#الـبارت_الثـامن..🗣🌟
#قصةريـمـااا ...🎀
#بقلم #نـشووووى_السـلطاني
#الناشربارق_العراقي
حسين./ تمشيت بالساحة شفت سيارة كبال
بيت عمي الشيخ سالت شكو اليوم عدنا فصل
كالو لا جماعة البو محمود يمنا وجايين خطابه
خطابة.!!!!! وبشير اخويه شلووووون👿
عجل يولو خلي اكول البشير يجي يطردهم
الشيخ ./ ياهلا وجثير الهلا جيتكم على عيني
وراسي. اتشرف بعمامنه ونسابتهم بس البنيه
منطيه الابن عمها بشير يبو صالح لو ما البنت
حاجي بيها ابن عمها جان كتلك گبعها واخذها
بعباتها ولو اني زعلان على صگر،.
صگر./ ليش عمي اذا زعلان على سالفه بشير
يمكن ماحجالك هو شنو الي صار غير وكت
بيني وبينك احجيلك السالفه كلها مو وكتها
هسه بس افضل تسمع من الطرفين گبل
ماتحكم وتزعل عليه.. اني ردت البنيه مثل على
سنة الله ورسوله بتليت يعني بشير يوميه هاد
علينا واحنا عمام عيب عليه البارحة تجاوز علينا
ودخل على اخويه للمحل وسكتنه الخاطركم
بس المرة الجايه والله مانسكت لا احد يزعل علينا
ابو صكر ./ مدام البنت مخطوبه بالمبارك عجل
انترخص احنا ..يله نتوكل ..
الشيخ.: ./ وين يابو صگر بعد وكت ماشفناكم
ليش مستعجلين محد يطلع اكعدوو ..
صگر./ مشكور عمي بس ورانه شغل ومانريد
نعطلك كمت الحيلي والكل كام ويايه طلعنا
امشي ودحچ عالبيت طلعت فشلان بس ماراح
استسلم ابقى وراج ريما لو روحي تروح
ريما./ اية تركص وليلى تصفك واني بالي
يمهم شراح يسوي صكر معقولة ابويه يقتنع
ويوافق عليه ماصدك.. كاعدة والتفكير شلني
شل المضيف برة البيت وكلشي ماسمع
واكفة ورافعه عيني عالسمة وادعي..
امين ./ طلعو الزلم وصلناهم للباب وراحو
صكر طلع مكسور جنت اتمنى الشيخ يقبل
بس اعرفو كلمتو وحدة انطاهه البشير وخلص
رجعنا عاللبيت اني والشيخ ..
ام امين.: / شنو السالفة اهلي جايين خطابة
اليوم.؟ كالوو صحيح..
الشيخ./ اي صحيح جوي يخطبون ريما كتلهم
البنيه منطيها العمامه الناس ماحجو شي رجعو
سالفه ريما تنسد من اليوم .. كافي عاد ساعه
بشير ساعه صكر مليت من هالسيرة وينها
ريما صيحيلياهه خلي تجي هينه بسرعه
ريما./ من كالولي ابويه يريدني انتهيت كأنهم
راح ياخذوني لقاضي يحدد مصيري لو اعدام
لو مؤبد وية بشير،، امشي ورجليه احسهن
مايشيلني ثكاااال امشي وادعي واني ارجف
الشيخ./ اكعدي هين خلي احجي وياج
ريما./ كعدت على طارف الفراش مارفعت
راسي بس اسمع..
الشيخ./ سمعت المنطقه يكولون بنت الشيخ
رافضة ابن عمها تريد صكر...!!
من يمتى وجاي هالحجي وشلون الديرة صارو
يحجون ببناتي بسالفة شينة شوفي داكلج
اني مو يومية العالم داكة بابي وتخطبح انتي
حرمتو البشير .. بس لما نزوج اختج ذاك
الوكت راح اكطع مهرج على بشير ..
ريما./ ماحجي شي بس مدنكة جنت فرحانة
كلت راح ينطوني الصكر معبالي محضريلي هالخطاب الي مليان قهرر..
الشيخ./ دحچي عليه من احاجيج بشير انتي
موعاجبج كولي خلي نفتهم....!!
ريما( ماكدر اكول ماريدة اخاف احجي..). كتلو موشغلة موعاجبني الزلمة مايتعيب بس
اني صغيرة وماكدر اعيش عد بيت عمي
الشيخ./ وشبيهم بيت عمج تلكين احسن منهم
ريما./ مابيهم شي بس اطباعهم تختلف واني
مااحب احد يضغط عليه خواته كلهم منقبات اي تطور ماكو بحياتهم
وبشير مايكدر يفرض شخصيتو لان عمي وحرمتو مسيطرين عالبيت يعني اني اذا وافقت
بشير..معناهه راح ادخل سجن راح انحرم
من للبسي من خوالي تعرفوني ماكدر بدون خوالي وبيت عمي يكرهوهم من قديم هيج ماكدر
اصبر.. وبالاصل ماريد اتزوج خلي يتزوج غيري الله يسعده اني وهو مستحيل نتوالم
الشيخ./ مابيه شي واذا لبستي بوشية وان جان موعاجبج اني احجي ويه بشير مايللبسج البوشي بس ماريد بعد احد يحيب اسمج بحرف
اذا سمعت سالفه صغيرة راح اكطعلج مهر
وانطيج لبشير بالحظتها. واني كلمتي وحده
تعرفيني ماتصير اثنين
ريما./ الله كريم ان شاءالله خير 😔💔
الشيخ./ روحي يم خواتج اذا تريدين تروحين
ريما./ ماصدكت كلي روحي وكفت الحيلي
وطلعت ركض دخلت الغرفتي وبقيت ابجي
واني كاتمة صوتي جوه الفراش..
مرت الايام صكر بعد مااشوفه بس من اطلع
ويا اهلي للدكتور او للسوك مرات اصادفه
بالشارع واني بالسياره من بعيد ادحج عليه قليل كلش التقي بي ..
صكر.::/ روحي مخنوكة خنگ صارلي شكد
موشايفها محروم منها الله لايرضى عليك بشير
تمشيت ورحت لبيت قاسم كعدت يمه بالغرفه
لان محتاج احجي همومي واحد يسمعني
قاسم./ ولك انت من تجي واشوفك مقهور ومابيدي شي اتخبل مدي ادخل لبيت بشير
اكطعهم كلهم ولك كتلك خلينا نكتله كتله زينه
بس. اخ ماتسمع مني لو اني بمكانك اخذها واكطع عليها مهر واخليهم كدام الامر الواقع
صكر./ يولو تحجي صدك لو تشاقه والله
لو ابقى طول عمري انتضرها ماسويها
وانزل راس اهلها ولك اني اريدها برضات
الكل ليش اخلي الكل يكرهنا وهي خطيه
شنو ذبنهاا لااا ابد ماسويها
قاسم../ اهوو صار يتفستق براسي عمي
اتشاقه وياك بس لا تضل تنوح بوجهي مو
راح اطب لعمامها اذبحهم كلهم...
صكر./ اووو اكول شبيك تسولف سوالف مو راهمه اثاري شارب زقنبوو ولك جم مرة كتلك عوفه والله هذا يمرضك والديره كلها تحجي وراك
عيب عليك يول شبيك عود جيت اشكيله لكيته سكران طيح الله حظك ...
ريما./ مرت الاشعر وبيت عمي رشيد خطبو ليلى الابنهم ضرغام وهنا صدك بدت معاناتي
بعد بيا حجة ارفض بشير .. اطب اطلع اسمع
نفس القريحة .. الكل صار يضوج مني
بيوم من الايام اني نايمة وكعدت على صياح
اختي 😞👇🏻
مسرة./ كووومي لاتسوين نفسج نايمه ..
كومي خزيتيناااا الله ياخذج
ريما./ كمت الحيلي هذا صوت اختي مسرة
هاي شوكت جيتي شو مادري بيج..
مسرة./ جيت من وره سوالفج الناس كلها
تحجي بيج ولج سويتينه علج بحلك العالم
ولج ماكدر بعد ادحچ بوجه عيالي كلها
تسميج ام الحب بعد محد يكول ريما الف
سالفه يوميه اسمع وابلع تعبت ولج ياحب هذا
خزيتينه عندج علاقه بصكر احجي بسرعه
لزمتها من ايدها قوي ولويتها..
ريما./ ااااااااخ ايدي شبيج وخري مني هاي
مابقى احد يحاجيني بس انتي يوميه واحد
مرزلني هو وينو صكر شفته شافني شو حسرة
عليه اطلع طرمة البيت الف حارس ورايه الكل
براقبني شبيكم كله لان اختاريت صكر ..
اي اريدووو وماريد غيرووو احبه ارتاحيتي
مسرة./ حبتج حية كوولي امين ولج ياحب
هذا شوفي مرافك هالشله التعبانه تطلعين
من قصور وعزز تروحين لبيت واحد ماعندو شي
يكعدج عالحصيرة ولج شبي بشير البارحة
مسولف يكلهم بس اخذها اصبها بالذهب
من فوك لجوة وانتي تتبطرين عليه راكضه وره صكر الي لليل نهار يتفرفر ويه قاسم وجماعتو
شلون شلةةةةة تعبانه ولج انتي شبيج من احاجيج افتحي دماغج
ريما./ كااااااااافي تعبت والله ماريد اتززوج
لا صكر ولا بشير شبيج خبلتوني الله ياخذني
واخلص منكم ومن حياتي تعبت والله تعبت
ام ريما./ ولج كافي صوتجن عاااالي وتاليها
وياج ويا صكر ابوج ماينطي الا بشرووط
وصكر اعرفو مايوافق عليهن ...
ريما./ مسحت دمووعي يعني اكو امل كعدت
الحيلي يعني شنو الشروط مافهمت فهميني
ام ريما./ الشروط يحلف يمين يترك بيت قاسم
ومايمشي بعد وياه واذا وافق وخطبج كل مصروفج علينا اكل شرب للبس يعني مالو
شغل بكل هالامور لان هو فقير وانتي متعلمة
عالعزز ماتعيشين عندو.. وتبقى خطوبتج
بين ما ابوج يبنالج بيت لان بيتهم تعبان
ريما./ يقبل والله اعرفو كلشي لاجلي يهون
بس انطوني مجال هسه عوفوني..
ليلى./ والله مايقبل اني اعرفو صكر مايقبل
احد يمشي كلامو عليه بعدين هذوله اصدقائة
من هو صغير ربة وياهم سويه وشغلة البيت
والمصروف محد يرضاهه العالم راح يكولون
صدك طمعان بيها ..
ريما.. / خليت امي ومسرة يطلعن دزيت
ليلى كتلها جيبلي الجهاز احجي ودموعي تصب
تعبت من الحجي والزن الي براسي تعبت
واني افكر شنو مصيري .. واني منهارة من
كلام وزالة اختي اتصلت بصكرر .بعد مااخاف
خلي اهلي يشوفوني احاجي مايهمني..
زينب./ هلا ريما عاش من سمع صوتج ولج
ليش بذات انتي..
ريما./ زينب عوفيني مالي خلك هسه صكر
وينو اريد احجي وياه هسة ..
زينب هسه جة جان بيت قاسم اصبري
خلي اصيحله..
ريما./ استعجلي بسرعة ةةةةة ... احجي
وعيني عالباب وليلى تراقبلي ..
صكر./ من كالت ريما تريدك طير وطرت
ردتلي روحي ركضت عالجهاز متلهف اسمع
صوتها...
الوووو ها حبيبي شلونج
ريما./ شلوني زينه اتنفس وعايشه
صكر./ ليش هيج صوتج شبيج شنو تبجين
منو وياج منو قهرج احجيييييييي..؟؟ 😡
ريما./ صكر .. قبل كلشي راح اكولك شي
وانت جاوبني موافق لو لا..
صكر.: / يبعد عمري انتي تأمرين بس كوليلي
ليش هيج صوتج شبيج حبيبي..
ريما.. مابيه شي بس تعبانه ..
صكر./ يبعد صكر وعماموو وخوالوو لو اكدر
جان هسه جيت اعرف من تشوفيني ترد روجج
ريما./ صكر.!!
صكر./ وليش اتكولين صكر حاف كولي حبيبي
متعود اسمعها منج ..
ريما./ صكر اسمع .. حجيتلة السالفه كلها
صكر./ ههههههههه متت ضحك حبيبي تشاقين انتي لو شنو...
ريما./ جاوبني اختار اني لو ربعك اختار
توافق على بقية شروط. اهلي..
صكر./ شفتها مقهورة كلت هاي. هي هيج
دتسولف متت ضحك وكتله .. مو زلمة الي يبيع
ربعووو ولا زلمة الي يقبل يعيش عالة على اهل حرمتووو شبيه شناقصني ايد رجل بذراعي
اني اعيشج احسن عيشه حبيبي ماعلينا مشتاكلج والله شوكت اشوفج..
ريما./ يعني اخر كلام عندك ماوافقت على اي شرط..
صكر./ حبيبي تريدين اصير حجايه بحلك
الناس موعيب اني زلمة مايصير ابيع ربعي
ولا اكدر اتقبل اي شي يجي من اهلج
ريما./ اعتبرني موافقة لعد..
صكر.: / لا تضلين مخبله دحچي عليه اريد اشوفج.. باجر
ريما./ كتلك اختار بيني وبينهم فضلتهم عليه
ماشي صكر باي سديت الخط..
صكر.: / يول يابه وين رايحة الووو ولج
كطعت الخط.. اتصلت بيها محد رد..
ضحكت ومشيت هاي خبله عصبيه هي تهدء
ريما./ سديت الخط وطكيييييت بجي فشلني
كدام اهلي واختي ماقبل بأي شرط.. كاعده
ودموعي تصب..
مسرة./ هاا خابرتي موو ادري بيج شفتها
جابتلج التلفون شكال عيني قبل على شروط اهلي
ريما./ مسررةةةةةة عوفيني الي بيه يكفي
مسرة./ مو كتلج والله عرفتو ماراح يقبل ولج الي
يحب يضحي بكلشي بس هو خشم عالي وشايف نفسو فد شي جبير ولج كافي الولد
راح يصيرلة سنتين يريدج والحجي وراج وافقي
هذا صكر بس حجي ماكو فعل عوفي ..
ريما.: / اختي تحجي وتزن فوك راسي واني
كلشي مااسمع اجت ابالي كل لحظة عشتها
ويه صكر كلشي صار كدامي مثل الشريط
وكفت الحيلي ولبست الشال وعيوني حمرر
مسحت دموعي وكتله ليلى امشي ويايه
مسرة وين عيني غير نفتهم..
ليلى .: / اكفي وين رايحة لبست الحجاب وركضت وراهه..
ريما./ يصيحوون عليه امي مسرة وليلى مارديت
طلعت تمشيت على جدتي لكيتها تصلي تربعت
وكعدت اني وليلى انتضرتها تكمل..
ليلى./ بس كوليلي ليش جبتينا هين
ريما./ ماارد عليها مخنوووكة خنك..
الحجية./ كملت صلاة وانداريت عليها واني بعدني عالسجادة كاعده... هلا يبنتي شعجب
هالوكت جيتي علينا عجل ايه مووياجن ليش
ريما./ جدة اني موافقة بـ بشيرر !! !! !!
ليلى./ بقيت مصدومة😱😱😱😱😱
الحجية..: / كلللوووووش هذا الحجي الزين
شو تعالي احبج ( ابوسج) ..
ريما./ كمت سلمت على جدتي ومارجعت كعدت بوجهي طلعت عالبيت.. بس اريد انفجر بجي انخكت
يتـبع.... اذا اكو اخطأ غلسو بداعة بشير
وصكر😂😂
#الناشربارق_العراقي