لاء مشوفتش حد فيهم النهارده وبرضه بتصل عليها مش بترد
ولاء :- غريبه
مليكه :- انا بدأت اقلق عليها انا هروح أشوفها لتكون تعبانه
فرحه :- وانا هاجى معاكى
مليكه :- وانتى يا ولاء
ولاء :- مش هقدر روحو انتو وابقو طمنونى عليها
مليكه :- ماشى ولسه بيلفو
فرحه :- اتفاجئت بوجود وحيد وراها قالت وحيد
وحيد :- ايوه يا فرحه انا وحيد جوزك
فرحه :- بصدمه جوز مين انت مش طلقتنى
وحيد :- لاء يا فرحه الطلاق باطل انتى لسه مراتى الطلاق تحت تهديد باطل وده اللي حصل معانا يا فرحه
فرحه :- هزت راسها رافضه الكلام ده وقالت م.م.مستحيل ودموعها نزلت منها وقالت مستحيل ارجع تانى ليك تذلنى وتكسرنى
وحيد :- قرب منها وقال أهدى يا فرحه مقدرش والله أذيكى انا بحبك اقسم بالله
فرحه :- جسمها اتنفض اول ما وحيد قرب منها ورجعت لوره
وحيد :- بدموع لدرجاتى بتخافى منى يا فرحه
فرحه :- بدموع انا بخاف منك وبكرهك وبقرف منك وكل حاجه تتخيلها يا وحيد
وحيد :- فرحه انا عارف ومتأكد انك بتحبينى بس مجروحه منى ادينى فرصه صغيره اثبتلك حبى ليكى وان اللى حصل منى ده غصب عنى
مليكه :- لوسمحت ياريت تبعد عنها وكفايه اللى هى فيه كفايه وجعها وتعب نفسيتها منك ابعد بالذوق بدل ما نخلى الرجاله تتصرف معاك بطريقتهم
وحيد :- انا مش عايز أذيها والله انا عايز اعوضها عن اللى حصل منى واطيب جرحها اللى كنت انا السبب فيه
فرحه :- وجودك فى حياتى أكبر وجع ليا وجرحك هيفضل العمر كله مفتوح عمره ما هيلم أبدآ ابعد عن طريقى وأبدأ حياتك مع واحده تانيه ومسكت أيد مليكه ووقفت تاكسى ومشيت
وحيد :- انتى حياتى يا فرحه وعمرى اللى مش هتنازل عنه مهما حصل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى الكل عرف بتعب مليكه الكبيره وراحو المستشفى
مها ومى الكبيره وجومانه وسمر وجاكلين وفريد وعدى وأسر وفهد وباسم وفارس
مها :- الف سلامه عليكى يا مليكه
مليكه :- بتعب الله يسلمك يا مها
مى :- ايه اللى أكلتيه كان السبب فى التسمم ده
مليكه :- ما انتى عارفه يا مى مش باكل حاجه من الشارع ابدآ كل اللى اكلته الصبح سندوتش جبنه وشربت كوباية عصير برتقال بس مش أكتر
جومانه :- مش ده نفس الاكل اللى كلكم أكلتو منه
مليكه :- لاء ده كان لسه كلهم نايمين وقولت اعملو اصبر نفسى بيه
فارس :- ما يمكن بفعل فاعل
فهد :- فعل فاعل ازاى واحنا مش مشغلين حد فى الفيلا غير واحده بتيجى تنضف البيت مرتين فى الاسبوع وخلاص ومليكه هى اللى بتعمل الاكل
مليكه :- فى حاجه حصلت
فهد :- ايه
مليكه :- الست اللى بتنضف معادها كان مفروض بكره لاقتها جايه النهارده ولما سألتها ليه جت النهارده مش بكره قالت إنها بكره عندها فرح ومش هتقدر تيجى بكره
باسم :- بس هى هتعمل كده ليه
عدى :- صح ايه مصلحتها فأنها تأذى ماما
أسر :- انا لو اللى فى دماغى صح يبقى فى خطر كبير جدآ على حياتنا
فريد :- قصدك ايه يا عمى
فهد :- فهم قصد أسر وقال ده لو ده صح هيبقو حفرو قبرهم بأيديهم مش فهد المنشاوى اللى يدخلو بيته ويأذو حد من عيلته
مى :- انا مش فاهمه حاجه
مها ومليكه :- ولا احنا
فارس :- ما توضحو كلامكم
باسم :- انتو تقصدو وحيد ومعاذ
فهد:- لاء دى عيال خيبه وآخرهم يعملو اللى عملو ودلوقتى بيسفو التراب علشان البنات
باسم :- قصدكم مين طيب
فهد :- بس لو فعلا هما يبقى كده قصدهم يشغلونا علشان نسيب الفيلا كويس اننا كلنا هنا
عدى :- لاء مى فى الفيلا يا بابا
أسر :- بخوف بنتى
فهد:- بص للرجاله وقال تعالو بسرعه نلحقوها وبص للستات وقال خليكم مع مليكه وراحو يجرو على عربيتهم واولهم عدى وهو دموعه على خده من الخوف وقعد يتصل بيها بس مكنش حد بيرد قلقو اكتر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
وصلو فرحه ومليكه الفيلا دخلو وعرفو بتعب مليكه الكبيره ولما سألو عرفو أن مى بس اللى جوه دخلو الاتنين عند اوضت مى وخبطو على باب الاوضه محدش رد فتحو الباب عليها ودخلو وقعدو جنبها على السرير
مليكه :- مى ميوش مالك يا حبيبتى
مى :- اممممم
مليكه:- اصحى يا حبيبتى
فرحه :- هى شكلها تعبانه
مليكه :- هى لما بيجى ليها البريود بتكون كده بتتعب وبتقضيها نوم
فرحه :- مى يا مى
مى :- فتحت عينيها بتعب وقالت فرحه مليكه خير فى ايه
فرحه :- متخفيش يا مى احنا قلقنا عليكى جينا نطمن عليكى
مليكه :- وبعدين متعرفيش اللى حصل لخالتو مليكه
مى :- بخضه ايه اللى حصل
مليكه :- تعبت واخدوها الدكتور
مى :- وقفت بخضه وقالت ايه انا لازم اروح ليها حالا وفى الوقت ده سمعو ضرب نار كتير
التلاته خافو وضمو على بعض وضرب النار كان بيزيد
فرحه :- بدموع فى أيه
مى :- بخوف مش عارفه
مليكه :- بخوف عايزين تليفون نتصل بحد نبلغه ولسه بتقوم تمسك التليفون ضرب النار سكت
مى :- الحمدالله اهو سكت ضرب النار بس فى الوقت ده الباب اتفتح ودخلو اربع رجاله الاوضه ومعاهم سلاح
مليكه ومى وفرحه :- قعدو يصوتو من الخوف
الرجاله قربو منهم وكل واحد شال واحده ونزلو بيهم وحطوهم فى العربيه وحطو على عنيهم شريط ومشيو بيهم على مكان مجهول
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
كان الكل قلقان على مى
وسمر حست بدوخه وهبوط من كتر القلق
مها :- اخدت بالها وراحت مسكتها وقالت سمر مالك يا حبيبتى
سمر :- مش عارفه يا ماما حاسه بشوية هبوط
جومانه :- أشربى شوية عصير علشان اللى فى بطنك
جاكلين :- هنزل اجيب ليها بسرعه وجايه
مها :- ماشى يا جاكى بسرعه بالله عليكى احسن وشها اصفر
جاكلين :- حاضر يا خالتو بسرعه ونزلت تجرى وراحت عند اول سوبر ماركت واشتريت عصير وخرجت تجرى بس عربيه سوده كبيره وقفت قصادها وشدت جاكلين وطلعت تجرى
الحرس :- لاقوه جاكلين اختفت وقعدو يدورو عليها ملاقهاش مسكو التليفون طلبو فهد وقال
احد الحراس :- فهد باشا الانسه جاكلين نزلت ودخلت سوبر ماركت وخرجت منه وعربيه وقفت قصادها ومشيت وفاجئه مبقتش موجوده
فهد :- بعصبيه ازاى مش موجوده اختفت أزاى مشغل معايا شوية اغبيه بنتى تكون عندى بأى طريقه وقفل السكه فى وشهم وقعد يخبط على العربيه بعصبيه
عدى :- بخوف فى أيه يا بابا
فهد :- بعصبيه ولاد ال*****بيلعبو معايه وخطفو اختك والله أعلم عملو ايه مع مراتك
عدى :- بعصبيه مين دول يا بابا مين ومشى يجرى على الفيلا يطمن على مى
فهد :- مسك التليفون واتصل على أيمن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة أسر
خلصت تيلا شغلها وخرجت من مكاتبها وقابلت يوسف قصادها هيركب الاسانسير رجعت لوره ووسعت ليه الطريق
يوسف :- مش هتركبى
تيلا :- بقرف اتفضل انت انا هنزل على السلم اصل بقيت اتخنق من الاسانسير وسابته ومشيت
يوسف :- بص ليها لحد ما اختفت وشغل الاسانسير ونزل
تيلا :- نزلت السلم وراحت على جراج العربيات بتاع الشركه وراحت عند عربيتها بس اتفاجئت ببتاع الأمن متكتف ومربوط راحت عنده ولسه هتمد ايديها تفكه اتفاجئت بحد بيحط منديل على مناخيرها ومحستش بحاجه تانى
يوسف :- نزل وراح عند عربيته بس شاف عربية تيلا زى ما هى وبتاع الأمن مربوط فكه وقال مين عمل فيك كده
بتاع الأمن :- رجاله طلعو عليا وكتفونى واخدو مدام تيلا
يوسف :- بصدمه تيلا طيب شكلهم ايه
بتاع الأمن :- رجاله جسمهم طويل جدآ وعريضه حطوها فى عربيه سوده ومشيو
يوسف :- خبط بأيده على العربيه وقال مين مين اللى هيعمل كده مين ودموعه نزلت منه وقال بصوت عالى تيلااااااااااا وركب عربيته وساقها بسرعه كبيره وراح على أيمن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد