💋Өдөр болгон бичих хэрэгтэй💋 Хүүе, юу ярина вэ? Тэмдэглэл бичихдээ чи хэдэн ч хоног алгассан болно, нэг өдрийн дотор хэдэн ч хуудас бичсэн болно. Хэзээ бичихээ чи өөрөө шийднэ бас цаганд баригдалгүй тайван, хүссэн бүхнээ л бич.
💋Миний амьдрал тийм ч сонирхолтой биш/үнэхээр уйтгартай болохоор бичиж чадахгүй байна💋 Чи тэмдэглэлдээ сонирхолтой юм бичихийн тулд өдөр болгон адал явдалтай учирч аль эсвэл супер од амьдралтай албагүй. Энэ чинь чиний л тэмдэглэл, чамаас өөр хэн ч уншихгүй гэдгийг үргэлж санаж яв!
💋Би эрэгтэй болохоор тэмдэглэл хөтөлж чаддаггүй. Зөвхөн охид л тиймэрхүү зүйлс бичдэг. Хэн нэгэн намайг тэмдэглэл хөтөлдөг гээд тараачихвал шившиг болно💋 Ийм тэнэг үзэл бодол бас байдаг аа??!! Тэмдэглэл хөтлөхөд хүйс ямар хамаатай юм, бүх хүн тэгш эрхтэй. Тэмдэглэл бичлээ гээд шоолуулсан хүн би лав хараагүй л юм байна. Бас олон тэмдэглэлтэй эрэгтэй найзуудтай шүү, тийм болохоор битгий санаа зов.
💋Би заавраар чинь өдрийн тэмдэглэлээ чимэглэхийг хүсэхгүй байна. Тиймэрхүү зүйлсэд үнэхээр дургүй тэгэхээр би тэмдэглэл хөтөлж чадахгүй💋 Энд үнэхээр утга байна гэж үү? Заавал чимэглэж элдэв зүйлс наах албагүй шдээ. Чи л өөрийгөө тодорхойлж байгаа болохоор өөрийн хүссэнээрээ л байлга.
💋Миний ах/эгч/дүү надад хувийн орон зай өгдөггүй. Тэд үнэхээр төвөгтэй, миний бичсэн зүйлсийг уншаад дараа нь намайг шоолдог. Сүүлийн 3 жилийн турш би өөрийнхөө яг юу мэдэрч, ямар үзэл бодолтой байгаагаа бичиж чадахаа болисон.💋 Нэгт. Сайн газар нуугаагүй л байна даа найз минь😘. Хоёрт. Чи тэдэнтэй нэг ярилцаад үзвэл яасан юм? Уурлаж, тэмдэглэлийн талаар сөхөхгүйгээр зүгээр л хүн бүрт хувийн орон зай хэрэгтэй талаар мөн чиний талаас харж үзэх тухай. Гуравт. Хэрвээ чи үнэнээсээ бичихгүй, хэн нэгэн унших байх гэж санаа зовоод байх юм бол энэ чиний тэмдэглэл биш болж орхино. Үнэхээр бусдаас ичиж худлаа зүйлс бичдэг бол ер нь тэмдэглэл хөтлөх хэрэггүй. Зөвхөн чи л уншина гэж бод, өөртөө итгэ!