Kabanata 50
Walang Karapatan
"Yeah, like what, Sunny? Date an old friend? Kiss him inside his car? Really? Mas importante 'yon?" Tumaas ang tono ng boses niya.
Hindi ko talaga alam kung paano niya nalaman ito? Inisip ko pa kung sinundan niya ba kami. At kung sinundan niya kami ay nakita niya kaya 'yong pagsusuka ko?
"Hindi, Rage." Kinagat ko ang labi ko. Hindi ko pwedeng sabihin na pupuntahan ko si Mia at Kid.
"Then, what's more important than the documents, Sunny?" Tumagilid pa ulit ang ulo niya.
Tumunog ang cellphone ko. Sabay kaming napatingin doon. Nag igting ang kanyang panga at ngumuso siya. Kitang kita ko ang galit sa nag aalab niyang titig.
Marahan kong kinuha ang cellphone ko para basahin ang text ng kung sino. Nakita ko doon ang text ni Jason.
Jason:
No prob, Sunny. Lumala ba away nila? Sana bukas ay pwede ka na. I'm gonna fetch you, tonight. Kahit na idrop na lang kita sa condo. Di na ako aakyat para di na lumala ang away ng dalawa.
"Put your phone down." Malamig na sinabi ni Rage.
"Kailangan kong mag reply-"
"I said put your damn phone down, Sunny." Halos isigaw niya ito.
"Ano ba ang problema mo, Rage?" Sigaw ko sa kanya.
Nakita ko ang pag alis ng iilang mga empleyado. Hindi ko alam kung umalis ba sila dahil tapos na sila o dahil natatakot sila sa away namin ni Rage.
"Kailangan kong mag reply kay Mia!" Pagsisinungaling ko.
"Oh, bakit? Hindi ba kayo nagkikita dito? She's working here. Bakit di kayo mag usap na lang?" Sigaw niya. "Ang sabihin mo, may ka text kang iba!"
Nanlaki ang mga mata ko. Parang sumabog ang tainga ko sa sinabi niya. Kung makapag salita siya ay parang may kasalanan ako sa kanya.
"Ano ngayon kung may ibang tao akong ka text? Wala ka nang pakealam don, Rage!" Sabi ko sabay pulot sa mga nagkalat kong gamit at lagay non sa bag ko.
"Where are you going now? I said, hindi pa tapos ang trabaho." Sabi niya sabay turo ulit sa iilang papel na naroon.
"Aalis ako kasi kakain ako! Hindi ba 'yon pwede? Ano? Mamamatay ako sa gutom dito?" Sigaw ko.
"Bakit di ka na lang mag order sa cafeteria? You're with that guy again?"
Napatigil ako sa pagliligpit ng gamit. Nilingon ko siya at tinapunan ng matalim na tingin. Mabilis ang kanyang paghinga at iritado niya akong pinagmasdan.
"Sinusundan mo na ako ngayon? Para saan pa? Bakit di ka na lang mag tago sa fiancee mo? Tutal naman ay masaya kayong dalawa, ba't pinapakealaman mo ako?" Galit kong sinabi.
Sarkastikong ngiti ang ipinakita niya sa akin. "Fuck, pinasundan kita, oo, pero salamat na lng at ayaw kong marinig na naghahalikan kayo sa sasakyan niya. Ngayon? Ano? Maghahalikan ulit kayo kaya ka aalis? Iiwan mo 'tong mga dokumento?"
Hindi ko na napigilan ang sarili ko sa pananampal sa kanya. Mabilis ang hininga ko at mabilis din ang takbo ng puso ko. Pula ang kanyang mga mata nang tiningnan muli ako pagkatapos makabawi sa malutong kong sampal.
"Tang ina mo, Rage! Ikaw pa ang may ganang magalit!? Ako! Ako ang niloko mo! Ako ang ginago mo! Ako ang inahas mo at ikaw pa ngayon ang galit!? Ang kapal kapal ng mukha mo!" Sigaw ko sabay subok ng sampal ulit sa kanya pero hinakawan niya ang kamay ko at idinikit niya ito sa dingding.
Shit! Naalala ko ang eksena kahapon nang dinikit niya ako sa dingding na ito. Halos hindi ko 'yon kayanin. Hindi ko kakayanin na malapit kaming dalawa.
"Bitiwan mo ako!" Sigaw ko sabay piglas at sapak sa kanya para mapigilan siya.
"Tang ina rin, talagang magagalit ako. Ang bilis mo kasing makalimot. I took your virginity! I... was your first! I took care of you, Sunny pero ba't ang bilis mo? Ang bilis bilis mo!" Sigaw niya.
Napapikit ako at mas lalong napasandal sa dingding. Kung pwede ay lamunin ako nitong dingding ng sa ganon ay makawala ako sa kanya.
"Sino sa atin ang may fiancee? Sino sa atin ang may iba naman pala habang tayo? Ha?" Kinagat ko ang labi ko para pigilan ang sarili ko.
Nangatog ang binti ko at ayaw kong may masabi akong nakakapanghina tulad na lang ng 'Mahal na mahal kita pero kailangan kitang iwan dahil hindi pwede'.
"For the record, Ezra isn't my fiancee. Kung fiancee ko siya, sana matagal na kaming kasal ngayon pero hindi. My momma wants me to marry her. I don't. 'Yon 'yong kaibahan sa atin. Ako, ayaw ko sa iba. Ikaw... gustong gusto mo! Gustong gusto mo! Finally? Finally 'yong crush mo, diba? Tang ina, bente ka pa, sige mag crush crush ka diyan ng marami!" Nanghina ang boses niya sa huling pangungusap.
Hindi ko na mahabol ang hininga ko. Naduduling ako sa sobrang lapit ng mga mata naming dalawa. Palipat lipat ang tingin niya sa dalawang mata ko. Nakita ko ang pulang pisngi niya dulot ng sampal ko. Pula rin ang kanyang mga mata. Hindi ko siya inurungan sa kanyang pag titig.
Bumilis pa lalo ang hininga ko at naramdaman kong tumama ang dibdib niya sa dibdib ko. Lahat ng rason ko ay nawala ng parang bula.
"Ahh..." Kinagat ko kaagad ang labi ko.
Shit! Hindi ko maintindihan kung bakit bigla ko na lang naramdaman ang init saking katawan.
"Sunny..." Tawag ni Rage at lumayo agad siya sa akin.
Halos mahulog ang mga mata ko dahil sa kagustuhan kong pumikit. Binaba ni Rage ang kamay kong nakapako sa dingding at laglag panga niya akong hinarap. Kumunot ang kanyang noo at sinuri niya ako.
Uminit ang pisngi ko at napatingin ako sa mga gamit kong hindi ko pa naliligpit. Mabilis kong dinaluhan ang mga iyon at nilagay ulit isa isa sa aking bag.
"Where the hell are you going, Sunny?" Sigaw ulit ni Rage.
"Mag didinner nga ako!" Sigaw ko pabalik sa kanya.
"Magpadala ka na lang sa cafeteria!" Aniya. "You have to-"
"Kung atat na atat ka ng matapos 'tong mga dokumento mo, ikaw na ang gumawa! Pagod na ako!" Sigaw ko sabay kuha sa bag ko na agad niyang binawi at nilapag sa aking mesa.
Matalim ko siyang tinitigan. Humakbang siya palapit sa akin. Hindi parin ako tumigil sa pagtitig ko sa kanya. Nakita kong umigting ulit ang kanyang bagang. Hinaplos niya ang aking braso. Halos mapatalon ako sa ginawa niya. Nilingon ko ang nanunuyang haplos niya. Hinabol ko ulit ang hininga ko. Simpleng haplos niya lang ay naghuhuramentado na ako.
"Why is your breath hitching... so bad? Hmmm?" Aniya habang pinapaatras ulit ako sa dingding.
Lintik talaga. Hindi ko mapigilan ang paghinga ko ng mababaw at mabilis. Nangatog ang binti ko at tumindig ang balahibo ko.
"B-Bitiwan mo ako, Rage." Sabi ko, nanginginig.
"You miss me so much, don't you? Huh?" Bulong niya.
Halos mapunit ko na ang labi ko sa kakakagat. Bakit niya ginagawa sakin 'to?
"I want to see you hurt so bad, Sunny. Sana magselos ka nang husto. I want to see a reaction from you. And this reaction is all I was dreaming of..." Patuloy ang paghaplos niya sa likod ng braso ko.
Halos manginig ako sa sobrang kiliti at sobrang init ng naramdaman ko. Bakit ganito? Bakit hindi ko makontrol ang sarili ko.
"Fuck, you missed me so bad... I want to punish you because you're with another man. You kissed another man... Fuck, you kissed him. Sabihin mo sakin, saan ka natutulog sa bahay niya. Sabihin mo." Bulong niya sa tainga ko.
Sobrang lapit niya na sa akin at hindi ko na kayang pigilan ang sarili ko. Nawawala ako sa sarili ko at nalalasing ako sa labi niyang nanunuya sa gilid ko.
Isa lang. Isang tikim lang. 'Yon lang ang gusto ko. Nababaliw na ba ako? Nababaliw na talaga yata ako!
Nilapit ko ang aking mukha sa kanya at inilapat ko ang labi ko sa kanyang labi. Isang beses kong ginawa iyon ay agad akong tumigil at nag kagat labi ulit para pigilan ang sarili ko.
"Fuck, woman. I swear I'm mad so stop kissing me. Tell me, where did you sleep last night? Were you in his arms?" Matigas na ingles ang pagkakasabi niya non.
Ang mga kamay niya ay nakapahinga sa dingding sa likod ko at pakiramdam ko ay luluhod na ako sa kanyang harapan dahil sa panghihinang naramdaman ko.
"What the hell?" Umalingawngaw ang sigaw ni Ezra sa pagkatapos ng kalabog ng pintuan.
Hindi gumalaw si Rage. Diretso ang titig niya sa akin habang ako naman ay nataranta. Kung nawala man ang sarili ko kanina, mabilis ang pagbabalik nito ngayon.
Buong lakas kong tinulak si Rage pero hindi siya gumalaw.
"Rage! Ano 'to?" Sigaw ni Ezra palapit sa mesa ko.
Umirap si Rage at hinarap si Ezra pero bago pa niya maharap si Ezra ay mabilis na hinatak ni Ezra ang buhok ko. Napasigaw ako sa sobrang sakit.
"EZRA!" Sigaw ni Rage sabay hawak sa braso ni Ezra.
Kinalmot ni Ezra ang braso ko at hinigit niya ng isang beses ang buhok ko. Napapikit ako sa sakit na naramdama. Napahawak ako sa mesa at ang lahat ng papel na nilapag ni Rage doon ay nahulog kasabay ng pagkakadapa ko. Nalaglag ang panga ko sa hapding naramdaman sa aking braso dahil sa kalmot niya. Kumalabog ang puso ko sa kaba na baka mapano ako at ang baby ko! Oh my God!
"Bitiwan mo ako, Rage! Bitiwan mo ako!" Sigaw niya sabay piglas sa mga kamay ni Rage na naka hawak sa kanyang braso. "This bitch is gonna pay! Mang aagaw!" Sigaw niya.
Naluha ako sa hapdi, sa sakit, at sa kabang naramdaman.
"Sunny!" Sigaw ni Rage at binalibag niya si Ezra para tulungan akong makatayo.
Hinawi ko ang kamay niya at itinayo ko ang sarili ko.
"Bwisit ka! Ang kapal ng mukha mo! Manang mana ka sa nanay mo!" Sigaw ng sumusugod ulit na si Ezra at isang beses pang nahila ang buhok ko bago siya napigilan ni Rage.
"Stop it, Ezra!" Sigaw ni Rage sa galit.
"Rage, ang pokpok na 'yan binibilog ka ulit!" Sigaw ni Ezra.
Laglag pa ang panga ko at tumutulo ng walang preno ang luha ko. Nanginginig ang kamay ko nang dinadampot ko ang iilang gamit ko sa mesa. Aalis na ako. Aalis na talaga ako!
"Tumigil ka na, ah! Tumigil ka na!" Sigaw ni Rage kay Ezra.
"Rage, hindi mo ba nakikita? She's just seducing you! She wants you for your money!" Sigaw ni Ezra habang humihikbi ako at lumalayo sa kanila. "I'm your first! You were fine with me, then. At wala akong pake kung may mga babae kang gamitin pero this time, hindi ako makakapayag. You're losing your way to me! Rage!"
"Ezra, tumigil ka na. I'm sorry-" Hindi ko na narinig ang dugtong ni Rage dahil nakalabas na ako ng opisina.
Tinanggal ko ang ballpen sa buhok kong nagkabuhol buhol na dahil sa paghila ni Ezra. Humihikbi pa ako sa elevator at nanginginig pa ng husto ang binti ko. Pinipigilan ko ang pag hikbi ngunit hindi ko matigil tigil. Iniisip kong delikado 'yong nangyari kanina! Delikado 'yong ginawa ni Ezra sakin! Delikado ang lahat ng iyon para sa anak ko at hindi ko alam kung anong gagawin ko kung mawala siya! Shit! Sunny ang tanga mo!
Tumigil ang elevator sa Lower Ground at sinalubong ako ng paakyat sanang si Jason. Nanlaki ang mga mata niya nang nakitang umiiyak ako.
"Sunny, anong nangyari?" Sabi ni Jason sabay yakap sa akin.
Pumikit ako at mas lalong humikbi. Kabadong kabado pa ako sa nangyari at hindi ko kayang hindi umiyak. Kailangan kong ilabas 'to. Hindi pwedeng ang anak ko ang mag hirap sa paghihirap ko.
Pinunasan ko ang luha ko.
"Sunny, anong ginawa ni Rage sayo?" Tanong ni Jason habang tinatahan ako.
Tumunog ang kabilang elevator at agad kong narinig ang mga yapak ng isang tao. Binitiwan ako ni Jason at sa sobrang bilis ng pangyayari ay nagulat na lang ako at humandusay na siya sa sahig.
Marahas akong nilagay ni Rage sa kanyang likod at tinuro niya si Jason.
"Gago ka! Wala kang karapatan sa kanya!" Sigaw nito.
Galit at poot ang nakita ko sa mga mata ni Jason nang tiningala niya si Rage.
"Rage! Tumigil ka nga!" Sigaw ko at hinawi ang kamay niyang nakahawak sa akin.
Dinaluhan ko si Jason at tinulungan ko siyang tumayo. Dumura si Jason ng dugo dahil sa pisngi niya tumama ang suntok ni Rage. Nanliit ang mata ni Rage sa akin.
"Wala siyang ginagawang masama!" Sigaw ko.
Tinuro ni Jason si Rage at umambang susuntok pabalik. "Ikaw ang gago! Anong ginawa mo kay Sunny? Ikaw ang walang karapatan sa kanya!" Sigaw ni Jason.
"Jason... Tama na..." Sabi ko habang hinihigit siya palayo sa nag aalab na si Rage.
"Sunny..." tawag ni Rage sakin.
Pumikit ako at mas lalong hinila si Jason. "Tara na, Jason..."