حياة : ظليت صافنه على كلام عمتي اعرف هذا الحجي كلش زين بس مجان اكدر اسوي غير اوافق وارجع لخالد بس هذا الشي اصعب من الاول احسه صار مو بيتي خابرت خالد وكلتله لازم تجي اريد احجي وياك
كلي بالليل اجيج وعمتي راحت لبيتها تكمل شغلها
وكالت حتى اعوفكم وحدكم تحجون
فعلا بالليل ندكت الباب وطلعت افتحه طلع خالد فات للبيت كعدنا بالهول
خالد: شونج
حياة: الحمدلله
خالد: لعد عمتج وين
حياة: راحت لبيتهم عدها جم شغله
خالد: اشتاقيتلج .. شوكت ترجعين لبيتج ماشتاقيتيلي
حياة: خالد ماريد ارجع كومه فكرت والله ماكدر
خالد: شنو سبب هذا مجان اتفاقنا انتي كلتيلي جم يوم وارجع وراها تغيرتي عليه واني تركتج بس حتى اخليج ترتاحين
لعبالج اني قابل على هاي تصرفات
حياة: ماريدك صير عصبي ترى دنتناقش
خالد: يانقاش هذا انتي جاي دكليلي رئيج
حياة: خالد خليني اني هنا وانت تعال يمي عيش
خالد: وانتي تقبليها يكلون شيخ خالد عايش بيت حرمته
حياة: خالد افهمني الله يخليك
خالد: مداعرف ليش مدتقبلين ترجعين لان رغد بالبيت مو
حياة: طبعا هي السبب الرئيسي كلي شون حتقبل اشوفك تروح لغرفتها ولازم اظل ساكته شلون
خالد: وحق ربج مرايح لغرفتها من يوم زوجتها وهي تنام وحدها مجاي اكدر اتقبل غيرج كافي عاد ياعيني والله كلبي طاك عليج
حياة: لا اني كادره اقبل تصيرالي وحدي وعدك مره ثانيه حرام تظلمها ولا كادره اقبل تظلمها
خالد: انتي مدتعرفين شتردين وانتي اصلا لو تحبيني صدك جان تقبلتي اي وضع اني بيه
حياة: تقبل اني صير عدي رجال غيرك واكلك عادي اذا تحبني لازم تتقبل .. هذا لزم ايدي عصرها
خالد: دنطقيها مره ثانيه الا اكص لسانج وحق ربج
حياة: اي خالد وخر اذيتني
خالد: تعرفين هذا الحجي يعصبني فلا تحجي
حياة: كاعدين دنحجي جان تليفون يدك مجاوب كتله مجاوب كلي مو مهم ورد يدك ورفضه ظل يكلي مو مهم دك جان اجره من ايده
جان اشوف اسم رغد ظليت اباع عليه مدري احس واحد ضربني راشدي
بسرعه حجيت .. ليش دتخابرك
خالد: مادري عوفج منها
حياة: يعني متعرف انت يمي متكدر تصبر من ترجع وتحجي وياك
خالد: شبيج حبيبتي شفتيني جاوبتها عصبتي عليه
حياة: هاي شبيه فار دمي اوووف لعد ارجع واشوفها تحجي وياه يمكن املخها
بعدين كلت خطيه هي مالها ذنب وكلتله
دكلها شوفها شبيها خاف اكو شي اني حروح اسويلك جاي
عفته ورحت للمطبخ بس ظليت واكفه بالممر اريد اسمع ماعندي هاي العاده بس هذا حبيبي شون اتحمل وحده تحجي وياه
حتى لو جانت ذيج هم مرته
هو حجه وياه طبعا كلش رسمي بكلامه وياها ومنطاها ريك حلو ابد
اكذب اذا كلت ضجت من تصرفه هذا بالعكس فرحت اعرف هذا ظلم ذيج بس ماكدر ماكدر
رحت سويت جاي وجنت واكفه احضر صينيه والاستكاين ماشوف الا واحد اجه حاوط خصري
وقرب حلكه على اذني
خالد: احب غيرتج عليه
حياة: على شنو اغر ماكو هيج شي
خالد: لعد منو القبل شويه رادت تهجم عليه من شافت رغد تخابر امي
حياة: عادي لان جنا نحجي بموضوع مهم
خالد: اي صدكتج
حياة: نداريت عليه .. خالد مجرد شفت اسمها على جهازك اني ردت اروح املخها شون اذا رجعت وشفتها هنا وتحجي وسولف وياك
خالد: خل تحجي وخل سولف المهم هذا.. واشرت على كلبي ..المن يدك
حياة: ظلينا نحجي ونسولف كومه وطبعا لااني اقبل بقراره ولاهو يقبل بقراري ظلينا نحجي واخذنا الوقت شفت ساعه ب12 ونص
هو اصلا مقبل يروح واصر يبات يمي على مشتاقلج وصالي كومه بعيد عليج فكلتله اوكي بات
فرحت افرشله بغرفتي هو اجه عليه لزمني ظلي يحاول يبوس بيه بس اني جنت كلش مالي نفس صديته وهو ضاج كلش مني
فحجيت وياه كتله اني بعدني تعبانه على وفاه ابويه لازم شويه تتحملني اني متحطمه هسه واحس قوتي كلها رايحه
خالد: ماشي حبيبتي جان لازم اقدر هذا الشي بس ماتحملت اشوفج قريبه عليه ومالزمج واشم ريحتج
حياة: ظليت ساكته لان احس نفسي مابيه حيل حتى احجي رحت خابرت عمتي كتلها خالد حيبات يمي هي كالت زين لعد اني حبقى بيتي
رجعت نمت بصفه مااوصف شكد جنت محتاجته يمي هو مجرد وجوده يمي احس باامان كلش فتحت ايده ونمت عليها هو مثل ماصدك حضني وظل يبوس براسي ويمسح بظهري
خالد: والله احبج
حياة: اني هم احبك
خالد: باجر ترجعين ويايه
حياة: خالد
خالد: لا خالد ولاشي تعالي وشوفي الوضع يجوز مو مثل الي انتي متخيلته لخاطري حبيبتي
حياة: ماشي بس اذا معجبني الوضع شسوي
خالد: عود رجعي هنا
حياة : ماشي لعد اذا معجبني ارجع
خالد: بس تعالي انتي والله ماخليج بعد تطلعين
حياة: خاااااالد انت وعدتني
خالد: اي هسه بس رجعي
حياة: نمنا وثاني يوم حضرت غراضي بس عمتي مقبلت نطلع الا نتغده تغدينا وقفلت البيت وطلعنا للبيت وصلنا للبيت بس اني احستحي اذخل احسه مو بيتي
دخلت خالتي وامل اجوي خطيه استقبلوني وامل جانت ممصدكه بيه راجعه واجتي ايه هم سلمت عليه وصراحه جنت كاعده على اعصابي كلسع اكول هسه اشوفها هسه تدخل مرته واشوفها
رحت لغرفتي شفتها مثل ماعفتها
جتي امل ساعدني بترتيب الغراض
امل: كل ماانظف انظف غرفه ماخلي اي شخص يدخل
حياة: اوي حبيبتي .. اكلج امل لعد وين رغد
امل: رغد فوك بغرفتها اصلا متنزل هواي
حياة: زين شون علاقتها بيكم
امل: اني ماحجي وياها هواي اصلا بس هي تتلوك لبيبي وتعرفين بيبي ماتنطي باحد
حتى ابويه كل مشوفه بس تريد سولف وياه بس ابويه مينطيها مجال ابد
حياة: لا ليش هيج سون وياها ترى خطيه
امل: منو الخطيه ولج انتي الخطيه هسه شوفيها وشوفين تصرفاتها وتعرفين الخطيه المن دكوليها
خالد: جنت فرحان لان حياة راجعه للبيت ويايه حتى صير كدام عيني دايما وحتى اطلعها من الي هي بي مشتاق الوجودها يمي كلش هواي حتى رغد مجنت ارغب الها هواي شكد تحاول تحجي ويايه وتتقرب مني بس ابد ماكدر اجاوب وياها حتى تصرفاتها اضوج منها واكثر من مره بالليل تفوت عليه واني بغرفتي جوه وظل تتحجج بحجج سخيفه حتى تبقى يمي بس ماخليها ابد واكثر من مره ارزلها
حتى لاتعتب هاي الغرفه
حياة:طلعت بره اني وامل رحنت كعدت يم خالتي فجانت سولف وتحجي لحد ما دخلت وحد متانقه ولابسه والمكياج وبيدها كلاص عصير ودخلت دكول خالتي سويتلج هذا العصير
حياة: اني ظليت اباع عليها وعلى لابسها الي مبالغ بي ومكياجها فهي نطت العصير لخالتي واكيد خالتي فدوه لايدج وتسلمين حبيبتي تعالي كعدي يمي
امل: باعي بدت اللواكه
حياة: اش لاتسمع
خالتي: يمه هاي حياة انت ماشفتيها جانت مو هنا من جيتي
رغد : واخيرا شفتج جنتي حديث البيت يوميا حتى مليت منج هلكد ميحجون بيج هههههه
حياة: بتسمتلها بتسامه خفيفه ونداريت اسولف ويه امل
جان يفوت خالد للهول ظل واكف يم الباب جان هاي رغد بس شوف
خالد
روحي بسرعه وجيبيله عصير
رغد : هذا سويته قبل شويه تفضل
حياة: اني ظليت اباع على رغد وخالد وجان بودي اكوم اطش العصير على وجهه خالد تفاجىىه بصرفها فاخذه منها وكللها مشكوره وهي رجعت كعدت يم خالتي تتلوك بمشيتها فشال راسه باع عليه
اني نطيته نظره يعني هاي نظره صارت لا اراديا مني هو عباله ضجت فبس اخذ العصير خلاه عالطبله وكعد ماشرب منه ابد
وكلها لامل تروح سويله جاي
هاي رغد بسرعه اني اسويلك وكامت
خالد اشر لامل دكول هي سوي فكامت امل لحكتها فهو تقرب يمي كعد فجانت خالتي سولف ويايه وخالد كاعد بصفي وبيده لازم تليفونه وايده ثانيه يمشيها على ظهر ظليت مشنجه ماكدر اتحرك خالتي منا سولف وهذا منا
فجتي رغد كعدت كبالنا ظلت تباع علينا وتنطيني نظرات حاقده فكمت من الهول رحت للمطبخ على امل جانت كاعده دسوي جاي لابوها
امل: شفتيها شكد خاله مكياج
حياة: غير عروسه شبيج شاده وياها
امل: مشاده وياها بس من جتي لهسه هي بس تخلي خشمها بكل شي
حياة: لازم تتعلمين عليها بعد صارت مرته
امل: بس انتي مرته بعيني
حياة: ههههه
تعرفين من فاتت وشفتها شون مبدله وكاشخه حسيت نفسي عجوزه اني
امل: لا ليش والله انتي احلا منها
حياة: لا ماغرت والله بس حسيتها هي كاشخه كلش واني مبهذله
امل: روحي كشخي انتي هم
حياة: باوعت على امل دسكتي احسلج
فجنا نسولف دخلت رغد علينا وماحجت شي طلعت ماي من ثلاجه وتشرب فاني وامل جنا دنسولف على ايه وعرفت حامل طالعه وكلش فرحتلها فجنا دنسولف شون تعبانه خطيه فرغد شربت ماي وطلعت
وره شويه خالتي صاحت امل لغرفتها بس سمعت امل دكلها والله جذب بيبي وراها رجعت للمطبخ امل عصبيه كتلها شبيج
امل: بله شوكت جايه رغد هنا واحنا مدايريلها بال ورغد هسه مقهوره مني لان اني مهتمه بس بيج
حياة: جتي هنا شربت ماي وراحت ماحجت شي اصلا
امل: مو كتلها لبيبي بس بيبي دكلي انتي صافه بصف حياه وهي تنقهر ومن هاي سوالف
حياة: ياالله بعدني اول يوم هنا
امل: والله من يوم الجتي هي بس تشكي لبيبي عليه وعلى ايه وعلى ابويه خل تولي
حياة: امل ترى حقها لا انتي ناطيتها وجهه ولا خالد شسوي البنيه اكيد تروح تشكي منكم
امل: ولج حياة والله رغد وحده محد يطيقها ولج حتى عمتي بسمه من دتروح كلتلي يمه الله يساعدكم عليها هاي تاكلكم كلكم ومتشرب سفن وراكم
حياة: هههههه خرب بيج ضحكتيني
لليل تعشينا ورحت لغرفتي فداطلع اجيب ماي شفت رغد كاعده يم خالتي بالهول بس مااهتميت رحت للمطبخ اخذت ماي ورجعت لغرفتي شويه ودخل خالد يمي
جنت دابدل الجرجف مال الجربايه اجه ساعدني
خالد: باعي اني شون اساعدج
حياة : ههههه اي عفيه
خالد: بله اكو رجال يساعد هيج مرته بس اني
حياة: هسه شتريد
خالد: لا ماريد حتى اشوفج اني شون حباب وياج
حياة: هههههه يله هسه بس اكمل انطيك فشي
خالد : متردين اغسلج هدوم انظفلج الغرفه صار اكو شي حلو بعد
حياة: هههههه لا ماعدي
فكملت ورحت غسلت وبدلت ملابسي ورجعت شفته مدد عالجربايه ونازع تشيرته
فمهتميت رحت عالجربايه مددت
خالد: وينه
حياة: شنو
خالد: مو كلتي انطيك شي حلو
حياة: اي عود باجر اسويلك كيكه شو هذا كام على حيله
خالد: ولج ياكيكه
حياة: موكلت تريد شي حلو
خالد: اي اريد شي حلو تعالي اكلج شريد
حياة : ظل يحضن بيه ويبوس بيه واني ادفع بي واضحك على تصرفاته شويه وندكت الباب
خالد: منوو
خالتي : اني يمه تعالي للغرفه اريدك
خالد: اي يمه جاي .. الحجيه ابد مو وكتها
حياة: اني ظليت اضحك عليه جان يندار عليه
خالد: لعبالج بس هذا خل اشوف امي واجيج
حياة: راح خالد لخالتي اني ظليت العب بتليفون واكلب بي
خالد: طلعت على امي فرحت عليها
هاحجيه محتاجه شي
خاله: اي تعال خل احجي وياك بسالفه
خالد: اي حجيه احجي وهاي كعده
خاله : خالد هسه انت مامزوج بس حياة هسه انت عدك مره لخ ولازم شسوي لهاي سوي لهاي لازم تعدل بينهم
خالد: واني شمسوي مو اي شي تريده رغد اسويلهياة
خالة: يمه اكو شغلات ماترهم سويها لوحده وتعرف ثانيه تباع عليك
خالد: وانه شمسوي ترهم الله واكبر اليوم جتي حياة
خاله: ياوليدي انت من يوم الزوجت ماتصعد فوك تنام وحتى بالبيت ماتلفي حتى سوالف بالكوه تحجي ويه رغد واليوم بس اجتي حياة كابلتها وكعدت وبس دخلت للغرفه ركضت وراها
خالد: ها حجيه دتراقبيني
خاله: لايمه لا راقب ولا شي بس البنيه شكت منك ودكول اني لحد الان محاجيه لااهلي على تصرفات خالد بس اذا عرفوا ميقبولون
ودكول مثل مينام يمها ينام يمي اني مو مرته مثل ماهي مرته
خالد: ظليت ساكت ..
خالة:اعدل يمه حتى الله يوفقك انت تعدل ويه كل ناس تجي يم هاي البنيه وتوكف
خالد : الله كريم يمه تنحل تنحل لايظل بالج
يله حكوم انام انه
حياة: جنت كاعده منتظره خالد فات عليه اجه يمي
ها شبيها خاله
خالد: مابيها .. تعالي يمي لعبالج نسيت
حياة: جرني بحضنه ونومني على ايده ظل يمسح بظهري ويسولف
خالد: تعرفين امي شتريد مني
حياة : شتريد
خالد: رغد شاكيتلها مني لان اني مامهتم بيها مثل مااهتم بيج
حياة: ظليت ساكته
خالد: وتريد مني اعدل بينكم
حياة: وشحسوي شون حتعدل.
خالد: شبيج ضجتي
حياة: ماضجت بس جنت اعرف بهاي سوالف من البدايه
عدله الليله واني كلتله لخالد يبات يمها يوم ويمي يوم وميسوي حركات كدام اي وحده بينا ضوج الثانيه
صح حجيت هذا الكلام من وره كلبي بس مجنت اكدر اسوي غير هذا الشي وهي اصلا صح مبينه متحبني ولا طيقني بس شسويلها
هذا الموجود مثل ماني متحملتها هي تتحملني
مرت الايام هيج يوم يبات يمي ويوم يمها بس من اليوم الي رجعت خالد مامتقرب مني بالبدايه حان يحاول ويايه بس من كام يبات يم رغد مكام يلح عليه بهاي سوالف واصلا بيوم الي يبات يم رغد تحير شسوي بنفسها وصبح تكعد سوي نفسها تعبانه وعلى اساس بارحه الليل كله منايمه حتى تخليني انقهر او اضوج بس مجنت انطيها مجال ابد
كلشي يهون الا بيوم الي وكعت بيني وبين امل هذا جان من اكثر الايام الي نقهرت ومتت قهر ..... يتبع ❤️