💝لقاء الاحبه💝
يوسف ❣️ تيلا
💥الفصل السادس عشر 💥
فى فيلا باسم
كان الكل قاعد ومستغرب من وجود حياة اخت مازن
مى :- ممكن افهم حضرتك بعد الوقت ده كله جايه ليه وعايزه منى ايه على ما اعتقد انتى عارفه اخوكى عمل فينا ايه وحرمنى من بنتى قد ايه وفوق كل ده سابها فى نص البحر تغرق مهنش عليه ينقذها وانكر معرفته بيها اخوكى ده مش بنأدم اخوكى ده حيوان ولو أن بظلم الحيوان بتشبيه اخوكى بيهم على الأقل فى قلوبهم رحمه وبيخافو على ضناهم إنما اخوكى مفيش كلمه تقدر توصفه ده بنأدم قذر لو ميت اللهى ما يشوف رحمه ولو عايش ربنا ينتقم منه اشد انتقام
حياة :- بهدوء خلصتى كلامك
مى :- ايوه
حياة :- اوك مبدأين كده انا مكنتش عايشه فى مصر انا عايشه فى باريس مع جوزى الله يرحمه ولسه رجعه مصر من قريب بعد وفاة جوزى علشان كده انا اول حاجه عملتها بعد ما ظبط امورى أن أسأل عليكى واجى ليكى وفرحت لما عرفت أن تيلا رجعت تانى ليكى لأنها وفرت عليا مشوار طويل فى البحث عنها لأن الكلام ده لازم تسمعه
تيلا :- لوسمحتى مش عايز اسمع حاجه عن اللى اسمه مازن ده ولا عايزه اعرف حاجه من ريحته فياريت حضرتك تخدى ابنك ده ومع الف سلامه
حياة :- انا مش هلوم عليكم فى اى كلمه ولا اى فعل لأن انا عذراكم من اللى حصل من اخويه بس برضه لازم تسمعو الكلام اللى جايه أقوله وكمان ممكن اعرف مين هنا بنت اخويه
هنا :- انا
حياة:- على فكره كلك شبه ابوكى
تيلا :- متقوليش ابوكى ده مستحيل يكون اب لحد فينا
حياة:- اوك مازن حلو كده
مى :- اسمه نفسه بيعصبنا
حياة:- تمام ممكن اقعد على انفراد معاكى ومع بناتك
مى :- مفيش حد غريب جوزى واختى وجوز اختى وولاد اختى يعنى انا مش بخبى عنهم حاجه لو عايزه تتكلمى اتكلمى قدامهم
حياة :- اوك مبدأين كده انا هتكلم ومش محتاجه حد يقطعنى واللى عايز يقول حاجه يستنا بعد ما اخلص كلامى خالص
مى :- اتفضلى
حياة :- انا وأخويه مازن ملناش حد غير بعض بعد وفاة بابا وماما فى حادثة العربيه وده كان نقطة تحول حياتنا لجحيم بابا وماما ماتو واحنا كنا معاهم كنا راجعين من حفلة التخرج بتاعتى واللى كان سايق العربيه اخويه مازن بابا وماما ماتو قصاد عنينا انا يدوب حصلى كسر فى دراعى وفى رجلى ومازن حصله كسر فى الجمجمه ودخل غيبوبه وقعد فتره رافض يرجع الدنيا من تانى ولما فاق اول حاجه سأل عليها ماما وبابا وحاولنا نوصله أن هما ماتو بس هو كان رافض الفكره ودخل فى حاله نفسيه خطر جدآ عليه لدرجة أن هو حاول ينتحر كذا مره وهو محمل نفسه سبب موتهم لدرجة أن بدأنا نعمل ليه جلسات كهربا على المخ والحاله بقت كل يوم بتسوء عن اليوم اللى قابله ودخل المصحه النفسيه وقعد فيها اكتر من سنتين وحالته اتحسنت بس طبعآ كان فى علاج ماشى عليه علشان مترجعش ليه نفس الحاله ويأذى نفسه وكان عايش على العلاج والمتابعه لحد ما انا اتجوزت وسافرت مع جوزى بس كنت بتابع معاه على التليفون علطول لحد ما فى يوم بكلمه كان فرحان اوى وده كانت أول مره اسمع صوت مازن فرحان كده بعد موت بابا وماما ولما سألته عن السبب قالى أن هو قابل واحده كويسه اوى وشقيه ودمها خفيف وحاسس أن قلبه طاير من الفرحه وحكا ليا حوار القهوه لما وقعتيه عليه وكان وهو بيحكى بيضحك وكان باله مشغول بيكى علطول وكل مكلمه ما بنا يحكى ليا عنك بساعات ومره قالى أن هو قرر يتجوزك علشان مش قادر يعيش بعيد عنك وبيحلم بيكى علطول انا فرحت اوى ليه لان بعد وقت كبير اول مره اشوف اخويه فرحان كده واتقدم واتجوزتو وكان بيكلمنى علطول واسمع فى صوته الفرحه بس كنت كل ما أسأله على علاجه وعلى متابعته للدكتور يتهرب منى وميجوبش على السؤال ومره صممت أن هو يرد عليا وعرفت أن هو بطل ياخد العلاج وقطع متابعته مع الدكتور وكنتى انتى حامل فى تيلا فى شهورك الاخيره وبدأت بعد كده أكلمه واشد معاه بسبب موضوع العلاج وبدأت تظهر عليه العصبيه وبقى واحد سالبى واتغير أسلوبه وده كانت من نتيجة قطع العلاج والنتيجه السالبيه اللى بيوصل ليها المريض فى حالة قطع علاجه اضطرابات فى السلوكات والافعال عليه وعلى اللى حواليه واتغير صوته من شاب كله حيويه لشاب تانى انا معرفهوش وبعد مشدات كتير ما بنا انقطع الاتصالات ما بنا ومعرفتش حاجه عنه اكتر من اربع سنين ومره اتفاجئت بأتصاله رغم محاولاتى للوصول ليه بس هو كان رافض يكلمنى رديت عليه بكل لهفه رد عليه بصوت مكسور وقالى أن هو طلقك اتصدمت من اللى سمعته بس كان ده اللى متوقع لان انتى مكنتيش تعرفى بحالته ومش هتستحملى الحاله اللى هو فيها سألته السبب قالى أن انتى اللى طلبتى كده علشان مكنتيش مستحمله العيشه معاه كلمته براحه وفهمته انك معذوره وان هو يحاول يرجعك ليه علشان البنات وكده ويرجع يتعالج ويتابع مع دكتور نفسانى تانى هو وافق وكنت كل يوم بكلمه اطمن منه عرف يرجعك ولا لاء ومره كلمنى وهو فرحان انك وافقتى ترجعى ليه وقعد يرسم بحياة ورديه معاكى وان هو هيتعالج وهيصلح كل اللى عمله معاكى بس معرفش ايه حصل اتصل بيا وقال إن هو هيجيب معاه تيلا وجاى عندى رحبت بيه وسألته عليكى قال انك رفضى ترجعى ليه وهياخد منك البنت ويوجع قلبك طبعآ أنا رفض الكلام ده بس كان هو واخد القرار وقفل السكه فى وشى ومعرفتش عنه حاجه اكتر من شهر وجالى رقم غريب رديت عليه لاقيته مازن بيكلمنى ولما سألته عمل ايه معاكى رد وهو كله دموع بنتى ماتت يا حياة انا سبب موت كل اللى ليا كنت السبب فى موت ابويه وامى وبقيت سبب فى موت بنتى وكان منهار ولما سألته على اللى حصل قال ليا كل حاجه حصلت طمنته وقلت ليه أن ممكن تكون تيلا عايشه وقولت ليه يسأل فى المستشفى اللى هو دخل فيها ولما سأل على مواصفات تيلا الناس اتعرفه على مواصفاتها وقالو انها عايشه بس هربت وبلغنى بكده وطبعآ حالته سأت جدآ اكتر من ايام موت امى وابويه ونفس الحكايه حاول يموت نفسه كذا مره ودخل المصحه النفسيه مره تانيه ومن ساعتها وهو فيها وانا بتابع مع الدكاتره علطول بس هو رافض الكلام من يوم ما دخل المصحه النفسيه وبعد وفاة جوزى رجعت مصر انا واولادى ورحت زورته حالته سيئه جدآ ورفض حتى الكلام معايه وقاعد سرحان ومش حاسس بأى حاجه حاوليه
فهد :- يعنى هو عايش
حياة:- عايش جسم بس لكن روح ميته مش حاسس بأى حاجه حاوليه
مى :- وجايه ليه تقولى لينا الكلام ده دلوقتى
حياة :- علشان افهمك سبب تغير حياة مازن أن هو مش زى ما انتو مفكرين مازن كان طول عمره شاب ملتزم ومتدين جدآ وكان واحد بيحب الضحك والهزار بس موت بابا وماما كانت نقطة تحول اخويه مازن وانتى يا مى قدرتى ترجعى لاخويه مازن ضحكته من اول وجديد وهو حبك بجد من قلبه بس اللى حصل ده نتيجة قطعه للعلاج والمتابعه
تيلا :- وقفت وقالت بعصبيه وايه المطلوب مننا نروح نجرى عليه ونرمى نفسنا فى حضنه ونقولو ليه حقك علينا احنا فهمناك غلط صح ده لو بيموت وطلب منى كلمة مسمحاك مش هقولها ليه انا بكرهو وكلامك ده مش هيأثر فينا بحاجه ياريت كنتى قولتى أنه مات والله كنت فرحت ووزعت شربات على كل الحبايب ده الحيوان عنده رحمه عن اخوكى تصدقى بقى انا فرحانه فيه وبتمنا يتعذب كل دقيقه وكل ثانيه على قد ما اتألمنا انا وامى بسببه كل اللى قولتيه ده على مأساة اخوكى متجيش واحد فى الميه من المأساه اللى انا شوفتها وكان السبب فيها اخوكى ابعدو عن حياتنا بقى وخلونا نعيش مبسوطين شويه كفايه علينا وجع وحزن خلى الوجع والحزن لاخوكى وأمثاله وياريت متحاوليش تستعطفينا على اخوكى كل شويه لان محدش هيسمحه مهما كان السبب ولا ايه اللى حصله وسابتهم وطلعت على اوضتها
مليكه :- مدام حياة اعذريها اللى هى شافته برضه مكنش شويه هى واختى اتعذبو كتير وكان السبب اخوكى
حياة:- عارفه والله ومش زعلانه لان انا كنت متوقعه جميع ردود الفعل اللى هتحصل
مى :- وانتى مفكره اننا هناخد بعضينا ونروح نزوره فى المصحه مستحيل ده يحصل
حياة:- مى انا من كلام اخويه عليكى اول ما عرفك عرفت انك قلبك طيب ومستحيل ترفضى مساعدة الغير حتى لو عدوك وانتى وتيلا فى ايديكم تنقذو اخويه من العيشه دى اكيد لما يشوفك انتى وتيلا وهنا عنده هيتكلم والدكتور قال إن لو تيلا جت ليه هيفوق من الصدمه دى وهيستجيب للعلاج بترجاكى رجعو ليا اخويه انا مليش غيره والله اللى حصل معاكم ده غصب عنه
مى :- وقفت وقالت انا اسفه بس مش هقدر اساعدك فى الموضوع ده انا وبناتى اعتبرنا أن مازن مات وزى ما حضرتك شايفه انا متجوزه وعند بنت وولد من جوزه ده وحياة مازن انتهت بالنسبالى
حياة :- عارفه انك اتجوزتى بس دى حاله انسانيه
مى :- معلش انا اسفه مش هقدر واعتقد انك شوفتى حالة بنتى ايه لما بتيجى سيرته قدامها
حياة :- بصت لابنها بقلة حيله ووقفت وقالت انا برضه هستنا ردكم عليا بعد ما تخدو وقتكم فى التفكير
مى :- معتقدش أن هيبقى فى رد تانى ده ردنا الاخير
محمد ابن حياة :- انا يمكن ساكت من اول الحوار ومحبتش أتدخل فى الحوار بس هقول ليكم حاجه واحده رب العباد بيغفر للإنسان مهما اذنب واحنا البشر المخلوقين من طين بنستكبر على بعض مش هتخسرو حاجه لما تكونو سبب فى رجوع انسان للحياه من اول وجديد
يوسف :- اتغاظ من طريقة كلام محمد ووقف وقال انت بتتكلم كده ليه وهو مأخدش حياتنا مننا لما بعد تيلا عننا ليه دلوقتى عايزين تعملو منه ضحيه واحنا اللى ظالمين لاء كلامك ده مش هيغير ذره واحده من كرهنا ليه
محمد :- بعصبيه وانت مين علشان تتكلم معايه كده وتدخل فى اللى ملكش فيه
يوسف :- راح مسكه من هدومه وقال انا هعرفك انا مين ياروح امك انا ابقى ابن خالة تيلا وخطيبها وضربه فى وشه
محمد :- ضربه فى وشه وقال ده برضه مش معناه تدخل فى الكلام
باسم وعدى وفهد ادخلو ما بنهم وبعدوهم عن بعض
يوسف :- سبنى عليه يا عدى وحياة امك ما انا سيبك
محمد :- وهو باسم ماسكه وقال انا قدامك ورينى هتعمل ايه
يوسف :- سبنى يا عدى
عدى :- اهدا يا يوسف مش كده
فهد :- عيب عليكم انتو الاتنين مش عاملين حساب للكبار
محمد :- حضرتك انا ساكت من بدرى احترامآ ليكم بس هو اللى بدأ وأتكلم بأسلوب مش كويس
باسم :- حقك علينا يا ابنى اتفضل انت مع ولدتك
حياة :- يلا يا محمد كفاية فضايح
محمد :- بص ليوسف وقال حظك يبقى اسود لو شوفتك فى طريقى بالصدفه مش هرحمك ومشى مع امه
يوسف :- سبنى عليه ده بيهددنى وحياة امه ما انا سايبه
مى :- بعصبيه يوسف كفايه كده بقى انت اللى غلطان
يوسف :- انا يا خالتو
مى :- ايوه الناس كانت بتتكلم بذوق انت اللى اتكلمت معاه بأسلوب مش كويس
يوسف :- ايوه علشان كانو سبب فى دموع تيلا هما حرام عليهم يسبونا فرحانين شويه
مى :- خلاص يا يوسف الناس مشيت انسو اللى حصل وسابتهم وطلعت الاوضه عند تيلا وخبطت على الباب وقالت توته افتحى
تيلا :- بدموع معلش يا ماما سبينى لوحدى شويه
مى :- علشان خاطرى افتحى اطمن عليكى وهسيبك براحتك
تيلا :- راحت فتحت الباب ودخلت قعدت على السرير
مى :- قعدت جنبها وشدتها فى حضنها وقالت انسى اللى حصل يا حبيبتى كأن مفيش حاجه حصلت ميت ولا عايش مش هتفرق معانا
تيلا :- بدموع بعد كل اللى عامله جايه وبكل سهوله تقول سامحوه طيب ازاى ياماما ده انا عمرى كله راح فى حزن وكسرة قلب وعذاب بسببه مهما كان فيه ايه ده ميديهوش عذر على اللى عمله فينا انا هفضل العمر كله اكرهو ولو كان ينفع كنت موته بأيدى
مى :- عارفه يا حبيبتى وحاسه بأحساسك واكتر والله بس مش هنخليه ينكد علينا حياتنا تانى شيلى اللى حصل ده من دماغك وفكرى فينا وفى يوسف
تيلا:- مسحت دموعها وبصت فى عينيها وقالت عندك حق يا ماما كفايه دموع بقى بسببه احنا دلوقتى مع بعض
مى :- ربنا يفرح قلبك علطول يارب
وفى الوقت ده دخل يوسف وقال
يوسف :- عامله ايه يا توته
تيلا :- كويسه يا يوسف
يوسف :- متخفيش من حاجه طول ما انا جنبك مش هسمح لحد تانى يوجعك ولا يكون السبب فى دموعك
مى :- احم طيب هنزل انا تحت لخالتك مليكه وسابتهم ونزلت
يوسف :- قعد جنبها وبص فى عينيها وقال قلبى مش عايز اشوف دموعك ابدآ طول ما انا جنبك
تيلا :- ربنا يخليك ليا وميحرمنيش منك
يوسف :- طيب فين الضحكه الحلوه بتاعة توته
تيلا :- ههههه
يوسف :- لاء مش ديه
تيلا :- امال ازاى
يوسف :- مشى صوابعه على شفايفها وبص عليهم وقال الضحكه اللى بتبقى مرسومه هنا كأنها لوحه فنيه مرسومه على ايد فنان مبدع
تيلا :- نفسها سرع ودقات قلبها سرعة واتوترت وقالت ي ي يوسف
يوسف :- وهو بيقرب ليها روح يوسف
تيلا :- ب.ب بلاش
يوسف :- وهو بيقرب ليها اكتر قال بلاش ايه
تيلا :- ب.ب بلاش اللى هتعمله وفى الوقت ده شفايف يوسف وصلت لشفايفها وبسها
تيلا :- كانت اعصابها سابت واتوترت اكتر واكتر وكانت بتحاول تبعد يوسف عنها
وفى الوقت ده جت مى الصغيره
مى :- بتعملوا ايه
تيلا :- اتخضت وبعدت عن يوسف وبلعت ريقها بالعافيه
يوسف :- غمض عينه علشان يتحكم فى أعصابه وداس على سنانه وقال عايزه ايه يا مى
مى :- هههههههه انتو بتعملو ايه
يوسف :- وانتى مالك يا بارده يا حشريه اخلصى كنتى جايه ليه
مى :- هههههههه ماشى ماشى بس خلى بالكم لو عمو باسم قفشكم ولا خالتو مى هتبقى ليلتكم سوده
تيلا :- كانت مستخبيه وراه يوسف من الكسوف
يوسف :- شكرآ على النصيحه الغاليه امشى بقى
مى :- مشت خطواتين ورجعت تانى وقالت اه صح افتكرت كنت جايه اقولك أن خالتو مليكه وعمو فهد وجاكلين وعدى مشيو واحنا كمان لازم نمشى علشان الوقت اتأخر
يوسف :- خلاص يا اوزعه انزلى وانا جاى وراكى
مى :- حاضر ولما الاخت اللى وراك دى تظهر ابقى سلملى عليها بقى وسابتهم ونزلت
يوسف :- رجع بص على تيلا لاقها مستخبيه فيه ومغمضه عينيها وقال هههههههه خلاص مشت
تيلا :- فتحت عينيها وبصت على الأرض
يوسف :- رفع وشها ليه وقال توته مكسوفه ليه
تيلا :- ي.ي.يوسف م.م.متعملش كده تانى
يوسف :- وفيها ايه يا توته انتى خطيبتى وهتبقى مراتى
تيلا :- بس مش م.م.معناه انك ت.ت.تبوسنى ل.ل لو ماما ولا بابا شافنا كان هتحصل مشكله وبعدين فوق كل ده ح.ح.حرام لما تبقى جوزى ابقى اعمل اللى انت عايزه
يوسف:- مسك ايديها وقال حقك عليا يا ستى واهو بابا وماما راجعين مصر وهتقدم ليكى وهكتب الكتاب علطول
تيلا :- بصت على الارض بكسوف
يوسف :- شوفتى بقى انك انتى السبب فى اللى بعمله
تيلا :- ايه
يوسف :- ايوه لما تتكسفى وخدودك تحمر كده وتزيدى حلاوه بتغرينى وتخلينى اتجن اكتر ما انا مجنون بيكى هونها يارب
تيلا :- ههههههههه
يوسف :- لاء أنا أقوم امشى احسن علشان مش مسؤول على اللى هيحصل لو قعد اكتر من كده ووقف ومشى لحد الباب وبعدين قال توته
تيلا :- بصت ليه وقالت نعم
يوسف :- بعشقك وبعت ليها بوسه فى الهوا وسابها ونزل
تيلا :- لنفسها وانا بموت فيك يا احلى حاجه فى حياتى ونامت على السرير وغمضت عينيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت سمر
كانت سمر مسكه التليفون وعماله تتصل على فريد ودموعها على خدها وهو كان مش بيرد عليها وكانت كل مره تخلص فيها الرنه من غير رد كانت دموعها بتزيد اكتر وبعد وقت طويل جدآ من محاولات سمر بالاتصال بفريد رد عليها
سمر :- بلهفه ف.ف.فريد بالله عليك رد عليا متسبنيش كده
فريد :- ساكت ومش بيرد
سمر :- ط.ط.طيب رد عليا اشتمنى زعقلى اعمل اى حاجه بس بالله عليك متسبنيش كده
فريد :- عايزه ايه دلوقتى
سمر :- بدموع مش عايزاك تخاصمنى بالله عليك انا بحبك ومقدرش استغنا عنك
فريد :- بتحبينى بأمارة ايه عملتى ايه علشانى انتى كل اللى بتعمليه. بتعمليه علشان تخسرينى بيه اللى بيحب حد يخليه مبسوط مش يحس انها علاقه واتحسبت عليه على الفاضى
سمر :- بدموع يعنى انا علاقه محسوبه عليك على الفاضى
فريد :- سكت ومردش عليها
سمر :- رد عليا انا علاقه محسوبه عليك وخلاص
فريد :- ايه يثبت عكس كلامى حجاب ورفضى لبسه لبس مينفعش اللى هتبقى مراتى تلبسه ابدآ مش انا يا سمر اللى هيقبل على مراته تلبس لبس اللى رايح واللى جاى يبص عليها مش انا مراتى اللى هيتقال عليها الكاسيات العاريات انتى هتبقى مسؤوله منى ولو فيكى حاجه انا هتحاسب عليكى قبل منك
سمر :- انت عارف يا فريد انت بتتحكم فيا ليه علشان عارف ومتأكد أن بحبك ومهما عملت فيا مش هقدر ابعد عنك وده الصح للاسف حبى ليك مخلينى ضعيفه مع أن فى الأساس الحب بيقوى مش بيضعف يا فريد ودموعها نزلت منها وشهقتها زادت اكتر
فريد :- لاء يا سمر علشان انا بخاف عليكى من حساب ربنا وعايزك تبقى انتى احسن من الكل وعايزك تكونى من المحصنات وعايزك تكون قدوتك زوجات الرسول وتتحلى بصفاتهم الكريمه
سمر :- مفيش حد بيتغير بين يوم وليله يا فريد وزى ما انا محتاجه اتغير انت كمان لازم تتغير يا فريد
فريد :- انا
سمر :- ايوه يا فريد محتاج تخف عصبيتك شويه وتكون حنين عليا اكتر من كده ده انا سعات بحس أن راميه نفسى عليك مش بحس بحبك ليا خالص يا فريد اى واحده فى سنى عايزه تحس انها ملكة على قلب اللى بتحبه وبيحبها يحسسها انها مفيش غيرها فى قلبه لكن انت مفيش اى حاجه من دى انا حستها معاك وسكتت شويه وشهقتها زادت اكتر وكملت كلامها وقالت ورغم كل ده مش قادره اكرهك يا فريد حبك كل يوم بيزيد اكتر فى قلبى والعذاب بيزيد معاه انا تعبت يا فريد انا عايزه اعرف انا ايه بالنسبه ليك دلوقتى حالا
فريد :- نامى يا سمر نامى تصبحى على خير
سمر :- مش هنام يا فريد وعايزه رد حالا لسؤالى انا ايه بالنسبه ليك
فريد:- استهدى بالله يا سمر وروحى نامى
سمر :- بعصبيه فريد لو مردتش عليا حالا اعتبر أن علاقتنا انتهت من قبل ما تبدأ
فريد :- بعصبيه يعنى عايزه ايه دلوقتى يا سمر
سمر :- بعصبيه انا سألتك السؤال مليون مره انا ايه بالنسبه ليك
فريد :- وجوابى هو اللى هيريحك
سمر :- ليه كل ده يا فريد حررررررام انطق بقى
فريد :- ماشى يا سمر انتى كل حياتى انتى حب عمرى من زمان اوى وانتى اللى فى قلبى من واحنا اطفال وهفضل احبك لحد اخر نفس فيا وبعمل كل ده علشان تبقى الزوجه الصالحه ليا
سمر :- اخيررررررآ اشهد ان لا إله إلا الله واشهد أن محمدآ رسول الله ده انا كنت فقد الامل فى أن أسمع كلمه حلوه منك والله العظيم مش مصدقه نفسى
فريد :- ارتحتى دلوقتى
سمر :- اوى اوى يا فريد
فريد :- تصبحى على خير بقى
سمر :- لاء استنا هنا
فريد :- ايه تانى
سمر :- لسه زعلان منى
فريد :- ايوه
سمر :- نهار اسوح بعد اعترافك ده
فريد :- ايوه يا سمر مش معنى اعترفتلك بالكلام ده يبقى نسيت لبسك النهارده كان عامل ازاى
سمر :- طيب وحياتك عندى مش هلبس كده تانى وحاول معايه واحده واحده وانا والله هتغير علشانك بس انت برضه اتغير علشانى وخدنى واحده واحده بالحنيه هاجى معاك والله مش بالعصبيه لان بحبك ومش بحبك تزعل منى
فريد :- ماشى يا تعبانى ووجعه قلبى
سمر :- يعنى خلاص مش زعلان
فريد :- ههههههههه لاء
سمر :- لولولولولولوى مبروك عليا انا
فريد :- ههههههههههه انتى مجنونه على فكره مش طبيعيه
سمر :- هههههههههه حبك هو السبب جنينى يا ديدو
فريد :- احم تصبحى على خير
سمر :- هههههههه اتكسفت
فريد :- روحى نامى الله يحرقك ده الواحد بياخد من وراكى ذنوب قد كده والواحد مش ناقص
سمر :- قلبى يا ناس
فريد :- تصبحى على خير يا سمر وقفل السكه فى وشها
سمر :- هههههههههههههههه عسل ياربى يخربيت سنينك جنينى وحضنت التليفون ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مليكه الصغيره
كانت بتتكلم فى التليفون مع ايمن
ايمن :- تعرفى انك واحشتينى اوى اوى
مليكه :- احم م.م.ماكنت لسه معاك من شويه
ايمن :- انتى واحشتينى من ساعة ما نزلتى من العربيه ده انا مبسوط اوى النهارده اسعد يوم فى حياتى علشان قعد معاكى لوحدينا واتكلمنا مع بعض براحتنا
مليكه :- احم و.و.وانا كمان كنت مبسوطه اوى النهارده
ايمن :- بجد يا مليكه
مليكه :- احم ا.ا ايوه
ايمن :- يعنى انتى زى يا مليكه بتحبينى زى ما انا بحبك
مليكه :- اتكسفت وسكتت
ايمن :- الو مليكه انتى معايه
مليكه :- م.م.معاك
ايمن :- سمعتى طيب قولت ايه
مليكه :- ا.ا ايوه سمعت
ايمن :- وايه ردك
مليكه :- ا.ا.ايمن انا لازم اقفل علشان اخويه جه تحت
ايمن :- ماشى يا مليكه مش هضغط عليكى دلوقتى علشان عارف ومتأكد دلوقتى انك اتوترتى وحالتك بقت حاله
مليكه :- س.س.سلام وقفلت معاه وحطت التليفون جنبها وقعدت تهوى على وشها وتقول نهار اسوح هو الحب كده ده انا قلبى كان هيقف عليا وفى الوقت ده دخلت مى
مى :- زيدى يا زيدى وبدأنا نكلم نفسنا بركاتك يا عم ايمن
مليكه :- والنبى انتى فايقه ورايقه
مى :- ومكنش رايقه ليه عدى حبيب قلبى كان معايه انهارده وقعدنا كتير مع بعض و......و.......و وحطت ايديها على شفايفها وضحكت
مليكه :- وايه كملى
مى :- ها وبس
مليكه :- بس ماشى مع أن عينك بتقول غير كده
مى :- ها ق.ق.قصدك ايه
مليكه :- ولا حاجه
مى :- المهم انتى عملتى ايه مع ايمن
مليكه :- ولا حاجه قعدنا اتكلمنا شويه وفى الاخر قالى لما بابا يجى أبلغه وهيجى يتقدم ليا
مى :- بجد مبروك يا لوكه
مليكه :- الله يبارك فيكى يا مى عقبالك يارب انتى وعدى صح مقالش هيجى امته يتكلم عليكى
مى :- لاء مقالش
مليكه :- ربنا يسعدكم يارب
مى :- والبت سمر متعرفيش عملت ايه مع فريد
مليكه :- انا مشوفتهاش من ساعة ما جيت ليه حصل ايه
مى :- البيه فريد بيطلع عقده فيها
مليكه :- هو علطول كده ربنا يهديه ليها سمر بتحبه ومتقدرش تستغنا عنه
مى :- يارب وهى بتدوب قالت هدخل اغير واناااااام علشان يجى بكره بسرعه علشان اشوف دودى
مليكه :- مين يا ختى
مى :- هههههههه دودى عدى حبيب قلبى
مليكه :- الحمدالله كان عندك ذرة عقل عدى طيرها خالص
مى :- وهى داخله الحمام هههههههه ده عدى دمار شامل يا اما هيييييييح ودخلت الحمام
مليكه :- هههههههههههه مجنونه ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت جاكلين
كانت نايمه على السرير وبتتكلم مع معاذ
جاكلين :- احتمال ارجع تانى الشركه معاكم
معاذ :- بجد ده احلى خبر سمعته
جاكلين :- النهارده كنا كلنا متجمعين ويوسف قال قدام بابا على رجوعى للشركه وتيلا برضه وهو ضحك ودى حاجه مبشره بكره اخلى ماما تكلمه وربنا يهدى
معاذ :- ايوه بقى عايزك جنبى علطول
جاكلين :- اتكسفت وقالت وانا كمان فرحانه علشان هبقى جنبك طول النهار
معاذ :- عقبال ما تكونى جنبى طول الليل
جاكلين :- معاذ
معاذ :- قلب وروح معاذ
جاكلين :- احم ا ا انا هنام بقى
معاذ :- نفسى تنامى فى حضنى
جاكلين :- معاذ مالك النهارده
معاذ :- تعبت وبحلم باليوم اللى هتكونى فيه مراتى ونايمه فى حضنى
جاكلين :- احم محدش منعك
تيجى تتكلم عليا
معاذ :- مستنى رجوع استاذ اسر وان شاءالله هاجى اتقدم ليكى علطول علشان انا معنديش غير ستى فى البلد هى اللى ربتنى وهتيجى على الفرح علطول
جاكلين :- امال فين ابوك وامك
معاذ:- ها ا.ا امى وابويه ماتو
جاكلين :- العمر كله ليك تعيش وتفتكرهم انا اسفه أن فكرتك
معاذ :- لاء يا حبيبتى ولا يهمك يلا هسيبك تنامى تصبحى على خير
جاكلين :- وانت من أهله وقفلت معاه وحطت التليفون جنبها ومسكت كتاب روايات وقعدت تقراه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فهد ومليكه
كانت مليكه نايمه فى حضن فهد
مليكه :- ايه رأيك فى اللى حصل النهارده عند مى
فهد:- بصى انا كنت شاكك من الاول فى الموضوع ده لان لما شوفت مازن اول مره مكنش وحش كان شكله بنأدم كويس استغربت تغيره الصراحه بشكل ده
مليكه :- عندك حق انا برضه كنت مستغربه ازاى ده مازن الشهم اللى قابلته واخدنى المستشفى وقعد معايه لحد ما فوقت ودفع ليا مصاريف المستشفى واخدنى وصلنى كل ده من غير ما يعرفنى ازاى يبقى بالقذاره دى بس السؤال دلوقتى مى وتيلا هتسامحو ولا لاء
فهد :- ما هو برضه صعب عليهم انهم يسامحوه بسرعه كده اللى هما شافوه منه مكنش شويه ومهما عرفو عنه وايه ظروفه مش هيقدرو ينسوه بسهوله
مليكه :- ربنا يصلح ليهم الحال اتعذبو كتير فى حياتهم
فهد :- يارب المهم بقى مش تيجى
مليكه :- اجى فين ياراجل اتهد شويه انت مش بتتعب
فهد :- الله اكبر اتعب ايه حد يبقى معاه القمر ده ويتعب ده النظره من عينك ترد الروح وتخلى الواحد عنده طاقه تهد جبال
مليكه :- هههههههههه شقى
فهد :- اموت انا بقى وقرب منها و(تحيه كبيره للسناجل 😂😂)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى
كان لسه هينام تليفونه رن فكر أن مى مد أيده وفتح السكه من غير ما يبص للتليفون وقال
عدى :- ايه يا قلبى لحقت اوحشك
روان :- واحشتنى اوى اوى اوى يا عدى
عدى :- قام بسرعه وبص على التليفون وبعدين قال روان انتى متصله ليه وعايزه ايه
روان :- هتجن عليك يا عدى ايه مسألتش يعنى هنت عليك اوى كده مكنش حب سنين طوال يا قلبى
عدى :- روان ارجوكى ابعدى عنى كل شئ قسمه ونصيب واحنا نصبنا انتهى لحد كده وانا اكتشفت اللى كان بنا ده مكنش حب ده كان انبهار كل واحد بالتانى بس حب حب لاء مستحيل
روان :- بس انا لسه بحبك يا عدى تعال نشوف غلطنا فى ايه ونصلحو ونرجع لبعض من تانى
عدى :- معدش ينفع يا روان انا قلبى مع حد تانى
روان :- امممم مع بنت خالتك دى عيله بنسبالك يا عدى ده مش حب دى واحده ساذجه ومش عارفه بتعمل ايه وصعب عندكم هيوافقه على العلاقه دى وانت لاقيت واحده ساهله بتيجى بأقل مجهود منك فرحت بيها شويه بس فى الاخر هتكتشف أن ده مش حب
عدى :- وانتى عرفتى منين
روان :- شوفتكم مع بعض وانتو فى وضع يعنى
عدى :- روان ابعدى عن سكتنا وملكيش دعوه بيا ولا بيها رجوع لبعض مش هيحصل انا بحب مى ومى بتحبنى وهنتجوز قريب اوى
روان :- ههههههههههههه متحلمش كتير وفى الاخر هترجع ليا انا سلام يا بيبى وقفلت السكه معاه
عدى :- بس على التليفون وقال بنأدمه زباله معرفش مكنتش شايف كل ده ازاى وحط التليفون جنبه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
فى اوضت كريم
كان قاعد على تليفونه بيتابع شبكات التواصل الاجتماعى
ودخل فارس عليه من غير ما يخبط عليه الباب
كريم :- اتخض ووقع منه التليفون وقال ايه يا حاج دخلت المخبرين دى
فارس :- اتخضيت ليه ها كنت بتتفرج على ايه
كريم :- على سوسن شخلع
فارس :- مين
كريم :- سوسن شخلع
فارس :- مسك التليفون وبص عليه لاقه على ماتش كوره مد أيده وقال احم ظلمتك
كريم :- طول عمرك ظالم يا ابا
فارس :- ضربه على راسه وقال لم لسانك
كريم :- بس ايه جو المخبرين ده وتجسس وكده ده انا حسيت نفسى فى الموساد الإسرائيلي
فارس :- ايوه انت شاب وممكن دماغك تروح كده ولا كده ولا تتفرج على حاجه كده
كريم :- هز بؤقه يمين وشمال وقال بلا نيله انا لا أصلح للاستخدام القدمى يا حاج
فارس :- نهارك اسود تقصد ايه
كريم :- لا عندك انت دماغك راحت لفين لاء مش اللى فى دماغك انت هتسوء سمعتنا ولا ايه انا اقصد فى الحب وجو الحريم مليش فيه انا وجع القلب ده انا احب الهزار والهيافه لكن حب ونكد واصالح واولع فى امها ده مليش فيه احب الحريه يا حاج
فارس :- طمنتنى يخربيت سنينك وقعت قلبى فى رجليه
كريم :- لاء يا ابا ارفع قلبك مكانه وثبته بأى امير علشان ميقعش تانى
فارس :- هههههه خفه
كريم :- مش هجيبه من بره يعنى اكيد طالع لحد فيكم
فارس :- انت عارف عمرى ما ندمت على حاجه فى حياتى قد ما ندمت أن جبتك
كريم :- لاء انا كده هتغر والله مش عارف اقولك ايه الصراحه روح يا حاج ربنا يصلح حالك
فارس :- طبعآ بهزر ده انت واختك نور عينى اللى بشوف بيهم
كريم :- ليه الغلط طه ما انت كنت بتهزق وكنا ماشين زى السكينه فى الحلاوه لكن الكلام الحلو ده بيخلينى اتوغوش الصراحه
فارس :- اتوغوش
كريم :- ايون
فارس :- ربنا يصبرنى عليك المهم كنت عايز اقولك على حاجه
كريم :- ايوه كده ادخل فى الدغرى يا حاج انت كده ابويه قول اشجينى يا ابو كريم
فارس :- امك
كريم :- اشمعنا
فارس :- وانا داخل معاك افيه
كريم :- قول بس شكلنا داخلين على ايام فله
فارس :- ....................
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى #دودومحمد