امبارح كان بالنسبه ليا عيد
كيو حدث وراح سوبر شو7 وكان فى ون كيو مومنت وغنى الى هو هتشل يا استاذ معتز هحاول ما اتأخرش فى الى جاى
stay tuned
(فتحت سول عنيها بضعف رؤيتها مشوشه مش عارفه تتعرف على المكان ..هو مخزن قديم مهجور حاولت تتحرك لقت نفسها مربوطه بالكرسى..شهقت بصدمه اخر حاجه هى فكراه هيونغ شيك لما قالها ان السفير البريطانى اتضايق من اسلوبها فى الحفله وقررت تروح معاه تعتذرله علشان صفقه كيوهيون تتم كانت ممتنه انه بيساعدها .. فضلت تتحرك بعنف على الكرسى وتحاول تفك ايديها وتصرخ بأسم كيوهيون.. لغايه ما دخل ميونغ سو الاوضه..بصتله سول برعب)
سول:انت جايبنى هنا ليه
ميونغ سو:ما بحبش الاسئله الكتير
سول: ميونغ سو انت جايبنى هنا ليه
(بصلها ميونغ سو بسخريه وقرب منها ببطء..سول اترعبت وانكمشت فى الكرسى كانت عايزة تختفى من قدامه بصته مرعبه..وقف ميونغ سو قدامها مد ايده بالراحه على وشها وعدل شعرها غمضت سول عنيها برعب..ابتسم ولمس شفايفها بالراحه)
ميونغ سو: انتى عارفه انا بطبعى ما بحبش المس حاجه تخص غيرى بس جوزك الى استفزنى وده كله علشان واحده زيك...تفتكرى هياخد وقت قد ايه عقبال ما ييجى..(شد كرسى وقعد قدامها) اصلى مجهزله حاجات كتيرة اوى وكل يوم تأخير انتى الى هتدفعى تمنه
سول:انت بتعمل كدة ليه
ميونغ سو:تقدرى تقولى برد الضربه الى جوزك بدأئها
سول:فكنى
ميونغ سو:ما تختبريش صبرى انا لغايه دلوقتى ما لمستكيش
سول(بصتله بتحدى):بقولك فكنى
(قام ميونغ سو من مكانه بعصبيه وفكها ورماها فى الارض حاولت تقوم بس لقته ضربها برجله فى بطنه طلع كل جنونه وهو بيضربها بعصبيه.. صوت صراخها كان الوحيد فى المكان..غمضت عنيها خلاص مش قادره هتفقد وعيها قرب ميونغ سو منها ومسكها من شعرها)
ميونغ سو:انا هخلى كيوهيون يندم بدل المره الف لما يشوف انا عملت فيكى ايه
(زقها ميونغ سو على الارض بصتله سول بألم واغمى عليها...يومين عدوا ورجاله ميونغ سو بيسلموها لبعض ما اتحركتش من ارض المخزن كانت متكومه فى الارض والكدمات والجروح مغطياها صحيت بفزع لما ميونج سو دلق عليها جردل ميه تلج)
ميونغ سو:تخيلى انه ما فكرش يبعت حد من رجالته حتى يدور عليكى
(غمضت سول عنيها بألم)
سول:كنت المفروض تخطف حاجه عليها القيمه بالنسبه ليه
ميونغ سو:وفى اهم من مراته الى بسببها دمر شركتى
سول:وانت مش شايف انه ما اهتمش
ميونغ سو:انتى عايزة توصلى لايه لا انتى ولا هو هتخرجوا من هنا
سول:اقتلنى..انت خلاص موتنى بالنسبه ليه
ميونغ سو:ما تخافيش هيحصل بس قدام عنيه
(دموعها نزلت بقهر..ابتسم ميونغ سو بسخريه)
ميونغ سو:ايه رأيك نجرب حاجه جديده النهاردة
(بصتله سول بفزع)
ميونغ:اية فكره حلوه وكمان ممتعه
سول:ارجوك سبنى اكلمه ولو لمره
(عيطت بحرقه)
سول:كيوهيون زمانه بيتعذب هيفتكر انى سبته بمزاجى وانى اتخليت عنه طالما مدورش عليا
ميونغ سو:انتى خايفه عليه هو
سول:انا مش عارفه ايه الى حصل بس..
ميونغ سو:اعرفك جوزك منع اى شركه تتعامل معايا دمر المشروع الى صرفت فيه كل فلوسى ودة كله بسببك
(مسكها من كتافها..غرز ميونغ سو ايده فى كتفاها صرخت من الوجع..نزل ميونغ سو الفستان لقى كدمه)
ميونغ سو:واضح انى مش لوحدى الى ضربتك
(زقته سول عنها)
سول:متقارنش نفسك بيه
(ابتسم ميونغ سو وخرج من المخزن...قعدت سول متكومه فى الارض لغايه بليل...ما سمعتش صوت .. اتسحبت بالراحه وخرجت من المخزن كان الطريق فاضى جريت كانت ع كل خطوه بتتوجع بس كملت.. الطريق فاضى بصت سول حواليها بتحاول تتعرف على اى حاجه..لقت عربيه جايه من بعيد وقفت قصادها بالظبط..خرج ميونغ سو من العربيه بصتله سول برعب)
ميونغ سو:نلعب تانى لعبه الهروب ولا تعبتى
(مسكها من ايديها حاولت تزقه عنها لوى دراعها جامد صرخت سول من الوجع)
ميونغ سو:قولتلك يا سول ما تستفزنيش
(شدها ميونغ سو ورجعها المخزن..بقى مقرر يوميا تصحى بنفس الطريقه...عدى 12 يوم من ساعه ما خطفها .. الكدمات والجروح زادت شكلها كان مزرى ومتدمر)
ميونغ سو:عارفه انه كل يوم بيسهر فى بار مختلف
(غمضت سول عنيها بألم)
ميونغ سو:ما بعتش يشوفك واضح انى كنت فعلا غلطان لما افتكرت انك هتكونى سبب مقنع
(بصتله سول باستحقار)
سول:انا بحمد ربنا انه مجاش
(ضحك ميونغ سو بسخريه)
ميونغ سو: هنشوف هتتمنى كده بكره ولا لأ...(خرج ميونغ سو من المخزن..حاولت تقوم بس رجلها خانتها وقعت على الارض ما فاقتش غير تانى يوم كانت لابسه فستان مختلف وفى اوضه غريبه كان متعلق لها محاليل وايديها اليمين مربوطه..دخل ميونغ سو الاوضه)
ميونغ سو:تعبتى بسرعه رغم اننا لسه هنكمل مع بعض فتره
سول:انتقامك مش هيوصلك لحاجه
ميونغ سو:مش هيوصلنى بس كفايه انى اشوفه مكسور قدامى
(خرج ميونغ سو من الاوضه...كانت تعبانه مقدرتش تفتح عنيها اكتر من كده غمضت عنيها باستسلام ..فتحت على صوت حركه فى الاوضه لقت ايديها مربوطه فى السرير)
سول:انت هتعمل ايه
ميونغ سو:هنلعب باعصابه شويه طالما ما اهتمش نبعتله الى نخليه ييجى
(لمس ميونغ سو ايديها ..جسمها قشعر وبصتله برعب )
سول:ارجوك اقف
(دموعها نزلت على خدها لمس ميونغ سو الجروح الى على وشها)
ميونغ سو:مش لو كنتى فضلتى ساكته كعادتك ماكنتيش هتجبرى حد يتعامل معاكى بالطريقه دى اتحاميتى فيه وانتى الى بتدفعى التمن
سول:كيوهيون مهما عملت مش هييجى
ميونغ سو:هنشوف
(بص ميونغ سو على جسمها)
ميونغ سو:مفيش واحد هيشوف مراته مع واحد تانى وهيسيبها صح
( اترعبت وهو بيمد ايده علشان يلمسها..بصلها ميونغ سو بسخريه وهو بيقطع فستانها صرخت بأسم كيوهيون اتمنت الزمن يقف كل حاجه حواليها بقت ضبابيه لما شفايفه لمست جسمها عقلها ما استوعبش رفضت تحمل الموقف ان حد غيره هيلمسها الذل والقرف الى حست بيه الفتره دى مش قادره توصفه بصريخ او عياط اتمنت فى كل لحظه قلبها يقف يمكن العذاب ده يقف..همست بأسمه للمره الاخيره قبل ما تفقد احساسها بالكابوس الى عايشه فيه...فى البيت قام كيوهيون من على مكتبه مفزوع لقى شيون قاعد جنبه)
شيون:فى حاجه
كيوهيون:انا ازاى نمت
شيون:غمضت 10 دقايق مش مشكله يعنى
كيوهيون:مش مشكله انى سبتها
شيون:انا بعت كل رجالتنا يدوروا عليها
كيوهيون:مش عارف هقف ازاى قدامها
(صحيت سول بعدها بفتره لقت نفسها لسه على السرير ومربوطه بس لابسه هدوم مختلفه وميونغ سو قاعد قدامها..بصتله سول بقهر وحقد دموعها فلتت غصب وهى بتفتكر المشهد الى حصلها ..بصلها ميونغ سو )
ميونغ سو:من اول ما المسك كده تؤ تؤ تؤ...امال لو كنت تماديت اكتر دى مجرد بدايه
سول(عيطت):ارجوك اقتلنى
ميونغ سو(بغضب):ازاى بتقولى كده لسه لما اكمل بقيه تصوير المشهد علشان لما كيوهيون ييجى يشوف
سول:مش هييجى
ميونغ سو:ما علشان كدة انا قررت انى ابعتله الجزء الى صورناه الاول او نبعت حد يجيبه
(ضحك ميونغ سو بشر وخرج..صرخت فى الاوضه حاولت تفك نفسها بس كل محاولاتها فشلت..فى نفس الوقت فى البيت كيوهيون قاعد بيحضر ورق الاجتماع دخل شيون الاوضه..بصله كيوهيون بلهفه)
كيوهيون:لقيتها
شيون:مش عارف
(رمى كيوهيون الورق الى كان ماسكه فى الارض)
كيوهيون:انا مش هروح الاجتماع ده
(مسك شيون ايديه بعصبيه)
شيون:ما تضيعش كل حاجه ما بين ايديك
كيوهيون:سول ضاعت منى
(ساب شيون ايديه ..جسم شيون كله اترعش لما شاف كيوهيون بيدمع اول مره من 20سنه كيوهيون عيط قدامه....وصل رساله لكيوهيون من هيتشول قرأها اكترمن مره)
كيوهيون:ده عنوان
شيون:باعتلك عنوان ايه
(وصلت رساله تانيه من هيتشول *انا اسف بس لسه عارف من شويه*)
كيوهيون:هو حد يعرف ان سول اتخطفت
شيون:لا طبعا
(بصله كيوهيون بصدمه)
كيوهيون:جهز كل رجالتنا وتعالى على العنوان ده
شيون:انت هتروح
(طلع كيوهيون مسدس من درج المكتب)
كيوهيون:ما تتأخرش
(خرج كيوهيون بسرعه اتجهه على العنوان الى هيتشول بعته..فى المخزن...صحيت سول من نومها لقت نفسها قاعده فى الاوضه لوحدها وايديها مش مربوطه قامت اتحركت من على السرير بضعف خرجت من الاوضه بصعوبه قعدت تبص حواليها ملقتش حد الخوف سيطر عليها لو حاولت تهرب ..وميونغ سو مسكها ممكن يكرر الى حصل امبارح فيها طب لو ماخرجتش وفعلا لو ميونغ سو سابها يبقى هتموت هنا..ضحكت سول بسخريه على نفسها الخوف وصلها للدرجه دى حتى مع كيوهيون كانت خايفه من الاول ..قعدت على الارض عيطت ما تعرفش عيطت لقد ايه بس لقت رجاله ميونغ سو دخلوا مره واحد الاوضه عليها ..بصتلهم سول برعب..قرب واحد منها وفك شعرها وابتدى يلمسها باسلوب قذر اشمئزت سول منه وضربته على وشه)
شوفتى علشان اتعاملنا معاكى حلو وفكيناكى بقيتى تتكبرى علينا
(هز الاول كتفه بلامبالاه شدها التانى ونزلوا المخزن ضربها على وشها اترمت سول على الارض)
:ما تتكبريش تانى علينا فى ادينا اننا نأذيكى اكتر من كده
(دخل ميونغ سو جرى واحد منهم وحكاله الى حصل بصلها ميونغ سو بشفقه مصطنعه)
ميونغ سو:دول ما بيرحموش ها تحبى بقى ابعت لكيوهيون الفيديو ولا ايه رأيك نصور لايف مثلا
سول:انت مريض
ميونغ سو:مش اكتر من جوزك الى دمر شغلى كله
سول:انت ما تتقارنش بيه لانه مش حيوان زيك
(قامت وقف قدامه)
سول:كل اساليبك قذره وحقيره زيك حتى ما حاولتش تواجه فى النور
(ضربها ميونغ سو على وشها وقعت سول على الارض اتكومت مش قادره تتحرك )
ميونغ سو:قولتلك مليون مره انا لو كنت عايز اعمل حاجه كنت عملتها من بدرى انا قرصت ودنك مره واحده بس ما تخلنيش اتحول واخليهم يكملوا الى بدأته
(غمضت سول عنيها بألم وشهقت بفزع لما ضربها رجالته فى بطنها بكل قوتهم اتوجعت سول بصوت عالى ..زقها ميونغ سو ورماها فى الارض محستش بنفسها من الوجع سكنت مكانها فى ركن مخزن ومسك ميونغ سو الاب توب بتاعه وقعد قدامها وبيشتغل بكل هدوء ولا كأن فى حاجه حصلت من ثوانى.....بعد فتره سمع صوت عالى وضرب..بص ميونغ سو بشك وبعت باقى رجالته لبره يشوفوا الوضع.. ..حط الابتوب بقلق وفضل واقف مستنى رجالته يدخلوا..لغايه ما لقاهم داخلين ومحاوطين كيوهيون من كل جهه بصله ميونغ سو وابتسم )
ميونغ سو:ايه دة انت بتعمل ايه هنا
كيوهيون:وانت بتعمل ايه بمراتى هنا
ميونغ سو:قصدك دى
(شاور ميونغ سو على سول المرميه فى الارض بصلها كيوهيون وقلبه قرب يخرج من بين ضلوعه وبص لميونغ سول بغضب)
ميونغ سو:ما تبصليش كدة مش انا الى سبتها الفتره دى كلها من غير ما تفكر تدور عليها
(حاول كيوهيون يقرب منه مسكه رجاله ميونغ سو وخلوه يركع على رجليه)
ميونغ سو:تؤ تؤ تؤ ما تتعصبش قبل بدايه الحفله انا مجهزلك حاجات كتير نبدأ بأيه بقى ايه رأيك بوجبه الاحتفال..ولا لا استنى استنى قبل اى حفله بيبقى فيه فيديو الاول
(مسك ميونغ سو الاب توب وحطه قدام كيوهيون)
ميونغ سو:انا كنت ناوى ابعتهملك الصراحه بس انتى جيت من غير دعوه ايه دة استنى اصحى سول الاول دى هى بطله العرض وهى الى مجهزه معانا الحفله
(شدها ميونغ سو من شعرها صحيت سول وصرخت من الالم...وش كيوهيون كله بقى احمر وعروقه برزت)
كيوهيون:ماتلمسهاش
(بصت سول ليه مش مصدقه نفسها كان نفسها تترمى فى حضنه انه جيه ونفسها تتضربه علشان اتأخر عليها وكان نفسها تصرخ فيه تقوله يمشى علشان عارفه افكار ميونغ سو ناحيته افكار كتير جواها .. بس مفيش قوه كل الى قدرت تعملها انها دمعت بصمت...بص ميونغ سو لكيوهيون باستهزاء ..وشال سول وقعدها على كرسى قصاد كيوهيون...راح تانى لكيوهيون)
ميونغ سو:اوريك اليوم الاول
(شغل فيديوهات وهما بيضربوا سول..عين كيوهيون وسعت على اخرها كل ضربه هى اخدتها سمعها وهى بتنادى باسمه اكتر من ميه مره مع كل نهايه فيديو يبص عليها وعلى جروحها..كانت بتحاول تخبى نفسها من نظراته محرجه انها بقت بالمنظر ده قدامه..غمض كيوهيون عنيه بألم)
ميونغ سو:كنت حاطط هنا كاميرات مراقبه علشان اتابع الموقف كويس وانا بعيد..نشغل الفيديو المفاجأه بقى
(شغل الفيديو وهو معاها فى اوضه النوم بصت سول لكيوهيون ودموعها بتنزل من عنيها..قعد كيوهيون يهز راسه سمعها صرخت باسمه مره واحده قبل ما يغمى عليها)
ميونغ سو:خلاص خلص مقدرناش نكلمه ايه رأيك نكمله قدامك دلوقتى .ولا نبدأ الاول بوجبه الحفله
(قام كيوهيون من مكانه ومسك ميونغ سو من رقبته)
كيوهيون:كل حاجه انت عملتها هتدفع تمنها عشر اضعاف
(زقه ميونغ سو عنه مسكه كيوهيون من رقبته وضربه دخل شيون ودونغهى المخزن ومعاه رجالته)
دونغهى:اتأخرت
كيوهيون(بصله بجنب عينه):لا دايما بتيجى فى وقتك
(حصل اشتباك بين الطرفين سحب ولدين سول علشان يحموا ميونغ سو.. شدها كيوهيون ما بين ايديها بعدها عنهم وقعت سول فى الارض ..كان بيضربهم بكل قوته ماسبهمش من ايده غير وهو بيرميهم قدام سول...بصتله سول برعب الدم على شفايفه وعلى قميصه..ابتسم كيوهيون ابتسامه خلت عروقها تنشف..طلع كيوهيون مسدسه و وجه ناحيتهم من غير تردد لثوانى صوب المسدس وقتلهم..بصتلهم سول فتحت عنيها من الصدمه حاولت تقوم من مكانها تبعد لقت ميونغ سو جاى ناحيه كيوهيون ومصوب مسدسه ناحيته متعرفش امتى وازاى كيوهيون بقى واقف قدامه وقعه على الارض ومسكه من ياقه القميص وقعد يضرب فيه..مسك ميونغ سو مسدسه بص لكيوهيون بسخريه وجهه مسدسه على سول صوت الرصاصه بقى سيد الموقف.. كله راقب الموقف برعب ..سابه كيوهيون وجرى ناحيتها رفعها بحذر وكل خليه فى جسمه بتترعش)
كيوهيون:سول
سول(بضعف):ما تقتلوش ما تلوثش ايدك بالدم تانى مش عايزة اشوفك كدة امشى من هنا يا كيوهيون هو ما يستحقش
(جرى شيون على ميونغ سو ضربه خلاه يفقد الوعى .. شالها كيوهيون بسرعه وجرى على المستشفى..دخل دكتور كيم اوضه العمليات ..قعد كيوهيون على الارض مش عارف قعدت قد ايه جوة كان مركز مع علامه اضائه العمليات كان شارد ومش شايف قدامه..جيه شيون من وراه)
شيون:نقلناهم فى مكان تابع لينا
كيوهيون:سول حصلها كل ده بسببى
شيون:هتقوم وهتبقى كويسه صدقنى
(خرج دكتور كيم والممرضات بيشدوا سرير سول)
دكتور كيم:الطلقه كانت فى ايديها متخافش اخدت وقت اخيط الجروح الى فى وشها وجسمها كله
(غمض كيوهيون عنيه وهو بيسمع كلامه..حط شيون ايده على كتف كيوهيون)
شيون:روح معاها دلوقتى
دكتور كيم:انا مديها مخدر شويه وهتصحى
كيوهيون:نقدر نخرج من هنا امتى
دكتور كيم:دلوقتى لو عايز وانا هاجى اتابع حالتها يوميا فى البيت وهبعت معاك ممرضه دلوقتى
(شالها كيوهيون من على السرير..بص لشيون)
كيوهيون:وصل الممرضه للبيت
(نزل كيوهيون بسول وركب عربيته ورحوا على البيت اول لما هانا شافته مشيت وراه بصمت..طلع كيوهيون اوضته وحطها على السرير)
كيوهيون:غيرى هدومها
(خرج كيوهيون وقف قدام باب الاوضه..نزلت هانا جابت هدوم غيرت لسول وخرجت..دخل كيوهيون الاوضه وقعد جنبها على السرير ومسك ايديها..وشه احمر وجسمه كان بيترعش)
كيوهيون:سول انا اسف سول هسيبك تمشى وعد هعملك كل الى انتى عيزاه بس فوقى ارجوكى
(قرب منها علشان يبوس راسها..لكن مقدرش..نزل قعد فى مكتبه ثوانى و سمع صوت خبط على الباب ..دخل دونغهى الاوضه)
دونغهى:كيوهيون
(بصله كيوهيون وعنيه لونها احمر)
كيوهيون:انا السبب يا دونغهى لو كنت طنشت الرساله من الاول وكنت دورت عليها لو كنت رميت كل الاحتمالات من الاول ماكنش ده كله حصل ليها
دونغهى:وانت كنت عارف منين برضه
كيوهيون:انا غلطان
(غمض عنيه بألم ..دخلت هانا المكتب)
هانا:مدام سول فاقت
(قام كيوهيون من مكانه بسرعه وطلع اوضه سول..طلع دونغهى وراه بس وقف قدام باب الاوضه)
كيوهيون:سول
(بصتله سول برعب وضمت نفسها وقعدت تعيط قرب كيوهيون منها وحضنها)
كيوهيون:سول اهدى انا جنبك اهو
(بصتله جامد وعنيها ما بطلتش دموع)
كيوهيون:قولى الى انتى عيزاه
(بصتله سول وهى ساكته مش عارفه تتكلم غمض كيوهيون عنيه بأسى حاول يتحرك من جنبها مسكت فى قميصه عايزة تصرخ فيه بس مش قادره..حضنها كيوهيون جامد فضلت سول فى حضنه عيطت كتير لغايه ما نامت..خرج كيوهيون من الاوضه لقى دونغهى اتصل بالدكتور كيم ييجى)
دونغهى:هى كويسه
كيوهيون:معرفش
(حرك شعره بعصبيه)
كيوهيون:وشيون ده كله مجاش ليه
( مكملش خمس دقايق وسمع صوت عياطها وصريخها دخل كيوهيون ودونغهى الاوضه لقوها قاعده على الارض فى ركن بتبص للفراغ وبتصرخ نادت على اسمه وهو واقف قدامها فضلت تصرخ باسمه جرى كيوهيون عليها وحضنها...دموعها بللت قميصه )
كيوهيون:سول انا جنبك
سول:كيوهيون..الحقنى.... كيوهيون...
(فضلت سول تصرخ بأسمه كأنها بتهذى لغايه ما نامت تانى شالها كيوهيون بحزن وحطها على السرير فضل قاعد جنبها لغايه ما دخلت هانا)
هانا:دكتور كيم جيه
كيوهيون:دخليه
(دخل شيون ومعاه الممرضه والدكتور كيم وواحد واقف جنبهم..بص كيوهيون لدونغهى)
كيوهيون:الحيوان ده يفضل مكانه لغايه ما افضى
دونغهى:تم ما تقلقش
كيوهيون:وتعرف ليه هيتشول كان عارف العنوان
(ما كلفش نفسه وقام وفضل قاعد جنب سول حاضنها)
دكتور كيم:استاذ كيوهيون فى حاجه حصلت
(بص كيوهيون على الى واقف جنبه..حمحم دكتور كيم وهو بيقدمه)
دكتور كيم:اقدملك دكتور ييسونغ..هو دكتور نفسى يعتبر زى ابنى استاذ شيون فهمنى الوضع علشان كدة طلبت منه ييجى معايا مدام سول هتحتاج فتره علاج نفسى
ييسونغ:هيبقى افضل لو نقلناها مصحه
كيوهيون:سول مش هتخرج من البيت
ييسونغ :بس
كيوهيون:لو فى علاج
(بص ييسونغ لوش سول)
ييسونغ:انا قريت تقرير حالتها الجسديه ..شخصيه زيها ممكن تكون المها النفسى اسؤ من المها الجسدى لازم
(بصله كيوهيون بغضب وصوته على)
كيوهيون:سول مش هتتحرك من جنبى
(فتحت سول عنيها على صوته...شافت شكل عنيه جسمها كله ابتدى يترعش حطت ايديها على ودانها وانكمشت فى نفسها ودموعها نزلت قعدت تحرك راسها ..بصلها كيوهيون بفزع)
كيوهيون:سول ..سول فوقى انا هنا
(قرب كيم منها واداها حقنه منومه..خرجوا كلهم من الاوضه وقف كيوهيون شبه منهار قدامهم)
ييسونغ:لازم ننقلها فى حالتها دى ممكن تعمل حاجه فى نفسها او تأذى حد
(بصله كيوهيون بصدمه)
ييسونغ:انا ممكن اسجلها وننقلها النهارده المستشفى
كيوهيون:بس
دكتور كيم :ده هيبقى الافضل ليها استاذ كيوهيون وطبعا كله هيبقى فى سريه تامه
ييسونغ:وتقدر تزورها فى اى وقت بس من الى انا شايفه يفضل اول كام يوم لا لغايه ما تستقر شويه نفسيا
شيون:لازم تتطمن عليها الاول يا كيوهيون وبعدين تنقلها على البيت
(هز كيوهيون راسه بالموافقه لاول مره ياخد قرار مش بارادته التامه علشان مصلحه حد..نقلوا سول المصحه وكيوهيون سجل دخولها )
ييسونغ:تقدر تمشى و
كيوهيون:مش همشى غير لما هى تفوق
ييسونغ:بس
(كانت عنيه ميته وهو بيبص لييسونغ)
كيوهيون:مش هدخلها بس هطمن انها صحيت
(هز ييسونغ راسه ومشى فضل كيوهيون قاعد على الكرسى قدام اوضتها لغايه الصبح سمع صوتها بتصرخ وشاف الممرضات داخلين الاوضه عليها جرى وقف يراقبها وهى عماله تصرخ وبتحاول تبعد عنهم عماله تزقهم خايفه منهم حاولوا يهدوها لما حاولت ممرضه تربطها اتدخل دكتور ييسونغ فى الوقت المناسب وطردها.. فضل كيوهيون واقف قصاد الباب بيلمسه بايديه وهو شايفها قاعده على السرير مذعورة وخايفه ..طرد ييسونغ كل الممرضات وقعد يتكلم معاها اكتر من3ساعات وسول ساكته تماما وشها خالى من اى تعبير لغايه ما نامت..بص كيوهيون بحزن على الباب ..خرج ييسونغ من الاوضه)
ييسونغ:دى حالتها الفتره الجايه..يفضل انها ما تشوفكش فتره
(افتكر كيوهيون ملامحها وهى بتزقه)
كيوهيون:مش هخليها تشوفنى
( روح البيت حاول ينام باى طريقه بس انتهى بيه انه فضل لتانى يوم صاحى وراح الشركه...حاول يشغل نفسه بالشغل باى حاجه لغايه ما تعب ورجع البيت 10 ايام كاملين قرر انه يبعد نفسه عنها وانه ما يشوفهاش علشان ما يأذيهاش..كان بيروح الصبح وهى نايمه بيشوفها من ورا الباب وهى بتاخد الدوا كانت من غير روحها..روحها الى فقدتها من ساعه ما اتجوزوا..بعد زيارته الصباحيه يرجع مكتبه يحاول يركز فى شغله)
شيون:يعنى انت بجد مش هتروحلها
كيوهيون:هروح علشان اذيها انت ما شفتش صرخت ازاى وانكمشت ازاى لما شافتنى يا شيون
شيون:بجد انت فاكر ان كده بتساعدها عدى وقت طويل لما شافتك
كيوهيون:اه بجد انا مش هقدر اذيها يا شيون اكتر من كده انا فعلا حبيت سول وعلشان كدة قررت انا الى هسيبها لانها متمسكه بيا
شيون:مستحيل راجع قرارك تانى يا كيوهيون
كيوهيون:خلاص الى قولته ده الى همشى عليه انا مش قادر اعذبها
(رن تليفون كيوهيون)
كيوهيون:الو
ييسونغ:مدام سول اختفت
كيوهيون:يعنى ايه اختفت
ييسونغ:كان المفروض ليهم نزهه ليليه فى الجنينه وكانت مع الممرضه ولما الممرضه غابت تجبلها بطانيه ..فجأه اختفت
كيوهيون:اقسملك سول لو حصلها حاجه وملقتهاش هتندم ندم عمرك كله
(رمى كيوهيون موبايله على الارض بعصبيه)
شيون:فى ايه
كيوهيون:سول اختفت من المستشفى..تعالى معايا واتصل بكل حد ممكن نلاقيها عنده واتصل بالرجاله بتوعنا يبتدوا يدوروا عليها قرب المستشفى وشوفوا حد تبع ميونغ سو الى عمل كده ولا لأ
(خرج كيوهيون و وراه شيون بسرعه من الشركه اول لما خرج من باب الشركه وراح عند عربيته لقى سول قاعده عند عربيته فى الارض وهى لابسه هدوم المستشفى كانت قاعده ضمه نفسها ومستنياه اول لما شافها كيوهيون جرى عليها ومسكها من ايديها)
كيوهيون:انتى بتعملى هنا ايه..خرجتى ازاى ..ما لبستيش ليه حاجه تقيله
(قلع كيوهيون الجاكت بتاعه وحطه عليها واخدها فى حضنه بصله شيون وابتسم ومشى)
كيوهيون:سول ايه الى جابك هنا قوليلى وازاى تفضلى واقفه ده كله هنا
(فضلت سول فى حضنه ما بتتكلمش وساكته تماما بعدها كيوهيون عن حضنه)
كيوهيون:سول
سول:عايزة اروح
(ركبت سول جنبه فى العربيه..اتحرك كيوهيون ببطء لقته بيحط عنوان المستشفى الى الجى بى اس)
سول:لا مش هرجع تانى هناك
(حط عنوان بيت والدها)
سول:قولتلك عايزة اروح على البيت
(سجلت عنوان بيتهم..اتحرك كيوهيون كان ماشى ببطء كل شويه كان بيبصلها ..سندت راسها على الشباك وسرحت..ما اتكلمتش طول الطريق اول لما روحوا..طلعت اوضتها..جريت هانا عليه)
كيوهيون:اطلعى شوفيها لو هتحتاج حاجه
(طلعت سول الاوضه لقت كل حاجه مرميه فى الارض..دخلت هانا الاوضه)
هانا:استاذ كيوهيون امرنا ما حدش يدخل الاوضه حتى بعد ما رجعتى كان هو الوحيد الى بيدخل
سول:انا عايزة افضل هنا لوحدى
هانا:هوضبلك الاوضه
سول:مش دلوقتى
(خرجت هانا من الاوضه..اتمشت سول فى الاوضه مسكت هدومها من على الارض)
سول:واضح انك كنت كاره وجودى للدرجه دى
(شالت سول الورق من على السرير لقت الورق الى كانت كتباها..مسكتها بسخريه)
سول:طلب منك تثق فيا بس كان كل كلامى تقيل
(دخلت هانا الاوضه وفى ايديها موبايل كيوهيون)
هانا:كلمى والدك حضرتك كان قلقان عليكى
(اتصلت سول بيه)
سول:بابا
اون سو:فى ايه يا كيوهيون سول كويسه
(عيطت اول لما سمعت صوته)
سول:بابا
اون سو:فى ايه يا سول انتى كويسه
سول:انت فين يا بابا
اون سو(اتوتر):انا فى الصين مع يى فنغ محتاجنى
سول:هترجع امتى
اون سو:فى حاجه حصلت
سول:انا محتجاك اوى دلوقتى
اون سو:انا اسف انى مش هقدر اجى دلوقتى اخر الاسبوع دة هكون عندك وعد
سول:مش هقدر ..هجيلك
اون سو:لا صعب تيجى مش هعرف اقابلك برضه
سول:بابا انت مخبى عنى حاجه
(اخد بوران منه التليفون..وقفت سول قدام المرايه لمست الجروح الى فى وشها)
بوران:سول انا هجيلك بكره
سول:انا عارفه انك مشغول
(مسحت دموعها)
سول:كنت بتصرف بطفوليه انا اسفه انا بس علشان ما شفتش بابا من فتره طويله
بوران:طفلتى تطلب الى هى عيزاه
سول:انا موبايلى ضاع هخلى كيوهيون يجبلى موبايل جديد وهكلمك
بوران:هرجع مع بابا
(ابتسمت شبح ابتسامه)
سول:هشوفك وقتها
(قفلت سول التليفون وطلعت لاوضه كيوهيون كان قاعد على السرير لما لقاها داخله ارتبك)
سول:شكرا انك خلتنى اكلمهم..انا محتاجه موبايل جديد
(سابت سول موبايل كيوهيون وخرجت من الاوضه..فتح الباب بسرعه لقاها واقفه قدام اخر اوضه متحركش خطوه واحده)
سول:اتفتحت كام مره
كيوهيون:انا
سول:كان بيقولى كل حاجه انت بتعملها بيقولى انت بتشرب فين ومع مين هو كان عايز يوجع قلبك عليا بس دمرنى انا
(جرى كيوهيون ومسك ايديها..لفها ليه كانت دموعها نزلت على وشها)
سول:انت سبتنى تانى ليه
(زقته سول عنها بغضب )
سول: سبتنى ده كله من غير ما تدور عليا
كيوهيون:سول انا
سول:انت ايه
كيوهيون:ماكنتش اعرف بحسبك انتى الى مشيتى علشان خايفه منى
سول:هخاف منك وهفضل قاعده معاك..وكمان دلوقتى اتخليت عنى تانى وسبتنى فى المكان البارد
كيوهيون:لا ما تخليتش عنك مش هقدر اتخلى عنك سول
سول:كداب وانانى
كيوهيون:هعملك الى انتى عيزاه كله وفى اى وقت لو عوازنى اقتل نفسى قدامك علشان تسامحينى
سول:لا خليك جنبى
(حضنها كيوهيون ليه اكتر)
كيوهيون:انا ما استحقش ابقى جنبك يا سول وعد هسيبك تمشى وهطلقك بس مش عايزك تتوجعى تانى ويبقى بسببى
(بصتله سول بصدمه وزقته )
كيوهيون :سول
سول:تانى شايف ان دة الحل
(مسحت دموعها وبصتله بحده)
سول:كنت عايزة ارجع كل يوم وانت بالسهوله دى بتقولى نبعد تانى انت مش حافظ غيرها
(مسكها من ايديها وبصلها بتوسل)
كيوهيون:افهمى ارجوكى..انا مش قادر اتحمل انى ابقى سبب اذيتك تانى
سول:يبقى احمينى ما بتعدنيش عنك بالطريقه دى
(زعق فيها وزقها عنه)
كيوهيون:مش قادر انا ضعيف ومش هقدر احميكى عرفتى ليه
(جسمها اتنفض لما زعق ..انتبه للى عمله بصلها بعطف)
كيوهيون:انا اسف
(حاول يلمسها لقاها بعدت عنه ونزلت اوضتها بسرعه...ضرب ايده فى الحيطه)
كيوهيون:غبى
(نزل وقف فتره متردد منظرها مش قادر يبعد عن خياله ..فتح الباب بالراحه ما لقهاش على السرير سمع صوت من الحمام دخل كيوهيون الاوضه وخبط على باب الحمام)
كيوهيون:سول..انتى هنا
(وقف ثوانى لغايه ما لقاها خارجه من الحمام وهدومها كلها مبلوله..شدها من ايديها)
كيوهيون:ازاى تقفى كده والجرح الى فى ايدك
(مسك دراعها وبص بقلق)
سول:انا خايفه
(ساب كيوهيون ايديها وبعد خطوه عنها لقها اترمت فى حضنه)
سول:..مش عايزة اسيبك
(ضربته على ضهره)
سول:مش هسامحك لو جبت سيره الطلاق تانى
كيوهيون:انا
سول:هتأذينى..موافقه ايا كان الى هتعمله انا موافقه فى الاخر النهارده هيبقى امبارح وهيبقى ذكرى ما فكرتش فيا ولو للحظه او اتوجعت انى مشيت ما فكرتش فعلا لو كنت مشيت انت سايبنى اتوجع لوحدى وانت بتتوجع لوحدك خلينى احضنك
كيوهيون(اتكلم بصوت مخنوق):سول انا مش عارف اواجهك
سول:لا واجهنى وما تتخلاش عنى انا مش هقدر اسيبك يا كيوهيون لانى بحبك هتبقى برضه عايز تسبنى وانا بحبك
(بعدت عن حضنه وبصتله حاول يبعد عنيه عنها مسكته سول من راسه وجهت نظرها ليه)
سول:هتسبنى
(لحظات وكان واخد شفايفها بين شفايفه اختلطت انفاسهم ولماستهم فقد سيطرته تحت لمساتها..كل الى فكر فيه وهو بيشيلها من على الارض وشفايفه ما بعدتش عنها انه خسر قدامها ولكن كان مبسوط بخسارته قدامها)