نروح عند عائلة اول مره راح تطلع بالروايه
عائلة العنود
سديم /
هي اخت العنود الاكبر طبعاً هي بالجامعه وعمرها ٢٠وشعرها الين نص ظهرها عيونها عسليه ودايم تحب تتكشخ بس قلبها طيب وعصبيه في بعض الأحيان ومهتمه لدروسها اكثر من اي شي.
شهد /
الاخت الي اصغر من سديم هي بالثانويه ٣ثانوي
عمرها ١٨ سنه شعرها الين كتفها وناعم عيونها بنيه وعنيده وراسها يابس صعب احد يقنعها ومشكلجيه احيانا واكثر شي تحب تطلع مع صديقاتها .
العنود /
الاخت الأصغر من شهد عمرها ١٧تدرس ٢ثانوي شعرها طويل الين نهاية ظهرها وعيونها عسلي فاتح واكثر شي تحب تسويه تقرأ الكتب ودائم تساعد امها كانها هي الكبيره وامها دائم تحب تستشيرها ف اي شي .
بندر/
الاخ الصغير اخر العنقود عمره ١٦يدرس اول ثانوي دايم مع علي (بتعرفونه بالبارتات الجايه) واي شي تطلبه امه يسويه عادي ويحب سديم لأنها طيوبه ودائم تطلعه من مشاكله هه .
واخوهم الي بعد شهد
فهد/
عمرهه ١٧يدرس ثالث ثانوي مرهه عصبي بس احيانا يكون مرحح ومايحب اسمه قعده بالبيت ودايم يتهاوش هو وشهد واذا عصب يطلع من البيت يوم كامل وشعره الين رقبته ولبسه رسمي اغلب الاحيان.
نروح عند ريم بعد ماخلصت من رائد قالت له رجعني للمخيم بس للاسف لقوا بطريقهم سيارة فيصل وكان مشغل النور بوجههم
رائد : شفيه ذا (وصار يكبس بوجههم)
ريم : طيب لف يمين وابعد عنهم
رائد : وهم فتحوا لي مجال؟
ريم خافت :انزلوا
رائد : خليك هينا انا بنزل بشوف وش الوضع
ريم : ......لارد
رائد : خير شكلك تبي تتضارب
: اقول حركتكم الي مالها داعي رجع خوينا لا اتوطاك هينا
رائد : مالك شغل الولد منحاش بنفسه
:لاتعلمنا بخوينا
رائد عطاهم ظهره ومشى خطوتين الا وعزام ماسكه : هي انت
رائد : لي اسم اتوقع !
عزام : من زين اسمك بعدين يوم انك تترك اخوياك عشان واحد ماهو كفو
رائد رفع يده يضربه بس مسك نفسه وقال: لاتغلط عليه تراه أطلق منكم
فيصل : شكلك تبي نتوطاك هينا
رائد ماسك أعصابه: ........لارد
عزام : يعني تكذب عيلنا يوم خاويتنا
رائد : كنت استغل خوتي فيكم بس
عزام : خير! انت موب صاحي يالخاين يالوصخ
رائد: لاتغلط علي
نرجع للماضي
قبل يوم كانوا حمد وعزام وفهد اخوياء كانوا يعزون بعض ومن ذا الكلام وكان دايم حمد يجيب شلته ويسولفون مع عزام وفهد بس كان يعز فهد وعزام اكثر من شلته وجاء يوم واتفقوا يفحطون بالمكان الخاص حق التفحيط
حمد : ياعيال تجون معي؟
عزام : ابشر ..بس وين؟!
حمد : فيه مكان للتفحيط والمشاهير بالتفحيط يجون فيه وفيه ناس ماهي مشهورهه بس عادي تفحط فيه شرايكم نروح !
فهد : اكيد انا معك قدام
حمد: وانت ياعزام؟
عزام: انا معكم بعد
وراحوا لساحة التفحيط..
وهم بالطريق حمد دق على عبدلله
عبدلله: هلا والله
حمد : هلابك زود
عبدالله : وش كنت تبي؟
حمد : ايه، كنت ابي اقولك انا وفهد وعزام بنروح للساحه قلت اذا تبي تجي معنا
عبدالله: خلاص شويات وانا عندكم
حمد : اوك
وصلوا للساحه..
حمد: وصلنا
ونزلوا..
وكانت ساحه كبيرهه وحوليها اماكن عشان الجمهور يجلسون فيها وكانوا بيفحطون فيها بس قالوا مايجي ثلاثه لازم واحد وراء الثاني طبعاً المشاهير اول شي بعدين الناس المبتدئه اول حمد بعدين عزام بعدين فهد
فحطوا المشاهير وخلصوا بدأ دور حمد
ركب سيارته الي كانت كامري اسود وكان كاتب عباره عليها وركب سيارته وفحط فيها والجمهور اعجبهم تفحيطه
نجي عند عزام سيارته ددسن غماره وكاتب وراء لقبه(شقى) وفحط ...وعطاهم خبات وقال لعيونكم يالجمهور والجمهور تعجبهم هذا الشي وصاروا يشجعون عزام اكثر وعزام باقي فحط فحط الين وقف والكل قال اوههههههه
حمد صكت فيه الغيره وراح لعزام وقال : هي انت من قال لك انك احسن مني
عزام : يالخوي هد ماسوينا شي
حمد : اقول انا ماصرت كيذا بعدين مفروض ماتتعدا ع الزعيم
عزام : حمد خلاص هذا شي صدفه وصار وش ذنبي اذا الجمهور يحبون تفحيطي اكثر من تفحيطك
حمد : انا الزعيم حقك من الي علمك التفحيط انا صح ؟ خلاص
عزام : انت علمتني بس موب معناته تصير تتحكم فيني
حمد انقهر من كلامه وقام ضربه وعزام يحاول يبعده عنه وجاو الجمهور يبعدونهم عن بعض بس ماقدروا
عزام : يالحيوان نكرت خوتنا عشان تفحيط !!
حمد: التفحيط اهم منك انت واشكالك
فهد ركض لعزام وقال : وشفيكم !!
عزام : هالحيوان يبيع خوتنا عشان تفحيط !!
فهد : انا اوريه الحيوان.
عزام مسك يده : لا خلاص يكفي خله يروح لا بارك الله فيه.
فهد : تبي تشوفه يضربك واسكت!
عزام : اذا تعزني اسكت
عند حمد
حمد : مايستاهل يتعلم التفحيط ذا
واحد من شلة عبدالله: هد هد ماصار الا الخير
حمد : تستهبل انت اقولك خذا الشهره بسبب خبه بس !
عبدالله: ماعليك بكره نصير أطلق منه
حمد : عبدلله وين خويك ذاك !
عبدالله: اي واحد
حمد : مادري ذاك الي كأنه امريكي
عبدالله: تقصد رائد؟
حمد : مادري وشسمه بس ابيه
عبدلله : جالس مع الشباب هناك تعال نروح له
حمد : طيب
ومشوا
عند عزام وفهد
فهد : ماعليك انا اوريه
عزام : خلاص فكنا منه ماعاد ابي اشوفه يبيع خوتنا عشان تفحيط هذا ماهو كفو
فهد : بــ....(قاطعه عزام )
عزام : ءخلاص يافهد قلت لك انتهى ماعاد ابي اشوفه
فهد : زين زين خلنا نرجع البيت الحين ويصير خير
وهم بطريقهم وقفت سياره قدامهم وفيها شخص وقال : سلام، انتم الي تهاوشتوا مع حمد
فهد : ايه وخير ياطير؟
: لا بس كفو والله يستاهل ،المهم تبون اوصلكم ؟
فهد يهمس لعزام : انت تدري أنه ماعندنا سياره خله يوصلنا
عزام : خلاص زين زين
فهد : اوك ، اذا ماعليك امر عادي وصلنا ترا مشوارنا طويل نبي المستشفى...
عزام: وليه مستشفى!
فهد : انت شايف حالتك كيف ؟
: ماعليكم انا بوديكم المستشفى وعلى حسابي علشانكم بردتوا حرتي ههههههههههه
فهد : زين يلا ياعزام
وركبوا وراحوا المستشفى
عند حمد وعبدالله
حمد : هي انت
: لي اسم
حمد : ادري المهم اسمع ابيك تساعدني
رائد: فيه مقابل؟
حمد : يعني كيذا نظامك ؟
رائد: فيه مقابل ولالا ؟
حمد : طيب أمر وش تبي ؟
رائد: حبوب
حمد : بس! سهل بعطيك بس اول شي أنجز الي بقولك
رائد : زين هات وش عندك
حمد : تعرف الي تهاوشت معه قبل شوي ابيك تسوي نفسك انك صديقهم وكيذا......الخ ( وعلمه بكل شي)
رائد: اوك متى تبيني اروح بس؟
حمد : بكره
رائد : تم
نرجع للحاضر
ريم تصارخ : خلااص يكفي هواش روح انت فكني منك خلااص
رائد ناظرها بحقد انا اوريك : زين ( وراح)
عزام مسك يدها بقوه وركبها وراء وركب هو قدام وقال لفيصل : حرك بسرعه
فيصل : زين
وتوجهوا للمخيم ..
نروح للمخيم بعد ماوصلوا .
خالد : بشروا وين لقيتوه ؟
فيصل بكذب : ابد لقيناه يمشي قدام المخيم
خالد : اها اشوا
ريم تناظر فيصل وفيها فضول ليه ماقال لهم الحقيقه ؟
عزام أول مادخل تمدد على الارض وحط يده على عيونه لان رأسه صدع ف قرر ينسدح يمكن يزين شوي
فهد : عزام ترا العيال جايين
عزام جلس : منهم!!
فهد : عيال خالي ابراهيم وتركي
عزام : يوهه تركي الغثيث!
فهد : تحمله اهم شي ابراهيم ماعلينا من تركي
عزام : متى بيجون؟
فهد : بعد المغرب
ريم وفيصل كانوا برا طبعا فيصل الي ساحبها غصب وكان يهاوشها على روحتها مع رائد
ريم : مالك شغل فيني رجاءً خلني براحتي تراني مليت منك
فيصل : ياقلبي مليت! ...ثاني مره اشوفك معهم شوف وش يصير لك (كان ماسكها مع ياقتها)
ريم: اوففف منك
فيصل: ياحبي لو ماخاف عليك ماهاوشتك(وضحك ضحكه هستريه)
ريم خافت : ءء..ءءوش تخاف علي ؟ ...انا ولد بعدين ..اعرف ادافع عن نفسي
فيصل عطاها ابتسامه وقال: واضح ولد (بعدين راح)
نروح عند اثنين متزوجين
حصه كانت تكلم العنود الي يحبها خالد طبعاً هي تعرفها من ايام المدرسه وكيذا (ادري توكم تدرون بس جاء دورهم بالقصه هالحين ^_^)
حصه : مادري وش اسوي فيه يعني ماكأني زوجته كأني خدامته !
العنود : ياقلبي طيب حاولي تسوين له كل الي يبي يمكن يتغير ؟
حصه : ياعنودهه اقولك كل شي سويته لك بس ماتغير
العنود: والله مدري وش اقول لك ياحصه انتي اصبري اكيد بيتغير
حصه: بصير وامري لله
العنود : لاتشغلين بالك ارتاحي
حصه : انا لازم اقفل قبل يجي سعد ويهاوش
العنود : زين مع السلامه
حصه : مع السلامه
وقفلت الخط..
دخل سعد الغرفه وقال لها : حصه !
حصه : ءء..ءءهلا
سعد : قومي زيني قهوه فيه رجال ب يجيني
حصه :ء ء .. ابشر
سعد : بسرعه!
وراحت وزينت القهوه الحلا وسوت زي ماقال لها باقي شاهي بعد ماخلصت المويه الحاره وهي تصبها انكبت على يدها واحترقت يدها وصاحت: اااااااااااا...
سعد جاء ركض وقال : وشفيه ! ليش الصياح!
حصه ناظرته وبكت !
سعد ركض ومسك يدها وقال : وش ذا ! من وش ! ماتعرفين تطبخين ! ( طبعاً ماهتم فيها إلا عشان تزين له قهوته يعني بالعربي مصلحه)
حصه بوجه حزين : ءءخلاص فك
سعد بهواش : اقول اجلسي بجيب الاسعافات الاوليه وبضمدها لك
حصه ياترا من وين ذا الاهتمام ولا بس عشان قهوته ماتخرب اكيد عشان كيذا مستحيل هالشخص يطلع منه كلمه او شي زين
عند المخيم وبعد المغرب وصل ابراهيم وتركي وبعد السلام والسؤال عن الحال ..جلسوا مع العيال وسولفوا
تركي يناظر ريم : ماودكم تعرفونا على ذا؟؟
عزام ناظر ريم وبعدين ناظر تركي بحقد وقال: لا وش عليك منه انت جاي عشانا ولا عشانه؟
تركي : شوي شوي يا ولد خالي
فهد : بوم بالجبهه هههههههههههههههههههههههههه
تركي : ها ها ها مايضحك
ابراهيم وعزام كانوا يسولفون عن عبدلله
ابراهيم : وش اخر شي صار بينكم ؟
عزام : شوف انا ودي اطيح على حمد بس مالقيته اخخ لو ألقاه
ابراهيم : ماعليك انا اوريك وأطلعه من تحت الارض بس انت اول يوم تداوم فيه بالاختبارات القاك عند البوابه باخذك وبنروح وراهم (يقصد عبدلله) ونشوف حمد وينه
عزام : بس ...
فيصل قاطعهم :وش تهمسون لبعض ؟ ماودكم تعلموني ؟
ابراهيم : رح موب الحين نعلمك
فيصل : ليه وش فيه !
عزام : قلنا بعدين
فيصل : طيب
نروح عند عبدلله
كان زي كل يوم يفكر كيف ياخذ شهرة عزام وحمد من بعد ماصار له قبل كم سنه وهو يحاول كيف يعاقب عزام على فعلته حمد وعبدلله قاعدين يخططون وكل واحد لحاله ومايدري عن الثاني
باقي الشله يسولفون مع بعض
واحد من الشله:هيه بالله عاد بقى تحدي بين عبدلله وعزام؟
سالم : اكيد لا عبدلله تصفق منهم كيف تبيه يتحداه يادلخ
الي من الشله:الدلخ انت وانا وش يدريني
واحد ثاني من الشله: شفيكم تتهاوشون كله عشان تفحيط ههههههههههه..
سالم:لاعاد احلف مسوي طالع منها
2من الشله : يازين المعصبين ههههههههههههههههههههههههههههههههههه..
عبدلله: عن اذنكم
سالم : على وين!
عبدلله بدون نفس : طالع شوي وجاي
سالم : لحالك!
عبدلله : ياخي لاتحقق بروح وبس(وراح وترك سالم مستغرب من كلامه)
واحد الشله 1:اوهه نتف اون جبهتك
سالم : مالك شغل اسكت بس
2 من الشله:هيه هيه طارق شف كيف يصرف
طارق الي من الشله 1:ايه يوم سألته قام يزبد هههههههههههههههههههههههههه
سالم : انت وشدخلك بعد !
قاطعهم حمد..
حمد : ياعامر ..خلاص اسكت راسي مصدع
عامر : عيون عامر ههههههههههه
حمد : اقول امسك لسانك واسكتت
عامر : خلاص بنسكت
وشويات الا ودخل رائد عليهم
عند عبدلله
اول ماطلع ركب السياره ويفكر ومتأمل أنه يبقى خطه عشان يخرب على عزام شهرته ويغار منه كل ماشاف حسابه وناس يقولون تعال لمكان كيذا وفحط وتفحيطك فنان حتى المشاهير بالتفحيط ينادون عزام عشان كيذا عبدلله يغار منه أكثر من غيرة حمد على عبدلله المهم شغل الموتر وراح يدور بالحاره يفكر ويفكر وعجز مخه يطلع له حل
اما عزام وإبراهيم كانوا ينتظرون الاختبارات تجي عشان يلحقون عبدالله ويشوفون حمد ويتهاوشن معه ويفتكون منه
وريم كانت تفكر ب رائد وليش قاعد يهددها وكيف كان طيب القلب وصار كيذا طبعاً هي ماتدري عن الي صار بينهم بالماضي وكيف كان رائد وكيف كان وكل مافكرت بأمها تطيح دموعها بس تحاول تخفيها من الشباب عشان لا يشكون فيها .
أما خالد والعنود علاقتهم مستمره ولكن تصير بعض الهوشات ونوقف عندهم :
خالد :(عنودهه)
العنود :(لبيه !)
خالد :( لبى قلبك يا حب قلبي) "فيس قلب"
العنود استحت وحطت فيس مستحي
خالد :(هههههههههههههههههههههههههه يازينك)
العنود بارتباك:(ء ء خالد)
خالد : (عيونه)
العنود :( ء ء ابي اعترف لك ب شي)
خالد وأخيراً تجرأت وبتعترف لي بحبها :(ايه قولي !)
العنود بقوله ويارب مايزعل يوهه وتجرأت وقالتها:(انا مو بنت عمك )
خالد :( ايش!!)
ملاحظه :( ريم اول ماخذت رقمه قالت أنا بنت عمك عشان يمكن يستحي ويحذف رقمها بس ماصار !)
العنود :( انا مو بنت عمك ولا كنت اعرفك )"فيس مرتبك"
خالد : (وانا احسبك بنت عمي ليهه ماعلمتيني ليه! )"فيس معصب"
العنود :( بس خالد اسمعني انا ماكنت اعرفك وكنت خايفه منك وقلت يمكن اذا قلت اني بنت عمك بتستحي وتحذف رقمي بس حبينا بعض وصار الي صار )
خالد :(كذبتي ماتوقعتك انك تكذبين لدرجه ذي!)
العنود : (بس خالد)
خالد :( احذفي رقمي سلام )"فيس يد تودع"
وحذفها !..
العنود قعدت تبكي وتقول بخاطرها ~ليه يتركني وهو يعرف اني احبه ليهه مو هو يقول بتزوجك وين راح هالكلام بالنهايه أدنى سبب فرقنا ليهه يروح يوم حبيتهههه
أما عند خالد اول ماحذفها قعد يفكر ليش كذبت عليه ولا قالت الحقيقه وشي صعب أنه يتركها لكن صدمته كان يحسبها بنت عمه وكل يوم يقول لها بجي بيتكم وكانت ترفض وتصرف الموضوع يحسب أنه بيت عمه صدمه صدق.
نرجع للمخيمم..
نجي عند تركي اول ماشاف ريم كان يبي يكلمها بس مايدري وش يقول لو كانها ههه المهم بعد محاولات كثيره جاء عندها وقال:هلاا بالزين
ريم كانت تناظر ب جوالها انخرشت وحطت يدها ع صدرها : يوهه....خوفتني وش بغيت ؟
تركي : ابد حبيت اتعرف عليك
ريم ابتسمت غصب : اسمي ريان وانت ؟
تركي : والنعم وانا تركي
ريم : ماعليك زود
تركي : طيب وكيف عرفت عزام والشله ؟؟
ريم ناظرتهم كلهم وقالت: اكيد بالمدرسه
تركي : اوحح انت تدرس معهم
ريم : ايهه فيها شي؟
تركي : لا ابد .....شرايكم نطلع برا نتمشى ونتعرف على بعض اكثر ؟؟
ريم : لا مالي خلق اطلع يمديك تتعرف هينا
تركي : اوكي ...ليش تقعد لحالك؟؟
ريم : ههه كلن قاعد لحاله وانت تشوف
تركي ناظرهم كل واحد مشغول ب حاله ورجع لف وجهه على ريم وقال: ايه والله انك صادق
ريم : ادري..
تركي يتأملها ..
ريم ارتبكت : ءء..ءءشفيك تناظرني كذا؟
تركي : انت حلو وماتبي أحد يتأملك؟ حبيتك
ريم ماناقصني الا ذا يكفي رائد الي ناشبني وابتسمت له غصب : شكرا ..
قام ابراهيم وقال : يلا ياشباب احنا ماشيين
تركي يسوي نفسه حزين : لاا توني ماخلصت سوالف مع ريوني
ابراهيم : ههههههههه قم قم بس تأخرنا بوصلك وبروح البيت
تركي قام : لنا جمعه ثانيه هه
عزام : رح رح بس الله يستر عليك ههه
ريم ابتسمت له بس
وراحوا
بطريقهم للسياره
ابراهيم : وش قصتك ؟ حبيت الولد في ثانيه لدرجه مامشيت بسرعه !
تركي : يمكن حبيته هههه
ابراهيم : عز الله رحنا فيها ههه
تركي: ليهه!
ابراهيم : انت اذا حبيت الله يستر منك
تركي : هههههه اقول اوص اوص بس
ابراهيم يغمز له: ليكون خاق عليه !
تركي ضربه بخفيف : لا ماوصلت لـ ذي الدرجه
ابراهيم : خلاص اركب اركب بس هه
وراحوا..
بـ المخيم..
خالد كان مرهه متضايق لأنه ترك العنود وابد مافكر حياته كيف بتكون بدونها من يوم حذفها والجوال مامسكه بس يحاول يسلي نفسه ولا قدر راح يلعب بلاستيشن مع العيال ومازال يحاول يسلي نفسه وينسى الي صار ..
عزام طلع هو وفيصل يتمشون واساساً عزام يبي فيصل ب موضوع لحمد
فيصل :هات يلا وش كنتوا تقولون انت وابراهيم؟
عزام : اصبر ياولد وشفيك مستعجل
فيصل يحك رأسه: متحمس
عزام : طيب اسمع ..انا وإبراهيم اول يوم اختبار اذا طلعنا بنطلعنا مع ابراهيم عشان نلحق عبدلله ونشوف وين مكان حمد
فيصل : بس انا وانت وهو؟؟
عزام : ايه بس ولا نبي احد يدري
فيصل : يوهه حماس متى بس
عزام : قلت لك اذا طلعنا من الاختبار ماتسمع!
فيصل : طيب شوي شوي لاتاكلني
عزام : ههههههههههه ..
ببيت ام ريم وام حصه ..
ام ريم : حصه ماكلمتك ؟
ام حصه : لا والله يمكن تكلمني اليوم
ام ريم : أن شاءالله
ام حصه : الا انتي قلتي لبنتك عن سفرتك؟؟
ام ريم: لا باقي
ام حصه شهقت : هئئ ومتى بتعلمينها اخاف تجي هينا وماتلقاك وبتظن انك ماتهميها اذا ماعلمتيها
ام تضايقت: خلاص بدق عليها العشاء وبعلمها
ام حصه: طيب
دق جوال ام حصه
ام حصه: هلا..
......:هلا وغلا شخبارك؟
ام حصه : الحمدلله وشلونك انتي مع زوجك؟
.....: الحمدلله ءء يمه ودي اسالك
ام حصه : اسألي ياحصه اسألي ههه
حصه:يمه ..وين ريم؟
ام حصه نزلت راسها للأرض وقالت: يمه بنت عمك من يوم طردها ابوك وهي ماعاد رجعت الا ذاك المره .
حصه: يعني موب عندكم!
ام حصه : لاوالله عند صديقتها
حصه تحلطمت كانت تبي تعتذر منها على الي صار كانو صغار وتزوجت هي الحين بس مالقتها: طيب يمه تبين شي؟
ام حصه : سلامتك بنتي ؟ ما انتي ناويه تجينا؟
حصه : لا يمه ماقدر عند سعد اليوم شغل اذا قدرت جيتكم
ام حصه : أن شاء الله
وقفلوا الخط ...
ام ريم : وش قالت ؟
ام حصه : تقول ماتقدر تجي سعد عنده شغل
ام ريم : بالله ماعليه لاتزعلين شرايكم اليوم نعزم اختك ونستانس معها؟
ام حصه استانست : اكيد عادي
ام ريم ابتسمت : يلا دقي عليها وخلينا نزين القهوه والحلا لها
ام حصه : زين (وراحت تدق عليها)
ام حصه : الو سلام عليكم ...........بخير الحمدلله
.......وشلونك انتي............دايمه أن شاءالله............الا اقول وشرايك تجين .............حياك الله............الله يسلمك ................الله يحيك ويلا لاتتاخرين.......
...مع سلامه.
وبعدها راحت تساعد ام ريم في المطبخ ..
ببيت حصه
حصه بعد ماقفلت من امها دقت على العنود وردت عليها
العنود : هلا بهالصوت
حصه : هلابك ياقلبي
العنود : ايوهه اخبارك ؟
حصه: تمام من غير سعد
العنود : هههههه ليه؟
حصه : ماعنده حب ابد كل شي هواش واي شي يبيع غصب اسويه حتى لو مابي
العنود : الله يعينك
حصهه: ليه ماتجين عندي ؟؟
العنود: بس زوجك!
حصه: عنده استلام مابيجي الا بكره
العنود : خلاص بكلم البنات بعد يجون ونونسك
حصه : الله لايحرمني منكم حياكم الله
العنود : امين
قالوا الخط ..
والعنود دقت على نوال( صديقة العنود وحصه) وقالت لها تجي ببيت حصه
وكلمت رنا وهيفاء وجنان(أن شاءالله مانسيت أحد) وكل البنات واعزمتهم ببيت حصه
بـ المخيم ..
ريم : كانت تنتظر اتصال من امها عشان تتطمن بس لأنه يوم جاتها ذاك المره طلعت وماعاد تعرف اخبار عن أمها تعبت تنتظر وقامت بتروح الخيمه الثانيه الا وفهد قام
ريم ناظرته ولا هتمت راحت مشي على الخيمه الثانيه وتسمع صوت يناديها من بعيد : هيه رياان هيههه
ناظرت لـ وراء وقالت: خير! مين!
........: وين رايح انت؟؟
ريم استغربت من سؤاله : وين يعني؟ الخيمه
.........: ليه احسك مو على بعضك؟؟
ريم : ياخي وش دخلك
مسكها مع ياقتها : ياحيوان انا فهد ماتكلمني كذا تفهم! سألتك تجاوب وغصب بعد
ريم خافت بس تسوي نفسها ماخافت: خلاص اتركني واذا كنت فهد!
فهد عصب اكثر : نعم نعم !عيد وش قلت!
ريم بتردد:ءءاتركني
فهد : واذا ماتركتك!
ريم : ءء..ءمدري ..بس ..فكني
فهد ناظرها وبعدين فكها وقال: لا تحاول تعبث معي عشان ماتكون بالمستشفى .
ريم تعدل لبسها وتناظر حولها اذا فيه احد دراء عنهم ولالا والحمدلله محد دراء وتنهدت وقالت بصوت واطي : الحمدلله محد شاف شي ،اوف من فهد انا ألقاها من تهديد رائد ولا منه .
اذن العشاء وصلوا وبعد صلاة العشاء صارو يجهزون الاكل وريم كانت بالخيمه وهي كانت تتقلب ماجاها النوم وسمعت صوت فيصل وهو يقول : سلام
ريم بدون نفس : عليكم
فيصل : وش فيه الحلو زعلان؟
ريم : ماني زعلان ابي انام ممكن تطلع ؟
فيصل : توني شفتك مسرع تبيني اطلع!
ريم : بسرعه تعبان وابي اناممم
فيصل حس انها تصرفه وطلع
ريم اهتز جوالها بيدها وتنهدت بأنزعاج : منهو الي داق علي هالحين ( بس ناظرت الجوال وطلعت امها على طول فتحت المكالمه)
ام ريم : هلا بنتي
ريم : هلا بالغاليه شخبارك!
ام ريم: الحمدلله تمام
ريم : جعلها دوم يالغاليه
ام ريم ماعرفت كيف تقول لبنتها: يدوم عمرك ياحبيبتي
ريم : امين وياك
ام ريم : ريم انا ابغاك في موضوع وعشان كذا اتصلت عليك
ريم : وشو يمه ؟ فيه شي صاير لك؟
ام ريم : لالا الحمدلله مافيني الا العافيه بس
ريم خافت : يمه بس وش تراك خوفتيني
ام ريم تنهدت وقالت: انا بسافر
ريم : وين!
ام ريم : بروح لأمريكا بس مادري اذا برجع او لا لكن الاكيد اني يقعد سنه هناك
ريم الدموع متحجره بعيونها: يمه! تروحين وتتركيني !
ام ريم : يابنتي أنا ماراح اتركك بس برجع أن شاء الله لو خلصنا من عمك كان قدرت اخذك بس عمك (وانهارت بكي)
ريم تحاول ماتبكي : يمهه خلاص يمه تكفين لاتبكينن خلاص أن شاء الله ترجعين بالسلامه يمه لاتبكينن ماحب اشوفك تبكين وانا عاجزه ماقدر اسوي شي
ام ريم وقفت بكي شوي : يابنتي انتبهي على نفسك كثيررر لا ترجعين لبيت عمك الين ارجع عشان لا يسوي فيك شي
ريم : أن شاءالله يالغاليه
ام ريم : يلا انا لازم اقفل
ريم : الله يحفظك ياربي
ام ريم : امين وياك... معسلامه
ريم : معسلامه...
قفلوا الخط..
ريم اول ماقفلت طفت الجوال وانهارت بكي على الفراش تبكي وتبكي الين دخل عليها احمد وقال : العشاء جاهز ماتبي تاكل؟
ريم : لا شكرا شبعان
احمد: اوك على راحتك .....بس بسالك سؤال
ريم : اسال
احمد:انت كنت تبكي؟
ريم ابتسمت: لا وش ابكي بس عيوني فيها حساسيه
احمد: متاكد؟
ريم ابتسمت : شف هاذاني ابتسم مافيني شي
احمد : اشوا (وطلع)
ريم ~مالازم ابكي عندهم ذولا بيقعدون يسألوني أسأله مالها جواب بس شسوي انهرت ماني مصدقه أن امي بتبعد عني بعد كل هالسنين ولا مره ابتعدت عنه بس شسوي (وقعدت تفكر الين نامت)
ببيت حصه ..
اجتمعوا وسوالف وضحك
حصه : بنااات
البنات : وشفيه!
حصه: وشرايكم نتابع فلم!
هيفاء : اكيد يلا
شهد : بس مانبي رعب
هيفاء : احسن مافي الافلام هو الرعب هههه
مريم : نبي رومنسي ههه
حصه: خلاص نأخذ رومانسي
رنا : يلا صدق حلو
واتفقوا على رومنسي ..
قعدو يشوفونه وانسجموا معه ههه
العنود كانت طالعه بالبلكونه حقت حصه وقاعده مع نفسها وتسب في نفسها تعتقد أنها هي السبب في فراقهم هي وخالد ومرهه متضايقه من الي صار وصارت ماتتونس مع البنات لان كل تفكيرها فيه
العنود~معقوله صرت احبه لهدرجه ايه احبه بس ماتوقعت ل ذي الدرجه لا ماتوقع انا يمكن متضايقه بس لأنه زعل علي ( وضربت رأسها بخفه) اوفف وش قاعده اقول انا
وقعدت تفكر مع نفسها
عند البنات بعد ماخلصوا الفلم
نوال: مرهه كان يحبها
حصه : ايه انتي شفتي
نوال : لدرجه اول مازعلت منه عرف كيف يراضيها
حصه : يمه يجننون مع بعض
نوال : ههه صادقه
شهد : أطلق حب عقبالي احب زيها هههههه
حصه : مانصحك الحب يعذب هههه
شهد تغمز لها : ليه تحبين!
حصه : لا والله بس من الفلم عرفت أنه يعذب
شهد : اوك امزح ههههههههههه
هيفاء لاحظت العنود وهي قاعده لحالها وواضح انها متضايقه وقالت: بناات
البنات : هلا
هيفاء :تعالو نشوف العنود
كلهم ناظروا العنود وركضوا لها
هيفاء : وش فيك!
رنا : ايه صدق وش فيك!
انتهى البارت
معليش طولت عليكم بس كان لازم اكتب بارت طويل
وصلوا هذا البارت ١٠٠كومنت عشان انزل لكم بارت جديد
توقعات:
وش بيصير ل ريم وامها وهل بتودعها ولالا؟
العنود وخالد بيرجعون لبعض ولالا؟
فيصل وعزام وإبراهيم رح يشوفون حمد ولالا؟