وكعت ومحسيت بس جنت نص واعيه من اجه وشالني اني رئسا كمشت قميصه حسيت ايدي ترتخي ﻻ اراديا وسواد جاي يأخذني غمضت عيوني وماعرف شصار بعده
ريتال
كعدت على صوت هوسه يمي اسمع عمي يتعارك وياه ويصيح عليه
اني فتحت عيوني مزعوجه من صوتهم العالي امي كاعده بصفي وتبجي
شافتني كعدت حضنتني بقوه وتبوس بيه
ريتال : شنو صار
ام ريتال : ماعرف يا بنتي غير نفتهم منكم شكو ليش تعاركتو
ريتال : اباوع بالوجوه مكلوبه وعمي عصبي ويوسف ميقل عنه بشي
عمي : ريتال منو سوه بيج هيج زوجج ضربج
تذكرت الضربه الي براسي حطيت ايدي عليه جانت ملفوفه من حطيت ايدي توجعت رئسا وخرته
ريتال : ﻻ عمو اني وكعت جنت جاي انزل الجنط حتى اعزل المﻻبس وكعت
عمي : بنتي متاكده من حجيج
ريتال : اي
شكول وشحجي احس بيهم مذنبين كلهم وجاي يبرون نفسم ليش هسه ليش مو قبل 4سنوات جنت اتمنى احد يوكف وياي ويساعدني حتى ما اتزوج بس كلهم يشجعونه وموافقين وشايفيني مذنبه بس بدون اي ذنب
مباوعن عليه وﻻرفعت عيوني اله ماريد اشوف نضراته الي واسامحه مو نفس كل مره هاي غير يمكن جنت اتغاضى عنه
كل مره واسامحه بس هاي المره ماريد اسامحه ميستحق هل شي مني كافي ذل
اني مو هيجي مجنت هيجي بحياتي منذليت اﻻحد
طلع عندي فقر دم حاد جنت اعرف بنفسي ﻻن اكثر المرات ادوخ وتصير الدنيه ضلمه وتفتر بيه
المهم كمل هو اجراءات المستشفى وطلعنه
طبعا جانو جاين بسيارته عمي كعد بصفه واني يم امي مرفعت عيني عليه شايله عليه كومه بس ماكدر اكول اكره الكره مشاعر متستحق الانسان يشيله تلوث صاحبه من الداخل
وصلنه للبيت شفت مرت عمي ومﻻك كاعدات دخلنه همه تحمدولي بالسﻻمه شكد ماكره مثل الثعلب تقتل القتيل وتمشي بجنازته
مرت عمي : ديري بالج على نفسج وارتاحي
استغربت من كﻻمه بس مبينه جديه
اني هم هزيت راسي اله
اجه امير حبيبي شبكته كعد يبوس بيه هذا روحي الثاني
ريتال : لتخاف حبيبي مبيه شي
امير :ريتال خلي نرجع على بيتنه انتي ابد مو فرحانه هنا اختي امشي نرجع ومحد يكدر ياذيج
متتخيلون اشلون جانت فرحتي يا الله من الواحد يحس تعبه مضاع واكو منو يسنده
سحبته الي وبست راسه فدواتك الله تعبي مضاع : ياروحي والله مبيه شي لتخاف
اشكد حلو من عندج اخ واحد يحبج وﻻ عشره ميهتمون الج وحايرين بنفسهم يمكن امير بعده صغير بس احسه دا يفهم شنو جاي يصير
عمي باس راسي وراح تعبان خطيه شكد ما قوي ويمكن شخص مثالي بنضري حسيت بي ضميره يانبه
يوسف محجه شي ويمكن مستغرب مني ﻻن مكلت شي
امي اخذنت امير وراحت بقيت اني وياه طبعا مﻻك راحت بعد ما مرت عمي اخذته وهي تخنزر بيه معرف ليش هاي اول مره تسويه
يوسف : شلون صرتي
ريتال درت يمنه ويسره وكانو ادور على شي وبعدين اشرت على نفسي : تحجي وياي
شفته تنهد واخذ نفس طويل:اكو احد غيرنه
ريتال : اي اكو مع الاسف ضميرك وكرامتي الي سحلته وخليتني فرجه كدام الكل
شوف يا ابن عمي كل يوم مشاكل اكول ميخالف تصير بين اي زوجين ترجع متاخر هم اكول رجال ويشتغل
يطلعولك معجبين من حيث ﻻ تدري هم كلنه تصير
بس توصل بيك تمد ايدك عليه على مود وحده ما تسوى شي فهاي مستحيل اسامحك عليه
استغرب من كﻻمي وجرئتي وياه ﻻن هاي اول مره احاسبه او اني الي اعتبرته هيجي
اجه كعد بصفي ومسح على وجه لحضه سكوت بينه قطعه بكﻻمه
يوسف : مو تردين تطلكين وتخلصين مني ليش مكلتي الابويه
ريتال : صح بس ليش اسوي هيجي مراح اخليك تتهنى ويا هاي الحقيره
باوعت عليه واني ابتسم
خلي تتعبون شويه مثل ما صارلي اربع سنوات اتعذب وياكم
يوسف : انتي شنو الي غيرج هيجي
باوعت عليه واشرت بيدي :انته
يوسف : شلون
ريتال : مو ضروري تفتهم هسه
يوسف : كﻻمج ولسانج الطويل هو الي يستفزني ويخليني اضربج الف مره كتلج ﻻ تستفزيني وبطلي اسلوبج هذا
ريتال : انته الي ردت هيجي
كمت من يمه بسرعه ويا حركتي حسيت راسي افتر كمشت ايد القنفه بصفي
هو وكف وكمش ايدي
وخرته عني بسرعه سحبني اله مره ثانيه
ريتال : ايييي وجعتني وخر
يوسف : من احجي وياج ﻻ تكومين وتعوفيني هاي اوﻻ ثاني شي وين رايحه وانتي بعدج دايخه
ريتال : امير اميرررر صحت بصوت عالي هو بعده صافن عليه اجت امي وياه امير يركض
امير:شكو
ريتال : تعال حبيبي وديني غرفت امي اريد ارتاح
سندني وهو ترك ايدي
مشيت وياه ورحنه على غرفته امي
جانو ملبسيني جبه خليجيه وحجاب شامري هيجي على راسي اني هم نزعتهم وتمددت مابيه حيل بس جافاني النوم عيون الناس بيه الف سؤال الي واني ماكدر اجاوب نفسي
كعدت ثاني يوم رحت سبحت بس شعري مغسلته ﻻن مخيوطه صدك من كعدت جانو مخيطين راسي خياطه وحده بس حتى يوكفون الدم رحت غيرت مﻻبسي طبعا ﻻزم ابدي هسه الا اخليه يمشي ويحجي ويا نفسه اني الك يوسف
لبست ثوب قصير جوه الركبه كلش حلو ونازك لون احمر وفتحت شعري ومشطه على كيف ﻻن يوجع لحد هسه وحطيت مكياج ورسمت عيوني اني جنت احب هاي الاشياء ايام الكليه البنات يضلوون صافنات علي وعلى اناقتي المهم حبيت ارجع ايام زمان ويرجع وياه ثقتي بنفسي الي هزوه بس ماثرو بيه بالكعس اذا متوكع متعرف شلون تمشي
رشيت عطر ونزلت طبعا هو مموجود بالبيت
نزلت بنزلتي شفت مرت عمي تحجي ويا مﻻك وتهدد بيه تكول الامه وهي تبجي وتتوسل بيه طبعاً غرفته بص غرفت امي اني محبيت اتسمع اكيد مسويتله مصيبه
دخلت على امي وهي شافتني وابتسمت
ام ريتال :اللهم صلي على محمد وال محمد شنو هل حلو كله
ضحكت على سوالف امي
ريتال : حبيت اغير حتى اتغير ادعيلي
ام ريتال : الله ينطيج بكد نيتج ويجبر بخاطرج بولد تفرحين بي
والله امي تكمز من امنيه للثانيه
ريتال : ههههه ان شاءالله
كضيت الضهر يم امي
بعدين كمت نضفت البيت ومرت عمي طبخت
للضهر اجه عمي تغدينه بس استغربت مﻻك ما اجت ومن عمي سال مرته عليه كالت ممشتهيه بعدين تاكل كملنه غده وعمي راح ياخذله غفوه اني هم جمعت المواعين حتى اغسله حطيته بالسنك اجت على بالي اغنيه فؤاد سالم (انا يا طير ضيعلي نصيبي حرت ﻻ اني الهلي وﻻ اني الحبيبي )
صرت اغنيه ويا نفسي واغسل بالمواعين
كملت
انداريت اويلللي يا الله شكد غبيه اني
يوسف متكتف ورايه يباوع عليه
اني هم تداركت نفسي
رتبت المواعين وردت اطلع وكف كدامي
يوسف : شنو هذا
ريتال : شنو اغسل مواعين بيه شي
يوسف : امم بس اني مو قصدي هذا
ريتال : عفوا وخر شويه ﻻن تعبانه واريد ارتاح
ردت اطلع هم وكف كدامي
يوسف : وين
ريتال تذكرت اني شنو ﻻزم اسوي
وكفت على أطراف اصابعي وبست خده
وضحكت
هو عيونه مفتوحه من الصدمه لزم خصري وقربني اله
يوسف : انتي كد حركتج هاي
ريتال : ام كده بس مجان قصدي هيج
يوسف : مفهمت
ريتال : مﻻك
واشرتله بعيوني وراه
هو حس على نفسه وعافني
اندار عليه جانت واكفه ورانه وتباوع علينه شكد متستحي
هي عيونه مليانه دموع عافتنه وراحت ركض
ريتال : هاي بس البدايه أستاذ واني تعلمته منك
طلعت ركض واني اضحك احس نفسي مسويه فد انجاز
هههههه
اول مره جرحني بيه بنفس الاسلوب بالخطوبه هم نفس حركته ونفس الشخص شكد صدفه عجيبه اجت الصالحي
طبعا بديت ويا يوسف لعبه جر الحبل
كمت ما اهتم اله وهو يتقرب الي اكثر
وطبعا اغسل مﻻبسه واسويله اكل بس شنو مره مالح مره فاهي مره بارده اريده يستوي على نار هاديه
واستمر وضعنه هيجي شهر تقريبا البس واتمكيج على حبه ونص واخلي ياكل بكلبه
الى ان اجه اليوم الي طيحت حضي وما فكرت بيه صح ...... ................
اسمعو الاغنيه وتخيلو بنات اني حبيته من اول مره سمعته صارت عشق
رئيكم يهمني .....
V.H