جبروت الشيخ وقلبي ..

26__32

#جبروت_الشيخ_وقلبي

.🔞  #البارت_السادس_والعشرين

متابعه طيبه حبايبي
الكاتبه بنين الطائي ❤🦋...
.................................تقرب مني وصار مسافه بينه معدومه ونزل راسه علي وحجه قريب من اذني ..تروحين منا لو اشوفج االلهفه الصدك شلون تصير ..
احس كلبي راح يطلع من مكانه ..خاصه من حجه هيج
رفعت راسي اباوعله ..شفت نظرات اعرفن كل زين شنو معناهن ..
فقررت اطلع من يمه بسرعه شكله مايدل على خير ابد
طلعت سريع ورحت على الغرفه كعدت على سرير واني احس بغضب ونار تاكلني ..
رقيه ..هااا شصار احجي ولو شكلج مايبشر بخير

غاليه .. مستحيل راح اطلك منه ..راح يبقى كابوس بحياتي مايخلص ..شسوي والمن لروح ما عندي احد الي يحميني لا اب ولا اخ ولاام تاخذني بحظنها ودافعلي ..كلها ضدي ومحد يحس بيه ياناس اني من حقي اعيش حياتي من حقي اختار الي اريده ومن حقي اتركه اذا تعامل وياي بطريقه مو زينه ليش هيج لان يتيمه ماعندي اي حقوق ..

رقيه .. لا تحجين هيج والله تقهريني اكثر من مااني مقهورة ..بس والله اني منج تركي سالفه الطلاك دام هيج مصر مايطلك .. والعبي على عصابه ولج احركي دمه مثل مايحرك دمج ..وخلي يتندم على كلشي سوا والله طلعي علي الماضي والحاضر ..وخلي يحترك بناره غاليه ..ترديني اصير مثل ست امل واكعد اشتغل اغراءت وذل نفسي والله خاطر رجال خاين مايهمه غير نفسه وبس

رقيه .. مو هيج بس تكدرين تغيرين من نفسج شويه ..يعني شهل الوضعيه مالتج شوفي نفسج شصاير بيج بس جلد وعضم لا جسم ولا منحنيات ياحظي ..وبعدين شبيج 24 ساعه كئيبه ولا تعرفين تضحكين تدلعين شويه ..واهتمي بمظهرج شويه يعني لبسي اعتني بي اهتم بمظهري شعري ل24 ساعه مسويته طوبه معلقه فوك ..احط كحله شويه احط مسكارة ورتب شكلي يعني حتى انتي تدرسين طب والعين عليكم وباوع البنات الي وياج ماشاء الله كلهم قمه بذوق واللبس والكشخه ماتغارين منهم انتي شويه تغير مو علمود احد بس الخاطر نفسي اغير نفسيتي واحب الدنيا وجاملي ناس اكسبي اصدقاء جدد وطلعي خارج اطار البيت وشهاب وامل وهاي الهوسه كلها ..

غاليه .. ماادري يمكن كلامج صحيح بس اني هذا هو طبعي وهاي طبيعيتي ماعرف ابدلها ولا اغيرها ..
رقيه ..يراداج دفعه شويه حتى تتغيرين
غاليه ..عوفج من هاي سوالف خلي نروح نكمل قرايتنه كومه وراي دراسه ..

بعدها ثاني يوم مشت الامور عادي ..
لحد ماسمعت بزيدون اجه بس بقى يمه علي ..وخالتي راحت هي عليهم ..
بعدها سمعت ان علي دز على شهاب حتى يراضيهم وتخلص سالفه بينهم ..
بيومها خالتي حجت ويانه اني ورقيه
خالتي .. يمه غاليه انتي ورقيه اصعدن بالغرفه الفوك ..وعوفن هاي الجو لزيدون ونقلن غراضجن هناك وفرغنه اله ..
رقيه ..وين انشاء الله راح تشمرينه ..اشو ست الهانم ماخذه كل الغرف الفوك الها ولابنها ..
خالتي ..يااغرف هاي ولج ..الغرفه الي بصف غرفة شهاب فارغه اكعدن بيها ..
اني بسرعه رديت عليها ..بس خاله هاي من الملحق مال غرفة شهاب يعني كلشي بينهن مشترك
خالتي .. بكيفج تردين ترجعين الفرفتج ويه شهاب لو تكعدين بيها
غاليه ..لا لا اكعد بيها
خالتي .. يالله روحن فرغنهه
جنه نلم بالغراض واني احجي ..يربي مكتوبلي كل ساعه انقل بغراضي من مكان لمكان يووو على هاي سالفه نشلع كلبي ..
رقيه .. خايبه حايره بنقل الغراض ..ومافكرتي شلون راح تكابلينهم وهم يطبوا ويطلعوا كدامج سوا
غاليه .. كليلي شنو بيدي ..كلما ابتعد عنه الكي نفسي قربت من جديد ..والله اني احس نفسي مثل الي يفتر داير ميدور روحه ..ونوب هيج راح تصير علني السالفه ..
رقيه .. يالله ربج كريم تخلص
وفعلا بقينه ننقل بغراضنه ..النهار كله وسط انظار امل الي كل وكت تخزر بينه واجتي على رقيه تركض ..
امل ..شنو راح تكعدن هناا
رقيه ..عندج مانع لو شنو
امل ..لا بس اسال شبيج قابل شكلت اني
رقيه ..يالله غاليه خلي نكمل ماظل وكت
كملنه وخلصنه كلشي وبتنه بيومها بيها ..وثاني يوم الصبح جنت كاعده تقريبا بالسته طلعت سبحت وكملت
وطلعت ..وشفت شهاب طلع من غرفته
ولابس ملابسه العسكريه وشايل جنطه ..اني ارتبكت من شفته ..
بس هو باوعلي ومااهتم مشى جان اكوا صاله بالنص وغرفتين وحمام مقابيلهن وباب يطلع للخارج بس ما بي باب بس شكل
المهم تحرك هو يريد يطلع ..واني بقيت امشي واباوع على هو جان منطيني ظهره ..
وصلت يم باب الغرفه ولان ماانتبهت اكوا يم الباب حاطين غراض من البارحه مالحكنه ندخلهن كلهن
عثرت بيهن ..والفشله تكعبلت على وجهي وراسي اجه بيدت الباب ..وبقيت ضاغطه على نفسي حتى مااطلع صوت ويحس بيه وكعت ..
بس لزمت كصتي وجعتني كلش واني ضاغطه عليها ومتحمله الالم في سبيل صوتي مايطلع ..
بس شويه وحسيت واحد رفعني من الكاع
شهاب ..ولسه ثولة وتعثرين برجليج جان لزمني من اديني ورفعني ..بعد كلامه دفعت اديه وكفت وحدي
وحجيت .. ايدك عني
شهاب ..اش بلا لغوا
وفرني علي ..وخر ايدي عن كصتي ..وهو يباوع على مكان الضربه
شهاب .. شسويتي بنفسج بربج انتي صغيرة وتكعين بلا ماتنتبهين عود تدرس طب الله يساعد الي راح تعالجي وانتي نفسج مااديرين باله عليها ..

ضوجني كلامه وبعدت عنه وحجت ..ماابيه شي عادي الواحد مايكع يعني ماامنتبه راح تسويني فد مره
شهاب ..لا والله بيش مشغولة حتى مو منتبهه على نفسج ..تعالي
اخذ ايدي وسحبني وراه ..واني اريد اسحب ايدي
واحجي ..اتركني شبيك وين مااخذني
نزلني للمطبخ ودفعني على كرسي كعدني وحجه ..لا تظلين تحجين خوش
وفتح الفريز مال ثلاجه ..وطلع قطعة ثلج ..وماحسيت غير حطه على مكان الضربه
كمزت واني حجي ..شنو شبيك
هو لزمني ثبتني ..وهو يحط بيها على مكان الضربه
مااهتم كلش بحجي ولا ابد
بقيت اباوعله وهو بس عينه على مكان ضربه
واني احجي بكلبي ..منين اجتك كل هل حنيه ماعرفتك والله .. كل وكت تصرفاتك كله وياي قاسيه الا ماشفت منك اي حنيه ..باوعلي ونزلت عيني عنه هو لزم ايدي وحطه بدال ايده
وتحرك مبتعد عني ..
صعد جاب جنطته ..ونزل طلع كبل بلا حتى مايباوع علي
تلمست المكان ..صار زين مابي الم ..

صعدت واني افكر الا ماشفت امل يمه بالغرفه ..
ركضت على رقيه جانت جاي تبدل
غاليه .. رقيه ..شفتي هاي جانت تجذب علينه يعني شهاب لا كالها تجي للغرفه ولا ابد حتى بيوم طلعت غراضي بقى يباوع عليهن ومامتوقع ..يعني جانت تجذب
رقيه .. يعني شنو ..امشي ندخل للغرفه ونشوف ونتاكد رحنه دخلنه واحنه نمشي على كيفنه ..وباوعت غرفه مثل ماهي
غاليه ..هااا شكتلج ..هااي جانت تجذب
رقيه ..امم خلي ادور الكنتور بي شي يخصها لو لا
بقت رقيه تكلب بالكنتور وهي تحجي
رقيه ..اصلا مااكوا بس غراض شهاب ..وباوعي هاي مو الج لو لا تاكدي
تقربت باوعت جانت دشداشه للركبه ومزنده
كلبت اي الي ..بس اتذكر كل غراضي اخذتهن شتسوي باقيه بكنتور شهاب اصلا ..
رقيه .. مادري المهم الحيه هاي جذابه وجانت تريد تقهرج بس ..اني اعلمها الا افضحها غاليه .. حتى لو جذبت بهاي ..يبقى هو عنده علاقه بيها ويروح عليها ويجذب وينكر من اساله ..يعني اني من الاول ماقبلت اكون ويه غير من عرفت ان مايريدها وعايفها بس علمود ابنه ..وترى هم موهي مشكلتي مشكلتي هو ابد مااحسيت ويه بالامان ورغم حبي اله الابحظنه مااجنت احس باي مشاعر اله ناحيتي غير زوجه ويريدها اله بكل وكت
رقيه ..اكلج امشي نروح نكمل تبديل لايجي الخط بعدين نحجي 
غاليه ..اوك يالله
بعدها رجع زيدون للبيت وكعد سلم علينه
طبعا يومها جان شهاب بعده بالدوام .. جنه كاعدين عادي ونزلت امل هي وابنهوسلمت على زيدون وكعدت
خطيه هو مارفع راسه ..بس جاوبها هلا خيتي ام علاوي
حسيت زيدون شكد انسان حباب واخلاقه حلوة
بس امل مثل ماعجبها وكعدت تجامل بي وتكله شخبارك وخبار الدراسه مالتك شوكت تاخذ الدكتوراه طمنه عليكم ..
وساعه تلغي ويه ..
وهو خطيه اجوبته مختصره ..ويحجي بشكل رسمي وياها
بعدين من شافته هيج كالتله ..هذا علاوي ابن اخوك ماتريد تشوفه ..

طبعا وكته كلنه انتبهنه ان هي جاي تزيد بالحجي ماله داعي
بس زيدون باوع على رقيه وحجه ..جيبي رقاوي خلي شوفه
شالته رقيه من امل وهي كالبه وجهه ماعجبه تصرف امل  ..وانطته لزيدون ..
هو باسه بكصته وكال سبحان الله يشبه ابو ربي يحفظه الكم ..
رجعه لرقيه ..وحجه ويه خالتي
زيدون ..يمه بس غراضي خلي يحطوهن الي بالغرفه
خالتي ..اي يمه ميخالف رقاوي وغلويه هسه يرتبنهن الك ..
زيدون ..صدك قبل لانسى ان جبتلكم هدايه بس ما صارت فرصه انطيكم اياها ..
طلع زيدون راح للغرفه واجه شايل علاقتين كال هاي الغاليه ..وانطانياها وحجه هاي الثانيه لرقاوي ..والتفت على خالتي وكالها يمه انتي وصلتج هديه ..والتفت على امل وحجه ..ام علاوي يطلبني علاوي هديه لان مااجان بالي وكتها
امل ..الله يسلمك ماله داعي
فتحت العلاكه ونصدمت بالي موجود
باوعت هاي صدريه مال اطباء ..فتحت تخبل شلون مرتبه وبيها تطريز على الصدر اسمي بالانكليزي
صدك ماصدكت بقيت اكلب بيها فراحنه ..وحجيت تسلم زيدون والله احلى هديه من احسن ابن عم
زيدون ..تدللين كم دكتورة عدنه قابل ..بس يارب تطلع قياسج ..
كمت لبسته وقفت وحجيت ..ماشاء الله عليك قياسي فيت
فرتني رقيه عليها وحجت ..يووو فديت الدكتورات الحلوات شلون حلوة عليج ..ابتسمت ..وحجيت حبيبتي تسلمين
خالتي ..يوم الي شوفج يمه بثوب التخرج وانتي احسن  دكتورة وفتحلج عيادة واعلق اسمج بيها واكول هاي بنتي وصلته بيدي وصارت فخر الي والكل اهلها
شفت خالتي دمعت عيونها ..تقربت منها وحظنتها وحجيت ..الله يحفظج الي يااحلى  واغلى امه بالدنيا..
رقيه ..شنو يمعودين راح تكلبونه علينه دموع ومشاعر واحسيس ترى اني ماتحمل ..
ضحكت وحجيت ..اي حقج
اباوع على امل تخزر بي وضايجه حتى ابنها يبجي ولا اهتمتله
خالتي حجت ..امل ماتشوفين ابنج شبي مو جاي يبجي امل ..قابل شسويله هو بس يتبجبج يخليني اشوف شي اتنفس لوادري هيج ولا خلفت
خالتي ..انطنيه خلي اشوفه شبي
عفت ومشيت على رقيه رحنه للغرفه اثنينه
باوعت على علاكه مالته وحجيت ..انتي شنو جابلج ماشوفتيني ..
رقيه .. عطر بس شكله راقي
غاليه ..خلي نجرب شوو

&&&&&&&&
رقيه
خلال هاي الفترة صار تواصل بيني وبين هيثم ..يعني مجرد يسلم ويسال عني ويسالني شصار ما صار
هيج جانت وخلال هل وكت اكتشفت ان هيثم انسان كلش طيب وأخلاقه حلوة وابد مااحسسني ان غايته مو حلوة لو يريد يكظي وكت
جان يتعامل وياي كصديقه واني اعتبرته صديق
جان يحجيلي عن اصدقائه وعن يومه عن علاقاته بااهله وكلشي يخصه ..
بس اني كتفيته ان احجي ويه عن احداثي اليوميا بالكليه
وطبعا هو يحب يقلد ويحشش واني لذلك احب احجي ويه
والي خله هذا توصل يزيد هو كروبات الفيس مال جامعه جنه نضل نحشش بيها اغلب الوكت وصرنه اصدقاء كلش ..
بيوم اجيت للبيت ..لكيت امي كاعد ويه علي وشكلهم اكوا شي ..وشلون اموت الا اعرف شصير
المهم بقيت احوس يمهم اخر شي ..سمعت
علي .. هذا كل عقل يحجي ..جاا شلون اخذ اخته وتركها وهسه يريدها بوويه وين ترهم هاي سالفه

خالتي ..حتى لو ترهم اني بنات رجاء احلف عليهن مايدخلن بيتي ..والا هاي العايزه يربي اني ماخلص يمشن ويرجعن علي ..اويلي يربي
عاد اجيت اركض وحجيت ..يمه هاي يا بنت رجاء ..لا تكولين منو هذا راح يتزوج من بنات رجاء
امي ..اخوج يريد يرجعنه على هل مله هاي مالكه من دون نسوان الدنيا كلها الا بنت رجاء اني بسرعه عطت ..عزه شهاب هم راح يزوج من جديد اويلي عليج غاليه ..
علي حجيه ودخلت امل تركض ..شنو يتزوج منو كال ..يبووو والله اخذ ابني وشرد من يمكم ..

امي ..بس اسكتن انتن ياشهاب اني جبت طاري شهاب ..زيدون يريد ياخذ لقاء

رديت ..يمه صدك تحجين هو مو اخذ اخته قبل وكال مله ماتتعاشر وطلع كل سولفهن هسه شرجعه عليهن

امي .. لعبن بعقله وخلنه يريد يااخذهن ..بس لو تطلع نخله بروسهن مااخذهن بعد علي ..لا تعبين نفسج هذني غسلن دماغه لابنج هاي اذا من الاصل عنده دماغ جا الواحد من مره يتعض هذواله والدج مادري شنو ملتهم يعيدون نفس الغلط مرتين

خالتي .. والله كلبي مشتعل نار من هذني الحيات اني عايز يربي مصيبه جديد مو كافي الهم العندي

بقت المناقشات مستمرة وزيدون جان مصر على لقاء بشكل مو طبيعي .. وامي تصيح مسوياتلك سحر وعميات عيونك ..
بيوم رجعنه من دوام لكينه فاتن يمنه ..وجانت زعلانه وتحجي وتبجي ان امير لكف لقاء تحجي زيدون بالموبايل
ولزمه كتله وحجتله ان بينهم علاقه وكالتله فاتن تعرف كلشي
ورجع امير على فاتن هم وياها ..وفاتن عايفه البيت وجايه
امي كامت تدك وتلطم ..وصارت مشاكل ودي وجيبه
تالي بس اجه شهاب وسمع بسالفه وامير متحلف بزيدون بس كايله الخاطرك انت وابو حسين مااحجي بس اني اريد حقي منكم ..
عاد شهاب كال لعلي ..ان خلي يتزوجون وتفض سالفه ترى هاي طلابه وتمسنه مااترهم نقبل على نفسنه ابن عمي وعمي ينزلون روسهم بسببنه وهيج امي استسلمت خاصه بعد ماتفقوا الزلم وعلي وشهاب وزيدون راحوا طلبوها من عمي سالم ..
ومن صفحه فاتن توسلت باامي تقبل لان امير مستحيل يسكت عن صار وخافت تكون ضحيه ويطلكها
وامي الخاطر فاتن وامير وعمي سالم واخواني وافقت
وبدت تجهيزات زواج زيدون لقاء
رغم كلنه ماريدين هل زواج بس مجبورين نتقبله.
وصدك صارت الحنه بس احنه مارحنه مجرد امي عزمت عماتي الي كلهن بقن يسالن شلون وافقت امي ..بس امي ردت ان هو يريدها وهي بنت عمه احسن من الغريبه
بيوم العرس ماقبلت امي هوسه وزفه مجرد شي بسيط وبين الاهل ..
اجه مهند وفاتن اصلا جانت يمنه ..
بس امير دز الجهال ايسر ومحمد وسجاد ..ويومها بيتنه صار زحمه من ناس عود ردناها بينه تالي ناس من ناس سمعت واجتي الوادم ..بس امي ماضاجت كالت هلا بكل اليجي ..
المهم الناس تغدت وجابوها للعروس من بيتهم لبيتنه جانت مسافه صغير ..اجتي هي وامها واخواتها وخالاتها وبنات خالته ..
جانت لابسه نفنوف ابيض ابو السمجه وهي جسمها متروس مو ضعيفه فحاصره حصر
والمكياج والتسريحه لا مرتبات وحده تفتهم مسويتله بحيث طالعه مرتب بالوك فاطمه وغداء النسوان بيتنه ..
من اول يوم اجتي بي لقاء للبيت هي وامه سوا سالفه وطلابه على ابو ليش ماسويتوا زفه بالقريه
بس عماتي ونسوان من الكرايب سدن السالفه وكالن هو ابن عم مالها داعي زفات وهي مو اول زواجه للاثنين ..
المهم خلصت الهوسات هاي وبليل زفوا زيدون على لقاء
والناس كلمن راح البيته
ثاني يوم عمتي ام جهاد عزمت الكل بيته علمود زواج زيدون ..
رحنه كلنه ..وتغدينه بعد الغداء صعدنه احنه البنات كلنه بغرفة ايه كاعدين ..
كلت انزل اجيب ببسي شي لان هواي كلت بالغداء
نزلت على درجه ..وشفت حسين واكف بالمطبخ
ردت ارجع بعدين كلت لا قابل شسويلي
دخلت فتحت الثلاجه ومالكيت بيها مخلصين كل القواطي
حسين .. شدورين بالثلاجه صار ساعه
رقيه .. لا تخاف ماراح اكلهه
حسين ..عجيب واني سالت سوال بس
رقيه .. صراحه حتى سالتك يااخي مستفزه ..واحسك تحشر نفسك بمكانات ماتخصك
حسين .. لا هاي انتي هلكد شايله علي .. عمي موبقصد ياجلمه ردي بمكانج
رقيه .. هم احسن تسوي فضل
حسين .. هو اني بشنو مضوجج رقيه ..احسج ماطقيني ترى تصرفاتي نابعه من كوني اعزج واحس بالمسؤولية اتجاهج وماريد كلمه مو حلوه عليج رقيه .. خلي نتفق ان اني مااحب احد يبقى وراي مثل ظلي ويراقب كل تحركات لان هاي يسمونهه قلة ثقه خوش ..اذا تعزني تبطل هاي تصرفات وتخليني براحتي ..
حسين .. اذا هيج تعتبرينها خلص وعد من اليوم مااراح ادخل ولا اراقب تصرفاتج خليج براحتج واني اعرف اخلاقج ماحاجه تعلميني بيج بس جان حرص مني بس اذا يزعجج هاي هي ماراح تشوفيني بعد غير بالصدفه

رقيه .. لا مو هيج عادي افرض احتاجيت لفه لو قوطية عصير بطل مي ..وين الكيك حتى تروح تجيبلي ابقى دور قابل ..
حسين .. شتغلت المصالح ..عمي امري كلشي تريدينه حاضر
رقيه ..بهاي المناسبه السعيدة ..اريد قوطية ببسي صار ساعه ادور ماكوا
حسين ..هههه مصلحجيه بس ميخالف هسه راح اروح اجيبلج واجي ..

راح حسين طلع بره واني اجاني اتصال باوعت هاي سميه ..
رجعت رحت وراه من الحديقه الوراه البيت جان مكان هادي مابي احد
فتحت خط وحجيت ..هلوو سميه شكوا ماكوا
سميه ..ماكوا ولج شي ..كليلي شخبار العرس
رقيه .. تمام زين مااكوا شي ..
سميه ..اكلج هيثم شبي وياج صدك
رقيه ارتبكت شويه من جابت طاري هيثم .. هاا هيثم شبي ليش
سميه .. اليوم جنه بيتهم وكعد يسالني ساعه عنج اخذ كل تفاصيل حياتج ..من سالت شنو هواي تلح بسوال عن رقيه كال عادي صديقه واسال عنها بس اني ماصدك اسالته مو هيج تكول ..
رقيه .. شنو سال عني وشيريد مني ..سميه لا تنطي اي شي خاصه بيه سمعتي بالنسبه الي صديق وبس اذا باله غير شي اني راح اكنسله من يمي
سميه ..ليش ولج اصلا هيثم خوش ولد وحباب وابد ماعنده سوالف مكسره
رقيه .. خلص سميه هسه مو كتها نلتقي ونحجي يالله باي
سميه ..باي الله وياج
سديت منها ..وباوعت اني جنت امشي وحجي وصاله لحد ورا البيت رجعت امشي مااحسيت غير واحد سحبني من ايدي ودخلني بالممر الي يودي للحديقه الباره بس الممر طويل لان بيت عمتي جبير كلش وفوكه صاير لفه مال درج
فمعزول عن باقي البيت ..بقيت احاول استوعب شنو القصه
لمن حسيت بجهاد بوجهي ..اول نزيت منه واستغربت
بعدين صرت احاول اخذ نفسي
جهاد ..رقيه كلمه ماعيدها حسين ابتعدي عنه سمعتي لو عيد
باوعت علي وحجيت .. وجايبني لهنا حتى تكلي ابتعدي عن حسين هو لزم طفل واني طفه ..والله يربي
جهاد .. لا رجال ..ولان اعرف حسين زين يشوف سوالفج الماسخه وتسخرينه وتاخذين وتنطين ويه دماغه راح يخيله غير شي ..فااحترمي نفسج ولاتضلين تلغين زايد ويه ..

فور دمي بكلامه ورديت علي .. ماايخيله وانت شدخلك
هو قبض ايده وعروقه برزت وحجه ..لا تضلين تخربطين ..واخر مره احجيها قسم بالله المره الثانيه راح يكون بيها تصرف مايعجبج
رقيه .. خايف عليه منه لو خايف علي مني ..مافهمت هل فقرة
جهاد .. اخاف عليج منه ..انتي اصلا تخوفين بلد ..والسانج وتصرفاتج يستر الله منها ..وحسين طيب وعلى نياته ومااريده يركض وراه وهم بسببج وينكسر خاطره ..اخذت نفسي ورديت.. مااشي اني وحسين مجرد نصرف مثل اي ولد عمه وبنت خال ..وطبيعي نحجي نوبات خاصه احنه كليه وحده ..بس اذا اكوا احد دماغه وصخ ويفكر بطريقه زباله بالناس فهذا الشي راجعله ..
وطلعت وتركته
بس اجتي ايده سحبتني رجعت علي ..بس هل مره صرت قريبه منه ماكوا المسافه بينه شعرايه
وهو شكله ماينوصف من غضب
جهاد .. لاتلعبين عليه ..وانتي تدرين كل زين نظرات حسين الج كلها عجاب بس الشغله عاجبتج ومااجاي تردي
رقيه .. اترك ايدي ..واحترم نفسك وانت تحجي وياي ..وافرض صار هل شي يجوز اني هم معجبه بي انت شدخلك بنصنه ..
عصر ايدي صحت بي ..اخ تركني شبيك انت
وقرب مني وهو صاك سنونه وحجه .. قسم بالله رقيه لكون حاجي لشهاب كلشي حجيتي وكل تصرفاتج خلي هو يرجع يعيد تربيتج ..
رفعت نفسي وحطيت عيني بعينه وحجيت ..يالله اوك خلي كل واحد يحجي الي عنده ..دامني احتاج تربيه بس لان احجي ويه ابن عمتي حجي عادي ..لعد الي باس اخت وهي عمرها لسه 15 سنه هذا شتسمي سافل ..لو منحط لو خاين ومايستحق حتى يتسمى رجال
مااحسيت غير صرت محصوره بين الحايط وجسمه وهو ضاغط على ايدي جهاد ..ولج عليمن هاي ..يرادلج تكسير راس انتي ..وسالفه صارت واعتذرت مية مره عنها وحجيت صارت مو بوعي مني حالة ضعف وكل انسان عنده حالة ضعف واني مامعصوم ..لا تكعدين تعيدين بهاي السالفه مالها دخل بسالفتج ويه حسين كل الي اريده ان تخلين حدود تصرفاتج وتكولين حريصه على نفسج واهلج

رقيه .. وانت ماتشوف تصرفاتك بس تصرفات غيرك ..يعني وكفت هاي وياي ولزمك ليدي يعتبر هم حرص لو تعلم على صلاة بس ماتصلي ..
هو بسرعه ابتعد عني وترك ايدي وحجه
جهاد ..يلعن يومج طلعين الواحد عن طوره
دفعت ومشيت ..وحجيت مااكوا بيني وبين حسين اي شي اطمن على اخوك ماراح ينكسر خاطره بس عادي ينكسر خواطر الناس
قبل ماطلع حط ايده يمنع خروجي من الممر وحجه  ..منو هيثم هذا نوب
دفعت ايده وحجيت  ...كافي عاد كاعد تراقبين انتي لو شنو ..
مشيت مسافه عنه وجاني صوته ..جاي تلعبين بالنار رقيه
طلعت كبل بلا مااهتم الكلامه

&&&&&
غصون ..نزلت ادور على رقيه فتشت الغرف الجوا كلهن ماكوا ..بالصاله هم ماكوا كلت يجوز بالحديقه طبعا حديقة بيت خالتي جبيره
فطلعت اباوع وافتر ..شفت مرتضى كاعد يخابر ومنطيني ظهره ..
رجعت اركض جبت بطل مي ورجعت علي طبعا اني ويه واحد يخبث على ثاني ..واخر مره هو ذب ملازمي بالمي كلهن ..وخلاني شايطه
كلت خوش الا نكعه هو موبايله بالمي ..فجيت امشي على كيفي وبسرعه فتحت البطل وفوق راسه كبيته واني احجي ..تستاهل حتى تبطل نوب تتقوى علي ..
بس الصدمه من كام وهو عصبي ويصيح
والتفت علي لانه مهند مو مرتضى
شتريدون مني خلص دم مابقى بيه ..اريد احجي اتنفس ماكوا ..
مهند .. لج ياثولة ..شسويتي بيه انت شنو من بشر شهل سخافه مالتج هم كولي مو بقصدي
بقيت بس ابالع واني شوف ينفض بنفسه وهو نار من الغضب
حجيت بسرعه ..اسفه والله مادري انت كل ظني مرتضى ..يعني لابسين نفس القميص قحط قمصان يعني الواحد هم حقه ماايفرق بينكم ..
مهند بعصبيه .. لا بربج تعالي بعد علميني شلبس وبعدين شنو مرتضى شيفرق يعني

غصون ..لا اني ويه عادي متعلمين نشاقه هيج ..فنصدمت بيك انت ماعبالي ابد نفس الكعده انت ويه من بعيد مبين هو ..

مهند .. ولج شنو من شقه هذا يتسمه قلة حيه ..رعونه وبعدين انتي بنيه شنو تشاقين ويه الولد بهل طريقه السخيفه ..

غصون ..لا عاد احترم نفسك صار ساعه تغلط وساكته شكوا يعني واذا نكب عليك مي ..قابل شنو انت والله تشوف نفسك دكتور فعايش بدور الناس اقل منك ..ترى دكتور على نفسك خوش
مهند .. استغفر الله يربي ..انت شنو هل اللسان هذا ..فوك ماانت العايله ..راح اسكت الخاطر بس عمتي والله انتي محتاجه كص السان ..
صار ينفض بروح وشعره ذب موبايله على كرسي
عفت ورجعت جوا ..دورت خاولي واخذت وطلعت علي
غصون ..هااك نشف شعرك ووجهك
مهند ..لا تطلعين جايبتي وصلة المطبخ هم
غصون ابتسمت على سالفته ..لا لا هاك خاولي من جو اخذته
بقى يباوعلي مثل مامصدك ..اني على نيتي تقربت منه ومسحت وجهه ويم اذنه وشعره من فوك ..
وبعدين حسيت على نفسي اني عادي جاي تعامل ويه بس حسيت سكت وبقى صافن علي واني اتحرك انشف بوجهه وشعره ..
وكته عرفت ان اني غبيه وتسرعت ..يعني دائما اتعامل ويه ناس على نيتي وعلى طول اتصرف ويه ولد كرايبنه بطبيعتي وهم دائما يعتبروني اخت الهم واكثر شي يشاقون ويحششوا وياي ..
بس هاي اول مره اقف كدام واحد وخجل كل هذا خجل وحس على تصرفي غبي كلش ..
سحبت ايدي ورجعت ليوره ..واني اريد اثول السالفه واتصرف عادي
غصون ..ا..اتفضل انت نشف اني راجعه جوا هسه اخواتي يدورن علي ..
مديتله الخاولي ..فلزم ايدي هي والخاولي وحجه
مهند .. ليش مستعجله خوش تنشفين والله
يمه كلبي كام يقرا الف ..وخشيت بنص اهدومي
وصرت احاول اسحب ايدي منه بس مجلب بيدي بقوة ..
طبعا صوتي بالقوة طلع وحجيت ..ااا ..ايدي اتركني
هو ابتسم ويباوعلي ويحجي ..هااا وين راح اللسان هسه ..والله طلعتي تخجلين هم ..
شتريدون مني صرت احس وجهي نار تطلع منه ..واريده يترك ايدي مااكوا
تالي كمزنه متباعدين على صوت مرتضى
مرتضى .. هااا شكوا شبيكم خوماا تعركتوا ادري بغصون السانها فالت
عفت وطلعت كبل حتى مرتضى مارديت علي ..اول مره يصير بيه هيج واصلا اني مااجنت ادري بروحي هلكد خجل ومااكدر اواجهه بالعاده الساني اكل بي الكل بس ويه هل بشر هذا مدري شيصير بيه
عفت وجاي امشي اريد اصعد للدرج انصدمت برقيه الي نزت مني واني نزيت منهااا
غصون ..يمه ..ننززتيني
رقيه ..انتي الي ننززتيني ..وين جنتي وشبيج هيج شكلج
غصون ..ماابيه شي عادي ..اصلا جنت ادور بيج وين جنتي مختفيه صار ساعتين
رقيه .. هاا ..اني ..جنت عادي ..اجاني اتصال ورحت احجي بالحديقه الوراه هدواء
غصون .. اممم ..لعد امشي نصعد
صعدنه ..وجنت مخنوكه فوك كل الوكت ..حجيت
غصون ..اكلكم مانروح بيتكم ناخذ راحتنه اكثر ونخلص من ام الحبسه هاي
رقيه ..والله فكره ..بس خلي اكله لامي ونروح كلنه
رحت رقيه ورجعت وهي تحجي ..يالله امي كالت روحوا بس من الباب الخلفي
كيفت كمزت اول وحده لبست صايتي ونزلت كدامهن لركض على الدرج ..
افترينه من الباب الخلفي ورحنه على بيت خالي
دخلنه واني كبل نزعت الصايه ..والشال وركضت جوا
واني احجي ..الله الحريه ..لا هوسه نسوان ولادوخة زلم
دخلن وراي رقيه وغاليه ورده واحلام وايه وايات
ركضت على صاله بيها بلي ..فتحت وكعدت ادور العاب
وحجيت ..وحده منكم تروح تجيب كرزات وجبس
رقيه ..اي عيني ليش لا ..
مااكلكم جنه ناس تلغي وناس تلعب بلي ..اني ورقيه اكثر شي نلعب ..
بعدين سمعنه صوت زيدون ومرتضى بالبيت
طلعوا جايبين المولد مال البيت دخلوها ودخلوا يغسلوا
شفت مرتضى وحجيت ..تعال رضاوي الله عليك كيم على ماشي عاجبني اسحلك
مرتضى ..ههه ايباه هو منو الينسحل كل مره اني لو وانتي
غصون ..تعال نشوف منو يسحل منو
مرتضى ..وين بويه البيت كله نسوان ترديني ابقى وحدي وياكم وين ترهم هاي ..
زيدون ..ادخل اني هم اريد اخذلي كيم ..بس اطب اسبح وبدل ..
اجه مرتضى كعد بالكاع بصفي ..واخذ اليده
وحجه ..اليوم اسحل بيكم الكاع استعدوا ..

&&&&
شهاب
جنت واكف ويه جهاد بره ..اجاني امير وحجه
امير .. اكول اني تعبت ورايح ارتاح بالبيت لحد يكلي على شي بعد
جهاد ..على اساس انت شلونك ماتكلف نفسك بشيامير ..عمي شنهي هي طلابه ..من بدا العرس ولسه انصمط ابو ابويه ..والله لو تكتلوني بعد مااتحرك وياكم منا لهنا ..
جهاد ..روح بوويه ضرك اكثر من نفعك
حجيت ..امشي نروح عدنه كومه شغل عوفك منه هذا
جهاد ..والله تعبان خلنه ناخذ على الاقل ويانه حسين ومرتضى  يفيدونه ..
شهاب ..خلي ندخل نصيهم ونمشي
دخلت للاستقبال ..جان كاعد بيها امي وعماتي واخويه ابو حسين ورجل عمتي فاطمه هذواله بجيهه
وبجيهه الثانيه كاعدات نسوان علي اثنينهن وامل ولقاء واخوات لقاء ..
كعدت بصف رجل عمتي وحجيت
لعد الولد وين ..حسين ومرتضى
عمتي ..حسين راح كال عندي شغله اخلصه واجي ..ومرتضى شوفى وين هنا لو هناك
التفت على امي وحجيت ..يمه لعد البنات وين
امي .. كالن نريد نروح للبيت نكعد وحدنه احنه والبنيات كتلهن يروحن
شهاب .. خير انشاء الله
طلعت بس كبل مااوصول الباب سمعت
صوت امل وراي ..ابو علاوي لحظه وين رايح
التفت عليها ..هاا شتردين
امل .. وين جنت ..وين رايح بهل وكت هذا
شهاب .. شوفي لا تظلين تلحين وياي سالفت وين اروح وين اجي لا تدخلين بيها ..
عفتها وطلعت كبل ..لكيت جهاد بالباب حجيت
لعد وين هذواله اخوانك الزمايل
جهاد .. حسين خابرته كال اني بالسوك بس اخلص امر عليكم ..ومرتضى جاي ادك علي
جهاد دك على مرتضى وحجى ..هااا ولك انت وين ..هااا شسوي هناك ..سد وباوعلي وحجه ..مرتضى بيتكم كاعد
حجيت ..شنو شيسوي بالبيت ..وبعدين منو بالبيت غير بسـ ...البنات هنااك
وكتها صرت نار وتغلي ..طلع مهند وهو يحجي
مهند ..شبيكم شصاير
جهاد ..خلنه نروح احسن
طلعت بسرعه اني على بيت وجان جهاد يمشي وراي هو ومهند ..
دخلت بسرعه من باب المطبخ ..وسمعت صوتهم بالصاله ..
دخلت لكيت الكل كاعدات على تخم ويباوعن ..واستاذ مرتضى وغصون بالكاع كاعدين ويلعبوا واحد يصيح على ثاني ..الا شوفج شلون لعب يصير ..وهي ترد والله لوتموت ماتكدري
والكل ملتهين ..صحت اني بصوت
شنهي جاي يصير هنااا
دخلوا مهند وجهاد وراي وهم يباوعون على منظر
مرتضى بضحكه ..هلااا بيكم تعالوا ويانه ..غير سحلتهن وحده وراه ثانيه
غصون ..هي منو هاي سحلته ..تراني سابقتك بنقطتين
مرتضى ..قصدج من غشيتي
غصون ..لا لا جبتهن بذراعي لو انتم هيج اذا غلبتكم بنيه كلت تغش ..شهاب ..اش ..كاافي انتم صغار ..شهل سوالف هاي
جهاد ..بعدين انت شسوي وحدك هناا ..والبيت مابي بس نسوان ..تسودنت انت لو هو واحد يروح يلزك الثاني
غصون .. لا على كيفكم اني صحت مرتضى يلعب وياي
مهند ..انتي سدي حلكج احسلج ..وبعدين هذا مو البلي مالي منو سمحلج اصلا تفتحي وتكعدين على نوب تعزمين علي ..
مرتضى ..ياستار يربي شبيكم انتم التلاثه طاكه فيوزاتكم علي ..ترى بنات خالي وخالتي وكاعدين نلعب موغريبات..بعدين بويه منو كلكم وحدي بالبيت ..وصاح زيدوووون ..تعال يمعود بعد شويه يخلوا طلقه براسي طلع زيدون من الفرفه وهو يحجي بهدواء ..هااا ياجماعه شصاير ..
حجيت واني احاول الزم نفسي ..انتم بس فهموني شبيكم ..انت مو المفروض ابو العزيمه ولزم تكعد يم الوادم شرجعك للبيت
زيدون ..وهو يكعد بصف مرتضى واخذ اليده من غصون ..بوويه ياعريس لعبت نفسي من الوادم صار يوميا اجامل ومخنوك طلع عرس لوطلابه ماتفض ..العب بويه العب ..
اخذت نفسي ..وكعدت واني عيني على غاليه الا تباوع بااهتمام ناحية مرتضى وزيدون
كعد بصفي جهاد ..وجهه الثاني مهند
حجه جهاد ..شنو ماانروح بعد رديت طبعا نحجي بينه ..لا ..هسه اكعد شويه ماراح يطير الشغل
وبدا زيدون ومرتضى يتنافسوا باللعب
واباوع كل بنات تشجع مرتضى ..
وكل شويه وحده كالتله ..يالله مرتضى تكدر تطلع
بس كل كوم وصوت غاليه من صاحت ..مرررتضى وراك ..خلي بالك كوم ثاني
مرتضى ..اي والله تسلمين غلوي ولا منتبهه
غير احس اريد اكوم اكسر البلي فوك راسهم ..
وحجيت بعصبيه ..يالله خلص طفوا هل نعل هذا خلي كل واحد يروح يشوف شنو ورا
زيدون ..يااخي كلشي ماورانه احنه عطله ..عوفنه نخلص الكيم هذا مااحسيت غير غصون تحجي وتشجع ..يالله مرتضى راح تفوز ترى اذا تخسر توكع من عيني
وكتها مهند طفر فصل الكهرباء عن البلي وهو يحجي ..يالله بس كافي كوموا
مرتضى ..يااخي شبيك ..خلنه بس نخلص الكيم
التفت على جهاد واني اكوم ..جيبه وتعال اليوم كله علي دام هيج خوش يلعب وكلها تشجعه
جهاد ماصدك كمز سحله من ركبته وجابه وراي
وهو يحجي اليوم اطلع كل الكيم من عيونك
مرتضى هو يدفع بجهاد ويحجي ..شمسويلكم اني مااتكلولي &&&&&
رقيه
رجعنه للدوام من جديد ..وبالخط عادي لزم غصون تحجي
سالفه
غصون ..اكلكم ..شكلي راح اترك الحلوين بالجامعه وافتر على الحلوين بالعائلة
رقيه ..خير انتي كل فترة تحولين على احد هل مره منو انشاء الله
غصون ..اكلكم بس لا تتفاجوا ..مهند
غاليه ..مهند منو ..خرب يومج شحولج على مهند
ورده ..هههههههاي انت وين ومهند وين عمي هو دكتور والبنات يتمنن واحد مثله بعدين حبيبتي هذا مزوج ومرته دكتورة وانتي خلك اول كليه ونوب قسم رياضيات راح يباوع عليج
غصون ..حيلج عليه اني شكلت قابل شفتيني ..هو بس شكله اظن عاكسني واني بيني وبينكم فرحت بهل شي مادري ليش ..
رقيه .. حبيبتي لا تظلين تتحلمين خوش اول شي هو متزوج وكلشي شاف بمرته ماتركها ..ثاني شي لا تبنين احلام من موقف احتمال ماقصده حتى لو باسج ورها راح يكعد ينكر ويكلج جان ضعف مني ..مااجنت اقصد بعد ماانتي تكومين تبنين احلام وتتصوري يحبج ..وهو مثله كل زلمه راح ينكر ويسوي نفسه ماغلطان انت الغلطتي وفكرتي وحدج ..
جانن كلهن صافنات على كل كلمه حجيته
غاليه ..ليش احسج تقصدين احد معين بكلامج
حاولت ابرر موقفي ..لا ابد منو قابل ..بس انتي اكثر وحده تعرفين هل حجي هذا
غصون ..خلص يمه ..اني اكرهه هاي سوالف الي تصير ماواضحه ومشاعر مخفيه وكلشي ماتفتهم بيومك شنو يصير ..اني انسانه احبه كلشي يجي بوجهي ومباشرة ..واحب احجي كل الي بداخلي اني وحده عايشه بالضوه اموت من ظلمه ..

كمل الدوام بدون شي ..وبيوم رجعنه لكيت عركه بين امل ولقاء ..
وامل تحجي وتصيح ..انتي مااعليج ابني اني حره بي ليش تدخلين ..
وذيج تحجي ..واني شحجيت وحتركتي ..شفتج بس تنطي بي مامات وخنكتي لا تكلبي لا دوري ..امهات اخر وكت
امل ..وانتي شدخلج ..وحده ماتستحي
وعفت ودخلت جو ..اصلا نفسي لعبانه من طلايب جانت وحده نوب ثنين ..شخلصه يربي ..
وستمرت هل مشحانات يوميا كل يوم عدهن مشكله جديده ..
واثنينهن وكحات ..بس الحلو بالموضوع ان اسمع امل تشكي لاشهاب بس ماايسمع ويكله ماشوفها تتعارك ويه غاليه لو رقيه شمعنه انتي ..ظبي السانج محد يوصل يمج
ولقاء نفس الحال ابد زيدون ماجان يدخل نفس بهاي سوالف
بقن الوضع مثل ماهو لحد مااجتي الامتحانات اخر سنه جنه اني وغاليه مفصولين كلش عن البيت والي يصير بي
التهينه بالدراسه
خاصه غاليه هواي تقرا جانت دراسته صعبه

&&&&&&
امل
فجاءه لكيت الباب انفتحت
ودخلت لقاء ..
امل .. خير جابج هنا ..اتصور غرفتج جوا صعدج فوك
لقاء .. على كيفج ..جايه حتى اساعدج وتساعديني
امل .. هههع ضحكتيني ..بيني وبينج ماكوا اي مساعده وانتي بشنو تساعديني ما محتاجه مساعده من وحده مثلج لقاء .. هههه شوفي انت هنا ماعندج امل تعشين لو واحد بالميه ..تدرين شهاب بالاخير راح ياخذ ابنه منج ويشمرج لو عرف بالي وراج ..وتدرين احتمال ماايخلي الج اثر انتي وست الوالده ..
امل .. انتي ..جاي تخربطين
لقاء .. شوفي بدون لف ودوران .. اني ادري بيج انتي وامج شتخططن .. وتدرين ما عندي مانع اشترك وياكم ..بس اضمن حقي حالي من حالكم ..
امل .. لا ..ترى طلعتيها من ماعونها ..تفضلي باره يالله بسرعه ..
لقاء .. ماااشي ..بس  راح اخذ موبايلي وياي واشوف شهاب كل محادثات الي بينج وبين امج
امل .. اي محادثات ..انتي جاي تخربطين

لقاء .. شوفي حبيبتي  مااحب واحد يجيب ويحط ..اني ادري بيكم ماعدكم كلشي والبيت الكاعدين بي اهلج ملك لاعمج ..وانتم ماتملكوا بي اي شي حتى الاثاث البي مال عمج ..وامج المسكينه اهلها حرموها من ورث ابوها لان هجت من رجلها وجبتلهم العار ..
وادري كل زين انتي وامج جاي تتسوا المستحيل علمود فلوس شهاب ..لاكاتلج تحبي ولا غيرها ..وازيدج معلومه اني نفسج مااهتم بزيدون  بكد مااهمي مصلحتي بالاخير شهاب يملك اراضي وبساتين واموال تخليج تعيشين بالعز طول عمرج انتي وامج ..واهلج كلهم ..وهم من حقج وحق ابنج ..وحقي انه واهلي  لان فلوس ابوي كله بطنهم هو واهله ومايشمرنه غير تفاليس اخر كل شهر  بينما هم عايشين بالنعيم ..
بس عندج مشكله وحده ..تضيع كلشي عليج وماتخليج تتقدمين خطوة وحده
امل بارتباك .. شلون عرفتي كل هذا ..منين كدرتي تعرفي
لقاء .. سهله اخذت من مبايلج وانتي ماتدرين وكدرت اعرف الرمز مالتج من خلال مراقبتي الج وقريت كل محادثاتكم خطيه ماجنت ادري عمج حاصركم يريد يبيع البيت ماله ويشمركم بالشوارع .. ولا ادري ابوج مطلوب هلكد فلوس
انقهرت عليكم ..
امل .. شتردين بالضبط
لقاء .. عفيه عليج بديتي تفهميني .. انتي تريدين شهاب وفلوس وكلشي يصير الج ..واني اريد اضمن حقي وجودي بهذا البيت خاصه كل الي بالبيت لا يريدني ولا يريدجن ..يعني باجر يكلبنهم علينه واحنه نطلع بلا كلشي بطرك ادينه
امل .. شلون .. شنو اليضمني ماجاي تلعبين عليه
لقاء .. اطمني لو عندي نيه جااا راحت لشهاب وكتله كل شي .. بس مو من مصلحتي اسوي هيج ..وانه عندي عقل واعرف مصلحتي وين
امل ..شلون راح تساعديني مافهمت
تقربت كعدت قريب مني ..اول شي ..لزم تخلصين من غاليه ..هاي اذا بقت موجودة لا تحلمين شهاب يباوع على وحده لو يوصل يمها ..واظن جربتي هل شي بنفسج
امل .. غاليه ..بس هو مااعنده اي علاقه بيها وهي هم تركته واصلا جاي تريد تطلك منه ..

لقاء .. انت صدكتي هع ..خطيه ما تعرفين الي جاي يصير ..انه عشت كل عمري وياهم ..لج شهاب من صغرها الغاليه وهو عينه عليها .. وهل شي خلاني اكرها كلش جان كل الوكت يحميها ويراقبها ..
بس شهاب عنده عقده من نسوان يخاف ماايريد يتعلق بوحده .. غاليه اول مااشبت ابتعد عنه ..وصار يتجنبها شكد مايكدر ..هل حيه كدرت تسيطر علي
وبالاخير اخذته وهسه تتوقعين يتركها لو يطلكه  جاي تحلمين هاي مثل امها ..تخلي الرجال  يمشي وراها حتى يروح للموت برجلي ومايعوفهاا ..
امل .. وبعد كل الي كلتي ..شتكدرين تسوين اذا هيج مسيطره علي غاليه ..
لقاء .. ماعليج اني راح اتصرف ..بس بالاول لزم تخلصين من هذني الي مسانداتها وصايرات حجر عثره بطريقنه رقاوي وهل العجوز الكركمه ..
امل .. فهميني شناويه تسوين ..وبعدين شلون تظمنين شهاب ماا يكدر يكشفنه والله ما يخلي النه اثر لو نص كلمه طلعت علينه ..
لقاء .. بعدين تعرفين كلشي ..هسه خلي اروح قبل مااتكعد هل بومه العجوز وتظل تحجي ..
امل .. مااشي ..روحي ......... يتبع
🦋🦋...................................🦋🦋

مساء الورد
#جبروت_الشيخ_وقلبي

.  #البارت27

الكاتبه بنين الطائي ❤ 🦋....
.............................

رقيه
جانت عدنه امتحانات ..فماانلحك بين القرايه وبين الكليه ..بس اني عندي عملي ونظري فيوم هيج ويوم هيج ..المهم جنت مشغولة اشتغل بالقاعه ولان اسمي اني ولد بمرحلتي اسمه رامي نجي واحد وراه ثاني دائما نشتغل سوا ..ويصير بينه حجي طبعا ولد فقير وحباب وشكله عادي جدا ..
فكملت ونزلت اروح اشرب شي تعبت لكيت هيثم يم القاعه مالتنه ..اجه سلم عليه وانطاني بطل مي
رديت وكتله شكرا اني رايحه اجيب لنفسي
هيثم ..اخذي اصلا جبته الج
اخذته وشربته ..وباوعت علي وحجيت ..انت اصلا شسوي هنااا
هيثم ..اجيت احجي وياج يصير لو لا
رقيه .. حسب بشنو تريد تحجي هيثم ..زين يصير نكعد بمكان ونحجي اذا كملتي
رقيه ..مااكدر اكعد وحدي وياك صعب وعندي اقاربي بالكليه وماحب يشوفني امشي ويه احد ..
هيثم ..زين ناخذ ميس ويانه ونحجي عادي
رقيه ..زين ماشي بس بسرعه لان عندي امتحان شويه نوب
هيثم ..مااشي خلي دك على ميس تجي
فعل اجتي ميس وصرنه نمشي احنه التلاثه اني وياها نمشي سوا وهيثم يمشي كدامنه
وصلنه يم كلية القانون وحجه هناا محد يزعجنه
كعد وحجه تعالوا اكعدوا ..كعدت بصف ميس وحجيت ..شنو القصه
ميس ..ماكوا حبي هيثم يريد يحجي كلمتين وياج
رقيه ..اي احجي عادي ماله داعي كل هاي الفرا
كعدنه نحجي حجي عادي ماكال شي ..
شويه وميس دك موبايلها ..وكالت بس اجاوب ورجعلكم
جلبت بيها وكتله ..وين عايفتني وحدي
ميس .. لا تخافين مارايحه هنا يمج باعي كدامكم بس رد على مكالمه واجي مااطول
نهضت بسرعه ..واني عيوني عليها بس اجاني صوت هيثم ..لا تخافين ماراح اكلج
رقيه ..لا موقصدي ..بس تعرف واحد يفوت ويفتهم الموضوع غلط من يشوفنه اثنينه كاعدين
هيثم ..شوفي رقيه ..بلا ماالف ودور صراحه اني معجب كلش بيج معجب بااخلاقج وادابج وكلامج وشكلج وكلشي بيج ملفت واني حاب ان اخطي هل خطوة وعبر مرحلة الصداقه وارتبط بيج

وكت ماعرفت شحجي ..رقيه ..ماعرف شكول بس انطيني وكت افكر بالموضوع ..الصراحه مااجان بالي
هيثم ..مثل ماتحبين بس اريدج تعرفين ان غايتي وياج شريفه ومو لعب واذا حابه خطبج اني ما عندي مانع لان ماعندي استعداد اخسرج ولا افكر بيها حتى بعدها سكتت اني وماحجيت ..واول ماجتي ميس كتله تاخرت يالله نروح عندي امتحان ..
بس بقى كلامه يرن بااذني وشفت ان هيثم انسان كلش راقي وحباب وكلامه متاكده منه صادق بي
فكلت شنو يمنع ان ارتبط ..احسن ماابقى افكر بشخص مايشوفني غير وحده طايشه

بيومها رجعت للبيت اني وغاليه ..اول مادخلنه الكراج الهوسه البي والله الباب الشارع باوعت على غاليه وحجيت
ولج هاي شنو هاي ليش هيج الكراج مهوس
غاليه ..مادري والله من طلعنه الصبح ماجان هيج دخلنه المطبخ مواعين مال الغدا والريوك لسه بي ومهوس يلعب نفس
استغفرت الله ودخلنه اثنينه غاليه بدلت وشمرت نفسه على سرير
واني طلعت اشوف امي ..دخلت للغرفه ولكيته خطيه مدنكه وتعزل وتنظف ..اجيت اركض كومتها وحجيت ..يمه بربج عندج
اربع  نسوان بالبيت واني تنظفين ليش

امي .. هلا حبيبتي اجيتوا ..عادي امي قابل راح يموتني شغل .. احسن اني اريد اتحرك ..روح حبيبتي تغدوا اليوم سويتلكم تمن وفاصوليا ..ادري تحبينها ..

رقيه ..يعني حتى طبخ انتي طابخه ..شنو سالفه وهذني شيسوا كل نهار

امي .. عوفيهن اصلا مخلصه من طلايبهن بس ينزلن يظلن يدورن مشاكل واني مالي قابليه للمشاكل ..

رقيه .. والله يمه انت طيبه وفقيره وحده غيرج تحير تسوي بيهن .. شنو بيت اهلهن هيج مكضياتها بس نوم واكل ..

امي .. روحي يمه ..الله كريم انشاءالله ..الله مايحوجنه البشر

رحت جبت المكناسه وصلت المسح ونظفت غرفة امي وكنسته وعزلته .. ورجعت رتبت ملابسها خطيه مهوسات ..
ورجعت حميت الاكل ورحت اندهه غاليه ..نايمه مااقبلت تكعد كالتلي اني اكعد واكل
كملت ورجعت .. لكيت المواعين مال الغدا كلهن مكومات .. استغفر الله يربي ..ماحجيت غسلتهن وعزلت المطبخ ..
وطلعت للبره كله نظفتها وغسلته
صارت الغروب واني اعزل ..
رجعت الغرفتي ..اخذت ملابس وطبيت سبحت وبدلت
وطلعت اقرا
لكيت غاليه كاعده تقرا
رقيه .. ماجعتي ..كومي احمي الاكل واكلي
غاليه ..ما اريد ..من اجوع اروح اكل
رقيه .. ترى مايصير هيج شوفي نفسج .. صاير بحالج وجهج ذبلان وعيونج داخلت بنكره .. وضعفانه كلش مايصير هشكل يااعيني ..
غاليه .. رقيه ..عوفيني والله مااشتهي ..لوجعت اني اكل ..
اخذت نفس وكمت من يمها ..ماشي مثل ماتريدين

بليل طلعت سويت عشاء .. وهن نزلن الخوانم يمشن وحده وراه الثانيه ..
ماحجيت ..اجتي لقاء ..كامت تكلي وياي ..وتسوي زلاطه
كملت وكعدت .. انتظرها تخلص
رجعت للغرفه وحجيت ..اذا كملتي حطيهن كلهن بصينيه وجيبيهن
عفت وطلعت وراها سمعت صوتها كالت تعالوا تعشوا كعدت بصف غاليه وكلت غاليه كومي ..
مااجتي وياي كالتلي مااشتهي .. كتله راح جيبلج لفه واجي
ادري بيها غاليه من تقرا تذب نفسها على الدراسه ..وبعد حتى الاكل تنسى ..وعذرتها دراستها هواي صعبه خاصه اول مرحله بعدهم جديدين
المهم ..رحت اريد اسوي لفه
اباوع مخلصات المواعين مامخليت بس الفضاله وراهن

رقيه .. شنو هاي ..ماشايفات اكلتن العشاء كله صدك جذب ماماكلات قبل ..
لقاء .. شسويلج يعني صار ساعه نصيح الجن ماتجن شنو نروح نجيبجن من اديجن ..بعدين كاعده تحسبين علينه لقمه همزين ماكعدين بيتج رقيه .. على كيفيج بس تردين تتعاركين ..بعدين وين كاعده غير بيتي وبيت اهلي ..وشي ثاني مو من الادب الواحد ياكل ومو كل افراد العائله على سفرة

لقاء .. شنهي نظل ليل كله ننتظر بعدين صحنه وماجيتن مشكلتجن هاي ..

امل .. على شنو كل هاي الهوسه روحي كلي بعد لو تتعاجزين

رقيه .. والله مادري شكول ..سويت بس لفه لغاليه و
عفتهن وطلعت رحت لامي لكيتها جاي تاكل وحدها خطيه حاطه روبه وزلاطه وتاكل حجيت ..يمه هاي شنو هذا التاكلي ..خلي اسويلج اكل
امي .. لا حبيبه ..ماريد اصلا موزين علي الاكل هذا خفيف ماايضايقني ..

رحت انطيت لفه الغاليه بلقوة اكلته مني ..ساعه اتحايل عليها عود اكلتها ..
ثاني يوم لكيت البيت صاير مزبله ..وطرمه مهوسه
باوعت لكيت اخوات لقاء يتعركن وحده تشمر على ثانيه غراض ومهوسات المكان
اني دخلت لكيت امها واخواتها صايره هوسه
غاليه كبل دخلت و سدت الباب عليه
اني رحت لامي لكيته شاده راسه ..وتون كتله شبيج يمه كالتلي شويه راسي وجعني من هذني من الصبح لسه مهوسات يمنه واني مامتعلمه على هوسه
صدك امي حتى اذا تروح مناسبه انطيها اكثر شي ساعتين وتمشي تكول راسي يموتني من الالم

بقن لليل مهوسات طبعا اجيت ادور غدا لكيتهن مامخليات شي وراهن ..لان اليوم هن طابخات البومات
باوعت عليهن من يمتى هاي المحبه
امل كاعده بنصهن .. وابنها شايلاته اخوات لقاء ويلعبن بي
وهي تحجي وياهن وتضحك ..
سلمت عليهن ..وردن من وراه خشمهن اني هم عفتهن ورجعت للغرفه
لليل جعت طلعت اسوي اكل .. جاي اكلي هم
كملت .. وحطيت كلشي على ميز صحت امي وغاليه
ماجتي غاليه امي اخذت لكمه وراحت ..
بقيت وحدي هم مااشتهيت اكل
سمعت صوتهن يحجن ويصحكن بيناتهن صايرات صديقات الله يستر منهن
احنه تطشرنه وبيتنه صار بس القهر والضوجه ومحد يحجي وياج ولا يجاوبج
رجعت لكيت هيثم دزلي مسجات ويكلي شقررتي شو غلستي عليه
ضحكت وحجيت بعدني افكر
رد ..بربج الي يسمعج يكول جاي تاخذين قرار حول مشكلة العراق والامم المتحده ..رحمه للحسين قرري بسرعه مو حتى ماظل صبر رديت ..اي غير قرار مصيري شلون الواحد غير يفكر زين
هيثم .. اي راح تخلص الامتحانات وانتي تفكرين .. واني صبر ما عندي كليلي شلون

رقيه ..اممم بس يصير عندي جواب اكلك لاتظل تلح علي وبعدين اتراجع وانسى الموضوع كله

هيثم ..لا وين بربج تحجين صدك .. لاعمي فكري براحتج اصبر ليش مااصبر قابل شوراي

رقيه .. يالله باي عندي امتحان
هيثم .. الله وياج سديت ورجعت اقرا

ثاني يوم الجمعه ..كعدت لكيت الهوسه كايمه كاعده
واخواته من الصبح هذني الصغار مهوسات بالبيت
كلت خلص والله يوم اني اعلمهن
طلعت وكمت اصيح
رقيه .. انتن شسون من الصبح ..ونوب مهوسات البيت الغراض مكسراتهن صغيرونات .. يالله كبل لبيتجن وتجي نوب والله اكسر رجليها ..
دلال .. يااا ..تطردينه من بيت عمي .. والله اكل لقاء عليج ..
رقيه .. والله خوفتني ..يالله انتي وهي امشن منا لقاء .. على كيفيج انتي باي حق طفيهن من البيت ترى هذا بيت رجلي والي حق بي اكثر منج

رقيه .. يا لله انتي وياهن ..بيت رجلها مصدك نفسج ..لج اذا لعبت براس زيدون حتى ياخذج ..باجر عكبه يكتشف شنو انتن وكتها شمرت الجلاب يشمرج ونعال برجله مايلبسج 

لقاء .. لا انتي صدك ماتستحين وعينج صلغه ونعال هذا تحطي بحلكج احسلج

رقيه .. انجبي لج ..واني اعرف شلون بعد طولين السانج خلي يجي شهاب الا خلي يعلج بالبنكه واني اعمله بكل سوالفج لقاء .. بسيط اني الج رقاوي ..تهدديني باجر اشوفج منو لقاء

طبعا تكررت هاي العركات هواي ..امل حق الله ماعدها هيج اسلوب وماتدخل بينه عازله نفسه ..بس هم مطابقته وتسانده ..ليش مادري شكد احاول افهم شنو جمعهن ماعرف
واجه شهاب من دوام والغريب ان شهاب متغير كلش ..لا يحجي ولايسوالف ويانه على طول غايب عن البيت
وبس يحجي ويه امي كلامين ويطلع ..
وهذني وخاصه لقاء اخذت راحته كلش ..
بس جنت اني وياها على طول متلاطخات ..زيدون فقير ما يدخل هي تشكيله ويجي يسالني احجيله سوالفه يكلي خلي تولي لا تظلين انت وياها ..طبعا هو من نوع الي مايهتم لا اي شي وكل الامور ياخذها بساطه
المهم بيوم الي اجيت من كليه جانت  امتحانات
والجو حار بيها
رجعت لكيت امي هم جاي تنظف هي ونوب مريضه
تخبلت وصعدت اركض
وكمت اصيح ..انتن شنو من بشرات ماجاي تسوا كلشي كل نهار نايمات ..وامي المراه الجبيره تخدم بيجن وتشتغل

طلعتلي امل وحجت .. اني شسويلها عمتي هي ماتقبل كلما اكلها تكلي روحي ديري بالج على ابنج ..شسويلها بعد

رقيه .. يعني بربج ..اذا بيتج وحدج وعندج جهال تخلي جايف ..وماتطبخين ..يعني الله ترى شافوا مو بالعين بالعقل

اجاني صوت لقاء تلعلع .. وانتي يمه شبيج صغيرونه ..ماتنظفن بالنسبه الي اسوي البيت والعشاء
وانتي ماتحسبين غيري لان ذيج صديقتج ترى هم جنه بهذا بيت حالها من حالنه .. لو بس تنام وتاكل كلشي ماكوا .. وانتي والله تحركتي شويه سويتها سالفه كل نهار انظف وراجن ..انتن الي مااتنظفن

رقيه .. والله جنه بس احنه البيت يلمع هسه كل نهار وسخ وهوسه من وراجن ..خوب اخواتج مامقصرات يجن بس يوسخن ويمشن

لقاء .. روحي انت نظفي اذا هيج نظيفه بس بالحجي استاد واخواتي ليش مقهور منه وجاي تموتين والله يجن وغصبن عن خشمج

رقيه .. بسيط لقاء يجي شهاب ..واني اعرف شنو اكله

نزلت مفرفحه .. وجنت انتظر شهاب يجي حتى اكله على سوالفهن بس هو يكدر يوكفهن عند حدهن .. بس صارت الوحده هو ماكوا ..كلت مو مشكله باجر مااطاير ..ثاني يوم كعدت من الصبح
لكيته مبدل وجاي ينزل كلت الحمد الله لحكت بي
رقيه .. شهاب ..صباح الخير
شهاب ..صباح نور ..شو كاعده من وكت اليوم مو جمعه

رقيه .. والله يخوي صارت شوفتك حصره علينه على طول خارج البيت .. اريد اكعد نحجي وياك ..انت حتى ماتعرف جاي نمر بي .. وجاي يصير بالبيت بغيابك ..

شهاب .. ادري والله ..بس غصب عني مشغول كلش ومااجاي الحك ..بس شنو الصاير ..صاير شي وما ادري اني ..رقيه .. صايره هواي اشياء ياخويه وعلى كولتهم غاب القط اللعب يافار ..
جاي يحجي ماحسيت غير لقاء طلعت من الغرفه وهي تتمشى وتباوعلي وتخزر بيه نظراتها ابد مو طبيعيه تحسين جواهن سم وحقد بكد الدنيا
سكتت اني وشهاب بقى يباوع على تجاهه ورجع حجه
شهاب .. احجي بوويه شصاير .
رقيه .. روح خوويه ..بعدين من ترجع اكلك بكلشي
شهاب .. زين ماشي هسه تاخرت على جماعه بس ارجع نحجي اريد افتهم شصاير هنااا ..
راح شهاب واني عفت ورجعت الغرفتي
بقينى انشتغل والتهينه .. لحد ظهر عمتي فاطمه عزمتنه على الغدا ومثل كل أسبوع رحنه اني وغاليه وامي
هناك كاعدين بقيت احجي عليهن وكتلهن ليش ماتمرن علينه بس احنه نجيكم
ورده ردت .. لا تزعلن خيه .. بس الحق كمت ماطيك بيتكم من اجني هذني بي خاصه لقاوي ..هاي بس دور مشاكل وحجي تودي وتجيب ..
رقيه .. اي والله حقج بهذا الحجي اني نفسي مخنوكه منهن
غصون ..عوفكم من هذا الحجي ..اريد اسالكم ..اكوا ..احم ..هو ..مهند ..هم اجه عليكم ..لو بعد مااجه ..من يوم العزيمه
رقيه ..اي ..وانتي شنو بمهند ست غصون ..هااا
غاليه ..هههههه عوفيها شكلها يضحك وهي منحرجه
غصون ..لا شبيكم لا تفهموني غلط ..والله بس ردت اعتذر منه عن تصرفاتي ويه جانت كله مو حلوة
احلام .. الله يسلمج و انت من شوكت تعتذرين عن شي كضيتي عمرج تلاسنين ما يوم سمعتج اعتذرتي لاحد
ورده .. لا عيني هذا دكتور هنودي لزم تعتذره ..والله ااي سني يووجعني اريد دكتور اسنان حليوة يعالجني ..
كلنه خربنه ضحك وغصون صارت تضرب بورده
غصون ..والله وانتم مله تعبانه حرام الواحد يحجي كلمه ..تنصبوا علي ..بعدين الولد متزوج يعني اعوف كل ولد الجامعه الحلوين كلهم ووو اباوع على واحد متزوج ..رقيه ..يعني زين تدرين

&&&&&&&&&&
غاليه
هاي فترة جانت عندي امتحانات وكلش مضغوطه بيهن ومامركزه بكل الي يصير بالبيت
وحتى شهاب مااشوفه كمت قليل لان طول الوكت حابسه نفسي واقرا
بس مع ذلك ابد ماخلصت منهن
كلما اطلع يذبن حجي يسمعني ..اني اتجاهلهن لان اعرف اظل ابقى السان وياهن ما صل نتيجه خاصه لقاء
وحده عرمه وبس دور مشاكل واذا تحجين كلمه تفرها عليج ..
اغلب الوكت مااشارك وياهم على الاكل ..رقاوي تجيبلي بعد مايخلصون لو لفه لو شي
المهم مره جنت بالمطبخ جاي ..اسوي جاي اشتهيت اكل جبن وجاي
وهن كامن يحجن
لقاء .. ديربالج خيه لا تحبلين مره ثانيه ..وابنج بعده صغير ..لزم تستخدمين شي ..
امل .. ماايقبل اخذ شي ..والله خايفه وكتله ترى علاوي صغير ومااريد بعد جهال ..بس صاح بيه شعليج انتي اني اريد اترس البيت جهال ..

لقاء .. هههههه اي حقه عمي اني هم زيدون يكلي اريد اترس البيت جهال ولا تفكرين اني اهتم بيهم وياج

امل .. اي هم يكولون هيج بس وكت صدك ..بس يبجي علاوي يدفرني يكلي كوميله ..ابد ماينطي من نفسه شهاب ..يجوز زيدون احسن يهتم بيهم صدك وياج

وكته احس دم كله صعد براسي ونقهرت بشكل ..طفيت الجاي وطلعت من المطبخ ..وكعدت على سرير وصرت ابجي ..مااكدر اتحمل كل هذا احس نفسي وياهن مااسوا شي ..بس اخذني وشمرني مثل اي وحده رخيصه بنظره ..يمكن اني رخصت نفسي ..
وكت كلش كرهت شهاب وحسيت حبي اله جان اكبر غلطه بحياتي سويتها ..

ثاني يوم جان سبت ..كعدت من وكت ..باوعت رقيه لسه نايمه ..كمت اول مانهضت اجتني دوخه قويه ..رجعت كعدت على سرير ..شويه يالله راحت
عاد كدرت اكوم اكف ..طلعت من غرفه وي طلعتي
صارت طلعت شهاب من حمام جان طالع بالشورت ماله
وجسمه وشعر ينكط مي ..
يمكن صارلي ب3 ايام او اكثر ماامتشوفين
بقى هو يباوع علي ..ماتحرك من مكانه ..اني عبرته وطلعت كبل ماحابه حتى اباوع بوجهه
اباوع البيت شلون صاير يربي .. كله مهوس والمطبخ يلعب نفس والله عيب الي يجينه فجاءه ويشوف بيت يصدك اكوا اربع نسوان بالبيت ..جنت اشوفه هيج كل وكت بس مااركز من وراه الامتحانات بس اليوم كلش ضجت ..دخلت خالتي من الحديقه وهي تحجي ودردم
خالتي ..ولج يمه شوفي الباره شحالها ..مخلياتها هوسه ..خطيه رقاوي البارحه نظفته واليوم نفس الهوسه
والله اجيت انظفها بس مابيه بعد بس شلت الطابوك شمرته بره ..نوب هذا طابوك مال بناء شيسوي جايبته الي بنص البيت ..والله هذني متقصدات هيج يسوا بالبيت كون الله لا يوفقهن ..

غاليه .. لا ديرين بال خاله ..اني بس اكمل ريوك اطلع اسويها تعالي انتي بيج حيل حبيبتي طبعا كعدت اسوي ريوك ..وانظف بالمطبخ وياي ..وهن نايمات ولا وحده كعدت منهن ..
نزلت رقيه ..وحجيت ..كملي واني راح اطلع انظف البره وانتي الجوا
رقيه ..اوك راح نظفه بس قسم بالله اذا لكيتهن مهوسات البيت لو البره نوب ..الا اسحلهن من شعرهن اثنينهن

خالتي .. ولج يمه حتى من احجي وكلهن نظفن الكي منظفات من وراه خشمهن وكل الهوسه مثل ماهي
رقيه .. دخلي اليوم انظف والكيهن موسخات المكان قسم بالله اسحلهن سحل ..
بهذا الحجي نزل شهاب ..وحجه شكوا شصاير خالتي .. مااتشوف البيت شلون صاير ..مااينظفن لو رقيه وغاليه ينظفن لو بيت شوفت عينك ..
شهاب .. بوويه ليش على راسهن ريشه ..ليش محد كالي بهاي سالفه ..خلي يكعدن كل وحده تسويله شغله لو بس كثر بلا فايده
خالتي .. خليهن اصلا مااريد تنظيفيهن ماينظفن زين ..يبقى الوسخ مثل ماهو ..خلي رقيه وغاليه ينظفن بس كون ماايوسخن هن ونوب لقاء ملفيتلي كل اخواتها ومايخلن شي بالبيت
شهاب .. عوفيهن اني اعلمهن ..وانتي ارتاحي ممنوع تشيلين ولا تنظفين شي ..ويصير خير

بعدها عفت وكمت انظف البره واعزل ..ورقيه بالجوا ..رتبت الحديقه كلها وكملتها ..وطرمه هم غسلت وكملت ونشفته ..
جاي انشف واجتي لقاء وحجت ..انطيني انشف بدالج
حجيت ..لا كملت ماايحتاج
لقاء ..اوك ..بس ترى الماطور راح يحترك طفي
رحت اطفي الماطور ..ورجعت امشي على كيفي
مااحسيت غير شي زحلق رجلي وراحت كلي على حافة الحديقه ..ومن حظي جانت البلوعه مفتوحه فنحشرت رجلي بيها والتويت كلي وكعت على الحوض مالي وكمت اصيح من الالم حسيت رجلي وحوضي خلص انكسر ..حسيت نار تطلع من رجلي وكمت اصيح وعيط اجتي رقيه تركض .. 
رقيه ..غاليه شبيج ..شصار
مااجوابها بس اصيح ..رجلي ..الحكيني رقيه ..راحت رجلي ..ولج يمه ..
اجتي تركض وهي تصيح ولج بس لا انكسرتي
على صوتنه طلعت خالتي .. وشهاب ولقاء وامل كلها
صاحت خالتي شكوا يمه
رقيه .. ولج يمه ..الحكي غاليه يمكن انكسرت ..
جنت اتالم ..وحاول اكتم االمي .. احس روحي راحت وجلبت برقيه واني احاول اسيطر على نفسي ..
بس مااحسيت غير ركضت شهاب بتجاهي
وهو يشيلني من الكاع بسرعه .. ودخلني جو ..وهو يحجي ..غاليه ..شنو بيج صار ..شتحسين
جان شايلني ونزلني للكاع وهو مخليني بحظنه ..ويكلب بيه
بس اني جنت اتالم .. واحس جسمي كام يرجف ..
بس صرخت .. رجلي ..راحت الحكني
كام يصيح .. وكله رقيه اركضي جيبي عبايته خلي اخذها للمستشفى ..
ركضت رقيه .. واني كل دقيقه احس سنه من الالم .. فجنت مجلبه بدشداشه وعصر بيدي من المي
وهو حظني بخوف ويحجي ..لا تخافين غاليه ..تحملي شويه بس لا تخافين هسه نروح للمستشفى
اجتي رقيه تركض لبستني الصايه ولفة الشال شلون ماجان .. وخالتي لبست عباتها وشحطتها وصاحت يالله يمه
جنت فاقده ابد مويهم بس ابجي وتلوى اريد اخلص من المي ..
اجه شهاب رفعني بسرعه وحطني بالسيارة وخالتي بصفي ..
ماجنت اركز من الالم شنو يصير لو شنو يحجوا وياي ..
مااوصلت ودخلت المستشفى الا اني ميته
الالم فضيع وحس رجلي صارت  شكبرها وتوجعني
دخلوني اول بدايه شافني الطبيب جنت مااركز
شنو  يصير كلشي عندي مثل الكابوس .. وكل وكت شهاب
شايلني ونوبات من احس بالم اضربه لو احجي مادري بنفسي بعدين من وعيت تذكرت شسويت
جانوا يحاولوا ياخذولي اشعه وشالي فالت شويه شعري طالع ..
وهو عايف كلشي وكعد يالبسني بشال زين 
وكتها جنت تالم وفاير دمي وهذولا كاعدين ياخذولي اشعه  ..وهو حاير بالشال ..
اول مااصار بصفي ..ولزمني عود سحب الشال يسوي
زين. ..كمت اضرب بي على صدره بوكسات
واني احجي بصوت .. هو هسه هذا وكته  ... وكته ..واخر مني ..
مااحجه شي بس لزم اديني .. وحاول يسد حلكي
ويحجي بااذني .. اشش ..كاافي فضحتينه
وخرت ايده وحجت ..ولك ..جااي اتالم انت مااتحس ..شبيك مااتحس انشاء الله تنكسر رجلك وتحس بالي احس بي ..
واشكال الخرابيط ..

بس مارد علي ..وصاح عليهم ..انطوها مسكن شي ..كاافي خلي اشوف الدكتور وين ..
بعدها اسمع يخابر ما ادري بمنو ..
بس اجو جابولي سديه حطوني بيها ..
واول مادخلوني ضربوني ابره ..هم اصلا اول ما دخلت ضربوني ونوب هم ..اشتغلن كلهن  وكتها فقدت
مااحسيت غير بليل
باوعت جنت نايمه بغرفه بالمستشفى وحطيلي مغذي بيدي ..
بس شنو رجلي ابد مااحس بيها .. ولا بيها اي حركه
بسرعه اجه بالي ان كطعوا رجلي .. هيج فكرت
كمزت احاول اباوع موجوده رجلي لو لا ..
مااحسيت غير شهاب لزمني ..
شهاب .. على كيفج بوويه ..لا تنهضين ابقي مكانج
مااهتميت وبقيت اريد انهض وهو لزمني يمعنني
صحت بي واني مجلبه بدشداشته من صدره
غاليه .. رجلي ..ليش مااحس بيها ..وين راحت قطعوهااا لو شنو ..ليش مااحس بيها ..شهاب .. بوويه شسالف مو ذيج وينها ..كلشي مابيها ..
لا تخافين هي شويه رضوخ مااكوا شي ..

ماامنت بحجيه ..وحسيت يحجي يطمني بس ماعرف ليش وكتها فصلت ان رجلي مكطومه
غاليه .. وخر عني ..اريد اشوف ..ليش مااكوا ماكدر احركها ..
شهاب .. اكفي خليني ارفعج ..وانتي تشوفيها ..
لزمني من خصري ..ورفعني مرجعني ليوراه بحيث صار ضهري للحايط وتحرك عدل رجلي
باوعت ملفوفه وصايره شكبرها بس الحمدلله موجوده
شويه ارتاح كلبي ..
شهاب .. هاا اطمنتي .. ترى ماتحسين بسبب المخدر الي اخذتي حتى مااتحسين بالم ..
غاليه .. خالتي وين لعد
شهاب .. نايمه بصفج ..
غاليه .. ليش بيش الساعه هسه .. من شوكت نايمه اني
شهاب .. الساعه ب3 وصارلج بالعشر ساعات فاقدة
غاليه .. يااا ..مااحسيت بس شنو رجلي مكسور لو شنو
شهاب .. اي بس كسر بسيط .. كم يوم يطيب ..بس جوعانه اجيبلج شي تاكلي
جنت كلش جوعانه .. بس ماجنت حابه اطلب شي منه خاصه هو واكف كل الوكت فوك راسي ماريد اميل علي اكثر
غاليه .. لا مااجوعانه
شهاب .. بوويه لا تكابرين انتي مريضه وتحتاجين تتغذين بعدين شصار شلون وكعتي هيج
مااجوبته ..بس هو تحرك جاب الي اكل وعصير
مااحجيت اخذته وكمت اكل ..وهو بقى كاعد كبالي  على سرير النايم بي خالتي ..
شويه ونمت بلا ماحس
بس حسيت بي رجعني لمكاني وغطاني ..اني ماكدر احرك عيوني ..بسرعه غفيت
حسيت الصبح على صوت خالتي تحجي ويه شهاب
وتكله ..يمه بقيت كل ليل كاعد ..تعال نام شويه اني شبعت نوم وكاعده يمها
شهاب .. لا يمه مانعسان ..لاتشيلين هم متعود على الخفارات وابقى كاعد الثاني يوم ..
حجيت بس شنو احس الساني ثقيل والكلمات بالكوة تطلع ..صحت خاااله ..
هي اجتي تركض .. وحجت هاا حبيبتي ..شلونج يمه شلون صرتي
غاليه .. الحمد الله احسن
شهاب .. لحظه ..لاتتحركين
جنت اريد كوم بس صوت وكفني ..واجه هو ساعدني
بقيت 3 ايام بالمستشفى ..جنت مااواعيه كلش للجاي يصير على طول نعسانه ودماغي مو بوعيه بحيث ماتذكر شنو يصير
بس انام وكعد اشوف ناس يمي مره عماتي مره رقيه ومهند ومره بيت عمي ..
ما ادري شوكت يجوا وشوكت يرحوا ..بس ادري ان شهاب مافركني ولا دقيقه طول الوكت واكف يم راسي
وكلشي احتاج يسوي ..
طلعنه ثالث يوم للبيت كلش نفسي لعبت من المستشفى
طبعا فات علي امتحان ..ورغم اخذولي اجازه طبيه بس ضجت وونقهرت
وبدوا كل شويه احد يجي لان صايرين ناس بصف ناس .. وكلها سمعت من واحد للثاني
اغلب الوكت ماانتبهه لليجي .. لان نفسيتي صفر فوك كل الظيم والقهر .. نوب انكسر واكعد بالمستشفى
كلها تسالني شلون وكعتي كتلهم ..مادري اني اصلا نشفت الطرمه من المي ..والبلوعه متاكده منها مسدوده ..بس من طفيت الماطور وجعت اريد ارش الحديقه بس زلكت رجلي وراحت كبل على بلوعه ..وكعتي كلها صارت عليها

رقيه كعدت بصفي وحجت ..تدرين لكيت بالمكان مكان دهن مو مي وانتي زلكتي بي ..يعني واحد متقصد يذب دهن حتى توكعين بي
غاليه .. شلون دهن يعني ..اني اصلا نظفت المكان كله ..بعدين منو يفكر يااذيني هيج ..وليش شيستفاد
رقيه .. مادري بس بعدين تبين

المهم من خلصت العالم .. وبقينه وحدنه
ضجت من كعدت السرير كلش .. وسمعت صوت خالتي بالستقبال ..ويمها امل ولقاء ..
ردت اروح لهناك لان مليت كاعده نفس المكان ..خالتي كاعد تابع مسلسل وهن اسمع حجيهن
كمت على كيفي .. واني اتوجه على حايط .. وتحركت على كيفي ..وشويه شويه وصلت للصاله اريد ادخل وسمعت صوت لقاء تحجي
لقاء .. اذا هيج .. ماعندج غير حل الي حجيت الج
دخلت وهن سكتن اثنينهن ويباوعلي
مااهتميت واستمريت بمحاولة الوصول يم خالتي
خالتي حجت واجتي علي ..ليش يمه كمتي من فراشج ..مو مية مرة الدكتور كال لا تتحركين ..ليش يمه تحركتي تردين شي بس احجي اني اجيبه يمج
جانن يباوعن علي ويخزني ماعجبهن حجي خالتي وخوفها علي ..
غاليه .. لا خاله ..اني اريد اجي يمج لان والله مليت من كثر ماكاعده على سرير ..
ماحسيت الا صوت شهاب وهو يحجي
شهاب .. مو جاي نلعب احن ..بوويه ليش تعاندين وتكومين من مكانج ..
مااحسيت غير اجه وشالني ..بقيت جامده بمكاني وخجلت يعني قبل سواها بس جنت مضروبه مااهتميت كلش ..بس هسه كدام الكل ..وخاصه هذني الاثنين الي يردن ياكلني بعيونهن
بقيت ماخذ ولاانطي ..وهو تحرك بيه صعدني الدرج رجعني للغرفه ويحجي ..ممنوع تتحركين من مكانج هذا ..تردين شي كولي انه اجيب يمج انت ماتتحركين ..
حطني بسرير ..وكعد بصفي ..وصار يبعد خصل شعري من وجهي ..ويتلمس بخدودي ويحجي .. بصوت هادي تدرين بيه ..شكد خفت عليج ..بحياتي ماخايف هيج بربج لا تسوين هيج بيه والله بعد مابيه اتحمل اكثر ..

مارديت علي بس دفعت ايده عني ..وكعدت وسحبت كتابي اباوع علي حتى اتجاهله ..
ماحجه بعد .. بس وراه دقايق تحرك كام من يمي
بعدها ..اجه وجابلي اكل جان شاويلي جبده جايبها ويه من جاي
وحجه ..اكلي هاج ..الطبيب كال عندج نقص دم ..والتغذيه سيئه مالتج ..ليش هيج اكلي هاي تفيدج

رديت .. ما اريد ..واني هيج تمام
شهاب .. غاليه كافي تعاندين ..مااجاي اطلب شي الي علمودج حتى تصيرين زينه وتنهضين من سرير بسرعه ..

غاليه .. بس عوفني لوحدي ..اني اصير زينه ونهض وكلشي ..بس بطل تهتم بيه لان مااريد منك اي شي

شهاب .. استغفر الله ..يعني هسه بشنو غلطت وياج ..مو انتي الي اخذتي مانع من وراي وجاي اتجاوز الصار ..وانت الي مااكاعد تتقبلين وجودي يمج كليلي شنو السبب فهميني بس لا تكعدين تتصرفين وياي بهل طريقه هاي ..

غاليه .. لا تسوي نفسك بريئ خوش واني بس الغلط ..وانت كل تصرفاتك غلط بغلط ..مليت واني احاول احط اعذار بس للصبر حدود وياك خلص كل صبري مااريد اي شي منك غير بس تخلصني منك وتتركني بحالي ..طلكني يااخي وخلصني وخلص نفسك ..

شهاب ..وانت ماعندج بس كلمة طلكني ..احجي شي عدل انه ماكول ماغلطت اي غلطت وهواي بس من يوم ما تزوجت وصرتي مرتي فعلا وانه احاول اكون وياج مثل ماتردين سويت كل الي اكدر علي حتى خليج وياي مرتاحه كليلي شنو غيرج مو جنت اعوج وانتي متحمله كل اسلوبي من بدية اتغير الخاطرج تتركيني وماعاجبج تكملين وياي ..

غاليه .. شنو هو تغيرت وياي وانت ماصار شهر متزوجين لكيتك بغرفة امل ..كاعد تخوني ومن اسالك تجذب وتكول ما عندي علاقه بيها ..واني شفتك بعيوني يمها ومو مره وحده اكثر من مره ..اذا تريدها هيج ليش متمسك بيه اني روح يمها وتركني اني هم حره بحياتي مااريد واحد عنده اكثر من وحده بحياته ..

وكتها شفت كلش غضب وصك سنونه ..وحجه ..انتي كل عقلج تحجين ..ولج ياامل هاي الي اروح يمها انه ماتقبلته بحياتي وانت ماموجودها بيها من انتي صرت بحياتي اروحلها ..يعني عقلج ماتشغلي ماتفكرين ...

غاليه .. لا تغلط بيه ..واني شفتك بعيني نايم يمها بالغرفه وهي طلعت وجانت لابسه ملابس نوم وتقصدت تشوفيني ان انت يمها ..واكثر من مره الكيك رايح يمها بالغرفه ..شنو تلعب وياها ختيلان بالغرفه  مثلا

شهاب ..يعني ماعندج ثقه بكلامي مااشي
طلع برا الغرفه وصاح بصوت عالي ..امل اااامل تعالي هناا اني بقيت باوع علي ومتفاجئه هذا شراح يسوي
اجتي هي ..صاح طبي جوا
اجتي وقفت كدامي وحجت ..هااا شنو
شهاب .. انه ليش دخلت عندج بالغرفه اول مره بيوم غفيت وماحسيت قبل ولادتج ..احجي

امل ارتبكت كلش ووجهه صفر باوعت على شهاب وحجت .. جنت تعبانه ..وكلتلك عندي الم بطني وبقيت اتلوا من الالم لحد ما انت نمت بدون ما تدري

شهاب .. بيومها جنتي لبسه ولج ..وبعدها ليش جنت ادخل يمج للغرفه احجي امل .. هااا ..عادي جنت لابسه ملابسي العاديه ..وجنت تدخل لان اني جنت دك عليك مره صلحت بيها بوري الحمام لان انكسر وكام يفض علينه ..ومره هم تمرضت وانت بقيت كاعد يمي

شهاب .. غيرها صار بيني وبنج شي ..احجي
امل ..لا ..مااصار
شهاب ..يالله روحي مناا
تحركت هي وتباوعلي تخزر بيه ..واني بقيت صافنه معقولة كل وكت جانت تلعب بيه وتجذب هيج ..اجاني صوت شهاب
شهاب .. ترى لو اريد اروح لامل ..مااكعد اظم عليج ولا على احد ترى لا حرام ولا عيب هي هم مرتي  ..واكدر مااجيبها كدامج واحجي بس انه بس ردت تتاكدين ان عقلج كلش صغير ..وجان تكدرين تسالين بشكل مباشر وانه جانت وكتها جاوبتج ..بدل ماتصرفين من كيفج وتروحين تاخذين مانع ..

وكتها ماعرفت شنو احجي بس رديت علي بسرعه
غاليه ..حتى لو جنت صدك ما عندك علاقه باامل ..اني هم ما اريد ابقى وياك تصرفاتك كله مااتعجبني ..

مااحسيت غير تحرك من مكانه واجه علي ..واني رجلي ماكدر اتحرك مكاني ..فبتعدت بس جسمي عنه
هو اجه نام بصفي على سرير ..منتجي ظهره على حايط
شهاب .. هاا هسه صرت ماعجبج بالله ليش
مااجوبته حاولت اخلي مسافه بينه ..
شهاب .. بس تدرين عادي حتى لو مااعجبج ..اني عاجبني وراح اعوفج مؤقت ..لحد مااتحسين تردين ترجعين الي بنفسج مااشي

التفت اباوع علي واني فاتحه عيوني على كلامه ..
شهاب ..لا تباوعين هيج ..ترى اخذج غصب عنج جاي ادوس على نفسي وتحمل لحد ماانتي تجين لحالج

غاليه ..لا والله بعد ..تحلم اصلا ارجع وياك رحت للطارف مال سرير ..وغطيت نفسي وسويت روحي اريد انام ..
مااحسيت غير مد راسه وحجه بااذني ..خلي نشوف ترجعين لو لا ..
بعدها كاام راح من يمي وسد الباب وراه
نهضت واني ادفع الغطاء عني ..اصلا ماايجيني نوم بعد

&&&&&&&&
شهاب
بهاي الفترة صارت بيه هواي اشياء خلتني مشغول عن اهلي والبيت
و منها.. تعرضي لخسارة .. بسب عداوت ناس ماعرفهم حتى
دخلوا وحركوا واحد من المخزن بي محاصيل وبضاعة مال عالم .. جانت شغله متقصدين بيها خراب بيتي ..
والمشكله ان انه مستلم فلوس دفعات اوليه عن هاي البضاعات الي حتركت وتلفت
عقل مابقى براسي .. وتدوهنت بهل الطلايب نوب وراي ناس لزم انطيهم رواتبهم كل شهر وحصص مال الكل لزم توصلهم كل شهر بدون نقص ..
وهل شي خلاني بحير وقلق بحيث بالبيت ماجنت موجود 24 ساعه افتر هنا وهنا
ماجنت ادري شصير مايصير بي ..بالي كله شلون نطلع من هل الورطه ..
كلنه نخبصنه علي واني وجهاد والباقين كلهم
لحد كدرنه ان انسدد افلوس البضاعه الحتركت والحمدالله ..هواي عدنه ناس وكفت ويانه حتى بدون مااحنه نطلب ..وكل اليسمع يجي من كيفه يتبرع طبعا لان احنه هم جان خيرنه على عالم مانخلي محتاج مانفك حاجته. و الحمد الله الخير يرجع لصاحبه
واحنه نكدر نتجاوز الازمه ونحلها بس محتاجين وكت وبمساعدة هاي الوادم نحلت وكدرت ارتاح اني وابو حسين ..
طبعا امي بقت تحوس ورانه كلبها علمها. ..
وبقت تستفسر مااحبيت احد من البيت يعرف
ماريدهم يشلون الهم ويانه يكفي احنه .. قابل شسوا بس يظلوا مهمومين ..بس امي بقت ورانه لحد ما عرفت
خطيه كلش انقهرت وانه ماردت اكله حتى مااضوج
بعدهاا ..
..تعرضت غاليه لحادث ..ونكسرت رجلها ..بس الحمدلله جان كسر بسيط بالكاحل
بس احس كلبي نمرد عليها خاص من كامت تتالم ..بحياتي ماخفت على احد بكد خوفي عليها
ولا انتفضت من شي يصير بااي احد غيرها هي ..
بس الي مضوجني ومكرهني بالعيش تصرفاته وياي
وعلى طول تختار تبتعد عني ..
وهل شي صعب علي بس متحمله لان مااريدها تكرهني
من وحاولت افهم سبب هذا بعد ..وكلتلي امل كلش ضجت ..تدري كل زين مااعندي اي تقبل لامل ..من يومي واني رافضها وهي تدري كل زين
وحتى لو ردت اسوي شي ..ماراح اظمه عنها ..بس قسم بالله من يوم مااغاليه دخلت كلبي واني كلشي
بيه تغير وشكد حاولت اوصللها هل مشاعر
بس انه من نوع الي ماعرف اعبر عن مشاعري والي بداخلي ..ودائما استخدم الخشونه والقسوه بالتعامل لان متعلم عليها ..
بس وياهه كلشي تغير وشكد عاندت نفسي وحاربت روحي
وبقيت اتجنبها ..حتى مااحبها
بس صارت وحبيته وصرت احسها الهواء الي اتنفسه ومن يومها واني شخص ثاني وتصرفاتي كلها غيرتها الخاطرها ..

المهم اجيت العصر رجعت للبيت ولكيت امي بالاستقبال
سلمت ..وصعدت سبحت وبدلت
اجيت اريد ادخل اشوف غاليه ..بس قبل ماواصل للغرفه
سمعت صوته هي واحد يمها
دخلت لكيت مرتضى كاعد على كرسي بصفها وهي نايم وظهرها على حايط وتكتب بالدفتر الي بيدها ..وهو يحجي يمها
مرتضى ..غاليه ..شوفي بربج بطوطه مو جنه دكتور حميد حتى عنده نفس قميصه ههههههههغاليه ..هههههه ..بس كافي جاي تساعدني بالدراسه لو تصنف
مرتضى .. هاي وهاي ..غير اطلعج من جوا الكابه الي صامطه امي بي من اجيت لسه

غاليه .. هههههه اني هاي ..شكرا صرت كئيبه هسه
مرتضى .. العفوو ..والله دومج هيج
غاليه .. خلص خليني اكتب احسن
مرتضى ..ترى صار ساعه بصفحه كاعد تخطين بخطج وتكتبين مرتب ترى محد يشوفه ..اكلج جيبي اخرطهن الج بدقايق
اخذ قلمها من ايدها ..وكلها جيبي الدفتر ..وهي تحجي رجعلي القلم مرتضى ..اني اكتب واني اباوع احس نار مشتعله بداخلي ..واجيت اتدخل اكسرهم اثنينهم ..
دخلت واني اخزر بيهم وحجيت ..شكواا شصاير هناا
مرتضى .. هلا شيخ ..شلونك شخبارك
شهاب ..هلا ..شسوي هناا
مرتضى . ..اجيت حتى اقري غاليه ..الامتحان مال باجر .. اساعدها تفهم الماده الي عدها صعوبه بيها ..

شهاب ..خير انشاء الله ..لعد امي وين
مرتضى ..عمتي هنااك كاعده
غاليه ولا كان ماهتمت حجت ..مرتضى انطيني القلم
اخذته وكعدت تكتب ولا كنما ..
بس اني مشتعل نار ..والمصيبه ماكدر احجي وياهاا عفتهم واني اغلي رحت لامي وحجت
شهاب ..يمه شسوي مرتضى بغرفه غاليه
امي .. يمه على كيفك لا يسمع الولد .. اجه يطمن عليها  واني جلبت بي يبقى يعلمها على شي الي مافهمته تدري خطيه مالحكت تقرا زين هذني اليومين اهم شي عندي دراستها ..وماريد كعدت بالبيت تاثر عليها ..
شهاب .. امنت بالله اجه يعلمها ..يكعدوا باره بالصاله وانتي تكعدين يمهم ..مال يكعدون بالغرفه وحدهم هاي شلون ترضين بيها ..يعني تردين هسه اطب وسويها كربلاء عليهم . ..لو تدخلين تكعدين يمهم

امي .. على كيفك يمه ..عيب من الولد يسمع

شهاب .. روحي يمه ترى واصله لخشمي
امي .. كايمه ..هاا اها
رحت امي كعدت يمهم واني بعدني على شوطتي احس نار بداخلي وما اكدر اتحمل ..
مرتضى مااطول دقايق وسلم علي وطلع ..
ويمكن حس بيه ضايج من وجودة بس مااهتميت
دخلت عليها واني عصبي
شهاب. . غاليه لا تلعبين بعصابي ..ترى تحملت هو اي لا طلعيني من طوري ما اريد ارجع لخبالاتي

غاليه .. ماايهمني ترى سوي اليتسوي ..بالنسبه الي مااسويت شي غلط

قبضت ايدي وطلعت من يمها ..واني روحي طافره
خابرت جهاد وكتله ..تعال نروح للصيد
شويه واجاني ..اخذنه اسلحتنه ورحنه على منطقه بعيده على حدود وكعدن نصيد كل الي نكدره
جهاد ... شكلك اليوم معصب كلشي ..شصاير من خسرنه كل ذيج الخساير ماشفتك ضايج هيج

شهاب .. ماادري شسوي ويها حرت شلون اتعامل ليش كاعده تحرك باعصابي باافعال جاي تستمر تضغط علي .. واني ماعندي بعد لا طاقه ولا صبر ..شهاب .. حقها ..ترى شافته منك مو شويه ..

شهاب .. مو بيدي كل صار وياي انه جنت اتسخدم عقلي بدل عواطفي ..دائما اختار لغه العقل واكوا هيج افضل حل ..بس من جهه ثانيه جنت اخلي غيري يتحمل مسؤوليه اختياري بدون مادري اني الي يجي يوم وتاذى وشرب من  نفس الكاس  ..

جهاد ..اكلك صارت ضلمه خلي نرجع للسيارة ونرجع المكان خطر هيج وكت واحنه لحالنه بهاي الجوله

شهاب .. ماعادت الروح عزيزه .. الي يكتلني يريحني من هل عذاب
جهاد ..دمشي انه يعمي تهمني روحي
صعدن بالسيارة وجهاد حجه
جهاد .. اذا هيج مشلوع كلبك وتحسه ماتريدك ..خلص صفي وضعك طلك غاليه وخلها تروح بحال سبيلها كافي الصار  ..

شهاب .. مااكدر ..لو اكدر جاا ليش كاعد اتعذب كل الوكت .. كلشي ولا اترك غاليه ..احسها نفسي لو فكرت اتركها كنما اكطع الهواء واموت ..

جهاد .. تحبها كل هاي ..ولسه مااكلتله جاي تسوي بنفسك يخوي ترى هل شي ماراح يضعفك ولا ينزل منك بالعكس راح يطمنها ويخليها تتمسك بيك لو تشوف كل نسوان الدنيا حولك بس يااخي انت جاي تعذب نفسك وتعذبها وياك ..

رديت .. يالله امشينه تاخر الوكت
رجعنه للبيت اول مادخلت ..لكيت رقيه تعزل بالمطبخ وتحجي
شهاب ..سلام شبيج
رقيه ..هلو ..مابيه بس تعبانه والله مابيه حيل شغل ونوب عندي امتحان الصبح
شهاب .. صدك ذكرتيني
وقفت بالصاله وصحت ..اااامل ..لقققاء ..تعالن هناا
طلعت لقاء وطلع زيدون وياها
وحجه ..خير خويه شصاير
نزلت الثاني وحجت ..هااا
شهاب .. من اليوم كل وحده تلزم شغله بالبيت ..وامي ممنوع اسمع بيها حاطه ايدها على اي حاجه ..والي مايعجبها ذاك الباب يفوت جمل ..سمعتنه لو عيد
صحت امي ..طلعت من غرفه وهي تباوع علينه
امي ..هااا يمه شنو
شهاب .. من اليوم ..تقسمين الشغل على امل ولقاء ..غاليه ورقيه الا يخلصن امتحانات يالله تنطيهن شغل ..وانتي ممنوع عليج تحطين ايدج بااي شي
وخلي اجي نوب ودخل البيت والكه هوسه لو وسخ قبل الباب الشارع هي وغراضها ..ففهمتن لوعيد

امل حجت ..اي عادي
لقاء بقت تباوع على زيدون ..عود تريده يحجي حجيت ..زيدون انت عندك اعتراض على كلامي
زيدون ..لا خويه ..الي تشوفه صح سوي
عافني ودخل جوا ..
اني هم عفتهن ورحت على رقيه للمطبخ
شهاب ..رقيه غاليه تعشت لو لا
رقيه .. اكلة لقمه وحده ..وتوسلت بيها مااكملت كالت من جوع اني اكلج
شهاب .. راح تخبلين هاي الغاليه ..مسويه عقوبه على نفسه ليش ما تاكل
رقيه .. اي والله نوب هي بلا شي دوخ من تقف كل مره الاحظها ..نوب مريضه خاف يصير بيها شي
شهاب .. بسيطه اني اعرف شلون اخليها تاكل .. بس رقاوي عوفي كلشي وطلعي جبده كطعيها علما ابدل وانزل اشويها
رقيه .. مااشي
صعدت اول شي دكيت الباب عليها
ودخلت لكيتها كاعده تقرا ..
شهاب .. شلون صرتي هسه
غاليه .. الحمد الله
شهاب .. باجر بيش ساعه امتحانج
غاليه .. الصبح بثمانيه ونص
شهاب .. انه اخذج ورجعج عود بلغي الخط يروحوا
غاليه .. ليش اني اكدر اروح بالخط ..و
شهاب .. بلا حجي زايد هي كلمه وكلتها ..
عفت وطلعت سبحت ..وبدلت ونزلت
لكيت رقاوي جاي تشوي .. اخذتهن من ايدها وحجت
شهاب ..انطيني اني اكمل روحي انتي كملي اقرايتج ونامي من وكت ..وعود بلغي الخط لا ينتظرون غاليه انه اخذها ورجعها
رقيه .. هااا ..مااشي مثل مااتحب
كملت الاكل وصعدت بي دخلت عليها وحجيت
شهاب .. يالله حتى تاكلين ..بعدين كملي اقرايه
غاليه .. ما اريد مااشتهي اصلا اكلت منو كلك جوعانه
شهاب .. الظاهر مايفيد الحجي
تقربت منها ..هي خافت مني وحجت ..شنو شتريد
مااهتميت ..كعدت بصفها وسحبتها بحظني
ولان رجلها مكسورها ماتكدر تسوي شي..بس حطت ايدها على صدري ..تدفعني وتحجي ..شنو جاي تسووي شهاب
جبت الماعون ..وحجيت ..يالله افتحي حلكيج بسرعه
غاليه .. مااريد
مااسمعت وحطيت اللقمه بحلكها ..وكعدت تاكل وتباوعلي
وانه بقيت ادفع لكمه وره الثانيه
اكلت اتلاثه ..ولزمت ايدي ..وحجت ..بس خلص ما اريد بعد
شهاب .. اهوو ..لا تعبين نفسج الماعون كله يخلص يالله كوم من يمج
غاليه .. لا ..مااكدر خلص كوم من يمي
جانت لزمه ايدي تمنعني احط شي بحلكها
تقربت منها وحجيت ..تاكلين من ايدي لو من حلكي بكيفج ..اني مستعد بكل الحالات

غاليه .. يع ..من حلكك شنو

شهاب .. اي خلص اكلي ..لان اليوم تخلصي كله الماعون ..

............يتبع
🦋🦋..................................🦋🦋
اسف اخرتكم بس صوج الكاتبه
اتفاعلو فديتكم

#جبروت_الشيخ_وقلبي🔞 

  #البارت28
متابعه طيبه
الكاتبه بنين الطائي ❤🦋.....
............................

غاليه
كعدت الصبح وباوعت الساعه بالسته
كمت ..وكعدت رقيه وطلعت للحمام ..طبعا خالتي جابتلي عكازه اتوجه بيها من اريد اتحرك حتى مااضغط على رجلي لان بعدها ماطابت
غسلت ..وبدلت ورقيه بدلت ..وحجت
رقيه ..غاليه شهاب كال اني اوصلها باجر ..كاعد لو خاف بعده نايم اروح اكعده
لزمته من يدها ..لا عوفي مااريده يوصلني ..اني اروح وياكم
رقيه .. خاف يكوم يحجي وانتي تعرفي اكثر مني
غاليه .. عود اكله نسيت اي شي المهم امشي نروح

جاي نحجي ودك مرتضى على رقيه
رقيه .. يا لله لعد الجماعه جاي يرمشون علينه ..خلي اساعدج
غاليه ..مااشي
جاي اطلع من الغرفه .. طلع شهاب جان مبدل ولابس ملابسه العسكريه
شهاب ..صباح الخير ..خلصتي لو بعدج
رقيه ..صباح الخير ..يالله لعد اني نازله للخط غاليه
بقيت اباوع على رقيه نزلت بسرعه وعافتني ويه ..مااكوا فايده بعد
شهاب .. هااا تبقين صافنه لو نروح
غاليه .. لا نروح ..بس اجيب جنطتي لحظه جبته ورجعت
اجيت اتحرك على كيفي اريد انزل ..مااحسيت غير شالني من الكاع ونزل بيه
هو يحجي ..راح تبقين هيج سنه مانوصل
مادري ماعترضت ..لان تعبانه وحسيت مرتاحه هيج
نزلني يم باب السيارة ..وفتح الي صعدت كعدت ..وانتظرت يصعده
كل وكتي بالسيارة خلصت اراجع الماده وهو يسوق بلا مايحجي ..
بالجامعه مجرد مااشفوا فتحوله الباب ودخل بداخل الجامعه
ركن السيارة بالكراج مال الكليه مالتي ..يعني مااكوا مسافه قليله بقت
فتحت الباب ..ونزلت
مااحسيت غير اجه يمي نزلني ..عفت الملزمه وجنطه بسيارته ..ما الي خلك شي اشيله اصلا
هو سد الباب مال سيارة واجه علي
اني حجيت بصوت تصورته راح يشيلني هناا هم فعطت بي ....شنوو ..شتريد
شهاب .. ياستار شبيج اساعدج توصلين

تقرب علي واني احجي ..اني اكدر امشي وحدي ..بس انطيني فرصه اتحرك

شهاب .. انت لسه ماطبتي فلا تعترضين على شي
اخذ ايدي عبرها على ركبته ..ولزمني من خصري يمشيني
طبعا خجلت ..ومااكدرت امشي ويه هيج
بس غصبن عني مشاني ..والاكثر متت خجل من وصلنه
يم القسم مالنه وطلابنه كلهم واقفين
وصاروا يباوعون بتجاهنه ..وصلني يم باب القسم ..
والطلاب التمت علي كلها تتحمدلي بالسلامه ويسلموا
على شهاب ..توقعته راح يضوج منهم ويحجي شي
بس صراحه جان يحجي وياهم بهدواء وابتسامه على وجهه ..
صرت ماعرف هذا شهاب لو غير شخص هواي صار يتغير
جان بعده حاط ايد على خصري ساندني بس اني نزلت ايدي عنه ..
بقيت ادور بعيوني نبأ وزينب معقولة مااجني يسلمن علي وهن اقرب صديقات الي ..
شويه ودخلونه ..واجيت ابتعد عن شهاب
بس لزمني مااتركني
حجيت .. شهاب عندي امتحان ..خلي اروح
شهاب ..اكفي شويه ..واني ادخلج
غاليه ..اني ادخل وحدي ..بس انت هدني
ما اسمع مني ..وتحرك وياي للداخل
جان واقف دكتور باب القاعه باوع على شهاب وحجه
سيادة الضابط اسف مااكدر اسمحلك تدخل هاي قاعه امتحانيه
شهاب .. وانه لزم اكعدها جوا ..ما تشوف حالتها
اني لزمت ايد شهاب وحجيت ..خلص هاي وصلت اني ادخل ..روح انت
شهاب .. لا ..دخلج يالله امشي
دكتور باوعلي وحجه ..ماشي دخلها
وفعلا ماتركني غير من كعدني على ستول ..وحجه كملي ودك علي كاعد انتظرج بارا
هزيت راسي وطلع هو ...
كملت الامتحان بال10 ونص ..اول ما طلعت تلكني نبأ وزينب
بوسني وتحمدلي بالسلامه
واخذن ايدي كعدني برا
غاليه ..ولو زعلت عليكم المفروض اول الناس تجن تسلمن علي
زينب ..والله اجينه نسلم ..بس شفت زوجج يمج فكلت خليها من تطلع احسن
نبأ .. صدك بالمناسبه ياخاينه ليش مااكلتينه زوجج هيج صاك ..واني اكول حتى صورة مااتجيب اله اثاري تخاف لانضل نباوع علي ..

غاليه .. لا شنو سالفه ..بس مااجه بالي اشوفكم صورته

زينب .. ولج هذا لو زوجي جان خليت صورته مداليه والبسها ..لا ماشاء الله شنو من هيبه وشكل يموت ولج

غاليه .. بس كافي ..لاحظي ان انت كاعد تحجين عن زوجي شهل ميانه زفره بربج

زينب ..هههههههه شكوا بيها زوج اختي ..بس والله تفاجت مااجنت متخيلته هيج شكله ابد خاصه انتي ماتحجين عنه هواي
نبأ .. اي تخاف من العيون ..حقج والله ..الله يحفظكم لبعض مبين شكد يحبج يربي دخلج حتى للقاعه يا لله ترككج ..
غاليه ..تسلمين حبي ..اكيد يخاف علي لان اني مو بس زوجته اني بنت عمه ورابين سوا زينب ..اوي ..فدوه ربي يخليكم لبعض
جاي احجي ودك موبايلي ..باوعت شهاب
فتحت وحجيت .. الوو هاا
شهاب .. هاا خلصتي
غاليه .. اي كملت
شهاب .. وين انتي اجي اخذج
غاليه .. بالباب مال قسم
شويه واجه شهاب ..وسلم
وصديقاتي ردن السلام وطبعا بلا ما اني اعرفهن هن حجن
زينب ..هلا بيك ..اني زينب صديقة غاليه واقرب وحده الها طبعا نورت الكليه اليوم ..
شهاب ..يااهلا وسهلا ..والله منورة بصحابه
نبأ ..واني نبأ هم صديقة غاليه ..تشرفنه بمعرفتج سيادة الضابط
شهاب ..هلا والله شرف الي ..وبعدين اني اسمي شهاب بلا اللقاب

وكته بقوا يحجوا بينهم ويضحكوا ..واني محد معبرني
ولا حتى فتحت حلكي بكلمه
وبقيت بس اخزر بيهم ..
اخر شي حجيت بعصبيه  ..يالله تعبت اريد ارجع للبيت
توقعت يعني راح يجي يمشيني مثل مااسوا
قبل بس اكتفه ان ياشر بيده ان امشي
وحجه .. اوك يالله ..والتفت عليهن وحجه عود تعالوا نورنوا للقرية واحنه نقوم بواجبكم ..وبأي وكت
عفتهم وتحركت واني احجي بكلبي على اي اساس تعزمهن عرفه ولفه وياهن ..صدك عينك فارغه ..
واليقهرني ..تركني امشي الحالي
وهو ولا يمه صار يمشي كدامي ..وصل السيارة
وفتحلي الباب وصعد وعافني حتى ماكلف نفسه يصعدني بالسيارة
كعدت واني اغلي من القهر
باوعلي وحجه ..شبيج خلقتج انكلبت .. ترى ماساعتدج شفتج تنحرجين مني كدام الطلاب

غاليه .. لا بربك ..كول شفت الطالبات يباوعن عليك ..وركنتني على جهه بعد ماافيدك

شهاب ..هههه والله ضحكتيني بس حلوة هاي مال ركنتني  على جهه ..هو منو راكن منو على جهه ..

ماحجيت بقيت اباوع على جامه ..لحد ماطلعنه من الجامعه ..بعدها ماحسيت غير كرص خدي وحجه
شهاب .. ترى عيني ماتشوف غيرج ..

دفعت ايدي وباوعتله بغضب ..على اساس ماجنت تلغي ساعه ويه صديقاتي ولا كاني موجوده بعدين منين تعرفهن وكمت تعزم بيهن ..ترى ماصارلك دقيقتين من تعرفت بيهن ..وعود شنو تعالوا نورونه وين ينورك منين يعرفوك اصلا ..

شهاب ابتسم وحجه ..يمه يمه كل هاي علمود كلمتين مجامله لخاطرج كلتهن ..اكلتيني وشربتيني جا انه من شفتج كاعده ويه مرتضى ودك سوالف وضحك وحجيت ..زعلتي بسرعه حتى اكل بالكوه اكلتي يومها ..

مارديت علي ..وبقيت دايره وجهي عنه
بس حجه هو ..بس حلوة الغيرة عليج
التفت علي ..مو غيرة بس احترام هاي
شهاب ..هاا احترام جا خوش ...شلونج بالامتحان
غاليه ..زينه

بعدها مااحجينه لحد ماوصلنه ..اجه ينزلني بس دفعته
وحجيت ..مثل مااركبت ..انزل
ماحجه عافني انزل وحدي اخذت وكت بس نزلت ..ودخلت على كيفي للبيت
وهو يمشي وراي
تلكتني عمتي بوستني وحجت ..هاا يمه شلون صرتي
رديت ..الحمد الله عمه احسن.
عمتي ..جنتي بالامتحان شلونج بي
غاليه .. الحمدلله زينه
عمتي ..روحي يمه ارتاحي تلكيج تعبانه
اجيت اصعد ..بس حسيت بدوخه ..اصلا اخذ علاج واقرا وعلاجي بي نوع من تخدير فيخليني مو كلش مركزه
عمتي حجت ..يمه شبيج دختي
غاليه ..يعني شويه ..هسه تروح
مااحسيت غير شهاب رفعني من الكاع وحجه ..مو كلت انه لا تعاندين بعدج صحتج مو تمام طبعا استحيت من عمتي ..وحجيت ..نزلني اني اصعد وحدي
بس عمتي حجت ..لا تعبين نفسج زايد ..اخذ يمه فوك فوك صعدهاا
وطلعت هي ..واني حاولت انزل نفسي منه وحجيت
ترى لكيتها حجه كل شويه وشايلني ..مابيه شي اكدر امشي وحدي

شهاب .. يعني فوكها ..ماامكيفه لكيه احد يشيلج كل الوكت
مشى بيه للدرج يصعدني ..ونزلت امل وهي تباوعلي وتخرز بينه بس هو مااهتم وبقى يصعد بيه
غاليه .. لا ماامكيفه ..ونزلني بسرعه
فجاءه رخه ادينه عني ..وحجه ..راح اهدج حتى تتكسر ادينج ورجلا ثنينهن  بلكي تبطلين حجي زايد وكتها

وكته صدك خفت لا يهدني وصدك اتكسر واني اصلا عندي خوفه ..فجلبت بركبته بكل قوتي ..واني اجحي ..لا لا شهاب فدوه لا تهدني

مااجوبني ..جان يمشي بس ..واني مجلبه بيه مثل طفله ..وحظنته كل قوتي
لان بعد الشفته من رجلي كلبي ينهبط بس اسمع اسم وكعه
وصلني للغرفه واني مجلبه بي
عاد حجه بصوت هادئ ..اذا تريدين تظلين هيج ما عندي مانع ابقى للصبح

وكته تركته وباوعت لكيت نفسي بالغرفه حجيت واني اغطي على ارتباكي منه لان شكله صار هادي كلش
اي نزلني ..خلص وصلت

رد وهو ينزلني ..والله لو ادري هيج تحظنيني جان كسرت رجلج من زمان

صدك خجلت من كلامه  ..رديت بسرعه ..خلص اطلع اريد ابدل ملابسي تعبانه
رد وهو عيونه تمشي عليه ..اذا تحتاجين مساعده كولي ..ابدلج انه اذا تعبانه

رجعت مسافه عنه وحجيت ..اطلع شهاب شكرا اني ابدل وحدي

شهاب .. متاكده ..ترى فرصه هاي حتى على كيفي ابدلج ماخليج تعبين نفسج

غاليه .. يووو شهاب ..اطلع خلص اني ابدل
شهاب .. خلص انتي الخسرانه

طلع وسد الباب وراه ..كعدت اني على سرير اخذت نفسي وبعدين رحت طلعت ملابس
ونطيت ظهري للباب ونزعت قميصي ..وشمرته
مااحسيت غير واحد فتح الباب
بسرعه عطت ..منووو
رقيه ..اني شبيج يمعوده
غاليه ..رعبتيني تصورت شخص ثاني
رقيه .. لا منو مثلا
غاليه ..مادري ..المهم شلونج بالامتحان رقيه ..زينه ..يعني خربطت هواي بس شي على شي زينه ..

&&&&&&
رقيه
بعد حجي شهاب وياهن شويه ارتاحينه صارن يخافن يهوسن البيت يدرن شهاب من يحجي كلمه تتنفذ لو على اكبر واحد
طبعا بيومها فرحت عبالهن هن راح يلعبن بكيفهن بس شهوبي صكرهن مااكوا احد يفك حلكه ويه
ورغم جاي يموتن وكاتلتهن الغيره من غاليه
خاصه شهاب بين شكد يحبها لغاليه من وراه ماسوت حادث ولسه هو مايفاركها
وعلى طول قريب منها ..هل شي خلاهن يتجنبن غاليه
ادري حاقدات عليها ويغارن منها
بس دام شهاب قريب منها محد يكدر يوصل الغاليه وياذيها ..لان وكت يتواجهه ويه شهاب
ومنو هذا الي يتواجهه ويه ..لذلك جنت مرتاحه من ناحية غاليه
بس بقى يرجعوا سوا وكتها هن راح ينضربن على عيونهن
صح جنت قبل ضد شهاب
بس بعد ماشفت خوفه على غاليه ..وحب اله الي صار الكل يعرفه بطلت اكون ضده
وحسيت لاول مره من وكت ماجني امل ولقاء بحياتنه
ان احنه نحتاج على طول شخص بحياتنه يحمينه ويخاف علينه وغاليه انسانه كلش طيبه وعلى نياته
ومحتاجه لسند مثل شهاب يكون بظهرها ويحميها من كلشي ..
بس هم ماحجيت لغاليه هذا الحجي تركتها هي وحدها تتصرف بلا محد يدخل بقرارهه
حتى شهاب ماجان تغير ولا بين هل مشاعر والاهتمام لغاليه لو مابعدت عنه وصارت تصدا
لان مامتعود على طريقه غاليه هاي ويه كل عمرها وسنينها تركض وراه شهاب وطيعه وتنفذ كل كلامه بالحرف ..ودائما جانت بحياته خيار موجود كل وكت ومابي تعب ..لذلك جان يصدها ويبعد عنها ويقسي عليها كانها بلا حساس ..
بس الايام خلته هو الي يذوق هل شي ان تحب شخص ويصدك فتركتهم يتصرفوا مع بعض
بالاخير ادري غاليه ماراح تستمر بعنادها بس خلي شهاب شويه يذوك الي جانت تشوفه غاليه ..

المهم اني قررت انطي هيثم فرصه ..واجرب حياتي ويه يجوز اكدر احبه وانسى جهاد ويطلع من كلبي
بس بعد اللحاح من ميس وسميه وهيثم اتخذت القرار
بس كتله ان من بدايه لزم تعرفي ان ماعندي اي مشاعر اتجاهك وكل الوكت اعتبرك صديق ..راح اجرب احاول احبك اذا كدرت راح يصير بينه شي رسمي
بس اذا لا مااكدر اجذب عليك وراح اتركك
هو اتفهمني وحجه ..انه راح يخليني احبه بس انطي وكت ..
مااحجيت وكلت اجرب
بقينه نتواصل ..بس بحدود يعني ما صار بينه كلام حب بس هو جان على طول يتغزل بيه ويسمعني كلام
حلو ..واني حالي حال اي بنت جنت افرح واحس بثقه بنفسي خاصه بعد ماافقدته بسبب صد جهاد الي
وبيوم الاخير للامتحان
قرروا قسمنه يروحون سفره لمكان قريب
وهيثم اجه ويانه ماجنت ادري جاي بس تفاجت بي يركب ويه طلاب قسمنه ..
بعدها اجه سلم علينه ..وجنه اني وسميه وميس
وصرنه نمشي سوا
ونفتر ..بس نوبات ميس وسميه يطلعن عنه مسافه
نبقى سوا نحجي ونشاقه ..جان كلش حباب من نوع الي مايلح بالشي تارك الامور تاخذ مجراها
واني كلش جنت مرتاح ويه خاصه احس يخاف علي اكثر مني ..
بس للاسف مشاعري اتجاهه ماتغيرت
سميه اخذت موبايلي وكالت خلي نصور ذكرى بعد ما نشاوف فترة
وصدك اخذتلنه هي مره وميس مره هو اي لقطات ومرات جان هيثم هو يصورنه واحنه نكف بمكانات

رجعت للبيت ..لكيته احسن من قبل بس هم تنظيف من وراه خشمهن ..
ماكوا ترتيب وتنظيف زين
ولسه هن ومايكعدن ويه امي ومحارباتها خطيه رغم ماتشكي عليهن بس نوبات من تشوف تصرفاتهم زادت عن حدهاا
تتعارك وياهن بس امي مريضه ومابيها
فطلع اني وابقى تعارك وياهن
ومره صارت عركه بيني وبين لقاء
وحجيت لشهاب عليها ان تتعرك ويه امي
وشهاب كلشي ولا امي
رزله رزاله تسوا عمرها ..وكلها نوب ترجعين البيت اهلج لو بس صوتج عله على امي
بقت بس تخزر وتنفض سم ..
وتعاركت بيومها ويه زيدون ..ان شنو شهاب هيج يحجي وياها
بس زيدون مارد عليها وكله دام سالفه يم امي تستاهلين
طبعا طبعها ويه زيدون زباله كل نهار تناكر ..وتطلب اريد هيج وجيب هيج
وامها انكس منها كل يوميا دازت على زيدون سويلي هاي وديني لفلان مكان ..
المهم من يومها وهي حاقده عليه ..بس مادرت بال الها
وبيوم بيت عمتي ام جهاد خابرتنه كالت تعالوا تغدوا يمنه
رحنه اني وامي وغاليه ..طبعا وكتها غاليه رجله صارت زينه وكامت تقدر تتحرك
رحنه هناك ..وتغدينه ..ماجان احد بالبيت
غير حسين
فجنت كاعده اني وايه بالمرجوحه الباره
بقيت ادور موبايلي ماكواا سالت امي وغاليه ..كالوا ماشفوا يجوز نسيتي
بعدها رجعنه للبيت ..اول مادخلنه سمعنه صوت عرفت اكيد مجموعات كلهن بس نطلع وحتى لو مانطلع لزم يوميا فوك روسنه اهلها كلهم ..بس من وكت  شهاب رزلهن بعد مااجوا بس اليوم لا كلها ملتمه حتى اخواته المزوجات ..
امي دخلت وباوعتي وحجت ..ما اريد طلايب ..روحن كبل الغرفجن  لحد مايطلعن
صدك ضجت منهن بس سمعت كلام امي
وصعدت اني وغاليه ..
اول مادخلنه للغرفه تسودنت جانت الاغراض كله مقلوبه ملابسنه ومكياجنه تارسات بيهن الكاع صدك فار دمي ..وحتى غاليه كامت تحجي وتلم
بس وكته ماكدرت اصبر نزلت افور كلت اليوم اكلبها عليهن وخلي يصير يصير

&&&&&&&&&
غاليه من شفت منظر غرفتنه والله ضجت وكلت هذني متقصدات لو شنو فار دمي عليهن وكته
جاي الم واحجي
ماحسيت غير رقيه كمزت وحجت اليوم اسحلهن ونبي
نزلت وراها ..بس قبل ماادخل شفتي خالتي جاي تحجي وتستغفر الله
دخلت غرفته لكيته خطيه لعبات جوله بيه
حجيت ..الله لا ينطيهن خالتي ..ردت خلي يجون زلمهن واني خليهم شلون يتصرفون وياهن
كاعدين نحجي وسمعنه صوت عياط رقيه ولقاء
دخلنه لكينه لقاء تحجي

لقاء .. كافي بوويه سويتينه كل نهار نايمات وانتن خطيه تكربن شو حدتجن بس طب غرفة بعد ماتطلع الثاني يوم ..بعدين كل ما حجيتي دخلتي اهلي بسالفه  هي دوده  لو شنو

رقيه .. احترمي نفسج دوده من شنو ..اني ماحجيت شي ..كل الكته ان مايصير 24 ساعه مربطين يمنه ..الخطار يجي بالاسبوع مره بالشهر مره مو يوميا والهوسه مسوينها شكبرها يعني امي مريضه ومالها خلك هوسات مااكوا احساس ..وبعدين على الاقل من يطلعن اخواتج نظفي وراهن مو يخلن البيت زباله وانتي تعوفي وتصعدين يعني الفلبنيات مال حضرتج راح ينظفن وراه اهلج ..

رجاء ..لا لا لهنا وكافي ..هم طرده وهم اهانه جاا شنهي شايفين نفسكم عليمن ..يالله يمه امشن خوش بيت شيوخ وبنت شيوخ وطف بيت عمها من بيته ..

طلعت رجاء وهي دردم وخالتي ابد ماعلقت حتى ماحجت ولا ابد ..حقها والله لعبن طوبه بينه ..بس امل صح مادخلت بس من طلعت مراة عمي تخبلت وركضت ورها وهي تصيح ..اكفي عمه لاترحلين ..والله شهاب اذا يسمع يتخبل ..هي ولقاء هم تركض وراها وذيج تصيح لا مابقى بعد هو من اول يوم ميتات قهر منه حتى ما يوم كلفن نفسهن واجن يسلمن عوذ مسمومات ..والله اني بس شايله هم الجن شلون عايشت ويه هل مله ..
ردت رقيه بصوت ..والله احسن من ملتج انتي وبناتج الوسخات
هي ذيج طلعت تركض وتحجي
ولقاء رجعت على رقيه وهي ترجف وترعش وعيونها مخنزل علينه
لقاء .. الوسخات هذني اشرف منج ..لو نسيتي سوالفج على الاقل ماركضنه وراه الزلم ..ولاكعدنه نطك صور ولا طلعنه من بيوتنه للكليات حتى ندك دروب ونجيب سمعه على اهلنه ..خالتي وجهه صار اصفر وحجت بعصببه ..ولج ثمني كلامج من تحجي لا خليج تتندمين على كل حرف حجيتي ..ترى كل الوكت وساكته عن فعالجن الخاطر من خاطر ..هم ابوج وهم اخوج وكفين بعيني ناس مالهم ذنب اكسر اركابهم بطلكج مره ثانيه ..بس تجبين طاري وحده من بناتي لا هنا خط احمر والله مايكف بعيني اكبر واحد بعد ..

لقاء ..الميدني زبيله محد يعبيله  ..جاا لو بنتج محترمه نفسها منو الي يطخها روحي لمي بناتج بعدين تعالي واحجي ..

اني هناا فار دمي
غاليه ..كاافي انتي شو ماتستحين شلون تحجين ويه خالتي هيج ..
لقاء .. صلوات طلع صوتج ..والله جنت اظنج خرسه ..انتي هم تحجين ..بوويه روحي بالبدايه لمن فضايحجن انتي وبنت عمج وتعالي احجي ..
غاليه .. احترمي نفسج احسلج ولو انتي منيلج الاحترام ..انتي لو عندج احترام لنفسج ماجنتي كعدتي تحيرين شلون تجبيبن زيدون وتخلي يزوجج لو نسيتي سوالفج لو عبالج ماندري بيهن فهذني الدروب خليناهن الج
تتهمينه وتشمرين بلاج علينه ..والله لو عدتي هل حجي الا خليج تتندمين طول عمرج ..

لقاء .. يمه يمه ..تعالوا وسمعوا منو تحجي حبيبتي على الاقل ماخذ مني شمه وشمرني على جهه ..واني مجلبه بي دشوفي كرامتج وين وروحي لميها حبيبتي انتي ماصارلج سنتين اخذج واخذ عليج تلاثه ..وبعدج لزكه علي ..على الاقل اني اخذني ماعنده غيري  ..و ماسوا بيه ربع السوا بيج ..لو نسيتي على الاقل اخذني برغبته وهو وجه دك بابي وطلبني ..مو حتى يسد حلوك العالم ويستر علي ونجبر بيه وهو كارهني ..وحتى من صرتي مرته ترى مااجنتي اكثر من لعبه يلعب بيها وكت يمل ويريد شي يسلي ..بس بالاصل ترى مرده المرته ام ابنه وابنه الي لو تموتين ماراح يتركهم الخاطرج لان انتي اصلا لعب بيج ومل منج تشوفي حتى مااجنج موجودة كدامه ..هع تحجي بالكرامة دروحي حبابه اذا عندج ذرة كرامه اطلكي ولا تضلين وكت يشبع من نسوان يجي يغير بيج ..

وكتها اخنتكت واحس كلبي احترك .. مادري شرد وهو كلهن بي الناس هذا التشوفه وهذا الصار
بس خالتي بسرعه صاحت بيها .. كافي تخسين انتي تحجين على تاج راسج ..ولج غاليه اصليه وتربية شيوخ ..وتحملت لان متربايه مو مثلجن عدجن الطلاك سهل وتعنفصن ..وبعدين شهاب ابني واعرف زين غير غاليه ماكوا بكلبه ولا انتي ولاعشرين مره تغير هل شي وهو الي راح وركض وراها حتى تصير مرته مو مثلجن تتوسلن حتى بس تتزوجن وتحيرين شسوا من سوالف حتى تلزكن بالرجال هم تحجن هنا امل حجت .. كافي عاد انتي ماعندج غير غاليه ..وبالكوة مجلبه بيها وتردينه بالكوة لشهاب ..ترى بس انتي خابصه نفسج ولزكتهه بي لا هو يريدها ولا هي تريده ..بس من وراج ماجاي يطلكها حتى مايضوجج ويقهرج ..بس ترى ردتي مارتي ترى مرده الي اني وابنه وغصب عنجن كلجن  ..

رقيه ..والله وطلعتي السانج ..شنو من بشرات انتن بس مو صوجن صوجنه احنه ملفي هيج نماذج ..يجي زيدون وشهاب وحجيلهم عن سوالفجن واشوف مراه التبقى ويهم بعد وعود استقبلي مرده الج الا تعرفين شهاب ماتكف بعينه لا ابن ولا غيرها الا امي ..فمن هسه حظرن ملا بسجن لان اثنينجن راح تصير طرتجن من البيت ..

لقاء .. لا يعمري اذا تردين تحجين احنه هم عدنه السانات ونطلع حجينه ..وخلي يجي ويسمع سوالفج وحده وحده عود وكتها خلي يطردنه بس تكون على راسج انتي وامج ..
خالتي ..انتي شجاي تمسلتين من الصبح لسه ..ولج شعندج احجي لا خايفه من حجيج ولا تهايمجن تراجن معروفات ماعدجن غير تتهمن باطل ..ولدي مو صغار مايعرفوا بلاويجن اذا هو شهاب  تهمتنه بقت اخواته ..

لقاء ..لا تهمت ولا رتكبت اني عندي دليل على سوالف بنتج واذا تريدني اشوفج وانتي احكمي بنتج الشريفه مصادقه جهاد ابن عمتي وكل نهار دك سوالف مكسره ويه هاي من غير ولد الكليه ودزلهم صورها وماخذه هي وصاحبه صور ..
خالتي هنا كعدت على تخم وهي وجهه مابي قطرت دم وحجت ...اذا طلع هذا الحجي جذب يالقاء بعد مالج محط رجل بيتي ..بس اذا طلع صدك فااني صدك ماعرفت اربي

رقيه بسرعه بجت وحجت ..والله جذابه يمه ..مااحجيت يوم ويه واحد سوالف مكسره والله شاهد ولا ماخذ ولا منطيه صوري لاحد جذابه والله ..
لقاء ..انه جذابه لو انتي ..لحظه اجيب موبايلي و خلي امج تشوف بعينها سوالفج ..وقفت كبالها وحجت ..لقاء كصي شر وكعدي انتي ماتخافين الله بس تردين تسوين مشاكل ..خلص كافي
حجت خالتي وهي تباوع على رقيه ..تركيها غاليه ..ليش خلي نشوف شعدها لو هي جذابه اني اعرف احسابها
بس لو طلعت تحجي صدك وكتها لزم اراجع نفسي بتربيتي لبنتي ..
لقاء ابتسمت ورحت من بصفي تركض جابت موبايلها
وفتحت وانطت الخالتي ..وخالتي تقرا المسجات والحجي ..اني ماجنت ادري شبي من حجي بس جنت حاطه ايدي على كلبي لان شكل خالتي كله نكلب
ولقاء طلعتلها صور ..وحجت خالتي وهي دير الموبايل على رقيه
خالتي ..ولج منو هذا ..وشلون كاعده وحدج ويه وتاخذين صور ..
باوعت على صور جانت فعلا رقيه كاعده وبصفها واحد ورقيه جااي طك بيدها سلفي ..وهو مبتسم يباوع عليها وهي مبتسمه ..
بقيت صافنه شلون هاي غبيه اخذت هيج صورة و منو هذا
لزمت كلبي وكت شفت خالتي ..شمرت الموبايل ولزمت رقيه من شعرها وهي كوه مسيطره على وكفتها
ورقيه بس تبجي وتحجي ولا يمه مو هيج ..الصور ..هاي مو كامله اسمعيني بس ..يمه فدوة
وخالتي سحلتها من الصاله للغرفه واني حاولت الزمها
بس صاحت بي ..وخري غاليه ..لا تدخلين الظاهر اني ماعرفت اربي ..اني هيج تسوي بيه بنتي وتصغرني كدام الوادم ..هاي تربات الشيوخ ولج شكل لاخوتج لو دروا بيج
ولج شهاب يدفنج ومحد يدري بيج ..
جانت تحجي وهي تضرب بيها ..بعدين لزمت العكازه الجنت استخدمهه باقيه بالغرفه وكعدت تضرب رقيه بيه ورقيه كامت تصيح وتبجي لا يمه والله جذب والله موهيج اسمعيني
ركضت واني ابجي كلبي نمرد على رقيه
بالقوة سحبت العكازه من ايدي خالتي ..
وكامت تصيح ..وخري غاليه خليني اموتها واخلص منها هاي هيج يعيروني بيها ..
اني بشنو قصرت وياج ..ولج مدللتج اخذ من صحتي وعافيتي وانطيكم والله بتعب وقهر ربيتهم بدون اب اني صرت الكم اب وام ..تالي هاي الجزاء ..
جانت تحجي وتضرب لو تجر بشعر رقيه ..واني احاول الزمها ..ورقيه مستسلمه ماتتحرك لان خالتي مامسيطره على نفسها بسبب ركبته تاذيها ..
بالاخير اني كدرت الزمها ..وهي هم تعبت هم مريضه وهم نقهرت .. اخذته سحل نزلته الغرفته
وهي تحجي وتصيح ..هاي تاليها يارقيه تنزلين اهلج وامج كدام اليسوا ومايسوا هاي تاليها ولج بشنو قصرت فهميني ..

كعدت وحجيت اكعدي خاله والله ماقصرتي بشي ..بس اكيد اكوا غلط بالموضوع رقيه ماتسوي هيج واني متاكده ..هن هذني سونهه سالفه شكبره ..
خالتي ..ولج يمه ياماغلطت ..ولج هاي نزلت روسنه
خالتي خرمشت خدودها وحجت ..ولج نوب ويه جهاد ..ابن عمتها وين اودي وجهي من الوادم انتي شفتي شحاجيه ويه ..ولج هاي مامتربيه ..ولج شحجي شكول للوادم ..نوب ويه ولد عمتج ياحقيره ..وهذا السافل الثاني الحاطته وطك ويه صور ونوب الصور بيد بنات رجاء انفضحنه هاي هي ..بعد ماحط عيني بعين احد ..

مااكدرت اهدي خالتي الا بالكوة ..كامت تبجي وتحجي ..يبوو كسرت كلبي واحس نار تاكل بيه هم عليه وهم على رقيه انطيته حبايه من دواها ..ونامت يالله كدرت اعوفها
رحت على رقيه لكيتها تكهد وتبجي والجسم مزورك يعني خالتي كلش قست وياها بضربها ..وهم عذرتها لان هذني منا قهرنه ونوب رقيه ..
اجيت كعدت بصفها هي جانت كاعده وراه الكرسي وتعكرفه على نفسها ..
اباوع شصاير بحالها شعرها كله تهرس
رفعت راسها اباوعلها جان وجها كله ضرباته من خالتي
كلبي نمرد عليها عيونها بالكوة فاتحتهن وتبجي دم
حظنتها وهي جلبت بيه حاوطتني بديها وحجت ..والله ماسويت شي ..والله هاي صورة بيها بعد اخته بس كاصينه  ..والله غاليه ماسويت شي موزين غاليه. .ادري حبيبتي ..ميخالف ..الله ياخذلج حقج منهن ويبين كل واحد على حقيقته ويحرك كلوبهن مثل ماحركن كلوبنه ..
بقت رقيه تبجي بساعتين ..ماكدرت اكعد استفسر منها لان بالكوه تحجي ..تالي نامت بالكاع كعدته وخليتها بفراشها ..تمشي مجلبه بيدي ماتكدر تتحرك ..
بقيت الواب واكل بنفسي كل صار من وراه شهاب ..هو جاب هاي المصيبه على راسنه وحتى لقاء لو ماهو ماتزوج زيدون ..بقيت الواب احس نار تاكلني وبركان بداخلي لان الاذى بسبب افعاله طاح بيه اعز اثنين بحياتي خالتي ورقيه
بعد مااسكت ابد عن جاي يصير نزلت اركض
ولكيتهن اثنينهن كاعدات ويسوالفن ويضحكن مشمتات
شلون الحيات المسمومه
حجيت ويه لقاء ..انتي منين جبتي هذني صورة ..انتي لفقتيهن على رقيه لا عبالج راح تمشينهن على الكل والله لخليج تدفعين الثمن ..

لقاء ..شوفي لا تكعدين تلغين وتحجين زايد كل الي بموبايل رقيه صار عندي منين وشلون ربج يريد فضحجن ..ويكشف سوالفجن بس يوصلن لشهاب اقري الفاتحه على بنت عمج ..
غاليه ..والله انت وحده حقيرة وماتسحتي ويجي يوم ربج يكشفج وتكعين بشر اعمالج كامت الثانيه وهي تباوعلي وتحجي
امل ..شوفي بلا طولت السان وحجي زايد ..اذا تريدين هذني صور والمحادثات ماتوصل لشهاب تسوين الي اكلج علي واني بنفسي راح اخلي لقاء تمسح كلشي وكلنه ننسى السالفه ولا كنما صارت ..بس اذا عندتي لا والله تحضري للنار الي راح تشتعل بالبيت من كل الاخوه الشيوخ يعرفن اختهم نزلت راسهم لا والاصعب من يدرون بنت عمه ومراة ابنهم تدري وتستر على سوالفه هاي اذا ما طلعت نفسه ..

وكته قبضت يدي وحجيت ..لا ياحقيرات كولي متفقات حتى تسوا هاي سالفه ..الله ينتقم منجن وصبري انت وياها هاي نار تاليها تحركجن اثنينجن

امل ..بس واسمعي بلا هل حجي مابي فايده اذا ما تريدين هل فضيحه تطلع ..ويسمعوا بيها تروحين وطلبين الطلك من شهاب ..وتخلي يطلك واظن تكدرين تخلي يطلك لو تريدين صدك بس انتي لزكه وعاجبج تظلين مجلبه برجال مزوج ومخلف من وحده غيرج ..

غاليه .. اي كولي هيج كل هاي حتى توصلين هدفج وتخليني اطلب الطلاك من شهاب ..
يمكن فكرة بيها يوم من الايام وجنت مقرر ..بس هسه بعد السوتنه وكلامج هذا ..مااراح اطلك ولا ترك شهاب
ويبقى زوجي لحد مااموت ويدفنوني لا انتي ولا غيرج راح تفرقنه واني اعرف شلون اتصرف وياجن وحق رقيه اطلعه من عيونجن اثنينجن والصار اليوم ماراح يعدي عليجن بسهوله ابد ..

عفتهن وصعدت سريع واني نار من الغضب يعني كلشي مخططات اله سوا
ثاني يوم كعدت الصبح جان البيت هدواء ..
نزلت رحت اشوف خالتي شلون صارت ..لكيته كاعده وتصلي وتقرا قران
انتضرته تكمل ..وحجيت شلون صرتي خاله
خالتي ..شلون اصير بعد ماكوا غير الحمد الله على كل حال
غاليه ..راح اسويلكم ريوك ..خالتي بس هزت راسها طلعت اسوي ريوك ..واجتي لقاء
تباوعلي صفح ..وكفت على طباخ كامت هم تسوي
عفت ماحجيت
حطيت القوري وانتضرته تكمل
طلع زيدون وحجه ..صباح الخير
رديت ..صباح النور
كعد على ميز ..وهي كامت حطت كدام اكل
وكعدت بصفه
زيدون ..لعد امي ليش لسه مااجتي تتريك
غاليه ..جاي تصلي ..اني راح اسويله علما تكمل
ماحجه بس كام راح على خالتي ..وشفت يبوس راسها
وحجه وياها بعدين رجع ياكل والحيه كاعده يمه وتاكل ويه ومدري شتحجي ويه على كيفهه
اني جنت ملتهيه اسوي ريوك ..
كملت رحت اصيح خالتي ..وطلعت وكعدت على ميز بس مااتحجي وشكله ضايجه وتعبانه بالقوة تتحرك
زيدون من شافهه حجه ..يمه اخذج للطبيب شكلج مريضه وتعبانه
خالتي ردت ..اي والله يمه يمكن صعدي ضغط حتى ماجاي اكعد افتح عيوني من الم راسي
باوع علي وحجه ..غاليه بدليله علما ابدل واجي واخذها
صدك بدلتله واخذها وراح
رقيه رحت اكعد بيها مااكعدت ماتتحرك
كمت سويتله اكل ورحت انطيها
اباوعلها حال ضيم حالها اثر الضرب مطبع بديها ورجليها
بس كعدت اخذته للحمام تسبح
وكعدت اسويله لفات وخليته تاكل شويه صحت وصارت احسن ..
بس البيت بقى كائبه ايام
محد يطلع ياكل على سفرة خالتي تمرضت وارتفع ضغط ورقيه حالته حال
المهم بس صحت رقيه كعدنه نحجي وحجتلي كلشي عن علاقته بهيثم وان هاي صور جانت بيها اخته وسميه صديقاته وكل صوره وحدهم ماله
حجيت ..لعد شلون طلعت هاي صور وشلون وصلت لهاي  الحيه
رقيه .. ماعرف هذا الي راح يخبلني اصلا هاي صورة بس عندي لان طكيناهن بموبايلي غاليه بس كمزت وحجيت ..ولج دامها بموبايلج طلعيهن وخلي ناخذ الصور الاصليه الخالتي تشوفهن وكته تعرف ان هن لعبن بيهن وخلنهن هيج تبين

رقيه ..اني شلون فاتتني هاي سالفه
راحت رقيه تركض على موبايلها وجابته وفتحته وصارت تكلب بي وهي تحجي ..لا لا مستحيل ..لاااا

رحت عليه وحجيت ..شنو شبيج شصاير
رقيه .. ماكوا اي صورة كلهن ممسوحات من موبايلي ..وماباقيه ولا صورة ..معناها هذني الحقيرات كدرن يفتحن موبايلي وياخذن كلشي بي ..وكدرن يلعبن بالصور بكيفهن وحتى ماينكشفن اكيد مسحن الصور الاصليه من جهازي ..ولان حساباتي هم مفتوحه كدرن يصورن كل المحادثات ..

غاليه .. لا ياحقيرات ولج هذني يهوديات شلون فكرن بهاي الفكرة وشلون خططن الها وشلون كدرن يوصلن موبايلج ويفتحا الرمز مالته ويطلعن كلشي هذني الله يستر منهن ..
بس المحادثات مايكدرن يسوا ببهن شي نكدر ننكر عادي انتي اصلا ماتحجين ويه احد بحسابج الاصلي
بس غلطتج الوحيده اخذتي هيج صور ونوب حفظتيهن بجهازج ..
رقيه كامت تبجي وتحجي ..والله مادري شمدريني راح يصير هيج تقربت منها وحظنتها وحجيت ..لاتخافين الله راح يكشفهن ويطلع الحق انشاء الله
بقيت خالتي ما تقبل تسمع مني اي حجايه عن رقيه وبس احجي تخربط ويرتفع ضغطها
بقت اغلب الوكت تكضي لو بغرفته لو يم عمتي فاطمه
ورقيه بعد الصار ما تطلع من الغرفه بس بالصدفه
واكلها بلكوه تاكل
لحد مايوم جنت اعزل بالمطبخ بليل
واني افكر شنو راح يصير وهذني شلون اكدر اكشفهن وخلص منهن ومن شرهن
مااحسيت غير واحد حظني من ظهري
نزيت وصحت بصوت ..يمممه
بس اجاني صوت وحجه بااذني ..اسم الله اني لاتخافين
عاد شويه ارتاحيت
وحجيت ..شهاب شوكت اجيت مااحسيت بيك
شهاب .. هستوني دخلت ..بس جنتي صافنه ماانتبهتي عليه
وخرت ادينه والتفت علي جان لابس ملابسه العسكريه وهستوا راجع من الدوام
حجيت .. هاا شتريد
رفع حاجبه يباوعلي ..بربج اكوا وحده رجلها هستوا راجع من الدوام وماشايفته صارلها عشرة ايام
ومن تتلكه تكله هااا شتريد

ردت امشي بس لزم ايدي ..رديت علي .. شهاب والله مالي خلك احجي شي تعبانه ومالي نفس بشي

شهاب. . مااكوا هيج عاد اشتاقيتلك الحمد الله على سلامه اي شي ..
اخذت نفسي ورديت ..ماشي الحمد الله على سلامه ..هسه تمام
شهاب .. لا هاي مااتكفي
ماحسيته غير اخذني بحظنه وهو يعصر بيه ..ويحجي بااذني اشتاقيتلج بكد رحمة الله ..

مااحجيت شي ..بقيت ساكته لان جنت تعبانه من كل الي جاي يصير ..وخايفه ان امل ولقاء ممكن ياذن رقيه ويوصلن الصور لشهاب وكت الله بس يستر
وفكرت ان اطلك منه واخليه بكيفه تتصرف هاي مستحيله جنت ملتهي وناسيه نفسي بحظنه وهو استغل سوكتي وايده بدت تتلمس بظهري
حجيت واني احاول ابتعدت ..ايدك شهاب ..وخر كاافي عاد
مارد عليه ..بس قوه حظنته
بس ابتعدنه بسرعه بدخول امل علينه للمطبخ وهي تحجي
شهاااب ..همزين اجيت علاوي مدري شبي بس يبجي
شهاب ..شبي ليش
امل ..مادري تعال شوف بسرعة
تحرك هو بسرعه ..وهي بقت واكفه
وحجت ..غاليه اذا ماطلكتي من شهاب راح تتندمين هواي
باوعتله وحجيت ..لو شنو تسوين مااتكدرين تبعدين شهاب عني خزرتني وحجت ..خلي نشوف وصعدت تركض ..
صعدت وراها ورحت نمت بصف رقيه ..

&&&&&&
شهاب
بيوم جنت طالع اني وجهاد للكاع نشوف شبيها مابيها
ونحاول نعوض خسايرنه
تعبت واني اروح واجي هناك وهنا
وماكدر اعتمد على غيري لان محد يفهم بشغلي احسن فلزم كلشي اسوي بنفسي
المهم كاعد بالسيارة ..واجتني رساله على فايبر
ماجوبت لان هواي تجي هيج رسايل لو من الدوام يحتاجوا شي لو من اهل العشيرةبقت رسايل تجي وحده ورا الثانيه
عاد جهاد حجه افتح شوف منو خاف شي مهم
طلعت الموبايل
وفتحت لكيت صور وبيهن رقيه وياها واحد وماخذين هو اي صور ..
اني وكته جنت مثل مصدوم واني اباوع
صعدت لكيت الرقم كاتب
مسج ..اني حبيب رقيه وصارلي وياها فتره ومثل ماتشوف ماخلينه مكان يعتب علينه مارحنه علي ..
وماخفي كان اعظم
بعد مالكم عين تحطوها بعيون العالم ياشيوخ
وحبيت بس انطيكم درس حتى تعرفوا تربيتكم وبناتكم شسوا من وراكم سلام وخلي بالك اي محاوله الك حتى توصلني لو تتقرب مني افضح اختك بكل مكان وقد اعذر من انذر
وكتها عيوني صارن بكصتي
واحس دمارتي طكن ..وكمت اغلط واسب
دكيت على رقم وماجواب
جهاد ..شكوا شبيك فهمني شصاير
ماحجيت بس كتله ..وصلني للبيت بسرعه ..ماكدر اسوق بعد اعصابي تلفت
اجه جهاد بدالي وهو يحجي ..مااخليك تروح لاي مكان بهذا وضعك الا تحجي
شهاب ..شحجي شكول ..هو اكوا شي بعد الشفته ينحجي
انطيت الموبايل ..هاك شوف هاي كلبه ..نزلت روسنه الا اموته خلاص بس خلي نوصل
جهاد لزم الموبايل يباوع وهو يضغط على ادي
وحجه ..اول اعرف منو هذا السافل الي وياها
شهاب ..امشينه للبيت بسرعه
جهاد ساق بكل سرعته ..وصلني اني نزلت بسرعه
بس لزمني يم الباب
جهاد ..على كيفك لا تسوي شي تتندم علي اول افتهم منها
شهاب ..تركني جهاد ..هاي تحتاج تربيه من جديد انه صوجي انطيتها كل حريه وماقيدت يوم تصرفاته ولا حتى جبرت وحده منهم على شي ..بس هاي تاليها اليوم اموته واخلص من عارها ..
ركضت جوا ودفعت الباب بسرعه ..امي جانت كاعده على تخم كمزت
على دفعتي للباب .حجت ..اسم الله يمه شصاير

شهاب ..بنتج الشريفه وين
امي ..شهاب يمه على كيفك ..لا تسوي شي هي غلطت بس مو لزم كلنه نغلط
شهاب ..يعني تدرين بسوالفها والله خوش هسه تطلع كل الوادم تدري واني نايم على اذاني

ركضت للدرجه تلكتني غاليه ...عبرته وصعدت على رقيه
هي ركضت واري وتحجي ..شهاب لحظه اكف
دفعت الباب بقوة نزت جانت كاعده على سرير
ركضت عليها ولزمته من شعرها ورفعتها وحجت واني اطلع الصورة ..هذا منو ولج حقيرة
رقيه وهي تبجي ..والله مو مثل ما مبين بالصورة ..فدوة خليني افهمك
شهاب ..ولج شتفهميني حقيره اني اعلمج اليوم
اجتي غاليه تركض اخذتها بحظنه وهي تحجي ..لا لا والله كله جذب وتلفيق مااسوت رقيه شي
مااهتميت وطلعت الغرفتي
جبت احزام ورجعت عليها
وسحبت من ذراعها وشمرتها بالكاع ..وكتله احجي منو هذا ..ومن شوكت تعرفي و شنو البينكم
وكمت اضرب بيها ..وهي تصرخ وتبجي ..وتعيط ولا مااعندي شي ويه ..والله هاي صور كله جذب
شهاب ..ولج شنو الجذب ومو كاعده ويه وبنفس المكان لو شنو فهميني
رقيه بجي ..ا....اي ..بس مو هيج ..مو وحدنه ..وي...
شهاب ..لا ياساقطه وماتنكرين يعني صدك من يكول ماخليت مكان ماخذج بي ..اني اليوم اموتج خلاص واخلص من عارج
جنت اضرب بيها بس غاليه صارت بينه ولزمتني وهي تبجي وتحجي ..عووفها الخاطر الله ..والله مااسوت شي حرام عليكم
شهاب ..وخري غاليه ..انتي لا تدخلين هاي اليوم موته على ايدي
غاليه ..لا لا ..اذا ردت تموتها موتني قبلها ..مااخليك والله تأذيها

شهاب ..انتي ليش تحطين نفسج بالنص لو راضيه بسوالفهه
شلت الحزام وجنت اريد اضرب بي رقيه
بس غاليه صارت كدامي تمنعني فااجتي ضربتي بغاليه
وهي صاحت ..اااخ
وكته تركت الاحزام وتجهت الغاليه وانه اباوع عليها وحجي ..اسف مااجان قصدي تجي بيج ..خوما تاذيتي

غاليه رفعت راسها تباوعلي بغضب ..لا اقصد وكل ضربه تضربها الرقيه اضربني مثلها ..لان ماراح اخليك تضربها وحدها شهاب ..لا تعاندين وياي ..كومي اطلعي مناا مالج دخل بالي يصير برقيه

حاولت الزمها اطلعها باره الغرفه ..بس جلبت برقيه وهي تدفعني وتحجي ..مااطلع والله ..عوفني

شهاب ..ماشي ياغاليه ..خليج يمها بس تذكري زين انت راح تزيدينها عليها وعليج ..

طلعت من غرفه ..وقفلته عليهن من باره
وبقيت شايط وافور ..نزلت لامي كتله احجي كل الصاير
حجت كل الي صار وان لقاء هي شوفتها صور طلعت بسرعه وصحت لقاء ..تعالي ولج منيلج هاي الصور الشوفتيها لامي احجي بسرعه لا ادفنج بمكانج ..

لقاء ..واني شكوا ..هو واحد راسلهن اله ويهددها بيهن واني اخذتهن من جهازها كلت تلحكوها قبل ماتنفضح وتصير سيرتكم على كل السان بالاخير هي هم بنت عمي واخت زوجي ..وحتى امل جانت وياي واسالهه

شهاب ..بسيطه يارقيه كل هذا واحنه مااندري

بليل اجه زيدون من الباب وهو يحجي ..شهاب ..شهاااب
طلعت علي ..وحجيت ..هااا شبيك زيدون شفت هاي هاي سافله فضحتنه ..صورها وصلن يم علي وتخربط من شافهن ..واخذته للمستشفى هستوني رجعت بي
شهاب .. شلون وصلن لعلي فهمني
زيدون ..مثل مااوصلني و اكيد وصلنك
شهاب ..هاي السافله تحتاج تكسير راس على هاي سوتها
زيدون ..اني علمها اليوم من وراها جان اليوم علي صار بي شي
ركض زيدون على غرفة رقيه ..ولحكته
جانت بحظن غاليه ..اول ماااشفتنه كمزت وراه ظهر غاليه وهي تبجي وتصيح ..لا لا عفيه كلش مااسويت ...ووووولج يمه الحكيني
غاليه حاولت تحميها وهي تصيح ..لا تركوها كافي حرام عليكم زيدون صاح ..اخذ مرتك شهاب من يمهااا
رقيه لزمت غاليه بقوة من ظهرها وهي تحجي ..لا غاليه لا تعوفني راح يموتني خلاص ..لا تتركيني

غاليه .. لا مااتركج لا تخافين 
زيدون كمز على رقيه ..وسحلها من شعرها ..وهي يحجي ياساقطه جان اليوم راح اخوج من وراج ..
غاليه جلببت بدين زيدون وهي تصيح .ًُ.لا تتركها
عاد طفرت سحبت غاليه ..وجتفتها بديني ..وسحبت بره وهي تضرب بي وترافس تريد تبقى يم رقيه ..وتصرخ اتركني ..لااااا ..ما اريد
ِسحبت للغرفه واجيت اطلع وتركها بس جلبت بدشداشتي من صدري وهي تحجي وتبجي ..شهاب فدوة بس اسمعني لا تتسرع وتحكم عليها ..والله مظلومه
والله هن دبرن كل هاي ..حتى رادني اطلب الطلاك منك بس اني مااقبلت ..فدوة لا تخلي يسويلها شي والله مااسوت شي غلط ..

جانت تحجي وتبجي وترجف وودينها مجلبه بي ويرعشن
وكتها هديت شويه من شفت شكد خايفه ومرعوبه
كعدته على سرير واني بصفها ..وحجيت
بس كاافي لا ترجفين هيج ..واحجيلي منو هذني ..وشنو الصار
غاليه ..والله شهاب صور هذني ملعوب بيهن يعني موبس رقيه وهذا الولد وياها اخته وبنت خالته وهن صديقاته ..ولقاء هي باكت صور وهي الي كصتهن ..وامل هددتني راح توصلهن الك ولزيدون اذا ماقبلت اطلك منك واني مااقبلت ..وهي راحت رسلتهن الك ..والله كل الي كلته هذا الصار ..وهن الي متفقات ببينهن علينه ..ودائما يسمعني حجي حتى اصدك اكوا علاقه بينك.و بين امل ..بس اني ماجنت اكلك ..صدكني شهاب والله احجي الصدك

شهاب ..بس بوويه ..وحده وحده ..شنو يهددنج حتى تطلبين الطلاك غاليه .. شهاب بس صدكني واني اكدر اثبتلك كل كلامي واثبت رقيه مضلومه ..بس لا تخلي زيدون ياذيها ..اترجاك شهاب بس هل مره اسمع مني

اخذت نفسي وكمت من يمها ..واجيت اطلع بره الغرفه
بس ماحسيت غير ركضت وراي وجلبت بيه وهي تحجي ..شهاب ليش ماتصدك كلامي ..ليش ما عندك ثقه بيه

رديت واني الزم اديها الي مجلب بيهن بدشداشتي ..بوويه رايح افكها من ادين زيدون ..وشوف كلامج اذا صح عندي حساب ويه امل ولقاء عسير ..واذا طلعتي تجذبين وتغطين على افعال رقيه ..راح يصيري تصرف ثاني وياج ...وهسه اتركي دشداشتي خلي اروح عليها

تركتني وهي تحجي ..لا مااجذب عليك يالله روح ساعدها فدوه
انه ادري بزيدون ماراح ياذي رقيه ..يعني حتى لو ضربها ماياذي زيدون من نوع بسرعه يبرد ويتراجع عن تصرفه
دخلت عليهن لكيت ..بس يصيح عليها
بعد ماالج طلعه الباب شارع رجلج اكسرها والكليه انسيها ..وحتى هاي الغرفه بعد ماتطلعين منها
وقفت يمها وحجيت ..كوومي جيبي موبايلج بسرعه
بقت تباوعلي وهي تشهق وتبجي
صحت بيها ..كووومي بسرعه
كامت جابته ..اخذته من ايدها وخليته بجيب وحجت
زيدون امشينه نطلع ..بس اتاكد من شغله وبعدين يصير الاحساب الصدك
طلعنه جانت غاليه واكفه كدامنه وهي تبجي وتحاول تفوت الرقيه
بس زيدون قفل الباب ..وتحرك ينزل جوا وحجه ..ممنوع احد يدخل لهاي الحقيرة ..وولاهي تطلع
نزلت ورا ..وكتله انطيني المفتاح
انطانيه وهو يحجي ..شراح تسوي
شهاب ..ماعليك انه اتصرف
زيدون ..ماشي بقت وراك
راح الفرفته ..واني صعدت فوك ..وجانت غاليه بعدها واقفه كدام باب الغرفه وتبجي
تقربت منها ..وحطيت المفتاح بيده ..وحجيت بااذنها خلي بالج هاي بس لان ماقبلتي تطلكين

رفعت راسها تباوعلي مصدومه ..عفتها ودخلت للغرفه

..........يتبع
    🦋🦋.................................🦋🦋

اريد البارت ينفجر من التعليقات لخاطر شهوبي 😂

#جبروت_الشيخ_وقلبي🔞🔞

#البارت29

وهسه متابعه طيبه حبايبي
الكاتبه بنين الطائي ❤ 🦋....
.........................................
د

غاليه
اول ماحط شهاب المفتاح بيدي بقيت مصدومه ادري بي عصبي ومايتفاهم وخاصه بهيج سوالف
وسمعت زيدون يصيح ممنوع احد يدخل عليها ولا تطلع من الغرفه ..فجنت واكفه واني مأيسه ادخل يمها وشوفه شلون صارت بقيت بس ابجي
بس وكت اخذت المفتاح كلبي طار ..وحجه بااذني بس لان ماقبلتي تطلبين الطلاك وعافني ودخل للغرفه
اني بسرعة فتحت الباب ودخلت وقفلته ورايه
باوعت لكيته بالكاع نايمه على وجهه وتبجي وشعرها مهوس ومكفش بكل مكان ..
ركضت عليها رفعته من الكاع ..وحظنتها وحجيت ..رقيه بيج شي ..خوماا سوالج شي
هزت راسها وهي مجلبه بيه وتبجي
وحجت ..غاليه ساعديني فدوة ..كليلهم مااسويت شي ..والله مااغلطت ماسويت شي مو زين

غاليه .. ادري والله ..كافي لاتبجين اني راح اسوي المستحيل حتى اكشفهن هذني الحقيرات ..وراح اكدر اثبت برائتج ..
نامت على رجلي وهي تشهك ..وتتهضم ..بقيت الم بشعرها ..وباوع نصه مهلس من اديهم ..
واثار الضرب بكل مكان بجسمها علامات زركه وحمره
وكتها فار دمي ..ونقهرت احس نار بصدري اشتعلت شلون هيج تاذت رقيه بسببهن اني اعلمهن ...

&&&&&&
شهاب
بقت فكرة توديني وحده تجيبني بين حجي غاليه
وبين الصور الشفتهن والحجي السمعته من لقاء وامي والمسجات الوصلتني
بس انه عندي ثقه بغاليه وكلامها مستحيل جذب علي
اخذت سويجي وموبايلي
نزلت بسرعه وخابرت جهاد كتله تعال اريدك بشغله
اجاني وركبنه ورحنه بمكان معزول وحجيت
جهاد تعرف برنامج شي يرجع الصور التنحذف من جهاز
جهاد ..اي ممكن يرجعن اذا حاولت بيهن
شهاب .. شوف انه ما عندي ثقه بااي احد ولا اكدر احجي هل سالفه لاحد غيرك ..فريدك انت تساعدني بهل شي ..
طلعت الموبايل وحطيته بيده ..وحجيت هذا موبايلها
اريدك تحاول طلع الصور الاصليه وترجعهن مره ثانيه واريد هل شي يبقى بيني وبينك ..

جهاد ... شنو توصيني رقيه هم عرضي مو بس عرضك ..وانه اكثر منك اتمنى تطلع مضلومة بهاي القصه ..ولا غير شي..
بس جيبلي رمز الاميل ماله خلي افتحه
دكيت على غاليه ..جاوبتني كتله انطيني اميل رقيه ورمز مالته ..
راحت سالته وانطتني الرمز اني انطيته لجهاد ..
ورجعت للبيت ..

&&&&&&
رقيه
بعد الصار بيه .. والعذاب والاهانة الي نهنته والضرب الي نضربته وياريت مسويه شي ..
لو يمكن مسويه وماشي بطريق غلط محد يسويلي شي
بس لان محافظه على نفسي واخاف اي غلطه تنحسب على خواني دائما اتجنب كلشي
حتى هيثم مابحياتي مشيت ويه وحدنه ابد
كل من هذني الاثنين خلني مااكدر احط عيني بعين واحد من اهلي ..وكسرني واذني وكسر ثقت اخواني بيه
ماجان بيدي شي غير بس ادعي ربي يكشفهن ويطلع حقي ..
جنت كاعده ابجي وشهگ ..
اجتني غاليه ..وحجت ..رقيه هاي صديقتج ميس صارلها يومين دك عليه بس اني ماجوبها ..بس هسه دزتلي مسج وتكلي اريد احجي ويه رقيه ضروري ..

رديت ..غاليه ..مالي خلك احجي ويه احد والله اتركيهه
جاي نحجي ودكت ..بس غاليه ماجوبتها وميس بقت دك
اخر شي جاوبته حجت وياها
وكلتله اسفه والله رقيه مريضه ..وهي ماقبلت تسد الاتحجي وياي
اخذته من ايد غاليه وحجيت بصوت بلكوه يطلع ..هاا ميس
ميس ..هلو رقيه ليش هيج مختفيه ..شنو شبيج
رقيه ..شويه تعبانه ..بس اصير زينه اني احجي وياج
ميس ..رقيه احجيلي شصاير وياج وموبايلج ليش كله مغلق ..حتى هيثم بقه بقلق عليج وسالت سميه كالت ما تعرف اي شي عنج ..شصاير احجيلي ..
حجيت لميس كلشي صار ..وكتله على صور وعن اتهامهن الي ..جنت احجي وابجي
ماحسيت غير صوت هيثم وهو يحجي ..رقيه انت شلون كل هذا يصير وماتكليلي ..
رديت واني ابجي ..شكلك هيثم ..هو اني بيا حال
هيثم .. لا تبجين رقيه ..والله ماراح اسكت عن الصار واني اروح لاخوانج وحجيلهم عن حقيقه
تخبلت من هيج حجه ..لا هيثم بالك تسوي هيج ..خليني اني اتصرف ممنوع انت تدخل هيثم .. يعني شنو اعوفهم ياذونج واسكت واني السبب
رقيه .. اكيد راح تنكشف الحقيقه والله يوكعهن  بس اذا انت دخلت راح صعبه عليه وتزيدها
هيثم .. زين ما دخل حاليا  بس اذا ماحليتيها وكته اني ادخل
رقيه .. لا انشاء الله ربك يكشف الحق
هيثم .. انشاء الله بس هيج بالي راح يبقى وياج
رقيه .. لا تخاف ماراح يصير شي بعد يالله مع سلامه ماريد واحد يدري جاي نحجي
هيثم .. الله وياج خلي بالج على نفسج
سديت وانطيت الموبايل الغاليه ..
كتله تعبانه كلش .. مابيه احرك جسمي
غاليه .. حياتي ..كومي اسبحي وبدلي وارتاحي
واني راح انزل اسويلج شي تاكلي
هزيت راسي وكمت بالكوه اتحرك .. غسلت وبدلت
وجاي ارجع للغرفه
ماحسيت غير لقاء ..كامت تحجي
لقاء .. انتي شكوا طالعه من الغرفه ولج ..منو طلعج زيدون مو قفل الباب عليج وكال ممنوع تطلع ولا احد يدخل عليها

رديت عليها بتعب ..انت لا تدخلين ..وعبالج راح سكت الج على سويتي انت غلطانه بس اصبري وشوفي شسوي بيجن انتن الاثنين ..

لقاء .. لا وتهدديني ياساقطه ياام ولد ..ولج اصبري وشوفي اذا مخليت زيدون يزوج وينطيج الواحد من عمالهم يخلص منج اطلع مو لقاء

رقيه ..ولج الساقطه هاي انتي واخواتج اني اشرف منج ومن مية وحده مثلج ..
ماحسيت غير اجتي علي تركض ..وضربتني راشدي ..وكامت تصيح ..ولج انتي هم تحجين وعندج السان
رجعت عليه براشدي ..ولزمت شعري وصاحت امل تعالي بسرعه لهاي كح... الزميها الي اليوم اني اعلمها على هذا السانها

ماحسيت غير امل جتفتني من اديني وسحلني اثنينهن للغرفه حتى محد يسمع ..ولان جسمي كله ياذني وتعبانه من ضرب والهلس ماكدرت عليهن ..لزمتني لقاء من شعري وهي تضرب بيه
بس امل لزمتها وحجت ..كافي اتركيها ..اذا عرفوا ضربتيها راح تسويلنه سالفه ..خليها هم بعد يصرفوا وياها ..
لقاء .. انتي ماسمعتي شلون ضربتني و تغلط وتفشر ماتوب هاي ..بس اني الها اذا ماخليت زيدون يكسرهه ماطلع لقاء

طلعن اثنينهن وقفلن الباب وراهن ..واني حيل مابيه ارفع ايدي ولا رجلي بقيت بالكاع ..واني بس ابجي والله دمرت حياتي وصرت مكفخه لليسوا والمايسوا ..

&&&&&&&
غاليه
جنت جاي اسوي اكل الرقيه بالمطبخ .. اجه زيدون سلم علي وحجه ..امي شلون صارت
رديت ..احسن بس لسه ما بيها حيل ومتخربطه وضغطها مو مستقر
زيدون .. عفيه غاليه ديري بالج عليها لا يصير بيها شي
وكل من ورا هاي سافله
مارديت علي ..وحجيت بكلبي والله سافله هاي مرتك
عافني وراح الغرفته
جانت الدنيا غروب ..كملت اكل خالتي اول شي ..
ورحت عليها ..لكيته مغطيه بالبطانيه وشاده راسه وكاعده تحجي ويه فاتن ..وتسوالفله
اجيت حطيت الاكل على طبله وخليته بصفه وحجيت خاله كملي مخابره واكلي
ردت علي ..اي يمه
عفتها ورجعت حطيت اكل الرقيه ..وصعدت الها
اجيت افتح الباب مال الغرفه ..بس مافتح وياي
حاولت بس مقفول كلت يجوز رقيه قافله على نفسها
دكيت وحجيت ..رقيه افتحي هاي اني
اجاني صوته ومبينه تعبانه ..مااقفلت اني ..هاي لقاء اخذت المفتاح
رديت عليه ..لقاء جابه عليج
رقيه كامت تبجي وتشهك  ..غاليه ..مو بس المفتاح حتى تعاركت وياي وضربتني هي وهاي الحيه الثانيه

اني تخبلت من سمعت ..كتله هسه اجيج
نزلت اركض على درج ..ودكيت الباب الغرفه طلع زيدون وحجه ..هاا غاليه شكوا
جنت اباوع عليه وهي واكفه وراه كتله ..انطيني مفتاح غرفة رقيه
زيدون ..بس المفتاح عند شهاب مو عندي
ردت هي .. لا حبيبي المفتاح يمي ..لان لكيتها كاسره كلامك وطالعه تفتر وكلشي مابيه ..كمت وقفلت وجبت المفتاح انه ..
غاليه ..زيدون انطيني المفتاح رجاءا خلي اشوف رقيه
رد عليه ..غاليه عوفيها ولا تدخلين ..خليني اربيها لهاي الحقيرة ..
لقاء ..تعال حبيبي ماعليك هاي ماتدري شصاير ..عباله لعب مال جهال بعده ماتفتهم ان السوته رقيه فضيحه  والعالم راح تبقى تعيرنه كلنه طول عمرنه ..

دخلت وسحبته وياها ..واني كمت اغلي واحس نار بداخلي ..صعدت اركض جبت موبايلي ودكيت على شهاب
رد هو علي وحجه ..هاا غاليه
رديت علي .. شهاب اريد مفتاح غرفة رقيه اخذته لقاء وماتقبل تخلي زيدون يرجع الي

شهاب .. ليش هي شدخلها هاي
رديت علي ..اكلك حتى ضربن رقيه اثنينهن وقفلن واخذن المفتاح حتى ما دخل عليه ..
شهاب .. روحي اخذي اني راح ادك على زيدون ..وانه جاي اشوف جاي يصير

غاليه ..مااشي
سديت من شهاب ..ورجعت نزلت ..اول وصلت يم الغرفه فتح زيدون الباب
وحجه ..هاج غاليه المفتاح شهاب خابرني كلي انطيه الج ..جانت هي تباوعلي وتنكط سم
اخذت من ايده وصعدت اركض ..فتحت الباب ودخلت اركض عليها
جانت كاعده ومتكرفصه على نفسه
رفعته وحجيت شصار ..احجيلي وهذني الحقيرات شسولج نوب ..
رقيه كامت تحجي وتبجي ..وحجتلي ان لقاء كامت تضرب بيها وهذيج جتفته ..وسحلنه للغرفه باوعت لكيت خدها احمر من طبع ادين لقاء ..حس دمي كام يغلي ..عفت رقيه ونزلت شايطه
جانن اثنينهن بالمطبخ يسولفن
جفتت لقاء وضربتها راشدي ..وهي كامت تعيط وتصيح زيدون الحكني
اجتي الثاني دفعتني عنها وهي تحجي ..ولج تخبلتي انتي شلون تضربيها
رجعت عليه ودفعته لهناك تكومت على كاونتر ..وحجيت انتن شلون تضربن رقيه ..والله اليوم اسحلجن اثنيجن عبالجن هاي هي راح تتحكمن بكيفجن والله تحلمن
اجتي اجفتهن ..وهن اثنينهن اجني يضربني
بس اجتني ادين جلبت بيه وسحبتني
باوعت لكيتها خالتي ..مجلبه بيه وتحجي ..شصاير يمه رديت عليه واني احجي بحرگه ..هذني ضربن رقيه وحبسنه بالغرفه
على هذا الحجي اجه زيدون ..وصاح شبيكم الخاطر الله كلجن تسودنتن ..
تلكت لقاء وهي تبجي ..ترضها بربك تمد يدها علي وتضربني ..وتتهمني ضربت رقيه واني وامل جانت واكف بس قفلت عليه وسديت الباب ..بس هي حاقده علي من يوم ماشوفت الصور لامها ..
قابل انه شعليه هي دكت هاي الدروب كلها وتريدنه نسكت عليها ونشوف غلط ونغمض عيونه لو يبلنه ..

عطت بيها ..كافي انت راس الباله وكل مصايب من جوا راسج وانتي بكتي الصور من جهاز رقيه ورحتي كصيتهن ودزيتهن لاخوانها ..اني وهاي الحيه الثانيه وهسه رحتن ضربتنه باي حق تمدن اديجن عليه ..حقيرات

لقاء صاحت بيه ..اكلج مو تشوفيني ساكته وماجبت طاريج تكومين تشمرين حجي علينه ..وهو انتي تدرين بكل سوالف رقيه ..ونهار كله مكابلته بالبيت والكليه يعني تدرين وتتسترين على سوالفه ..ولكيتن الكليه خوش مكان حتى تلعبن بكيفجن ..
غاليه .. بس واحترمي نفسج ..هذا لعب انتن تعرفنه مو احنه ..
لقاء ..والله لعد ليش عفتي رجلج اول مادخلتي للكليه ..وكاعده بغرفه وهو بغرفه مع العلم كاتل نفسه عليج .. بس كولي لكيتي الي ياخذ مكانه وكلتي شسوي بي وكاتله نفسج قبل علي هسه صار مايعجبج والله كلتي خلي اطلك عبن عندج شي ..

بقيت صافنه على حجيهه معقولة اكوا هيج بشر وهيج نماذج ..والله بقيت مصدومه ماعرف شحجي وشكول نوب زيدون وخالتي احس بعد صار من رقيه ماعدهم ثقه بينه وهيج حجي يسمعوا وبهيج وكت راح يشكوا بي ويصير بالهم ..
مااعرفت شرد وحرت ماكدر اجاوب ولا حجي عن سبب بعدي عن شهاب كدام احد ..
جانت تباوعلي وتبتسم وحجت ..ماتردين لو نبلع السانج من شفتي نفسج نحصرتي بزاويه ..شلون تربيه زباله والج عين تمديها ايدج عليه ..وانتي وحده ..
رديت عليه ..كاافي ولج سدي حلكج ونجبي وتدرين كل الحجيتي تلفيق ..اني ورقيه اشرف منج
ماحسيت غير واحد سحبني وخلاني ورا ضهره
وحجه ..شنوو هل حجي هذا السمعته
بقن ساكتات مااجوبن
شهاب .. كلمه وحده الي تجيب طاري غاليه لو رقيه بكلمه واحده ماتلوم غير نفسها ..سمعتن لو اعيد كلامي

لقاء .. على كيفك ابن عمي ترى مااحجينه غير صار والي تشوفه وناس كله تحجي بيه عبن وين اكوا مراه هاجره رجله وكاعده بغرفه ثانيه رغم مامقصر وياهه بشيشهاب ..بس حجي تافهه منو هذا الي يجيب طار مرتي بكلمه ..جان خليت طلقه براسه وغاليه تاج راس كل وحده تجيب طاريها وشي الي بينه محد اله دخل بي ..وانه منطيها كل الحق بالي تسوي وماعندي مانع والي يدخل نفسه بنصنه مايلوم غير روحه ..

وكت لقاء ماكدرت تتنفس ..واني رجعت عليها حجيت من ورا ضهر شهاب
ليش تضربن رقيه هاا انتن منو انطاجن الحق ..تمدن اديجن عليها

ردت علي ..ماضربته هي ضربتني وكامت تفشر عليه وامل شاهده ..حجت وهي تباوع على زيدون تقبل تكلي انتي وحده ساقطه واخواتج كلهن ساقطات ..

رد زيدون ..هي الساقطه خلي تلم دروبه وبعدين تحجي
امل ..والله اني باذني سمعتها وهي تفشر على لقاء وتسب بيها ..وصدك لقاء واني دفعنها جوا وقفلت لقاء الباب ..

صدك فار دمي من كلامهن وجذبهن ..وطلعت من ورا شهاب وحجت واني اصيح على لقاء
والله انتي وحده حقيرات وجذابات والله ينقم منجن يااكلبات ..
صارت ترد علي واني وياها الا شويه وحده تكتل الثانيه
بس شهاب لزمني وحجه ..بس كافي ..
بس ماهتميت اله لان كلبي محروك منها زيدون كام يحجي وصاح ..بس لقاء ضبي لسانج وسكتي
بس ردت وحجت ..يعني هاي اختكم الساقطه ام الولد ماتكدرولها كدرتكم علي ..
اجيت اكتله..وجفته واني احجي ولج اني اعلمج
بس قبل ماوصل الها جان شهاب مجتفني ولزمني وسحلني ويكلي بس كافي فضحتنه صوتجن طالع لسابع جار ..
جنت احاول افلت منه بس اخذني فوك للغرفه مالته
وسد الباب واني لسه مجتفه بدينه
وحجه ..بس كافي هو هيج شراح تستفادين ..فكري بعقلج وتصرفي مو تتسرعين وتتعاركين هديت شويه وباوعتله وحجت ..شنو يعني راح تسكت الهن وتعوفهن يسوا الي يردنه موجان المفروض بيك بدل ماتسحلني وتسكتني تنزل تكسرهن اثنينهن لو انت بس فالح تضرب بينه اني ورقيه ..

تركني وحجه ..بويه شوفي راح اسكت على حجيج مقدر وضعج ..بس مال انزل واكتلهن اثنينهن وصيح وتعارك شراح ستفاد انه راح يبقى حق رقيه ضايع وماعرف الصدك وين وراح انطي فرصه اللقاء تروح طلع الحجي والصور بارا البيت وتسويلنه سالفه بعد ماتلم وماراح نكدر وكته نعرف الصدك وحتى لو نعرف وطلعت هي المدبره كلشي ماراح نكدر نسكت حجي الوادم لو جابوا طار رقيه ..تردين تكشفيهن عوفي العركات وياهن وتصرفي بعقلج شويه ..

غاليه ..حتى لو حجيك صحيح شلون تقبل يكتلنه وياذنها

شهاب ..ماقبل بويه بس حاليا لزم اسكت لحد ماكشف الصدك وكته اعرف اتصرف صح ..وانتي مثل ماتشوفين كلامج ضد كلامهن يعني يكدرن يجذبنج انتي ورقيه وينكرن وهيج حتى زيدون واحتمال امي هم تصدك بيهن مو بكلامج ..فهمتي مو مال هسه نصير واحد ضد الثاني ..

كعدت على سرير افكر بكلامه وحجيت ..وهسه شنو شراح تسوي ..انت تصدك بي وبكلامي صح

شهاب .. مصدك اكيد ..بس اول شي تسوي تكومين تجبين غراضج وترجعين هنا ..ولا تعترضين على شي هذا احسن حل بدل مايكعدن يحجن ويحطن حجي ماله داعي هيج ماتنطين فرصه لوحده تجيب طاريج على الاقل لحد ماعرف حقيقتهن ..

بقيت صافنه علي وحجت ..وشدخل البينه بسالفه رقيه اني عندي اسبابي ومااريد تكعد تخبط الاوراق كله سوا

شهاب ..بويه ارجعي وانه مالي شغل بيج خوش ..ومثل ماكتلج قبل انتي ترجعين وحدج عليه مااوصل يمج انه ..

غاليه .. لا ماريد ارجع يمك هيج ماراح اكون مرتاحه

شهاب ..ماضغط عليج بكيفج بس خلي بالج ان انتي جاي تنطين فرصه لغيرج يحجي

غاليه ..حاليا خلينه مركزين برقيه وبعدين باقي الامور تجي

عفت وطلعت ..رحت على رقيه واخذتله اكل وياي ..ماقبلت تاكل ..بس توسلت بيها وكتله على صار جوا ..والحجي بيني وبين شهاب
رقيه .. غاليه رغم كلشي بس حجي شهاب صحيح ..دائمج انتي ويه هذني راح يخافن منج ويحسبن حسابج ..واذا تريدين تساعديني لزم بالاول توكفين ضدهن وتحسسيهن ان انتي ام البيت كله وخليهن يخافن منج لاتنطيهن مجال يعيدن السونه اليوم ..

غاليه ..بس قصتي ويه شهاب غير ..اني ماريد اتسرع مثل اول مره احتاج وكت واحتاج احس شهاب فعلا تغير واكدر ارجع واني مطمئنه ان راح اكون باامان ويه ..مو مجرد رغبه منه ..اريد احس شهاب جاي يحبني مثل مااحبه اني ..واكدر تفاهم ويه على كلشي يصير بحياتنه
مو هو بس يامر واني انفذ ..وكلام اغلبه قاسي وبارد وياي اني هواي تحملت منه وعذرته ودست على نفسي الخاطر اكون ويه ..بالمقابل شنو جنيت منه الاحسن اخلي الامور حاليا مثل ماهي خاصه هاي الفتره

رقيه .. ادري وعذرتج ..بكيفج مااريد ادخل انت اعرف بحياتج ومو صغيره تكدرين تعرفين مصلحتج وين

غاليه ..يالله عوفج من هاي سالفه ويالله حتى تاكلين ولاتكولين ما اريد لان ماعوفج قبل ماتاكلين

&&&&&
جهاد بعد ما شفت صور مال رقيه هي وهذا الوياها واني شايط واحس نار بداخلي ..بس ماكدرت ادخل عفت شهاب يدخل واني رجعت وبقيت
اسال بحسين ومرتضى هم شايفين واحد يمشي لو يكف ويه رقيه ..اثنينهم كالوا لا ابد
وحسين اكدلي ان دائما يشوفها كدامه وماتمشي بس ويه صديقاته و ما يوم طلعت خارج الكليه
من سالني ليش اسال ..كتله هيج مجرد اساله عادي
بعدها خابرني شهاب ورحت التقيت بي
وكلي على حجي غاليه ..وان رقيه ممكن نكون مظلومه
وكت تمنيت كل كلمه كالها وحسيت شويه بردت النار الي بداخلي ..ماجنت متصور رقيه ممكن تحب احد غيري .. ادري بيه صديته هواي بس جنت مجبور ماردت واحد من اخوانه يحس بيه عيني على ختهم لو بيني وبينها شي .. وكته راح اصغر بعينهم ويحسوني مو كد الثقه الي انطونياه
فبعدته عني بس ماجان بالي ان تصير لواحد ثاني ابد
المهم انطاني الموبايلي وكلي اريدك تعرف الحجي صح لو لا ..
اخذته واخذت الاميل مالهه وكلت لزم اعرف الصدك
وفعلا بقيت احاول بي واستعنت باصدقاء الي كدروا يجبولي برنامج يرجع كل الصور الموجوده بالموبايل
وبقيت سهران بيومها علي للصبح
واخر شي طلعن كل الصور الصحيحه
وبمجرد مقارنتهن بصور الي نرسلنه لشهاب مبين ان صور ملعوب بيهن وان رقيه ماكاعده وحده ويه اكوا بنات وياهم ..
وصور مقصوصه ومشيوله البنات بس الي مسويهن شخص محترف مستحيل واحد مايعرف بحيث مامبين الصور مكصوصه ..

اجيت ادك على شهاب واكله ..بس جانت ساعه ب5 الصبح كلت خلص باجر اني اروحله واحجيله
نمت واني بيدي موبايلها
كعدت اكلب بي وباوع على صورها ..
صراحه ماجنت اشوف رقيه بلا حجاب ابد
بس من بديت اكلب الفضول عندي خلاني ابقى اكلب بالصور ..كامت تطلع صور الها بفستان وشعرها فاتحته والفستان واصل جوا ركبه
بقيت صافن على صور .. وركز بيها تكول حوريه و الله
كلشي بيها مصبوب صب من شكل للجسم
وشلون طالعه بالصور تكول لعابه ..
بعدين انتبهت على نفسي يعني اخوها امن بيه وانطاني الموبايل ..واني كاعد اتفرج على اخته استغفر الله يربي

طلعت واجيت اذب الموبايل بصفي .. بس اجه مسج
اله
وطبعا ماكدرت اصبر فتحت ولكيت وحده اسمها ميس كاتبه .. رقيه انتي موجودة .. والله هيثم من سمع بيج هيج صاير بيج ولسه وهو مثل البركان ويفور ويريد يحجي ويه اخوانج ..
اني كمزت من مكاني واني شايط من الغضب
فتحت كل حسابتها وكعدت افتش بكلشي بيهن
ومالكيت غير على واتس اب حجي بينهم ..
وبقيت اقرا بكل الرسائل واني غضبي ودمي يفور اكثر
خاصه من اقرا عبارات الغزل الي يكتبه وشلون يتغزل بيها
وهي مكيفه وتضحك وترد
صح ماكوا كلام حب من ناحيتهه بس مجرد ان سامحتله
يتغزل بيه ويسمعهه كلام كلش كافي
وكته غضبي وحقدي عليها زاد ..وجنت اتمنى كدامي جان شوفته شلون اسوي بيها ..

ثاني يوم طلعت على البستان وجنت اشوف العمال جاي يسوا ..
وبقيت وياهم للعصر اجه شهاب
وحجه ..هااا خلي نروح لمكان ثاني نحجي
هزيت راسي ورحت ويه ..وصلنه لمكان دائما نكعد بي اني ويه
شهاب ..هاا جهاد بشرني شلكيت بالموبايل صارله يومين يمك ..
جهاد .. هاا .. مالكيت شي مهم ..يعني ماكدرت ارجع الصور ولا شي

شهاب .. يعني ماكوا اي طريقه تخليني اعرف الحقيقه وين صايره ..واكدر اعرف اذا الصور هذني ملعوب بيهن لو صحيح ..

جهاد ..حاولت هواي ..وماكدرت اصل لنتيجه

شهاب .. جان عندي امل قوي ان اكدر من خلال الصور اكشف الي جاي يصير ..مو مهم انه راح اتصرف بطريقتي ..

مااحجيت وبقيت صافن مادري اذا غلطت من ماحجيت لو هي تستاهل كل الي جاي تمر بي ..وهي غلطت فعلا و غضبي عليها اكبر من غضب اي واحد من اهله فبقيت ساكت حتى تعرف ان غلطت شاطر بالف

&&&&شهاب
بعد ما شفت ان ماكدرت استفاد شي من الموبايل جان لزم   اتصرف بطريقه ثاني
وجنت مشغول وبالي مو يمي
من دك موبايلي ..فتحت خط
وكلت الوو
اجاني صوت رجال جبير ..كال سلام عليكم ..هذا رقم شيخ شهاب
رديت اني ..وعليكم السلام ..تفضل
رد كال ..اني محامي سعدون العيساوي ..واريد اجيك بشغل نتفاهم عليه ..
رديت واني مستغرب ..حياك الله باي وكت
اتفق وياي يجيني الجمعه العصر
كتله تتفضل بكل وكت وسديت منه ..واني مستغرب منو هذا وشريد مني ونوب محامي ما عندي شي وياهم

رجعت للبيت ..وجان هدواء لان من وكت المشكله وكل واحد كاعد بمكان مايطلع بالصدف
المهم رجعت دخلت للغرفه بدلت وكعدت اقلب بالموبايل
ندكت باب غرفتي
كلت تفضل منو
دخلت وحجت ..شهاب اجيت ..علاوي يريدك من الصبح لسه يتهضم عليك ..خطيه ماشافك زين هاي الايام
رغم كل اليصير يبقى هذا ابني ومااريد اقصر بشي تجاهه ..
كتله تعالي جيبي  .. جابته وحطت بحضني وكعدت بصفي ..
اني كمت بي وحطيته بالكاع وكعدت بصفي..وصرت العب ويه ..
وهي اجتي ذبت ملاعيبه بصفي وكعدت يمي هم
طبعا بالبدايه ماجنت منتبهه عليها
بس من كامت تسوي حركات عود تلعب بعلاوي وياي
انتبهت ان دشداشته فاتحه من كدام وكل صدرها مبين منها ..
ونص ضهر من ورا هم مبين وتسوي حركات كدامي تتقصد تخليني اشوفها
حاولت ابتعد عنها بنظري لان والله ماحس برغبه تجاه بس خفت الشيطان يلعب بعقلي واني هم بشر مو ملاك
وصارلي من تركتني غاليه لليوم ماتقربت من وحده ..
فصارت رغم تجاهلي اله تحاول طخ بجسمي ..وبحجة علاوي ..
اجيت اتحرك من يمها ..بس حسيت بفتحت الباب
وتفاجت بوجود غاليه بالغرفه ..
رغم مااحجت بس جانت تباوع علينه

اني هم ماحجيت شي ..بس شفته فتحت الكنتور وكعدت تحط ملابسه بيه ..وترتب بالغراض ..
ابتسمت وتركته ماحجيت ..خبله لحالها رجعت لو شنو والله ماعرف شتفكر هل الغاليه ..
بس اباوع على امل ضاجت كلش وتقربت مني اكثر ..وحجت بااذني ..شهاب شنو غاليه رجعت الحالها لو انت كتله ترجع ..رديت ..شي مايخصج ..هاج ابنج ودي ينام ..يالله روحي نومي

كامت وهي تباوع على غاليه وتخزر بيه ..وغاليه ماهتمت كعدت ترتب بالغرفه وتباوع عليه بغضب ..
والله شكل غاليه تغيرت هواي ..صايرة السان وترادد وتتعارك وتاخذ حقه وماتسكت ..
وشكل هل تغير خلاني اتعلق بيها زايد وفرح اشوفهه هيج ليش مادري ..

تقربت عليها وهي كاعده تعزل ..وحجيت
شعجب قررتي ترجعين ..يعني اخيرا قررتي تنطيني فرصه ثانيه ..
جنت واصل يمها من حطت ايدها تمنعني اتقرب اكثر
ودفعتني على كيفه مسافه عنها
وحجت .. اي لان فكرت وشفت ان حجيك صح احتاج هاي الفترة ان خلي امل ولقاء يعرفن ان اني وانت رجعنه سوا ..بس مو معناها ان صدك راح يصير هل شي ..انت كلت ان ماراح توصل يمي لحد ما اني بنفسي ارجع الك
فخليك على وعدك ..
وبصراحه بعد الشفته من شويه الواضح ان بدل ماتكشفه راح تنام بحظنهه واني احتاج خليك تبقى كدام عيني منا لما تكشف كلشي سوانه ..

شهاب ..رغم طولت السانج وحجيج الماسخ ..بس راح امشيهه لان رجعتي للغرفه ..غاليه .. زين خلص كلي شسويت بالموبايل كدرت طلع الصور الاصليه لو لا ..

شهاب .. لا ماكدرت ..بس عادي اكدر اعرف بهواي طرق ثانيه ..

غاليه .. اي يعني بالاخير كلشي ماسويت ..والله يربي يعني لو اكدر اني اتحرك واطلع واروح واجي جان عرفت شلون اطلع الحق من عيونهن ..

بقيت صافن عليها ..تحركت من كدامي وهي تريد تعبر للحمام ..لزمته من ايده وحجيت
شهاب .. ملاحظه نفسج انتي ترى السانج طولان هل الايام

دفعت ايدي وحجت ..يوو عاد بس حاير تقيم بيه خوا بدل هاي روح دافع عن اختك بدل ماكاعد تنضرب وتنهان وتنظلم وهي بلا ذنب
طلعت كبل وعافتني اباوع وراها ..هاي غاليه لو وحده ثانيه ..منين جايبه كل هل القوه ..جانت تقف كدامي تخاف ترد وتجاوب ..
بس والله مادري ليش احس كلبي كام يطب قوي واكثر من قبل بوجودها ..
رحت كعدت على سرير ..اكلب بالموبايل
لمن طلعت وهي رافعه كل شعرها فوك بشكل مخربط ولابس بجامه من فوك ضيكه على جسمه وربع ردن مكشفه ادينها وتنزل على نفس الضيق بارزه خصرها
ومن جوا عريضه وماطابعه على رجلينه ..لونه بصلي
بقت صافن وهي تتحرك جابت الفراش وحطت جوا
وغطه وكعدت تريد تنام لمن صحت بيه
شهاب .. هاي شنو تنامين بالكاع

غاليه .. اي شنو الغريب بالموضوع

شهاب .. تعالي هنا بصفي ..ولاتخافين ماوصل يمج ..كومي

غاليه .. حنين الله يسلمك جنك مانومتني بالكاع اول يوم تزوجنه بي وبقيت كل وكت تتعامل وياي كاني حجاره ماعندي احساس ..

شهاب .. غبي شتكولين بعد كولي ..بس صراحه اكتشفت ان انه اغبى انسان بالكرة الارضيه. ..معقولة اخلي هيج كيكة تنام وحده بالكاع ..ما عندي نظر صدك

بقت صافنه علي ..ومامصدك اني جاي احجي
وردت علي .. انت مريض شبيك اليوم

نزلت يمها وحجت والله مريض ..ياريت تطيبيني
كمزت وهي تكف على حيلهه وتحجي ..شهاب بلا هل الحركات والحجي ..انت وعدتني شهاب .. اهي راح تجلبين بهاي كلمه ..دروحي نامي انتي على سرير اني راح انام هناا

بقت تباوع علي وحجت .. متاكد ..ما اريد شويه نوب وترجع تكومني

شهاب .. روحي بويه ..قبل ماغيري رأيي

غاليه ..لا رايحه
راحت نامت على سرير ..واني نمت بالكاع
بقيت اتكلب هواي يالله نمت ..
كعت الصبح ..نهضت باوعت بعدها نايمه بسرير
بقيت اباوع عليها وحجيت بكلبي ..والله مجرد وجود نفسج بالغرفه يمي يخلني مرتاح واحس ملكت الدنيا ..
تركته ورحت للحمام ..
اخذت حمام ..وطلعت
جانت الغرفه مرتب وهي كاعده وطالع حتى الفراش شايلته ..
دخلت كاعد اتنشف وكملت باوعت لكيت ملابسي محطوطه على سرير
وكلشي مثل قبل ..ابتسم وشلت الدشداشه لبسته
وحجيت ..والله اشتاقيت لاهتمامج بيه  غاليه والله كلشي بيج يختلف عن اي مراة ثانيه حتى زعلج حلو

طلعت رحت على امي لكيت بالمطبخ بوسته وحجيت شلون صرتي مبينه احسن اليوم وطالعه تتريكين ويانه امي ..والله يمه احسن انشاء الله ..غاليه جلبت بيه اطلع ..وصدك طلعت

باوعتله جانت سوتي ريوك على طباخ ..رديت على امي ..اي يالغاليه اطلعي احسن من كعدت الغرفه هي تمرضج ..
جاي احجي وهي حطت الاكل كدامي ..وكدام امي
والجاي ..ورجعت على المطبخ تنظف وتشتغل
حجيت ..تعالي تريكي بعدين اشتغلي
غاليه ..لا مو مشتهيه هسه ..بعدين اكل
دخل زيدون وحجه .. صباح الخير
ردينه علي ..صباح النور
زيدون ..غاليه بربج سويلي بيض مثل مال شهاب
رديت علي ..بويه شكوا غاليه تسويلك مو عندك مراه هي تجي وتسويلك ..
زيدون .. بس غاليه تسوي اطيب مادري ليش
شهاب .. اي تسوي اطيب بديها حلاوة واني مادري

غاليه ..تدلل من عيوني
زيدون ..تسلمين والله ..وانت لاتدخل بنصنه اني وبنت عمي
شهاب ..تراها مرتي انه اوله بيهاا
هي حطت الاكل كدام زيدون وحجت ..بالعافيه وهي تبتسم
شويه ودخلت لقاء ..وامل
كالن صباح الخير ..
وبعدها كعدنه ولقاء باوعت زيدون وحجت ..حبيبي جان انتضرتني اكعد وانه اسويلك ريوك زيدون ..بعد غلوي سوتلي
كمت أفاف هذا اليوم يريد ابتلي بي
لقاء وامل جانن ساكتات بس يباوعن على غاليه وهي تفتر تشتغل بالمطبخ ..
بعدين من كملت غاليه وكامت امي كالت اروح ارتاح جوا
وزيدون دخل كال اسبح واطلع
هن كامن يسوا ريوك
انه طلعت برا بعدين رجعت من باب المطبخ وحجيت
غاليه ..جيبلي سويج من فوك نسيته
صعدت جابته واجتي
حجت هذا ..شهاب
جنت واكف بالباب مال المطبخ وهي جوا المطبخ
وامل كاعده على ميز طعام وتباوع ناحيتنه ولقاء كاعده تسوي ريوك على طباخ
لزمت ايد غاليه وسحبت برا المطبخ ..وسديت الباب
ودنكت بسته بخدها
هي تفاجت بيه وحجت ..هاي شنو
حجيت ..هاي يوميا وحده من اجي وحده من ارجع ..طاقه حتى اكدر اكمل يومي ..
ضحكت وحجت ..خوش حجه
تقربت منه وحجيت ..مو زين راح امشيهه بس على الخد

حطت ايدها على صدري وحجت ..كاافي الطمع مو حلو
شهاب ..ياطمع ولج ..غير مرتي المفروض شبعان من كلشي مو كاعد ادور بوسة خد مثل المراهقين بس شكول حسبي الله ونعم الوكيل ..اصبر وامري لله

ابتسمت وبتعدت وحجت ..مو شكلك تاخرت روح يا لله ..الله وياك
اخذت نفسي وطلعت للسيارة ..
بقيت شغله منا ومنا لحد ما صارت العصر
جنه اني وجهاد واكفين
دك عليه رقم ..فتحت خط
واجاني صوت رجال ..سلم وحجه ..شيخ شهاب اني المحامي سعدون العيساوي اذا تذكر اتفقنه اليوم نمر عليك ونحجي بموضوع
شهاب ..اي اذكر ..اي تفضل كل الهلا بيك
راد العنوان وانطيته اله وسديت منه
جهاد ..منو هذا ..وشيريد منك
شهاب ..والله مادري يكول محامي بس مادري شيريد يا لله هسه رايح اشوفه وافتهم شيريد
رحت للديون ..واجه جهاد وياي
شويه واجه علي بسيارته دخله وحجه ..سلام عليكم ..شكوا  بويه شسوا هنا
رديت علي ..وعليكم السلام ..والله اكوا جماعه خابروني يردون يشوفوني وانطيتهم العنوان وكاعد انتضرهم
علي .. يجوز نفس الوادم الدكوا علي ..محامي مو
استغربت ورديت .. اي خويه يعني خابرنه اثنينه منين هذا وشيريد
على ..والله ماعرف اول مره اسمع باسمه المهم كعدنه ننتظرهم ..وراه ساعه دخلوا علينه
رجل متوسط بالعمر ضخم وطويل ولا بس قاط ..ويه ثلاثه بعد ولد شاب صغير وهم لابس قاط ..واثنين واحد عسكري برتب رائد واحد لابس ملابس مال شيوخ
رحبت بيهم ودخلتهم
وكعدوا بعد ماسلوا علينه
وحجه الرجال ..وكال اكيد انتم ماتعرفون ومستغرب من جيتنه المفاجئ عليكم ..
خليني الاول اعرفكم بينه ..اني المحامي سعدون العيساوي ..وهذا اخوي الجبير ..ابو عبدالله هو هم جبير عشيرتنه ..
وهذا اخوي الاصغر مني ..رائد بالشرطه ابو اياد ..وهذا ابني الجبير ..هيثم وجيتنه اليوم الخاطر هل الولد ..
بويه احنه ناس ذبت عشاير وانتم هم ..واحنه اليوم اجينه وقاصدينكم بطلب وكلي امل ماتردوني

رد علي .. ماعاش الي يردك ..اذا مكدورله يجرالك
رد المحامي ..اي انشاء الله مكدورله وبحيل الله واهل البيت ..شوف خويه اني جاي وطالب ايد بنتكم المصونه لابني هذا ..هيثم هو وياها بنفس الجامعه بس هيثم قانون مرحله ثالثه وحجالي عن ادبها واخلاقها وحمد هواي بيه وبتربيته ..وكلت اسال واشوف دام الولد رايدها ..ومن سالنه عنكم وعن بنت طلعت يانعم ماختار ..الاهل ماشاء الله كلهم شيوخ اب عن جد ..والبنيه ماتنوصف ب الاخلاق ..فكلت على بركة الله ..وبي خير الله يقدمه ..

طبعا بقيت صافن ومصدوم بكل كلمه كالها ..ومثلي جان حال جهاد وعلي ..
بس الولد رد حجه وكال ..الله شاهد علي ماشفت بالبنات بنيه مثل اخلاق وتربية بنتكم وهل شي خلاني اتمسك بيها واجي وتقدم اله واني كل امنيتي ان صير الي ..وعد مني كدام ابوي وعمامي وكدامكم ..راح حطه بعيوني وحافظ عليها مثل ماحافظ على نفسي ..

علي .. والله يااخوي بصراحه فجاتنه بطلبك ..وماجان بالنه ..بس تدري هيج مسأله تحتاج وكت ..هم لزم نسال عنكم ..وعن الولد ..ونشوف رد البنيه ..وانشاء خير

طبعا صار حجيه وتعارف وكعدوا يعرفوا عن نفسهم ..والولد من شفته وشفت حجيه حسيته خوش ولد ومؤدب وعند اخلاق
طبعا اباوع على جهاد جان طول الوكت ساكت ..ومبين الغضب على وجهه ..بس مافهمت السبب
من طلعوا ..وطلعنه وياهم
الولد اخذني على جهه وكعد يحجيلي عن موضوع صور ..وان بحياته ماطلع ويه رقيه ولا ملتقي بيها غير مره وجان اخر يوم بالامتحانات وجانت اخته ويه راح وياها وهي صديقة رقيه ..وبنت خالته هم صديقته فواكف وياهن واخذوا صور جماعيه ..بدون قصد ..وحلف ان الصور انخذت من جهاز رقيه وبقن بس عند رقيه محد اخذ ولا صور ..

وصلتهم للسيارة ودعتهم وراحوا ..
والتفتت على علي وكتله شنو رايك بالسمعته
علي .. اشوف مبينين خوش ناس ..الولد عجبني وهي البنيه سترها الزواج وانه اشوف لو تاخذه للولد هم هي ترتاح وتستقر وهم احنه نخلص من هل حمل وعاد محد بعد يحجي ويفتح حلكه لو صار رجله ..

شهاب .. وانه صرت متاكد ان رقيه مضلومه ..وان حجي هذا ولد كله صحيح ..لان كتب المسج كتبه نيابه عن لولد وهل ولد نكر واجه تقدملها على سنة الله ورسوله يعني مستحيل يهددها بصور ولا يرسلهن النه ..

علي .. انه ماشكيت بتربيتي لا ختي لحظه ..بس حجي ناس ياخويه مايرحم ..وخاصه اذا اجه من نسوان اقرا السلام عليها وهي بنيه وصغيره جان تدمرت حياته لو ما طلعت هل الولد ابن الحلال

جهاد ..شهاب اني رايحه للبيت تعبت شويه ..اريد ارتاح
شهاب ..مااشي روح الله وياك ..
بقيت مستغرب يعني جهاد لا حجه ولا انطه ريه وشكله ضايج ..يالله يجوز عنده مشكله ..&&&&&
غاليه ..طبعا ماجنت ناوي ارجع للغرفه يم شهاب
بس يوم شفت امل وهي داخله يمه بحجه ابنه
اباوع لبسه يخزي ..وهو رجال و اكيد يعني  مو صنم وهي حقيرة تعرف شلون تغري الواحد بحركاته
فكلت اكيد بس تكدر تقترب من شهاب خطوة وحده
اني خلص بعد مااكدر اسوي اي شي ويضيع كلشي عليه ..
فدخلت وراها بسرعه ..وفعلا مثل ما توقعت كاعده بحظنه الا شويه ..وهو بعد كلشي حجيت اله وعرفه كاعد يمها وفاك حلكه عليه ..اجيت اضربه بطاوه على راسه بكلي يحس ..وارجع عليها اسحله من شعرها
بس هو مجرد ماشافني نهض من يمها ..واني سويت نفسي عادي ..عبالك واحد جابني بالتوسل ماجيت لحالي
وكمت اعزل ورتب بالغراض ..
واتصرف طبيعي رغم هاي مو طبيعتي بس مادري ليش كمت مااكعد افكر هوواي واكول لو سويت هيج راح يصير. وهذا شراح يكول وهذا شيكول
عفت كلشي وكمت اتصرف بلا ماافكر بغيري خليني افكر بنفسي وبس ..هي بالاخير حياتي اني وبس
وفعلا صرت اخذ البيت كله اني اتصرف بي
وهن كامن يموتن بس اني كلت الا دفعهن ثمن السونه غالي عبالهن يعني فقيرة ومالي وجود واني اذا ردت اقوى محد يكدر يكف بوجهي ..
صرت اسوي كلشي بالبيت حتى طبخ اني اطبخ
وركنتهن اثنينهن على جهه
هو شنو البيت فد مشكله ..اني كله ارتب وعزله وانظفه والله رجع على نظافة قبل
بس غرفهن هن ينظفنه
وحتى كامن مايطلعن هواي من غرفهن ولا يكدرن يتعاركن وياي ..بس يخزرن بيه
واني اذا ردت اخليلهن اكل واذا ماردت اكلهن اطبخن لنفسجن ..
مااكام يطلع صوت وحده بيهن ..
وبيوم اجه علي وشهاب
ودخلوا جوا يمه خالتي وصحولي شهاب ..غاليه روحي جيبي رقيه هناا
باوعتله واني خايفه لا يسوا بيها شي ..
شهاب ..روحي بويه مااسويله اي شي
رحت عليها وكومته وكتله تعالي ..علي وشهاب يردونج جوا
رقيه ..غاليه خاف يردون يسولي شي ..والله بعد مااتحمل اذا يردون يكتلوني خلي يكتلوني ويريحوني
رديت عليه .. لا تخافين ..ماراح يسوا الج شي
اجتي وهي تمشي مدنكه وتتختل وراي
فتحت باب غرفة خالتي مالكيت احد
صاح شهاب ..تعالوا هنااا
رحت للصاله ..ولزمه ايد رقيه الي كتفت تقف كدامهم وهي مدنكه وتبجي ..شكد قهرتني ..شهاب .. كعدي بويه واسمعي الحجي
كعدته على كرسي تخم ..وكفت بصفهاا
علي .. بوويه باوعي انه ماشكيت بيج لحظه ولا بترببتج ولا اخلاقج ..بس غلطتي بويه من انطيتي فرصه على نفسج يصير بيج هل صار هذا ..
المهم انه اجيت ويه اخوج هذا ..حتى اكلج ..اجوي ناس اليوم يطلبوا ايدج لابنهم ..ولولد حجه وكال انه ما عندي شي وياها وكل غايتي ارتبط بيها وتكون حرمتي كدام الله وناس ..وصور كال هاي كله جذب وملعوب من واحد ابن حرام ..
والولد واهله حجوا هواي وشفتهم ناس خوش ناس ..وابنهم خوش ولد ..وانتي بعد بكيفج ..بس انه اشوف ان تاخذي وتسدين سالفه احسن دام راح يحافظ عليج ويصونج ..

شهاب .. وانه وكلنه متاكدين ان انتي بريئه والصار واحد سوا حتى ياذيج ..بس بيها صالح وهل اجتج خوش قسمه وانه وعلي بقت نسال عنهم ونعرفهم اكثر ..وانتي القرار الاخير يمج ..

جانوا يحجوا واني وصافنه مامصدكه يعني سبحان الله رادن يسوا شي ياذن بي رقيه ..بس الله نجاه منهن وهم راح تصير من نصيب هل الولد

بعد مناقشات طويله بينهم ..وخالتي بيها فرحة وحست ان هم ونزاح عنها ..
رقيه مااحجت غيرالرأيي  الرايكم  ورجعت للغرفه ..واني لحكته وسالته
غاليه ..رقيه ليش شكلج مافرحتي ..مو المفروض تفرحين ان الولد صار نصيبج وهم سالفه ربج حلها ..والولد طلع ابن اصول وتحمل الموقف كله ..

رقيه .. هذا المضوجني ..كونه ابن اصول ورجال ثبت موقفه وكلامه واجه نقذني مو مهتم حتى ان احتمال اهلي مايصدكوا وياذوا هو واهله ..وخاطر واجاني ..ما اريد اظلمه وياي هو يستاهل وحده احسن مني مية مره
وحده تكون ويه مثل ما يستحق يتعامل تعامله حرام اظلمه وياي ..

غاليه ..ولج ليش تظلمي وياج ..قابل انت شمسويه رقيه ..ماامسوية ..بس احب واحد غيره ..وهو يستاهل وحده تحبه اله لشهامته ورجولته وكفته هاي راح تخليني اشيل ذنبه طول عمري ..بس هذا وهي تاشر على كلبه ..شيفتهم ماايطيعنه وحده متعلك بحبال ذايبه ..بس مو بيدي يااغاليه جهاد ساكن بروحي شكد احاول انكر وجوده والغي من حياتي ..وسوي نفسي مو على بالي ..بس جذب وكله تمثيل وماكدر احب واحد غيره هو مثل المرض بيه ماعرف شلون اتعالج منه ..

قربت حظنته وحجت ..مو لزم بس تفكرين بنفسج ..فكري بالي داير مدايرج فكري باهلج وكل صار بيهم ..وبعدين دام جهاد مو متقبل حبج اله خلص ماله داعي تفكرين بي ..وانه متاكده بس تلكين الي يعاملج بحب وطيبه ويحميج من ناس كله ..انتي راح تحبي غصب عنج وراح كلبج يطلع كل واحد بي وياخذ هو كل المكان ..بس انتي انطي مجال ..وشوفي شيصير ..

رقيه ..اتمنى ياغاليه والله امنيتي هاي ..راح احاول و انشاء الله انجح

بعدها شهاب وعلي سالوا عن هيثم وعرفوا ان عائلتهم خوش عائلة وسمعتهم حلوة
فوافقوا علي ..ورقيه هم ماعترضت
وبعدها الناس جابوا مشيه وتقدموا رسمي وانطوهم مراه ..واني ورقيه بهاي الفترة تحسنت حالتنه عكس امل ولقاء الي الله فشلهن ونصر رقيه عليهن ..
رجعنه اني وياها لزمنه البيت ..وخالتي كامت على حيلها ..نسوان اجني شاف رقيه ..واني كعدت اخفي اله اثر الضرب ..
وبعدها بدينه مادري شبينه اني وياها على الاكل ..صرنه ناكل 24 ساعه ..مادري من فرحه لو شنو
ونهتم بنفسنه اكثر نحاول نطلع من الجو الكئيب الجنه بي ..
لقاء كضته هاي فترة يم اهله ساكنه ..وامل فوك ما تنزل بالمناسبات ..لو تلكينها تفتر بالصالونات ومراكز التجميل
مدري شسوي بخلقته ..وكل نهار هم سايبه بارا
وشهاب ابد مايحاسبه ولا يدخل بيها ..غير بس يكله لا تتاخرين ..
واني اذا اريد اطلع منا لهنا ..مايخليني ..ويبقى يطلع حجج حتى ماطلع وابقى بالبيت ..
ومن اروح يمه بالغرفه ..لزم يبقى يباوع ومحسسني كنما مالبسه هدوم من نظراته مع اني اضطر البس كدامه اشياء ماتبين شي مني ..
وماينام الا يطلع روحي ..لو يسخر بيه يبقى ..لو يبقى يحجي ..بس عادي اني اغلس عنه ..وحطله كلشي يريد يمه ..

بيوم جان المفروض يوم خطوبة رقيه وهيثم ..لبست فستان مستور وردي فاتح كلش ..وشال ..واني هم لبست نفنوف نيلي ..وشالي على راسي لان ولد موجود واجني ورده وفاتن وبنات عمتي كلهن ..جانت حفله صغيرة بينه ..
فاتن كعدت ترتب برقيه ..وتكله والله كبرتي وراح تصيرين عروسه ..وهي بس تبتسم ..بس شكله حزين وابتسامته تضم وراها هواي اشياء ..
اخذناها ونزلنه ..جان الولد كاشخ وعلى وجهه ابتسامه
ومبين حباب وكلش اخلاقه حلوة
جانوا كاعدين واحد يم الثاني ..ومبين يحاول يخليه تضحك ..واخر شي كدر يخليها تبتسم بفرحه ..
لبسوا الحلقات ..وصوت الهلاهل ملت البيت ..
وكله فرحت وركصت وغنت ..
وبعدها راحوا ..طلعوا اهله امه واخت ميس الي جانت طايرة من فرحته وصديقته سميه هم خطيه فرحانت من كلبهن برقيه  ..وابقت رقيه كاعده ويه بس ماطولوا دقايق وطلوا ورا الناس  ..هو ركب ويه اهل وراح
ورقيه رجعت للبيت ..خالتي حظنتها وباسته وكلتله الف مبروك يمه متهنايه ..
رقيه بجت وحظنته خالتي ..وخالتي بقت طبطب على ظهرها ..
بعدها ..دخل زيدون وهم حظنها وحجه الف مبروك رقاوي شايفه كل الخير ..
وردت وهي تحظنه وتبجي يبارك بي خويه ..
المسمومات هم باركله بس رقيه ماردت عليهن ووحجت ..تعبانه صاعده انام ..
صعدت وياها ..وشفته كاعده تبجي على سرير ومو جنهه عروسه فرحانه بعريسها  شكلها واحد مفارك محب واليوم فاتحته ..

بدلت واجت نمت بصفهه ..وهي حضنتني ونامت
ماحجت ولا اني سالته ..عفته تذب الهم الي بكلبه ..
.......يتبع
🦋🦋...............................🦋🦋

اتفاعلو احبتي تشجيعآ لي حته استمر وياكم

صباح الورد

#جبروت_الشيخ_وقلبي

#البارت30

فمتابعه طيبه حبايبي
الكاتبه بنين الطائي ❤ 🦋
............................رقيه
يوم الخطوبه جنت احاول شكد ماكدر افرح وبين طبيعيه وماخليت احد يحس بالي بداخلي .. ومن كعت بصف هيثم حسيت بان كدامه وحده ماتستاهل كل حب واهتمامه وموقفه الرجولي وياي ..واني ما جاي اكدر ابادله هل حب احس بذنب اتجاهه ..

دنك حجه وياي وكلي مو على بعضج ليش ..صح الخطوبة تمت بشكل سريع وماجنتي متوقعته بس لان ظروف جبرتنه ..بس والله انشاء الله اعوضج عن كلشي شفتي وخليج ملكه تدللين واني انفذ ..
وكته ابتسمت الكلامه ..وبينت فرحتي كدامه بس بداخلي كلش نقهرت من نفسي احس جاي اظلمه وياي ..

بعد الخطوبه .. جان الكل فرحان بيه الا اني ما فرحت بنفسي كعدت ابجي بحركه ..مو بس لان حاسه بذنب اتجاهه هيثم ..وهم لان احس كلشي صار سريع وبلا ارادتي انجبرت على هل شي الخاطر اهلي والخاطر محد يجيب طاريه بكلمه ..
بعدها صار هيثم يدك عليه ويطمن عليه بس للاسف علاقتي بي جانت على كد يسالني واجوابه
وشكد حاول وياي يفهم شبيه ..بس هل شعور مافركني
بس مابينت كدامه لان خطيه مال ذنب يكفي وكفته وياي
المهم بيوم عمتي عزمتنه اني وامي وغاليه على غداء ماردت اروح بس كالت ماكوا احد بالبيت و
رحنه تغدينه ..وصدك ماجان احد بالبيت بس ايه وعمتي
كالت الولد كلهم برا اليوم مايجوا من وكت ..
بقينه كاعدين للغروب

اجتي سيارة شهاب وجهاد ويه
حجه ويه غاليه ..وكله تعالي اريدج
اخذها وراح ..واني وامي بقينه جان جهاد واكف ويباوع علي ..وعيونه كله غضب مني
مااحسيت مرتاحه فكلت لامي ..راح الحك اني غاليه
امي ردت ..انتظري هسه نروح سوا
بس شفته ملتهيه بسالفه ويه عمتي واني ماكدرت بعد ابقى ..حجيت لا اني راح اروح عود انتي تعالي وراي اشرتلي براسه وكملت حجي ويه عمتي

اني طلعت ولفيت شالي زين يم الباب
واجيت اطلع ..بس قبل ما اصل للباب لكيت ايد تسحبني ..لورا البيت
جان مكان معزول عن باقي البيت ..ماحسيت غير دفعني على حايط ..
وهو يحجي .. شلون كدرتي تسوين هيج
رديت علي بصوت .. انت تخبلت شلون تسحبني بهل طريقه منو سمحلك تحط ايدك علي اصلا

جهاد .. ما انتظر منج تسمحيلي لو لا ..انت ليش وافقتي على خطوبه ..شلون كدرتي تربطين بواحد ثاني وانت تحبين غيره رقيه .. لا انت تخبلت ..انت شكوا انخطب مانخطب ماتصور شي يخصك

جهاد ..يخصني دام اني هذا الشخص الي تحبي ..

رقيه .. قصه وانتهت واني حاليا صرت لشخص ثانيه ومن واجبي احترمه بوجوده وغيابه ..فاابتعد عني ودفعت واجيت ابتعد عنه ..
بس لزم اديني ولزمني من خصري ..واني تخبلت حاولت ادفعه عني واصرخ بيه ..تركني جهاااد انت انجنيت
بس سيطر علي ولزم ايدي البيه حلقه
وعصرها وهو يحاول يسحب الحلقه من اصبعي ويحجي
انتي الي ومستحيل يااخذج غير ..كل وكت ادري انت الي جنت تراسلني وكل يوم تدخليلي من حساب بس اسلوبج نفسه ماتكدرين تغيري ..
بقيت مرتبط بيج بهاي طريقه وبعيد عنج بالواقع ماردت احسسج برغبتي بيج حتى ماتصرفين بطيش وخاصه جنتي بعدج طفله ..وعدت نفسي ان ابعدج لحد ماتكبرين شويه وكتها اكدر اطلبج من اهلج ..وتصيرين الي بدون ما اخسر اخوانج ..
بس استعجلتي ورحت تحبين ..شلون كدرتي تحجين وياي بكلمات الحب ..وتقبلين واحد ثاني يسمعج هل الكلام ..
من كال جنت اعرفج انتي الي تراسليني ..نصدمت خاصه اني بعد الصار بيني وبين امي اول مره حذفت كلشي يخصني من حسابات عدا حسابي الرسمي ..
وادري لقاء من دزت بس الصور مادزت اي محادثات ..يعني صح جان يعرفني اني ..
جان يحجي ويسحب بالحلقه وفعلا سحبه من ايدي
اني دفعته وصحت بي .. رجعلي الحلقه ..وخلص انسى جنت مراهقه مو اكثر مثل ماكلتي انت  ..وراح كلشي اني صرت الواحد ثاني هسه مو من حقك تحجي وياي هيج ..

ماحسيت غير لزمني من فكي وحصرني بينه وبين حايط
وعيون يجدحن نار وحجه وهو يصك سنونه جهاد .. تحلمين واحد ياخذج غيري ..مو كل وكت تكبرين كدام عيني ويجي واحد ياخذج على حاضر ..انتي الي اني وبس
ماحسيت غير اخذ شفتي ..حاولت ادفعه عني بس لكيته يحظني اكثر ويعمق بوسته اكثر ..
وكته غصب عني روحي ذابت ويه وكل مقاومتي انتهت واستسلمت اله ..
بس بقت دموعي تنزل لان حسيت بحبه بوكت متاخر لمن صرت الواحد ثاني ..

بعدها حسيت على نفسي ودفعت عني واني ابجي واشهك وصحت بي  ..خلص ..ليش تعذبني اكثر ..عوفني كافي البيه

ركضت عنه ..وطلعت للبيت واني بس دموعي تنزل ..وحس الدنيا كلها طلعت من عيني ..نهاريت كلش ..اول مادخلت كعدت بالطرمه على رجليني وابجي
اجتي غاليه تركض من المطبخ ..وكومتني وهي تحجي
رقيه شصار وياج ..ررقيه شبيج
كمت اصيح وحجي وابجي ..ماكدر اتحمل بعد هل عذاب ..والله مااكدر ..لو اموت احسن

غاليه ..اول مدخلت رقيه وهي منتهيه بس تبجي وتعيط ..ركضت عليها ..مبين عليها منهاره حاولت اكومها ادخلها جوا
بس كامت تحجي ..اني سبب بكلشي يصير ..اهلي بسببي انكسروا ونزلت روسهم ..وبسببي هيثم جاي يتعذب لان ماجاي اكدر احبه ..وبسببي جهاد هم جاي يتعذب ..بقيت صافنه عليها وكتله ..شجاي تحجين انتي ..شصار
بعدني مااكملت هي نهضت ..وكالت اني ماكدر اتحمل هيج عيشه ماحسيت غير ركضت للباب ..احاولت الزمها واني احجي وصيح ..رقيه تخبلتي وين رايحه ..رررقيه
دفعتني وهي تركض بارا ..
رجعت اركض اجيب شالي وصايتي ..
وطلعت اركض وراها ..جانت الدنيا غروب ومحد موجود بالشارع ..باوعت هيج هيج مالها اثر كمت ابجي
وافتر اروح هيج ورجع هيج ..نوب شهاب بالبيت وخفت ينزل يدور عليه لو يطلع بارا
بقيت اروح وارجع وابجي ..وادور مااحسيت غير جهاد اجه بتجاهي ..وحجه غاليه شسوين بالشارع وشبيج تبجين شصار
اني حجيت بسرعه ..الحكني جهاد رقيه مادري وين راحت تركض وهي تبجي وحالته حاله كالت اريد اموت ما اريد اعيش بعد ..مادري وين رحت

جهاد..ررقيه وين راحت ...
غاليه ..ماادري اختفت من كدامي مادري وين راحت ..نوب شهاب بالبيت خاف يحس بيها ..
جهاد .. روحي ارجعي انتي للبيت ..انه راح ادرو عليها
رجعت للبيت ..واني دموعي تنزل وامسح بيهن وادعي الله يلكاها جهاد قبل مااتسوي شي بنفسها ..جهاد من تركتني رقيه وركضت ..واني بقيت واكف وضربت حايط بوكس طلع دم من ايدي واني اغلي ..بدل مااتصير الي راح تروح لغيري ..حلفت ان لو شيصير مااعوفها تروح لغيري ..
بعدها ركضت ورها جنت اريد احجي كلش اله
بس تفاجت بغاليه بشارع وتكلي رقيه انهزمت تركض ..وماتدري وين راحت
اني عقل مابقى براسي ..ركضت بالشارع ادور بيها ..ماجان الها اثر باي مكان ..نوب دنيا ظلمه ومااكدر اشوف شي ..بقيت افتر واركض مثل المخبل بالشارع ..
بعدين اجه بالي اروح اركض بتجاه النهر ..خفت تروح تشمر نفسها بي
باوعت على طول نهر ..مااكوا الها ..اثر ركضت لحد مااوصلت جسر ..اجيت اعبر اشوف راحت للجهه ثانيه ..بس لحت شي جوا الجسر
نزلت اركض باوعت جانت واكفه على حافة النهر
وهي صوت بجيها عالي ..خفت اتقرب منها تروح تشمر نفسها ....
تقربت وحجيت ..رقيه ..اسمعيني بس لاتسوين هيج اترجاج ..

رقيه جنت واكفه وحايره بين اموت روحي وخلص من كل هل عذاب ..وبين اكمل حياتي واحاول اتجاوز كل هل عقبات ..بس احس تعبت ومابيه اكمل احس الدنيا كلش ظلمتني وماكاعد ترحمني ..لحد ماحسيت بصوت جهاد

بقيت متجمده بمكاني بس تحرك بتجاهي ..ركضت على جهت النهر
بس جان اسرع مني ولزمني حوطني بذراع ..وصحت اتركني اريد اموت وارتاح ..اتركني كافي هواي تعذبت
فرني علي وخذني بحظنه ..
واني بلا شعور جلبت بي وصرت ابجي بحظنه ..ومجلبه بقميصه ..
حط ايده على راسي ..وحجه ..اسف كل بسببي ان غيرتي عمتني وخلتني مااحجي ..وتالي انتي تعذبتي واني اكثر منج ..

رفعت راسي اباوعله مستغربه ..شنو الماحجيته

جهاد .. رقيه انه احبج ..واحبج اكثر مماتتخيلين وما جنت ادري بنفسي احبج لهاي الدرجه غير وكت حسيت صرتي الغيري ..والاكثر عذبني ان انه سبب بهل زواج هذا ..انه مااكلت لشهاب على صور جنت مقهور منج وضايج بسبب المحادثه الشفته بينج وبينه ..بس والله ماجنت ادري هيج جاي تتعذبني ولا ادري راح يصير كل هذا ..سامحيني والله ماجنت قاصد اذيج انتي عندي اغلى شي ..

بقيت اباوع علي وحجيت واني ابتعد عنه ..اي صور هااي انت جاي تحجي
جهاد ..انه كدرت اطلع الصور الاصليه من موبايلج وجنت ناوي احجي لشهاب ..بس بسبب مسج ماحجبت جان من وحده من صديقاتج وهي تحجيلج على هيثم ..خلتني ادخل على محادثات بينكم ..ومن قريت كلامه وغزله الج ..وانتي فرحانه ان كاعد يتغزل بيج ..عمت عيني الغيره ونكرت وجود هذني الصور ..

رقيه ..يعني انت جان عندك دليل برائتي والدليل الي يكشف ناس الي ضلمتني ويرجعلي كرامتي ويرفع راسي بين اهلي ..بس بسبب كبريائك وغرورك مااحجيت ..

جهاد ..ررقيه ..انه
قبل مايكمل كلام ..ضربت راشدي كل قوتي ..واني احجي ..حرامات كل لحظه حبيتك بيه ..وحرامات كل يوم فكرت بيه بيك ..وكل دقيقه تعذبت بيها بسببك ..وانت واحد ماتستاهل ..اتشوفني اموت كدامك وبيدك تنقذني وتركتني اغرك ..والله مع الاسف حبيت واحد نذل مثلك ..والحمد الله هسه عرفتك ..
واحب اكلك ان رب العالمين نجاني منك ..وانطني احسن انسان بالدنيا رجال كد كلمته وبوكت انت تخليت عني هو وكفلي ..وهو بس يستاهل حبي واحترامي
ومن اليوم ياجهاد انت خلص طلعت من كلبي ..واني من اليوم صرت ملك واحد ثاني احسن منك بمية مره ..

بقى يباوع علي مصدوم بكلامي ..دفعته وركضت ارجع بتجاهه البيت ..
بس جان وراي ..وصاح رقيه ..رررقيه لحظه لا  ارتكب جريمة ..ما سمعت وركضت على بيتنه وكت صار  قريب مني
فتحت الباب ودخل لكيت غاليه بالباب
غاليه ..ررقيه ..الحمدلله رجعتي ..وين رحتي
رقيه ..بعدين غاليه عوفيني هسه
عفتها ودخلت اركض جوا

غاليه ..بقيت واكف اتاني رقيه بالباب ..وهمزين ربي هاي الحيه لقاء اليوم مو بالبيت والله جان ماعبرت عليه هاي السالفه ..بس همزين مو هناا
وامل ماتنزل هيج وكت ابد ..
بقيت ادك على جهاد بس مارد علي ابد ..بقيت ادعي ربي يلكها قبل ماترجع خالتي ..
وماحسيت غير دفعت الباب ودخلت اجيت اركض عليه وسالها بس عبرتني وهي تحجي بعدين غاليه عوفني هسه
بعدها وكف كدامي جهاد وشكله مايتفسر
وجسمه كل يرجف ..ومعصب كلش
بقيت صافنه وحجيت ..شصار جهاد ..شبيها رقيه
جهاد .. غاليه ..اني صح غلطت ويه رقيه ..بس بدون قصد ماجنت قاصد اذيها ابد ..بس انتي تكدرين تساعديني انتي اقرب وحده اله اترجاج تسمعيني للاخير ولا تحكمين علي ..
غاليه .. خوفتني جهاد شصاير احجي
جان جهاد يحجي وهو بلكوه يطلع الكلام ..من العصبيه والغضب
بقيت ساكته على حجيه لحد ماكال على صور وقبل ماحجي كمل هو جهاد ..ادري راح تكولين علي نذل وضحيت بحب حياتي ..بس والله جانت الغيرة عاميه عيني وغضبي عليها خلاني اسكت بيومها ..بس اول مارجعت للبيت تندمت واجيت احجي لشهاب ..بس تفاجت بااهل الولد اجوا وماكدرت بعد من صدمتي احجي شي ..
بس انه مستحيل اخلي رقيه تصير لواحد لثاني اني احق واحد بيها واحبه هواي مستحيل اتخلى عنها بسهولة ..

غاليه ..والله ماعرف شكلك بعد السمعته ..بس غلطت ياجهاد من ماحجيت وسمحت لو احد ثاني يحميها بدالك وانت عفتها لحالها ..فعذرها شما سوت موشويه الي شافته رقيه هاي فتره ..جهاد .. والله ادري غلطت بس بلا قصد ..غاليه ارجوج تساعديني وتفهميها ان ماجنت ادري راح يصير هيج وجنت ناوي ارجع انطي الصور لشهاب بس كلت خليها تحس شويه بغلطها ..مو اكثر ماجان بالي ابد ان هي جاي تمر بكل هذا ..غلطت وغلطتي اني جاي ادفع ثمنها ..غاليه رقيه مااراح تصير غيري لو شنو يصير

جيت احجي بس صوت شهاب صاح بسمي نززني وكفني مرعوبه
شهاب .. غاااليه ..شنوو تسوين بهل ليل باب ..وجهاااد جابك بهل ليل جاااي يصيرر
بقيت ابالع واني اشوفه يتقرب منه وشكله مايبشر بخير عاد حجه جهاد .. انه اجيت عليك بشغله ضروري

شهاب .. جاا شغلتك هاي ماتصير غير بليل ..بعدين احنه مو كل نهار سوا مااكتلي على شغلتك هاي

جهاد ..خلينه نطلع نحجي برا ..يالله امشينه

شهاب ..مااشي ..اطلع كدامي جاي وراك
طلع جهاد كدام شهاب
واني بقيت واكفه مكاني ..مااحسيت غير لزمني من ذراعي بقوه وحجه وهو يصك على اسنانه
شهاب ..انت روحي طبي جوا ..واني اعلمج بس ارجع
ودفعني لهناك ..
ركضت من كدامه وطبيت جوا ..واني حس رجليني وكعن من خوفي ..ياربي هسه شكول شحجي ..بالله اني بيهه عليها ..نوب دنيا ليل واكفه اني وجهاد وحدنه بالباب وجاي نحجي ..مجنت محسبه لشهاب يشوفنه ابدا
الا شراح يخلصه ويه هسه ..

صعدت على رقيه ..اول ما دخلت عليها لكيتها تخابر وتحجي ..لا خلص اني ما عندي مانع..لا عادي ..هيج فكرت وكلت ليش التاخير ... اكيد حابه اعيش وياك ومقتنعه بيك لذلك اكلك ماكوا داعي للتاخير ..لا هذا قراري اني واني احابه نتزوج بااقرب وكت ..اي ..لا اليوم تعبانه واريد انام من وكت باجر نحجي ..يالله مع سلام ..

كل هاي واني صافنه وسمع ..حجيهه..شنو جاي تسوين رقيه
رقيه .. احط النقط على حروف ..وخصمها وخلي سالفه تخلص ..مادام مقتنعه بهيثم وادري هو رجال الي يكدر يحمني والي راح يسوي المستحيل حتى يكون وياي شنتظر بعد ..هاي فرصه ماتتعوض والي مثل هيثم الوحده تتمنى ترتبط بي وتعيش حياته ويه ..

غاليه .. رقيه بس عاد لا تخلين حياتج متشابكه هيج ..اول طلعي جهاد من حياتج بعدها ارتبطي بالي تريدي بس هيج راح تظلمين نفسج اولا وهيثم وياج وجهاد

رقيه .. غاليه خلص هذا احسن حل ..جهاد خلص صار ماضي وماضي اسود ما اريد يوم اتذكره ..وانشاء الله حياتي ويه هيثم راح تكون كله حلوة ..راح نكون متفاهمين وانشاء الله بمرور الوكت راح احبه ويصير كلشي بحياتي ..

غاليه .. رقيه فكري زين ..جهاد صح غلط بس من حبه الج ماعرف يتصرف بس انطيـ....

رقيه ..غاليه كافي سدي موضوعه ..ما اريد اذكر اسمه ولا افكر بي خليني اطلعه من حياتي ..بعدها كامت راحت جوا ..واني بقيت افكر يربي جاي يصير هي ليش هاي دنيا هيج معقده هلكد ويانه ..
يعني ليش ما تكون حياتنه هاديه وبسيطه ومثل ناس .لو احنه نوع كلشي عدنه يصير بشلاع الكلب ..
اخذت نفسي ونزلت جوا وراها ..كعدت اسوي عشاء
وهي كاعده يم خالتي ..خالتي تحجي وياها هي بالها مو يمها بس تصفن ..ومبين كاعده كوه ومتحمل الا دمعه بطرف عينها ..
كملت العشاء ..وحجيت ويه خالتي ..خاله تتعشوا لو تنتظروا شهاب
خالتي ردت ..دكي عليه يمه اذا يتاخر حتى نتعشاء دكيت علي بس انطاني رفض ..
بقيت صافنه ليش رفضه خاف اجه للبيت ..
رجعت كررت الاتصال ..وهم رفضه
ومره ثالثه هم دكيت ..فتح خط وصاح بيه بسرعه ..مو كاعد ارفض يعني مشغول ليش تظلين دكين
وسد بوجهي ..
صدك ضجت وحسيت بخنكه بصدري الا شويه ابجي بس لا ماتسوا ..وماراح اكعد ابجي مثل قبل
الظاهر شهاب ماراح يغير سلوبه وياي بسهولة خلي بسيطه ..
صبيت وصحت خالتي ورقيه ..اجتي خالتي وحجت ..شهاب يتاخر ..كتله يمكن ماعرف مارد عليه
خالتي ..يمه غاليه صيحي امل تجي تاكل ويانه مايصير ناكل وهي فوك مانصيحلها
رقيه ..تاكل سم انشاء الله ..يمه بعدج تصرفين بطيبه وياهن ..بعد كلشي حجيته الج عنهن وعن سوالفهن وياي

خالتي .. الله يحاسبهن على سوالفهن ويوكعهن بشر اعمالهن ..بس احنه مايصير نصير مثلهم ..شريد منها يجي يوم وكل واحد يطلع معدنه الاصلي ..غاليه يمه كومي صيحيه تجي وهيج احنه سوينه العلينه حتى كدام رب العالمين مانتحاسب ..
اخذت نفس ورحت يم درج ..وصحت اااامل ..ااامل تعالي تعشي ويانه ..
مااردت علي ..اني هم رجعت ..

وبدينه ناكل ..شويه ونزلت وحجت ..جنت انوم علاوي
كعدت تاكل ويانه ..وتصرف طبيعي ..وتحجي ويه خالتي
تكله سنونه مأذياته شسويله خاله
وخالتي جاي تنطيها نصايح ..بس ماحجت شي وياي ولا ويه رقيه ..
بس عادي تسوالف وتحجي ..ماعرف شنو من بشر هاي لو اني مسويه ربع السوته هي جان بعد ماطلعت من باب غرفتي ..
كملنه ..وصعدت رقيه واني بعدها ..هي دخلت نامت
واني بقيت كاعده على سرير مشوار اكلب بالموبايل
لحد مانفتحت الباب ..ودخل شهاب
بلا سلام ولا كلام ..كبل ذب غراضه على ميز ..واتجهه للحمام ..حطيتله تراكه ..ورجعت كعدت بنفس مكاني
اجه هو بطرك الشورت ..بدل وحجه ..كوومي سويه سم لو مانتعشا اليوم ..
مارديت علي بس اخذت نفس ونزلت جوا
حميته اله وصعدته ..
خليت اله بالكاع ورجعت كعدت ..نزل هو ياكل ..
ويحجي .. شنو هاااي ماامستوي زين ..حتى اكل بي حظ ما تعرفين تسوين

للحكايه بقيه يتبع

مساء الورد هاذا البارت لعيون كل من تابعني وتعلق بالقصه
#جبروت_الشيخ_وقلبي

#البارت31

متابعه طيبه حبايبي
وكته صدك فار دمي ونهضت وحجيت .. انت شبيك وياي اليوم ..ترى مو ساكته يعني تاخذ راحتك وتظل تحجي

وهو كمز علي ..اني هناا وكع كلبي بس مابينت خوفي
شهاب...لج مو كسر راسج ..لاعبالج طولين السان يمي والله اكصه الج
جان يحجي ..وهو يعيونه يجدحن غضب علي ..فكلت بدل مال السان ويتخبل علي ..خلي اهدي
رديت علي بهدواء ..بس على كيفك ..اني شسويت ليش هيج تحجي وياي ..

شهاب .. لا خطيه ما تدرين شسويتي ..ماحسيت غير لوا ذراعي وهو يصك سنونه ويحجي ..انت شموقفج تالي ليلي بالباب ويه جهاد ..هااا

بقيت ابالع ما اعرف شكول ..وماكدر اجيب طاري رقيه ولا الحجي الكاله جهاد ..فرديت ..عاادي قابل شصار ..هو اندففعت الباب ودخل رقيه ..وبقت مفتوحه ورها اجيت اريد اسدها
لكيت جهاد واكف كدامي ..وجان يسالني عنك ..وجاي ارد علي ..هذا كل الصار

باوعلي بخزره ..ورد ...تنفتح تحترك تنعل رجلج اكسرها اذا وصلتي يم الباب مره ثانيه ..وخاصه بليل سمعتي لو اعيد ..ومااظن انتي لسه صغيرة لو مافهمه واكعد اعلمج شلون تصرفين صح ..بس الثول عاميج ..ما جاي تتعلمين من اخطاء غيرج ..

دفعني وتحرك طلع برا الغرفه ..واني بقيت كلش ضايجه من طريقه معاملته وكلامه ..يعني حتى لو غلطت بشي تكدر تحجي وياي بتفاهم وتكلي لاتسوين هيج ولا تصرفين هيج ..حتى راح اسمع كلمتك بدون تفكير ..بس شكول على هل الاسلوب مالته مابيه اي تفاهم ولين ..
بقيت كاعده بالساعه وحدي ..وهو راح جوا ..اني مابقت فكرة ماجت بالي
اجيت انام دخل هو ..واجه بصفي وحجه وهو معصب .. كومي نامي جوا

باوعتله متفاجئه ..شنوو
شهاب ..سمعتي لو طرشيتي هم
صدك فتت مرارتي واحس كاعد يضغط زايد
كمت ونمت على كاع جوا .. وهو على سرير
بقيت اتكلب ..شويه وصاح ..كومي جيبيلي مي
ماردت احجي لان ادري راح ينهد وبعد مايسكت وراح يفتح موضوع كوني انام بجهه وهو بجهه ويظل يخرط حجي
فستغفرت الله وكمت ..جبت وانطيته
جاي ارجع صاح ..تعالي هناا
شكول كمت احس راح انفجر من ضغطي الي رفعه
باوعتله صفح وحجيت ..شنوو نوب
شهاب ..احجي عدل لا اكسرج ..تعاي فركيلي ضهري تحركي

غاليه ..لا ترى زودته ..شنو قصتك انت بس تريد تسوي سالفه وخلص

شهاب .. تجين لو صدك اسويج سالفه بكيفج جان نايم على بطنه ..تقربت منه وكمت افرك بظهره بس جذب شلون ماجان ..واني بالكوه اطخ بي بطارف اصابعي
التفت هو وحجه .. دوخري جاي تفركين لو دغدغين ..شكد فاهيه الخاطر ربج روحي منا

وكت مارديت بس اجه بالي ارد بطريقه ثانيه ..
كمت فتحت الكنتور وطلعت ملابس ..ورحت للحمام
سبحت وبدلت جنت لابس بجامه بس هل مره بس تعاليك من صدرها ومكشوفه من صدرها وضهرها وبجامته توصل جوا ركبه بشويه ..
بالبدايه ماجنت مجرئه ادخل كدامه هيج خاصه ان بحياتي كله ماشافني بهيج شي حتى اول ماتزوجنه جنت خجل كلش وماالبس اي شي مدلع كدامه ..
بس بعدين دخلت وكلت هو زوجي قابل غريب ومستحيه منه ..
دخلت وكعدت انشف بشعري على المرايه
ولاحظته بقى يباوع علي .. ولا شال عينه عني ولا دقيقه
المهم اني تجاهلته ولا كاني اشوفه
مشطت شعري ورفعته لفيته كبايه شلون ماجان ..وباقي خصل عفتهن نازلات
ورجعت امشي على كيفي نمت على فراشي
هذا كله وهو عيونه علي ..ورا دقايق اجاني صوته
شهاب .. كومي تعالي نامي هنااا بدالي طبعا ابتسمت واني دايره ضهري وحجيت واني ابين ضايجه .. لااا شكرا نمت بعد
شهاب .. كوومي اكلج
غاليه .. مااريد مرتاحه مثل ما اني 
نهض علي بس اني لزمت نفسي وبقت على وضعي
سحبني من ايدي ونهضني وحجه ..لا تضلين تعاندين بيه ..احجي مره مااعيد هواي لو انتي بس تردين تهيجين اعصابي

طبعا عكس ماجان يظن بقيت هاديه ..وتقربت حطيت ايدي على صدره وحجيت ..اهدا مااتستاهل كل هل عصبي هدي نفسك ..
جنت احجي واني امشي ايدي على صدره على كيفي
هو بسرعه بقى متجمد بمكانه بس يباوع علي
من فوك ليجوا ..وخاصه على ايدي الي تتحرك علي
وجسمه كله شد ..وكام يطلع نار
لزم ايدي الي على صدره وبقى يباوع علي ..بعد ثانيه ويهجم يمكن ياكلني بمكاني هيج شكل نظرات الي توحي ..
فتحركت بسرعه من كدامه ..واني اسحب ايدي
وحجيت ..بكيفك راح انام هناك ..قبل ما ترجع تغير رايك
جنت امشي بتهدي ..وطوي بخصله من شعري
شمرت نفسي على سرير ..وتغطيت ..واني ابتسم علي لسه واكف مكانه مصدوم ومااكدر يتحرك ..
شويه وحجه ..غاليه
رديت ..  اممم
شهاب .. هو انتي ..ضجتي من كلامي وياج
رديت واني حاول مابين ابتسامتي .. لا ليش تشوفين ضجت .. عادي اصلا
شويه واجه بصفي ..ويحظني من خصري
التفت علي ودفعته وحجيت ..شنو شتريد
رد وهو يباوع على شفايفي وجسمي وعيونه تمر على كلشي بيه  .. مااكافي ترى خلص صبري

حطيت ايدي على صدره وحجيت ..مو قبل شويه جنت ثوله وفاهيه .. بعد ليش حتى تتحمل مني تكدر تتركني بسهوله
شهاب .. هي سالفه هيج صارت
غاليه ..اي هيج
نهض من يمي وهو عيونه بكصته من الغضب ..مااشي ياغاليه ..بسيط انه اعلمج
غاليه ..علمني على كيفك ..اصلا احب تعليم اني
من بعد جوابي الاشويه يرجع يكسرني ..بس التفتت وانطيته ظهري واني اسوي روحي نايمه
حسيت بي وهو نهض بسرعه ..وراح بفراشه

&&&&&
شهاب يوم نزلت بليل ادور على غاليه ..اختفت فترة وادري امي ورقيه بقن بيت عمتي فجنت مستغرب وين راحت بليل
طبعا اني جنت احجي ويه ولد وطولت المكالمه من خلصت استفقدتها بقيت كاعد وحدي فوك بالساعه وهي ماكوا ..
فنزلت اصيح غاليه ..غااليه مالها صوت
بس وصلت المطبخ واني اسمع صوت حجي خغيف بالكراج
من ركزت شغته واكفه هي وجهاد بالطرمه وبصف السيارة و يحجوا ..ودنيا ظلمه بس ضوه الحديقه خفيف يضرب بالكراج
تقربت واني احس دمي كام يفور ..يعني اي واحد بدالي يفهم الموقف بطريقه ثانيه بس عندي ثقه بجهاد مثل اخويه واكثر .. وغاليه ثقتي بيه مالها حدود اعرف ماتتقصد شي ..بس يضوجني غبائه
يعني ما صار الج درس من رقيه ..ماتعلمتي ماانطي فرصه لغيري يغلطني ..يعني لو لقاء شافتهم جان حجت اشكال عنهم ..بس اكول ربي يصبرني
تقربت وصحت بيها هي ابتعدت وصارت ما تعرف ترد
بس جهاد شكله مايطمن وكالي عندي موضوع مهم وياك
خليته يطلع ورجعت عليه كتله بس خلي ارجع اني اعلمج ..لان فورت دمي بتصرفه هذا
مشيت ويه جهاد بس جنت مثكل بوجهه
جهاد ..اعتذر منك لان اجيت بشكل مفاجى بدون ماانطيك خبر ..وغاليه شافتني وفتحتلي الباب وجنت جاي اساله عنك هذا كل صار ..

شهاب ..بوويه شبيك شنو سالفه هذا بيتك هلا بيك بكل وكت ..وغاليه اختك ..وماعندي مانع بوكفته وياك ..بس تعرف ناس اله ظاهر لذلك نبهته حتى بعد ماتطلع للباب هيج
جهاد ..المهم انه جنت جايك بموضوع مهم ..هااك

اخذت الموبايل من ايده ..وقمت اباوع بي ..جانت بي صور رقيه ..وكلهن كاعدات بيهن بنات ويه رقيه مو بس الولد ..بقيت اكلب بيهن صح وكفته وياهن غلط لكن ماجانت وحدها ويه وهذا يثبت ان الي اخذهن لعب بيهن شهاب ..هاا شلون كدرت ترجعهن
جهاد ..مومهم شلون المهم هذني يثبتن ان رقيه مضلومه ومااسوت شي ..وماكوا حاجه حتى تقبل بهذا زواج في سبيل شي ما صار اصلا

شهاب .. انه جنت متاكد ان حجي رقيه وغاليه صحيح بس ماجان عندي دليل بس هسه اكدر احجي وطلع السوا هيج وعاقبه بنفسي على تجاوزه ويه اختي وخلاني امد ايدي عليها ..

جهاد ..شهاب وكف زواج رقيه بعد ما حاجه تسوي هيج ..تدري رقيه نجبرت توافق ما تريد هذا الزواج شهاب .. بوويه انه مااجبرته ولا احد بينه جبرها حتى توافق جان هل شي باردته ..واظن ان رقيه عدها مشاعر للولد وانه دام خوش انسان واجه تقدملها مالي حق بعد احاسبه
جهاد بعصبيه ..لا عدها مشاعر اتجاهه ولا ابد ..واذا تزوجت راح تعيش كل عمرها هي تعيسه وهو كارهه نفس ..

شهاب .. جهاد شلقضيه فهمني شصاير ..وليش تلح اخربط زواج رقيه وانه ماشوف اكوا سبب لهذا الشي

جهاد ..صراحه احجيها كدامك انه رايدها لرقيه ..ومن زمان بس المانعني ان جانت لسه صغيره وخفت تفهموني غلط لو كلت اريدها وتحسبوني حطيت عيني على اختكم بوكت تتعاملون وياي مثل اخوكم

وكته بقيت صافن ومااخذ ولا انطي .. بوويه انت كل عقلك ..جااا ماحجيت من اول قبل ماانطي كلمه للناس ..غير انت عود صاحبي وابن عمتي مااحجيتلي كتلي جان انطيته الك بعباته غير وين الكه مثلك لاختي مني وبيه واعرفك زين واعرف اخلاقك ..واهم شي اختي تبقى بينه وبنصه ..هسه تحجي بعد ماانقرت فاتحته ونخطبت ..لو جنت منتظر تثبت برائته يالله تجي تحجي يعني لمن صار عندك الصور حجيت ..

جهاد .. لا لا تفهمني غلط شهاب ..انت اكثر واحد تعرفني ..مستحيل جنت اشك لحظه باخلاق رقيه ..بس غلطت بسكوتي مااحسبت كل هذا يصير ..بس شهاب انه احق بنت خالي من غيري ..ومااراح خلي رقيه تصير لواحد غيري ..

شهاب ..بوويه طلعت واكع على وجهك ..جاا ومسوي نفسك مااكوا مثلك تالي هل طفله هاي وكعتك هيج وخلتك حتى بلكوه طلع الكلام من عصابك التلفانه
جاي احجي ودك تلفوني ..باوعت غاليه ..تذكرت سالفته وفصلت عنها ..رجعت دكت ..هم رفضته ..التفت احجي ويه جهاد هم دكت
عاد فتحت وصحت بيه ..موتشوفني جاي ارفض يعني مشغول وسديت منها ..واني اباوع للموبايل بقهر حجه جهاد ..وانت مااتلفانه عصابك من طفله ..واكع على وجهك

باوعتله وحجيت ..خليك بنفسك احسلك

جهاد ..على اساس وضعك احسن من وضعي

شهاب .. على اقل ضامنها بيدي وماكوا احد يكدر يوصل ناحيته ..

جهاد .. على اساس راح اخلي واحد يوصل ناحيته غيري

شهاب .. تراك تحجي عن اختي احترم نفسك شويه

جهاد .. وانه كلت شي غلط ..احب اختك واريدها تصير مرتي بيها شي

شهاب ..شنو رايك هسه احط طلقتين براسك ..وحده على وكفتك ويه غاليه ..والثاني على رقيه

جهاد .. جاا انتم لا تنطونياه وشوفوا طلقه هاي راح حط براسها وراسي ورتاح وريحها

شهاب ..شكلك واصل اخر مرحله ..خلينه نرجع واشوف تالي هاي بلوه الحطيتنه بيها ..نوب الناس الي انطيناهم كلمه شنكلهم هسه بالله ..جهاد ..كلهم ماعدكم مره يمنه واختصرها ..لو راح تبوس اديهم مثلا
شهاب .. نوب انت ابو راهي على ناس جا واحد غيري يسحلك كتل هناا
جهاد ..امشي خلي نرجع احسن
رجعت للبيت واني فكري كله مشغول شسوي والله هاي ورطه ..نوب موضوع الصور هذا لزم اعرف سالفته واطلعهه بس الاول اخلص من سالفة رقيه وجهاد ..
جنت لسه معصب من غاليه ..وشايل بكلبي عليها
وبقيت اتقصد تعامل ويه هيج ..لان تصرفه غلط ومافكرت حتى تحجي وتعتذر مني وتكلي شنو الوكفها هيج ويه جهاد ..نوب تلاسني .كومته تنام بالكاع ..كلت خليها تتعاقب
بس لكيته راحت للحمام ..وانه بقيت كاعد اكلب بالموبايل ..لحد ما طلعت
بقيت صافن عليها ..هاي تحجي صدك ..بنت الاوادم شطالع حوريه ..
بقيت غصب عني اراقب كل تحركاته وهي تتحرك بهدوا
وراحت تنام بالكاع ..
شفته جنت كيكه هاي تنام بالكاع ..اويلي انزل اني للكاع ..كومته بس من مااكامت واني  تعصبني وتضوجني من تعاند بيه ..
بس من نهضت ..وحطت ايدها على صدري وتحجي بطريقه خلت عقل ما بقى براسي
نوب ريحته تهف علي وهي مجرد مااحطت ايدها علي لو اني نار وشتعلت بيه ...كمت حتى نفس بالكوه يطلع
حتى غبت عن الوعي وبالي بس الزمها هيج وطلع كل القهر بيه ..بس تركتها تتحرك وهي تمشي بطريق تحرك الاعصاب
مااكدر صراحه اقومها اكثر ..اصلا بلا هاي حركات ولبس اني بس تتقرب مني افقد اتزاني مو نوب هسه ..
تقربت عليه ولزمتها وحظنتها من ظهرها
هي التفتت ودفعتني ..وخلتني شايط بكلامها ..جاي تردلي الي سويته وياها وتقهرني مثل ماضوجته ..
هو اكدر اسوي الي اريد وياها وبدون مااخذ رايها ..بس انه ما اريد اذيها ولا اجبرها على اي شي
فكمت من يمها ..واني اعصابي نار تحلفت بيه على هاي سواته

الصبح كعدت لكيتها كايمه ..نهضت
باوعت الساعه تسعه ..طلعت تلكتني امل شايله علاوي
كتله جيبي ..شلته وحسيته دافي
صحت بيها ..ولج هذا مسخن لو شنو
امل .. اي شويه من سنونه ..وهواي يتنعوص
شهاب ..لعد ليش ماكلتيلي اخذ للطبيب
امل .. مايحتاج انطيته علاج وراح يصير احسن
شهاب .. بابا انتي شنو من ام ماتشوفي شلون صاير شكله ومبين تعبان وذبلان ..امشي بدليله اخذا للطبيب
اخذته وراحت تبدله ..واني نزلت سمعت صوت امي جوانزلت لكيته كاعده بالمطبخ وتحجي هي وزيدون
كتلهم صباح الخير ..وكعدت وامي استمرت
امي .. ادري انت هاي مرتك ماعدها حساس بالمسوليه صارلها اليوم اسبوع كاعده يم اهلها
ماتكول تحتاج شي ..تريد شي ..اكوا هيج مراه ..وهم اهلها مو ذواله بصفهه يعني شنو اله داعي كعدته وعايفتك وحدك ..
زيدون .. يمعوده خلي تولي ..خليني مخلص من منكته وطلايبه ..كلشي ماريد منها

امي .. لعد جبرك تاخذها كتلت نفسك عليها وهسه ماطايق وجوده بالبيت ..والله مادري جاي يسوا بنفسكم انتم
جانت غاليه تسوي ريوك واكف على طباخ
اني حجيت متقصد .. هو هذا زواج مابي شي حلو كله مر
مو جنت مرتاح شوداك على سواد الوجهه اخذ القبلك عبره

زيدون .. شمدريني لو ادري جان باقي طير حر ..بس رحت وطبيت للقفص برجليني ..وشلون قفص جحيم والله

شهاب .. كلها نفس الشي وداعتك
اجتي غاليه وحطت الاكل كدامنه وشكله ضاجت من كلامي ..وهو اني ردت اضوجهه
شويه ونزلت امل مبدله هي وعلاوي كتله هسه ابدل واجيج ..
صعدت سبحت على سريع ..وطلعت دخلت للغرفه
لكيته مطلعه ملابسي ..اخذتهن وجاي ابدل
دخلت امل هي وعلاوي
حطت علاوي على سرير ..وهي بقت واكفه كدامي وتحجي وياي ..واني جاي ابدل
ودخلت غاليه علينه ..وبقيت واكف مكانه ..انه تجاهلت واستمريت احجي ويه امل
بعدها طلعت هي وعافتنه ..اخذت نفسي وصحت بامل يالله امشي تاخرنه
رحنه للطبيب ..ورجعنه كال عنده اللتهاب واسنان المهم انطه علاج ورجعنه صعدت للدرج وانطيت علاوي لامل ورحت على غرفة رقيه
دكيت الباب
فتحت وحجت ..شهاب هااا
دخلت وكتله تعالي عندي حجي وياج
كعدنه على سرير ..وطلعت موبايلها ..كتله هااج
اخذت وهي تباوع علي ..شنوو
شهاب .. رقيه ادري انت نظلمتي بهاي سالفه مال صور وهل شي تاكدت منه هسه ..رغم ماجان عندي شك بيج بس انتي غلطتي لمن انطيتي سبب لاحد ان يتهمج
على عموم ان ماجاي حتى احجي بهذا الموضوع وياج ..اني جاي حتى اكلج ان جهاد البارحه طلب ايدج مني ..وكال ان رايدج من زمان بس ماكدر يحجي من بدايه
جان حاسب حسابنه وكال جانت بعدها صغيره فكلت تكبر وتقدملها ..انت شنو رايج

رقيه .. خويه هل حجي هذا ماله داعي بعد ..انه حاليا مخطوبه ومقتنع بخطيبي وراح نتزوج قريب كلش ..وبالنسبه للصور جان لزم يجي يوم تطلع الحقيقيه وتبين وربك اكيد ماراح يظلم احد

شهاب ..ونعم بالله ..بس انت شنو رايج بطلب جهاد احنه صح انطينه كلمه للناس ..بس انه اشوف ابن عمتج اولى من الغريب على اقل نعرف شبي مابي ..واني اقرب شخص اله يعني اعرفه مثل ما اعرف نفسي وادري راح يحطج بعيونه ..

رقيه ..شهاب اني مخطوبه حاليا ..وماابدل خطيبي باحد ابد يكفي وكفته وياي ..بالنسبه لجهاد فكله طلبه مرفوض واجه بوكت متاخر وماله داعي

شهاب ..على راحتج انه مااكدر اجبرج على شي ..هاي حياتج وانت حره بيه ..واذا هذا قرارج الاخير راح اوصله خبر رفضج

رقيه ..اي قراري الاخير
شهاب ..مااشي
عفته ونزلت على امي كعدت يمها وحجت امي هاا يمه وديت ابنك للطبيب
رديت ..اي وانطه علاج
امي ..اي احسن خطيه يلوب
جاي احجي ودخلت غاليه ..وانطت لامي مي
حجيت ..يمه جهاد البارحه حجه وياي على رقيه
غاليه .. شبي شكال
شهاب ..انت منو يمج ..جاي احجي ويه امي
امي ..شهاب شهل حجي هذا ..غاليه وحده منه واقرب منك الي ..بعد هل الاسلوب مااقبل بي تتعامل وياها ..
غاليه .. عادي خاله ..اني اطلع وانتم اخذوا راحتك بالحجي ..
اجتي تمشي ..بس لزمت ايدها وحجيت ..اكعدي مو قصدي امي ..كعدي يمه هو انتي ورقيه وشهاب شنو كلكم واحد مااكوا فرق بينكم عندي واي شي يصير بالبيت كلكم تعرفوا بي ...اي اكمل شبي جهاد
صرت احجي لامي على كل حجي جهاد ..وعن رد رقيه علي ..
امي .. والله مادري يمه شكلك ..سالفه تعقدت لو ادري بي جهاد يريدها ولا انطيها لغيره بس بسكوته عنه كل هل وكت خلاها تضيع منه

شهاب .. يمه الولد جان منحرج يحجي بيه ويانه ..وهم رقيه جانت بعدها صغيره ..اصلا لو ماسالفه الصارت جان بعدها تدرس وماقبلت تزوج وهي بهذا العمر امي ..ورقيه شكالتلك

شهاب .. ماقبلت وكالت ان هي مقتنع بخطيبه وراح تزوجه

غاليه .. بس هيج راح تظلم نفسه والولد وجهاد ..
شهاب .. ليش انشاء الله صاير
غاليه ..هااا ..مااصاير ..انه رايحه اشوف رقيه
شويه ودك علي علي ..وكلي ان ابو جهاد حاجي ويه على رقيه ..وكلي شنو رايك ..كتله مادري والله انه هم حجى وياي جهاد بس رقيه ما تقبل وانه مستحيل اجبره على شي ..
علي رد علي ..انه اشوف ابن عمته اولى من الغريب ..وجهاد رجال خوش رجال وبنتنه يمه امن عليها اكثر من ناس ما تعرف شبيهم مابيهم ..

شهاب ..والله يخوي كل حجيك صحيح ..بس تبقى رايي البنيه الاول والاخير وماتكدر تفرض عليها شي
كملنه حجي وسدينه ..دخلت على امي لكيت امي عمتي ام جهاد هم داكه عليها وتكله اني العصر يمكم
امي سدت وباوعتلي وحجت ..والله يمه فشله ..والموقف الي احنه بي يفشل ..يعني عمتك ماكدر اردهم صعبه وهم اهلنه وصحاب فضل علينه بكلشي يوكفولنه .. ونوب ناس الي انطينهم كلمه ولبست البنيه حلقتهم صح اني ما مقتنع بيهم بس كلت احسن من حجي العالم بس هسه حتى فكر ما عندي بعد ..
شهاب ..هسه هذا ثبر الجو علينه ..دصبر عليه اشوف الوضع وين يصفى ..ما عنده صبر
جاي احجي ودك علي ..باوعت لمي وحجيت ..هااج استلمي من البارحه يدك وماانطي جواب ..وهل رجع يدك
امي ..رد علي يمه ..هم خطيه

فتحت وطلعت باره احجي ويه ..كتله ما تقبل وتكول ان هي مقتنعه بخطيبه ..وماتريد تتركه

جهاد ..انت صدك تحجي ..هو شنو المقتنعه وهل خربطه ..انت غير اخوهاا وانه طلبته منك شهاب ..جاا اخوها يعني اربطه واجيبه الك كوه

جهاد .. لا والله ابقى خليها بكيفها تحجي

شهاب .. اكلك انه جايك نحجي

&&&&&
رقيه
جاي احجي ويه غاليه
ودك موبايلي جانت الدنيا المغرب
باوعت هيثم هذا ..فتحت خط ..وحجيت ..الوو
رد ..هيثم ..هلوو رقيه شلونج
رديت ..الحمدلله انت شلونك
هيثم .. تمام ..مااتسالين الا ادك عليج اني وسال
رقيه .. اسفه والله حقك ..بس شويه مشغوله هاي فتره
هيثم .. صراحه رقيه اني اريد اسالج ..انتي مقتنعه بالارتباط بيه ..لو لا
رقيه .. اكيد مقتنعه ليش هل سوال
هيثم .. لان اليوم دك علي ابن عمتج ..وصار يحجي وكال ان هو يريدج وان اني انسحب من حياتج بهدواء احسلي

صدك فار دمي وحجيت صرت نار ..هيثم اني اسفه عن سوا هذا واحد مايستحي ..واني مثل ما كتلك مقتنعه بيك وماانويه ابدلك بااحد ثاني لو على كص ركبتي ..

هيثم .. اشكرج رقيه على ثقتج بيه ..بس لزم اكلج ان اني ماريدج ترتبطين بيه لان تحسين اني صاحب فضل عليج وصاحب موقف ..اريد ترتبطين بيه لان تحبيني وريده تكملين حياتج وياي

رقيه ..ادري والله بس انطيني وكت وتاكد كلشي راح يصير بوكته المناسب
هيثم ..مااشي على راحتج ..يالله اني طالع من ارجع اخابرج باي
رقيه ..باي الله وياك
سديت من واني اغلي من تصرفه هذا
لبست صايتي وشالي ..ونزلت اركض ..جانت غاليه بالمطبخ شافتني وصاحت ..علي بس عبرته وطلعت اركض على بيت عمتي دكيت الباب
فتح مرتضى شافني تفاجى وحجه ..رقيه شنو جابج بهذا الوكت رقيه ..جهاد هناا
مرتضى ..دتعالي دخلي ..اي هنااا
دخلت بسرعه تلكتني عمتي ..وهي تبوس بيه ..وتحجي فدوه رقاوي يمنه اليوم ..شعجب
حجيت ..عمه اجيت اشوف جهاد
عمتي ..جهاد بغرفته ..اصيح الج
كتله ..لا ..اني رايحتله ..عفتهم وصعدت فوك هم بقوا متفاجئين بيه بس ماتدخلوا
ركضت على درج ..وفتحت باب الغرفه مالته بسرعه
بدون حتى مادك الباب ..هو جان كاعد على حاسبه مالته
من شافني تفاجى بيه ..بس مااتحرك من مكان
صحت بي ..انت شلون تروح تخابر خطيبي وتحجي وياي هل حجي تافهه مالتك ..بااي حق تدخل بينه

جهاد .. ضبي السانج رقيه ..وخليني لحد هسه ساكت عنج

تقربت منه وحجيت بغضب ..والله ياجهاد اذا مابتعدت عن طريقي احجي لشهاب وكل ناس ان انت ضميت صور وماحجيت شي وخليتني اتحمل كل العذاب والهانه بوحدي
نهض هو على حيل وصاح بيه ..بس عاد ترى كل صار ماجنت ناوي ابقى ساكت عن صور بس كلت خليها شويه تتادب بعدين ثاني يوم جنت ناوي انطيهن لشهاب بس سبقني هو وخطبج ..وانتي مااصدكتي بسرعه وافقتي ..رقيه ..انتهى خلص لاتدخل بعد بحياتي ..وخليها بالك لو اخر رجال بكون ياجهاد ماراح اقبل بيك

ماحسيت غير لزم ايدي لوهاا ..وهو يصيح ..لج والله اخذج وهل مره مو بس حب لا غصب ..واشوف شلون تمنعيني
صرت اصيح علي وهو عيون يجدحن نار وعيط التموا اهله علينه
وامه ركضت وهي تضرب على صدرها ..ولك تخبلت هد البنيه ..جهاااد
بس ما اسمع منه ..دخل مرتضى وحسين
وحسين كام يصيح علي ..انت تخبلت تركها سحبتني عمتي من ايده ..وحسين التفت علي حجه ..خوما بيج شي رقيه ..
مااحسيت غير اجه بوكس لحسين من جهاد وكعه بالكاع
وحجه وهو يصيح علي ..انت لاتدخل ..لا هسه ارتكب بيكم جريمه
لزمه مرتضى وهي يصيح ..شبيك تخبلت انت ..
وحسين كام يصيح ..ترى زودتها انت ..صدك ماتستحي تضربني هاي فوكها
جهاد ..اي لحد يدخل بينه ..وطلعوا كلكم بارا بسرعه
اني عفتهم يصيحوا ..
وتركت ايدي عمتي وركضت نزلت ورجعت على بيتنه

غاليه جنت واكف انتضر اشوف وين راحت
شويه ودخلت وهي صايره حمره وتحجي ومتعصبه
تقربت منها وحجيت ..شبيج شصاير ..وجهج رايح صاير دم ..وين جنتي بعدين ..اشو انتي كايمه ماتخافين وكل شويه طالعه بالشارع والله لو يشوفج شهاب لو زيدون شسوا بيج وين جنتي

رقيه ..رحت على جهاد ..احجي ويه الاستاد مخابر هيثم ويكله انه اريدها وانت اسحب نفسك احسلك اني اوله بيها ..

وكتها ابتسمت وحجيت ..والله شكل هل جهاد طلع هو اي يحبج ..واكثر منج وكل هل وكت ماحجه رقيه .. انت مكيفه بتصرفاته غاليه ..بعد كلشي سوا تكولين هيج لج تتخيلين بيده برائتي وسكت وماحجه وضمه الصور واليكتلني يكلي ردتج تتادبين شويه ..وهو مايدري شفت الويل والذله والاهانات اشكال ..

غاليه .. ماجان يدري هيج راح يصير وبعدين غلط وتندم ورجع انطه الصور لشهاب ..وبعدين مبين كلش يحبج ومن غيرته الغضب عمه عيونه وخلى هيج يتصرف رقيه سامحي انتي تحبي وهو متندم وانتي ويه هيثم ماراح تعيشين مرتاحه ابد ماشقتي شلون كل وكت وانتي تبجين ومقهوره راح تعذبي وياج لان انت تحبي لجهاد وماتكدرين تغيرين هل شي لان الحب مو بدينه ماتكدرين تنكرينه

رقيه ..غاليه بربج لا تحجين هيج اني كرهته وماريده وراح تزوج هيثم وغصب عنه ..وخلي يموت بقهر ولا اصير اله

تركتني ودخلت ..واني كملت العشاء ..
وجاي اصب دك موبايلي ..باوعت هذا جهاد فتحت علي وكعد يحجي وياي ..ويكلي ان ساعده واقنع رقيه
وان يحبها وماناوي ابد يتركها ..وبقى ساعه يشرح عن كلشي سوا لخاطرها ..وكل الوكت جان يبتعد عنها وشنو سبب
كمل وهو يتراجاني ان مااخلي رقيه تغلط وتزوج واحد ثاني بحياته ماراح تحبه بس الخاطر تعاند بي على سوا

بقيت افكر بكلامه ..واتذكر كل تصرفات رقيه ..اني قبلها جربت اكرهه لشهاب وابتعد عنه ..بس جذب ماكدرت لا اكره ولا ابتعد ..لان من تحب شخص ويكون حبك من الطفوله ماتكدر بعد تعيش بدونه يصير مرض بداخلك ..
بقيت افتر وافكر ..شسوي وشلون اقنع رقيه ..واني متاكده هسه معانده بس بعدين راح تتندم وماراح تكدر تسعد نفسها ولا تسعد هيثم لان كلبه ويه غيره
انتضرت شهاب يرجع وكلت مااكوا غيره هو ممكن يحل كلشي ..
رغم الوضع بينه حاليا متوتر ..بس دائمني اريد شي منه خليني امهد السالفه بالاول

اول ما دخل سلم من ورا خشمه علي ..رديت واني باوعله يدخل على غرفة خالتي
كملت العشاء ..وصحتهم اجوا كلهم ..والكل جان ياكل وهو ساكت عبالك كل واحد عنده حسبه
كمت وحطيت مي يم شهاب ..هو باوعلي وماحجه شي
بعدها صعد سبح ..واني خليتله ملابسه على سرير
وكعدت انتظره وادعي الله كون هادي واكدر احجي ويه
طلع بدل وكعد على سرير وهو يلبس وحجه شهاب .. شعندج شكلج عندج سالفه مااتحجين وتفضيها

نهضت على حيلي وصرت كدامه ..وحجيت ..اي هوو اني ردت سالك ..شقررت بسالفه رقيه وجهاد
شهاب ..مااقررت شي ..هذا شي يخصهم هم وحياتهم ومال اجبرها على شي هاي مستحيله

طبعا شهاب يحجي ومايدري برقيه اصلا صارلها سنين تحب جهاد ومستحيل تحب واحد غيره
بقيت مادري شلون اقنعه ان رقيه بس جاي تعاند بجهاد ..زين شلون لزم يعرف كلشي وماكدر احجي حرف
بقيت مجمده بمكاني ..رد هو ..شبيج راح تظلين وكفه فوك راسي ماتتحركين مناا
باوعت علي وتقربت منه ..ولكيت نفسي اتصرف بعيد عن شخصيتي وتصرفي
وكعدت بحظنه وحطيت اديني داير مداير ركبته
وحجيت ..اسفه اذا ضوجتك مني ممكن تبطل تتعامل وياي بهاي طريقه

هو جان مثل صخره بس يباوع علي ..كلشي مااحجه ولا حتى سحب نفسه
كلت فرصتي احجي الي اريده
وكتله واني العب بياخة تشرت مالته
شهاب ..اقبل تزوج رقيه لجهاد ..ولا تمشي بحجي رقيه ترى معصبه وتحجي هذا الحجي .. واني متاكده ان جهاد راح يخلي رقيه اسعد انسانه بالكون طبعا ماايحجي بس يباوعلي متفاجى حتى رايح بغير عالم ولا يمي
صحت بي ..شهاااب سمعت شنو حجيت وياك
شهاب ..هااا ..شنو

غاليه .. صدك تحجي صار ساعه اكلك وافق على جهاد وخلي يتزوج رقيه

مااحسيت غير ادينه افترت داير مداير خصري ..وقربني علي اكثر بحيث بعد مااكوا شي يفصلنه
وحجه وهو عيونه تمشي عليه ..وانت شنو دخلج بينهم ..هااا

صرت حاول تحرك من حبست ادي وحجيت ..لان اشوفهم موتوالمين ..وادري بجهاد راح يدير باله على رقيه ..و
جاي احجي وهو وصل لشفتي ..واني وكفت احاول اتهرب منه ورد هو ...وو شنو كملي

كلت مو مال اتراجع هسه ..وارتبك ولا توتر
فصرت احجي واني امشي ايدي على ركبته وصدره العب بالياخة مال قميصه وكتله ..رقيه مقتنعه بجهاد بس هي ماتحجي كدامكم وتحس ان بسبب الصور انتم جبرتوها بهيثم لذلك جاي تعاقب نفسه بهذا الزواج ..واني اكثر وحده تعرف شنو تفكر رقيه ..لذلك اكلك لا تقبل تخليها تاخذ هيثم ..وزوجها لجهاد رد علي وهو لسه مو بوعيه ..متاكده انتي ..لعد اني اتمنى تصير من نصيب جهاد

غاليه ..خلص لعد زوجهم ..والله مراح تتندم وراح الكل يكون مرتاح وبمكانه الصحيح

شهاب .. رغم ما اريد اجبرها بس اذا انتي متاكده من كلامج ..خلص راح اجبرها بجهاد

وكته فرحت وكمزت من حظنه واني احجي ..اي عفيه ..يالله روح كله ..وخلص كلشي باوعلي وهو رافع حاجبه ..جاي تلعبين علي غاليه
غاليه ..اني ..ليش
ما حسيت غير لزم ايدي وسحبني علي ..وحظني من خصري وحجه ..بس لزم تعرفين تلعبين وياي يعني لزم تدفعين شي مقابل شي

بقيت صافنه وابتعدت عنه ..شقصدك شنو تريد
باوعلي وهو يبتسم ..نام سوا على سرير واحد

غاليه .. بس انت وعدتني شهاب ماراح تجبرني على شي ابد

شهاب .. واني جبت طاري شي ..كلت بس نام سوا على سرير

غاليه ..زين مااشي ..بس روح هسه احجي ويه رقيه

شهاب ..شبسرعه وافقتي تصورت راح تعاندين ..لو شكلج عجبتج السالفه

غاليه ..هوو شنو اليعجبني ترى ابطل
شهاب ..هو بكيفج مو ..اكول تعالي اكلج شغله
هستوا اجه يسحبني ..رجعت ليوا وحجيت ..وبعدين شنو سالفتك
شهاب ..انتي الخسرانه
تقربت منه وسحبت ايده وكتله ..يالله كوم روح احجي ويه رقيه ..ودفعته لحد الباب شهاب ..شعندج انتي ابد مو خاليه بهاي ملحتج

غاليه .. ما عندي قبل شعندي ..بس حتى تخلص كل الامور من وكت

دخل شهاب بعد مادك الباب على رقيه وحجه
شهاب ..رقيه ..عندي سالفه وياج
رقيه ..كول خويه
شهاب ..هو انه مستحيل اجبرج على شي ..بس لان اشوف ان جهاد انسب شخص الج ..انه قررت ان انتي وجهاد ترتبطوا ..
رقيه ..شنو ليش مو كتلك اني مقتنعه بخطبي ومااريد غيره ..بعدين انتم انطيتوهم كلمه وانتم شيوخ شلون ترجعوا بكلامكم

شهاب .. مانرجع بكلامنه بس دام ابن عمتج يريدج فهو اله حق بيج اكثر من غريب ..ويكدر يمنعج تزوجين غيره ..واتصور الكل اتفقوا ان جهاد انسب الج ..وان راح احجي ويه ناس وكلهم ان ابن عمته رايدها ..وانتهى الموضوع وارجعلهم حلقتهم ويادار مدخلج شر

رقيه ..ليش هي كوه اني ماريده ..غاليه ماتحجين شي راضيه بحجي رجلج هذا

غاليه ..هوو ..ليش ما

شهاب ..تركي غاليه مالها دخل بحجي ..ولا بهاي السالفه ..وانتي تحضري راح يصير عرسج على جهاد

طلع شهاب وترك رقيه وهي تبجي ..واني بقيت اباوع عليه ..وحجيت ..رقيه انت وجهاد اثنينكم تحبوا بعض وكل الصار سوا تفاهم ..لا تضعين كلشي الخاطره
والله هيج احسن وباجر تشوفين وتتاكدين

رقيه .. مو عبالج هذا كلام بس شهاب ..حتى امي قبل شويه اجتي وكالتلي ان اني لزم افسخ خطوبتي وقبل اخذ جهاد ..لان مستعد يسوي المستحيل حتى ماصير لغيره
فااكيد كدر يقنع شهاب وياخذه بصفه ..مثل ماقنع امي ..وزيدون ..وعلي كلهم ويه ومحد فكر بيه ولا دقيقه

تقربت منه وحظنته وحجيت ..والله لو خذتي هيثم هو راح يتعذب اكثر منج لان الرجال اصعب شي عنده من يحس مرته ماتحبه وتحب غيره وباله يمه ..راح يبقى طول العمر مخلي حياتج جحيم وانتي ماراح تعشين مرتاحه لحظه وحده ويه

رقيه ..خلص غاليه مابيه شي ..راح اقبل وتزوجه لجهاد ..بس اذا ماخليت حياة جحيم اطلع اني مو رقيه بس خلي يصبرلي

غاليه ..هسه اول تزوجوا بعدين طلعوا عين بعض تركت ورحت واني مطمئنه ومرتاحه هم ونزاح ..صح راح تعاند اول بس بعدين راح تنسى كلشي وتحس بحب جهاد اله
دخلت للغرفه ..باوعت ماكوا شهاب
حجيت بكلبي وين راح هذا
مااحسيت غير حظني من وراه وحجه ..وهسه شنوو

رديت واني ابلع بريقي ..شنوو
ورح ناحية السرير ..طبعا ما حجيت كلت خلي
وصلني ..ولفني علي ..وهو يباوع على شفتي
شهاب ..مو جنج لعبتي ويه الشخص الخطاء
دفعني على كيف شهكت واني احس بظهري على سرير
لميت رجليني كدامي وحجت ..شنوو... لا تتهور شهاب ..خليك عاقل

شهاب ..هو انتي خليتي عقل

.............يتبع
   🦋🦋...................................🦋🦋

احبتي اريد البارت ينفجر بالتعليقاتكم الحلوه الكل يعلق ابداعتي