عاشق من بني النعمان

الخاتمه

💙مساء المحبه💙
....نازك الحمراني.
الخاتمه. 

......
اختفى نيار...
أتلمست الحايط مااريد اوكع للكاع..
مغص قوي أجاني..
ايدي اليسرى عل حايط..
واليمنى بورى ظهري..
اريد احفز جسمي انو اني مااريد أوكع
لان حسيت اذا وكعت هاي نهاية حياتي
كلش دخت سندت جبهتي للحايط..
مقهوره على نيار..على ادهم تعب بسبي
على وضعي واني أشوف أمي"وأختي سفالتهن
لو والدي المريض..
اطفال عماد الي محد بحالهم..
اريد أناقض نفسي...
دموعي توكع واني اعرف..على نيار
موحبآ بيه..
بس الوم نفسي. اني السبب خليته يتعلق بيه..يحبني
بس من جد الجد
تركته...
نيار اعذرني
دموعي وكفن.حسيت ايد تلمست كتفي
مسحت ادموعي بيدي..
درت وجي بقوه...لان محتاجه اصير قويه
بسبب وكسات الدنياد
علمت نفسي
اشوكت اضحك..
وشوكت ابچي..
وشوكت اصير قويه..
جريت نفس  التفت له..
و اشوفه يلهث تعبان..
قميصه السمائي ممزق.
صولجانه بيده..مثل طالع من حرب وي عفاريت
خصلات شعره متمرده على وجه العركان...
دفعته من صدره...
صميت ايدي حيل...اضرب بيه على صدره..
-لا تجيني كافي نيار اتركني حرام عليك
اريد اطلعك من راسي...اضرب بيه وهو واكف ميتحرك
-أميرتي البشريه انتي صدى صوتك ناداني
لا اقدر على ان لا اجيب صوتك
-اسكت ارجوك انت مااعندك دم ياأخي
اعتقني "اعتقني
تعبت كلش من كد مااضرب بيه وكعت اشوي اشوي
الى ان صرت يم رجله..
ابچي بقوه..ودموعي تجري

فزيت على صوت أدهم..
التفت لكيت نفسي على السرير..
ادور نيار...
احسيت بنفسي غركانه من كد التعرق..
ادهم دي مشط شعره ومبدل يروح للدوام التفت عليه
-صباح الخير حبيبي البارحه فلا نمت
ترجفين أغطيچ
تتعرقین اشيل الغطاء.. وبقیت خفاره للصبح..
وری الفجر یله هدئتي..
-أني لعد وين چنت اذكر چنت بلمطبخ..
-اجیت بتسعه من محل آخوي..
لكيتچ نایمه بصاله...
شلتچ وجبتچ للغرفه مکدرت اکعدچ انطیچ العلاج
الیوم بلیل تاخذين مال يومين
كالها وهو يبتسم"ابتسمت له واني افكر بالي ياعلاج
الدكتوره انطتني أبر وحبوب كرط..
-أني علاجي منتظمه بيه....كعد عل كرسي يلبس حذائه
-هههه علاج الشقيقه..
-ها الدكتوره كالت موزين على الطفل..
تالي أذكرت واني اشوف نظراته وهو يغمزلي..
-أعتقد تردين علاجچ هسه آقترب مني منصى جسمه
ویفتح آزرار القمیص الفوکانیه..
-شدا آسوي
-أكنسل الدوام لأن مريتي لساها متعرف علاجها ههههه
خجلت منه واني اكوم
-روح ادهم للشغل واني دا اكول المن ينزع القميص..
دفعته خارج الغرفه..وهو يضحك
-لچ بابا علی کیفچ آدفعین حیل بيه
واني أضخم منچ آکصیره کل البلا بیچ
-آني كصيره
-هههه واحلی آکصیره بلعالم آقترب یحضني بقوه
-تعيب على طولي..
-لا والله بلعكس حبيبتي شوفي من حاضنج هسه
دسمعين نبضات گلبي ألي تحبچ
..............وکل نبضه منهن بس ألچ
-یاشاعر لعد وطویله...
-الطویله همات حلوه
-ها دتتغزل بيهن..
-لا ماآتغزل هسه تخیلي حاضن طويله تدرين عكسچ
انتي تسمعين النبض والحب وبس
والطويله تقراء أفكاري وتتعب وتعبني..
-قصدك غبيه اني..
-رايح نهاد لعد اشلون اتغزل بيچ موصوجچ..
-ادهم تعبانه كلش تعبت من الي دا أشوفه
وجاي أتعبك شسوي..
-لا سوين شي اتصلي بأختي ندى"آو نونه لو زوجة ابوي
بكيفچ آطلعي وياهن غيري جو..
-تمام رح أتصل بصديقتي حور كل فتره تجي البغداد
الأقربائها خل اشوف اشوكت تجي..
-ميخالف ورح أدزلج وحده البنات تجي عليج..
سويت چاي وبيض نص ستاو ديربالچ علی نفسچ.
جائز آتآخر لآن آجتماعات بلخضراء اطول..
واني أجرد اعداد الموظفين
-الله يساعدك حبيبي انتظرك...
طلع أدهم رحت للمطبخ أتريك..
سحبت الفون من الشاحن اتصل على حور..
بحثت عن الرقم اتصلت
-ألو حور وينچ..
-اهلا نهاد اعذريني مااتصل دوام وبيت
ملاكيه وقت
اريد اخذ أجازه اجي البغداد وأمر عليچ..
-یعني أشوكت..
-هل أيام انتي شخبارج سولفيلي مازال عندي شاغر..
-حور أزوجت بس نيار يجيني وأنقهر عليه كلش
وهمات انقهر على أدهم
محتاجتچ لآن بس آنتي تفهمني...
-حاولي تأيسين نيار منچ الخاطره..
لآن موزین علیه..
هسه آنتي بأمان مازال أزوجتي...
بس هو لا..
لأن خطر عليه يتابع وحده مزوجه
بس يعرفون يقتلونه..
لأن ماعدهم مانع حتى لو قائد جيش..
قوانينهم تطبق على كل واحد..
-قصدچ مصیره مثل رسیس..
-آکید آو آکثر..
-لیش اكثر.
-لآن رسیس أبن قبيله أو رئيس قبيله فل حكم مخفف عليه
أما القائد العسكري عقابه أقوى..
لأن يمثل جنوده ولازم يكون قدوه ألهم...
فا اذا اخطاء يكون عقوبته مرتين للعبره..
لا تلفضين أسمه..وانتظريني لأن دكتورة وهاد
رح تجي للعراق زياره سريعه تكمل معاملتها
ساعدتني هواي...
فجاي اتناقش ماجستير بلندن موضوعه الماورائيات
ورح أخذچ آلها تستفاد من تجربتچ..
آو آنتي تستفادين من علاجها النفسي....اليوم ثلاثاء
الاربعاء اجي..

...............
صادف الأربعاء خابرتني عمتي زاهده
حور جايه عليها ورح تجني لحتى انروح الدكتورة وهاد
چنت منتظره والخوف سيد الموقف
اجتي حور عرفتها لأن رمشتلي..
طلعت قفلت الشقه منتظرتني هي وعمتي بتكسي..
خطواتي ثكيله لان بداية السابع والحمل تعبني..
حور بيها شي يشد واني اباع عليها..
بيدها بنتها ويمها ابنها ثابت..
-شونك حور
-الحمدالله شده وزول..
- هو لان البچر آصعب...
-ربي يتمملج نهاد
بدينا نداول اطراف الحديث لمن وصلنا البيت تابع
المناطق البياع...
البيت جدا بسيط نزلنا واحنا نتبع حور الي دكت الباب
طلع ابنيه شابه بملامحه عاديه بس جميله..
.من اثناء الترحاب عرفت
أنو هاي الدكتوره وهاد..
رحبت بينا وحور بدت تعرفنا..
عبرنا مسلك ضيق من مسالك البيوت القديمه.
دخلن الغرفه جانبيه وبيها تلث بنات...
وحده منهن سمره بعبائه ايرانيه وحجاب وتحنيك..
نهاية الثلاثينات بحيث التحنيك مغطي نص وجهه
عرفتنا عليها دكتور وهاد...اسمها أيه
وثاني ابنيه لابسه جبه وشال كعدتها متوتره
مكياج ثكيل "شامه صناعيه باكسسوارات مبالغه..
قدمتها النا اسمها نور...
والثالثه ابنيه سافره لابسه بنطلون جينز..
مكياج خفيف اسمها روزالين....
كعدنا اني وحور بعد لقاء التعارف المعتاد"المملل..
اني وحور وجوهنا توزع ابتسامات مجامله.
عمتي اخذت جهال حور وياها
وكعدت بلمرجوحه..
الي تتوسط الساحه مال بيت.
دخلت دكتوره وهاد بيدها صينيه عليها عصاير
وابطال ماي..
كعدت وبيدها مسجل أزغير...
اي ايه احجي الي شفتي...
اباع على أيه تفرك ايدها يله بدت تتكلم..

-اي دكتوره بيومها قررت أزور اقربائي..
لآن چنت ستوني جايه للعراق..
فا ناسيه المناطق أو مااذكر زين..
اجرت تكسي يفرفرني...
الى ان صارت الدنيا مغرب..
كلت أرجع البيتي..
لأن تاركه ولدي وحدهم وهمه قصر لساهم..
فا نزلت يم سوبر ماركت اشتري مقرمشات مجمده
ومن طلعت باوعت للشارع...
حاسبت أبو التكسي وكتله روح...
قررت أمشي مشتاقه للشوارع بغداد
العلاليك بيدي....فات رجال عنده عربانه خشب
يبيع لبلبي حار..
ريحته طيبه دنت نفسي.. وكفت اشتري..
أخذت كاسه كبيره من كد ما حاره الدخان لسى يطلع..
جاي أكعد على الرصيف اكل..
وچان الدنیا شتا الرصیف مبلل لآن ماطره..
جاي أكل..
واشوف ذبانه بلكاسه مال البلبي..
استحيت أخبر صاحب البلبي خاف ينكسر واهسه..
اخذت الكاسه من كد ماحاره شمرت البلبي بسرعه..
من شمرته سمعت كلمة ..أخخخ
رجعت الكاسه وحاسبت الرجال..
مشيت واني اشتم عطر التراب لمبلل..
تعدى المغرب وبدت أظلم الدنيا..
امشي بطريق الصح..
بس حسيت مو نفس الطريق مال بيتنا وقررت استمر
دخلت فرع ضيق على طريق جانبي
ظلام هندس..اصوات بشر ماكو..
وكفت..
عقلي يفكر اروح"لو أرجع للشارع..
مشيت واسمع صوت بوراي مااهتميت..
جان عندي هدف واحد أوصل البيتنا..
لازم اندل صار خمس أشهر جايه للعراق..
الناس تجيني مااوصلها..
لان مااندل..
كلما امشي اكثر المكان يصير أظلم اكثر"مرعب أندى
وچن آني بوحده من أفلام الرعب..
هيچ حسیت نفسي..
خفت بتوتر او أول مره أكره الليل وظلامه...
على حظي حتى نجوم ماكو"ولا قمر..
السما كلشي يغطيها غيوم سوده..
تخلي الروئيه مستحيله"
ضوه البرق بسماء لمع...ورى صوت الرعد..
قريت ايات قرأنيه البيت بعده خمس دقايق
صار اكثر من ربع ساعه أمشي ولسى ماواصله
يأست من نفسي
اشكد زوجي "ولدي نصحوني مااطلع
واني عاندت..
وكفت اطلع الموبايل اتصل بزوجي اتصل ميجاوب
اتصل على ولدي...ماكو
توترت اكثر وي قطرات المطر الي بدت تنزل
فتحت لايت الموبايل اريد اعرف اني وين
واشوف نفسي بهيمه على مد البصر..
الكاع ترابيه..
قررت ارجع للشارع العام اشجابني هنا
المطر زاد قوه وحسيت امشي بطين..
نزعت عبايتي خليتها بكيس وبقيت بلمانتو فقط
الطين عرقلني..
اصوات بوراي تقوه...
شمرت علاكات الحلويات والمقرمشات لحتى اركض
واني اتذكر كل قصص الرعب
الي سمعتها بطفولتي..
ردت اذكر موقف حلو لحتى اتناسا الخوف..
فات من يمي خيال..جفلت ادور عليه أتلفت..
صراخ قوي مال الم حاد..
الصوت مو صوت بشر..
كلت ابالي اتخيل..
تبللت كلش..والمطر بقى يقل اشوي حسيت براحه
رجع الصوت مره ثانيه وهو يزمجر
-لمااااااذا
مااحس باي شي بهاي الحظه حتى نسيت انو اني
اعاني من متلازمة المفاصل..
ركضت بكل قوه حسيت نفسي عدائه عالميه..
مو من قوة رجلي اركض..
لا من قوة الخوف الي احس بيه خلاني اركض..
صار كدامي خيال واني أتعوذ منه..
مااحس اله وكعت للكاع وبوسط الطين
واشوف شكل مرعب بعيون ضوئيه وجه محترق..
وهو يصرخ لمااااذا..
وراه ضلال كثيره
اشاهدت على نفسي من الرعب..
كلت خلاص هاي قصة جدتي
الي اتسولفهن عن الجن"والتابعه"والقرين طلعولي كلهم لان وحدي..
سمعت بلعراق داعش..بس جن محد كلي..
-كملي ايه..
-اي دكتوره بعدها رن الفون مالتي ومخليه النغمه سورة الفاتحه..
اختفت الظلال كمت واني اركض بقوه..
نسيت الانزلاق"ومتلازمة المفاصل
الى أن شفت الشارع العام..
اجرت تكسي رجعت للبيت..
اول ماوصلت طحت بلباب من الخوف..
بعدها ماستقرت حالتي..
كوابيس تجيني"ظل وجه محترك...
تازمت كلش وزوجي ياخذني من كشاف الكشاف..
ومن دجال الى دجال ثاني..
الى ان وجدت شيخ روحاني..
كلي هذا جن نايم جوه الكاع هو وعائلته..
انتي شمرتي شي حار عليه..
كتله اي لبلبي بس مكان جان خالي مبي احد...
خبرني أنو هم موجودين بكل مكان..
واحنا وهم مزدحمين بهذا الكون..ألمي الحار أو اي شي
يكون حار قبل لا تشمري سمي بأسم الله..
لحتى يعرفون هذا انذار ويغيرون مكانهم..
اسم الله بكل خطوه أسويها أذكري...
مارح يتعدون بعد عليج...
لأن هم حاولو يأذوچ وجروچ المکانهم..
بس عرفو بیچ ملتزمه بآوقات صلاتچ..
هل شي ميخليهم يأذون البشر الملتزم..
لكن أتخيلي العكس
لكان أقل شي يصير بيچ هو الجنون
هاي تجربتي بعالم الجن...
-ماتعجبت للي دكوله...كامت دكتورة وهاد وهي تشكرها
طلعت ايه تودعنا..
وصل الدور للبنيه أم الجبه الي اسمها نور..
اي دكتوره
اسمي نور قصتي بدت من أني عمري سبع سنوات
أذكر كلشي يصير...
وكأنما الاحداث كدامي لساها..
چن نسکن بمحافظه غير محافظتنا..
علمود شغل والدي..
ابوي أجر بيت نكعد بي مؤقت
البيت يصير بوراه بستان چبیر‌کل اشجار الفوکهه تقریبآ موجوده
آبو البستان چان یخلیني عادي اشلع..
لأن صار صديق والدي ابيومها احتاجينا خضره
صادف بورى المغرب هيچ شي..
خفت أول مره بس اذكرت شجرة البرتقال..
الصبح شفت برتقال ومااخذت منها..
رحت عل بستان بيدي لايت لكيت كرفس حويت منه
خليته بسله الي عندي..
عيوني الشجرة البرتقال...
وقررت لازم اخذ اثنين..
تقربت كلش منها وهي عاليه جاي اصعد عل خصن
واشوف شخص يرتدي عبائه على كتافه..صحت

-حباب انطيني برتقاله ...كررت مره ثانيه "والثالثه
مجاوبني صحت
الله يخليك...طفر من الغصن العالي للكاع..
وكأنما نمر من قفز تقرب مني..وصوته غريب.
صفن عليه واني أباع بعيونه الصفر...

-أنتي طفله
الا تخافين مني...
-ههه اني أخاف ابد والله بلعكس عيونك حلوات
لونهن عسل صافي.."أو مثل خيوط الشمس
مو عبالك الشمس الي بسماء..
-اذن أي شمس...باوعتله صفح..
جيبلي برتقال واني أكلك
-أبتعدي من هنا طفله مشاكس..
-عادي مشاكس جيبلي برتقاله ودليك على الشمس..
دار وجه عني وهو يتمتم ويلعني..
-سمعتك ادكول عليه طفله سخيفه تؤمرني...زمجر عليه

-أبتعدي ولا تأتي وا الا..
-هلو هلو وألا شسوي عيوني ترى مااخاف بس من الله
طفر على خصن الشجره...
وهو يشمر عليه برتقال ويهدد
-ابتعدي طفله قبيحه...واني الكط البرتقال..
من كال قبيحه كعدت للكاع ابچي وادردم عليه..
-ليش دكول قبيحه أني معيبه عليك..
يعني بسببك مااروح للمدرسه رح اعتزل العالم
..بقى واكف علغصن..
-صه يافتاة"صه..
-شنو صه..
-أسكتي...
-تغلط ودكلي سكتي...بعد زاعلتك مااحجي وياك
تركته واني اروح..
لكيته كدامي..
-اي شمس تتحدثين عنها...
-مااكول...جاي أتعدى صار مقابيلي..
-انتي ماتخافين مني"ولا تعطيني مكان الشمس
شردت منه لان يلح...
اخذت الخضره الاهلي
تعشينا وكملنا طلعت الرسم مالتي راسمه بي شمس
بلون اثفر
اخذته ورحت للبستان...واصيح
-عمو أبو العبايه وينك...صار بوجي ونطيته الرسم
سحب الورقه حيل وشمرها بعصبيه
باوع عليه وظل يضحك...
-مخبوله..
بقيت كل فتره اشوفه الى ان رجعنا البغداد
من صار عمري عشرين سنه..
واجوي يخطبوني ناس..
ظهر أبو العبائه السوداء مره ثانيه بشكل حزين..
اقترب مني وعيونه بيهن سحر..همس برومانسيه
-لا تتزوجي أخذك لعالمي..
-مااعرفك منو انت..
--صاحب الرداء..
-وشتريد مني وشلون دخلت الغرفتي..اقترب مني
يتوسل
-ارجوكِ فقط اريدك ان تري عالمي مثلث التنين..
وبعدها أن لا يعجبكِ العني حبي..
-يا حب..
-حب"لتلك الطفله المشاكسه
بقى يوعدني ياخذني العالمه المائي..
لان مايبقى هنا وبيومها خفت منه..
أجاني واني نايمه لمس ايدي فزيت منه
أخذني العالمه غمضت عيوني وفتحتهن..
وشفت نفسي بمنطقة مثل جزيره كلها اشجار جوز الهند
وبيها بيوت وموسيقى غريبه بكل مكان..
الوجوه مرعبه حد الرعب..
-وين اني اخاف...
-لا تخافي جميلتي أنا قربكِ أدعى نوزين
-نوزين كلش حلو اسمك بس مكانك مرعب..
-كم فرحت لأنهُ اعجبك...
-اني وين نوزين ..
-عشق نوزين نحن في جزيرة يوكوهاما" تلك
الي امامك جزيرة "جوام"
احنا المناطق الي حوالين هذا الجزر الثلاث مناطقنا
عرفنا البشر سمو منطقتنا هذه مثلث التنين
وهاي ثاني منطقه والاكبر النا بعد مثلث برمودا
أي بشر مايقدر يقترب منها...
لأن محميات النا...
البحر الي يحيطها البشر سمو بحر الشيطان..
-ليش بحر الشيطان..
-لأن اي شخص يوصل المنطقتنا يختفي...
وبعد البشر اي شي يكرهو ينسبو للشيطان
قوتنا كلها هنا..وخطورت حياة البشر هنا...
-واني...
-أنتي عشق يوزين...لا احديؤذي حبيبتي

-زين ليش اخطر مكان..
-الفضول يافتاتي سيقتلك...
لكن سأكون مهذب واخبركِ سرنا..
فلتتذكري لم أفعل فعلتكِ...
-بعدك تذكر خيوط الشمس..
-يوزين لا ينسى كلمات عشقه..فل اخبركِ
مثلث التنين اخطر من مثلث برمودا..
لأن هي قديمه جدآ وبداية حضور جنسنا منذ الاف السنين
ويوجد بعض من معلوماتنا الخاصه لنا عند البشر
بقدوم بحار صائدي اسماك بعهد مملكه"سانج ويوان"
الصينيه القديمه
البحار عاندو الطبيعه الام فظهر اكبر جن عدنا
على هيئة تنين قتل البحاره
-حيل هيچ تاذون الناس..
-لادخل لك اريد اتزوجك لاجلبكِ الى  عالمي...
والا سيكون مصيرك لا تحمد عقباه..
-مااقبل رجعني شني مخبله اقبل بيك حتى لو حلو
المكان هنا مرعب..
-اذن التحذير سيسري مفعوله....
شفت نفسي بغرفة امي وهي تسمع أغاني..
داير ميدورها مخلوقات مرعبه تغني معاها...
الموقف خلاني مثل المجنونه..
ركضت طفيت الأغاني اختفو...
رجعت امي شغلت الأغاني رجعو يتراقصون..
رحت على غرفت أخوي واشوف مخلوقات مرعبه
رعب اكثر من القبلهم..
وهم يهمسون بأذن أخي...
وهو يشرب كاس الخمر...وبدو يرقصون على كتفه
وهو يشرب..
رحت الغرفة اختي الي تخابر صديقها..
والمخلوقات المرعبه بكل مكان..
البيت كله شياطين مرده"اقزام تنكز..
حضنت يوزين من الرعب...
من سبب الظلام "والخوف..
اله غرفه وحده النور الي بيها فضيع ...
غرفة أخوي المريض.. دخلت له..
واشتم ريحة مسك "بخور..واشوفه يقراء قرأن..
والنور الي خلفه..
لوجوه جميله جدا"تسبح لله"..
من كام صلى صلاة الفجر..
الأنوار الجميله صلت خلفه...
وكلما يركع ويسجد النور يخترق الجدار..
اباع  يوزين مادخل للغرفه
بس أشوفه غاضب..

فزيت واني خايفه...مااعرف شنو الحل..
سولفت الاهلي محد صدك..
ورى فتره تحلمت أحد المخلوقات المرعبه
تفتر على راس اخوي الي يشرب خمر..
فابأظافرها فتحت بطنه وهي تصب الخمر على كبده
فزيت من الحلم على صوت اخوي يصرخ من الألم
اخذنا للمستشفى..
طلع عنده تليف بلكبد...وحالته متأخره..
مالحكنا عليه مات..
خبرت أمي مااصدكتني...
يوزين أجاني مره ثانيه يهددني...
-ان لم تاتي معي سيكون مصير اختك القادم..
ماصدكته..
-الله اقوى منك ماتكدر تاذينا..
-استطيع  يا عشق يوزين "لا عباده المخلصين لا اسيطير عليهم"
ياعشق يوزين
-اكرهك روح مني...
وبين اني نايمه واشوف اختي تتوسل بحبيبها يزوجها
لأن حامل..
جفلت واني اروح الغرفتها..واشوفها ضاربه ايدها موس
ركضنا بيها اني وامي"واخوي"
ماتت بسبب النزف..
وهسه محتاره دكتورة وهاد اخاف على أمي"واخوي
الشيخ كلي الجن ماالهم علاقه بموت أخوانج
اختچ أذنبت وتتحمل ذنبها..
وأخوچ کذالك لأن الجن ماالهم سيطره
هو والد الجن واكبرهم الشيطان
مايكدر  فقط يوسوس..فكيف ابنائه..
هاي تجربتي وي الجن..
قررت أروح اليوزين الاجل ميقتل بقية أهلي..
اترخص لا يتعصب اكثر..
طلعت نور ودكتورة وهاد توصلها للباب..

حور تباوع عليه واني اباوع عليها..
-شدكولين حور الي جاي يصير..
زين ليش محد يصدكنا...وأنتي رسيس اتشوفيه
لو من وقت ماانصهر...
جرت حسره وهي تهمسلي..
-مااعرف نهاد بس مره جاي اخذ صوره الثابت ابني
واشوف ظل ابيض..اخذت الموبايل للمحل
سحب الصوره وجان يطلع الظل نفس هيئة رسيس
ومره من المرات
زوجي ضربني وطلع عصبي لان اذاني..
طلعت بوراه واشوف الظل الابيض ركب بسياره
وي زوجي...
لسى حرك السياره جاي يعبر الشارع..
صار حادث قوي الزوجي حتى ايده انكسرت..
مااعرف اتخيل مدري لا...
بس هذا الي صار...
بس كلبي يكلي رسيس..
كطعت كلامنا دكتورة نهاد وهي تدخل...

-شفتن أيه بيها فوبيا الظلام متاثره بقصص جدته
من تعرضت للظلام تخيلت هذا جن..

أما نور....بسبب قصص خرافيه
سمعتهن من مالك البستان الي ياكل من فاكهته دون اذنه..
يطلع له جن..
فربطت حالة أخوها واختها بلجن..
والجن براء من ذنوب البشر
-صح كلامچ دکتوره..کالتها حور..
التفت علیه دکتورة وهاد...
-سولفي نهاد...
بديت اسردلها الاحداث مالتي...
كملت الى اخر حدث...باوعت عليه وهي تكتب

-رح اراجع حالاتكم وي دكتور بريطاني..
ونشوف وين نوصل...
واعرضها على احد وكلاء المشايخ"والمراجع..
لأن اربطها بلعلم "والدين...لان اريد اوصل النتيجه
اشكر وقتكم...
أما روزالين فاأنتي حالتچ خاصه...اریدچ وحدچ
طلعنا من یم الدکتوره وهاد...
ودعت حور واشوفها تضحك...
-وي منو تضحكين..ظل رسيس اجاني..
-شدكولين...
-لچ کل انسان آو جن عنده قرين..
من يموت قرينه يبقى عايش الى يوم يبعثون...
رسيس حتى من مات...
قرينه معاي....
الفرق القرين مايقترب من الاحياء...
-اسكتي حور اني مجنونه ومن أسمعچ انجن بزاید.
رجعت للبیت وادهم لسی مجاي.
شفت نيزك وجه يضحك...
واشوف وراها واحد ملثم سلم عليه وهو يكلي..
-انتي تلك الفتاة التي يحبها نيار..
-أنت يمان..
-نعم..
-أهلآ سيدتي..وحبيبت سيدي..
-عزا هذا يحسسسني اميري.واني الصبح نظفت المجرى
-هلا وغلا خويه...
هو خلاص اني نجنيت خويه...خوه تخواني
كعدت نيزك يمي عيوني الها سئلتها..
-اكلج شو ماكلتيلي يمان عايش..مو كلتي مات..
-هذا الي ظنيناه..نيار من قاتل الظل الدخاني
اخذه الفوهة البركاني هدداه ليش يلاحقوچ..
ویلاحقونه..
اعترفله بسبب السحر الاسود..
وانتي جبتي المرأه الروحانيه...ساعدت بضعف السحر
فقبل لا يموت من تعذيب نيار..
خبرنا أنو يمان عايش خطفته قبيلته ويعذبونه
الاجل يتركني...
نيار اخذ جيوشه..قاتل الجن السحره..
وحرر يمان...
اعتبري وداعنا حان وذا صارت فرصه أجي ..
لأن احنا ملاحقين من قبيلة يمان.....
-لان عدهم انتي ناهبه
-نعم لكن اتوسل بيج..
نيار حاولي تنسي لأن اذا يبقی یجي الچ..
رح تکون نهایته على ايدج...
انسي نهائيآ
خلي يعيش حياته مثل ماجاي تعيشين حياتج..
وهو اعلن أمام قبيلته انو مايزوج"ويبقى يقاتل السحره..
ويكون القائد الأعزب الوحيد
لكن أذا بقی يجي الأجلج يحرقو...
اقترب يمان من نيزك ودي اكله انزع الثام اشوف وجك
حلو مثل عيونك..
بس أوي شعلي مااحب أدخل...حضنها يمان واختفو....
نيار بديت اشوفه على شكل هلوسات من انام...
او اسمع كلامه من بعيد...
وصل تقرير بحالتي...

أنو بسبب الظروف الي مريت بيها..
صار عندي مرض الفصام...
وحسب ماورد بلتقرير انو الفصام العقلي انواع كثيره
اني نوعه نادر اسمه الفصام الباروني او الفصام الذهاني
وهو داء عقلي حاد يخلي المريض..
يعيش بهلوسات "وتخيلات وهميه..
ويصنع المريض اله عالم خاص بيه..
ويخلي ينفصل عن الواقع...
ويعيش عدت حالات ااني اول حالتين الحاله الاولى
-الخيالات. والهلوسات
ادهم كاعد يمي انداريت عليه..
-شوف ادهم الكل يتهمني بأنو اتخيل..
بس اقسملك اني مااحجي وي نفسي ابد
اني اتكلم وي اشخاص ..
واحجي وياهم..
واعرفهم ..
نوبات يجوني بسبب.
ونوبات بلا سبب
بلبدايه حبيت عالمهم من تعمقت بيه خفت
لأن اشوف اشياء مرعبه
تلمس ايدي وهو بيده التقرير
-شوفي نهوده هسه بعد تحليلات وجلسات كثيره
طلع عندج هل مرض
واكدو عدت دكاتره انو حالتچ من قروها هي نفس الصفات المرضيه والاعراض الأساسيه للفصام
أو الفصام الأضطهادي...
لأن بسبب تعنيف والدتچ آلچ..
وسبب تفضيل اختچ علیچ...
وآیضآ هواي اشياء مرت عليج..
سببتلج هل مرض.
-زين ول اصوات الي اسمعهم والشخوص الاشوفهم

-الي فهمته منهم الكلام وي الاشياء الدشوفيهن..
بسبب تعمقج بكتب عالم الجن وحبچ الهم
استجاب عقلچ الباطني الهل تفكير..
فاأنتي بسبب ألحاحج العالمهم
أستجابه عقلچ الباطني
المخاطبة الأصوات الي تعرفهن..
فا اكدها عقلچ التفكيرچ..
وباعي كاتبين بلعربي الترجمه الکلام والاصوات
هي هلاوس سمعيه نظريه..
اني معاچ حبي  تکملین سلسلة علاجات الحالتج..
ونطاني ارشادات اليه اتبعها معاچ تعتبر
وسائل علاجيه لازم کلي الدكتور
-ابني ادهم من الوسائل الي تشفي نهاد وتساعدها..
هو عدم الدخول وياها بأي نقاش
يعني لا تجادلها بعالم الجن وتنفي
لان تحدي المريض يساعده أنو عقله يثبت الفكره..
يعني رح استمع الچ والافكارچ  الجنونيه..
لحتی تتاکدین وتطمأنین اني يمچ....
اندك باب بيتنا دخل رجال كبيره بلعمر..
وتذكرت شكله هذا مؤذن الجامع"وقارء القرأن..
الي يمنا
حضرت شاي..ادهم كلي لبسي يريد يتكلم معاچ..
لآن حاچیته علیچ..وهو سراني..
دخلت واني اسلم كعدت مقابيله..كلي
-شوفي بنتي أحنا ماننكر وجود الجن..
لان بلقرأن سوره كامله بأسم الجن...

واحنا كا قراء للقران يجون ناس يكولون..
انو للجن قوى بحيث يسيطرون عل بشر..
شوفي بنتي الله ليش سماهم جن..
الجن معناها جنا بلغة العرب قبل معناها استاره عن العيون..
يعني مخفيين
يعني يشوفونا مانشوفهم..
بس ابد مايتلبسونا مجرد مس على شكل وسوسه
ويبقى الأنسان وايمانه القوي القرأن يخاطبنا
 
" يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُمْ مِنَ الْجَنَّةِ يَنْزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ"
 
وهنا الايه تخاطب الناس الي دكول انو الجن له سيطره "وسلطان..
وبين التصديق بقوتهم...وعدم التصديق..
يقرر دين الاسلام حقيقتهم..
ويصحح تصورات الناس ويحرر قلوبهم من الخوف من الجن بحيث يخبرنا القران
 "وَأَنَّا مِنَّا الصَّالِحُونَ وَمِنَّا دُونَ ذَلِكَ كُنَّا طَرَائِقَ قِدَدًا "
وبيهم اغبياء يتبعون الشيطان..
" وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا "

 واكو ناس اصدك انو الساحر البشري يكدر
يسخر جن...القران كذب هل فعل..كال
 "وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا"
يعني ميستجيبون للبشر مجرد يرهقونه بتمني
 
-بس شيخنا اشوفهم وقوتهم قويه

-شوفي بنتي..الجن ماعدهم قوه
اذا قوة الله موجوده بقلب الأنسان..
فلقران همات يخاطب
 "وَأَنَّا ظَنَنَّا أَنْ لَنْ نُعجِزَاللَّهَ فِي الْأَرْضِ وَلَنْ نُعْجِزَهُ هَرَبًا "
 
وايضا الجن اذا فد مره اخترقو عالمنا ..
مايجون بشكلهم الحقيقي..
لا انشوفهم متجسدين حسب وهم العقل..
خلي بالچ هاي الايه

 يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ أَقْطَارِ السَّمَاوَاتِ وَالْأَرْضِ فَانْفُذُوا لَا تَنْفُذُونَ إِلَّا بِسُلْطَانٍ"

ورح انطيچ علاج...قوي للتهيئات.
أمني بهل علاج وقدرته...
الكلشي يستخدم."للسحر"للمس"للحسد.."للقرين المتعب
اذا ايمانج قوي بيه...تلث مرات اسويه طول عمرج..
وذا لا أيمان ضعيف...
كل شهر سويه.
العلاج
الطريقه الأول
تسمعين الاذان الشرعي سبع مرات متتاليه..
مره بعد مره...سابع مره
تقرأين سبع مرات صورة الصافات...
وسبع مرات سورة الجن...
وسبع مرات سورة ق...
سبع مرات سورة الرعد..
سبع مرات سورة البروج...
وسبع مرات سورة الطارق...
سبع مرات سورة الزلزله..

كلهن تقريهن بجلسه وحده..ويفضل الجلسه تكون
بعد صلاة العشاء..
والصبح اكلي سبع عجوات تمر
ومن يصير اذان الظهر تقرأين سورة البقره
وكل جمعه سبحي بمي مقري عليه وبداخل المي..
اوراق السدر..
اما للحوامل الي تعاني اسقاط..
ماء مقري عليه الايات الفوق...وتشرب كل يوم الصبح
وضع تحت السرير اناء بيه ماء وخل وملح..
.........................
ابني ليث ديلعب كرة قدم اصيح عليه..
-ليث ماما لا تطلع خارج الشقه..
-تار ماما مااطلع..
دخلت للحمام اسبح...واسمع ابني احمد يبچي.
طلعت على السريع..
واشوف ساكته وبحلكه الممه..
منو سواله...
ركضت على ليث...
كاعد بغرفته يلعب..
افتريت بلغرفه ماكو احد جاي..
واسمع اسمي من بعيد
-نهاااد..
اندك الباب فتحته..
-هلا بلحب شونچ..
-اهلا ادهم‌‌...یله خل نروح بابا منتظرنا هو وعمه..
مسوي عيد ميلاد بنات عماد...وابنه..
-عاد بس اتغدى حبي..
-ماكو غدا..
-اهو والعلاج البارحه غلستي تعبانه..
-هههههه...احبك
-واني اموت عليج من تقبلين بلعلاج..
.....
رحنا البيت عمتي.. ولكيتها مجهزه الغداء..
دخلت للمطبخ اساعدها...ومشتاقه الامي..
-عمه زاهده فدوه شخبار امي اربع سنين مشايفتها

-أمچ مریضه...سهاد وياها..
وكع الماعون من ايدي..
-اشبيها مريضه..فدوه عمه..
-صاحبه او زوجها الثاني تركها علمود وحده..
وصار عدهم جلطه ثالثه..
وتخثر بلدم..
وزوجة اخوج عماد الله يرحمه...
رجله كل يوم يشبعها ضرب ويدزها الاهلها..
واهلها يطردوها..
بچیت واني الم بلكزاز..واسمع صوت ابوي..
-يله بويه نهوده تعاي وكلي بنات اخوچ..
رحت یمه واني احضنهن..كلي بابا..

-ليش تعاندين زوجج يكول متقبل تاخذ علاج الشقيقه..
اباع الادهم يسوي روحه يحك راسه مو يمي..
-لا بابا والله اخذه
-عفيه بنيتي اهم شي صحتچ.......
-اشكرك بابا..

...النهايه..
انتهت قصتنا..
ناقشنا حالة نهاد بل علم"وبل دين..
اما هي فتقسم انو كلشي اتشوفه حقيقه..
اما اني فدوري انتهى هنا..
وانتم بكيفكم بعد...اصدكون منو؟؟؟
ام الصبيان والحروز السليمانيه هي بدعه..
لان تاكدت من اكثر من مصدر..
السلسلة عالم الماورائيات بيها فصل ثالث..
بس يمتى ابلش بيها مااعرف..
لان اريد ارجع للقصص الواقعيه..

الفصل الثالث من سلسلة الماورائيات..
رح تكون عن عالم الشياطين ورح تكون القصه
مغلفه برداء الفانتازيا..تتكلم عن ملحمه القائد
فالك وهو أوسم قائد ومسئول عن اكثر من اربعين
كتيبه قتاليه..
بوحده من حروبه..
يسقط جريح..
بعد ان ينصاب جناحه بسهم شيطاني..
ويسقط بارض زراعيه قرب مستشفى..
يحول نفسه الى شاب انسي..حتى ماينكشف..
تشاهده ممرضه تتولى علاجه..فيقع بحبها..
احداث "وحروب عالم ابليس..

اشكركم واشكر متابعتكم..
اتقبل نقدكم الحلو ..واشكر سعت صدركم
وتحملكم مواعيد التنزيل...
الي تتعرقل بظرف قسري...
الحياة قصيره...
والايام اقصر ابتسم"ثم ابتسم
لاجل نفسك فقط..
واعتني بروحك لاجل نفسك فقط..
سينتهي كل شيء ذات يوم..
وتبقى فقط ذكرى وكلام طيب بيننا..
اختكم
نازك الحمراني...
ا
.....
البعض راد كتب العالم الجن..
١-البرهان لتفسير القران..
٢-البدايه والنهايه
٣العهد الاخير
٤-عشقني عفريت من الجن..
ذن كتب ورقيه
-