اغاني للطفل قديمه جدا عراقيه

للولد

الماتكلك عيني تعمه من الثنتيني
ويموت رجل صباها ويعله عليه الديني
ويوكع عليه السور والحايط المفطور
وتعضه الحيه وجمالته الزنبور
٠٠٠٠٠٠٠٠٠٠
والماتكلك يكمر ريت عجينه لاختمر
وتعضه الحيه ومصرانه يصيبه الوتر
٠٠٠٠٠٠٠٠٠٠٠٠٠
فدوه رحت للبنين
من المدارس جايين
وكتابهم جوه الابط
يقرون طه ويس
٠٠٠٠٠٠٠٠٠
يويلاد دكفوله لمن اصف حجوله
والبسه هدوم الزري
وامشط الكعكوله
يويويلاظ دكفوله لمن امشط كذوله
والبسه هدوم العرس وازفله المدلوله
٠٠٠٠٠٠٠٠٠
عل بربانه عل بربانه
طوك مشنشل شغل عانه
يل تمشون ثلاثتكم
خناجركم بحزمكم
لاعابت بطن الجابتكم
جابت زلم وفرحانه
٠٠٠٠٠٠٠٠٠٠٠٠٠٠
منو كتله وطلع دمه
مايدرون محمد عمه
منو كتله ومن بجاه
نهد فزعه كلنه وياه
٠٠٠٠٠٠٠٠٠٠٠
لابو المال ولابو الدوله
ولابو فراش المابي بوله
٠٠٠٠٠٠٠٠٠
شيلو يل العرب شيلو
اجاكم اليلو
حمودي فص الالماز
واخيته حب اليلو
٠٠٠٠٠٠٠٠
تروحلك فديه
النعجه والطليه
والكاعده باب الحوش
فلانه المكديه
٠٠٠٠٠٠٠٠
الولد ياكرة عين
يكبر ويوفيلي الدين
ربي دنطيني منهم
عشره واكول قليلين
٠٠٠٠٠٠٠٠
شال بشليله رشاد والدنيه تمطر
رايح الجده نشاد والدنيه تمطر
٠٠٠٠٠٠٠٠
لبسته ثوب الاخضر
مطرز بسيره معطر
كعدته بعرش السلطان
وطبر السعد بي يفتر
٠٠٠٠٠٠٠
ريت بطن الجابتك
سرداب وسكملي ذهب
ريت ضهر الشايلك
حجي وزاير بحلب
٠٠٠٠٠٠٠٠
هذا حموتي اللوتي
يوميه يضرب اوتي
واكفلي بباب العلوه
ويكلي عيونج حلوه
ايا مضروب الجلوه
٠٠٠٠٠٠٠٠٠