صباح الخير ...والسرور . على عيونكم اعرف ..تاخرت عليكم . واشكركم لان تحملتوني ودعيتولي .. واريد بعد تتحملوني .. على كد محبتكم ..
#اراك_بقلبي#البارت السابع
..ازاد .. منو ابتهال
.ابتهال ..اي .. همزين عرفتني عيني
ازاد .. اسف والله غير محلوة ومعرفتج .
ابتهال .. شكرا . انت صاير واو .تجنن شنو هاي شسويت
ازاد ... عمليه . تكميم
ابتهال ..زين تسوي جان السمن ظالمك . صاير تجنن عيني بارده
مياسه واكفه ارتقب ..جلسة .التعريف والترحيب شوكت تخلص
ابتهال . تزوجت .
ازاد ..اي .اعرفج .مياسه زوجتي
مياسه ..اهلا وسهلا
ابتهال ....اتشرفنه . ازاد انسان راقي اهنيج عليه
مياسه .. فعلا محضوضه اني بي
ابتهال ..احجيلي .تزوجت عن حب شخبارك
ازاد ... ههه اي حب من اول ضربه
ابتهال ....هاي شنو اكو تشويق . عفيه انطيني رقمك نتواصل . سجلت رقمه اتصلت بيه اني متت هسه من دون المحلات اله هذا فتت بي . كمت افف حس .اترخص وطلعنه يضحك
مياسه ..شدعوك .. راح ينشك حلكك
ازاد ....ههه هاي جانت زميلتي . وجنه شله وحده مقربين حيل
مياسه ..الله يثخن لبنكم .
ازاد ...شفت عيونها نار . وخدودهة حمر .معقوله تغار هههه
بلسياره اخذلجن عشه سفري لو تتعشن بلمطعم
هيام ....بلمطعم حباب
مياسه ...يمعوده لاتطلعلي وحده بلمطعم هم تعرفه .
ازاد ....ههه انتي ليش مضغوطه
مياسه .. عشتو ..ليش انضغط . نزلنه بلمطعم تعشينه . هو مياكل سوده عليه اموت قهر .من مياكل .
مياسه ..شويه اكل عيني .
ازاد ... بلبيت .اكلو انتو .
....اني من الضوجه احس كله من وراي
ازاد ..ليش متاكلين
ميس ..بعبره كوه لازمه نفسي كتله ماريد
ازاد .. اخذ الجن سفري انتي وامي يله نروح
الطريق ..اباوع من الجام مالت السياره وابجي .
ازاد ..الطريق كله تبجي . ماعرف شبيهة . محجيت وياهة .يجوز لان فتحت موضوع علاقتنه قبل .
نزلنه للبيت .
ام ازاد ...جيتو . الله يساعدكم
ازاد ...الله يساعدج يمه هذا عشاج انت والكبد مالتج
... هههه الله يرزقك وتجيب . وانتو تعشيتو
هيام ...بس اني .محد قبل ياكل .
مياسه ..ترخصت غسلت لبست ملابس بيت سويتله شوربه خفيفه .بمي لحم . وخضروات اريد شويه يعوض لان يدوخ هواي . صافنه وفززني
ازاد ..شتسوين ..
مياسه .. خرعتني . اوي ازاد
ازاد ...كثرانه صفناتج شبيج
....لا منتظره الشوربه مالتك .تصير .
ازاد ...جوعان .والله . بسرعه
مياسه ...من عيوني استوت صبيتله هو وعمو
....عاشت ايد بابا .
ازاد ..طيبه بس ماكدر اكثرر فد ساعه وارجع اكل .هههه ضميهة اليه
مياسه .. خليت .بحافظه وصعدتهة وياي .اني عندي مطبخ بجناحي بس ممستخدمته
انتظرته . كال احجي وياج . تاخر . رحت للفون يتراسل هو وابتهال . يذكرون قبل
دزلي رساله ..على تلفوني كاعده .جوعان
..جاوبته اي تريد شوربه
....ياريت بقه منهة
مياسه ...اي ظميتلك ثواني واجيبهة
ازاد... ميس اريد خبز وياها
مياسه صار . عندي توست حمصته وخليتله ويا الشوربه رحتله .
((((غدير وسام ))))
ازاد ..شبسرعه
مياسه ..ههه مو هنا مخليته منزلت جوه
ازاد ..عاشت ايدج .اممم جوعان .
مياسه اكل عوافي باوعتله فرحانه ياكل بس سوده عليه ورا ربع ساعه شلته من يمه سمعته يتقيا . رحت ركض .عليه
ازاد ...يمكن ثكلت . اوف طلعت روحي
مياسه .اسم الله عليك . غسلتله ورجع شكد تبقه هيج مكالك
ازاد . باجر اروح للعياده مالته .
لزمته جنك مصخن .
....لا اني من اتقيا تكرمين ترتفع حراره جسمي كعدت يمه .
راح ابقه يمك .
ازاد .... كيفج ضليت العب بشعره نام . حبيبي سوده عليه شسويت بيك جنت مثل الورده حتة اكل مو هواي جان .
ازاد ... تعاي نامي
مياسه ... فرحت انام يمه . نام .تقربت منه نطاني ضهره عادي اقبل . بس اشم عطرك كافي من ثكل نفسه خليت ايدي على بطنه وراسي على ضهره وحضنته نمت .
ازاد ...كاعد وحضنتني ضحكت مخبله ماعدهة كلب يمكن انقهرت عليه لان تخربطت . كلساع تكوم تلزم راسي وتغطيني وتراقب بيه تذكرت اول زواجنه شكد جنت اراقبهة وهي نايمه . سبحان الله تغير الوضع اووف ميس ليش هيج لو حابتني . لعبت نفسي مره ثانيه كمت . بس ماكو شي بس افرازات معدتي كلش تاذيت .
ميس ..شجاك اليوم لو ادري ممسويه هلي الشوربه الكشره
ازاد ...لا . الصوج مني كثرت اكل
...شااكلت ياعيني .حته ماعون مكملته
ازاد ..روحي لغرفتج نامي اني . سهرتج وتعبتج
مياسه ...ضجت مني .
ازاد .. لاعلمودج تنامين
مياسه .. شلون انام وهذا وضعك .. راح اسويلك نعناع .شويه نزلت فورتله نعناع .
ام ازاد ....شبيج ليش نازله خير
مياسه ...ازاد معدته تاذيه اسويله نعناع
.....اسم الله شجاه راح اصعد اشوفه
مياسه ...كملته صبيتله كوب صغير وصعدت .
ازاد ...عاشت ايدج .
....شلون صرت يمه
ازاد .الحمد لله روحي نامي مبيه شي وراسج
....تصبحون على خير .ماما ميس شتحتاجين كعديني وديري بالج عليه
مياسه ...بعيوني نامي خاله
ازاد ...انتي هم روحي نامي
مياسه ...ادري مضوجتك بكعدتي . احس متضايق .اعوفك اخذ راحتك .. كلش ضجت .يمكن يريد يراسل
ازاد
((((غدير وسام)))))
ازاد ..طلعت زعلانه رحت وراهة ارضيهة لكيته تبجي
مياسه .. ليش جيت ..
ازاد ...زعلتي .مخبله علمودج .موعندج دوام
مياسه ..مااداوم واعوفك هيج ..وانت هم متروح للشغل
ازاد ...لا والله منو كال
مياسه ...اني .ومحد يعترض
ازاد .. صار عيني بس مسحي دموعج ونامي
مياسه ..تعال نام هنا لعد
ازاد .. هههه تعالي انتي هناك
مياسه ...لا انت هنا تنام .عقاب الك مو جنت يمك وطردتني
ازاد ... اني مطردج .شوكت .لج انقهرت عليج بس صدك لو كالو خير تعمل شر تلكه
مياسه .. ما .معليه . يله .تعال شلت الغطة مالتي .واشرتله بفراشي .اجه نام .
مياسه .. اطلب منك شي
ازاد ...امري
مياسه ...نرجع اصدقاء مثل قبل
ازاد ...اني ممتغير
مياسه ... بس كلامي ماثر بيك اريدك تنساه .
ازاد ...تصدكين اذا اكلج احاول وماكدر كلما اشوفج ترجع كلماتج تدك براسي صعبه ترا .
مياسه ..سكتت لان اعرف شماحجي ماابرر تصرفي .
ازاد ..نمتي
تظاهرت بلنوم .لان خلص مالي عين اواجهة
جر راسي وخله ايده جوا . شكد مشتاقه لهاي حركته .. بجيت
ازاد ..اي ليش تبجين . اكوم اطلع اندرارت عليه حضنتني حيل
مياسه... زياد .لاتعوفني عفيه
ازاد .. العطشان بصحراء . ويجيبوله مي يشربه ميهمه هذا المي منين .اني هيج .جان احساسي من حضنتني ميس فقدت ونسيت كل وعودي لنفسي ب.الابتعاد عنه . معرفت شلون اخذتني احاسيسي لعالم نسيته او حاولت انساه عالم النه بس اني وياهة .بس الي اختلف بهاي المره احساس ميس المندفع . جانت تبادلني المشاعر وبدفئ جانت البوسه تختلف .والحضنه مليئه بلمشاعر وكل حركه ترجم حب وشوق .لبعض . ماشبعت من حضنهة ولاقربي الهة كفاني هاي مياستي وردتي الي مااشبع من شمهة الي عطرهة يختلف عن كل العطور ((((غدير وسام))))
نمنه واحنه حاضنين .نفسنه مو بعضنه .لان لكينه نفسنه بعضنه . مياسه .صحيت الصبح باحساس حلو وامان بحضن . ازادي . اباوعله نايم بهدؤ . مجنه ذاك العاشق المجنون البارحه تذكرت خجلت . وتندمت ضيعت كل الفتره الفاتت بسبب افكار طفله غبيه وتافهة . بجيت ودموعي وشهكاتي علت
ازاد ... كعدت على صوت بجيهة لعنت نفسي وضعفي واستسلامي .لغريزتي . ليش تقربتله وهي تشمئز مني . اكيد نفس الاحساس . رجعلهة .
ازاد ..اسف ميس الي صار ميتكرر .وطلعت غسلت ورحت للمعرض .
ميس ..منطاني مجال .افتهم شبي .بس هو اكيد متندم اني فرضت نفسي عليه البارحه .واني شبه استدرجته لغرفتي .اكيد بعده يكرهني . ويذكر كلامي .
....ايام .زياد ..يتجاهلني .واني هم مكمت اطلع من غرفتي امتحانات . وانضغطنه اني وهيام
اول يوم امتحان .نزلت لاكاني باب غرفتي
مياسه ..صباح الخير
ازاد .. صباح النور
نزلت اتريكت . هيام .ازاد توصلنه حباب ابو الخط باع سيارته
مياسه ..نتمشه شكو علينه
ازاد ..لا والله تتمشين . وين كاعده
مياسه ..ها...مو قريبه المدرسه .
ازاد ...حته لو يله خلصتن عندي مكاتبه اليوم .لسياره
طلعت كعدت يمه .بلصدر.
ازاد ...سابحه بلعطر لخاطر ربج .وين موليه هي مدرسه
هيام .. شبيك وياهة .اليوم لازم متزاعلين
ازاد ..سدي حلكج انتي . اكلجن . شوكت تخلصن
هيام ...هو الامتحان يبدي ب١٠ احتمال ل١٢ للوحده نخلص
ازاد ...انتظرني لاترجعن .
نزلت . اباوع البنات كلهن بلباب مالت المدرسه . منتظرين القبلنه يخلصون .الشباب كومه
ازاد .. شكو تظلن بلشارع وذول يتفرجون .
هيام .. لا هسه يفتحون الباب ونفوت .هنه ذني واكفات عاجبهن متو اعدات
غدير وسام )))
ازاد ...ابقن بلسياره منا لمن يفتحو
مياسه ....مو ..عندك شغل . روح
ازاد ..بصياح .وعصبيه واذا عندي صخام ناقص غيره اخليجن بلباب والرايح والجاي يتفرج اخاف عاجبج الوضع ست ميس
مياسه ... شنو هذا الحجي شكتلك اني .فوك ماافكر بشغلك
ازاد ..لاتفكرين بيه مشكوره
مياسه ..الباب نفتحت شفتهة نزلت . بدون مااحجي . صاح عليه معصب وجرني .وين موليه
ميس ..شبيك زياد .خلعت ايدي انفتحت باب المدرسه .
ازاد ...ولي بلبيت احاسبج . نزلت تنتر حضرتهة معجبهة الكلام شايفه نفسهة شوفه هواي اطيتهة مجال اني الج ميس
مياسه .. حته مجاوبت . ولابالي يم الاسئله رغم قريت زين .بس الصار قهرني . من طلعنه لكيت هيام منتظرتني .دكت على ازاد كلهة ربع ساعه . جتي وحده ويانه بلخط جانت
....هيام هذا منو الوصلكم .
... اخويه .ليش
....ميلزم خط عفيه تبهذلت .
هيام ...لا
....زين ميوصلني وياكم .تدرين مو بعيده عليكم اني
مياسه ..اشوفهة . مو طبيعيه معجبتني ليش ماعندج احد يوصلج
....لا ماعندي بس بابا ..ماعنده سياره .
هيام ..ميخالف ناخذج بطريقنه شخسرانين
اجه ازاد ... هيام ..زيودي نوصل البنيه بطريقنه جانت بخطنه وعلى طريقنه .
ازاد خلي تجي يله
مياسه ..يالله ..فاكاته خبالاته .صعدت يمه الله يساعدك خلصت شغلك
ازاد ... ويسااعدج ..لا بعد ممخلص .تاجلت يومين وانتو شلونكم بلامتحان .
هيام ..مي ..مي الاسئله .
مياسه ..اتحسرت . لان مجاوبت
ازاد ..وين بيتكم .
حنان ..اسمي .
حنان ..اسمي .يم المولده بنفس الشارع .
ازاد ...بيتمن انتو
حنان ..بيت ابو . امازن .
ازاد ...ها ..مازن صديقي . شلونه
حنان... زين
مياسه ..طلعلهة اخ مو تكول بس بابا وصلهة .
ازاد ..الصبح امرلج ويه البنات نوديج سلميلي
مياسه ..ايباه شكد كلبك حنون الله يديمك للبشريه
ازاد ...شكو ..
مياسه ..سلامتك .نزلت وركعت الباب
ازاد ..الباب .
مياسه تستاهل .
ازاد ...اجه وراي ترا مناسيلج سوايه الصبح تنترين وتنزلين مياسه اتقي شري لاحته المدرسه اكعدج منهة
بيومهة لاتغديت ولاتعشيت
هيام ..مسويه اضراب
مياسه ..وجع كله من وراج لزكتهة النه ااشر اغمز .وهي ولايمهة
هيام ..يمه .شبيج كبر
مياسه ..هاي حنان الجلبتيهة النه انتي واخوج ابو الحنان
هيام ....ههه تغار الاخت ..شبيج ماعندج ثقه بنفسج . والله اني لو رجلي يباوعلي مثل ماازاد يباوع عليج احط بطني بطيخه صيفي
مياسه ...ها ..شلون يباوع
هيام ...لا و الله عود متدري .
مياسه ..لا ادري بس احب اعرف بعد
.هيام ...هههخخ دولي تبيعهن براسي .
نزلت من يمي دوختني بكلامهة . شلون يباوعلي
الصبح .نزلت .سويت ريوك . سلكتله بيضه وحليب .
خاله كالت .روحي لبسي اني اكمل .صعدت . كملت رحت اكعده
.زياد متكعد توصلنه
ازاد ... اي كعدت حضريلي الحمام
مياسه ..بارده من الصبح تغسل .
ازاد .. تعرفيني ماعرف
مياسه كام غسل .صحتله احضرلك لبس تطلع للمعرض لو ترجع
ازاد ... للمعرض
طلعتله بنطرون ثلجي وقميص ابيض بي نجمه صغيره ساعته .وبوتين .
طلع .ينشف بشعره ..نشفه زين لاتنشل انت مناعتك قليله
ازاد ...اي ماما .
مياسه ..صنف .صنف . عفته وطلعت صوت ضحكته وصل يم الدرج ضحكت ونزلت .
اكلت . هو كعد يمي . تريك . يله خلصتن
صعدنه مرينه لحنان
ازاد ..اتصلن عليهة
هيام ..ماعندي رقمهة
ازاد .. شلون لعد . انزل ادك بابهم خاف عيب
هيام اني انزل . نزلت هيام طلع ولد . اسمر سلم عله ازاد .وضلو يسولفون طلعت هي صعدت ويانه
حنان ..صباح الخير
اجه ازاد . وصلنه للمدرسه هاي اباوعلهة بلمرايه تباوع لازاد ولاترمش . موتتني غيره
ميس .. حبيبي تجي علينه من نطلع
ازاد . ...اكيد . تردين شي
ميس .... فكرت شلون .افهمه هو الي ومتتجرتء تفكر بي
لا بس اسئل . لان خاله كالت اذا رجلج يتاخر عليجن اخلي عمج يجي .اباوعلهة وجهة كام ينطي الوان ودنكت
ازاد ...لااني اجي .
مياسه ..زين حبيبي .نزلت . ازاد متفاجأ .
حنان ..ازاد ..زوجج عبالي اخوج
مياسه ..لا حبي زوجي .
حنان .. الله يحفظه الج .
ميس...شكرا حبي . دخلت القاعه امتحنه . وطلعنه اجه ازاد من نزلت .كلهة اطي رقمج للبنات حته من نجي ندك عليج .
حنان . اي .سجلي هيام .وردته بصوت عالي
مياسه ..سمعته حته للجوارين .حفظته ازاد
ازاد ..واني شكو
مياسه .. وكل حليم بلاشاره يفهمو
ازاد ...انتي .متخبله رسمي الامتحانات شكلهة ماثره عليج
مياسه ..خلصت الامتحانات على اعصابي .
ازاد ..كاعد دك تلفوني رقم غربب جاوبت صوت بنيه
الو .منو
...اني حنان .حبيت اشكرك لان تعبت ويايه
ازاد .. لا اختي العفو .
حنان ...تريد الصدك مو بس ردت اشكرك .اني تعودت عليك ماكدر اذا مااشوفك واسمع صوتك
ازاد .. العفو مسويت شي واني حاضر شوكت متحتاجيني اخت عزيزه
حنان ...تدري شكد احسد ميس عليك .
ازاد .. شدعوه .
...والله ممصدك انت شخص مميز بلشكل والاخلاق .
.ازاد .. من طيب اصلج .
حنان ..عفيه لاتحجي وياي برسميه ترا اضوج واحس فارضه نفسي عليك .
ازاد ...لا خيتي . بس .يعني تحجين واجاوبج محاجي برسميه هاي حدود الاخلاق والادب بينه
حنان ... اخذ راحتك ..بس اتمنه نتواصل
ازاد .. شوكت متحتاجيني برسم الخدمه . كامت تتصل يوميه . ولمده شهر نسهر للصبح تحجيلي عن نفسهة واني اسمع عادي .ماعندي شي صديقه وارتاحيت الهة .
مياسه .. صار هواي ملتهيه .خلي اشوف تلفونه . فتحته لكيته هواي متراسل .ويه وحده .اسمهة .بلفيس . زهره الامل .. من خلال ممراسلاتهم عرفتهة حنان .تخبلت
اتصلت خاله اسيل حجيتلهة كلشي
اسيل .. انتي تظلين ثوله علمت بلبدايه وجنتي تسمعين منا وتعبري منا الى ان سويتي سوايتج .وهسه عايفته وحده وبايعه كرامه ومثاليات .براسي ..
مياسه ..شسوي .يعني
اسيل . روحيله تقربيله
مياسه ..اروح اكله اني شفت مراسلاتك يعني
اسيل . مو اكلج ثوله .لج جري لصفج رجعي زوجح لحضنج
مياسه . اي .اروح اعتذرله مااضيعه اني منو اليه غيره اذا عافني .
ازاد .. ردت تكويلي قميصي .وكفت سمعت كلامهة ويا خالتهة . رجعت للغرفه .
ميس سديته من خاله و رحتله للغرفه . وصلت للباب سمعته يضحك ويحجي .بلتلفون
ههه لا لج بدون قصد والله .
فتحت الباب سكت ...يله اترخص بعدين اخابر .
مياسه ...لا كمل ليش سديته .
ازاد ...شبيج انتي
مياسه .. مبيه شي . انت مسوي شي وخايف اكون عرفته
ازاد .. ليش.بله اخاف .
مياسه ..ازاد .ليش هيج تتصرف ويايه .اني صح غلطت بس كافي هواي تعاقبت .مكافي زياد...كافي لخاطر ربك ... تعبت ... .يتبع ...
تصويت .. تصويت ..😁😁😁😁😁😁 حبابون .. لاتتسون النجمه من تقرون وتعليقاتكم تسعدني ..