#الجزءالـخامس_عشر🗣🌟
#قصةريـمـااا ...🎀
#بقلم #نـشووووى_السـلطاني
#الناشربارق_العراقي
صكر.: وصلت بفرع بيت جدي شفت سيارة امين عبرت من بعيد.. معقوله بيت عمتي هين
ريما.: صاحتلي زينب كمت رحت لكيتها بالمطبخ واكفها وكفت يمها بس احس فشلانه منها ومن كل بيت خالي لأن وافقت بشير وقهرتهم
زينب.: تعالي عيني تعالي شنو هاي حليانه وسمنانه متغيرة جثير ولو بذاتة انتي ولا تسألين
ريما.: لا والله موبذاته بس عرفتي شلون جانت ضروفي موبكيفي والله
صكر.: فتحت باب بيت خالي شفت الاطفال يلعبون بالطرمة وهوسه صايرة.. تمشيت وكل خطوها امشيها احس يروح نص حيلي مادري ليش صار عندي إحساس راح اشوفها دكات گلبي موطبيعية امشي وكلي لهفة وشوگ
ريما.: جنت مندارة وبضهري باب المطبخ
شفت زنيب انتبهت عالباب وابتسمت
صكر.: وصلت المطبخ الباب مفتوح كله انتبهت
ريما واكفه وشعرها مفتوح على طوله اسود مثل سواد الليل ماكدر بعد انتهيت من شفتها
ريما.: حسيت احد وراية عطر صكر صار بخشمي انداريت وعيون صكر صارت بعيوني
بقيت بس واكفه مصدومة معقوله شفته والتقيت
بي عيون صكر تعاين عليه من فوك لجووة ابتسمت ودنكت...
زينب.: احم احم تعال صكر فوت ماكو احد بس ريما .،،
صكر.. : مشيت خطوتين وصرت كبالها..وشعرها على وجهه وهي مدنكة اخذت عقلي والنوب خجلانه مني ومرتبكة اشوف اديها يرجفن وهي تلاعب بشعرها ااااخ الله شكد مشتاك الها يبعد جدامي جدامج وكفت يمها همست بصوت ناصي .. شلونج.يريما..؟
ريما.: تقرب مني رفعت راسي عليه دحجت بعيونو سألني همس .. بكلبي كلت شلوني جنت ميته وهسه احتييت... كتلو الحمدلله بخير انت شلونك..؟
زينب.: راح نبقى واكفين هين لو شنون.؟
صكر.؛ عساج دوم بخير لا تخجلين مني تراني صكر مو غريب يولو ابتسمت الها بتسامه خفيفة وانداريت اكول زينب منو هين
ريما.: لا بالعكس موخجلانة...
صكر.: ايييي واضح موخجلانه.. المهم اني اترخص عجل يابه اخذو راحتكم ..
زينب.: تعال وين رايح..هييين
صكر.: خلي اسلم شبيج... دخلت للهول دكيت الباب
الجميع.: هلا والله تفضل ...
صكر.: فتحت الباب هوسه كلهم كاعدين ماشاءالله كلكم راح اعايديكم تره مالي حيلكم..😵 هههه مابيه ابووس... يول يابة🤒
الجميع.: ههههه عريس ان شاءالله وتاخذ الي ابالك ..، تعال اكعد.. هينة
صكر.: كلمن يعايدني يكلي تاخذ الي ابالك مايدرون الي ابالي اخذها بشير مني رحت سلمت على جدتي وعلى الموجودين وعلى عمتي وكعدت بس احس روحي بقت يمها بقيت احوص يالله شلون طالعه غير حليانه بنت الاوادم تريد تاخذ عقلي.. بحسنها
ريما.: شكد عيب جة صكر واني بدون حجاب نسيت نفسي..
زينب.: جان بعد وكت من اتذكرتي ههههه حقج تنسين صارلج شكد موشايفته
ريما.: شمدريني والله نسيت نفسي
اية.: فتحت باب المطبخ وطبيت ركض ها ولج احجي شفتي مووو كولي بسرعةةةةة
ريما.: عزة بعينج شكد مفضوحة.. اش شبيج
اي شفته وشافني ارتاحيتي ..
اية.: هلا هلا ...يمة كلبي من يمي انتهيت اشحالكم هسة
صكر.: واني كاعد يم جدتي اسمعهم بطاري طلاك بس مافهمت السالفة... عليمن ديححون؟
ام صكر.: يعني ام امين شعجب الحجية وافقت وخلت بشير يطلك...موهي ماتقبل
ام امين لا وين ماتدري والله اخذو الزلم طلك جوة وهي من سمعت تخبلت وتحاجيت ويا ام بشير
صكر.: الكلمة نعادت ابالي و ترن رن من كالت امي شعجب وافقت عالطلاك... يعني معقولة ريما انفسخت خطوبتها نهائي !!! بقيت افكر شلون راح اكدر اسأل كلها كاعده!!
ريما.: لبست حجابي وطلعنا للحديقه اني وايه وزينب وبنت خالتي الصغيرة مها.. صديقة ايه
زينب.: يولو خطية صكر لحد الان مايدري بالطلاك
ريما.: حتى لو درة ماتصور بعد امري يهمة
زينب.: ولج بطرانة انتي لو صحيح جان انتي اقرب مثال النفسج ماكدرتي تنسين تريدين صكر ينسى والله يموت عليج..
ريما.؛ بس مقهوور مني اعرفه😔
زينب.: الي يحب يسامج وانتي الحمل جان عليج ثكيل لاتخافين متاكدة راح يسامحج..
صكر.؛ لازم اطلع واشوفها احس روحي ماشبعت منها خلي اطلع حتى لو اشوفها من بعيد وبطريقي اطلع على قاسم كبل مايجي ويفضحني فتحت الباب وطلعت يله استأذن اني
ام صكر .. يولوو وين بعد وكت
صكر.: قاسم ينتضرني ماكدر اطول يله مع السلامة..
ريما.: طلعت بالحديقة اريده بس يطلع ماكو لزك جوة ولا مهتملي بقى كاعد يمهم ..
صكر.: فتحت باب المطبخ وطلعت مالكيتها هاي وين راحتن بس لا فاتت جوة امي شطلعني شلون راح اشوفها .. اهوو طلعت للطرمة
شفتها واكفه وتضحك ويه البنات احس روحي ردت من شفتها واكفه والضحكة مالية وجهه
دحجت عليها ومشيت ماكدر اضل واكف
ريما.: شفته طلع يمةةة والله احس جنت مينة واليوم ردتلي روحي شدعيلج ليلى من خليتني اجي واشوفو .. واشوف طوله الحلو ونضراتة التكتل وهو يدحج عليه مدري شيصير بحالي
زينب.: وين صكر وين رايح ..
صكر.: ها يولو يبعد اخوج اريد اطلع تريدين شي
ريما.: يحاجي زينب ومامهتم جنت متوقعه راح يجي متلهف عليه..!
زينب.: غمزت الاية... وركضت على صكر...
صكر.؛ راح تكعين يولي على كيفج
زينب.: صكر تعال هناك عندي شغلة وياك
صكر.: وين هناك يعني وشني الشغلة هاي
زينب.: بس امشي والله موشقى شبيك
صكر.: عجل امشي جدامي خلي نشوف شكو اطلعت جدامي تمشي وكفت جوة في الشجرةة
طلعت فلوس من جيبي كمت احسب اريد انطيهه
زينب.: هاي المن صكر.شبيك ماريد فلوس
صكر.: يولو عجل شتريدين خلصيني ليش جبتيني هينة احجي شبيج..!
زينب.. : صكر امممم اريد اسالك
صكر.: دحجي عاددد شبيج يولي
زينب.: ريما تطلكت من بشير..
صكر.: اي ادري سمعت وبعد شعندج؟
اية.: رحت شاورت ريما كتلها صكر كلي خلي تجي اريد احاجيها..
ريما.: انصدمت شبسرعة يريد يحاجيني زين بيا وجه راح اروحلة اكيد راح يبقى يعاتب بيه اووف
امشي وخايفه شلون راح اواجهوًوو واخايفة امي تشوفني اذا تعذرت و مارحت راح يزعل
صكر.: زينب بطلي ملاعيبج احجيلي شيدور ابالج تره اعرفج شتخطيين..، يولو وينها خلي تجي
زينب.: شفت ريما اجت تمشي وصارت واكفه وره صكر كلت تعالي ريما قبل مااحد يجي اركضي هاي جتك ريما
ريما.: تقربت وصرت يمهم واكفه الدنيه بين المغرب وبين العصر واكفه وخايفهً احد يشوفنا
زينب.: اني اروح اخذو راحتكم طلعت ركض حتى اراقب الهم الوضع
ريما.؛ تعالي هين وين رايحة..يولي
صكر.: عوفيها خلي تروح تعالي انتي...
ريما.. اني
صكر.: ليش اكو غيرج.. دتعالي..ابتسمتلها بتسامه خفيفه جان من الاول كولي اريد احاجيك ليش هالحركات يحلوه
ريما.: بخجل ..:لااا والله تره اني مادري همه صاحولي وكالو صكر يريدج
صكر.؛ تقربت منها. هاي من شوكت صرتي تخجلين مني يولو اني صكر..اني اريدج كل يوم موبس اليوم
ريما.: خايفة منوو خايفه يسألني و يبلش العتاب
وخجلانه منه كل مايتقرب اتووه
صكر.: بس اسألج سؤال واحد جاوبيني عليه
(شنون انطااااج گلبج )هيج تسوين بيه هان عليج صكر مافكرتي بيه
ريما.: عرفت راح اتخله بهذا الموقف ماعرف بعد شنو اجاوبه ارتبكت واختنكت كتلو صكر والله اني..!!!
صكر.: شفتها شلون تخربطت ماتعرف تجاوبني كسرت خاطري تقربت وحضنتها بقوة وكلت اششش يبعد صكر وعشيرتو واهلو تقربي والعتب خلية الماضي مانريد نثيرو اهم شي انتي جدام عيني هسه تسوة كنوز الدنية عندي يبعد صكر انفاسج
ريما.: يمةةةة ماصدكت من كال هيج جنت متوقعه راح يبلش بالزرايل والعتب وشما يحجي حقه اني الي تركته ماتمسكت بي
صكر.: بصوت ناصي كلت ساكته بشنو تفكرين يولو منهو الماخذ بالج ؟؟
ريما.: مو ساكته بس مامصدكة نفسي جدامي واكف . هين يعني منو الماخذ بالي غيرك
صكر.: حضنتها حيييل ماحجيت شي بقت بحضني ساكته
ريما.: كل مايتقرب شوي اني انتهي اخجل مدري شيصير بحالي اعظام جسمي احسهن يطكن طك كضب خصري واني ارجف
صكر.: ادحج عليها غدت حمرة انتهت يولو
احب اتلعثمج لمن الاگيج احبج وانتي مرتبكة مني يولو شبيج انتهيتي ليش ترجفين�
ريما.: من اشوف طولك جدامي والله انتهي
' دحجت بعيونو وكلت إن جام ذبحي من عيونك نصيبي أموت لعيونك ولا ،أحسب حساب
صكر.: الله هالله ياحلوج انتي يبعد طولي طولج اسم الله على عيونج ياعيون الريم انتي
ريما.: تفداك عيني ونضرها مستحيل بعد ابعد عنك شفت الموت بعيوني والله 😞
صكر.: لا تجيبين طاري الماضي شتفقنا وبعدين تعالي كوليلي ليش هيج حليانه لو ادري من زمان تفاركنه..
ريما.: لا والله كل يوم محسوب عندي بسنة
بس شسوي صارت بعد
صكر.: اششش ماسمع شي غيري الموضوع
ريما.: صار حبيبي مثل ماتريد خلي اروح خاف احد يجي
صكر.: يولو دحجي عليه شكلتي.. !
ريما.: حبيبي مثل ماتريد...!
صكر.: يوولو احتركو اهلي شكثر مشتاكلج لو بس تدرين ااااخ الله ...والله هديتي حيلي شسويتي بيه
ايه.: مديت راسي وكتلهم يولو دحجو عليه امي تسأل عليج.. تعالي يله كتلهم ورجعت اراقب الوضع
ريما.: سمعت صوت ايه دفعت صكر وكفت على صفحة
صكر.: اهووو هم طلعولي شلون بيه اني ماكدر اشبع منج ..
ريما.: اطمن حبيبي بعد محد يكدر يمنعني عنك لو وكف كل خلگ الله بوجهي لو صكر لو بلاها هالدنيه.. اني اروح هسه.. يبعدي
صكر.: شحلووو من تكولين صكر تعالي دحجي عليه اكولج شي .. كضبتها يولو مشتاگلج و مايــرحم الـشوگ تدني علية ماصبر بعد 🙈🙈🙈
ريما.: اششش لا لا اروح اني ضحكت ضحكة دلع ومشيت
صكر.: احتركو اهلج وين رايدةةة
ريما.: ركضت وعفتو رحت وكفت يم اية ومها
وزينب جانت واكفة بالمطبخ شافتي طلعت
فتحت الباب وجاي تتمشى عليه
صكر.: طلعت اتمشى طبيعي ماخليت احد يحس واني امشي شفتها جدامي كاعده بالحديقه هي والبنات.. غمزلتها بطارف عيني ومشيت طلعت عالباب..
ريما.: فات جدامي يمشي وغمزلي بعيونة ارتبكت خفت البنات شافوه 🙈 ابتسمتله ودنجنت
صكر.؛ طلعت مو مصدك نفسي شفتها وصارت بحضني وبشير مطلك اليوم شمسوي والله هيج فرحني الف الحمدلله طلعت ادور على قاسم اريد ابشرة بالطلاك
ريما.: جنت اشوف الدنيه ضلمة بس بعد ماشفت صكر وشتميت عطرة واخذني بحضنا
حسيت اليوم اجمل يوم بعمري موصدكة طايرةةةةة فرح ماريد بعد ارجع على اهلي
مرت الايام وبيوم اني كاعده اغسل مواعين
شفت ام صكر وزينب جايين علينا.. نشفت ايدي
ورحت فتحت الباب.. هلا خاله شعجب منين طلعت الشمس..
ام صكر.: هااا تريدين نرجع.. ههههه
ريما.: هههههه كل خطوة هلا نورتو البيت والله
زينب.: بصور ناصي طبعا عيني من ريحتة صكر تكيفين علينا مووو
ريما.: ههههه لا يولي دفوتي مخبلة
اكعدر خاله هسه اصيح الامي.،
ام صكر.: خاف نايمة عوفيها..
ريما.: لا والله كاعده هيان جتي..
ام امين.؛ هلا والله شعجب شدالكم منو فتحلكم الطريق..
ام صكر.: شو مستغربين من جيتنا ليش موجايين كبل..
ام امين .؛ موصار فترة موجايين من صارت المشاكل..
ام صكر.: ماكو مشاكل بعد كلشي لازم انحلة
زينب.: تره ماعندي صبر اني...
ريما.: بقيت فاتحة حلكي شنو السالفه شكو
زينب.: خاله مدخل بالمفيد نريد ريما لصكر لاتطلعون بعد حجة بشير وعافهه...
يتبع