جبروت الشيخ وقلبي

البارت الثاني والثلاثون

البارت الثاني والثلاثون
مساء الخير احبتي
اليوم احب اشكركم على نجاح القصه وصعدت الاول فشكرا جزيلا للكل ويارب اكون عند حسن ظنكم
للعلم الكتابه هي هوايه عندي ومادور شهره لو لاشي من وراها
طبعا مثل ماتعودت هاي الفتره صح انشر بين يوم ويوم لكن جاي اطول الكم البارت
فمتابعه طيبه حبايبي
الكاتبه بنين الطائي ❤🦋
.......................

..دخلت للغرفه ..باوعت ماكوا شهاب
حجيت بكلبي وين راح هذا
مااحسيت غير حظني من وراه وحجه ..وهسه شنوو

رديت واني ابلع بريقي ..شنوو
ورح ناحية السرير ..طبعا ما حجيت كلت خلي
وصلني ..ولفني علي ..وهو يباوع على شفتي
شهاب ..مو جنج لعبتي ويه الشخص الخطاء
دفعني على كيف شهكت واني احس بظهري على سرير
لميت رجليني كدامي وحجت ..شنوو... لا تتهور شهاب ..خليك عاقل

شهاب ..هو انتي خليتي عقل
ابتعدت عن احاول ارجع ليورا ..بس كعد على ركبه كدامي وسحب رجليني حتى مااتحرك بعد
واجه يبوسني ..بس دفعت وحجيت
شهاب شنوو جنت تسوي ويه امل بالغرفه
شهاب ..ياامل هاي
جان يحاول يوصل يمي واني انهض منه ..وحجيت ..امل مرتك شبيك

شهاب ..مااسوي ..هي اجتي دخلت وبعدين هسه وكته نعل جابها بالنص

غاليه ..لا بس شكلك مو كانك تتعامل وياها طبيعي بعد كلشي سوته هي ولقاء وتهمن رقيه وخلنكم تكتلوها وتظلموهاا ..وانت شوا ساكت عنهن رغم بيدك دليل ان هن لعبن بالصور ..

وكت كعد على سرير وحجه .. مااناسي ولا شي وظاملهن عقابهن المناسب ..بس مو هسه خلي تخلص شغلت رقيه واتفرغ الهن واني اعرف شلون حاسبهن
تقربت كعدت بصفه وحجيت ..هو شنو راح يبقن يتصرفن بكيفهن منا لمن تزوج رقيه

مااكملت كلامي سحبني علي بحظنه وحجه ..هسه عوفينه من هاي السالفه ..بعدين اشوفها خلينه بسالفتنه

جنت احاول اطلع من ادينه وحجيت ..سالفتنه شبيها
جاي نحجي وسمعت صوت خالتي تصيح ..شهاب زيدون تعالووا بسرعه ..
جان بعده لزمني وحجه ..اهي هو وكته هسه شتريد امي

دفعت وحجيت ..كوم شوفه بسرعه

لزم ايدي وحجه ..مصلحجيه ..خلصت مصلحتج هسه كوم

غاليه ..انت لسه راح تسوالف كوم انزل شوف خالتي

شهاب ..ماشي رايح بس ماانسي خوش
راح واني اخذت نفسي واخيرا الحمد الله خالتي صاحته
نزلت ورا
وسمعت خالتي تحجي ..يمه اخوكم ذابي بالتوقيف وخابرني كال خلي يجوني زيدون وشهاب
شهاب ..ليش شمسوي ليش ذبوا بالتوقيف
خالتي ..والله يمه مادري ..كل الي افتهمته متعارك ويه مرته ومبلغه بي شصاير مافهمت
زيدون ..هسه بهل ليل وين نروح خلي يصير الصبح ونروح نشوف شنو سالفته
خالتي .. اي يمه اطلعوا من غبشه ترى هذا مهند ما يتحمل سجن ولا توقيف
شهاب ..يصير خير يمه
بعدها رجعنه لغرفنه بعد مابقينه يم خالتي وانطيناها دوها ونامت ..شهاب نام جوا بمكانه ..واني صعدت نمت على سرير ..للصبح كعدت
باوعت مالكيته موجود ..عرفت طلع من غبشه هو زيدون على مهند
مااجوا لليل ..وهاي خالتي بقت بقلق وكل شويه داكه عليهم ..
تالي جابوا واجوي ..وطلع متعارك ويه مرته وضاربها
ومشتكيه علي بالشرطه ..ومعتقلي الشرطه
طلعه شهاب وزيدون وجابوا وياهم ..كام يحجي ويغلط على مرته ..ويكول ان هي باعت العياده مالته من ورا
ومتعاركين وكايمه تغلط علي وضاربها موته كتل
وكايمه ومشتكيه علي واخذته الشرطه ..

بعدها صارت مناقشات بينهم ..ومهند جان متحلف بيها يكتله ..
بس طلبت منه الطلاك وهو ماقبل يطلك الا بعد ماتنطي كل فلوسه ..يكول ذبيت كلشي عندي على عيادة وهي بايعتهن سوا عياتين مالتهه ومالته
اخر شي توصلوا لحل ان تنطي كل فلوسه ويطلكه
وفعل راح من جديد هو شهاب
وجاب كل فلوسه ..وطلكه بيومها بعد ماتنزلت عن كل حقوقه ..
مهند ماقبل يجي ويانه بالبيت كعد بالبيت القديم مالنه كال علما اشوف شراح اسوي
بس شهاب تخبل ان يكعد وحده هناك خاصه البيت فارغ
مابي اي اثاث ولا شي
بس مهند من نوع عنودي شويه اذا يقفل على شي هاي هي ..فبقى هناك ..وخالتي اخذتله كم حاجه وخلتهن اله بالبيت ..

&&&&
رقيه
جنت كاعده ..واني حايره شلون ادك على هيثم وشنو اكله شنو سبب رجعت حلقته
المهم دكيت وجاني صوت كال ..الووو
رديت .علي الوو ..هيثم اني اسفه كلش على الصار
هيثم ..لا تهتمين عادي
صدك وكته بجيت احس انسان كلش طيب ..رد علي وهو
يحجي ..رقيه ليش البجي ..ترى انتي صديقتي قبل ان تصير عندي اي مشاعر الج ..وجنت مستعد اكف وياج حتى بدون اي شي واي ارتباط ..لان اصلا اني سبب بكل الصار وياج ..اني الي جيت عليج رغم ماجنتي رايده نكف سوا ابد ..واني الي اصريت ناخذ صور فابلاخير اني جنت سبب بااذيتج واي واحد غيري مستحيل يترك انسانه انطته ثقته تتاذى بسببه ..فلا تزعلين اصلا اعرف ان انت ماحبيتيني وكل وكت تشوفيني صديق وكف وياج بموقف رجولي ..

رقيه ..ماعرف شكلك ..انت انسان كلش راقي وصاحب اخلاق حلوه والي تتركك هي الي راح تخسر .. وانت تستاهل الي احسن مني وحده تحبك وتبادلك مشاعرك لان تستاهل كل خير

هيثم .. عوفج مني لاعبالج راح حط كلينسن يمي واكعد ابجي عليج ..صح عندي اعجاب ناحيتج بس ما وصلت لهيج مرحله بالحب ..وحجيلي عنج انتي مقتنعه باابن عمتج لو هي شغلت اعناد صارت ..

رقيه .. لا ماامقتنعه بس هم كلهم صاروا ويه اصلا واحد نذل وحقير ومايستاهل اي حب اني جنت غبيه اصلا ..

هيثم ..يعني جنتي تحبي صح

رقيه .. جنت واصلا ما عاد اله مكان بكلبي ..ولا اريده وكارهته ..

هيثم ..لا مبين عليج ماتحبي ابد ..لدرجة ماكدرتي تحبين اي واحد غيره ..والحزن ماليج طول الوكت الخطبتج بي ..هو هم مبين هواي يحبج لدرجه مستعد يكتل اي يشخص يصير كدام ..وجان يحجي وياي بحركه مبين بيها شكد يحبج ..يعني تكدرين تعتبرين كل صار جان سبب حتى انتي والي تحبي تكونون لبعض ..وصراحه اني مازعلان ولا ضايج يجي يوم والكي الي تحبني وتبادلين المشاعر وكتها اكيد راح اكون اسعد انسان ..وعن جد اني فرحان الج رقيه ..انت انتي ارتبطتي بشخص تحبي كل هل حب ويحبج بعد ..بس عندي طلب واحد اخير منج ..

رقيه ..بعد كل الي كته ماعرف شكلك غير ان انت شخص نادر الوجود هيثم وكلش متفهم واحد غيرك جان حار شلون يغلط ويسب بيه وحار شلون يرد اعتباره كدام اهله والناس ..بس انت كل يوم تكبر بعيني اكثر ..ومن كل كلبي اتمنى تلكي وحده تستاهلك ..كلي شنو طلبك تدلل

هيثم .. بس اريد نبقى اصدقاء ..وماريد الصار يخليني اخسر صديقه مثلج السانها طويل وكلبه طيب وماتعرف تظم شي بداخله كله يبين عليه ..لان اني اعتبر صداقتج شي اعتز بي وخارج اطار الحب اني احترمج كبنت مودبه وصاحبت اخلاق حلوة ..

رقيه ..اكيد اني هم اعتز بصدقاتك وماراح انسى ابد لا موقفك ولا كلامك الطيب ..يالله مع سلامه

هيثم ..الله وياج

سديت من هيثم ..واني ضايجه علي والله انسان ما شفت مثل اخلاقه وكلبه الطيب انشاء الله ربي يعوضه بوحده احسن مني ..
جنت كاعده وصافنه ..من سمعت صوت امي صاحتني
نزلت ..لكيت عمتي ام جهاد كاعده يمها وعمتي فاطمه
سلمت عليهن ..وكعدت
عمتي ام جهاد  حجت ..رقاوي حبيبتي اني وعمتج اجينه نحجي وياج ..ماعليج بااهلج ولا بجهاد اني جيت واريد اعرف جوابج ..والي تكولي هو الي يصير ..
انتي موافقه بجهاد يمه ..لو لا
باوعت على امي ..جانت ساكته وتباوعلي ..ادري بمي قرات كل المحادثات بيني وبين جهاد ..وتعرف قصتي ويه

رديت على عمتي ..الي يشوفوا اهلي اني هم اشوفه ..فاذا هم مقتنعين و وافقوا اني ما عندي رايي بعدهم

عمتي ..حبيبتي ربج يحفظج ونعم التربيه

بعدها بدوا عماتي يحجوا على تفاصيل الزواج ..وشوف امي فرحانه ومامصدكه ..وعمتي كاعده تكله ..اول شي راح يتزوجوا يمنه بالطابق الفوك ..علما يكمل بيته وينتقلوا بي ..يعني يبقوا كم شهر يمنه وبس
وامي ترد عليها .. وليش ينتقلوا خليهم وياكم وبنصكم ..حتى هو دوام ويلتحق عاد تبقى يمكم ..
وبقوا يحجوا بتفاصيل ما سمعت شي منها ..مو مصدكه ان كدر جهاد يسوي الي براسه وراح ياخذني وغصب عني ..وكته جنت افكر ان اخلي حياته وياي جحيم لان مايستاهل ابد لاحبي ولا اهتمامي ولا شي ابد

&&&&&
غاليه
طبعا هاي الفترة انشغلنه بتحضيرات زواج رقيه ..وشهاب وجهاد اثنينهم التحقوا
وخالتي ماتدخلت بشي ..عافت كلشي على رقيه وعماتي ..الي خطيه ماقصرت عمتي وياها بشي
ورقيه رغم زعلها ومعانده ويه جهاد حتى كم مره يتصل يريد يحجي وياها ابد مااقبلت تحاجي ..بس جانت كلشي تسوي بمزجها ..ما تقبل شي الا على ذوقها ..
وبقيت اتابع كلشي طبعا عكسي تمام ..وكت شفت رقيه شلون تصرف تندمت على غبائي
رغم احنه نفس العمر الا اني ماحطيت نفسي بشي كل واحد بيهم جان يسوي اليعجبه ..وكله تشارك وهوسه صارت مو عرس ..
الا هسه كلش انحط حسب رأيي رقيه ..وكلشي بجهازها هي اختارته حاجه حاجه ..محد حط ايد وياها
وعمتي جانت كلشي تطلب رقيه تكله حاضر ..شكم رقيه عدنه ..
بس شفت رقيه بدات تبالغ بطلباته ..كنما متقصده تسوي هيج ..
بحيث الجهاز ماعفت شي ماخذته ..وكله من بغداد ..وطبعا شلعت كلبهم كل يوميا مرجعتهم على حاجه وناس مايحجوا
نوب قفلت الا تشتري البدله مال العرس اشرايه ..وكلها بقت تحجي عليه ان يوم واحد وماتسوا
واصلا سعرها جان خيالي وبعدين بس يخلص العرس تنشمر ..بس ركبت راسه الا تشتري وحده وكون ماحد لابسه مثلها ..
وكته خالتي كامت تحجي عليها وكلتله مو هيج كافي عادي فشلتينه ويه بيت عمتج ..
بس ولا دارت باله ..كلتله هو يريدني يتحمل طلباتي
وفعلا جهاد دز امه وكاله كلش تريد سويه الها ..
وشترالها بداله فعلا خطيه ..ورادت الصالون مال عرس وقاعه والفندق كلها بغداد
ورغم شي صعب يعني شنو يودينه من العمارة البغداد
وعمتي هناا حجت وكالتله يمه صعبه وطريق طويل
بس ابد عندت ..دكت عمتي على جهاد يمنه
وكالتله رقيه هيج وهيج تريد شنو رايك
والله صراحه كلت راح يعصب عليها ..ويكله شايفه نفسه وهواي جاي تبالغ ... او اقل تقدير يكل لاخوانه على هاي سوالفها ..
بس تفاجت ان يكله لامه ..كلش تطلب كليله موافق ولا تعترضين على شي ..انه قابل خليها تشرط على راحته

صدك ستخطيته وكته يعني واحد غيره مستحيل يقبل بهاي سوالفها ..
وفوك هذا كله وان ناس ماعترضت وقبلوا بكلشي ..
الا نوب حطت عليهم مية مليون حاضر وميتين غايب
هناا خالتي تخبلت وكلتله ..والله كسرج على هاي سوالفج ..
وهي ماتقبل وكلتله يعجب اهلا وسهلا مايعجب الله ويه

وبيوم العقد جان المفروض يعقدون بس ابو جهاد ماقبل وحس ان رقيه جاي تعجزه لجهاد ..وكله مبينه البنيه ماتريدك وجاي تشرط شروط تعجيزيه حتى تمللك منها
وكته جهاد ..حجه لشهاب عن سالفة العقد وان ابوه ماقبل بشرط رقيه ..
يومها ..دخل شهاب وهو عصبي
وحجه ..رقيه ..تعاالي هنا
هي جت تركض وحجت ..هااا
شهاب ..انت شنو هاي سوالفج يوميا تطلبن وتشرطين على ناس ..شنو شايفه نفسج على شنو ..هاي بدال مانكول منه وبينه ونراعيهم ..وتحسسيهم ان احنه مشترينهم بعدين الولد بشنو قصر وياج حتى كاعد وتشرطين

رقيه .. احد كلهم يجوا يفسخوا خطوبتي ويطلبوني ..اذا هيج يتحملون كل طلباتي ..واذا ماعجبهم الله وياهم

شهاب .. لج احجي زين ..وجري عدل لا كسر راسج ..بعدين من تطلبين وتشرطين وهو كلشي نفذ الج ..تالي لو ظروفه تعبت والولد عتاز لو راح تداين ..بالاخير كلها تجي على راسج انتي لان وكته انت راح تعانين من تدهور احوال زوجج ..يعني الخاطر ليله وحده وهي كله مسوينه حتى يصير زواجكم اشهار ..تكسرين ظهر الرجال ..

رقيه ..عااد اني كتله يزوج اذا مو كد الزواج

شهاب .. وحق علي يارقيه اذا سمعت بيج طلبتي لو تشرطتي على ناس ..لكون جايب السيد وعاقدلكم بالبيت وكله اخذها وروح بعباتها
وحالج من حال الفصليه وقد اعذر من انذر

عافها وطلع ..وهي بقت تحجي ودردم على جهاد
تقربت منها وحجت ..كافي عاد صدك زوتيها ..وترى اخوج مخبل ..ويسويها والله ..فكافي عوفي عنج هاي السوالف ..
وكته رقيه كعدت وسكت وبطلت تسوي هيج
وشهاب ..حط بالعقد مالته 15 ب25 ..وغصب عنها مشت بحجي شهاب
وبعدها صارت الايام تمشي بسرعه والتهينه بعرس رقيه وتحضير المسبق اله
وكل وكت رقيه نهائي ماابطلت تعاند وابد ماجانت تشوف جهاد ..ولا تحجي جانت عمتي الواسطه بينهم
والي ما دخلت بشي ..كلشي تطلبه رقيه يجي يمها حسب كلام جهاد ..
بيوم الحنه طبعا كعدنه من الصبح ..للتحضيرات وكلشي
رقيه اخذته عمتي فاطمه وفاتن للصالون
وبقينه احنه بالبيت خلصت كلشي وراي وكملت كل التحضيرات
واجتي غصون ورده علي ..وكالن نروح للصالون
طبعا طلبت من خالتي اروح وياهن ..وهي وافقت كالت روحي يمه واستعجلوا لان مابقى وكت
البنات كالن جيبي ملابسج وياج فد مره ..لان نرجع نلكي العالم كله هناا ..
وفعلا اخذت ملابسي وياي ..ورحنه اني وغصون ورده واحلام وايات وايه كلنه سوا ..فااخذنه مهند لان الكل جان مااموجود بالبيت هم كل واحد حاير بشغله
باالطريق مهند كام يحجي وياي
وجابها سالفه عن طلاكه ..وان خلص اناوي يبقى هنا ويفتح عياده هم ..
بس مااحسيت غير غصون حجت ..صدك طلكت ..والله
طبعاا مهند ابتسم على كلامه ورد ..ليش يهمج بشي زواجي لو طلاكي ..
وكته شكلكم صار وجهه ينطي الوان من فشله والارتباك والخجل ..وحجت وهي معصبه لان كلنه ضحكنه على موقفه ..لا طبعا بشنو يهمني يعني
وخزرتنه لان ضحكن عليه ..مهند اكتف بان يبتسم على شكله ومارد بعد ..

نزلنه يم صالون ومهند كالي بس تكملوا رمشولي اخذكم ..كتله ماله داعي اخلي شهاب يرجعنه بس رد ان شهاب مشغول ويه جهاد ..فااني ارجعكم ..هزيت راسي ونزلت ..
طبعا لزمنه سرا على صالون ..بس هي ام صالون كلش شاطره وجان ميك اب  مال بنات ايه واحلام وايات شي كلش بسيط بحيث ماطولوا هواي
بس اني وغصون وورده طولت بينه هواي
اني ركزت بشغلها اكثر شي على عيوني ..فماعرف شوصفلكم شكلي شلون طلعت هو بحياتي ماشفت نفسي هيج ..جان شغل يجنن ..فطلعتني لعابه والله ..وشعري سوت بي رفعه قليله من كدام ..وطلعت خصل من الامام وسوتلي بيهن لفه بسيطه ..والباقي عافته مفتوح وعلى طبيعته من ورا ..
واني جان لون فستاني ماروني غامق كلش ..فخلت المكياج العيون فاتح وجرة اللاينر عرضته بحيث برزت عيوني كل عين شكبرها وحطتلي لون حمره بلون الفستان ..والله من خلصت ماعرفت نفسي لان بحياتي ماحطيت مكياج غير بعرسي وجان يخزي ويلعب نفس
هسه احس نفسي اني العروس ..كل بنات عمتي بقن فاتحت حلكهن علي ويحجن ..ماشاء الله شهل جمال ..وربي طلعتي لعابه ..
اني ماجنت مصدكه هذا شكلي وصدك فرحت كلش ..ورده هم برزت عيونها زايد بس حمره جانت كلش فاتحه ..
اما غصون فخلت حمره حمره دم ..وهي بيضه صارت تلج من بعيد ..والعيون جرتهن جر
بحيث اخواته كلهن حجن عليه وكله امسحي منه ترى طوختي كلش ..وراح تترزلين بس ماقبلت وعندت وكالت محد تدخل بيه ..واني احجي ويه امي هو منو اكوا بس بنات ..
عافنهه لان محد يكدرلها ..لبست فستان اسود طويل ومخصر عليه جاي على جسم ..وصدره مفتوح ..شكلكم طلعت تصفن ..واني من يمي بقيت بس اباوع عليه ..
وطبعا تضحك علينه لان صافنين عليه ..
تالي حجت كومن انتن هم بدلان مابقى وكت ترى صارت الساعه 3 ..
اني بدلت هم ..جان فستاني قصير طبعا مااردت اخذه لان قصير بس هو عجبني من فوك شكله مثل البدله بس واصل لحد ركبي بحيث طالعت منه ..بس رقيه جلبتلي بي وكالت يطلع يجنن عليج لان انتي طويله ومخصره ..وطبعا هاي فتره وزني شويه زاد مو مثل قبل بس الاعضام ..بحيث من طلعت بقن فتحات حلوكهن علي وحجن ..منين جبتي هل جسم خرب عرضج طالعه عارضت ازياء والله ..
هو يجي ضيك ومفتوح من ظهره وصدره بس ماتنزل الفتحه هواي بس طالعه جتافي منه ..وبعدين يتخصر لحد الركبه ..
الباقيات لا جانن فساتينهن مقفله بس ورده شويه صدره دلع بس طويل بس خطيه ايه وايات واحلام ..ملابسهن كلش بسيطه بحيث بقن يحجن علينه ويكولن احنه يمجن بعد ماننشاف ..خاصه غاليه وغصون ..نوب شلون اثنين احنه طوال وملابس جايه ضب على جسامنه ..
ضحكن وحجينه بعد فاتتجن ..
طبعا خلصنه ودكيت لمهند ..واجه لبسنه صايات ..وشالت بس ماربطنهن ذبيناهن ذب ..
اول ماركبنه ويه ..
بقى صافن علينه وحجه ..بسم الله الرحمن الرحيم ..وين العجايز الجانن راكبات وياي ..شهل الصاكات الركبن

متنه ضحك على حجيه كتله ..عرس تريدنه نبقى عجايز

مهند ..لا يعمي اليوم كلجن عرايس ماشاء الله مو بس رقيه معرسه ... والتفت على غصون الي جانت مسويه نفسه مامنتبه علي ..وحجه ..ولج انتي شمخليه للعروس لعد ..خففي بوويه شدعوه هيج ..

ابتسمت على حجيه ..شكله ضاج من شاف غصون هيج طالعه ..جان يحجي بعصبيه ..

ردت علي هي .. دام اهلي راضين ..فااسوي الي اريده انت شكوا حاشر نفسك بالنص

مهند ..لا والله يعني اهلج راضين تطلعين بهذا شكلج للشارع ..وحمرتج هاي ما وحده ساقطه ..

غصون بعصبيه ..ماتحترم نفسك انت ..وبعدين شي يخصني محد الا دخل ..هم اهلي مايدخلون انت شحارك حمامك ..

مهند ..السانج يولي ..لااكوم اقص الج

ورده ..على كيفكم ..شصار ترى كاعدين وياكم ماله داعي هل حجي ..وانتي غصون ضبي السانج واسكتي

غصون ..انتي مااسمعتي شنو يحجي ..لو بس تعرفين ترديني

مهند ..استغفر الله

ورده ..خلص مهند اني اعتذر منك على طولت السانه ..بس اني قبلك حجيت وياها على مكياجها وماخذت كلامي ..بس نصل اخلي امي تحاسبها

مهند ..والله ونعم منج ورده
طبعا غصون ماحجت بعد ..بس جانت تنافخ من حجي مهند وياها ..ومهند كل طريق عينه مانزلت عنهاا

اول مادخلنه لكينه الباب مفتوحه والعالم تدخل ..
وشكل الستقبال مليان نسوان وصوت الاغاني عالي
عبرنه من جهت المطبخ ..لكينه عمتي فاطمه وفاتن ونسوان علي اثنينهن ..واكفين ناس تحضر بالعصير وناس بالكيكه جاي يوزعن ..
سلمنه ودخلنه ..فاتن حجت ..غاليه همزين اجيتي ثبرتني رقيه عليج ..حتى ماتقبل تاكل ..الا تجين انتي

غاليه ..يااا سوده عليه تاخرت عليها ..يالله بس انزع الصايه وروحله
فاتن ..يالله بدلن وتعالن كل ناس تسال عليجن
رحنه كلنه الغرفة خالتي ..ونزعنه الصايات وعدلنه شعرنه وملابس ..
وطلعنه سلمنه ..وكله تلكتنه تبوس ..ناس اعرفه وناس اول مره اشوفهاا
باوعت على رقيه طالعت كمر تخبل ..بدلته لونه بنفسجي غامق ..وبدون كتاف بس على صدر وكله كرستال من الصدر للخصر ..وبعدها تنفش مثل ثوب السندريلا
ومكياجها يجنن عليها ولون الحمره بلون البدله طالعه تخبل ..تسريحه مخليته نص مفتوح الشعر ونص مرفوع عالي وحاطه طوك كرستال ناعم ..
تقربت بوسته وحجت شايف كل الخير يعمري انتي
بوستني وحجت يبارك بيج يكلبي ..ليش تاخرتي علي المفروض اول وحده الكيهه يمي ..تدرين شكد بقيت احوس ومغص اخذني ..واجيت انهزم اكعد بغرفة امي ..

رديت ..لا وين ولج غير العالم جايه كله حتى تشوف هذا الكمر ..وطبعا تاخرت من ورا بنات عمتج تدرين فرقه كامله علما خلصن كلهن واجه مهند اخذنه

رقيه ..بس شنو طالعه عمي صاروخ ..بالج يشوفج شهاب ويتخبل علينه ويطكن كل فيوزاته هو ماباقي عنده غير فيوز واحد ..

غاليه ..هههههه هو وين يلكاني ملتهي اليوم ويه الحب مالج ..وبالنسبه لفيوزاته هن من زمان ضاربات كلهن

ضحكت رقيه واجتي فاتن وحجت ..يمه شبينه احنه مانعجبج صارلج من طبيتي من صالون لسه معبسه علينه الا دخلت غاليه يالله شكيتي حلج ..

رقيه .. اي شعندي غيرها ..غير هي الهواء الي تنفسه ..والله مادري شلون راح فاركهه احس كلبي ينمعط كلما تذكر راح نتفارك ..

طبعا دمعت عيني على كلامهه وتقربت حظنته وحجت ..منو كلج نتفارك ..اصلا يوميا تلكيني فوك راسج ..وحتى جهاد انطفه من غرفه ونام سواا مثل قبل

رقيه هم دمعت ومسحت دمعته وحجت ..جهاد منو انتي وامي اغلى اثنين بحياتي ..وماعرف شلون راح افاركم ..

فاتن قاطعتنه وحجت ..بلا هل الاحزان هاي ..اليوم فرحه عدنه ..وبعدين شتتفاركن و ما هذا بيت بصف بيت ..يالله بطلن هاي سوالفجن لو متعلمات على المناحه حتى بالافراح ..

ضحكن اثنينه ..وكعدت على يده مال تخم بصف رقيه
وفاتن راح تجيب كيك وعصير هم للناس التدخل
شويه واجني امل ولقاء ..
طبعا ابن امل كل وكت بحظن خالتي ..لو تعبت منه تنطي للجهال يفروا شويه ويجيبوا اله ..
طبعا هن شفتهن من راحن ويه زيدون اثنينهن للصالون
دخلن وحده لا بس تنوره فوك الركبه ومطلعه كل رجليه ..وبدي تعلاكه بس وصدر كله طالع هاي لقاء طبعا هي متروس ومومال هيج لبس بحيث فضيحه عليها
وامل لا لبس فستان حلو لون نيلي ..بس ضيك عليه هواي ..وهي صاير جسمه هم كلش ضخم ..

رقيه من شافتهن شاروتني وحجت ..شوفي الهوايش اجني ..يخزن والله لو جسمي هيج مالبس هيج شي لو اموت ..
ضحكت وسكت ..بعدها صارن بنات عمتي وبنات خالي وهواي بنات بعد يركصن ..
وجلبت بيه غصون اركص وياهن ..كتله ماعرف والله
اصلا بحياتي مااركصه يمعوده ..
وغصون جلبت ..تعالي اليوم اني اعلمج ..غير تكليلي
وسحبتني واني مجلبه مااقبل اروح
بس دفعتني رقيه وهي تضحك ..وتكلي روحي تعلمي من فيفي عبدو لاتخليج راقصه محترفه ..
وصدك دخلت وياهن على واهس ..ماجنت عرف بس شويه شويه كمت اعرف
واحد بس يجرب يكتشف نفسه عنده مواهب عميق بالرقص بس هو ماامجربه لسه ..
كمت اضحك على نفسي شوكت تعلمت مادري
بس صرت حالي من حالهن بحيث ماتفرقين بينه
بس جانت اغلب العيون تجي علينه اني وغصون ..لان جنه بارزات بالنص ..
واسمع النسوان من يحجن ويه خالتي
والي تكله ..هاي منيلكم البينه ..خالتي تكله بنت اختي
وهي تكله ماتنطونياه لابني ..والله مهندس بالنفط واموره فوك الزينه ..ويتمنى وحده مثلها هيج ناعمه وطويله وحليوة ..
واسمع خالتي تكله ..لا هاي جنتي مراة ابني الصغير
والمراه ترد عليها ..جاا غير كلتي هذني جنايني ..وتاشر على امل ولقاء ..لان كاعدات وحدهن ويه اهل لقاء وبس يباوعن علينه ..
خالتي ردت ..اي هاي مراته الثانيه ..وذيج الاولى
المراة بقت متفاجى وحجت ..شلون يصير هاي الاولى غير هي الاصغر غير هي ورا ذيج
خالتي حسيته ختنكت من اسالت المراه ..وردت اي بعد قسمه هيج صارت
المراه هزت ايدها وحجت ..والله مادري الي اعرفه ياخذون على نسوانهم من بيها شي اشو ماشاء الله جنه غزاله ..والله زلم ماعدهم نظر
وكته ضحكت على كلامها ..وخالتي غلست عنها والتفت تحجي ويه عمتي ..
بقت الهوسه للمغرب ..وناس بدت تخف ..
وبقينه بس الاهل ..وخذنه صور كومه ويه رقيه وكل شويه لقطه ..رقيه رغم جانت ضايجه ومعانده لكن طول الحفله وهي فرحانه وتضحك وتشاقه ويانه نست كل غضبها ..وهل شي حبيته بيها ان كدرت تعيش يومها هذا وهي فرحانه بي ..

بعدها بدات ناس تخف ..واني عفت البنات ياخذن صور ..وكمت لميت القواطي والكلاصات والوسخ البكاع كله ..
وصرت اعزل بالغراض ..صاحت خالتي ..عوفي يمه هسه
روحي بدلي وتعشوا ..وبعدين انتي والبنات كله عزلنه
التفتن هن عليه وحجن ..تركي هسه كلنه نساعد ..اصلا كلنه لامي وقبلت انبات كلنه يمكم اليوم ..حتى نساعدكم
ابتسمت وكلت ماشي ..
كعدت يمهن ..ورقيه حجت ..ولجن كافي صور ..خلي اروح ابدل متت والله من الصبح لسه مربطه

بس خالتي حجت ..اكفي رقاوي ..خلي يجون اخوانج ياخذون صور وياج تبقى ذكرى حلوه..
رقيه ..مااشي ..بس انطني شال احطه على صدري ..
اخذت شال وحطته واحنه هم لبسنه شالتنه وصايات
وحجيت واني اباوع على بنات ..نروح احنه نبدل فوك علما هم ياخذون صور ..
ورده ..دكفي خلي نشوفهم ونصعد شكوا مستعجله
كعدت ..وياهن ..وخالتي طلعت وصاحت كالت تعال يمه تعال ماكوا احد غريب بس اختك وبنات عمتك ..

طبعن وكف بالباب وحجه ..سلام عليكم ..عادي ادخل ابارك الرقاوي واطلع

صحنه كلنه ..تعال ابو حسين ..دخل خطيه ورقيه كامتله وهو لزم راسه وباسه وحجه الف مبروك رقاوي انشاء الله زواج العمر
ردت ..ويبارك بيك ابو حسون الغالي
بعدها دخل زيدون ..وهم باس راس رقيه وباركله وكعد
واخر شي دخل مهند وشهاب سوا
طبعا مهند اخذ رقيه بحظنه وبوسه وباركلها ..
وشهاب هم اخذهاا بحظنه وبوسه وباركلهاا ..جان منظرهم حلوو ..وشكلهم كلهم متاثرين ان رقيه راح تطلع من البيت وتروح ويه زوجهاا
واكثر واحد متاثر هو شهاب ..لان اكثر واحد متعود على رقيه ..
بس ابو حسين حب يلطف جوا وحجه ..ماشاء الله اليوم كلها طالعه عرايس ..صدك لو كالوا العروس والعريس اثنين والمجانين الفين ..
كلها اليوم مبدعه ..ضحكن على حجيه ..
بس الولد مابوعوا ولارفعوا عينهم باتجاهنه ..خاصه شهاب
ماارفع عينه على جهتنه ابد..شويه ..وحجه مهند لان ما عند ماينه ويه وحده غيري ..كالي غاليه ..تعالي صورينه ويه رقاوي ..
اخذت موبايله من ايده وكمت
وكفوا هم وياهاا ..واخذوا صور ..وكل شويه لقطه تختلف
وبين الكل جانت عيون شهاب عليه وهو يباوعلي واكلني اكل بنضرات الي جان بيهن نوع من الغضب
ويباوعلي من فوك ليجوا ..بس همزين صايتي كلشي مايببن منها
بعدها خلصوا وكاموا راحوا كلمن بمكان ..رقيه والبنات صعدوا فوك ..
واني لحكتهن ..فحجن وياي ..غاليه روحي جيبلنه ملابس منج ..هاي رقيه كل ملابسه بالجنط
كتلهن لحظه واجي ..
دخلت الغرفه مالتي ..كلت خلي بدل وياي واخذلهن ملابس ..
شمرت الصايه ..والشال
وكعدت بالكنتور ادور ملابس واطلع ..مااحسيت غير على جرت ايدي
باوعت لكيت نفسي بحظن شهاب
وهو يباوع علي ويحجي ..بنت الاوادم شطالع اليوم ..ترى   حركتي دمي اكثر من ماهو محترك

حاولت املص نفسي من حظنه وحجيت ..عادي شبيك قابل شمسويه غير عرس ومناسبه

شهاب ..الا بحياتي ماشفتج بهذا منظر ..ولج شنو لعابه انتي ..بربي تنكالين بقشورج ..
ودنك باسني من ركبتي ..وايده تمشي على ظهري
حاولت افك نفسي منه بس مثل صخره ولا يتحرك ولا يتزحزح ..ورديت علي ..شهاب كاافي خليني اروح للبنات اوديلهم ملابس

شهاب ..ولج يابنات هذني ..اول حيري برجلج وطفي ناره وبعدين حيري بالناس
وهو يحجي وصار يفتح سحابت الفستان ..اني فتحت عيوني وحجت ..شهاااب ..جاي تسوي ..ايدك وخرهاا

شهاب .. انتهى خلص اليوم لو كاتل لو مكتول

غاليه ..بس انت وعدتني ماتجبرني على شي ..لو رجعت بكلامك هسه ..

شهاب ..اي بس ماتفقنه على هيج جمال وهيج لبس ..كاعده تحركين بعصابي وتحطين حطب على نار وتكلي لا تشتعل ..مخبله انتي

طبعا يحجي وشفته تتحرك على ظهري وجتفي ..وهو وصل الفستان ينزعني بي لحد صدري ..رغم لزمته بس ماكدر علي اقوه مني ..
مااحسيت غير صوت غصون وهي تصيح صياح ..غااليه ..ولج غاااليه وين عفتينه ورحتي ..مو خمضت بالفستان مالتي ..
وكته وكف وهو يباوع على وحجه ..اكوم هسه احط بيه طلقه هاي ..

دفعته عني ..ورفعت ثوبي ..واخذت الملابس واجيت اطلع بس لزم ايدي وحجه ..تودين الملابس وترجعين ..والله اذا مارجعتي ..
رديت ..اي اي بس اترك ايدي خلي اروح

طلعت مالكيت غصون رحت عليهن ..انطيتهن الملابس وحجيت غصون لعد وين ..ردت ورده كالت راح ادور غاليه وطلعت ..
مادري ماشفته ..اكلجن اني راح اسبح وابدل وخلي نزل نعزل الهوسه الجووا
كالن اوك

غصون ..طبعا اجيت ادور غاليه لان تضايقت من الفستان مالتي
بس ماجنت اندل وينها بالضبط ..فصحت عليها وبعدين كلت خلي انزل اشرب مي ورجع
باوعت ماكوا احد بيتهم ..كلها صنته ..باوعت بغرفة عمتي جانت نايمه ذابه نفسها ..
رحت ..كبل للمطبخ اجيت اشرب مي بعدين حسيت جوعانه كلت خلي ..ادور شي اكله
بقيت اكلب بالثلاجه مدنكه ..مااحسيت غير واحد كح يمي كمزت ..وحجت ..هااا ..شنوو

مهند ..جنج بزون شدورين بالثلاجه بنص ليل

غصون .. شكوا قابل ..جعت وكلت ادور شي اكاله

مهند ..ولكيتي لو بس تكلبين ..بعدين كليلي الاكل وين تحطي مامبين عليج هلكد تلفين اكل

غصون ..يمه همزين مااكل من بيتك ..جان شسويت

اجيت اطلع وعوفه ..بس لزم ايدي رجعني عليه ..اني هناا نهبطت وارتبكت
حجه ..شفايتلي تاكلين بيتي ..حتى مستعد اتحمل تااكلين من صبح لليل ..عمي راضي بس انتي صيري بيتي بالاول ..

وكته حمحمت من الخجل بس فرحت بشكل ماصير وحجيت بسرعه حتى بلا تفكير ...والله ..شفايتلي اني اصير بيتك وابقى مكابلتك وكاعده كل الوكت ..

ابتسم هو وسحبني علي ..وكعت بحظنه وكته شصار بيه من خجلي وارتباكي ..بقت بس عيوني مفتوحه
وحجه قريب مني ..شنو رايح اخطبج من اهلج ..موافقه لو عندج اعتراض عليه ..

اني وهو كالي هيج ..لو احس كلبي كام يركص من فرحته ..ورجليني وديني بعد مادري شصار بيهن ..وبلا وعي ولا تفكير ..كمزت حظنته وحجيت ..واني مامصدكه ..كوول والله ..صدك والله ..راح تخطبني لوو ناصب علي ..الله عليك بعد ماتحمل راح يكف كلبي

ماحسيت غير بادلني الحظن وحوط خصري بدينه ..وحط وجهه بركبتي وحجه ..لج طيرتي شويه العقل باقيه براسي بتصرفج هذا

وكته وعيت على نفسي وعلى غباء والموقف الحطيت نفسي بي ..بس مااتحركت من مكاني حبيت احساسي ويه ..وصوت انفاسه وهو يتنفس بالكوه بركبتي ..

حجيت ..مهند اني احبك ..من اول عركه بينه واني بالي مشغول بيك ..بس لان جنت متـ

قبل ما اكمل حط ايد على شفتي  وحجه ..اش ..اني هم احبيتج ومن يومهاا وكلبي يدك قوي ..من يومها واني اتمنى اشوفج كدام عيني كل دقيقه ..
ومن يومها ..اني حتى مرتي مااتقبلت بعدها ولا كدرت اعيش وياها ..رغم احاول انساج واهتم بالعياده ومرتي ..بس بقيتي شاغله على افكاري

بكل كلامه هذا طرت بعالم ثاني ..وتقربت منه ..وطبعت بوسه خفيفه على شفته ..لان ماتحملت اكثر من هيج احبه والله احبه وكلشي بي يموت ..

هو بقى متفاجى ومتبسمر بمكانه ..بس  ابتعدت ..رجعني بيده وخذ شفتي بوسه عميقه وطويله ..
بعدها ابتعد عني واحنه كلوبنه تقرا الف ..وحجه
مهند ..ولج روحي اصعدي ..لا تسويلنه بلوه ..وبعدين احنه بالمطبخ لاحد يجي ويشوفنه ..روحي

بقيت واكف واباوعله مبتسمه ..رد حجه ..ولج شبيج مو احجي وياج ..لو ناوي على نفسج انتي وتدرين انتي اليوم طالعه جنج حوريه ..وانت البديتي نوب ..والشيطان شاطر ..وجو الحلوو يساعد على الانحراف ..

ضحكت واني ابوعله هو يتحرك بتجاهي ..
وكف وهو عكف حواجبه ..ولج شو تضحكين لو شغلة عاجبتج بنت الاوادم ..

غصون ..ههههه لا ..بس شكلك مو مال انحراف ..وتقربت كرصت خدوده وحجيت ..اصلا شكلك كيوت ..وابن عالم وناس مومال هاي سوالف ..

مهند ..ولج شنو كيوت ..وتتعاملين وياي تكول ابنج الصغير ..ترى اشوفج هسه شلون يسوي الكيوت وخليج تشوفين الوجهه الثاني

مادري ليش اجتني ضحكه وخربت ضحك ..وهو لزمني يسد بحلكي ويحجي ولج ..اش فضحتينه خبله على شنو تضحكين

واني مارد علي بس اضحك ..دفعني على درج وحجه ..اصعدي لابتلي بيج خبله والله
صعدت صدك بس احس نفسي طير وارفرف مو بشر ويمشي على كاع ..عن جد احلى شعور هو انك تحب شخص وتفكر بي وتكلي هو هم يحبك وجان يفكر بيك ..
دخلت لكيت الكل مبدل وكاعدين يكلبون صور ونااسيني اصلا همزين مااوحده نزلت دور بيه ..
ورده ..ولج انتي وين جنتي صار ساعه

غصون ..هاا جنت اكال بالمطبخ جعت رحت ادور اكل
غاليه ..هاج هاي البسيها ..ويالله خلي ننزل نظف البيت
اخذته وكعدت ابدل ..تقربت مني ايات وحجت
شبيج من دخلتي ولسه توزعين ابتسامات وحلكج شاركته
رديت ..استغفر الله منج لزم بوزج تحطي بكلشي حتى اليضحك يعني مناسبه وحنه وعرس لزم افرح لو ابجي يعني ..
ايات ..انشاء الله هيج مو وحده من سوالفج
غصون ..لا اطمني كلشي مااسويت

غاليه ..
جنه نحجي ..وباوعت لكيت رقيه خطيه غافيه ورايحه بسابع نومه ..
كتلهن يابنات خلنها مرتاحه وخلي ننزل احنه
كلهن نزلن وياي ..طبعاا نقسمنه
ناس راحت تنظف المطبخ ..وناس الستقبال والصاله وناس طلعت للكراج البرا
لزمنه البيت كله كنس وتعزيل ومسح ..وتنظيف الاثاث ومسحهن ..
وصعدنه للطابق الثاني هم غسلنه ويانه ..وبقينه نظف لل2 بليل
تالي صعدنه فوك ..واحنه هلكانين تعب منا حفله ومنا تنظيف ..
اجيت انام بصف رقيه ..بس ملابسي رطبات من المسح
كتلهن راح ابدل وارجعلجن ..شويه ماتاخر
كاللي روحي ..
رحت للغرفه ..وجنت نعسانه وتعبانه اباوعت لكيت شهاب نايم على سرير
كلت احسن همزين ..رحت طلعت ملابس ولان تعبانه ومالي خلك اتحرك
بدلت واني واقفه بمكاني بس نزعت دشداشتي شمرته ..ولبست وحده ثانيه ..
وجاي اروح اطلع ..بس لزمني شهاب من ايدي ..وحجه وين رايحه
غاليه ..انام هناك ..يم رقيه لان حلفتني انام يمها اليوم ..

سحبني يمه على سرير وحجه ..يارقيه هاي ..اني اول خلي اشبع منج نوب الناس ..
ولان مالي قابليه ولا بيه حيل ادفعه لو احجي
رحت ويه وشمرت نفسي بصفه على سرير
هو تقرب بصفي وحظني ..وحجه شبيج
غاليه ..تعبانه ونعسانه ..عوفني ارتاح عفيه
شهاب ..واني شمسويلج ..ارتاحي
طبعا نمت هستوني ..وهو حط راسه بركبته وصار يبوس بيه
بس لان مالي خلكه ولاتحركت ولاحجيت شي
وهو استغل الوضع ..وصار يبوس بيه من كل مكان ..ركبتي ظهري ..ونزل على جتفي ..
بعدها تحرك وصار فوكي ..وهو يوزع بوسته علي بكل مكان ..وبلهف ..وشوك جنت نعسانه وتعبانه فمااادفعته عني ..
هو لزم شفتي وصار يبوس بيه بكل قوته ..ونزل على ركبتي وهو يبوس بقوه
وحسيت خلص انتهى راح ياخذ الي يريده مني
فحاولت ادفعه وحجيت ..شهاب شنو تحس تجاهي
رد علي وهو لسه يبوس بركبتي ..احس كل خير انشاء الله
غاليه ..يعني اني شنو بحياتك بضبط
شهاب .. كلشي
غاليه .. كلشي شنوو ..
شهاب .. شنوو
غاليه ..هي هاي اجوبتك
شهاب ..هو امتحان لو شنو
نهضت على حيلي ..ودفعته وحجت ..لا مو امتحان على راحتك ..والله اذا وصلت يمي ماايصير خير ..ونوب اذا طلعت من الغرفه قسم بالله لو تنكلب السماء و الارض مارجع ..

شهاب ..اش ..اش شنو تحولتي فجاه شجاج مو جنتي هاديه وشمحلاج نامي شكلج عصابج تلفانه

اخذت الغطه ونطيته ضهري واني احجي ..اي اليعاشرك مو بس عصابه تتلف حتى دماغه
بس مابطل بس غفيت حسيته رجع حظني ..
دفعته ..بس مابتعد واني هم تعبت ومابيه حيله ..تركته
بس الليل كله اني ويه مدافع لان كل شويه احس بي يبوس بيه ..ماادري شبي مغطوم على بوس
تالي ماغفيت صدك غفوا صحيح غير الخبشه
وصحيت بالكوه كعدت ... باوعت الساعه بالعشره ياعزه اليوم عرس رقيه واني كاعده بالعشره
ردت اكوم بس ايد شهاب حظني بيها ماتخليني اتحرك
وخرته واجيت اكوم ..بس لزمني
وحظني وغافي ويحجي ..بعد وكت شكعدج
رديت واني ادفع ايده واريد اكوم ..ياابعد وكت ..غير عرس رقيه اليوم ..
هو ماتركني وحجه ..هي معرسه انتي شكوا ..
غاليه ..شهاااب ..ابعد ايدك ..شلون عرس اختك ونايمين لهذا الوكت ..كووم بسرعه

تركني ورجع نام وحجه ..اني شكوا خليني احير بعرسي الي ماجاي يصير

نهضت ..وركضت على سريع غسلت..واجيت اخذ شالي ونزل لكيت يكلب بالكانتور ..وموبايله يدك
اخذت شال واجيت اروح بس لزم ايدي وحجه وهو يباوعلي
بكل مكان .. راح تنزلين هيج
رديت مستغريه .. اي ...ليش شكوا
شهاب .. لا بس خاف تنزلين وتنحرجين وتكعدين تسبين بيه بعدين

غاليه ..اسب بيك ليش
شهاب ..وانتي شفتي نفسج بالمرايه
باوعتله مستغربه ..ورحت للمرايه اباوع
بقيت شاهكه ..وفاتحه حلكي واني اباوع على ركبتي كل علامات زركه..ونزله لحد صدري ..وحتى علباتي
صحت بي ..عزه انت شمسوي بيه ..شلون انزل هيج نوب عرس ومناسبه والناس كله جوا
شلون هيج يشوفني ..غير فشله يربي

شهاب .. شكوا بيها باكيه غير زوجج واسوي الي اريده

غاليه .. بربك ماتسوي هيج غير اليوم ..شلون انزل اني هيج هسه ..

شهاب .. عادي لا تنزلين وتعالي نكملي البدينه البارحه
غاليه ..وخر ايدك ..تحجي من كل عقلك انت

لزمت الشال ولفيت على كل وجهي وركبتي ..ونزلت
لكيت كله بالمطبخ ..عمتي وبنات عمتي وخالتي وامل ولقاء وكل واحد لزم شغله
دخلت مستحيه ان المفروض اول وحده اكعد اليوم وساعدهم جايه هيج وكت ..كلت صباح الخير
رد الكل ..صباح النور
ورده ..على اساس هسه شويه واجيكم تالي يالخاتون للعشره ونص يالله نزلتي

خجلت طبعا ورديت .. تعبانه والله واخذتني الغفوه

جاي احجي وغصون واكفه بصغي ..مااحسيت بيها غير جرت الشال مني ..وهي تحجي ..كولي غيرها هاي سالفه
طبعا صرت مي من خجلي كدام الكل .. واني احاول اضم ركبتي وجسمي لا يشوفوا الاثر
عاد عمتي باوعتلي وضحكت وحجت .. طلعتي انتي وشهاب العرسان مو رقيه وجهاد ..

غصون .. هههههههه اي والله يعمه البارحه شكلهم لاعبين لعب
اخذت الشال من ايدها وحجت ..انجبي ولج شكد فاسده انتي
كلهم بقى يضحكوا اني متت خجل بلحظته
بس امل بقت تاكل بيه بعيونها اكل .. وحتى الكل لاحظ شكد شكلها تغير وصارت تباوعلي بحقد
بس ماهتميت وبقيت احاول اساعدهم بتحضير الغداء
كملوا ..وجنت كاعده على ميز الطعام ..وعرفت رقيه راحت للصالون ويه فاتن طبعا هنا يمنه لان شهاب منعهه بغير مكان
خالتي انطتني الركي كالتلي سوي
كاعده اسوي .. ودخل شهاب جان سابح ولابس تراك بيت اسود وبي ماروني ..صبح عليهم
وستلمت عمتي .. هلا بالعريس همزين نزلت يابه

هو ضحك وحجه .. بس الصيت والله عريس منين
طبعا بقيت اباوع علي ..واحجي فضحنه يربي

عمتي .. جاا شيخ انت نايم لل12 واليوم عرس اختك وابن عمتك ..وصاحبك

شهاب .. هم معرسين اني شكوا لو تريدين اطلع زفافه بعرس اختي

عمتي .. لعد ليش ما تطلع ..مو غريب ابن عمتك ..وبعدين مو صاحبك شلون تعوفه وحده ..خطيه شكد دك عليك

شهاب ..اي نعل ابو ابوي بمخبراته ..رايحله بس خلي اكل شي كتلني جوع ..مااستوا غداكم
عمتي ..دقايق وصبلك
طبعا اني جاي اكطع بالركيه ..واخذت قطعه عضيتها
بحلكي .. وماحسيت غير شهاب لزم ايدي ..وكل التكمله البقت  .... وهو يحجي جوعان والله ..انطيني بعد
انطيت قطعه ثانيه .. بس نفس الشي سوا ..ماخذها اكله ..لا سحبه ايدي وخلني احطه بحلكه ..
وهو ياكل ..طبعا كلها بقت تباوع علي ..واني استحيت من الموجودين
عاد عمتي حجت ..شدعوا عليك عمه حتى لكمه تاكله من دينها ..
شهاب ..هههه بيها طعم طيب من ادينها

شكول خجلت مااحجيت شي ..بس حجت ربي يخليكم لبعض وماتشفوا بحياتكم غير السعاده ..ورد هو امين رب العالمين
بعدها ..صارت هوسه وكله تحركت كلمن راح بمكان
واجتي رقيه ..وجانت جنهه اميره بثوب العرس والبدله مالته تجنن ..
بعدها صبينه الغداء ..وقبل مايخلصوا ..شفت امل ولقاء راحن بالسيارة ويه زيدون ..
بنات عمتي كلهن راحن يحضرن ملابسهن وشغلاتهن
وانوب الزفه لزم تصير بسرعه لان طريق طويل لبغداد
بقيت وحدي ..ونوب باوعت مواعين كومه مال غدا
بس فاتن يمي ..وهم حايرة تركض هيج وهيج ..طبعا المفروض بعد الغدا تطلع الزفه ..واني كلش ماكوا لا رحت وياهن صالون ..ولا بدلت بقيت اغسل بالمواعين واعزل بالمطبخ ..
فجاه انفتح باب المطبخ ..ودخلت ورده تحجي ..ياااغاليه لسه انتي هناا ..امشي تعالي نروح اني وياج
رديت عليها ..والمواعين منو يكملها خلي اكمل ونروح
دك موبايلها ..وحجت راح نتاخر ترى وماتلحكين كلشي تسوين ..
كتله روحي ..عود اني اكمل والحكج ..كالتلي متاكده لاتتاخرين ..كتله انشاء الله
بقيت اعزل وندفعت الباب ..واجه شهاب
جان كاشخ ولابس قاط ورباط ..وهو طويل وضخم
وشعر رافعه ليفوك وشكله محلق ومرتب طالع كمر
بقيت صافنه علي ..
هو حجه شكله مستعجل ..امي وين غاليه
رديت ..جوا اصيحه الك
كالي ..اي والله بسرعه
دخلت على خالتي صحته ..جتي تحجي ويه وجانوا يحجوا على زفه وروحه وشكلهم كلهم رايحين للزفه حتى علي وزيدون ومهند وشهاب ..لان العرس من الطرفين
خالتي التفت علي وحجت ..ولج يمه ليش مارحتي ويه البنات هو ضل وكت شسوين لسه بالمطبخ
رديت ..مو خاله مواعين الغدا بقن وكلها راحت
خالتي ..انعل ابو المواعين ..فوتي روحي حضري نفسج طايرات المواعين ..
غاليه ..يمكن بعد مالحك بيهن راحن اصلا ..لان كالت ورده مالحك بعد
شهاب ..امشي انه اوصلج ..استعجلي
خالتي ..اي روحي يمه ويه شهاب
اني هم كيفت ..وركضت جبت ملابسي وصعدت ويه شهاب ..
طبعا منين مايفوت تبقى العين علي
وحتى اني كاعده يمه ..وكل شويه اخذ نظرة على طالع كلش جذاب ويطير العقل ..وكاعده يمه ولا عبرني بكلمه ..
وكل وكت يتمتم بينه وبين نفس
لو يسالني على طريق ..اخر شي وصلني ذبني وحجه ..كملي وكليلي اجي اخذج
هزيت راسي ..ورحت دخلت لكيت البنات تقريبا مخلصات ..ومامسويت شي ثقيل كله خفيف وطبيعي
اني كعدت وهم سوتلي ..بس يختلف عن البارحه بس العيون هم برزتهن ..والحمره لا جانت فاتحه
جان فستان هل مره كل مستورة لان حفله بقاعه مختلطه لونه فاتح كريمي وبي حزام منه وبي وصدره وضهر تول مبطن ..بس كلش حلو يجي ضيك على الصدر وعريض من جوا ..
المهم كملنه ..واجه عمو ابو ورده وغصون اخذني وياهن
طبعا نزلن من السيارة كدام البيت
لكينه سيارات العرس كله طابكه بالشارع ..
فنزلنه نركض واجيت ادخل بس واحد لزم ايدي وسحبني
اني بشارع بعدني  مادخله فخفت والتفت بسرعه
جان شهاب كدامي ..باوعلي وحجه
شهاب ..اشتعلت عشيرتج واحد واحد ..هاي شمسويه

غاليه ..شنو غير عرس قابل شكوا

شهاب .. لا بربج مادري عرس ..جا غير الام مكلوبه وانتي تردين تروحين بهذا شكلج ..نوب القهر اني وديتها بيدي ..ادري لوهيج تطلعين الا عوفج واكف يم السنك وعلي

غاليه ..زين هد ايدي اروح اطب اشوف رقيه

شهاب ..يارقيه هاي ..امشي كدامي لاارتكب بيج جريمه

وصار يسحب بيه ويه واني احجي ..وين شهاب شبيك
فتح باب سيارة وكلي اركبي ..طبعا من خوفي منه ركبت بلا ماعترض
وبقيت كاعده بسيارة وهو واكف بارا من جهته
شكد ضجت الناس كله جوا وعرس بنت عمي واختي ..واني حابسني بالسيارة بارا
مديت راسي من جامه من جهته ..وحجيت ويه ..
شنوو شبيك حابسني هناا غير اطب اشوفهم

شهاب ..طببي راسج بنت الاوادم ..وبعدين هم راح يطلعوا هي دقايق اصبري لو تريدين تطلعين ويه الهوسه حتى اكسر راسج

رجعت المكاني واني افاف ..جان لزم يعني يلكفني قبل مااوصل شلون حظ يربي ..
شويه وسمعت صوت الكل تحرك ..وطلعوا وصارت هوس يمه الباب
دنك حجه وياي ..ولج ابقى كاعده هناا ولا تباعين يمنه يسرا ..هسه اجي
باوعتله ..راح على سيارات ..وصار يحجي وياهم ..واسمع يكلهم لحد يطلع ..الاتطلع سيارة العريس وسيارتي وسيارة مهند ..
ورجع دخل جوا بالبيت على سيارة العرس ..الا يحصره ماشفت شي  ولا العريس لسه
ورجع يمشي سريع ..وركب ..حجيت ..شنو شصار
رد ..ارتب بس طريقه طلعتنه

مافهمت شيرتب هو عرس وزفه تصير هيج بلا ترتيب
المهم طلعت سيارة العريس ومحد تحرك ويه غير مصور كدامه يمشي ..بعده طلعت سيارة مهند جان راكب بيها مهند وابوحسين وعمتي ام جهاد وعمتي فاطمه
وفتر شهاب وراهم ..بعدها يا لله تحركت باقي السيارات
باوعتله وحجيت ..لعد خالتي وين
شهاب ..راكبه ويه جهاد ورقيه
غاليه ..هنياله على الاقل قريبه من رقيه
طبعا كل طريق شهاب معلك ويه سيارة العريس يمشي سوا ويه ..
وكل شويه يتشامر هو وجهاد بالحجي ..واني اذا التفت بسرعه يصيح بيه ..
كلشي مامفتهمت من الزفه ..غير بس من نزلوا دقايق يمه النهر ..وشفت وكته جهاد جان طالعه كلش حلو ولابس قاط نيلي غامق وشكله كلش مرتب
باوعت شهاب ماتحرك من يم سيارته بس نزل يباوع عليهم من يمي
رجع صعد ..وحجيت اني على نيتي ..كتله جهاد طالع حلوو فدوه
بسرعه صاح بيه ..لج انطمي ..حلو فدوه شنو اكوم اكسرج هسه حتى تتعلمين تحجين عدل نوب

سكتت مارديت علي ..بكلبي حجيت ساعه سوده شكعدني يمك ..حتى كلشي مافتهمت من العرس
وبقى هيج مالف ويه سيارة العريس ..لحد مادخلوا بغداد
هو حتى عافهم وطلع كبل ..
التفت اباوع وراي ..وحجيت ..شهاب شبيك ارجع ..تراك عفت العرس وراك شنو سالفتك

شهاب ..شنو رايج ارجع بيج للبيت وخلينه نبقى وحدنا هناك حتى ناخذ راحتنه ..هاا شكلتي
غاليه ..انتي تحجي كل عقلك ..شهاب ارجع على العرس بسرعه
شهاب .. شسوين بالعرس انه اسويلج عرس بماان انتي اصلا متحضره وطالعه عروس

طبعا صرت اغلي واني اشوف يمشي وحده ومااكوا بعد لا سيارات عرس ولا شي ..وحجيت بغضب
والله يشهاب اذا طلعت صدك عايف العرس وجاي ترجع
الا اسويلك زفه من صدك
ماحجه بس ضحك وبقى يسوق
طبعا مادري شسوي ..فتقربت منه ولزمت ايده وحجيت
والله رجعت احجي صدك
باوع ليدي وحجه ..يمكن هسه راح اقرر ارجع
ماحسيت غير وكف ..وكلي هاي القاعه انزلي
التفت واني فرحانه ..بس ماشفت احد ..نزلت هو اخذ ايدي وطب بيه بسرعه ..وحجيت ..لعد وينهم اشو ماكوا احد
دخلت القاعه تصفر ..كلي كعدي واسكتي لسه ماوصلوا
هذا الحجي مكعدني بزويه والقاعه كله فارغه كدامه
بعدها بشويه صدك دخلوا واول دخله جانت رقيه وجهاد
وبعدهم الناس بدت تدخل ..
ردت اكوم بس لزم ايدي وحجه دفكري تتحركين مناا وشوفي يصير بيج
رديت ..شبيك ترى حابسني كلشي ماخليتني اشوف اقلها اسلم عليهم
رد ..انطمي وكعدي عود من يصعدوا فوك خليج تروحين
بقيت اباوع على خالتي عمتي اي وحده تجي حتى اخلص من حبسة شهاب ..
بس كل وحده ملتهي بجهه
وكلش ماتفهمت حتى صايه ماكدرت اذبه ياحصرت الفستان البسته  واصلا ما طولوا لان دنيا ليل ..وناس كله تريد ترجع وطريق بعيد ..فزفوهم
هم كلت حرمات فلوس انطوا للقاعه وماكعدوا بيها دقايق
كله من ورا رقاوي
المهم صعدوهم بالمصعد ..والباقين فوك على درج
اباوع كله واقفه وياهم بالمصعد ..والباقيات كلهن راحن للدرج ..طبعا بس نسوان زلم بقوا برا
جهاد يستحي يحجي ويه احد ..بس شهاب اجه يمشي وياي من شافهن جان يصيح ببهن كلهن ..ووين بوويه كلجن وين تردن
هن كلهن وكفن يباوعن علي ..صاح الكل تنزل والي بالمصعد يطلعن ..بسرعه يالله
تروح بس امي وعماتي وغاليه ..والباقي يرجعن كلهن بسرعه ..
طبعا كلهن رجعن ويباوعن علي ..اني شكوا
المهم حجه كلي روحي ..اني هم كيفت وكمزت وياهم
اول ما دخلت للمصعد سلمت عليهم وباركتلهم ورد علي جهاد خطيه ولزمتني رقيه دك ضرب
وعض ..صحت ااخ هاي عود عروس انتي
حجت حقيره خاينه هسه تذكرتي تجين
كتله والله غصب عني ..جنت محبوس اخوج مسوي علي القاء القبض 
كاموا يضحكوا وعمتي حجت ..حق يمه غير طالعه جماره وشيخ كلب مايتحمل احد يباوع على حلاله
ماحجيت لان وصلن ونزلنه ..ودخلنه الغرفه ..وخالتي وعماتي بقن يحجن ويه جهاد
واني كعدت ويه رقيه طبعا بعد ماوخرت عنها كلشي حاطي فوكها ..وبقت لزم يدي وحجت ..خايفه غاليه كلش ..
رديت عليها ..لا تخافين ترى جهاد يحبج وكلبه الج ..و مستحيل يااذيج بس انت لاتعاندين ويه لان هذواله المله من تعاند وحده وياهم ينكلبوا وحوش ..اخذي بالين ومسايسه هسه تشوفين شلون يصير وياج ..
ردت ..الله كريم
حجت خالتي ..يالله يمه مابقى وكت ..وخليهم يرتاحوا
كمت من يمها وبسته وحجيت خلي بالج على نفسج
ردت هي حظنتني وكالت ..بالج على امي غاليه امانه عليج

كتله توصيني باامي ..لج هاي امي قبل امج
صارت تمسح دموعه من تقربت خالتي وباست راسه وطلعت وهي تمسح بدموعه ..اني هم بجيت وبقيت حاظنته فتره ..لحد ماعمتي حجت ..كافي يمه بلا بجي مو زين عليكم ..وكلتلي يمه غاليه لاتخلينه تبجي عليكم خطيه ..يالله امسحي دموعج وطمنيها انتم وين رايحين وحده بصف الثاني وانشاء الله ماتتفركون ..
مسحت دموعي ..وابتسمت ودنكت بسته وحجيت ديري بالج على نفسج ولا طولين السان خوش
ردت وهي تبتسم مااشي
عفت وطلعت ..بس البجيه حاصرتني ..
نزلنه لكيت خالتي تبجي جوا وشهاب لزمها يحجي عليها
اول ماشفني حجه ..شوف الثانيه بابا شبيكم انتم
باجر تشوفوا رقيه راح تكبلكم وتكعد حتى انتم طفوا بيه
اختي واعرفها .. يالله امشينه تاخر الوكت
اخذنه شهاب وجان الكل راجع ..من عدا مهند وابوحسين
رجعنه كلنه سواا
مادخلنه العماره الا ميتين تعب نوب ساعه 12 بليل ويخوف جان الطريق ..
بس الحمد الله وصلنه ..اول ذب شهاب عماتي كل وحده بيته ..وبعدين دخل السيارة
خالتي كبل راحت الغرفة كالت تعبانه ..
واني وهو صعدنه لغرفتنه ..وكعد هو يبدل ..اني اخذت ملابسي وجاي اطلع ..لزم ايدي وحجه ..ماتبدلين هناا
رديت ..لا بالحمام احسن
شهاب ..على اساس مابدلتي البارح كدامي
بقيت صافنه وحجيت ..هااي شوكت نوب مبدل
بعدين تذكرت من البارحه بليل بدلت دشداشتي ..وحجت بس انت جنت نايم شمدريك
رد ..منو كلج نايم ..شفت كلشي حتى
كلت خلي اضوجه مثل ماكاعد يحرك دمي ..رديت ما تشوف قابل غريب غير رجلي
تقرب وحجه ..هااا ..يعني يحقلي جاا شكوا ترحين تبدلين بالحمام لعد

غاليه ..اي حقلك من اني اريد ..بس دائما ماريده فماايحقلك ..

باوعلي بغضب وحجه ..ترى زوتيها انتي شتردين الخاطر ربج بعد

غاليه .. اريد تجاوبني على سوالي مثل العالم وناس حرام يعني ..

شهاب ..ترى ما حاجه احجي شي ..جواب اسالتج واضح بيه مو الا احجي

غاليه .. اني وحده غبيه ومافهم الاحجي مباشر ..لو تسويني غبيه وكت يعجبك ..وافهم كلشي وكت الي يصير من جانبك هل شي

شهاب ..مااشي غاليه خليج هيج انتي الخسرانه

تركني وهو شكله مايتفسر من الغضب والعصبيه ..تركته ورحت ابدل

...... يتبع
   🦋🦋...............................🦋🦋