Kabanata 54
Make Up
He didn't need an answer. Alam niya sa sarili niya na mahal na mahal ko parin siya at gustong gusto ko rin siyang makasama. Not just for our baby's sake but it's also for me.
"Do you love me back, Sunny? Do you still want to be with me?" Tanong niya pagkatapos kong punasan ang aking luha.
Tumango ako at agad niya akong binalot sa mainit niyang yakap.
"Good girl." At hinalikan niya ang ulo ko.
Pagkatapos naming kumain sa labas ay dumiretso na kami sa ospital para magpacheck up. Sa labas ng clinic ay may nakita akong dalawang pares ng mag asawa. 'Yong isa ay sobrang laki na ng tiyan na tingin ko ay malapit na ang due date niya, samantalang mukhang maagang pagbubuntis pa lang 'yong isa.
Pinagmasdan ko sila habang tahimik kami ni Rage. Nakahawak siya sa kamay ko, pinaglalaruan ang mga daliri ko. Alam kong medyo kabado siya at hindi ko alam kung bakit hindi naman ako tulad niyang kabado kahit na ako ang titignan ng doktor.
"Ang sakit sakit ng balakang ko." Reklamo nong isang buntis na malaki na ang tiyan. Hinahaplos ng kanyang asawa ang kanyang balakang. Ngumiti ako. Ang cute nilang tingnan.
Humigpit ang kamay ni Rage sa mga daliri ko. Nilingon ko na siya at nakatingin siya sa akin. Huminga siya ng malalim.
"Ano kaya ang mga bawal sayo?" Tanong niya.
Umiling ako. "Hindi ko alam. First time ko 'to dito. Nong nag pregnancy test ako at nalaman ko na buntis ako, hindi ako dumiretso sa doktor. Si Mia lang ang nagsabi sakin kung ano ang mga dapat kong gawin."
Ngumuso siya. "Bakit di mo agad sinabi sakin na buntis ka nong nalaman mo?" Tanong ni Rage.
Nagkibit balikat ako. "Galit ako sa'yo non."
"Kahit na. May karapatan ako sayo. May karapatan ako sa bata."
Nag angat ako ng tingin sa kanya at nagulat ako dahil seryoso siya.
"I want the best for my child and for you, Sunny."
"Hindi ko alam na aakuin mo pala ang responsibilidad. Akala ko tatakbuhan mo ako. Akala ko ayaw mo munang magkaanak." Humina ang boses ko. "Sabi ng mga pinsan mo, gumagamit ka daw ng condom palagi noon sa ibang babae." Lumunok ako. "Wala akong matandaang gumamit ka ng condom sakin." Nahihiya akong tumingin ulit sa kanya.
Umangat ang kanyang labi at kinagat niya ito. Para bang may masama siyang binabalak. "I probably won't ever use condoms anymore."
Uminit ang pisngi ko. Kasabay nito ay ang pagtawag ng nurse sa akin.
"Sunshine Aragon." Aniya habang dumudungaw sa kanyang papel. "At..." Tumingin siya kay Rage at nakita ko kung paano nagtagal ang tingin niya rito. Hindi ko napigilan ang ngiti ko. "Asawa niyo po? Nakalagay sa records ay single, e." Tanong ng nurse sa akin.
"Future husband. We're engaged, miss."
"Ahh." Tumango tango ang nurse at may sinulat sa kanyang papel. "Ano po ang pangalan nila, Sir?"
"Rage Joseff T. Del Fierro." Ani Rage.
Tumango ang nurse at agad kaming pinapasok sa loob.
Puti ang loob ng clinic at maraming mga posters tungkol sa pagbubuntis. Iginala ko ang mga mata ko sa mga posters kung saan nag e-evolve ang fetus patungo sa isang malaking baby. Hindi ako makapaniwala na mangyayari 'yan sa loob ng tiyan ko.
"Mr. Del Fierro?" Nagtaas ng kilay ang doktora pagkapasok namin.
"Doc." Sabay lahad ng kamay ni Rage sa kay doktora. Nilingon ako ng doktora at nginitian. "Sunny, this is Doctor Silvia Rosal. She's one of our clients."
Naglahad din ako ng kamay ay malaki ang ngiti ni Dr. Rosal habang nagkakamayan kami.
"Hmmm. So... you're 20 years old, hija?" Sabi ng doktor nang umupo kami ni Rage sa magkabilang upuan ng kanyang table. May clipboard siya kung saan niya isusulat ang mga detalye na sasabihin ko.
"Opo."
"You're turning twenty-one next month."
Napatingin si Rage sa akin. Ngumiti ako sa doktora. "Opo."
"Hindi ka ba nagpacheck before today?" Tanong ni doktora habang kumukuha ng isang pack ng pregnancy test.
"Hindi pa. Nagplano ako noong nakaraang Linggo. Nag offer 'yong kaibigan ko na pupunta kami sa tito niyang doctor. Pero di kami natuloy kaya first time ko 'to."
Nakita kong humalukipkip si Rage at tumitig sa akin.
"I would like you to perform urine test again. Tsaka natin i ta-transvaginal so we'll know kung ilang weeks ka na, alright?" Sabi ni Dr. Rosal.
Tumango ako at sinunod ang sinabi niya. Pumasok ako sa CR sa loob ng clinic at pagkatapos kong gawin iyon ay ipinakita ko sa kanya ang dalawang linya sa pregnancy test. Tumango siya. Dinungaw ng tahimik na si Rage ang pregnancy test at mukha siyang walang naintindihan. Ngumisi ako.
"How are you feeling? May cravings ka ba?" Tanong ni Doktora.
Umiling ako. "Wala po pero sensitive ako sa cheese." Sabi ko at agad na namang tumingin si Rage sa akin.
"What else do you notice?" Sabi niya habang nagsusulat.
"'Yong nipples ko po medyo, uhm, masakit." Nahihiya kong sinabi.
"Hmmm sensitive nipples. What else?" Nagtaas ng kilay si Dr. Rosal.
Nanliit ang mga mata ko. "Madalas akong antukin. At bukod don, wala na po." Sabi ko.
Tumango siya. "Avoid stress. Bibigyan kita ng magazine para makita mo anong mga sintomas na maaari mong maramdaman. Can I ask you to change into this robe ?" Tanong ni doktora sabay pakita sa naka hanger na puting robe. "Remove everything. At humiga ka na lang doon. I'll be back." Sabay turo niya sa isang room na may nakalagay na 'Intrasectal Room', pagkatapos ay umalis siya, iniwan kami ni Rage.
Tumango ako at dumiretso na sa room kung saan ako magbibihis. Sinundan ako ni Rage. Sinarado ko iyong room pero panay ang salita ni Rage sa kabila.
"Really? Tito nino? Doktor na lalaki? OB na lalaki? Like hell papayagan ba kita? Buti di ka natuloy. Dapat ay babae ang mag check sayo."
Nong una ay hindi ko naintindihan ang sinasabi niya ngunit unti unti kong napag tanto na may problema siya sa Ob Gyn na lalaki. Umiling na lang ako habang nagbibihis ng nipis na robe.
"Rage..." Sabi ko at binuksan ang pintuan.
Nalaglag ang panga niya nang nakita akong naka nipis na puting robe. Mariin siyang pumikit at huminga ng malalim. Tumagilid ang ulo ko at hinanap ko ang mga mata niya.
"Humiga ka na don sa loob." Medyo galit niyang sinabi.
"Galit ka?" Sambit ko.
"Hindi. Humiga ka na doon." Sabay turo niya ulit sa loob.
"Parang galit." Kumunot ang noo ko at pumasok na rin sa loob.
Narinig ko ang pagpasok ng doktor at isa pang nurse para mag assist. Pinahiga nila ako sa room. Naroon din si Rage nakahalukipkip at pinapanood ang gagawin ng nurse at ng doktor. Huminga ako ng malalim at hinintay ang gagawin nila. Napatingin ako kay Rage na ngayon ay maputlang maputla. Kinunot ko ang noo ko nang napatingin siya sa akin.
"Okay ka lang?" Tanong kong natatawa.
Tumango siya ngunit alam kong kabadong kabado na ito.
May ipinahid na malamig na cream ang nurse sa akin. Tumingin sila sa monitor kung saan tingin ko ay lalabas ang picture sa loob ng tiyan ko. May wire o mukhang stick silang ipinasok sa akin at agad akong gumalaw sa sakit.
Dumalo agad si Rage sa akin, ngayon mas lalong maputla. Nang nakapasok na iyon ay wala na akong maramdaman kundi kiliti at kaonting sakit.
"You are..."
Tumingala si Rage at nalaglag ang panga niya. May narinig akong tambol galing sa speakers at noong una ay akala ko dahil lang iyon sa machine pero nang naramdaman kong kasabay ito sa lakas ng pintig ng puso ko ay nakuha kong sa baby iyon!
"6 weeks pregnant. Maaga pa naman." Tumango ang doktora.
Nanatili ang mata ni Rage sa screen kung nasaan may maliit na hugis bilog. Ngumiti ako.
"Doc, 'yan ba ang baby?" Tanong ko habang nanonood sa maliit na bilog.
"Yup. Balik ka dito after two weeks mas klaro na 'yan." Ngiti ng doktora. "Congrats, Mr. Del Fierro."
Nilingon ko si Rage at hindi parin matanggal ang kanyang tingin doon. Ilang sandali pa bago niya ako dinungaw. Nakita kong medyo pula ang kanyang mata. Mabilis niyang hinalikan ang aking labi. Kumalabog ang puso ko at hindi ko mapigilan ang kasiyahang nadama.
"You're making me so happy, Sunny. I am so damn happy." Patuloy ang kanyang halik sa aking labi.
Humalakhak ako. Tumigil siya at tumingala ulit sa baby naming dalawa.
Hindi ko makalimutan ang mukha niya ngayong araw na ito. What I'd give to see it again. Panay ang ngiti niya habang dala dala ang iilang mga magazine galing kay Doktora Rosal. Binili niya rin agad sa pharmacy lahat ng mga nireseta.
"Mag go-grocery tayo bukas. Hmmm. Saan ko ilalagay 'tong magazine? I want to read it but... you're living away from me."
"Pwede mong dalhin na lang muna 'yan." Sabi ko sabay pasok sa kanyang sasakyan.
Hinawakan niya ang pintuan at nilagay niya ang kanyang paa sa sahig ng sasakyan. Tiningnan niya ako ng mabuti.
"This will be either you'll go home with me o sa kina Kid muna ako matutulog hanggang sa bumalik ka na sa bahay."
Nagtaas ako ng kilay. "Rage, hindi ako pwedeng bumalik sa bahay mo."
"Hindi doon nakatira sina mama at papa, Sunny. Don't worry about them. They can't touch you. I won't let that happen."
Ilang sandali akong tumunganga sa kanya bago nagsalita ulit.
"Hindi ka pwede kina Kid. Nakakahiya naman." Sabi ko.
"They will understand. Besides, we're engaged now. Magbibilang na lang ako ng mga araw para makabalik ka na sa bahay. We're having a baby, Sunny. You need to think about this. Dapat ay sa bahay ka na tumira."
Kinagat ko ang daliri ko at nag isip. "I'll think about it, Rage. Sa condo na lang muna ako ngayon."
Tumango siya at huminga ng malalim. Tiningnan ko siyang mabuti at ginalaw niya ang ulo niya na para bang masakit ang kanyang leeg. Napansin niya ang pagtitig ko at nanliit ang mga mata niya.
Binitiwan niya ang pintuan at hinaplos niya ang aking pisngi. Naghabol agad ako ng hininga at ang kuryenteng unti unti kong naramdaman ay bumaba na sa buong katawan ko. Tiningnan ko ang nakaawang niyang labi. Inangat ko ang mukha ko sa pagbabakasakaling mahalikan ko siya. Nang nagtama ang aming mga labi ay hindi ko na napigilan ng sarili ko. I wanted so bad to kiss him. Iyong tipong walang pumipigil sa akin.
"Hmmm, Sunny, we need to go home. You're tired." Bulong niya habang hinahalikan ko siya.
Nag init pa lalo ang aking sistema. Halos mapaliyad na ako sa paghahalikan naming dalawa. Hinawakan niya ang aking dibdib at walang kahirap hirap. Ang isang kamay niya ay bumaba sa ibinahagi kong mga hita. Walang kahirap hirap niyang hinaplos ang gitna nito. Tumigil siya sa pag halik at tiningnan niya ako, nanlalaki ang mga mata. Kinagat ko ang labi ko at uminit ang pisngi ko.
Binawi niya ang kamay niya at inayos niya ang damit ko.
"You're craving for me, Sunny." Bulong niya.
Tumango ako at mas lalong uminit ang pisngi ko. Ang nakabahagi kong hita ay pinagtabi ko na ngayon dahil sa kahihiyan.
"But you're very fragile right now." Huminga siya ng malalim at umayos sa pagkakatayo. Sinarado niya ang pintuan.
Bigong bigo ako ngunit ayokong ipahalata sa kanya. Inayos ko ang sarili ko at pinanood siya sa pagpasok niya sa sasakyan.
Nilingon niya ako at hinalikan sa noo. "Let's go home."
Ngumuso ako at inisip na kung sasama ako sa kanila ay siguro hindi na ako mabibigo. Ngumisi ako at pinanood ulit siyang nagmamaneho. Nakakunot ang kanyang noo at mukhang malalim ang iniisip. Baby, this is your dad. He's so hot and he makes my heart beat so fast. Madalas niya rin akong binibigo pero ayos lang kasi bumabawi naman. Mahal na mahal ko ang daddy mo kaya ka nabuo.
Pagkadating sa condo ay masayang masaya ako dahil hinatid ako ni Rage. Ngunit naabutan kong tahimik na umiiyak si Mia habang umiinom ng whiskey. Nanlaki ang mga mata ko nang nakita kong papaubos na ang whiskey. Mabilis akong dumalo sa kanya. Si Rage, sumunod sa akin.
"Mia, ayos ka lang?" Tanong ko.
Umiling siya at pinunasan ang luha na lumandas sa kanyang pisngi. Nilingon ko si Rage at nakita kong binuksan niya ang pintuan ng kwarto ni Mia at Kid. "Asan si Kid?" Tanong niya.
"Uuwi 'yon mamaya." Nanginginig na sambit ni Mia.
"B-Bakit ka umiiyak?" Tanong ko.
"Nag away ulit kami. Kakainis!" Humagulhol siya at tinabunan niya ang kanyang mukha ng kanyang palad.
Nilingon ko ulit si Rage at nakita kong may tinatawagan na siya sa kanyang cellphone. Siguro ay si Kid? Inisip ko pa naman sanang sasabihin ko kay Mia na nag propose na si Rage sa akin ngunit sa ngayon ay wala iyon sa lugar. Hinaplos ko ang likod ni Mia.
"Anong pinag awayan niyo?" Tanong ko.
"Sinabi niyang may gusto ako kay Jason! Tang ina!" Ani Mia.
"Ano?" Naguguluhan kong sinbi.
"Pumunta si Jason dito. Ikaw ang sadya. Pinapasok ko siyempre tapos tinext kita. Eh di ka dumating at naabutan ni Kid kaya ayun."
"Pumunta si Jason dito? Bakit daw, Mia?" Tanong ni Rage na ngayon ay medyo iritado.
"Hihingi daw siya ng dispensa kay Sunny." Ani Mia. "Wa'g ka ngang OA, Rage. Isa ka pa, e. Sarap niyong pag untugin ni Kid." Humalakhak si Mia at umiyak ulit.
Nilingon ko si Rage at nakita ko siyang kunot parin ang noo.
"Minsan, Sunny, iniisip ko..." Bumaling ako kay Mia. "Naisip ko na baka hindi naman talaga niya ako gusto. Kasi diba, ikaw 'yong gusto niya nong una. Baliw siya sayo noon. Tapos sinalo ko lang kaya heto at ako ang naghihirap. Heto at hindi niya naman ako pinapahalagahan kasi second choice niya lang ako. Tang inang 'yan. Second choice. Ni hindi ako pinapakilala sa pamilya niya."
Nalaglag ang panga ko. "Hindi totoo 'yan, Mia. Nakikita kong mahal ka ni Kid."
Tumikhim si Rage at umupo sa sofa. "Dito ako matutulog. I'll make sure my wife will sleep soundly. Hindi iyong nasasali sa away niyo. She's pregnant and, I'm not going to lie, I'm paranoid. Mia, pabalik na si Kid. Please, wa'g niyong isali si Sunny sa gulo ninyo."
"Rage!" Saway ko.
Nakita kong walang bahid na pagsisisi sa mukha ni Rage.
"Alam ko, Rage. Di mo ako kailangang pag sabihan." Matabang na sinabi ni Mia.
"Make up sex is the best solution. I'm still waiting for my make up sex, though." Ngumisi si Rage at tumindig ang balahibo ko.
Tumawa si Mia at nilingon ako. Shit!