كاعد بالطياره واباوع على الناس الرايحه
والراده كل واحد منهم مشغوله افكاره بهاي الدنيه ومطلباته
اخذني فكري القبل 16سنه
جنت طفل عمره عشر سنوات وقته
الدنيه مخبوصه والنسوان تبجي وعماتي يملخن بنفسهن وامي تبجي بس بدون اي صوت امي من النوع القوي ما يهزه ﻻ ريح وﻻعاصفه مثل الجبل متهتز
رغم شكد احبه بس احسه قاسيه تعلمت منه هواي اشياء بروده الاعصاب والغرور رغم انو مو متكبر بس هاي صفه تعلمته منه واكثر شي احسه ورثته منه هي قساوه رغم شكد اني انسان صارم بس بعدني انسان والانسان يهتز بس من كلبه يدك يرجع طفل وكانو صفحه بيضه
بما انو اني جنت فاقد شعور الحنان من اقرب الناس الي بس بلحضه تغير كلشي من شفته كلبي دك اله مو عبالك طفل عمره عشر سنين وهي جانت وقته يمكن لو15 لو14 سنه يعني مراهقه بس جذبتني بحنيته و جماله واهم شي شخصيته جنت مبهور بيه وهذا كله بلش من وفاه بيبيتي ام الوالد
جانت الدنيه مكلوبه وكومه نسوان بالبيت
وعمامي مهمومين وكل واحد دمعته بعينه
بيبيتي جانت انسانه طيبه وحيل تحبنه وبالاخص ريتال جانت دائما تحجي عنه
جنت دائما من اسمع كﻻمه عنه اتشوق اشوفه مثل الطفل الي يسمع قصه ويتعلق بالابطال
من توفت بيبيتي وقته عمي جان جاي من بغداد
بما انو ابويه اكبر خوانه فهو جان داير كل شغل جدي وجدي معتمد عليه بكل شي
اكثر من باقي ولده
وجنه عايشين سوه بيبيتي جانت مره جبيره بس بيه طييه وحنان مشفته من امي جانت تحبنه كلنه فمن توفت تركت فراغ جبير داخلي
مجنت مثل باقي الاطفال ابجي كدام احد ﻻ هاذا الشي يعتبر عيب يمنه والدي جان دائما يكول انته رجال البيت من بعدي بما اتو اني اكبر من باقي ولد عمامي
جنت مابجي كدام احد اكبت بكلبي وماحجي شي واوكف ويا ابويه بالفاتحه
يمكن هاذا الشي راح يستغربه هواي ناس بس اني جنت حيل ذكي وافتهم
واحس باقل شي جنت نبه لكل شي يصير وياي
اول ايام الفاتحه مبجيت وﻻ نزلت مني دمعه بس شايل بكلبي
ثاني يوم شفت ابويه عيونه مدمعه وعمي ابو ريتال وعمو جﻻل يبجون
هم منزلت مني وﻻ دمعه بس اشيل بكلبي
صارت دنيا مغرب والناس كامت تصلي
اني هنا حسيت كلبي راح ينفجر من كد الكبت مكدرت اشيل بكلبي بعد اكثر
رحت وره البيت جانت جانت حديقه جبيره وباليل محد يجي ﻻن يخافون الجهال والكل مشغول بالصﻻة فجان أكثر وقت اعرف بي انو محد راح يشوفني
رحت هناك دموعي نزلت من كيفه وكانو داشوف ذكريات وياه هي جانت امي اكثر من بيبيه كلش جنت ضام بكلبي بحيث ثاني يوم متحملت بعد رغم انو من سابع المستحيﻻت اخلي احد يشوف دموعي
جنت ابجي بحركه واحس نفسي مخنوك حيل
فجأة حسيت بيد تحاوطني
......حبيبي انته ليش تبجي هم زعﻻن على بيبي
درت عليه واني متفاجأ شفت بنيه كلش حلوه وعيونه حمر من البجي
رئسا فزيت من مكاني ودفعته
ما اعرف بس وقته مجنت احب احد يشوف دموعي رغم انو من حضنتني حسيت بدفو وجان بسوطه حنيه مشايفته وﻻ سامعته عند احد
رجعت للبيت ركض واني امسح بدموعي
اليوم الثاني هم رحت جان عندي فضول اعرف منو هاي البنيه رغم احس نفسي اعرفه بس مجرد شعور
فعﻻ هم اجتي وره البيت وجانت تبجي
وتشكي البيبيتي انو عماته ياذونه
اني جنت اتامل بيه وهي تبجي ماعرف ليش كلبي نطف عليه
متحملت اشوفه تبجي رجعت للبيت
وره اسبوع شفته واكفه ويا عمي وهو يسلم ﻻن راح يرجع على بغداد منا عرفت انو هاي بنت عمي والي بيبتي جانت دائما تحجي عنه عرفت ليش حسيت كانو اعرفه من زمان وجان هاي اخر مره اشوفه اخذت كلبي وياه
مرن عشر سنوات اني خﻻل هاي الفتره بديت اشتغل ويا ابويه وادرس دخلت حقوق رغم انو معدلي وقته جان يخولني ادخل شي اعلى بس اني جنت احب هذا الاختصاص وجان حلمي هذه الشي
من اجه خبر انو عمي توفه بالطريق وقته ابويه راح على بغداد واني جنت شايل كل شغله عنه
بعد ما خلص فاتحت عمي ابويه مقبل يضلون هناك ومالهم احد
فقترح عليهم انو يجون البيتنه وقته والدي اتذكر كال ريتال متقبل تجي بيه عناد وعزة نفس تخليه تستصقل نفسه على اهله
كﻻم ابويه جان مثل كانو واحد يذكرك اشكد صعب جان حبي اله
وهي متعرفني وﻻ تدري بيه وﻻ اجي على باله اصﻻ
وقته وابويه لكه الهم بيت قريب علينه وسكنو بيه
وره فتره اني لتهيت بدراستي بس ضلت لمسته وكﻻمه عبالك بدماغي ماكدر انساه رغم انو مستحيل اي شي يمكن يربطنه
وره فتره كامت تطلع اشاعات وكﻻم مو حلو بحقه ومن عرفنه انو شايفيه ويا رجال متزوج وعنده جهال اهنا بعد صار الوضع مينسكت عنه من عرفناه رحنه اني وابويه عليه وهو نكر اي شي
بس منو يصدك هل حجي واني واكف على اعصابي حسيته انسانه متستحق حبي اله كل هاي السنوات حرامات بيه
تفاجاة بابويه يريدني اتزوجه واني هنا صرت بين نارين نار كلبي الي يحبه من واني عمري10سنوات وبين عقلي الي رافض كل هل شي وانو هي متستاهل
بس وقته شفت ابويه مربوط وهوايه اشياء واكفه على موافقتي
وافقت على كﻻمه وهو راح بلغه مجنت ادري انو هي رافضه
يوم الكعده فتنه وجان تطلع المﻻك الي ماخذه كلبي من سنين نفس العيون والمﻻمح رغم انو متغيره هوايه بس عرفته وضجت من تصرفه من طلعت بدون اي حجاب كدام كل هل زلم
وقته ﻻ اراديا عطت بيه
وره مراحت الناس بقى عمي و ابويه من طلب والدي من امير انو يصيحه محسينه غير على وحده تدخل ودموع بعينه
وتحجي بكبرياء وجاي ترفضني اني هنا فعﻻ حسيت بالاهانه
شعوري مينوصف وقته حسيت بكل كلمه تطعن كلبي ورجولتي فوك كل شي احسه ترفض كلبي الي حبه وتعلق بيه
من شافت ماكو حل هم مستسلمت وضلت مصره على رئيه
بس وقته ابويه جان مصر اكثر منه اني هنا فقدت اي شي اسمه صبر او هدؤ
بس انتضر استفرد بيه اطلع ضيم كلبي كله
من سالني عن رئي شفته انصدمت من شافتني و شافت اصراري عليه
حسيت نفسي هواي ذليت نفسي اله حتى لو كلبي يريده اشلعه وادوسه اذا حسيته تهيني باي شكل
صارت الشغله غصب عنه واني صحيح ضايج منه بس احس نفسي اسعد انسان ﻻن جانت بالنسبه الي حلم صعب اوصله
وهاي الفتره امي كلبت الدنيه جانت رافضه ريتال نهائيا باي شكل واني وقته كتله انو اني رايده و مو مجبور ﻻن مردت تاذيه
بالخطبه تفاجاة بيها اشكد ما جانت انسانه عنيده بيه جمال وطيبه تحسسك بالامان مثل المﻻك بالضبط محسيت على نفسي شلون كلتله هيجي بس شفته مستغربه كﻻمي اجت كدامي بت خالتي وحبيت اغير السالفه واشترت بعيوني اله
هي دارت ورجعت باوعت عليه كانو مستوعبت شي
بلغت والدي انو اني راح سافر يس محددت شوكت
وقته هو رفض سفري بس اني جنت مصر عليه
كلت اخليه تفكر فتره بس متوقعت من اجه ابويه وكال انو تريدني اني انتقل يمهم
هنا فعﻻ كرهت نفسي وكرهته على تصرفاته وراسه اليابس مثل الحجر
طلعت من البيت
واعصابي تلفانه منه وبالكوه كامش نفسي عنه
من وصلت بيتهم شفته رافعه ثوبه وتغسل بالشارع والسيارات الجايه والرايحه تباوع
اني هنا فعﻻ فقدت جريته ودخلته للبيت
وصار بينه كﻻم محبيت اخليه تتمادن اكثر بس امه موجوده وعيب منه رحت عليه وبسته براسه ﻻن فعﻻ هي انسانه طيبه ومره فقيره
مرت نص ساعه وهي ما اجت اهنا اني بعد اذا اشوفه كدامي ميشفعله شي
استاذنت من امه انو ﻻزم اخذه تختار الغرفه وهي محجت شي
بالبدايه مجانت تريد تجي بس من كتله اخذج البيتنه حسيته وجه انخطف وبعد متكدر تعاند
وفعﻻ رحنه واختارينه غرفه
كل هذا شي وبيوم العرس شي ثاني تماماً جنت متصور تقبلتني او بدت تتقبل واقع انو اني صرت زوجه بس للاسف هاي جانت اخر ضربه توجه الكلبي والكرامتي
من ضربته ردت اخليه تتوجع مثل مدا اتوجع بس للاسف اني اتوجع اكثر منه
احسه مو نفسه الي جنت احبه سنوات
هي مجانت تريد قربي ماعرف شلون دنت نفسي اله وبسته هي مقاومتني يمكن جانت خايفه وقته بس حسيت على نفسي وتركته وره قررت اسافر واجهز كلشي ردت ابتعد بلكت انسى اني مو ضعيف بحيث مره تهزني بس هاي جانت حب طفوله وامنيه جانت امنيتي الوحيده بالدنيه
سافرت واحس بقى كلبي عده مثل الي تسافر وتحس بنفسك ناسي شي مهم ومجاي تتذكره اي بس اني جنت متاكد انو اني ناسي كلبي يمه
مرت 3سنوات على اخر مره شفته بس احس كلما اغمض عيوني صورته مطبوعه ومجاي اكدر انساه
جنت اضحك على نفسي ﻻن اني عشر سنوات ما نسيته وهسه ب3سنوات ردت انساه رغم انو جنت اشتغل وادرس وماعندي وقت فراغ بس جانت دائما بفكري
وجنت اسال ابويه عليه ودائما اعرف اخباره رغم انو متواصلنه وﻻ مره
صحيت من كل هاي الافكار والذكريات على صوت المضيفه تنبهني اربط حزام الامان
واخيرا وصلت ورجعت على بلدي رغم انو اشكد اكو اختﻻف بالحضاره والتقدم والاختﻻف بس يبقى وطني وبلدي احلى شي اشوفه بحياتي الغربه شعور محلو
شعور بانو معندك سند وﻻ اهل يمك
نزلت من الطياره اخذت جنطي شفت ابويه جاي عليه شبكته ﻻن اشتاقيتله هو اكثر انسان يفهمني احسه اكثر صديق مقرب الي
بس تفاجاة من سمعت صوت ناعم
ريتال : الحمدلله على السﻻمه
..........
مرحبا يا احلى قراء شكد اشتاقيتلكم ولتواصلي وياكم اتمنى عجبكم البارت وباجر راح نزل بعد بارت واحاول اطوله كتعويض مني
علقولي ولتنسون التصويت
احبكككككم كومات الله اشوفكم بالبارت الجاي ان شاء الله♥♥♥♥♥♥♥♥♥♥♥♥♥