جبروت الشيخ وقلبي

البارت الثاني والعشرون

البارت الثاني والعشرون
مساؤؤ حبيباتي ..طبعا ما حاجه احجي عن عدم النشر البارحه لان سبق وعتذرت وكلت ماراح انشر والي مايدري مو ذنبي اني ..
بس اليوم راح اضوجكم بشغله ان ماراح اكدر انشر بشكل يوميا ..راح ابدي انزل بين يوم ويوم
وسبب عندي ظروف والله بنات بوكت ماعندي شي انشر عادي ..بس حاليا
عندي احد الاهل وضعه الصحي مو تمام واني اهتم بي وهل شي ماينطيني وكت كافي اكعد على الموبايل والنت لذلك اعتذر عن هل شي وفدوة لاتجي وحده تكتبلي تعليقات تهجميه لعبتي نفسنه ومدري شنو حياتي مااكتبه الج ..كاتبه للناس الي عدها ذوق والبنات الي كاعدين يتابعوا كلكم على راسي
واعتذر منكم مره ثانيه ماراح استمر على نفس منهجي مال نشر اليومي ..

المهم اعوفكم ويه البارت
متابعه طيبه حبايبي ❤ 🦋....
الكاتبه بنين الطائي .......
....................................

عفتهم وطلعت للبيت ..دخلت السيارة ودخلت ..لكيت الباب مال المطبخ مسدوده
فتحت بالمفتاح الوياي ..ودخلت جانت الساعه تقريبا
بالاخمسه ..
سمعت صوت التلفزيون بالصاله فتوجهت لهناك
جانن رقيه وغاليه ..مطفيات الضوه.وكاعدات يباوعن فلم رعب ..ولا يدرن باليجي وباليروح ..
عفتهن صافنت ومندمجات ..ورحت الغرفة امي
جانت كاعده بالكاع وحاطه غراض بصفها تصفت بيهن
اول ماشافتنه تفاجت
امي .. ياهلا بهل الوجهه ..شعجب جاي من وكت
شهاب دنكت بست راسها وكعدت يمها ..هلا بيج يالغاليه ..شنو اشتاقيتلكم مااشتقيتولي
امي .. والله ولو علينه يمه مانخليك تروح اصلا ..تبقى قريب منه وتحت عيني والله ابقى حاطه ايدي على كلبي من تروح لمن ترجع ..
شهاب .. هانت وداعتج ..خلي روح ابدل واسبح واجيج لان عركت ودمرت بهذني الملابس

سبحت وبدلت لبست تراك اسود ..ونزلت ..رحت للصاله كبل لكيت غاليه ورقيه بعدهم نفس كعدتهم ..
غاليه على تخم وكاعده حظن ومخليه مندر بحظنها ..ورقيه مقابيلها نفس الكاعده .. وياكلن شاميه ..وبالعالم ثاني ويكلك بسينماا
دخلت ..وفتحت الضوء
هن بسرعه التفتن علي ..عاد سلمت وحجيت .. بويه حتى الاضويه مطفياته ..
بس ردن السلام وحسيت غاليه مثل الخجلت مني
بس ماافتهمت ليش ..بالبدايه ..
حجيت .. رقيه كومي سويلي شي اكاله ..ماشبعت يم علي اكلهم جان مو هلكد ..
رقيه ..كوومي غاليه ..فدوة والله الفلم ينكص علي بعد مااشوفه وانتي ياكل من ايدج بدون مايعلق ..
خزرت رقيه على هل حجايه بس جانت تباوع جهه ثانيه على الفلم ..

حسيت بغاليه ماتريد تكوم ..واجيت ستوني اصيح برقيه
بس نهضت وحجت ..مااشي قايمه بدالج
كعدت اني وجنت اباوع عليها من كامت ..لبسه تراك ومخصر عليها ..لذلك خجلت من دخلت
بس حق الله ينكال تكول مفصل عليها .. طويله ونفس الوكت ناعمه مو خشنه ومخصره تكول عارضة ازياء والله لسه اتذكر ابو المحل من كلله انت قياس المنيكانه ..لعابه نقهرت بوقتها والا شويه ادفنه بمكانه .. بس لان تجرا وشال عينه على عرضي ..هو اني وبحياتي محاط عيني على وحده من عرضي ..دائما من احجي وياهن اول ابعد نظري عنهن ..
بس غاليه من صارت مرتي اعترف جنت اباوعلها بكل مره تصير كدامي ..

رجعت وراه تقريبا ربع ساعه .. بقيت صافن بيهاا
جانت لبسه دشداشه عريضه ..وحاطه شالها
اجتي وحطت الاكل كدامي وراحت كعدت بصف رقيه ..
وكته ضجت بشكل ..مادري ليش بس حسيت بنار تغلي بداخلي ..هاي ليش تتعامل وياي كاني غريب عنهاا
عفت الاكل وكمت وحجت بعصبيه
شهاب .. كومي رجعي ماريد سم ..
عفت ودخلت على امي جانت تصلي ..وتقرا قران
نمت بصفها وخليت راسي بحظنها

&&&&&&&&
رقيه .. شبي هذا ..مو كال جوعان
غاليه .. مادري شو فجاه تغير شكل شبي ..اكلج مرته اجتي ويه لو لا
رقيه .. شمدريني مو انتي صعدت معقولة مادورتي عليها
غاليه .. اي دورت ..بس ماكوا مااجت ..اكلج عود ليش
رقيه .. اكلج ..احد كلج جنت ويه وعرف ليش .. بعدين خانم كو على اساس ..اريد اطلق ما اريد بعد ..لو انتي كل شويه براي ..
غاليه .. لا لا خلص مجرد فضول خلي نكمل الفلم ..باووعي واسكتي
رقيه .. اني هم اكول احسن ..

&&&&&
امي .. اكول يمه ..مرتك اجتي وياك لو لا
شهاب .. لا يمه بقت عفته هناك ..اصلا مابقى شي للعيد خليها تخلص العيد يالله اجيبها
امي .. على راحتك يمه ..صدك جنت يم اخوك شلونهم
شهاب .. شنو يمه كل نهارها يمج هو ..جااا زنين ..صدك انه العصر عندي طلعه ..واحتمال اتاخر لا يظل بالج ..
امي .. مااشي حبيبي على راحتك

شهاب العصر طلعت لكيت الولد كلهم موجودين ..حجيت
لزم نبني هل سياج بهاي الايام .. واريد كلشي تحتاجوا تحظرون من وكت حتى نبدي نبني
مرتضى .. بس ماكلت شيخ ..منين نبدي لحتى وين
شهاب .. كل الكيعان الزراعيه تسيج اما الي مو زراعيه مو حاجه .. بس اهم شي نبدي بكيعان القريبه على القريه اني راح ابدي بيها .. ومرتضى انت وحسين ابلش بالجهه الثانيه
حسين .. تامر شيخ .. اني وصيت على كل المعدات ومواد البناء وانشاء الله باجر اذبهن ..
شهاب .. جااا خوش ..بقى العمال الي راح تشتغل ..شفتهم اياد
اياد .. اي شيخ ..وكلهم من ولد المنطقه مثل مااكلت
شهاب ..جااا خوش من باجر الصبح نبدي انشاء الله

وصدك بدينه نبني سياج على طول كيعانه وحلالنه ..وطبعا هواي كيعان  ..فشغل متعبه بس لزم نسوي بهل وكت قبل العيد ..
بلشت يوميا انزل ويه العمال ولد عمتي وعمي من الصبح لحد الليل ارجع ونزل جهاد وهم بدا يشتغل ويانه
وبقيت الاسبوع كله نشتغل بي ..بحيث التعب التعبنه يعادل مية مره تعب الدوام ..
بس كدرنه نخلص خلا ل اسبوع ..وفعلا اجه العيد بيوم عرفه واحنه نشتغل اخر يوم ..تالي كظوها هذا اليوم يحششوا ويضحكوا ..راح يستقبلوا العيد
بالسمنت والرمل والوسخ ..طبعا اشكالنه من شغل صارت تخزي ..واحد ناصب على ثاني ويضحكواا
بيومها رجعنه البيت علي جان اقرب شي النه مابينه نوصل لبيوتنه ..
جانت تقريبا الساعه 10 بليل من دخلنه
سبحنه وبدلنه كلنه .. وكبل نمنه نومت اهل الكهف ..

&&&&&&&
غاليه ..اول يوم العيد جان بالنسبه النه يوم الخطار ..فنكعد من الصبح تعديل وترتيب ..للبيت والنه
طبعا نكعد من الصبح من الله عكس باقي الايام نزلت  الدرج لكيت خالتي كاعد من الصبح ومسويه ريوق خطيه ومحضره السفره
غاليه دخلت عليها ورحت ابوسها وعايدها .. كل عام انتي بالف خير خاله انشاء الله طول العمر والصحه والحج يارب

خالتي .. وانتي بمليون خير حبيبتي يارب يوم اشوف تخرج ..وجهالج وافرح بيج
غاليه .. بوجودج حبيبتي ..ليش هيج كلفتي نفسج ليش ماخليتنه احنه نحضر السفرة
خالتي .. لا اني اي اتحرك واشتغل دام بي حيل ارتاح لو تحركت .. يا لله تعالوا تريكوا ..ورحوا اسبحوا وبدلوا عماتكم وبيت عمكم على جيه
غاليه .. اي خاله
خالتي .. يمه غالي خاف هذني المقموعات يجيبلج طاري  امل وزواج شهاب وهاي سوالف .. عوفج منهن ولا تنطينهن نشده ابد
غاليه .. بلا ماتكولين خاله اصلا مالي خلك افتح هاي الموضوع ويه احد
خالتي .. ادري بيج حبيبتي انتي دومج تاخذين حجي ماتنطين ..كون الله يريح كلبج ياغاليه
غاليه .. خاله وموضوع شهاب ..مااحجيتي بي بعد
خالتي .. بس يجي علي هم اوصي .. والله كريم
شويه ونزلت رقيه وعايدتني اني وخالتي ..شويه ودك موبايل خالتي ..
وجان علي اول شخص يعايدنه كلنه هو ونسوانه كلهن عايدنه .. شويه وسالته خالتي على شهاب
جان هذا الاسبوع كله ماشوف بي شهاب غير مرات قليله
جان يطلع الصبح ويجي بليل ونبات مايجي يبات يم علي مثل اليوم ..كله اجوني الولد كلهم باتوا هنا وطلعوا الصبح بس شهاب بقى لسه نايم
سدت منهم خالتي وهي تحجي .. سوده علي هل شهاب شكد يتعب ..يركص هيج وهيج كلها علي ..اوف يربي والله حرام هيج شيصير هل الولد لا يرتاح بدوامه ولا يجي للبيت يرتاح كلها تعب بتعب ..اويلي عليك يمه شصار بيك هل الاسبوع شفت الويل الخاطر تحمي حلال وكيعان غيرك ..
طبعا وكت كلش انقهرت علي صدك خطيه هواي يتعب
الله يساعده وييسر كل امور انشاء الله
بس كون مايبقى مشروع كلب هيج خلي اطلك منه وخلي يخلص مني هم اعتبر حمل علي ..ويحس بمسووليه اتجاهي ..هيج راح يرتاح اكثر على الاقل حياته تصفه
ويبقى هو وامل بعد هو حر بحياته ..

دك زيدون على خالتي ..وخالتي بس بجي ..على اشتاقيتلك وشوكت تجي ..
كالها بس اخلص درسه هل سنه ارجع
وسلم على رقيه وعلي وسد ..
بعدها .. اني ورقيه صعدنه سبحنه كل وحده بحمام ..وكعدنه نبدل ..اني حبيت البس شي حلو ومرتب فاخذت نفنوف حلو مخصر من هذني الفاتن اشترتهن الي
جانن اثنين واحد نيلي والثاني احمر
رقيه ركضت واخذت الاحمر من ايدي ..هذا يلوكلي اكثر
باوعتلها بقلة حيله ..واخذت الثاني لبسته
جان كلش حلو ونازك بحياتي مالبسه هيج شي
بي ورود ناعمه بالصدر لونها ابيض .. من جوا هم بي بس مطشرات .. حطيت كحله خفيف مو هواي بارز ومرطب
قررت اضفر شعري قصيبه من زمان ماامسويتها
كعدت ضفرتها وشمرتها ليوراه نزلت لحد خصري وجانت بيها ثقل لان شعري كلش ثخين
نزلت ..ورقيه وراي جانت هم طالع تجنن بس الفرق شعرها رفعته ليفوك
خالتي .. يمه ما شاء الله ربي يحميكم من الحسد .. والعين ..خلي بالجن من رجاء وبناته عيونهن فارغه على كلشي يباوعن ..
رقيه .. عوذ بلكي مايجن .. اكلج يمه فاتن شوكت تجي
خالتي .. باجر انشاء الله على نزلت رجلها ..

شويه واجه مهند .. وعايدنه خطيه انطه كل وحده خميس الف كال عديتكم ..
بعد اجه علي وحده ..هم عايدنه وشال خمسين كل وحده
طبعاا الفرحه جبيرة لان كل مره ناخذ 25 كل وحده هل مره زادت ..
اجه ويه علي شهاب ..جان شكله تعبان ما مبين علي العيد ..
بس بقى يباوع علي بنظرات ماعرف شوصفها بس اكلني من فوك ليجوا ..يمكن لان اول مره البس هيج كدامهم
بس والله عاندت بي وبقيت و عادي شنو يعني عباله من يخزرني اكوم ابدل لو شنو سويت نفسي مااشوفه
حتى من عايدني .. بس كلت وانت بخير وعفته ومشيت
من وراه خشمي حجيتها ..
هو شكله ضاج من تصرفي .. بس والله مليت كل عمري
عايش اراقب ردت فعله على شي الي اسوي اذا مايعجبه لو احس ان ماراح يعجب مااسوي
بس كافي من حقي اخذ حريتي ..واتصرف على راحتي

بيومها وراه الغدا .. جنه كاعدين بالغرفه ودخل علي علي
وحجه ..تعالي هنااا بويه غاليه
اجيت يمه وقف هو واقف بالباب جان
علي .. هسه خلص هذا هو قرارج الاخير هذا تريدين تطلقين من ابن عمج
بلعت ريكي ورديت بتوتر .. اي ..قراري الاخير
خالتي .. يمه هسه راح تكله ..مو اليوم عيد ومااريد ضيكت خلك ..
علي .. بالعكس هذا خوش وگت دام الكل مجموعه .. وتالي شنو من ضيجت خلك ..بوويه موهو كام يصيح بسبع مالتهم الي يجبرني عليها اطلگها ..وتراها من اليوم مسووليتكم انتم مو انه ... وانه اليوم اريد احط النقط على حروف ..واخصمها فدمره ..

طلع علي ..وحجه تعالي بويه لاتخافين ..امشي شبيج
اني كلما امشي خطوه احس كلبي يطب ويريد يقف من خوفي ..
جان هو كاعد على تخم وشكله متغير سبحان ومبدل لابس دشداشه سوده ..ومدنك يباوع بالموبايل
ومهند لابس تراك كاعد على كرسي التخم القريب من تلفزيون ..ويباوع على تلفزيون

كعد علي كبال شهاب مباشره ..وكلي كعدي هنا
كعدت وكعدت خالتي الي جانت تمشي ورانه بينه لان جانت مسافه جبيره بين كعدي وكعدت علي ..
شهاب رفع راسه يباوع علينه لان حس كعدتنه بيها انه
حجه علي .. بوويه شهاب ..اسمع اريد احجي وياك بسالفتك انت وبنت عمك ..
شهاب بستغراب ..خير انشاء الله
علي .. بوويه انتم متزوجين مو براضكم ..وادريكم انجبرتم من وراه سالفه تافهه وماتسوا يجوز البعض هيج يظن
لكن احنه ماقبلنه على بنتنه وابن حجايه موزينه
هل زوجانكم .. بس دامكم ماتردون هل زواج ..ومااتريدون تكملوا بي .. بعد يبوووي عليمن ..كلمن يشوف طريقه ..هذا انسب حل الكم انتم الاثنين

شهاب .. شكوا ..هو منو شكالكم حتى قررتوا انتم وحدكم ..
علي .. بوويه بنت عمك تريد تطلك منك ..وانت قبلها كلت اذا جبرتوني عليها اطلكها ..وانتم ماصار بينكم زواج فعلي ..كله على ورق وهل شي يسهل طلاگكم

شهاب جنت اسمع حجي علي وكوا لزم اعصابي ومتحمل بس شنو كاعد اغلي من جوا ..
شهاب .. وانه مااريد اطلك ..
علي .. جااا هي لعب جهال لو عناد .. بوويه ماتريدها اتركها بحال سبيلها بنت من حقها تزوج وتخلف مره ثانيه .. وانت هم شفت حياتك .. وغاليه امانه بركبتي لو كالت ما اريد استمر ويه من حقها ..

شهاب .. هي كالت ماريد استمر ويه ..واريد اطلك
علي .. بويه لعد اجذب عليك ..تعالي بوويه غاليه هناا يمي ..
غاليه جنت مدنكه وبس اسمع يحجوا .. خجلت ان انحط بهيج موقف وهم خايفه
بس من سمعت كال ماطلك والله كلبي نمعط حسيت بي جاي يعاند بس
بعدين علي صاحلي تقربت منه
كلي كعدي هناا بصفي ..وحجه شنو بويه هم تستحين مني ترى لحد السادس ابتدائي وانتي تكليلي بوويه
حسيت بامان يمه وكعدت واني مرتاحه
علي .. بوويه انتي تريدين تطلقين من شهاب لو لا احجي كل الي بنفسج ولاتستحين ولاتخافين هاي حياتج انتي وحدج محد يدخل بيهاا

غاليه بتوتر .. ااي ..اريد اطلك
ماحسيت غير على صوت شهاب صاحب بيه .. واني مااطلك ..واعلى مابخيلج اركبي ..
بقيت صافنه علي ..هذا عود ليش هيج يسوي
احس نار تطلع مني ..احتركت اعصابي احسه اناني كلشي ماايهتم بس بنفسه ..
بوعت على علي بترجي ان يخلصني منه ..
علي بسرعه حجه .. بوويه شنو هي شغلة عناد ..بنت ماتريد تبقى وياك خلص لاطولها وتعرضها ..طلكها وفضها ..
عاد شوية بردت من حجه من علي ورد مهند هم حجه
مهند .. انت من اول ايام زواجك كلت ماريدها واروح طلكها .. هل هسه البنيه جاي هي تطلب منك بلسانها خلص طلگها
شهاب .. مشكلتها ..اني ماطلك ولحد يدخل اني حر
غاليه صدك حرك دمي وحجيت بعصبيه
غاليه .. واني مااريدك ..ولا اريد ابقى وياك طلكني خلص كافي ..
مااحسيت غير ثور وهاج وعيونه طلعت علي
وكمز علي ولزمني من ايدي وهو يلوي بيها  يصيح ..بنت نعال شكلتي ..والله لكسر راسج ..طالعلج السان وتحجين هم ..
خالتي حاولت تلزمه وهي تحجي ..وتصرخ علي يهدني وهو ابد مايرضى يتركني
كمز علي يحاول يفكني مني ومهند يريد يبعد بي ويحجواا علي حتى يتركني
اني صرت بس دموعي تنزل وخفت منه ..وحاولت اختل وراه ظهر خالتي ..بس جان لزم ايدي ويلوي بيها
ويصيح ويلعل فضحني فضيح اني صرت مثل فارة لا اخذ ولاانطي ..
شهاب ..  لوتموتين ماطلكج ..والله سمعتي لو يمكن شفتي نفسج راح ترحين كلية كلتي فرصه ..اطلق بلكي الكي واحد ثاني ..مو هاي افكارج ..جااا شعندج تريدين تطلين اذا موبالج تزوجين مره ثانيه

بقيت فاتحه عيوني على كلامه هذا من كل عقله يحجي ..شلون هيج يفكر بيه
وجيت احجي بس خفت لايزيد ويكوم يشخبط اكثر ..وستحيت من علي ومهند بقيت بس ابجي
وعلي رزله على كلامه من شافني صرت ابجي
وسحبني وهو يرزل بي ..تركها شو ..يا لله ماتستحي تحجي هذا الحجي على هل جوهره هاي ..جااا هو اكوا مثل غاليه واخلاقها وادبها والله العالم كلها تحجي باادبها ومايوم طلعت منها حجايه موزينه ولا علت صوتها على احد ..بوويه انت طول اصلا هاي الدره مرتك

جان علي يحجي وهو ماخذني بحظنه واني مثل جاهل ابجي ومجلبه بثوبه ..بثنين اديني
شهاب .. والله خلي تعيد هل كلام مره ثانيه وتشوف وكتها شراح اسوي بيها ..
جان يحجي ويصيح ..مهند سحب كعد واني بس اسمع صوت ..غاطه بحظن علي ..
اجه مهند حط ايد على راسي وحجه ..لاتزعلين غلوي ولاتبجين ..والله محد يجبرج على شي
رفعت راسي مسحت دموعي
علي كمل بضحكه  .. لابويه منو هذا يكدر يجبرها على شي حتى املص اذانه .. يا لله شو امسحي دموعج

شهاب جنت اغلي بداخلي على كلامها ..ولاجنت متخيل راح تطلب طلاك مني يوم ..مو نوب واقفه كبالي وتحجي ماريدك اوف تمنيت الزمها والله اطلع كل تعب والغضب بيها
نوب تقهرني وتخليني افور من جلبت بحظن علي
هو ادري بي يعاملها تكول بنته ..وهي هم تحسبه اب
بس ليش احس دمي فار من شفت تبجي بحظن علي وهو يطبطب على ظهرهاا
نوب كام مهند ودوها اثنينهم ..ويسكتوا بيها
نوب شلابسه بنت نعال طالعه جنها لعابه من صدك
والقصيبه نصها طالعه من وراه شال ..من انعل ابو هيج شال نص شعرها طالع ..حركت دمي بالزايد
وكمزت اصيح .. تولين منا لو اكوم اكسرج لاتبقين كدامي ..
علي .. شجاك بويه ..على كيفك ويه البنت
مهند ..شنو شبيك تخبلت ..ترى هم حقها كل سوالفك وماحجت شي اول مره تحجي ..خليها على راحته
شهاب .. بوويه اني هم يوم تدخلت بينكم وبين نسوانكم ..وكلت شلون لزم تتصرفوا وياهن ..مااسويت خلص لاحد يدخل بيني وبين مرتي ..
علي .. روحي بويه جوا ..ولاتزعلين ولاتضوجين انه احلها
غاليه عفتهم ورحت ..خالتي ماحجت شي بس اخذت من يم علي ودخلتني جواا بغرفته
وحجت .. كافي يمه لاتبجين ..والله شلعتوا كلبي ..انتي من جهه وهو من جهه
غاليه .. خاله ..شريد مني .. ليش مايتركني بحالي والله مالي قابلية ..هو ليش هيج يسوي ..والله تعبت منه

خالتي .. والله يمه يريدج ..لو مايريدج جان كيف وطلكج شفتي شلون صار نار وتخبل من عرف تر د ين تطلكين ..لو مايريدج ليش هيج يقهر بنفسه ويحرك اعصابه ..
غاليه ..خاله هاي بس يعاند بيه لان طلبت الطلاك منه لو باقي علي من زمان يطلكني ويخلص
خالتي ..والله حجي هذا مو هل من حس صدك تسودن والله عقله طار ..شفتي شلون ملهوف عليج ..والله يمه لومايريدج جان ماكوا اسهل علي منها الرجال لويريد يخلص من مراه يطلع بيها كل عيوب الدنيا ويتركها بس لو رادها لو بيهه كل عيوب الدنيا مايعوفهاا ..

مااحجيت شي ..وجيت تقربت من خالتي وحطيت راسي بحظنها ..وكعدت تلعب بشعري
وهي تحجي ربي يهديكم ويدليكم لدربكم العدل ..
غفيت على رجل خالتي مااحسيت جنت تعبان نفسيا وجسدين ..

&&&&&&&
شهاب بعد محاظره طويلة ويه علي
مااحجيت شي بس سمعت اله وهو يحجي ..وكلتله يصير خير ..
عفته وكمت على امي فتحت الباب ..
لكيته نايمه ..وغاليه نايمه بصفها بس متعكرفه على نفسها ..
اخذت نفسي وصعدت فوك ..نمت شويه وكعدت لكيت البيت فارغ ..كلها ماشي علي ومهند طالعين
رقيه كاعده تباوع افلام بالصاله ..
دخلت على امي لكيت تخابر سدته واني كعدت بصفها
امي .. تدري اليوم خطوبة بنت عمك ..ومحد كاللنه ..لانوب كلها رايحه وعازمين كل وادم بس احنه ..شكد شفتي بحياتي مثل هل مله رجاء وبناتها ماشفت
شهاب .. جااا شتردين منها علواه تخلصني منهن وتزوجهن كلهن خلي تفك ياخ منه ..هي منهي منهن راح تعرس
امي .. لقاوي ام بلاوي ..ولك شريد منهن الله يسعدهن بس اني على نيتي سالت علي ليش ماجاب عياله كلي معزومين على خطوبة بنت عمي شعجب ماتدرون ..ورحت خابرت عمتك فاطمه وبقت تحجي عليهن من سمعت ماعزمينه ..كبور عبالها راح نحسد بناته لو لان ماخذتهن اني زعلت ..
شهاب .. والله يمه رحمتج من ماعزمتج شراح تلكين بس سوالفهن التافهه ..
جاي نحجي ودخلت غاليه ..
وحجت .. خاله ..تردين كيك وعصير
امي .. لا يمه مااكدر
غاليه .. عاد بس ضوكي ..طيب لو لالا
امي ..انطيني شويه
جابت ماعون وحطت بنصنه وراحت واخذت العصير وياها
صحت ..تعاي جيبي هذا
رجعت بس ماتباوع علي ..حطت يمي ورادت تمشي
بس امي حجت
امي .. سبحت يمه ... تعالي اسويلج شعرج
غاليه ..اي .. لالا اني اسوي عادي
اامي .. تعالي يمه ..امشي
اجتي كعدت يم امي من جهه السرير الثانيه ..وامي وخرت شالها وكعدت تمشط بشعرها ..
اني اكل واباوع عليها ..من فتحت شعرها وتطشر بكل مكان وغطاها ..وخدودها حمر من خجل
بقيت اباوع والله منظرها يخلي الواحد يفقد تركيزه ..امي مادري شتحجي وياي بالي مويمها ابد
جانت امي تظفر بشعرها من فوك ..ودك موبايلهاا
انطت الضفيره واكلتله هاج كملي هذا زيدون ..

&&&&&&

غاليه ..طبعا خجلت من خالتي فتحت شعري كدامه ..بس كعدت تضفر بي ..وتحجي ويه شهاب
ودك موبايلها ..
انطتني الضفيره اكملها
اني لكيتها فرصه .. وكمت بسرعه ..وصعدت اركض الغرفتي ..
واني احاول اكمل ضفر شعري ..وصلت للغرفه وردت افتحت الباب
بس ماحسيت غير احد حط ايده على حلكي وخصري ورفعني عن الكاع ..
حاولت افلت نفسي واضرب
بس ماكدرت اسوي شي ..جنت مربطه ومغلوب على امري ..
من خوفي وشدهتي صرت ماعرف وين ماخذني ..
ودخلت للغرفه واني ماجاي اركز وين اني بس احاول اعرف منوو
من باوعت لكيته شهاب جاي يقفل بالباب واجه يتقرب مني ..
اني رجعت بسرعه واول شي سويته عبرت السرير على جهه الثانيه ...
وباوعت علي بخوف وحجت ..شهااب ... شنوو شتريد
شهاب ... تردين تطلكين هااا
بلعت ريقي وحجيت ... اي ..اريد اطلك .. وانت ليش مهتم مو دائما تكول انجبرت عليج ..خلص خلص نفسك وخلصني وياك ..
مااحسيت غير كمز علي بسرعه مااتوقعت بس شهقت واني اباوع ..
وبلمح البصر صرت على سرير
هو فوكي ..بس مااطخ بيه  رافع نفسه عني ..
وحجه .. بهمس شنو عيدي شكلتي
بقيت بس اباوع علي بخوف ..وحس كلبي طلع من مكانه ..بالقوة اجر نفسي ..سكتت مااحجيت
شال ايده يريد يلزم شعري الي نزل على وجهي
دفعت ايده بخوف كرد فعل سريع ..
بس لزمني من فجي وهو يحجي يم اذني
شهاب .. شنوو لزم ماعجبج ..تردين تطلكين وتاخذين واحد ثاني
دفعت ايده واني دمي محترك
غاليه .. انت شبيك ..شنو واحد ثاني ..هيج شايفني كدامك
تقرب مني واني لفت وجهي عنه احس خدودي شتعلن نار
تقرب من اذني وكال ..انتي لو هيج اصلا ماابقيج على ذمتي يوم واحد ..
وخليها بالج ..طلاك ماكوا هل سالفه انسيها طول عمرج ..وتموتين وانتي مرتي لو اموت انه وذاك الوكت بس تخلصين مني ..
جان يحجي بحه غريب دغدغ الاحساس وخلت شعر جسمي كل واقف ..
خفت ابقى هيج واضيع نفسي ..خاصه قربه يخليني مو بوعي .. ويفقدني السيطره ..وريحة عطره تشل حركة جسمي ..وتخليني بالقوة اتحرك ..
حطيت ايدي على صدره احاول ابعده وكوم
غاليه .. وخر ..عني شهاب
شهاب .. لالا
صرت ابلع بريقي واني اصلا اباوع للجهه البعيده عنه
غاليه .. شتريد مني ..ابعد عني
شهاب حجه بهمس  ... اريدج
فتحت عيوني على وسعهاا ..واني احس  بي يوزع بوسات على طول ركبتي ..ونزل صدري
غاليه .. شهااااب ... ابعد عني شنو شبيك
شهاب .. لالا .. انتي مرتي وحقي ..
جان يحجي وهو يبوس بيه بكل مكان ..حاولت ادفعه بس لزم اديني ورفعهن فوك راسي بقوة ..
وصار يبوس براحته وبهدواء ..جنت حاول بس ابعد شفتي عنه كلما يتقرب على وجهي
وهو ماينطيني مجال حتى اتحرك ..اكل ركبتي بوساته ..وينزل على طول فتحت الثوب يبوس
اريد احاول احجي لو اطلع كلمه ماكوا
الساني معقود خاصه واني احس بي جسمه من الحرارة يطلع نار ..وبوساته حارة وكلها لهفه ..
فاقد كلش ولا كادر يتركني وحسيت خروجي من يمه
سالمه اليوم مستحيله ..
كلبي نمعط وصار يدك سريع ..
وصحت بي احاول اخلي يرجع الوعيه
غاليه ..ووخرر ...مني عاد ... شهااب ..والله اكلهم على جاي تسوي وياي ...ااابعددد
رفع راسه يباوعلي وحجه وهو موبوعيه ابد عيون حمر  .. هو شنوو ..مااتكليلهم ترى انتي مرتي وحقي اسوي الي اريده .. لو نسيتي مو انتي الي جنت متحضره الي بيومه سبعه ..هسه شصار وصرتي مااتردين
حاولت ارجعه الوعيه وتذكرت حجيه امل ذاك اليوم
وحجيت.. هسه انت عندك مرتك روحله ..مو تريدهاا وام ابنك .. وهي الي نصحتني ابعد عن حياتكم ...
وكتها شكله تغير وعقد حواجبه  وحجه .. شنوو ..شكالتلج
ترك اديني ..اني سحبت نفسي اعدل ملابسي
جان بعده كاعد على رجليني مقيدهن مااكدر اتحرك
بس لميت شعري ..لان نفتح كله وصار بكل مكان
اخذت نفسي ..واني اتمنى ان خلص راح يوخر عني شكله هدا شويه ..
بس جان مركز على كل حركة مني
وحجه بنبرة مخيفه .. شنو كالتلج امل ..احجي
غاليه ... مااا..مااكالت شي .
شهاب .. تحجين لو شلون
غاليه .. لالا ..خلص احجي ..بس كالت ان انتم تحبوا بعض ..وسبب نفصالكم ظروف وبس ..وهسه رجعتلك هي وابنك .. واني لزم اطلع من حياتكم
طبعا قرب مني واني رجعت راسي للجهه الثانيه
وحجه بااذني .. وانتي صدكتيهاا ..
سكتت لان جواب بكل الحالات مااراح يفيدني
دار وجهي ..علي ..واجيت ابعد ادي عني ..بس لكيت اخذ شفايفي بوسه عميقه ..
اكل شفايفي بيها ..مااعرفت شسوي وشتصرف
بقيت جامده ..بس خايفه منه بشكل
ماتركني الا لما قطع نفسي وحسيت شفتي تدمت
ورجع يتصرف بلهفه من جديد ويبوس بيه من كل مكان ..
فصحت من خوفي ...ترررركني ..ماااريدك هي قوه
وكتها عصب مني وصار اكثر يخوف ويتصرف بخبال
صاح بيه ..انجبي ..لج ..شتردين لعد ..غصب عنج سمعتي ..ماتردين موو  ...اني اعلمج
مااحسيت غير لزم ثوبي من يم الصدر وشكه اثنين ..
اني تخبلت ..وصرت ابجي وتوسل بي
بس هو هجم علي ..وصار يبوس علي بيه ..ويلزم بديني وطبقهن جواي
صرت ابجي بصوت ..واحجي ..لاااا فدوة ..لا لا شهاااب
وقف وهو شكله مايتفسر
مسح وجهه ..وصاح بيه ..لج انتي مرتي ..ليش محسستني جاي اغتصبج ... ليش مااتردين ..ليش مااتخليني اقترب منج ..
جان يحجي ويصيح بصوت عالي
ان بس لزم ثوبي الم بي وابجي ..
لزم وجهي بيده قوي ..وكلي ااحجي شبيج ..ليش ماتقبلين ..شنو بيج ليش تتخبلين من اجي يمج
جان يحجي وصاك سنونه
اني بس دموعي تنزل وتهضم وابجي ..تكول طفله
بس قوة قبظته على فكي ..وجاب راسي علي وصار يهز بيه ويحجي ..تحجين ..لو ادفنج هنااا
كتله بصوت يرجف .. اخااااف ...اااخاف منك
تركني ونهض كعد على حافه السرير ..واني تكرفصت على نفسي بس ابجي وتهضم ..
شهاب .. كوومي من يمي ..طلعي من هنااا ..لا ارتكب بيج جريمة ..
باوعتله شفت يفرك براسه بغضب ..مااصدكت كمزت واني لزمه ثوبي
وكبل ركضت فتحت الباب وركضت الغرفتي
دخلت الحمام ..وفتحت المي البارد علي ..واني ابجي وكعدت بالكاع طاويه رجليني وحطه راسي دافنته بنصهن  ...

&&&&&&&&&
شهاب .. وكت عرفت ان غاليه تريد تطلق مني ماادري ليش صرت اشتعل واغلي من داخلي
احس ان غاليه تخصني الي ..ومااريد اتركها
حساس بالانانيه اتجاه ..جنت احسها ماتتركني لو شيصير جانت تحير شلون ترضيني وتسوي كلشي اطلبه حتى قبل مااحجي تسوي ..
بس هسه صارت تبعد عني وتتصرف ببرود اتجاهي
من جانه كاعدين يمه امي وشفته شردت بسرعه
ركضت وراها .. ولزمتها قبل لاتوصل للغرفه
حطيت ايدي على حلكه لاتفضحنه بالصريخ
واخذتها للغرفه .. جنت مامن ان محد راح يجي امي بغرفتها ورقيه ملتهي بالتلفزيون
دخلت بيها للغرفه مالتي ..ومن سالته تريد تطلك
توقعت تخاف وتتراجع ..
بس لا بقت مصره على موقفهاا ..
وكتها تهورت عليها وتسودنت .. بس فقدت السيطرة تمام على نفسي مااجنت بوعيه ..
اول مره اكون ويه بنيه واني عندي رغبه بيهاا
مااحس بحياتي كلها برغبه ناحية كل مره غير غاليه ..
فجنت كلش فاقد ..
احس كلشي بيها يختلف وبي طعم
حتى ريحته ادمان ..وتفقدني السيطرة
بس اتسودنت عليها من حسيتها مااتريدني ..لو مااجاي تقبل اتقرب منهااا ..
شي يشتعل بداخلي منهااا ..
وبقت بالي سالفتها من كالت على امل تكله ان تبعد عن حياتنه ..واعرف امل كل زين اكيد خرطت وياها هل حجي التافهه مالها ..
بس مو سبب حتى ترفضني ..ابقى زوجها ..وابن عمها واكثر وحده تعرفني ..مستحيل اتقبل وحده خاصه امل ..وكل تصرفتي وحجي وياها يثبت هل شي لو اريدها يعني شنو اليمنعني خاصه هي الي اجتي وشمرت نفسها علي
بس انه بحياتي ماركضت وراه وحده ولا عندي رغبه ولهف ويه مره ..غيرها
وفعلا هاجت كل اعصابي بسبب استمرار رفضهاا الي
وكلت اكيد عدهااا سبب قووي
ماكواا هيج ..ادري بيها جانت مستعده تزوجني اكثر مني .. واصلا بيوم السبعه جانت موفقه تصير مرتي فعلي .. هل شي خلاني اتخبل ..ليش هسه مو راضيه
اتقرب منهااا ...
من حاولت افهم ..صراحه انصدمت بردهااا
تخاف مني ..واباوعلها تبجي ومتعكرف على نفسها
والله كرهت نفسي وكتها لان حاولت اتقرب منهااا
هاي طفله وكلشي ماتفتهم ..واني مااعندي ليونه بالتعامل ماعرف اتعامل بطريقه ثانيه غير هيج
استغفر الله ..كمت من مكاني ..دخلت سبحت وبدلت ونزلت يم امي ..
جانت جاي تصلي ..
طلعت كعدت على تلفزيون ..مشوار وجابوا العشاء
امي .. لعد غاليه وين
رقيه .. كالت ماتشتهي
امي .. عود طلعيلها خاف تجوع بليل
رقيه .. اي طلعت
ثاني يوم الصبح هم كعدنه نتريق وماشفت غاليه ..وجان عندي شغل ..طلعت بعد الريوك مباشر

&&&&&&&

رقيه .. غاليه ..انتي وين بالحمام ..راح البس نفنوفج مال البارحه خوماا وسخ ..
غاليه طلعت اركض .. لا لحظه ..
اخذته من ايدها وظميت وراه ظهري ..وحجيت لا وسخ خلي ..اريد اغسله
بقت اتباوع علي
رقيه .. وشهقت ..ولج شبيها شفتج
غاليه ..ولا شي ..عاااا..دي ...تعورت ..شبيج
سحبت الثوب من ايدي وفتحت ..ياااااا ..هاي شصاير بي من هيج شاكه ..
غاليه بتوتر ...ماااا بي ...بس جلب بالباب وانشك ..
عفتها وتجهت للسرير ..اريد اتهرب منها ..احس بتوتر وارتباك ..
اجتي تركض ولزمتني من ايدي ..هاي الاثر بيج ..وشك ثوبج ..مال واحد متحرش بيج ..كليلي شهاب ...لوووو؟

غاليه التفت عليها ...شنوو من لو ..تخبلتي انتي
رقيه ..يعني شهاب
سكتت ودنكت ..مااكدر انكر ..ولااحجي ..
رقيه تركتني وجتي كعدت يمي .. انتم الاثنين ...يعني شهاااب اخذج
غاليه بسرعه ..لا لا ..مااصار شي
رقيه .. وليش لا
غاليه .. شنو ليش ..انتي هيج تكولين ..مودام تكليلي ابتعدي عنه ..ولا تظلين تركضين وراه ..وانتي شجعتيني انفصل عنه ..
رقيه .. هو انتي غبيه ..لو ثولة ..يعني من مامعترف بيج ولامعتبرج تركضين وراه مثل الهبلة ..
ولمن يكول اريدج ومايقبل يطلكج ويحاول يتقرب منج ترفضي ..انت ثولة ..انتي جاي تقدمي للثانيه على. طبق من ذهب يالثولة ..

غاليه .. شقصدج ..والله خفت منه ..مااكدرت شبيج
رقيه ..انتي غبيه ..لو طفله شنو خفتي منه ..ترى رجلج هذا ..واذا مااخذ منج الي يريده يروح يدوره يم غيرج ..وانتي شلون عندج وحده 24 ساعه مزوكه ومدلعه وتكله تعال ..اريدك ..يعني يالغبرة جاي انتي تخلي يروح عليها ..
غاليه ..هااا ..صدك تحجين ..
رقيه .. اي ابقي انت هيج فاهيه ..وعوفي نسوانه ياخذنه ..ولج غير اطب بعينهن واخذ منهن عود تحبي انت من صدك ..
غاليه اخذت نفس .. والله احبه ..وانتي اكثر الناس تدرين  .. بس ماعرف شسوي ..والله ماعرف شصرف صدك اصير ثولة نوبات ماعرف وين اروح وين اجي ..
رقيه .. خلص دامج تعرفين نفسج
تركتني وراحت دور ملابس
ركضت عليها ..ولزمت اديهاا
غاليه .. وهسه شنو ..شسوي خاف صدك يروح عليها ..غير اموت من قهري ..
رقيه ..لعد اني شبيدي عليج ..بس تدرين مبين عليه مشتعل نار ..
غاليه .. شنوو ..غير تساعديني كليلي شسوي ..مااريد اخسره ..والله احبه
رقيه .. هو اني ضعيفه كلش كدام قصص الحب ..ماشي راح اساعدج
غاليه كرصت خدوده ..فديت اني اليساعدني ...بس ماكلتلي شلون عرفتي بي مشتعل نار
رقيه ..ترى عادي كل الي يشوف منظر شفتج يعرف جنتي داخله حرب ناريه ..
ضربته بالمخده وهي كامت تضحك وتركض واني احجي ..حقيرة ..قليلة الادب ..اصلا شلون عرفتي لوماانتي قليلة اداب ..
رقيه .. هسه اذا انتي مفضوحه اني شعليه
غاليه ..انجبي ..كلبه ..قليلة الادب

شويه وسمعنه صوت بنات عمتي فاطمه ..نزلنه نركض اكثر شي نحب جيتهم لان كلهم بنات وبكصتنه
جانن اربعه ..ورد وغصون واحلام وايات ..كلش صديقات احنه ..ورد مخطوبه لابن عمها وهي كلش محبوبه وهادئه واني وياها كلش متوالمين
غصون هاي السان وكحه وهي بعمرنه ضبط يعني السنه كلية وهي ورقيه كلش متوالمت
واحلام وايات اصغر شويه وحده تدرس سادس والثانيه خامس وهم حبابات وهاديات
نزلن ناس عايدت ناس ..ولكينه عمتي فاطمه وعمو احمد عايدناهم وعفناهم يحجوا هم وخالتي ..وصعدنه فوك
كل احنه ..
وطبعا كلهن سالني شبيها شفتج ..رقيه جانت تتبسم واني خجلت وكتلهن وكعت على وجهي ..

بعدها اجه مهند وشهاب ..جان شهاب محلق ومعدل ولابس مال شيوخ ..وريحة مالته تهب قبله تفح رجولة
غير حسيت بغصه بكلبي ..يبوو شدعوه هيج حلوو وشخصيه ..وهيبه
نوب بنات عمتي كلهن ظلن وراه السلام يحجن ويه ..وهو مكيف يحجي ويضحك ..
واني احس شعري دخن من العطابه مال غيره ..
والاكثر غثني ان يتعامل وياي برود كلش ..ولا كاني موجودة ..
ونوب بنت عمتي ورد تحجي باذني ..الله يساعدج ..اكيد متبهذله من وراه ..اني حطاتلي واحد اجلح وملح ومتخبله ..انتي شلون متحمله ويه هذا الصاك ..نوب يمج هاي البغداديه ..جااا اكيد جاي تموتين كل ساعه ..
غاليه ..هو من ناحية اموت كل ساعه فعادي صارت

صارت بيه جلط من وراه منطلق كلش وياهن اول مره اشوف هيج ..بالعاده يسلم ويمشي
عفت ودخلت المطبخ احضر كيك وعصير ..
اجتي ورد وغصون وقفن يمي يحضرن وياي
غصون اخذت كلاس عصير تشرب وهي تحجي
غصون ..اكلج هذا شكد طيب الكيك مشتري لو مسوي بالبيت ..
غاليه ..لا اني سويته
غصون .. خرب عاشت ايدج ولج لذيذ ..ماشاء الله انتي مثل البصل على الكلشي ترهمين
ورد ..امثالج مثلج ..كلها طلع ريحه ..بس صدك عاشت ايدج غاليه ..والله بكلشي نادرة ..
غاليه ..اي سبع صنايع والبخت ضايع
ورد .. هههههه خرب يومج ..جااا عادي الزلم كلهم عيونهم فارغه مابالج بواحد شيخ وصاك طبعا يتكورن علي تكور
جانت غصون تحجي وترجع ليوراه وهي حط كلاص العصير بيده ...هاي تالي الياخذ من هاي المله ..كلهم يجبوا الـ.........
قبل مااتكمل سمعنه صوت واحد صاح
مهند .. شنو هاي ... شسويتي بيه ..ياااثولة
باعت لكيت مهند سبحان بالعصير ..وهو لابس قميص ابيض يعني بهذله
غصون ارتبكت وصارت تحاول تمسحه بوصلة المطبخ ..وهي تحجي اسفه ..اسفه ..والله ماااشفتك
نوب هو ضاج بالزايد ..وكعد يصيح عليها من شاف وصلة المطبخ بيدهااا
مهند ..بوويه  انتي شبيج ..ثولة ..جاي تسوين
غصون .. شنو ..شبيك ثبرت الامه هو عصير ..قابل تيزاب وكع عليك
مهند .. لا وتردين بعد ..عمياء والسانج مال دلاله
غصون .. ترى مكفرنه ..كل شويه وغلطت ماتحترم نفسك ..
مهند .. شنوو ولج
بصراحه جنت ابتسم على شكلهم يضحكون وهم يتناكرون ..اول مره اشوف مهند هيج عصبي اصلا هو طبعه هادي ..بس كلهم عدهم هاي الطفره مال الخبال ..
ورده خلت غصون وراه ضهرها وحجت .. اعتذر منك كلش ..مااجان قصدهاا ..بس هي السانه مااتلزمه
مهند هدا شويه .. لا عادي ما صار شي .. بس يرادلها واحد يكص السانه حتى تبطل تلاسن
غصون .. لا والله ..خوفتني
سحبت من ايدها واني اغمزلها تسكت ..ادري بيهم طك ونص كلهم يعني اذا وحده تلاسنهم تقرا على روحها السلام ..
مهند .. شنوو شكلتي
والله شكله صاير يخوف ..من يعصبون مايشوفوا كدامهم كلهم ..
على صوت اجوا كلهم ..
وعمتي فاطمه من شافت الوضع بسرعه حجت .. شسويتي سليمه ..من شكلج هذا دكيتي دكه ... يمه هنودي شسوتلك هل المصيبه هاي ..
مهند .. لا عمه مااكوا شي
غصون ... جاااا انتي حتى بلا ماتفهمين شي ..بليتيني
مهند ..غير تدري بيج السانج اطول منج ..
متت ضحك عليهم ..وخاصه غصون صارت تعيب علي من وراي بدون ماايشوفونها ..وهو شكله ابتسم على سوايتهاا ..
دريت وجهي للجهه ثانيه ..لكيت شهاب ..يباوع علي ويخزرني .. غير ماعت روحي على نظرة تكول نظرات نسر تحرك والله بالمكان ..
بعدت عيني عنه ..واني احاول اضبط اعصابي ..
خالتي وعمتي واقفت يحجن ويضحكن ..واخذت للغرفة خالتي ..
ورقيه وغصون صعدن فوك ..ورده وباقي البنات لكنهم
مهند صعد يبدل ملابسه ..
وعمو احمد استاذن وراح عند شغله ..
جان بس هو واقف ومرتجي على باب وباقي يباوع بتجاهي
اني بسرعه من شفت الوادم  فجاه كلها تطشرت
التفت على صينيتي اعدل بيهاا
ولزمه شفتي اعض بيها ..تذكرت كلامه وفلتتها ..يبوو حتى هاي العادة بطلت من وراه ..
ماحسيت غير صار وراي ..طبعاا ماالتفت بس احس بحرورة جسمه تظرب علي ..ونفاسه اسمعها بااذني
انقبض قلبي لدقيقه ..وصرت اتحرك سريع اصب بالعصير حتى كام يكب بكل مكان ..رايد اتحرك اطلع ..
بس للاسف تقرب مني قبل ما خلص ..
وماحسيت غير ........
يتبع .....
🦋🦋................................🦋🦋