(دخلت هانا اوضه سول فتحت الشباك..فتحت سول عنيها بتعب)
سول:فى حاجه يا هانا
هانا:احنا بقينا نص النهار وحضرتك ما صحتيش
سول:مفيش حاجه تخلينى اقوم
هانا:استاذ كيوهيون بلغنى ان السواق هييجى ياخد حضرتك الساعه 8
سول:متعرفيش فين
هانا:حفله الاوبرا
سول:مش عارفه فى حاجه مناسبه ولا لأ
(دخلت سول اوضه الهدوم..فضلت واقفه محتاره فى وسط الاوضه لغايه ما قعدت على الكنبه بملل)
سول:مش عارفه اختار ايه يبقى مناسب اكتر
(لمعت عنيها فجأه وقامت بسرعه طلعت علبه لونها ابيض وابتسمت بنصر..حطتها على الترابيزة ونزلت من الاوضه راحت لهانا المطبخ)
هانا:حضرتك اخترتى هتلبسى ايه
سول:اه..ممكن تحضريلى كوبايه قهوه وتجبهالى المكتبه
هانا:والفطار
سول:مش عايزة اكل
هانا:بس
سول:ارجوكى ما تضغطيش عليا
(هزت هانا راسها..خرجت سول من المطبخ وراحت قعدت فى المكتبه..فى الشغل)
شيون:كيوهيون..كيوهيون..يا كيوهيون
(بصله كيوهيون وهو شارد)
كيوهيون:بتقول حاجه
شيون:لا ابدا
كيوهيون:بجد
شيون:انا بقالى ساعه بكلمك
كيوهيون:معلش ماكنتش منتبه
شيون:فى ايه
كيوهيون:مشغول بس مش اكتر..كنت عايز ايه
شيون:بقولك عايزين نخلص كل حاجه مع السفير البريطانى النهارده
كيوهيون:نروح قبل الحفله بشويه هو قاعد فى الفندق المجاور للاوبرا..اتصل خدلنا معاه معاد
شيون:تمام
(خرج شيون من المكتب..قفل كيوهيون الملف الى فى ايده وقعد باصص فى الفراغ..الساعه 8 بالظبط خرجت سول من البيت لقت الشوفير واقف مستنيها)
سول:هو كيوهيون
الشوفير:مستنى حضرتك هناك
(ركبت سول العربيه واول لما قربوا من الاوبرا لقت الشوفير بيكلم كيوهيون يعرفه..لما وصلوا لقت الباب اتفتح وكيوهيون بيمدلها ايده..اترددت ثوانى لغايه ما مدت ايديها ليه..خرجت من العربيه ..كانت الى حد ما الصحافه منتشره فى المكان ..حط كيوهيون ايده على كتفها ودخلوا صاله الاوبرا..سول غالبا كانت ما بتروحش اى مناسبه اجتماعيه غير نادرا ولما كانت بتروح كانت دايما بتتجنب ان حد يبصلها وبتبعد عن عيون الناس دلوقتى هى ماشيه مع ملك الحفله نفسه يعنى كل الانظار عليها كانت متوتره مع كل خطوه بتمشيها والهمس الى بتسمعه من البنات ..وقف كيوهيون قدام سفير بريطانيا)
كيوهيون:سفير بريطانيا مستر سايمون سميث
(انحنت سول ليه)
كيوهيون:سول مراتى
(مسك سايمون ايد سول وباسها)
سايمون:ماى ليدى
(ابتسمت سول برقه على لطافته)
سايمون:شرف كبير ليا انى اقابل مسز تشو اكيد محظوظه الى تتجوزه رغم انه صعب فى الشغل
(ابتسمت سول وهزت راسها..لقت كيوهيون مسك ايديها وباسها)
كيوهيون:بالعكس انا الى محظوظ انها فى حياتى
(بصتله سول وتنحت فضلت بصاله ومش مركزه فى اى حاجه غير كلمه واحده بس *هخلى العالم كله يحسدك انك مراتى* كانت شايفه ان دى اللعبه بتاعته ..ما انتبهتش غير وهو بينبها لمعاد الحفله ودخولهم للقاعه ..كان الترتيب جلوسهم سايمون مراته وسول ..كيوهيون وجنبه شيون..كان ما بين الفتره والتانيه مرات سايمون تجامل سول بتعليق لطيف وسول ترده ليه ...كان بيقرب عليها يهمس ان فى صحافه ولازم تبتسم كان بيلمسها بلطف وبيعدل شعرها بيرجعه وراه ودنها ..وبيبتسم زى كيوهيون الى عرفته..بعد ما الحفله خلصت كان جسمها كله عباره عن قطعه تلج خرجوا وقفوا فى صاله الاوبرا )
سايمون:كنت بتمنى تشاركونى العشاء
كيوهيون:انا عارف ان حضرتك مشغول واكيد كفايه الوقت الى حضرتك استقطعته بسببنا
سايمون:انا الى بشكرك على السهره اللطيفه دى..بس مدام سول شكلها مش مبسوط
كيوهيون:سول
(فاقت سول وبصتلهم)
سول:معلش ما انتبهتش حضرتك قولت ايه
سايمون:شكلك ما كنتيش مبسوطه
(ابتسمت سول برقه)
سول:بالعكس انا كنت سعيده جدا بمقابله حضرتك كان شرف كبير ليا وكمان انى احضر معاك عرض اوكسترا انا محظوظه
(ابتسم كيوهيون برضى..سلم على سايمون وخرج مع شيون وسول ماشيه وراهم..ضمت ايديها وحركتهم محاوله منها انها تدفى ..ثوانى ولقته بيحط الجاكت بتاع البدله عليها)
سول:شكرا بس انا
(حاولت سول تشيل الجاكيت من عليها لقت بيحط ايده على اديها)
كيوهيون:سيبيه عليكى
(جيه شيون ناحيتهم)
شيون:شكرا انك جيتى
سول:معملتش حاجه
شيون:لا صدقينى فرقت كتير
كيوهيون:بكره انا مش جاى الشركه
شيون:متخافش انا الى هجيلك
كيوهيون:نعم
شيون:يلا علشان سول سقعت بقى
(اختفى شيون من قدامهم ..مسك كيوهيون ايد سول وركبوا العربيه..طول الطريق كيوهيون مريح راسه ومغمض عنيه كانت قاعده مركزه معاه مع كل تفصيله فى وشه ازاى بملامحه دى عنده الغضب ده كله جواه..لما وصلوا البيت خرج من العربيه بسرعه وفتحلها الباب ومدلها ايده..بصتله سول لثوانى وتجاهلته ودخلت البيت مسكها كيوهيون من ايديها جامد)
كيوهيون:انا مش فاهمك
سول:ولا انا
كيوهيون(بعصبيه):قصدك ايه
(بصتله بتوسل)
سول:انا تعبت انا مش فاهمه حاجه ولا فاهمه انت ليه مصر تعمل فيا كده
كيوهيون:قوليلى عملت ايه
(بصتله سول باستهزاء ..زقت ايديه وطلعت اوضتها..مقدرش يتحمل فك الكرافت بتاعته بعصبيه وطلع اوضتها لقاها قاعده على الارض وبتعيط..اول لما شافها اتجمد راح ناحيتها ببطء)
كيوهيون(بعطف):سول
سول:كفايه
كيوهيون:فهمينى انا عملت ايه
(قامت سول وقفت قدامه كانت مكسوره)
سول:عملت ايه ..بتنفذ انتقامك فيا هتخلى العالم كله بيحسدنى على انى مراتك عارف قد ايه انا كنت مشمئزة من كل لمسه لمستهالى واحنا بره
(رمت الجاكيت بتاعه فى الارض)
سول:حتى ده الوجع الى انت سايبه فى قلبى حتى دلوقتى مش عارفه انا بعيط انك جرحتنى ولا بعيط علشان مش قادره انسى انت عملت ايه ولا علشان الجرح الى فى ضهرك ..اه كنت بعيط عليك...بس هرجع تانى وافكر يا ترى شكل البنت الى هيجيبها البيت عامله ايه بكره ..يا ترى العيب فيه ولا فيا اكيد العيب منى انا مش كامله ليه وبيدور على الى ناقصنى فى غيرى حطمت كرامتى وانوثى فى لحظه ..وبابا بيكلمنى مش عارفه اقوله حاجه علشان انا لسه فى دوامتك .. العروسه الى بتلعب بيها من اول يوم شفتها اللعبه الى عمرها ما هتكون كفايه ليك
(كان مشدود ليها وهى واقفه قدامه كان سرحان هو وصلها للانهيار دة..حط ايده على وشها ومسح دموعها)
سول:انا اسفه
(بعدت خطوه عنه..ماكنش سامعها ولا بيفكر فى اى حاجه قرب منها ولف ايده حوالين وسطها لمس وشها بأيده بالراحه كانت عايزة تمشى او بمعنى اصح تجرى بس قلبها كان بيقول حاجه تانيه..لمس شفايفها بالراحه وهو سرحان قرب ببطء واخدهم بين شفايفه..ثوانى وكانت هتستسلم بين ايده..زقته بعيد عنها بصلها كيوهيون بصدمه ..بصتله بحزن)
سول:انا غبيه
(دخلت الحمام وقفلت الباب..كان مصدوم من رد فعلها فضل ثوانى مكانه لغايه ما راح بغضب وخبط على باب الحمام)
كيوهيون:سول
سول:سبنى لوحدى ارجوك
كيوهيون:اخرجى حالا
(ملقاش منها استجابه..اتكلم بنفاذ صبر)
كيوهيون:قدامك خمس ثوانى وتطلعى او هطلعك بمعرفتى واحسنلك تطلعى
سول:بغير هدومى
كيوهيون(نبره صوته عليت):حالا
سول:بس
كيوهيون:سمعتينى بقولك حالا
(فتحت سول الباب كانت فاكه شعرها وغسلت وشها شدها كيوهيون من ايديها بعصبيه وزقها على الحيطه او بمعنى اصح رزعها تأوهت بصوت واطى بصتله بخوف ..وهو فاضل باصللها كانت بتحاول تتهرب من نظراته دموعها نزلت غصب عنها وهمست)
سول:انا خايفه
(كأنه اتدلق عليه ميه ساقعه ساب ايديها وخرج بسرعه من الاوضه قعدت سول مكانها رجليها مش قادره تشيلها لثانيه واحده..فضلت مكانها لفتره واتحركت ببطء للسرير نامت بهدومها..تانى يوم دخلت هانا الاوضه)
هانا:حضرتك كويسه
سول:كيوهيون فين
هانا:فوق فى اوضته
سول:حد عنده
هانا:لا..ومنزلش للفطار وبيشرب قهوه
(هزت سول راسها بضعف)
هانا:هجهز لحضرتك حمام دافى عقبال ما اجهزلك الفطار
(ما استنتش ردها ودخلت الحمام فضلت سول قاعده على السرير باصله للفراغ)
هانا:حطتلك عطر الورد..هنزل اجهزلك الفطار
سول:انا مش عايزة اكل دلوقتى يا هانا معلش
(خرجت هانا من الاوضه ودخلت سول الحمام لاحظت كدمه فى ايديها لما ضغط كيوهيون عليها امبارح..قعدت سول فى البانيو لفتره طويله ..لبست فستان ابيض ونامت تانى..صحيت سول بالليل مفزوعه من كابوس مخيف..قامت ونزلت الدور الى تحت)
هانا:تحبى احضرلك حاجه
سول:لأ..هو فين
هانا:مخرجش من اوضته غير لما استاذ شيون جيه دخلوا اوضه الرمايه وطلع اوضته تانى وما اكلش لغايه دلوقتى
(بصت سول على كوبايه القهوه الى هانا مسكاها)
هانا:طول اليوم بيشرب قهوه بس
(طلعت هانا اوضه كيوهيون..وخرجت سول تتمشى فى جنينه البيت شويه..رفعت راسها لقت كيوهيون واقف فى البلكونه وبيشرب القهوه بتاعته اول لما لمحها دخلت بسرعه البيت وطلعت اوضتها...فضلت فيها لغايه تانى يوم ..سمعت صوت خطوات فتحت الباب بالراحه لقت هانا طالعه اوضه كيوهيون)
سول:هو لسه فوق
هانا:ايوة
سول:ما اكلش
هانا:لأ
سول:طب حضريلى فطار خفيف ومعاها عصير
هانا:هطلع كوبايه القهوه الاول
سول:لا ما تطلعيش القهوه
(بصتلها هانا بتوتر..ابتسمت سول وهى رايحه ناحيتها)
سول:متخافيش انا الى هطلعها
(نزلوا المطبخ جهزت هانا الى طلبته سول ..حطته على الصينيه وشالتها سول وطلعت اوضه كيوهيون..وقفت ثوانى لغايه ما جمعت شجاعتها وفتحت الباب..لقته واقف قدام الشباك)
كيوهيون:حطيها عندك يا هانا
سول:مش هتفطر
(معرفش يتنفس لما سمع صوتها التفت ناحيتها لقاها واقفه وشايله الصينيه اتحركت ناحيته وحطتها على الترابيزه وراحت وقفت جنبه)
سول:ااه علشان كدة ما خرجتش من اوضتك المنظر من هنا حلو
(كان باصصلها باستغراب شاورت سول على الاكل)
سول:مش هتاكل
كيوهيون:انا طلبت قهوه
سول:وانا جبتلك عصير واكل
كيوهيون:ايه الى جابك هنا
سول:ما انت بتدخل اوضتى
كيوهيون:سول انا بسألك ايه الى جابك هنا
سول:جايه اخليك تاكل
كيوهيون:مش جعان
سول:بس هتاكل
(مسكت ايده بقلق)
سول: انت ما نمتش من امبارح
كزق كيوهيون ايديها)
كيوهيون:اطلعى بره
سول:حاضر بعد ما تاكل
(مسك ايديها بعصبيه وجيه يشدها لقا ملامحها اتوجعت بص على ايديها لقى كدمه غمض عنيه بألم وساب ايديها)
كيوهيون:امشى
(نزلت سول كم الفستان غطت ايديها)
سول:هتاكل الاول
كيوهيون:قولتلك ما بحبش اكرر كلامى
سول:ولا انا يبقى متفقين
كيوهيون:انزلى اوضتك وخلى هانا تجبلى القهوه
سول:لما تاكل
(اتحرك كيوهيون ناحيه الترابيزة بعصبيه لقاها مسكت ايده)
سول:لو رميته هنزل اجيب غيره ولو رميته هجيب غيره وهكذا لغايه ما تاكل
(بصلها كيوهيون بصدمه)
كيوهيون:انتى ايه
سول:مش قولتلك انا غبيه
(فضل باصصلها لقاها مسكت ايده وابتسمت)
سول:انا ما اكلتش انا كمان
(قعد زى المسحور ..كانوا بياكلوا فى صمت)
سول:ممكن اروح المكتبه..بوران طلب منى اساعده فى مشروع ليه وعايزة اجيب الكتاب
كيوهيون:مش لاقياه فى المكتبه بتاعتى
سول:لأ
كيوهيون:اجهزى وهخلى السواق ياخدك
سول:مش هتروح الشغل
كيوهيون:مش قادر
سول:هتنام
كيوهيون:اه
سول:انا اسفه
(كان بيشرب العصير اول لما نطقت الكلمه ابتدى يكح جامد قامت سول بسرعه وطبطت على ضهره)
سول:انت كويس
(هز كيوهيون راسه بالايجاب)
سول: ما تفوتش وجباتك تانى وارتاح كويس
(خرجت سول من اوضته..حط راسه ما بين ايديه تفكيره مشوش وهى بتكمل عليه..دخلت سول اوضتها اخدت نفسها بصعوبه..غيرت هدومها وراحت المكتبه..اتمشت فى المكتبه كلها شد انتباها كام كتاب اخدتهم وقعدت تقرأ ..ما انتبهتش للى جيه قعد قدامها غير لما اتكلم)
هيونغ شيك:ما اتعرفناش
(نزلت سول الكتاب وبصتله بطرف عنيها..مدلها ايده وهو بيبتسم )
هيونغ شيك:انا هيونغ شيك طالب فى كليه هندسه ملامحى اصغر من سنى بس ما تتفأجيش انا عندى 27 سنه
(بصت سول حواليها لقت كل البنات عمالين يبصولها وعنيهم مطلع قلوب..قامت سول من على الكرسى وشالت الكتب وانحنت ليه)
هيونغ شيك:ثانيه بس ما اتعرفتش
(رفعت سول ايديها الى فيها خاتم الجواز)
سول:ما اظنش اننا لايقين لبعض
(ضحك هيونغ شيك بصوت عالى)
هيونغ شيك:طب هو اوسم واغنى منى مثلا
سول:اكيد
(بصلها هيونغ شيك وتنح)
هيونغ شيك:بتهزرى
(دفعت سول تمن الكتب وخرجت)
هيونغ شيك :يعنى بجد مش مفيش فرصه خالص
(بصتله سول باستغراب وركبت العربيه..لما روحت البيت لقت هانا جريت عليها)
هانا:مدام سول
سول:فى ايه قلقتينى
هانا:استاذ كيوهيون كتر فى الشرب شويه ومش عارفه اخليه يوقف
سول:طب ممكن تطلعى الكتب دى اوضتى يا هانا
(اخدت هانا الكتب طلعتها اوضه سول..طلعت سول اوضه كيوهيون لقته قاعد على الارض وجنبه ازازه)
سول:كيوهيون
كيوهيون:محدش يدخل دلوقتى
سول:انت كويس
كيوهيون:انتى مجنونه
(شدها كيوهيون من ايديها خلاها تبقى فى مستواه)
كيوهيون:مجنونه زى
سول:انا بقول كده فعلا
(لمس كيوهيون وشها بالراحه..بصتله سول بصدمه)
كيوهيون:انتى بتتقطعى من جواكى دلوقتى صح بس خايفه تقوليلى ابعد
(زقته سول ..ونزلت اوضتها..دقايق وكان عندها كان بيتطوح الى حد ما)
كيوهيون:وده كان رد لأيه
سول:انى مش خايفه اقولك ابعد
كيوهيون:انتى بتحاولى تمثلى
(قعدت سول على السرير وهى فاقده كل قوتها)
كيوهيون:عارفه قصه العقرب والضفدع
(هزت راسها بالنفى وبصتله باهتمام.. ابتسم واتحرك ببطء وقعد جنبها على السرير وحرك شعرها وراه وبص فى عنيها)
كيوهيون: كان فى عقرب عايز يعدى بحيره فنادى الضفدع وطلب منه يساعده صرخ الضفدع وقاله مينفعش اثق فيك ايه يضمنلى انك ما تلدغنيش بعد ما اوصلك وعده العقرب انه ما يلدغوش بعد ما يوصله ..طلع العقرب على ضهر ضفدع وهما فى نص البحيره لدغ العقرب الضفدع قبل ما يموت سأله انت عملت كده ليه دلوقتى انا وانت هنموت (اتأثرت سول بالقصه وبصت لكيوهيون بحزن قرب كيوهيون من ودانها وهمس بصوت مخيف) لانى طبيعتى انى اقتل ومش هغير طبيعتى حتى لو هموت
(جسمها قشعر بصتله برعب لقته بيبتسم ليها لمس شعرها وخرج من الاوضه..خرجت سول وراه)
سول:قصدك ايه
كيوهيون:انا زى العقرب دى طبيعتى
سول:ليه مصمم تطلع كل الوحش الى جواك
كيوهيون:علشان دى الحقيقه
سول:طالما دى الحقيقه خلينا نلعب لعبتك
(بصلها كيوهيون باستغراب)
سول:مش انت شايف انى زيها وخايفه..خلينا نلعب ونشوف مين فينا هيخسر
(راحت سول ناحيه كيوهيون وباسته.. بعد ما خلاص ما قظرتش تتنفس بعدت )
سول:لعبتك وقواعدك انت
(دخلت سول اوضتها وقفلت الباب..وقف كيوهيون مكانه مقدرش يتحرك غير لما حس بهانا)
هانا:حضرتك كويس
(بصلها كيوهيون بشرود)
كيوهيون:اه كويس
(تانى يوم نزل كيوهيون لقى سول واقفه فى الدور التانى مستنياه كانت منزلها شعرها على كتفها ولابسه فستان بينك)
كيوهيون:واقفه هنا ليه
سول:هنلعب
(رفع كيوهيون حاجبه باستنكار)
كيوهيون:نعم
سول:همثل معاك مش هبقى ضعيفه قدامك حتى لو من جوايا بترعب
كيوهيون:وده بغرض
سول:اثبتلك انى عمرى ما هكون هي
(بصلها كيوهيون باستنكار ونزل وسابها...نزلت سول وراه بعناد ومسكت ايده)
كيوهيون:انتى فاهمه انتى بتعملى ايه
سول:ادينى فرصه واحد او طريقه اتفاهم بيها معاك مش عايزة حاجز ما بينا ..ادينى الفرصه دى
كيوهيون:فرصه لأيه
سول:فرصه اننا نعيش مع بعض كأى اتنين طبيعين
(زقها كيوهيون على الحيطه)
كيوهيون:وانتى شايفه انى طبيعى
سول:ليه مش مدى لنفسك فرصه
كيوهيون:علشان انا وحش
(صرخت سول)
سول:لأ انت مش وحش ولا مجنون
(ابتسم باستهزاء وبعد عنها)
سول:انا اسفه لو قولت حاجه بس دى مش حقيقتك حاول تفهم
كيوهيون:هتعالجينى ولا هتودينى مصحه
سول:هحبك
(بلع ريقه بصعوبه وهو بيبصلها)
سول:ههتم بيك هعرفك ان مفيش حد هيبقى اغلى عندى منك
كيوهيون:دى لعبتك
سول:لا دى حقيقتى ..تقدر تقولى انا ليه ما قولتش لوالدك على الى حصل بينا ..ليه ما قولتش لبابا وهو بيكلمنى كل يوم بيطمن عليا..طب لو هخاف على بابا ..مش هحكى ليه لبوران ليه مهربتش امبارح وانا فى المكتبه مهربتش وانت بره البيت
كيوهيون:علشان خايفه
(خرج كيوهيون من البيت وسابها واقفه مكانها..كان درجه عصبيته وصلت لاعلى حد..اول لما وصل الشركه لقى جيهو دخلت المكتب وراه)
جيهو:استاذ هيتشول طلب معاد علشان يقابل حضرتك
كيوهيون:مش ناقصه هو كمان
جيهو:اعمل ايه
كيوهيون:اديله معاد اخر الشهر ده
(دخل يونج هوان المكتب)
يونج هوان:فاضى نتكلم
(بص كيوهيون لجيهو)
كيوهيون:روحى جيبى حاجه نشربها
(انحنت جيهو ليه وخرجت من المكتب..قعد يونج هوان على الكرسى)
يونج هوان:انا مستنى الصفقه بتاعت المنتجع تخلص وهعينك رئيس مجلس اداره
(بصله كيوهيون باستهزاء)
كيوهيون:ده ليه
يونج هوان:مش ده كان اتفاقنا من الاول
(ضحك كيوهيون بسخريه)
كيوهيون:معرفش انك بتحفظ وعودك
يونج هوان:جهز نفسك
(قام يونج هوان وقبل ما يخرج من المكتب)
يونج هوان:متخليش حد يأثر عليك مهما كان
(اول لما يونج هوان قفل الباب بص كيوهيون ثوانى باستغراب مش دى شخصيه ابوة الى بيتعامل معاها من سنين..لو الكون كله اتأمر انه يجننه النهارده مش هيبدأ بالاسلوب ده ابدا...قعد يحاول يركز فى شغله والملفات الى قدامه وكالعاده اتخطى الاكل ..فى البيت..دخلت سول اوضه الاكل وحطت كام ورقه)
هانا:فى حاجه
سول:الورق ده سبيه هنا ارجوكى علشان ما يتلغبطش بالورق الى فوق
(خبطت سول دماغها بايديها)
هانا:فى حاجه
سول:عايزة اروح المكتبه ولو كلمته دلوقتى غالبا مش هيرد عليا ومينفعش اخرج من غيره اذنه
(هزت راسها بملل )
سول:هدخل المكتبه بتاعته شويه اقعد اقرأ وهستناه نتعشى سوا
(دخلت سول المكتبه وفضلت جوه..لغايه بليل)
هانا:مدام سول استاذ انهيوك بره
سول:مين
هانا:صاحب استاذ كيوهيون
(بصت سول على الساعه)
سول:تقريبا دة المعاد الى كيوهيون بيرجع فيه..دخليه اوضه الضيوف وانا ثوانى وريحاله شوفيه الاول بس يشرب ايه
(انحنت هانا وخرجت..عدلت سول شعرها وهدومها وقفت قدام اوضه الضيوف خبطت على الباب ودخلت)
انهيوك:ايه ده هو كيوهينى فين
سول: هو فى الشركه حاليا هيرجع بعد شويه
انهيوك:لسه مجاش..بس استنى انتى مين اول مره الاقى بنت هنا كيو غالبا بيطردهم اول لما بيصحى
سول:انا
هانا: دى مدام سول
انهيوك:اووه..احم دى الى اتجوزت الدنجوان خاصتنا نسيت خالص انه اتجوز
(مد ايده ليها)
انهيوك:انا انهيوك صاحب كيوهيون وكان نفسى بجد احضر الفرح بس كنت مسافر ونسيت خالص انه اتجوز اصلا بتحصل صح
(انحنت سول ليه..دخلت هانا ترابيزة الشاى ..قعد انهيوك بكل برود))
انهيوك:بس مش شايف اى تغيير فى البيت
سول:اه ده الاستايل الى كان كيوهيون عامله
انهيوك:لسه ما حطش اللمسه الانثويه...برغم ان دخل هنا بنات اكتر من شعر راسه
سول:لو سمحت بلاش تتكلم عن الحاجات دى قدامى
انهيوك(بأحراج):اه طبعا
سول:شكرا
انهيوك:عندك كام سنه
سول:27 سنه
انهيوك:اصغر من كيو بتلت سنين واصغر منى ب5 سنين
(اكتفت سول بانها هزت دماغها بالراحه)
انهيوك:عارفه اول مره قابلت كيوهيون كان مع شيون فى بار ووقتها اتعرفنا على بعض واول يوم نتعرف فيه عملنا رهان على بنت علشان نشوف مين فين هيوقعها وجوزك الى كسب الرهان.. طبعا بعدها مسكنا تريقه اليوم ده كملنا السهره فى بيت دونغهى واول لما كيوهيون نام عملنا وشه بالماركر الاسود وصورناه من وقتها واحنا الاربعه اصحاب وبنشتغل مع بعض
سول:هو على طول كل قعداتكم مع بنات
(انتبه انهيوك انه بيعك الدنيا)
انهيوك:لا طبعا ..استنى هوريكى الصورة انا اكيد محتفظ دى لان دى الغلطه الوحيده الى عملها تشو كيوهيون فى حياته
(مسك انهيوك موبايله وطلع الصورة اول لما شافتها سول قعدت تضحك بصوت عالى .. فى نفس الوقت الى دخل فيه كيوهيون الاوضه..اول لما شافته بيبصلها سكتت)
كيوهيون:انت ايه الى جابك هنا
انهيوك:لسه جاى من السفر وجايبلك هديه
كيوهيون:-_- مش تجيلى الشركه او تستنى لما نتقابل
انهيوك:هى اول مره اجيلك البيت ولا ايه
كيوهيون:مش القصد
(بص كيوهيون لسول الى كانت بتضحك)
كيوهيون:قومى انتى قاعده هنا ليه
(انحنت سول لانهيوك)
سول:كانت فرصه سعيده
(قام انهيوك من مكانه بسرعه ومسك ايديها وباسها)
انهيوك:انا اسعد
(اول لما خرجت سول من الاوضه بص انهيوك لكيوهيون بخبث)
انهيوك:مالك انت غيران
كيوهيون:هغير منك انت..كنت جاى ليه
انهيوك:كنت ناوى اعزمكم بس نسيت انك اتجوزت
كيوهيون:يلا
انهيوك:يلا بتطردنى
كيوهيون:لا يلا نروح
انهيوك:ومراتك
كيوهيون:هتقوم ولا اتصل بدونغهى ونروح انا وهو ونحط الى هنطلبه على حسابك
انهيوك:يعنى انا الى اظبط وتروحوا من غيرى -_-
كيوهيون:طب يلا
(خرجوا من الاوضه لقى سول واقفه مستنياه)
كيوهيون:انا خارج
سول:مش هتتعشى
(ما اهتمش انه يرد عليها اصلا وخرجوا..بصتله سول بحزن وطلعت اوضتها...فى البار)
كيوهيون:ما قولتليش قولتلها ايه علشان تضحك اوى كده
انهيوك:مين
كيوهيون:سول
(ابتسم شيون وهو متابع الموقف..طلع انهيوك موبايله وظهر الصورة لكيوهيون)
انهيوك:وريتها تشو كيوهيون العظيم فى اول واخر اخطاء حياته
كيوهيون:انت اتجننت رسمى
انهيوك:طالما بقت مراتك يبقى لازم تعرف كل حاجه
دونغهى:ايوة زى كده انا عارف كل حاجه عن انهيوك
شيون:وزى ما انا عارف كل حاجه عنك يا كيوكيو
(بصله كيوهيون وتنح )
كيوهيون:انا قولتلك تبطل تقولى يا كيوكيو
شيون:حاضر يا كيوكيو
(بصله كيوهيون بقرف)
دونغهى:كيوكيو
(حاول يهدى نفسه)
كيوهيون:نعم
دونغهى:فى واحده ما شالتش عليها من عنيك يا كيوكيو
(بصله كيوهيون بعصبيه..حضن دونغهى انهيوك..بص كيوهيون على البنت بطرف عينه)
كيوهيون:مش مهتم
(قربت البنت من كيوهيون ولمسته..مسك كيوهيون ايديها وزقها)
كيوهيون:ما سمحتلكيش تلمسينى صح
(بصلها انهيوك وشاورلها تمشى)
دونغهى:اول مره
كيوهيون:مش عايز اقرب لاى بنت منهم
(ابتسم شيون وراح قعد جنبه وحط ايده على كتفه)
شيون:اعمل الى انت عايزة
كيوهيون:انت سكرت صح
شيون:لا لسه
(زقه كيوهيون بقرف )
كيوهيون:ابعد عنى احسنلك
(كان اول مره يشرب بالطريقه دى شرب اكتر من المعتاد)
شيون:اوصلك
كيوهيون:الشوفير بره
دونغهى:كيوهيون انت كويس
كيوهيون:ايوة انا همشى دلوقتى
(خرج كيوهيون من البار وروح على البيت ..طلع للدور التانى بالعافيه صحيت سول على صوت حاجه بتقع..قامت بسرعه لقت كيوهيون واقف مش ثابت فى مكانه والفازا واقعه جنبه...جريت سول عليه ومسكته)
سول:انت شربت كتير ليه كدة
كيوهيون:لا انا مش سكران
سول:لا سكران انت مش شايف نفسك بتتطوح ازاى
كيوهيون:قولتلك ما تعارضنيش وتكدبينى فى اى حاجه
سول:طب اسند عليا وادخل معايا اوضتى(حاولت تمسك ايده)
كيوهيون:هطلع اوضتى
(زقها كيوهيون وحاول يطلع على السلم خبط فى الترابيزة ووقع على الارض جريت سول عليه وساعدته يقف ودخلته اوضتها ..نيمته على السرير وقلعته جزمته وفكت الكرفته بتاعته حاولت تقلعه الجاكيت معرفتش)
سول:كيوهيون ساعدنى بس علشان تقلع الجاكيت وتنام
(شدته سول من ايده قام كيوهيون معاها بسهوله قلعته الجاكيت وحطته على الكرسى.. رجعت علشان تغطيه وجت تبعد لقت كيوهيون بيشدها ليه وقعت سول فوقه شهقت من الصدمه ضحك عليها قامت بسرعه من مكانها لقته بيشدها تانى علشان تنام جنبه..قعدت سول جنبه سحبها وخلاه تنام بصتله سول بصدمه وقعدت تبربش كتير مد كيوهيون ايده عدلها شعرها وبصلها بحب اول مره تفهم بصته )
كيوهيون:انتى بجد جميله اوى
سول:كيوهيون
كيوهيون:سول انتى الوحيده الى قدرتى تخطفينى وتخلينى اقرر قرار مجنون انى اتجوز
سول:انت اول مره تسكر بالشكل ده
كيوهيون:انا مش سكران من الخمره قد ما سكران من تفكيرك..انتى ليه مصممه تتعبينى
سول(وشها احمر):ها
(اترمى كيوهيون فى حضنها اترددت لثوانى قبل ما تحضنه)
كيوهيون:انتى كمان بتخافى منى صح
سول:قولتلك ما بخافش منك .. بس مش عايزة اذيك مش عايزه اعمل حاجه تخليك تتعصب
كيوهيون:كدابه
(زقها بعيد عنه)
كيوهيون:كله بيخاف منى حتى هى الى ولدتنى كانت بتخاف منى هى كانت بتهرب منى
(حضنته سول جامد )
سول:مش عايزة اهرب منك قولت والمليون سيناريو للهرب موجودين بس
كيوهيون:بس كلهم فشلوا علشان خفتى من غضبى
سول:وليه برضه فاكر ان غضبك مخيف للدرجه دى .. ابسط حاجه كنت بعت لبابا جواب وعرفته بمكانى وسافرت بره كوريا ..بس انا وخداها حجه علشان ما اسيبكش عايزه افضل جنبك برغم كل الى بتعمله وكل تصرفاتك
كيوهيون(ضحك باستهزاء):فى الاخر هتمشى زى غيرك
(قربت سول منه حطت شفايفها على شفايفها وبعدت)
سول:ثق ولو شويه فيا كل الى عندى قولتهلوك الصبح وعيدته دلوقتى وهفضل اعيده
(رفع كيوهيون راسه وباسها خلاها ما عرفتش تتنفس لثوانى وبعدين بعد عنها وهو بينهج لمس وشها بأيده و اخدها فى حضنه ونام ..حضنه دافى كانت بتقول الكلمه دى لنفسها فى اول يوم حضنها فيه قبل ما تشوف كل ده ..يمكن دى الحاجه الوحيده الى ما اتغيرتش من ساعه جوازهم حضنه ....بعد فتره فتح كيوهيون عنيه وخرج من اوضتها صحيت سول على الباب وهو بيتقفل..قامت بسرعه من على السرير)
سول:كيوهيون
كيوهيون:عايزة ايه
سول:خليك هنا
كيوهيون:ما بعرفش انام جنب حد
سول:بس
كيوهيون:مفيش بس انتى عارفه
(طلع كيوهيون اوضته وسابها واقفه متنحه مكانها...دخلت سول بعديها بفتره اوضتها ونامت..طلع هو اوضته ورمى الجاكت)
كيوهيون:مهما اتعلقتى بيا هتسبينى..بس وقتها هكون انا الى خسرت اللعبه يا سول