مساء الحب ❤❤والشوق❤❤ واللهفة مثل التي سوف تجمع ابطال قصتنا .....
❤❤❤
زمزم ......
ياسر ....... اني هم أحبك ...😶😶😶😶... ما اعرف شلون طلعت هاي الكلمه ..... وشلون نطقتها وبابا بين الحياة والموت... زين هسه شنو النظره الي راح ياخذها عليه ...وبين القهر والندم نطيت الجهاز لامه بسرعه وركضت لبيتنا لان خجلت ومكدرت اباوع بوجها حتى من سمعتها تصيح وراي زمزم حبيبتي مااتصلتي بأمج
اوكفي زمزم ......اوكفي بس خابري امج
...... دخلت للبيت وما اكدر اوصف حالي فرحانه تعبانه خجلانه قلقه كل الحالات نجمعت بيه وما اتخيل شلون لون وجهي اله سألني حسين ..... زمزم ..شبيج
بابا صايرله شي
زمزم لا ....لا .... مكدرت احصل ماما
حسين لعد ليش وجهج مخطوف وتعبانه عبالك واحد يركض وراج
زمزم...... حسين شلون ما اتعب وبابا منعرف شنو وضعه بعدين ... انته شنو تحقق وياي يله اصعد حضر واجباتك بسرعه واني راح ابدي احضر عشه
ياسر ...... من سمعتها كالت احبك احس الكون صار ملكي شنو هذا الشيء الي جان ناقصني وبهاي كلمتها اكتمل ...... يمكن تسرعت بمصارحتها .... لو هذا الشيء الصح
زين وإني بعدني ما أعرف عنها اي شيء ... بس شنو هذا الأمان إلي حسيته مجرد ما شفت عيونها عبالك .. عدها مفاتيح روحي الي كل هاي السنين جانت مغلقه
....... المهم راح اعوف كلشي وانتظر وقت لقاءنا ..... اوووف شلون اكدر التقي بيها وهي متطلع باب البيت .....الظاهر اني اختاريت حب صعب بس يامحلى على قلبي صعوبتها وخجلها وهدؤها وكلشي بيها
كوثر ..... اركان شنو القصه ليش لسه ماكو خبر عن كمال ولا احد طمنه عليه
اركان ...... كوثر احنه اول وتالي منكدر نشوفه اليوم لان يطلع من غرفة العمليات للعنايه
كوثر .....ادري بس لازم واحد يكول خلصت عمليته لو لا حتى نعرف راسنه من رجلينه
اركان .... كولي يا الله وادعيله .....فد لحظه اجاوب على هاي المكالمه وارجعلج
الو ...هلو اركان شخبار كمال
اركان ....... والله جمال المستشفى الي بيها اخونا مو بعيده عليك
جمال ...... اني لو ادري جيتي تعجبكم جان اجيت بس اني اعرف موقفكم مني لهذا ردت بس اطمئن على كمال سوه العمليه لو لا
اركان .....سواها بس لحد هاي اللحظه منعرف شنو وضعه
جمال....... يعني شلون متعرف وضعه خاف كمال بي شي وضامه عليه
اركان ......والله الي بكمال كله حجيته الك من اجيتك ....وانت تعرف الباقي ماكو داعي اذكرك
جمال ..... أني نطيتك الفلوس ولو ما هاي الفلوس جان ما كدرت تسوي لكمال العمليه
كوثر ....... اركان فدوه يمكن طلعو كمال لان الدكتور طلع
اركان من رخصتك جمال اريد اروح اطمن على اخويه
جمال.....ماشي
مهجه ......جنت اريد اطلع من المطبخ وسمعت بابا يحجي بالموبايل ومن تقربت على مكتبه سمعته يسأل عن عمليه تخص عمو كمال
دكيت الباب .....بابا تسمحلي ادخل
جمال ..... دخلي حبيبتي ما عندي شي مهم
مهجه ......شلون ماكو شي مهم وعمو كمال بغرفة العمليات
جمال 😳😳😳 وانتي منو كلج
مهجه .....بابا سمعت مكالمتك بدون قصد بس لو ما سامعتها هواي احسن لان نهدمت صورة الانسان الحنون الي جنت راسمتها الك بخيالي ومتصورتك اطيب انسان على وجه الارض ومن بعد هذه المكالمه كلشي نهدم
جمال .....مهجه باباتي انتي ما فاهمه شي
مهجه......... شنو الي لازم افهمه غير احنه هسه المفروض واكفين وي بيت عمو كمال ونساعدهم على هاي المحنه ونشاركهم حزنهم وقلقهم ..... بابا بربك لو انت هسه بالعمليات ورغم كل خلافاتك وي عمامي شتتصور يقصرون بحقك
جمال .....من حجت مهجه خجلت من نفسي وعرفت اني شكد قبيح من ساومت اركان على فلوس العمليه بس حتى اضمن حقهم يبقه الي
...وكرهت نفسي اكثر من كالت لو أنته هسه بالعمليات .... وفعلا تذكرت موقف اركان وكمال من تعرضت لحادث سير ..... جنت فاقد من قوة الضربه ومن صحيت على نفسي بالمستشفى لكيت كمال نايم على الكرسي واركان واكف فوك راسي يعدل بنومتي ...........اووووووف اني شغير حالي لهاي الدرجه بس هسه لازم اتخذ موقف واصحح بي كل الي فات
طلعت من المكتب بسرعه شفت مهجه بالمطبخ
مهجه ..... بابا وين رايح راح نصب العشه
جمال .....عندي شغله ضروريه
مهجه ...... بابا اذا رايح لعمو كمال اريد اروح وياك
جمال ..... يله حبيبتي بسرعه بدلي ملابسج واني انتظرج بالسياره
مهجه ...... صعدت ركض ابدل ملابسي وفرح موجوده بالغرفه سألتني وين رايحه ... حجيتلها بأن عمو كمال مسوي عمليه خطره ورايحين اني وبابا نشوفه
مهجه....... فرح كومي بدلي وامشي ويانه
فرح ....... ههههههههه😂😂😂😂
مهجه ...... اتصور الموضوع يقهر مو يضحك
فرح ....... أني أضحك عليج لأن متصوره ماما راح تخليج تروحين
مهجه ...... هذا الشيء خاص بيه وأعتقد هذا ابسط حق من حقوقهم علينه نوكف وياهم بهيج موقف
جمال ...... مهجه ....مهجه وين صرتي
امال .... خيرعلى وين ان شاء الله
جمال... مهجه محتاجه ملازم وراح اخذها حتى تشتريهن
مهجه ..... واني انزل على الدرج سمعت بابا يكول لماما راح نطلع نشتري ملازم لمهجه نقهرت حيل لان ما عنده الشجاعه يواجهها ...... أو ميريد يسوي مشاكل
المهم ...... ها بابا خلصت نطلع
جمال ..... يله بابا حبيبتي .
جان اسمع صوت فرح من على الدرج عيني مهجه عود ابجي زين على عمو حتى يعرفون انتي مشاركتهم باحزانهم 🤣🤣🤣🤣🤣🤣
امال ....... ياعم هذا
جمال مهجه ........ انتو وين رايحيبن
فرح ...... باستهزاء مو كمال اخو بابا مسوي عمليه ورايحين يشوفوا
امال ...... جمال هذا الحجي صدك
مهجه ..... اي ماما صدك وليش بيها شي
امال ...... انتي روحي نزعي ملابسج بعدين الي حجي وياج
بس هو الحجي شيفيد اذا ابوج مشجعج على الغلط
جمال ..... يا غلط هذا اخويه بالمستشفى ورايحين نشوفه
امال ...... ماكو شي اسمه رايحين لان مو من حقك تاخذ وحده من بناتي الهم
واذا تريد روح لاخوك محد لازمك بس بعدين تعرف غلطك من يفرون راسك ويضحكون عليك وياخذون حلالك
جمال....... اني مو زغير حتى احد يضحك عليه
امال ......بربك ما دزو عليك حتى تنطيهم فلوس للعمليه
جمال ..... اي اجاني اركان
امال ...... هههههههه اي ونطيته اكيد
جمال ...... اي نطيته بس بالمقابل خليته يوقع تنازل عن حصته كامله حتى اضمن بعد ميطالبني بأي فلس
امال.....🙄🙄🙄واخيرا شغلت عقلك
مهجه ....😢😢😢.. بابا لعد وين تريد نروح وبأي وجه تريد نقابلهم
الحمد لله ماما منعتني لان تصرفك هذا جان صغرني بنظرهم من اروحلهم وانت مساومهم على فلوس العمليه وعمو بين الحياة والموت 😭😭😭😭😭😭😭...مع الاسف عليك بابا
امال .....انتي اسكتي ولا كلمه والي حساب وياج على هذا الحجي
زمزم ....سويت العشه بس محد كدر يأكل لان قلقين على بابا واني كاعده انوم بحمودي
واسمع صوت حسين ....تفضلي خاله ام ياسر
احس قلبي فز من مكانه من سمعت اسم ياسر
اميره .... ها زمزم حبيبتي شو بعد ما رجعتي حتى تتصلين بأمج
زمزم.......موووو
اميره.. شنو الموو.. يمه احنه اهل وانتم هسه امانه عندي لحد مترجع امج ولو اني زعلانه عليها منتطني خبر بس هم الله يساعدها كل شي صار بسرعه
زمزم ....اي والله خاله لحد هسه اي خبر ماكو منهم
اميره....... هاج حبيبتي اتصلي بيهم خل نعرف شكو ماكو
اخذت الموبايل ودكيت على ماما
زمزم ........ الو ماما
كوثر ...هلو حبيتي شخباركم انتي واخوتج .
زمزم ..... زينين بابا شخباره
كوثر ..... الحمد لله طلعو من العمليه وعمج اركان حجه وي الدكتور وبشرنه بنجاح العمليه
وهسه منتظرين بلكي نكدر نشوفه
وانتي حبيبتي ديري بالج على البيت واخوتج خاف نتاخر شويه
وصدك منين كاعده تتصلين .....
زمزم ....من موبايل خاله ام ياسر
كوثر شلون يعني هسه انتي عايفه اخوتج وحدهم وطالعه
زمزم ...... لا ماما .... خاله اميره خطيه هي اجت تسأل عن بابا
كوثر .... رحم الله والديها
اميره ....نطيني الموبايل حبيبتي خل اسلم على الوالده
زمزم .... ماما هاي خاله اميره تريد تحجي وياج
اميره .... شلونج عيني ام زمزم ابو زمزم شخباره
كوثر ..... الحمد لله الدكتور يكول تجاوز الخطر
اميره ..... الحمد لله على كل حال ولو عتبي عليج ليش ما نطيتيني علم حتى اخذ بالي من زمزم والولد
كوثر .... رحم الله والديج والله موقفكم مينسي وانتو اكثر من الاهل والله
اميره ...... حبيبتي ان شاء الله السلامه
كوثر ..... رحم الله والديج
زمزم ...... ها ماما يله اخذي راحتج
كوثر ..... زمزم ماما ما اريد أأكد عليج ديري بالج على نفسج وعلى البيت وخاف نتأخر ابد لتطلعين من باب البيت
زمزم ...... ان شاء الله
اميره .... ها حبيبتي محتاجين شي بعد
زمزم ...... لا خاله شكرا
وبقت خاله اميره كاعده يمنه تقريب ساعه .....وراحت لبيتهم ..... بس بقت موبايلها يمي كالت اي شي يصير دكي على هذا الرقم
زمزم..... لا خاله
اميره ...يمه هذا رقمي الثاني يعني من تدكين اني اجاوبج واحنه ما ضامنين شوكت ترجع امج والغايب عذره ويا
اميره ....اول ما وصلت للبيت دكيت على ياسر من خطي الثاني لان اني عفت موبايلي
يم زمزم
ياسر .....ها يمه ظل بالي يمج مو كلتي من ارجع من يمهم ادك عليك
اميره ....اي والله يمه هستوني طبيت للبيت
وحتى عفت موبايلي.. يمها
لان امها كالت احتمال يتاخرون
ياسر....وابوها شخباره
اميره .... لا الحمد لله متجاوز مرحلة الخطر
ياسر ....الحمد لله ... يله يمه اخذي راحتج
اميره .... الله وياك يمه
ياسر ..اول ما غلقت الخط من امي فكرت ادك على زمزم لان هاي فرصه متتعوض وخاصه امي كالت امها تتأخر 😏😏😏
وراح اسوي نفسي ما ادري الموبايل يمها
زمزم ..... جنت كاعده ودك الموبايل وشفت المتصل ياسر .....كلت خطيه متصل على أمه ظل يدك لحد ما انكطع الخط
وره شويه رجع دك .... ونفس الحاله تقريبا أربع مرات
فكلت خل اجاوبه وأكله دك على الرقم الثاني وفهمه الموقف ...... رفعت الخط
زمزم..... الو
ياسر ...... الو منو وياي
زمزم.....اني زمزم بنت جاركم
ياسر...... قصدج زمزم بت روحي
زمزم ....... ياسر شنو هذا الحجي
ياسر ........ياحجي زمزم معقوله متحسين بحبي ألج والكلمه الي كلتيها الي اليوم شنو
كذب
زمزم ...... ياسر موووو
ياسر .....بس على كيفج ولتخافين واني ادري بأهلج بالمستشفى ... وان شاء الله صحه وعافيه للوالد
زمزم ....اشكرك بس حبيت اكلك امك عافت موبايلها يمي خاف أحتاج شيء إذا تريدها دك على الخط الثاني
ياسر ..... ماشي بس اتصور الله سوى هذا الشي حتى أكدر احجي وياج
زمزم ........ياسر عفيه اني ما اكدر احجي وياك
ياسر ... لخاطري اريد احجي وياج شويه واتصور هاي الفرصه متتعوض
زمزم .... شتريد احجي
ياسر..... اريدج الي بالحلال ....بس اريد اعرف انتي تريديني مثل ما اريدج وصدكي اذا رفضتي وجودي بحياتج راح انسحب
زمزم ..... ياسر الله يخليك لتحرجني
ياسر ......ليش احرجج بس جاوبيني لخاطر الله تريدني مثل ما اريدج ..........😑😑😑😑😑
زمزم وين صرتي ليش متجاوبين ...
زمزم .....ياسر اني خايفه
ياسر.......من شنو تخافين موكتلج رايدج بالحلال
زمزم......اني ما اعرف بس هاي أول مره احجي وي ولد عفيه خل أروح مع السلامه
.........
ياسر ما سمعت غير الخط نغلق
اووووووف ياربي هاي شلون وياها
رجعت دزيتلها مسج مكتوب بي
زمزم.....غلقت الخط جان إجه صوت مسج
فتحته ومن قريته تندمت لان غلقت الخط وتمنيت لو يرجع يدك وأحجي ويا لأن هاي صدك فرصه متتعوض....... كمت ابجي على حظي وعلى هذا الحب الي اجه ويه الازمه الي يمر بيها بابا حتى حسيت بذنب كبير يعني اهلي شصاير بيهم واني وين افكر
ياسر انتظرت تدك عليه بعد ما قرأت المسج بس الظاهر هي ما اهتمت ...... قررت بعد ما اضغط عليها...........
لأن هي هسه بيا حال واني اريد منها اعتراف بالحب ....بس مو هي كالت احبك ...ليش تخاف
كوثر صارت الساعه ١١ ...وقبلوا ندخل نشوف كمال من بعيد
دخلنا وشفنا بعدها الاجهزه مربوطه على صدره ....ولابس صدرية العمليات وشكله تعبان ...بس شنكول الحمد لله على كل حال
والدكتور هم طمنه مرحلة الخطر تعدت
اركان .... يله كوثر هم ياله اوصلج للبيت وارجع ..ابات يم كمال
كوثر .... والله سفرة علي بهاي الايام كطعت بينه ...والا جان هسه ماقصر لاهو ولا ابو بالوكفه ويانا بهاي المحنه
اركان ..... كوثر الناس عدهم طلابه ومعذورين .... وربج ماقصر ويانا والحمد لله
زمزم ...... بقيت كاعده وحدي بالبيت لان اخوتي نامو بس اني اخاف اغمض عيوني لان وحدي .... خابرت على ماما وكالت احنه جايين بالطريق......
فكرت ادك على ياسر حتى إعتذار منه لان سديت الخط بوجه
وفعلا دكيت علي بس لكيت الموبايل مغلق
فكلت خل ادزله رسالة اعتذار .... وكتبتله ياسر اعتذر بس انت تعرف وضعي واتمنى تتفهم خوفي واذا على سؤالك اني اريدك اكثر مما انت تريدني ❤❤❤
ودزيتله الرساله
بعد تقريبا ربع ساعه وصلت ماما ..بس جانت كلش تعبانه لهذا بس طمنتي على وضع بابا ودخلت للحمام سبحت ونامت
اني صعدت لغرفتي وصعدت موبايل خاله اميره وياي ....... خفت ياسر يدك وامي تحس بشي..... نمت وحطيت الموبايل جوه مخدتي
والساعه ٦ الصبح فزيت على صوت أمي تصيح عليه
زمزم ..... زمزم
نزلت اركض عليها بسرعه والنوم بعده بعيوني
ها ماما .... لكيت ماما متحضره ومحضره جنطه بيها احتياجات بابا وكالت
زمزم . حبيبتي هسه راح اطلع للمستشفى حتى اوصل من وكت ابقه يم ابوج حتى عمج اركان يروح يرتاح خطيه تعب
زمزم ..... اي ماما
كوثر ..... حبيبتي .... ولو كاعد اموت قهر لان متغيبه عن دوامج بس انشالله باجر اني ابقه بالبيت وانتي تروحين لدوامج
زمزم ...... مو مشكله وخطيه وصال متقصر بس اتصل بيها تدزلي كل الواجبات
كوثر .....صدك ذكرتيني هذا موبايلي خلي يمج ورجعي موبايل ام ياسر والله فشله منها
زمزم ....( كلت خل استغل الموقف ) ....
والله ماما شكد تمنيت البارحه لو عندي موبايل جان خلصت من الاحراج
كوثر..... ان شاء الله بس يطلع ابوج اكله حتى نشتريلج موبايل
زمزم 🙄🙄🙄🙄... ان شاء الله .
كوثر .....يله ماما اني طالعه
زمزم ..... ماما عليج الله بوسيلي بابا
واول ماطلعت ماما قفلت الباب وراها وصعدت ركض طلعت الموبايل ولكيت الرساله واصله
يعني هسه فتح جهازه يارب يتصل قبل وكت الدوام لان لازم أنزل اطلع اخوتي للمدارس
وبقيت لازمه الموبايل وادعي وبعد نص ساعه
اجه مسج ........ صباح الخير اكدر ادك عليج
رجعت دزيتله ....اتصل عادي
ياسر ...... كعدت الصبح حتى اطلع للتدريب واول ما فتحت جهازي وصلتني رساله منها تعتذر بيها والي فرحني كاتبه اريدك اكثر مما تريدني .... وبس خلص التدريب رجعت دزيتلها مسج..... وردت اتصل عادي
دكيت عليها وفتحت الخط
ياسر..... الو زمزميتي الي توري عطش قلبي شلونج
زمزم .....من سمعت هذا الحجي معرفت شجاوبه بس بلا شعور كتله هله حبيبي 😶😶😶😶❤❤
انتظروا جواب ياسر في البارت القادم وكل مره اذكركم هاي اول تجربه الي بالكتابه واتمنى الدعم منكم بالتصويت 😍😍😍😍😍😍😍😍😍😍😍