Kabanata 46
Last Will
Pinunasan ko ang luha ko papalabas ng bar. Mabuti na lang at ito ang panghuli ngayon at hindi ko na kailangang maglipat ng bar at magsikap pa na maging maayos ang gabi ko.
"Sunny..." Tawag ni Mia sa tono na parang alam niyang ganito ang mangyayari.
Itinaas ko ang kamay ko. "Alam ko. Hindi ko lang maiwasan. Kaya 'to. Makakalimutan ko rin 'yan." Sabi ko at tinahan ko ang sarili ko.
"Walang kwenta pala talaga 'yang Rage na 'yon. Gustong gusto ko na talagang umalis sa trabaho. Makapag hanap nga ng bagong trabaho. 'Yong mas maganda!" Ani Mia habang kumukuha ng tissue at binibigay sa akin.
Tinanggap ko iyong tissue pero humupa na ang luha ko. Naninikip ang dibdib ko pero hindi ko pinilig ko na lang ang ulo ko at pinigilan ang pag tulo pa ng luha. Hindi ko na dapat inisip ang namamagitan sa amin ni Rage. Ang importante sa ngayon ay ang magiging kalagayan ng anak ko. Kaya ko ng wala siya at dapat panindigan ko iyon. Hindi pwedeng nanghihina ako tuwing nasasaktan ako. Ganito ba talaga dapat? Nakakapanghina ba talaga?
Hindi ko ininda na sinabi ni Ma'am sa akin na matumal ang benta ngayong gabi. Ako ang pinaka wala masyadong nabenta at panay pa ang bulung bulungan ng mga kasama ko.
"Ayan kasi walang ginawa kundi mag inarte." Sabi nong isang bago na hindi ko nakuha ang pangalan.
Kinagat ni Mia ang kanyang labi at umambang lalaban pero hinawakan ko ang braso niya.
"Uwi na tayo, Mia. Hayaan mo na." Sabi ko.
"Tinext ko si Kid. Susunduin niya tayo. Hindi ka talaga pwedeng mag Marlboro Girls, Sunny. Pinagbigyan lang kita ngayong gabi pero di na ako papayag sa susunod."
"Kailangan ko ang pera-"
"Kung kailangan mo ng pera, kunin mo 'yong share mo don sa kompanya ni Mr. Del Fierro!" Umirap siya at hinawi ang buhok.
Naglalakad kami ngayon palayo doon sa building at niyayakap ko ang sarili ko habang suot suot ang isang jacket. Sa lamig ng gabing ito ay pakiramdam ko bawat hinga ko ay umuusok na.
Lumabas si Kid sa kanyang sasakyan at sinalubong niya ng mahigpit na yakap si Mia. Ngumiti ako at hindi ko maiwasang maging masaya para sa kanila.
"Kumain ba kayo, Mi?" Tanong ni Kid habang nakatingin sa akin.
"Oo. Kanina. Bakit?" Napatingin din si Mia sa akin.
Nginuso ako ni Kid. "Ba't mukhang namumutla si Sunny?"
Agad kong hinawakan ang mukha ko para tanggalin ang kung anong tinitingnan nila kahit na wala namang dumi doon at alam ko naman na pamumutla ang inirereklamo nila.
Tumikhim si Mia. "Ewan ko. Siguro dahil buntis." Umiling siya at agad akong pinasok sa loob ng sasakyan. "Daan muna tayo sa isang restaurant. 'Yong walang cheese." Sabi ni Mia at pinaandar na ni Kid ang sasakyan.
Hinilig ko ang ulo ko sa upuan ng sasakyan at narinig ko ang mga bulong ni Mia kay Kid.
"Anong sabi ni Rage?" Aniya.
Walang sinagot si KId.
"Nagkabalikan na ba sila nong ex niya?" Tanong ulit ni Mia.
"Hindi ko talaga alam. Tinanong ko si Brandon pero wala din siyang alam." Bulong ni Kid na para bang nag sisikap na hindi ko marinig.
Huminga ako ng malalim. I shouldn't care anymore. Kung gusto ni Rage na makipag balikan sa ex niya ay wala na akong pakealam. Totoong nasasaktan ako pero hindi ibig sabihin non na papangunahan ko na siya sa mga desisyon niya. Nag desisyon ako na pakawalan ko siya at ginawa niya iyon. Kahit anong pilit ko rin naman ay hinding hindi ako matatanggap ng pamilya niya at hinding hindi ko rin sila matatanggap pabalik.
Pagkatapos naming kumain sa isang restaurant ay dumiretso na kami sa condo ni Kid. Nahihiya na ako kaya agad ko nang sinabi sa kanila ang mga planong iniisip ko.
"Aalis ako dito siguro mga next week." Panimula ko habang nasa elevator kami.
"Sunny, di naman kita pinapaalis."
"Nakakaistorbo ako sa inyo. Isa pa, kailangan kong matutong tumayo mag isa."
"Sunny," Umiling si Mia. "Kahit isang buwan, ayos lang 'yon. Tsaka hindi ka nakakaistorbo."
"Sa Apartment kayo tumitira dahil nandito ako. Hindi ba pwedeng dito na lang din kayo tumira? Wala naman akong kasama at hindi na rin naman ako hahanapin ni Rage. Hindi na 'yon manggugulo." Sabi ko at tiningnan ko ang sarili ko sa salamin ng elevator.
"O sige, Kid. Mas mabuti nga iyon. Hindi magandang magbuntis kang mag isa, Sunny. Pwedeng tsaka ka na umalis pag naka plano na talaga ang lahat? Nag aaral ka at kailangan mo ng pera. Dagdag gastusin lang ang pag alis mo-"
"Kukunin ko ang share bukas." Sambit ko.
Natigilan si Mia sa sinabi ko. Kumunot ang noo ni Kid at hindi rin nakapagsalita.
"Kailangan ko 'to para sa baby ko. Hindi bale na kung iisipin nilang gold digger ako, pagkatapos kong kunin 'yon ay aalis na ako." Sabi ko.
Nagkatinginan silang dalawa at hindi na nagsalita na para bang pinagdedesisyunan na naman nila kung tama ba ito o mali. Hindi ko rin alam sa sarili ko. Basta ang alam ko ay kailangan ko ng pera para sa baby.
Naging mahirap ang pagtulog ko. Madilim na at pagod na pagod na ako ngunit dilat parin ang mga mata ko para isipin ang nangyari kanina. Naisip ko 'yong Rage noon, bago kami magkakilala. Ganong ganon siya kung makitungo sa mga babae. He's a monster when it comes to girls. Pero nong nagmakaawa siya sa akin ay parang nawala sa utak ko ang pagiging ganon niya. Ngayong gabi, pinaalala niya sa akin kung anong klaseng lalaki talaga siya. I fell in love with a beast. Baby, your daddy is a beast. And I'm pretty sure he won't like you. At all.
Pumikit ako at hindi ko mapigilan ang pag init ng mga mata ko. Naiisip ko kung paano ako itatakwil ni Rage sa oras na malaman niya na may dinadala ako. Iisipin non na ginamit ko siya.
Kinaumagahan ay nagising ako sa pagduduwal. Shit! Dumiretso ako sa banyo at agad sinuka lahat ng kinain ko kagabi. Naiyak ako sa kakasuka. Kahit na wala ng lumalabas galing sa tiyan ko ay hindi ko parin mapigilan ang pagsusuka.
Inayos ko muna ang mukha ko bago ako lumabas. Nakita ko si Mia at Kid sa kitchen, nagluluto doon si Mia at si Kid naman ay nakaupo sa long chair.
"Uh, Sunny, nag text si Brandon na alas nuwebe daw 'yong meeting. Talaga bang pupunta ka?"
Tumango ako. Nagtagpo ang mga mata namin ni Mia at agad niyang pinatay ang stove. "Sasabihin mo ba sa kanila na kukunin mo ang share para sa bata?"
Mabilis akong umiling. "Wala akong planong sabihin sa kanila na buntis ako. Ayokong isipin nila na 'yong anak ko ang dahilan. Wala akong pakealam kung isipin man nila na kinuha ko 'to para saking sarili, Mia." Sabi ko at agad siyang tumango.
Pagkatapos kumain ay inayusan ako ni Mia. Aniya ay pag ganitong meeting ay dapat maayos ako. Marahan ang bawat haplos niya sa aking buhok. Pinapanood ko ang umaalon kong buhok na hinayaan niyang ilugay lang. Ang itim na dress na may ekis sa harap ay tamang tama lang para sa akin. Gusto ko ito.
"Hindi ka pwedeng mag pumps, Sunny." Ani Mia.
Tumango ako at hindi ko man lang naisip iyon.
Kinuha niya ang kanyang flat pointed shoes at isinuot niya sa akin. Nagpatuloy siya sa pagsusuklay ng buhok ko. Alas otso pa lang at hinihintay na lang namin ang pagbabalik ni Kid galing sa baba para makaalis na kami.
"Ang ganda mo talaga. At ang bata mo pa. Hindi ko inisip na mabubuntis ka ng ganito ka agad." Aniya.
Napalunok ako.
"Hindi ba naisip ni Rage na maaari ka niyang mabuntis? Hindi siya gumamit ng proteksyon. Napaka iresponsable niya!" Medyo iritadong sinabi ni Mia.
Pinanood ko ang medyo galit niyang ekspresyon. "Kasalanan ko rin. Hindi ko naman inisip na magkakaganito. Pero ayos lang din. Siguro kailangan ko rin ng kasama. Mag isa na lang ako at ang baby na 'to ang magiging kasama ko."
Ngumiti si Mia habang hinahaplos ang alon sa mahaba kong buhok. "Hindi ka pwedeng mapunta sa lalaking tulad ni Rage. You deserve someone better." Aniya at nanghina ako.
Hindi ko alam pero ang gusto ko na lang munang isipin ngayon ay ang baby ko. Walang Rage, walang ibang tao.
"Wa'g mong kalimutang nandito ako. Hindi ka nag iisa. Ako ang magiging ninang ng anak mo, Sunny. Huwag kang mag alala."
Tumango ako at napawi ang lungkot na gumagapang sa sistema ko. Kailangan kong maging matatag para sa baby ko. Hindi lang ang sarili ang dapat isipin dahil dalawa na kami ngayon. Kailangan kong itatak sa utak ko na priority ko ang ikabubuti ng anak ko.
Sumabog ang buhok ko sa hangin habang tinitingala ko ang Del Fierro building. Naalala ko ang unang beses ko dito. 'Yong nag hahanap pa lang ako ng trabaho. Ang daming nag bago.
"Good luck, Sunny. Maghihintay kami dito sa baba mamaya. Aakyat din ako para icheck ang floor ko." Sabi ni Mia.
Tumango ako sa kanya at sinikop ko ang buhok ko para tumigil na sa pagsabog. Umakyat ako sa hagdanan bago makapasok sa building.
Dahil Sabado ay wala masyadong tao. Binati ako ng security guard na nakakaalala pa sa akin. Nginitian ko siya at agad ko nang pinindot ang elevator.
Tumingala ako pagkapasok sa elevator at tiningnan ko ang nagbabagong mga floor hanggang sa tumungtong ito sa floor ng opisina ni Rage.
Pagkabukas ng elevator ay naaninag ko na kaagad ang mga tao sa loob ng opisina niya. Si Rage ay nasa kanyang mesa habang si Ezra ay nasa likod niya. Seryoso ang pinag uusapan nila ng nakaupo sa sofang si Mr Del Fierro at ang kanyang asawa.
Tinulak ko ang pintuan at napatayo si Mr. Del Fierro sa pag pasok ko. Bahagyang nalaglag ang kanyang mga panga. Umismid si Mrs. Del Fierro at narinig ko naman ang halakhak ni Ezra na hindi ko nilingon.
Itinuro ni Mr. Del Fierro ang long table kung saan may tatlong matandang lalaki, isang matandang babae na naka all white, at isang mestiza at mga nasa mid-40s na babae, pare parehong nakaupo sa long table.
"This is Sunshine Aragon. Daughter of Amelia Aragon." Sabi ni Mr. Del Fierro sa lahat ng nakaupo sa long table.
Mabilis na umupo si Rage sa gitnang upuan. Tumabi sa kanya si Ezra. Sinikap kong hindi sila tingnan kaya ginala ko ang mga mata ko sa mga nakaupo.
Tumatango ang dalawang lalaking parehong nag bubukas ng laptop. Ang isang matandang lalaki ay pinagsalikop ang kanyang mga kamay at pinanood ako ng mabuti.
"Diana Rockwell." Nag lahad ng kamay ang mid-40s na babae. Naka pula siya at may malalaking perlas sa kanyang leeg.
Tinanggap ko ang kamay na inilahad sa akin. Umubo si Mrs Del Fierro at agad pumagitna sa mga kamay namin. Nabitiwan ko ang kamay ni Mrs. Diana Rockwell.
"Diana, didn't know you want to be friends with the enemy?" Iritado ngunit nakangising tanong ni Mrs. Del Fierro.
Humalakhak si Mrs Rockwell.
"Enough, Cassandra. There's no enemy here. We're here for Amelia's shares." Matigas na sinabi ni Mr. Del Fierro.
"Of course, I know. Hindi ko maintindihan kung paano nanatili ang kanyang share kahit na patay na siya. Sana ay sinama niyo na lang 'yong pera niya sa kanyang kabaong."
Kinagat ko ng mabuti ang labi ko para mapigilan ang pagsasalita ng masama.
"I'm sorry, Sunshine. Please take a seat." Nilahad ni Mr. Del Fierro ang upuan sa pinaka malapit sa akin.
"This is Diana Rockwell and Thalia Torrealba, mga kapatid ko." Sabi niya sabay lahad sa dalawang babaeng nandoon.
Tumango ako at nginitian ko silang dalawa kahit na naka ismid ang isa. "This is Mr. Hermano, one of our stockholders. At eto si Attorney Padilla at Attorney Gil." Sabi niya sa dalawang naka harap sa laptop.
Bumaling si Mr. Del Fierro sa kanyang anak na tahimik na nauupo pero pinigilan niya ang sarili niyang isali si Rage.
"Let's start, Attorney." Sabi ni Mr. Del Fierro at umupo na sa gilid ko, malapit kay Rage.
May binasang mga artikulo si Attorney. Panay ang ismid ni Mrs. Del Fierro at hindi ko marinig ng maayos dahil sa tuwi tuwina niyang pag tikhim.
"Let's finish this, attorney. How much is her share? May natira ba? Kasi dapat pagkamatay niya ay agad ng tinanggal ang shares. The money should stop rolling because she's dead! But why is her-"
"Cassandra! Stop it! Hayaan mo na!"
"God, Marco! It is but a small amount of money pero pinapatagal mo? What is this to you? you're woman is dead!" Sigaw ni Mrs. Del Fierro.
Yumuko ako at pinigilan ko ang sarili ko. Panay ang paalala nila sa pagkamatay ni mama at hindi ko yata kayang marinig kung lumala pa ito.
"Saan ko naman ilalagay ang pera niya? At ikaw na rin ang nagsabi, it's a small amount of money-"
"Dapat ay dinispatsya mo na 'to noon pa. It doesn't help our company. Ipinasok mo lang naman 'yon doon dahil mistress mo ang pokpok na 'yon. Thank God she's dead."
Nanlaki ang mga mata ko habang nakatingin sa mga kamay ko. Hindi ko mapigilan ang pag tapon ko ng tingin sa kay Mrs. Del Fierro.
Nakita niya ang matalim kong tingin at mas lalo siyang umismid.
"What's with that look? Are you going to kill me for this?"
May nagbara sa lalamunan ko. Isang hingang malalim ay namuo ang mainit na luha sa gilid ng aking mga mata.
"If you attack me, hindi ako papayag na makukuha mo 'yong share mo." Ani Mrs. Del Fierro.
Napaawang ang bibig ko. Kailangan kong isipin na nasaktan siya dahil naging kabit ang mama ko. Nasaktan siya ni mama pero hindi ko na napigilan ang sarili ko.
"Wala kang karapatan na tawaging pokpok ang mama ko!" Sabi ko.
"She's a mistress, Sunny. Hindi ba pokpok 'yong mga 'yon?" Dagdag ni Ezra.
Napatingin ako sa kanyang nakangiting mukha. Pinapanood ni Rage ang bawat ekspresyon ko pero binalewala ko iyon. Hindi non pinigilan ang pagtalim ng tingin ko kay Ezra.
"Enough of the bullshit." Sabi ni Mrs. Rockwell.
"Ezra, tama na. Let's do this thing nang matahimik na kayong lahat. Huwag niyo ng patagalin 'to!" Sabi ni Mr. Del Fierro.
Pinigilan ko ang aking damdamin nang nagsalita ulit si Attorney. Binasa niya ang lahat ng mga pinag gamitan ng pero at lahat ng revenue na matatanggap.
"Amelia Mercedes G. Aragon or her heir will recieve One million and twenty five thousand pesos-" Hindi pinatapos ni Mrs. Rockwell ang pagsasalita ni Attorney sa kanyang pagtawa.
"Have you lost your mind, Marco? How much did she invest in this company? Five hundred thousand? Parang tabi tabing kompanya lang, ah?"
"Stop it, Diana. Attorney, can we transfer the money on her account. Sunshine, may bank account ka ba?"
Nalaglag ang panga ko. Hindi ko nasundan lahat ng mga sinabi. Masyado kong dinibdib ang pang iinsulto ni Mrs. Del Fierro sa mama ko.
"And she gets away with the gold. What a gold digger." Iling ni Mrs. Del Fierro.
Tinapunan ng matalim na tingin ni Mr. Del Fierro ang kanyang asawa bago bumaling ulit sa akin. "May bank account ka ba?"
Umiling ako. "W-Wala po akong pera na pwedeng ilagay sa bangko." Simple kong sagot.
Nagulat si Mr. Del Fierro sa sinabi ko.
Humalakhak si Ezra at hinawakan ang braso ni Rage. Nakita kong humiig si Rage sa mesa. "Pa, you can't just pull out that money. I have a big project coming."
"Son, that's a small amount of money. I'm pretty sure hindi maaapektuhan ang transactions natin just because we pulled out a million?" Sabi ni Mr. Del Fierro.
"Actually Mr. Del Fierro, we still need to wait bago ma process 'yong pera. Hindi po declared na patay si Mrs. Aragon sa mga files kaya hindi pa matatransfer sa kanyang tagapag mana. Isa pa, may last will si Mrs. Aragon at ang sabi dito ay heiress will need to cooperate and give her services to the company."
Kumunot ang noo ko. Nakita kong umangat ang labi ni Rage.
"See, she needs to work for whatever she wants to get." Nag alab ang mga naglalarong mata niya habang tinititigan ako.
Hindi ko maiwasan ang pagtitig pabalik.
"Work here, Rage? Nagtrabaho na siya dito bilang janitress." Humagalpak sa tawa si Ezra. "Isn't that enough?"
"We have two to three weeks bago ma process 'yong transfer sa pangalan niya, Mr. Del Fierro. She will need to wait three weeks at most for the money." Sabi ni Attorney.
Bumitiw ako sa pagkakatitig ko kay Rage. Bumaliktad ang sikmura ko. Para bang alam ng anak ko kung sino ang katitigan ko kanina. Shit!
Kinagat ko ng mabuti ang labi ko at tinitigan si Attorney. Lahat ng lakas ko ay ginamit ko para hindi ako maduwal.
"Wala po bang paraan na mapabilis? Isang linggo po, hindi ba pwede?" Tanong ko.
"Oh my God! She's such a gold digger, tita!" Ani Ezra.
"May pinag manahan. Parehong pokpok at gold digger." Tumawa si Mrs. Del Fierro at hindi ko na napigilan ang sarili ko.
Tumayo ako at kinuha ko ang tubig na nasa harap ko at binuhos ko iyon sa kanya. Sumigaw si Ezra at napatayo si Mrs. Rockwell. Mabilis akong hinawakan ni Mr. Marco Del Fierro.
Mabilis din ang hininga ko at tingin ko ay nag dilim ang pangingin ko.
"Gustong gusto ko nang makuha ang pera na 'yon dahil pera 'yon ng mama ko, pera ko 'yon! At ayaw ko nang mapatagal pa ang proseso dahil tang ina nagdidilim na ang paningin ko sa buong pamilya ninyo!" Sigaw ko na ikinagulat ni Mrs Del Fierro.
"Stupid girl!" Sabi ni Mrs. Del Fierro habang nanginginig ang kamay niya sa pagpapahid ng tissue sa parteng nabasa ng tubig.
"Tita, are you okay?" Mabilis na tumabi si Ezra sa mommy ni Rage.
Hinawi ko ang kamay ni Mr. Del Fierro at hinarap ko ang attorney.
"Ilang linggo?" Tanong ko.
"Tatlo... And, uhm, we ask you to be with the company for the mean time so you can-"
Shit.
"Fine." Sabi ko at nilagay ko ang baso sa harap niya at agad ng naglakad palayo doon.
"Walang modo! Walang pinag aralan!" Sigaw ni Mrs Del Fierro sa akin habang paalis ako doon. Wala akong pakealam. Naubos na ang pakealam ko.