حين يزهر الحجر

٢٩

مساء الخير

حين يزهر الحجر
الجزء ٢٩

خفت من حجت امي عن صبا..
سالتها شبيها!؟
كالت ..ماتكدر تكوم من مكانها..جسمها يوجعها ودايخة ع طول...
مثل التفقد الوعي وهي كاعدة..
والبارحة صار عدها نزف بدون الم...
زين هسه اخبر واحجزلها عند الدكتورة..
هي من اجيتكم كالت وضعها تعبان غير تراجع...
بعد يما انتظرت تقبط الثالث...
سودة عليه ذبلت من البارحة بثنتين لهسه..
حالتها حالة...
اخوج خذا اجازة وبقى يمها ...
الله يساعدهم..
هسه اني اخابر واحجزلها ..
اي بعد امج ينطيج العافية...
الله يعافيج سلميني...

خابرت ع السكرتيرة وحجزت الها ..
خابرت امي كتلها روحو ب٣ حتى تدخلون بسرعة..
بس بقى بالي يمها انقهرت عليها وع عاطف..
شكد فرحان وخايف عليها...

نومتي طارت بعد كمت بدلت ونزلت...
لكيت الحجية وعمي كاعدين يتريكون ..
صبحت عليهم وكالو تعالي تريكي..
كتلهم بالعافية تريكت وي شجاع...
رحت دكيت الباب ع رحاب ..
دخلت لكيتها تبدل لابنها كالت فوتي وين رحتي ولج ...

رجعت نمت شوية...
اي كلت اني ماسمعتلج صوت..
اكلج شنو منظفة؟..
اي نظفت ورا ماطلعو ..جوجو نايم معندي شي..
ميصير هيجي رحوب انت تتعبين ويا عاد خليني اساعدج...
انجبي بعدج عروس..
من يخلص شهر العسل عود اكرب عليج...
ههه من عيني شتطلبين...
الله يسلم عينج عمري ..

صدك شنو مااساعد الحجية بشي؟
اي كيفج هسه كلنا نكعد يمها ..
ونشوف شنو تحتاج..
اني يومية احضرلها وهي تطبخ...
زين خطية اليش ماحنا نطبخ وهي تكعد..
زحمة كبيرة وتعبانة وتطبخ النا...
هسه نحاجيها ونشوف..هي كم مرة ميسون تكلها ومتقبل...
صدك شوكت تجي ميسون؟
هسه ع جية ..تلكيها تطبخ للعمال..
اها ..شكد باقي لبيتهم ..
خفايف يعني كهربائيات وسقوف ثانوية ماعدهم شي...
الله يتمم عليهم..
امين يلا امشي...

رحنا يم الحجية وحاجيناها اني ورحاب وكنالها احنا نطبخ..
بالاول رفضت تالي كالت الله يرضى عنجن ويهديجن...
خطية هي تعبانة واصلا اكلهم قليل هي والحجي...
بهذا العمر ونخليها تطبخ لكمتها ميصير...

طلعت كعدت يم الحجي ع الاخبار واخذت جعفر يمها...
بلشنا اني ورحاب حضرنا شبزي ..
وحدة تثرم وحدة تحمس وكله سوا...
لحد اذان الظهر كمل...

صعدت اصلي وشفت فوني شجاع مخابر مرتين وراسل مسجات..
خابرته كال..
ها مريتي بس لا بعدج نايمة؟
لا وين نايمة كعدت وجنت بالمطبخ...
اي عيني شنو اليوم ناكل من ايدج؟
يعني مشترك اني ورحاب ههه ..
شنو سويتو بلة...
شبزي سوينا..
اي لج شكد عاجبني..
لعد تعال ع وكت ..
ها متتحملين بعد مو اي اي اعرف بيج ..
يلا جاي جاي بس صبري يمعوده بس مسافة الطريق شبيج..
ههههههه...ماعرف ليش افكارك دومها تروح رونگ ..
بس صدك شوكت تجي..
يعني بالوحدة اطلع..
اوكي انتظرك حياتي...

سديته منه وكملت صلاتي..
نزلت ميسون موجودة...
كعدنا نسولف بالمطبخ...
للوحدة ونص اجه شجاع...
اول مااجه ذبيت نفسي بحضنه..
شكد اشتاقيتله ولان اول يوم يفاركني من بعد الزواج...
باس شفتي بوسة خفيفة ووخر...
كال يلا ناكل نرجع مو كتلج صبري لا تستعجلين...
اني اباوعله واضحك ..شلون يختلف عليه وينصب...

نزلنا وتغديت اني ويا...
لان الحجي والحجية يتغدون من وكت لوحدهم....
كملنا واني اغسل مواعين هو يمي يدخن...
خلصت وشربنا جاي وصعدنا...

اول مافتت للغرفة طفى الضوا...
وجرني لحظنه وصار بظهري...
حجه بهمس وصوت ناعس...
حبيبج تعباااان يرادله تعصيره زينة...
اني قشعر جسمي من صوته باذني وشعور حلووو...
انداريت ولزمت ايده..
يدلل هسه اعصره يكلي يكوم مثل الاسد...
ليش قبل شنو جان..يحجي ومركز عيونه بنظرات احبها...
ههه جان نمر ..حجيتها واني اخذه للسرير...

تمدد وعصرته واشوفه ارتاح..
لان متعود يشتغل ويتحرك وصار اسبوعين كاعد....
اخر شي كال حطي راسي بحضنج ودلكي كصتي...
حطيته بحضني وادلك شوي شوي بدت الوكاحة...
نام ع بطنه ورفع راسه ويباوع ويتغزل...

شوي شوي سحبني لعش الراحة الي بكل مرة يبني الي....
اندمجت واني ابادله الحركات والاحساس...
بديت اطير واغرد ..ماعرف شنو الكلمات الاهمسها..
بس كلها ناتجة من سعادتي...
كنت اسمع بالراحة ويوصفوها..
بس متوقعت هيج حلوة مشاعر الحب...
اخر شي نمت ع بطني بصفه..
وهو نايم صفح ويباوعلي..

شبيها مرتي حششت لو نعست...
حاجيتها بصوت خااافت..نعسانة ...
تعالي نامي هنا..مد ايده سحبني ..
خليت راسي بصدره واني استنشق العطر غفيت...

كعدت العصر لكيته كاعد وبيده الفون...
باسني بين عيوني كال كومي اريد جاي...
تمطيت وكتله هسه بس اسبح..
نسبح سوا حتى اخاف يطلعلج شي احميج...
ههههه قابل سابحة بالجبهة وتحميني...
اخ ام لسان شوكت ناوية لعد..
كمت واني اجر الروب ولبسته..
مديت لساني وكتله ابقى بحسرتك..اننن..
وشردت للحمام وهو صاح اشتعلللللو عشيرتج بت اليهود بسيطة...

ضحكت عليه وسبحت ع السريع...
طلعت وهو يتحارش ودخل وراي...
نزلت سويتله جاي ولكيتهم كاعدين هم صبيتلهم...
كعدت يمهم وهو نزل...
شرب الجاي ورا شوية خابرو وطلع...

لحد ورا الاذان اجه..اني جنت اصلي...
راح توضى واني خلصت وكمت خابرت امي...
جاولتني وسالتها عن صبا...
كالت يما بينها ثنين بس وضعهم كلش يخوف..
نازفة والدكتورة كلتلها بس هالاسبوع فرصتج ع العلاج..
اذا عاشو نعمة بس احتمال مايعيشون...
اوي سودة عليه شنو السبب يما...
سوتلها تحاليل هواي ووكاعدين نتاني..
نشوف شنو السبب...
الله يشافيها ويحفظ الاطفال...
طمنيني عود...

ختمته وياها وشجاع يصلي...
خلص وكال سلامات..
حجيتله وانقهر كال خطية الله يحفظلها الجهال صعبة تروح فرحتها...
شجاع بموضوع الاطفال ضعيف كلش يحبهم وحساس...
مر اليوم عادي...
يوم ثاني زهرة خابرتني..
من حجيتلها ع صبا ومارة عليهم شايفتها...

طلع بالتحليل هي تشرب منوم وهذا تأثيره عليها...
وهي متعجبة لان ماتشرب غير حب لعبان نفس وفولك اسد...
مستغربة الدكتورة عليها وعبالها تكذب او بيها حالة نفسية...
لان من سئلتها الدكتورة كالت متشرب شي ومصرة ...
وبنفس الوقت اثار الدوا امبينة...

عزا زهرة صدك تحجين وشنو الحل!
بعد ناطيتها علاج ومانعتها من الحركة..
اخذها عاطف لاهلها قبل شوي...
زين والمنوم!معقولة تماضر مشربتها!
اكو غيرها اكيد هي..
عاطف كال ارجع وحسابي وياها عدل...
بس ادري مشربتها مرة مرتين ممعقولة يعني شلون!
شدراني وانوب هي فوك لوحدها واكله وحدة..
غريبة السالفة بس الله يستر..

بقيت افكر بيها وانقهرت عليها...
شجاع يسالني حجيتله..بقى صافن...
تالي كال كلشي توقعي...
امثالها هواي مرت عاطف..قصده تماضر...

مرت كم يوم والوضع عادي ونفسه...
ميسون تجي يمنا تجيب غداها مرات ومرات ورا الغدة...
هم عايشين بمشتمل بصفنا بس جاي يبنون...
واكثر وقتها هنا...
فد مرة كاعدين الظهر بالمطبخ نسولف...
وميسون حجت عن انسام طليقة شجاع...

كالت فد مرة جانت عدنا عزيمة مالت الحجي من اجه من العمرة...
وشجاع يتخبل اذا عزيمة ويصير اختلاط..
كلها انسام ماتعتبين باب المطبخ...
اجو الزلم ياخذون الاكل وسماح ونهاد براس المطبخ واحنا نحوللهن..
هسه اني بت عمتهم بس هم ساجد عكرة ...

المهم احنا كملنا وبلشنا نحضر الجاي...
رجعو المواعين حتى نغسل...
هي وكفت بالباب وتاخذ..
اجه شجاع وشافها بالباب..
طردها وكلها روحي فوك...
رجع للديوان خلته يروح ورجعت...

بس نزلت هو دخل وشافها رجعت..
تخبل عاط بيها صوت كلها تكسحي فوك ..احنا كمنا نرجف...
لان شجاع اصلا طبعه مو ضحوك لو يتشاقى ...
وهم كلهم من يتعصبون يصيرون مينحملون..
عاط بيها وركضت فوك وصعد وراها...

ورا شوية سمعنا العياط ..
صعدله ارفد وكوة خلصها منه لكاها خانكها لان تصرخ وعدنا ناس...
وكرايبهم كلها هنا...
بعدين من نزلت وسالتها مرت مؤيد..
تكلها شاف ابوجاسم يتحرش بيه ..ابو جاسم ابن خالي يعني ابن عمهم...
يبوو وصل الخبر لابو جاسم وصارتلج طلابة..
وجاي ومعاتب شجاع شلون تطلع هيج حجاية...
ولزمها شجاع وغسلها غسل وداها لاهلها...
اني صافنة ع الكلام ومصدومة !
شجاع ايده والضرب ومرته تحجي الاخرس...
شلون انجمعو ذولة ماعرف...

بالليل كاعدين ناكل كرزات اني ويا ونسولف...
سألني كال ..اشو ماكو بوادر شهرية..
كتله ماعرف بس يمكن صدك من تزوجت تقل...
ليش ماتكولين يمكن حامل؟
صفنت عليه صدك شكد بالشهر؟
اليوم تسعة يمكن تاكدي بجهازج...
باوعت يعني فوك موعدها اسبوع!
عزا بس لا صدك...

للحكاية بقية
بقلم شقراء(قمر كانون)