مساء الفل
حين يزهر الحجر
الجزء التاسع
ذبني ع القنفة كعدت وكعد بصفي...
اريد اكوم ماخلاني..لزمني من ايديه..
وصار راسي ع ذراع القنفة..عطره بخشمي ووجهه قريب من وجهي..
المرة الفاتت قريب مني بس جنت نصف واعية..
بس هالمرة بكامل قواي العقلية..
واصلا المرأة بهيج ايام تصير حساسة وبسرعة تتأثر...
مغمضة عيوني وادفع بي..
وخر عني رجاءاً ..
مد ايده لزم شفتي..رجفت وجسمي فز..
همس بصوت رجولي يدووخ...
انت مو كلتي ممكن الحجر يزهر ويثمر ؟!
ساعديني وارويني من ذني..حجاها وهو يلمس شفايفي..
قويت نفسي وفتحت عيوني ..
ماريد اضعف ..
اود مافتحت صارت عيني بعينه احس قلبي رفرف...
حجيت وصوتي كوة يطلع..
وخر عني ارجوك ..انت كلت اني حجر ..
ماله داعي تلعب دور العاشق وياي وانت نيتك واضحة..
لزم خدودي بيديه..
حط عينه بعيوني وكال..
شنو نيتي احجي وبطلي ترجفين..
اذا هسه رجفتج هيج لعد من..قبل ليكمل دفعته من صدره ..وخرر تماديت هواااااي...
لزم ايدي ووخرها من صدره وباسها...
مهرتي يرادلها ترويض اشو صايرة شرسة...
اشو رفعي عينج خليني اشوف شلون مترديني..
حجيت واني امتمت ...مارفع ..عي ..ني..وع..يب عليك كاا في...
باوع لشفايفي ..ليش شفتج ترجف هيج راغبتني؟
خزرته وفتحت حلكي اريد احجي..
حط شفته ع شفتي واخذني بقبلة عمييييقة...
رجليه ارتخت واستسلمت ..
ماكدرت اقاوم ..
بس الاحساس ماريده يخلص ماريده يتركني ..
بكل جوارحي اريده وماريد افكر بشي..لحظتها عقلي استقال وخله قلبي هو اليحكم...
ايديه تمادت وفتحت العباية..
بقى يتلمس واستسلمت اكثر وتعذبت حيييل ..
بهالاثناء فجأة كام مني وراح للحمام..
اباوع لنفسي شلون منظر ..بس مثل المتخدرة..
مابيه اتحرك ولا بيه اعدل نفسي..
صافنة ماعرف ع شنو..؟
طلع من الحمام والخاولي بيده ينشف..
من شفته سديت العباية وكعدت عدل..
دنكت كلش استحيت ..
كعد يمي ورفع راسي بيده..
رفعي راسج ولا مرة شفتج منزلة راسج وماريده ينزل..
باوعي بعيوني خليني اشبع منها..
باوعت بعيونه هو ابتسم ..وباوع بعيوني ركز..
مهرتي غديت فدوة لهالعيون ..ا ح ب ج ...
حجاها متقطع وعيونه بعيوني..
نزلت دموعي ماعرف ليش...
عدل ت كعدتي وهو استغرب من تصرفي..
شبيج تبجين ؟؟مهرة احجي..يباوع بوجهي بترقب ونوع من الخوف..
مسح خدودي ولزمها ..
فهميني الصار بينا انجبرتي عليه؟
هزيت راسي لا..
عقد حواجبه اكثر ..لعد شنو؟؟
وخرت ايديه وكعدت عدل..
شجاع اهلي مينطون شيعة ..وبالذات يتحسسون من العمارة..
وفوك هذا انت ارمل واكبر مني..
يعني عاطف مستحييل يوافق...
حجيتها ووشهكت بالبجي وغطيت وجهي بايديه..
وخر ايدي ومسح دموعي..
حط راسي ع صدره..
لو يوكف بوجهي مو اخوج حتى شيخكم اوره ور(افر عقله 😕)
واخذج اخذج ..
ماريد هالحجاية والفكرة براسج...
وترجية وحطيها هنا انت حرم شجاع بالدنيا وبالاخرة..
من لزم بأذني كشيت..
يابه شلون مهرة عندك شجاع فلفل عجم ههه...
بقيت اضحك واشم بعطره ..
هو عباله جاي ابجي..
باوعلي كال ها..
جاي اشم عطرك جنني..
اي غير لخاطرج هالسفرة جبت خمس شيش..
ابو الشركة متعود اخذ منه بدبي يكلي ترى مراح تنقرض من السوك..
كتله لا متصيرلي سفرة قريبة بعد..
شوفي لخاطرج كذبت...
هههه شمدريك هيج مفضوحة اني؟
لا متمشي ع شجاع هالسالفة ..
حافظ تصرفاتج كلها..
وعندي سي في كامل عنج ..
امممم لعد ليش تبينلي انت تكرهني..
خاب دولي انت طرنة..مفضوح بالعشگ بس انت عمية شعليه انه..
وكل يوم انيمج ع غزل نزار قباني وانت مطنشة لحد مازمخت بيه اختج الشورّة...
شورة شنو!
يعني وكحة ههههه...
فديييت اشو طلعتلك مفردات جديدة..
جنت احاجيج رسمي وبحدود..
مثلا تردين اكلك ست فضة انت شورّة..ههههه...
عزا يعني انت قباني..صخام يعني سمعت خريطي وي زهرة كله...
اي لج بيوم السمعته بقيت للصبح منايم كلساع استرجع الكلام بذاكرتي وابتسم...
ترى ماقصد جنت اتشاقى..
لا واضح تتشاقين بابريكا..
بابريكا شنو!ليش هيج نظرتك...
ههههه لج صومالي اني موو..
اي صومالي قابل مجذبة ..
اممم لعد اشاورج الصومالي بشنو مشهور؟
عزا خليني اكوم....
كمت وكفت واعدل بنفسي..
خليني اروح هسه اكيد ينتبهون..
لتفكرين يعرفون بيه ادقق بالشغل..
قبلج حسن يكعد يبسط يمي ونشتغل يعني ميشك ولا لحظة...
وبالنسبة لوسام يعرف بيه اصلا رايدج علاقتي بي قوية..
ميخالف خلي اكوم..
ولو اريد اعرف شلون حبيتني وجنت مشبعني رزايل ابو حجارة..
تعالي كعدي واحجيلج...
لا لا شكراً..
ركضت للباب سويتله باي وطلعت..
بلا ماباوع لوسام رحت للغرفة..
افف حسن مموجود زين حتى ميعرف شوكت رجعت...
كعدت كملت شغلي وحتى الالم راح ماحسيت بشي..
بس هذا كله الصار ممصدكته...
احس ضرب من الخيال او حلم يقظة..
كل شوي ارجع احجي وي روحي بالصار..
معقولة الصار كله!!
قلبي يخفق من الفرحة وخايفة..
بس طمني كلامه وعرفته من سالفة الفصل هو مو هين...
خلصت شغلي..
طلعت سلمت ع ارفد..لكيت شجاع يمه...
سلمت عليه وكتله سلم ع رحاب..
باوعلي شجاع..
لعد واني مالي سلام!!
بهت وبقيت امتمت..ارفد كله ..يابه انت الروح والرية...
عزاا ارفد يعرف!!بقيت مصفنة بوجههم ..
كلي ارفد..
يابة لا تصفنين اعرف بي رايدج من قبل واليوم تصارحتو واعرف كلشي..
بس ماحرجكم بعدكم صغار وخليكم بونستكم..
حجاها وهو يثخن صوته..
باوعله شجاع بطرف عينه..
بزر بطنك يعلمك..كو...ترى اربيك من جديد...
خليتهم يضحكون وطلعت..
طلع وراي وطول الطريق بالسيارة...
معناها قبل اشوفه مو صدفة ..
ههه اصلا ممستوعبة الصار..وارفد يعرف !
معناها ماحاجي كدام رحوب اكيد..
وصلت واني مفرفشة ومرتاحة...
امي كالت خو ماعندج الم جان لارحتي...
كتلها لا هديت هذا العلاج الانطو الي بالمستشفى المرة الفاتت
كلش زين ..
ههه هو اني علاجي شجاعي فديت قلبه الاسمر...
زهرة بالحمام جانت ..
رحت للغرفة بدلت وتمددت وشوية وخابر شجاع ..
جاوبته بصوت خافت..
الو...
اخ يابه وليدك انتهى دسمع الالو بصوت الحلو...
مهرتي اشتاقيتلج...
شدعوة ماكنت قبل شوي وياك!
بربج هسه انت تشبعين مني؟؟
لا ماشبع ههه ..
هذا عود متحبيني مثل مااني احبج..
لعد لو تحبيني بكدي شلوووون!!!
هههه..ضحكت بهدوء..
انفتح الباب فزيت وفلت وجهي...
زهرة باوعتلي باستغراب...
كتله..
شجاع لازم اروح هسه ..
جان تصيح زهرة عزاااا ...
هو سمعها وطكها ضحكة..كتله يلا بااي...
مع السلامة مهرتي...
سديت الفون وزهرة خانكتني..
لج شنو هالخبر لج احجي شنو سمعت شجاااع...
كعدتها وحجيتلها الصار...
شجعتني وفرحانة تكلي هسه ارتاحيت جنت افكر لو تزوجت شيصير بيج بدوني..
همزين شجاع يعوض...
بقينا نسولف..
تغدينا وخلصنا لكيت رحاب مخابرتني...
خابرتها وحاطتني وناصبة عليه..
لج حقيرة يعني تدرين بي يحبني؟؟وتشوفيني هيج ومتكولين...
اي اتفقنا عليج اني ورفودي..
عشتووو رفودي...هو صومالي متلاحكي بالخلطات...
ههههههههه وشبي الصومالي تحلمين بي...
اي مثله مساع يكلي تعرفين الصومالي بشنو مشهور..
اكيد شي يخوف وشردت منه..
ههههههه شكد رعنة يااابة..
لج ماشي الماي من جواج ومتدرين..
شلوون..
عود تذكري سالفة الحمام عدل..
احجييي...
مااا غير وكت رجلي يريدني...
ردتها تحجي ماكو شردت بسيطة الزمج...
مر اليوم وخابرني بالليل...
مغطية راسي واحجي من جوا المخدة..
وهو يلوب يكلي شبي صوتج بيج شي!
اني اكله لا ماكو شبيك ..
وهو يكلي ترى تعبتيني مهرة عدلي صوتج..
اخر شي كال يمعودة وراي سفر باجر..شلون بية..
ويين مو مصار هواي من اجيت؟؟؟
اي غير شغلي هذا واني اروح باعتباري فارغ..
ارفد ماكدر اخلي خطية مرته يعوفها..
بس منا وهيج اشوفلي واحد يروح ماكدر افاركج ..
قبل جنتي قافلة علي واروح ع اعصابي..
مو هسه بعد...
كليلي شنو يعجبج اجيبلج ؟
يعجبني تجيبلي شجاعي بسرعة...
ااخ ياابة خففي بروح ابوج ترى سحلتيني ..رحمي شيباتي ع الاقل..
هههه شبييييك..
يقلد على كلامي..مااابييييه شييييي ..
يرحم اهلج رحمي بحالي...
خلاص حنام نعست كلش...
مااكو نوم باجر ماشوفج ولتروحين للدوام..
كولي لاهلج تعبانة واخدت اجازة...
اف ضوجةكلش صدك ماودي اروح..
اي لتروحين واني اكول لارفد...
بقينا نسولف وكل ما اكله شوكت حبيتني..يكلي من قبل..
بس ماكول شوكت ..
ردت اسال عن تفاصيل حياته بس بعدها اول مكالمة ماكدر...
بالكوة عتقني ورحت نمت ..
ماحسيت الا ساعة ب١١ ونص ..
امي لكيتها مسويتلي دارسين ..
كتلها زينة بس كعدت تعبانة ومابية اروح وهم شغل ماكو..
تريكت واكلت وساعدت امي سوت دولمة كتلها مشتهية...
خلصنا طبخ وكعدت اسوي زلاطة..
دخلت تماضر شايلة فؤاد..
كالت شنو شركتكم شكد تنطيج اجازة ..
كتلها مماخذه غير يومين وبالبنسبة للشهر الفات تخربطت كدامهم يعني ميحتاجون دليل..
وناس تقدر وتراعي نعم الله عليهم واصلا ينخصمن راتبي...
من عرفت ينخصمن راتب حسيتها ارتاحت وجه الكنغر...
للظهر اجت زهرة وتغدينا..
كالت حيرجعون يخطبون..
تفائلت كلت بلكي خير...
خابرني شجاع تطمنت عليه واصل..
للعصر اجو اهل حسين..
رياجيل ترسو البيت ..
وامه واخته صديقة زهرة واخته الثانية...
وحاجو عاطف السادة الجايبيهم وانطو محاضرة كاملة لا ساعة ولا ساعتين...
لاخر شي انحرج ولان كلوله الرسول (صلى الله عليه واله وسلم ) يكول..من ارتضيتم دينه وخلقه فزوجوه...
ووالولد دينه دين رسول الله واخلاقه انت تشهد وتكول زين والنعم بي...
هنا بعد مكدر يحجي رغم هو مموافق...
بس املهم ع نهاية السنة ..تتخرج ويصير خير..
ورا ماراحو كلها عاطف شيلي هالزواج من راسج..
اني انحرجت كدامهم..
بس من هسه اكلج..
اي واحد يجي انطيج اله ومن يجون ورا التخرج نكلهم بعد اجه نصيبها ومو صح نوكفها وهو الولد لا ابن عم ولا ابن خال حتى تعتبر محجوزة..
ونسد السالفة..
وحاجاها وكعد يكرر افكاره العقيمة..
رح يشدون وياج ورح ياذوج ومن هالامور الي مالها اساس فقط عقله هيج يأول الامور...
زهرة دخلت بطور كآبة..
رغم ماحجت لحسين عن خطة عاطف..
كتلها لا تقلقي ويسوي شي يندم عليه او يتصرف بعصبية..
انتظري لوقتها واحجي..
اقتنعت بس بقت تخلص يومها تصفن اكلها قل دراستها كوة تقرا...
اني اشجعها واعزي نفسي..
لان حواجه نفس مصيرها..
وحاليا تعتبر هي جوازي الامر بي واعدي هالعقبة اذا فقط هي تعدتها...
مرت اسبوعين ورجع شجاع...
جنت كاعدة بالمكتب بالعشرة وثلث ..
نشتغل كلمن ع حاسبته اني وحسن..
اندك الباب ودخل شجاع..
رفعت راسي وشفته احس قلبي طفر من صدري..
سلم علينا وجايب علبة ماكنتوش..
قدملنا..
باوع بعيوني وعض شفته بس جان حريص مينتبه حسن..
وراها راح..
وكعد يراسلني...
ويريد اجي للغرفة وابد مقبلت..
خفت لا يشكون...
وخصوصا حسن مرتين طلبت منه يروح يعني صرت اخاف واتحسس...
لنهاية الدوام وهو يلح وماقبلت...
اخر شي طلعو الموظفين ..اني طبعي ابقى اخر شي..
اجه للمكتب فززني..
فات وقفل الباب بسرررعة..
حظني حيل عصرني عصر..
ارتخيت بحظنه واني اتنفس عطره المخلوط بالجكاير..
كوة خلصت نفسي منه وابتعدت...
شجاع عفية لا يجي احد...
شبيج مهرة قابل ماخاف عليج اني ..
لا مو هيج بس اعرفك تتهور ههه..
خاب انجبي اتهور شايفتني اغو..
رجال بكد ابوج وتعلميني..
اي زين عرفت بنفسك اكسباير..
اويل حالي تردين تشوفين اكسابير لو لا؟؟
عطت لا لا لا اتشاااقى..
بس للتقرب اكثر عفية..
وهسه خليني اروح..
غافلته وفتح الباب ركض...
بقيت يم الاستعلامات وهو يراسل ويسب..
اخر شي دك حيدر وطلعت...
صرت اخلص يومي كله اتراسل وياه..
وبالليل يخابرني ويبقي الخط مفتوح للصبح..
بس ولا مرة رحت للمكتب مالته من وقت اعترافه الي..
شهرين مرت واني مااقبل ادخل..
اخر شي كال..
مهرة اني نطيتج وقت كافي تتعرفين بي علي واحنا حابين بعض ومتفاهمين..
خلي اجي اخطبج مو قلبي شيب من وراج..
رفضت وبشدة خصوصا بهذا الوقت جانت امتحانات زهرة...
كتله..
يخلص موضوع زهرة ويصير خير..
اخاف نعم عليها ونخسر وهي تخسر..
اصبرلي شوية...
واني مهرة شلون بيه ..عطشان عليج ترى..
تعالي للمكتب بس احظنج كلشي ماسوي...
شجاع ابد مااجي..
انت ضعيف واني اضعف منك ..
واحنا تلامسنا بالحرام مرتين..
ماريد هالشي يصير بينا ..
وانت رجال تعرف دينك وصايم ومصلي وحجي الاكتشفتها مؤخراً ههه...
اخ يابة منج..
ماسوي شي بس احظن...
هو الحظن مفتاح المصايب..
اعرف واصلا اني جنت فاقد اعصابي قبل وبستج وحظنتج بالحرام..
بس هسه لا ..
اذا متصيرين حلالي شفتي ماتطخ شفتج...
اوكي باجر اجي لعد...
يوم ثاني اخذت ملف ورحت..
بس دخلت قفل الباب وحظني حيل...
بقيت بحظنه يمكن ربع ساعه او اكثر...
مجرد واحد حاظن الثاني ونسولف..
تالي دارني وحظني من ظهري..
نحجي ونتعاتب بس لازمين نفسنا ثنينا كوة...
بنص السوالف بعدني عنه وراح للحمام...
انزعجت من تصرفه وفتحت الباب وطلعت...
ورا شوية راسلني..
ليش مبقيتي..؟
طولت ماريد احد يحس..بعدين مو كلت بس حظن؟
ليش اني سويتلج شي غيره؟؟؟
شجاع ترى اني مو غبية...
مهرة هالشي مو بيدي ترى ..
احبج ومحروم منج وماكدر ..هو هالشي متنفسي الوحيد لتيبسيها عاد كلش...
فكيت شوي وبقينا نسولف...
خلصت زهرة امتحانات..يوم ثاني العصر..
اجت مشية زلم شيوخ وسادة وشيخ عشيرة ..
اكتض البيت مالتنا..
عاطف خابر عمامي..واجو اولادهم هم..
وطبعا من ضمنهم براق...
عاطف توقع جية براق تقلب الاوراق ويعارض هالزواج..
لان باعتباره خطبها سابقاً وابن عمها..لو حجه بيها بالكعدة محد يرده...
من بدا الحديث عاطف كال الاصول والدين يكول الاقربون اولى بالمعروف...
واني كدامكم اسالهم اذا واحد من قرابتنا رادها اني تعذروني...
واذا محد اليوم هي الكم ...
الكل كلوله لا خل تروح وميسرة وموفقة...
عاطف سأل براق..ابن عمي ماعندك طلب نتوكل؟؟
عاطف كال..
موفقة سهلها ..
واني طالب منك مهرة...
للحكاية بقية
بقلم شقراء(قمر كانون)
عذروني حبايبي النت بي عطل وقبل شوية يلا اجه وهم ممنتظم احتمال ينقطع ..اسفة لان مجاوبتكم واسفة للتاخير..قراءة ممتعة