#منقووووووووووووووولة
.
.
.
.
"انثى واجهت القدر"
...السادسه عشر...
رن الفون
سكووت الكل يبحت في احمد
شافه لقاه مسجل "نونو"
شك وفتح: منوو انتِ
....:استر احمد شن يدير فون هنود عندك
احمد انصدم: نور!؟
نور: اها نور عطيني هند
احمد: بعد بكرا جاي بناخذك راه
نور: شوف انا رضيت نجوز بدون عرس لكن نبعد على هلي ونمشي لا متحلمش
احمد: على كيفك ماه را قاري عليك فاتحه يعني مراتي
نور سكرت في وجه
نيروز: حي عليك كنك تحكي معاه هكي انتي
نور: اوف اوف شنو يحساب روحه ااه نا مش حنمشي معاه كل شي خرب كل شي حتى عرس كيف البنات ماحصلت
نوره: ايااااه علينا سكنتي عرس عرس شن هو عياط وقلب راس ويخش يصور ويطلع وكنك على التصوير تلبسي فيلو وتجيك مصوراتيه فالحوش متقلبش روسنا عاد وردت اتكت على السرير
نهال: صدقت فيك الحق
نور حست ان نوره نوضتها من الانانيه الي كانت فيها وكيف ادير وهي تعرف ان الشي هذا مش بيد حد نصيبها وضروري ترضى بيه قعدت تبحت شويه بعدين رنت على احمد ماردش رنت من جديد
احمد: ها
نور:ها؟!
احمد: نور بااختصار شن تبي انتي الي رانه وتــ
نور: سامحني
احمد سكت
نور: احمد نا عارفه غلطت فيك واجد وسمطتها وكانت الانانيه عاميه عيوني ونا عارفه ان الي صار مش بيد حد وهذا نصيبي عشان هك نا اسفه
احمد قعد يبحت فالشاشه ويتأكد من الاسم ويرده على وذنه: انتي منو؟
نور:😱كييف نا من
احمد: انتي وحده داير روحها نور صح
نور: احمد حط ايدك على راسك بسرعه شوف حرارتك حي عليا شن فيك را يقعد ركبك جن
احمد: هههههههه نعن جدك تو تأكدت انك نور بس شن غيرك فجئ هك
نور: شي بس فطنت لروحي احمد بلييز تعالو انتو وردو لطرابلس رايفنا عليكم موت والله حوشنا متنكد وكلهم كيف الزومبي وطبت فيها الفرشه لين عطيت..نعن وجك ياكلبه يانيروز والله نوريك يامتوشحه وصبت تجري وراها ونست احمد الي كان منفلت من الضحك ويسمع فيهن يتعاركن
نيروز: اطلقي شعري
نور: تطلقي انتي الاول
نوره طلعت من الدار وقبل ماتسكر الباب: نهال نصيحه اطلعي من هنا احسلك
نهال جت تجري شور الباب طب فيها صندل نور: تي والله نمشي نكلم اسلام باهي.. وطلعت
نور نطت: حي علما سمعتيها لفي الدار بسرعه
نيروز: حتى انتي
لفنها بسرعه وقعمزت كل وحده على سريرها
نور مسكت التلفون: هييييييي انت مزلت على التلفون
احمد:.....
نور: احمد وقعدت تسمع في نفسه وهدوء عرفاته رقد سكرت ورقدت حتى هيا
...فالصبح...
كان كل واحد عنده شي يبي يديره ويحاول يحققه احمد قرر يقنع بابا نردو طرابلس ويديرها لنور مفاجئ
نا فرحانه بكل ان اياد قريب يروح لطرابلس وفي نفس الوقت حاطه املي على احمد
هاني وهبه ومعاذ وهيام نفس الشي
ماعدا هند الي كانت رافضه نردو ومأيده لرأي بابا عشان رامز يجي يخطبها بسرعه
ماما مستغرب التغيرات الي صايره فينا وكأنها عارفه كل شي
ثراء: مشت لبنغازي هكي سمعت
....: ااه متعرفش ليش
ثراء: قالو جدتها ماتت
....: باه امتى ترد
ثراء: منعرفش
....: باه اوك وانتي خلي عينك عليه كيف ماقتلك
ثراء: مزال مارد هو اصلا
....:مصيره راد
ثراء: اوك
.... سكر في وجها
ثراء ماسكه راسها بين يديدها وتخبط فيه بشويش: ااه راسي يوجع فيا وناضت تمشي وتمسك فالساس خشت لمطبخ خذت حبتين اسبرو من الثلاجه ومشت لدارها اتكت على السرير خذت التلفون وخشت لصفحه اياد وقعدت اتفرج وتحفظ فالصور متاعه في موبايلها ودزتلها طلب ايضافه
نوره: حبيبيي
هاني: عيونه
نوره:رايفت عليك
هاني: حتى نا
نوره: ردوو لطرابلس حبيبي ارجوووك
هاني: يانوره باتي مصكر راسه حاولنا معاه شي قال هذا حوش امي مش حنسيبه
نوره: الحوش الي كنتو فيه جنبنا قعد فاضي والجو مكسد بكل
هاني: اكيد حنردو وحنقنعو باتي المهم قاعده تحبيني انتي😍
نوره: انلاء
هاني: نقتلك بعدها ودمك يقعد عصيري
نوره: هييي سفاح
هاني: يحبك السفاح
نوره:...
هاني: اوي يامرات السفاح وينك
نوره: بلا براده هنوني
هاني: هنوني😑معش تقوليلي هك كرهتيني في اسمي الزح😠
نوره: هانو
هاني: وراس امك ارحميني مفش داعي ادلعي اسمي دلعيني نا بس
نوره: غباء ما اسمك لك انت اصلا
هاني: نوره
نوره: نعم
هاني: من معلمك الغباء اكيد الهبله نيروز اصلا غبيه بكل والله تهيالي تعادل اينشتاين في كميه الذكاء بس هي غباء
نوره: هههههه حي عليك كان تسمعك تخليك تعرف ذكاء اينشتاين الحقيقي
هاني: متقوللهش عارفها جالطه نا...خطرها
نوره: نعم
هاني: معش تصوري في موبايلك اوك
نوره: ليش😱
هاني: هك ماشور شي معش تصوري فيه عندك كاميرا اوك لكن موبايل لا ولا خزني على الميموري ونزليهن على اللاب
نوره: اها حاضر
هاني: نعاليا منها
نوره: منو
هاني: حني تي الي تقول في حاضر من غيرها
نوره: اممم
هاني: فكيني من امها الامم متاعك هذ ايوه را تمزط فيا
نوره: باهي اهدى حبيبي معش نقولها خلاص وانت تقول بالع راديو من امبدري تحكي و...سكتت🙊
هاني: كملي كملي زيدي وتعالي اضربيني اخرى ومتنسش تجيبي كشيك اللوح معاك
نوره:هههههههههه
هاني: تضحكي😠😒
نوره: اسفه والله اسفه
هاني: باه خلاص سامحتك
فجئ خشت نور تعيط: اياد جى بسرعه تعالي سلمي عليه
نوره: باه حبيبي نكلمك بعدين
هاني: اوك باي
نوره طلعت تجري لقت اياد مقعمز على الصالون ويهدرز مع ابراهيم وامير واسلام وسعاد جنبه والبنات معششات عليه مشت زقبت جنبهن وجت في كتره واضبطاته: راااااايفنا عليك خززي
اياد: متت نا راه وعليش خزي ياشفشفه
نوره: عشان طولت ونزلت جنب ركابه جبتلنا هدايا
اياد: ونا نقول كنهن كلهن هنا مجبتش تريحن
كشخن كلهن وسكتن
سعاد: استر حتى مع خوكن مصلحت ارواحكن بس
ابراهيم: مش غير
اسلام: ضاربهن جفاف صحراوي
امير:ههههه تستاهلنً
اياد ضرب نوره بكراعه من تحت: جبتلكن يامشفشه انتي وياها غير ورني سنونكن بس
نيروز: نجك لنا رايح تهبل لحيه وشعر طالقهن وجو تاريهم الطليان اثرو عليك
اياد حرك راسه على جنب وحط يده على شعره من لاوره وضحك: صقع عليك ياقرده وبحت في نور شن جو احمد
نور: تمام
ابراهيم: قالي بكرا جاي هنا
اياد: ااه ربي يوفقه وحرك رقبته..نقني تعباان
سعاد: خش ادوش وارقد
اياد: ااه نعرف وصبى وكر معاه الشنطتين
نهال: والهدايا امتى
اياد: بعد انوض تو نعطي كل واحد هديته ومشى خش لداره
#اياد
سلحت الكبوط ورقدت على السرير وفتحت التلفون خشيت على الفيس وكتبت رساله لهنو "منقدرش نوعدك بحياه مفهش ولا مشكله او سعيده ديما الشي الوحيد الي ممكن نقدر نوعدك بيه حبي لك حيكون ابديي"ومبيتش نرسلها قلت فاليل عشان نكلمها دغري بعدها
نضت خشيت للحمام فتحت الميه على الساخن وادوشت وطلعت لبست سرول اسود غليظ وتنبلت نلبس الماليه خشيت للفراش ومعش نندري على شي
هيام كانت متكيه جنبي فالمربوعه ومقعمزه على اللاب وفاتحه فيس شويه جاها مسج لقاته من يوسف "عظم الله اجرك"
هيام دزتله"اجرنا واجرك على الله"
يوسف"كيف حالك وينك معش جيتي للمدرسه؟"
هيام"ردينا لبنغازي معش بنردو😢"
يوسف "كييييف😠😨ليشش"
هيام"!..بابا قال خلاص نردو نعيشو هنا"
#يوسف
حسيت روحي بالغت بعد دزيتلها كيييف وليش وحسيت روحي زعلان مش عارف كيف وكتبت "حاولي تقنعيه تردو." وحذفتها وكتبت"ااه" وحذفتها وكتبت" باه شن اديري توا" وجيت بنحذفها اندزت😂💔
هيام"شي مقعمزه جنب خواتي فالمربوعه"
يوسف"رايفت عليك"
هيام"😳"
يوسف نعن شن درت نا وكتب"قصدي رايفنا عليك فالمدرسه😁😂حتى فالفصل يسألو وهك عرفتي"
هيام ضحكت"ااه حتى نا🌚"
يوسف"حتى انتي شنو؟"(يستعبط)
هيام"رايفت عليكم"
يوسف" لو حذفتي الميم بس😢"
هيام"عفوا؟"
يوسف"شي شي"😂😂
هيام"يوسف كنك انت"
يوسف"كني😳"
هيام" نحس فيك غبي اليوم"
يوسف" شكرا ياذوق"
هيام"هههههههههه والله ماقصدي هك قصدي كنه تصرفاتك غريبه"
يوسف" علمي علمك"
هيام"باه عن اذنك توا"
يوسف" منقدرش نعطيها لك للاسف"
هيام"😂😂😂ربي يهدي"
يوسف"اجمعين😒"
هيام"🐸"
يوسف"يشبهلك"
هيام"هييي ياكذاب والله الا نسختك"
يوسف"تي باه باه"
هيام ضحكت وطلعت من المحادثه لفت وجها لقتني نبحت فيها: كنك
انا: انتي الي كنك فمك قريب انشرط وتسحوني على الصالون تقول فيك دوده
هيام: بارده
هند: وووووو
نحن: كنك😱
هند: رامز جاي مع هله اليوم
نا: مشالله
هبه: ريتي طلع ميكذبش
هند: صقع عليك حبيبي
هيام: انا نبي نرد لطرابلس حاسه روحي متلخبطه هنا قرايتي انقطعت عليها وكل شي نحس فيه مختلف
نا: بكل حتى الجامعه نحن
ماما: شن في
نحن بحتنا فيها
هبه: جايين خطاب لهند
ماما: اليوم
هند: ااه
ماما: هيي وكنك ماقلتي جبنا حلوايات وموالح عليك فضيحه وقعدت اضبح احمد، احمد
احمد: نعم ياامي
ماما: جايين خطاب لاختك امشي جيب نوعين حلو وثلاث انواع موالح
احمد رفع حاجبه: اي منهن
ماما: هند
احمد بحت فيها لقاها مش قاعده😂:باه ساهل
ماما: توا وخوذ معاك هنو تساعدك
احمد: باه هيا خمس دقايق متطلعش نفوتك
نا: باه😒ومشيت لبست وطلعت نرجى وصبيت جنب الباب
احمد طلع من داره لقاني في وجه: بسم الله حلك
انا: يعني ترجاني نلبس لبسه اخرى ونجيك
احمد: عينك قدامي بسرعه
ماما: انتنننن
هبه: نعم ياماما
ماما: امشي انتي وياها بسرعه لفن الحوش وبخرنا وبذات دار الضيوف معاذ مخيلها جيفه بالدخان متاعه
هبه: به
هيام طلعت معاها وهبه خشت للمطبخ
انا واحمد كنا فالحلواني
انا: خوذ اهو طعمته حلوه
احمد: باه امي قالت نوعين بس وانتي هذا سادس نوع تقوليلي خوذ اهوا😑
انا: باه خلاص خوذ من هذينا الاثنين احلى وحدات
احمد لف على على الشاب وقال عليهن واتكى على القزاز لف وجه جيهتي لقى المحل يكدس تقًول اليوم العالمي للحلويات كرني شوره وحط يده على كتفي وخذا طبق الحلويات وطلعنا
انا: ووه عليك دنيا المحل يردس ردس الستر
احمد: من امبدري وانتي تقولي فيها خلاص اسكتي شويه
انا: صقع بكل
احمد: مش غير سميطري خلاص خذينا كل شي ااه
انا: اها خطرها مش على اساس بكرا ماشي لطرابلس
احمد: ااه بس نبي نقعد غادي ونقنع باتي يرد حتى هوا
انا: ياااااريت وسكتت لان حسيتها مبالغ فيها جت
احمد رفع حاجبه وبحت من الجنب: عليش الياااريت هذي كلها انتي
انا معش عرفت شن نقول: اه ااه ما رايفت على بنات عمو ابراهيم وجوهم
احمد: ااه (بعدم تصديق)
انا قعدت ساكت لان حسيت لو قلت كلمه اخرى ممكن نعميها
خشينا للحوش لقيناه دااافي وبنت البخور تغبق والفرش منظم والطاولات والفازات يلمعن
احمد صفر: انشالله ديما جايينه خطاب ياc
هيام نزلت لابسه سروال جينز هافت وعليه ماليه شتويه سوده في رسمات ودايره شعرها ذيل حصان وداير كحل وروج هادي: صقع عليك اصلا ديما هك نحن
احمد: ااه بكل على قيس شعركن الي يجيب ستين قبلي وتوا كيف صاير منك
انا فتتهم وخشيت غيرت وطلعت لقيتهن كلهن مغيرات وهند لابسه سروال واسع وكعب عالي واجد والماليه قصيره مبينه جزء من بطنها وضابطه
انا: تهبلي طالعه ياقرده
هند: اسحبي كلمه قرده🙂
ماما: باه امتى جايين هما
هند: تو نرن نشوفه
ماما رفعت حاجبها وقرناته: وعندك رقمه اخرى
هند تلكمست: ماهو احم
ماما: باه باه غير رني توا
هند خشت للمربوعه ورنت على رامز مردش
رنت مره اخرى رد
هند: الو حبيبي ها وينكم تأخرتو
:.....................
هند طاحت من طولها وعيطت بقوه وبصوت عالي
و...
#يتبع
زعما شن صار وشن سمعت هند؟ وثراء عليش حفظت صور اياد في تلفونها؟ احمد هيقدر يقنع باته؟ يوسف ليش زعل هك وليش كان يحكي بالطريقه هذي مع هيام؟
هذا كله حتعرفره في الحلقات الجايه باذن الله❤️
ورايكن يهمني
زيزو.....