أسفه ع التأخير 🖤
كل عام وأنتم بخير وان شاءالله من عائدين الفائزين
حوش جدي **45**👴
••••الأخـــــيره🍃🍂••••
••••<🌷اطفال هم ضحكه هذي دنيا فايارب متحرم حد من ذريه الصالحة يارب🌸>••••
دكتوره:-لا والله مافي خطوره
يوسف شاد في يدي💜
فاتو ساعات واني في غرفه مطلعتش بكل وفجاء صوت بيبي طلع كانت فرحة في عيون يوسف لا توصف ودقيقة طلع بيبي ثاني
دكتوره:-مبروك ان شاءالله من حفظه القرآن يارب
يوسف شد بنت ودكتوره خدت الولد
يوسف:-ياربي احفظهم ليا هما وأمهم وقعد يذن في وذن البنت وولد
كلام هذا
[••••••21 - 5 - 2017•••••]
ساعه 2 🌚
يوسف طار من فرحة كان شعوره لا يوصف طول طلع من غرفه ومشي اتصل بي ايوب
ايوب:-رقدين يا هم
يوسف يبكي:-رحت بو يا ايوب
ايوب جي واقف:-شن تقول
يوسف:-ساره جابت 😄
ايوب:-كذاب
يوسف:-والله بسلامه نخبر امي
ايوب:-اوووووبه اني اول واحد نسمع
يوسف:-ايه هي بسلامه
سكر من ايوب واتصل بي مرت عمي وماما وخبرهم كلهم
فطومة:-رائف حبيبي
رائف:-همممم جي صبح ولا شنو
فطومه:-لا ساعه 3:30 سرو
رائف:-خيرها😪
فطومه:-جابت رحت خال
رائف:-بلاش كذب
فطومه:-والله بنت وولد نوض نمشو نشوفها
رائف قعمز وحط يده ع جبهه فطومه:-عندك حراره انتي تي ليل والله ماني طالع غدوه نمشو
فطومه:-باهي أرقد بيش تنوض بكري
فاتت ليل وجي نهار فطومه جتني هيا وميمي
ع ساعه 7 بزبط👇👇
ميمي:-حبيبي نوض
ايوب:-ساعه كم يا حبيبتي
ميمي:- سبعه ونص نوض نبي نمشي لي سرو
ايوب:-من عقلك يا حبي تي صبح خالي بعدين
ميمي تبخ عليه في إميه:-نوض هيا نبي نشوف اصغار هيااااااا
ايوب:- هي حاضر حبي واتي فطور ولا
ميمي:-واتي كل شي غير نوض ياحبيبي بس
ايوب ناض يتكسل:-هي بِسْم الله
•••رائف & فطومه•••
فطومه:-رائف حبيبي عيوني
رائف😴
فطومه:-حبيبي راح خالو نوض
رائف:-تي حرام عليك من صبح نق ع راسي
فطومه خدت خصلتها وناضت دير فيها في خشمه
رائف:-بطلي😂معاش نقدر بطلي
فطومه:-سلم حبيبي البطل نوض هي
رائف:-هي بِسْم الله
فطومه:-فطورك واتي يا حبيبي انزل بس
رائف:-هي بِسْم الله🙈
ناضو هما كلهم ولكن كانت فطومه اكثر وحده خاطرها تشوف وليد وبنيه وصلو لي مستشفي (ايوب&ميمي"رائف&فطومه" وبعدين ماما وامي)
يوسف💛:-حبيبتي شوفتي صغارنا
اني:-تاعبه ماشوفت حد😪تو نشوفهم توا
يوسف💛:-طرف زي امها
اني:-ههه حويوه قصدك
يوسف:-صار منها
اني:-انشاءالله
الباب🚪✊✊
يوسف:-خش
رائف:-مبروووووك
يوسف:-عقبال عندك يا برو
رائف:-اختي عيوني وينهم يلي عذبوك😂
وجي سلم عليا
اني:-عقبال عند فطومه وينها
رائف:-تو تخش قاعده هيا ومرت ايوب
ايوب:-اووووبيله مبروك
يوسف:-الله يبارك فيك
ايوب:-سروووو مبروووك يا قلبي
اني:-الله يبارك فيك عقبال عندكم
ايوب:-وينهم نبي نشوف رِه
يوسف:-جنب ساره شن رائك
رائف:-مشاءالله لا قوه الابالله ربي يكتبلهم الايام طيبه يارب شن بتسوهم؟؟!
ايوب:-اللهم بارك انشاءلله من حفظه القرآن كم وزنهم؟؟!
يوسف:-الاسم ع ساره
اني:-حويوه وزنها 3 كيلو ومحمود وزنه 3 ونص
ايوب:-اوووووبه ع خويا ومرته قصدك
اني:-ايه شن رائك
رائف:-مشاءالله الحق😊
اني:-اطلعو هيا نبي ميمي وفطومه
طلعو ونزلو لي قهوه
خشن فطومه وميمي
اني:-عقبالك زي ها وقت يارب
فطومه وميمي:-انشاءالله
فطومه:-وينهم تعرفي من ليل نبي نجي لكن رائف قال لا نبي نرقد وغدوه نشوف صغار اختي عاد
اني:-هههه وأحلي خاله راح تكوني
""فطومه معندهاش خوات فاكنت اني زي اختها واكثر👭"
ميمي:-اني نبي اثنين نشوفك ونشوفهم
اني:-أمس قعدت نبكي لي يوسف
فطومه:-ليش
اني:-خوفت إنموت بعدين باهي قعدفي مستشفي
ميمي:-اها ايه
اني:-ايه😂
فطومه:-شن بتسميهم
اني:-حويوه ومحمود
ميمي:-حلوووو هذي لي حويوه معناها
فطومه:-وحتي هذي 😍
اني:-ليش متعبات روحكن
ميمي وفطومه:-مافيهاش تعب
وكانو عباره عن حديده من ميمي ذهب وخراص "دنادين" من فطومه
ميمي:-هذي مني اني بعدين تجي هديه ايوب لي حمودي هكي
فطومه:-شكله متفقين حتي رائف نفس كلام
اني:-مش ضروري ياودي😅
ميمي:-ايه قالي قولت لي رائف هههه😂
فطومه:-مفيش تعب يا غبو
ماما وامي✊🚪
امي:-مبرووك عليك يا بنتي
ماما:-كيف حالك توا
اني:-الله يبارك فيك يا امي حمدالله
امي:-جبتلك شاهي نعناع اشربي هي
اني:-ليش متعبه روحك
ماما:-مشاءالله عليهم نسخه منك البنيه يا حواء
امي:-زعما لا شكلها حفيدتي اسمح😌
اني:-عاد ع اسمها اكيده بتجي زيها
امي:-شن سميتوهم
اني:-حويوه ومحمود
امي:-ايه نجيك ليا انشاءلله نشوفها عروس ونشوفه عريس يا رب
اني:-انشاءالله
ماما:-عقبالكن يارب كيف ساعه هذي😉
ميمي وفطومه:-انشاءلله
امي:-بتطلعي لي حوشي عاد
اني:-انشاءالله هو بالك اليوم نطلع
ماما:-ايه
فطومه:-تروحي معانا يا امي
ماما:-هي بسلامه
اني:-بسلامه
روحو كلهم واني طلعت مع عصر وقعدت في حوش عمي وفاتو ايام وشهور وزوجت ولاء
شوفو شن صار في شهور هذينا 🔽🔽🔽
ايوب &ميمي ""ميمي حامل""
رائف &فطومه••ع حالهم في عسل لكن فطومه تزن تبيي تحمل••
محمد&ملاك""امورهم فل الفل محمد خطب ملاك رسمي""
عزو &هاله••في ماليزيا حامل وعيشه حياتها وبايعه دنيا••
يوسف & خوله""مهبلته هو يزيد عليها قريب تنجلط منه😂""
حسام &ولاء••في شهر عسل وحياتهم ورد وعسل••
علي ولدعمتي مشي خطب وحده بعد علاقة حب سنتين بسر💛
محمد ولدعمتي مكبد ع اماني وطايح ع راسه وهيا متعرفش💭
عمر تغير واجد وعقل ومعاش دار وجيج الفروخ متع تكليم {طايح ع راسه ومكبد🍂}
اسامه مسافر لي امريكا يكمل في دراسته📝
اماني عايشه حياتها ودير في حركات مستفزات
وتحجبت 🙈
شدي حركات نفس اماني وديمه مشيطه ريق عمتي 😪
الاء مهيش مأمنه بي حب بكل وديمه تقرا ومهيش عاطيه مجال لي اي شخص 🌿
وهذا هو في يوم كانو مقعمزين كلهم💐
ايوب:-شنو احميده قلبك يوجع فيك قالو😂"يقصد ع محمد ولد عمتي"
رائف:-طحتك قويه ربي يوقف معاك😂
محمدولدعمتي:-والله كلي ع بعضي تاعب😪
يوسف خويا:-غير لا يارجل
عمر:-مصعب جي يا شباب
ايوب:-اوووومصعب وينك
مصعب:-عايش قاعد😂
يوسف💛:-نسحابك ميت😂
عمر:-هههه صامته
مهند حط يده ع راس عمر:-بالله عليك قول شنو غيرك كنت تكلم شن غيرك
عمر:-تي توبنا يا برووو ضروري في سبب
يوسف خويا:-غير قول عليك امان
عمر:-مفيش سبب
ايوب:-تي مكبد والله مايكذب عليكم حد مكبد وطايح ع راسه اخي
عمر:-قول والله
ايوب:-والله الله تي باين في عيونك زي محمد😂وحتي مصعب شكله طايح لكن مزال مطاحش زين😂
مصعب:-كلا اني معرفتش حب ولا إعجاب قاعد بين وبين
عمر:-تي باهي استرو امها عاد😅
محمد ولدعمتي:-أني منخش نجيب تلفوني من شحن
ايوب:-راجي منخش معاك منشرب
محمدولدعمتي:-هي خش
خاشو مشي ايوب لي مطبخ محمد لي دار بيش ياخد تلفونه
خش محمد لقي تلفونه عند اماني😳
محمد ولدعمتي:-شن مسك في هم😠
اماني:-ااااا والله خشيت منحط تلفوني مش قاعدت نشوف فيه😅
محمد ولدعمتي:-جيبي جاي معاش تمسيه فهمتي ولا
اماني:-معاش منقربه بكل تريح😒 خيرك تغيرت فجأة وين محمد طيب مش توا تقول شيطان😔
محمدولدعمتي خدي تلفون وطلع في جنان وطلعت اماني وره وحطت يدها ع كتف محمد وقعدت تهز فيه
اماني:-قوووووول خيرك
محمد ولدعمتي:-فوتي امي يا اماني مش فضيلك ره فوووووتي امي😩
اماني:-اقعد في امها الحق مش فيك الحق في حماره يلي تسأل عليك باهي تحسبني ميته عليك غااااالط ره فهمت غااااالط مش اني يلي نطيح روحي لي فرخ فهمت😤
محمد لفت وجه:-باهي خلاص اني فرخ خشي داخل
اماني ربعت في نص جنان:-لما يقعد بي اسم بوك تعالو قولي خشي بي كيفي مفيش حد ليه علاقه بيا😏
محمد ولدعمتي:-تعرفي وقسم بدين االله صوتك تعليه عليا والله تشوفي الوجه الثاني لي محمد فهمتي ولاه 😡
ايوب طلع من مطبخ:-شن فيه خير صوتكم عاليه😳
اماني:-تعال شوف فرخ محمد اشبح خير هبل شكله😒
محمد شلفطها كف لا ينكتب ولا ينقرا طبع صوابعه ع وجه اماني:-لما نقعد نمص في صوبعي تعالي قولي فرخ يا فرخه 😉😤
اماني ناضت تبكي وخشت ومحمد طلع خط واحد وايوب في وضع صدمه
مهند:-خيرا محمد طلع يجري
ايوب:- الولد هبل رسمي
عمر:-خيره
ايوب:-وين مصعب ماله
رائف:-روح قول خيره محمد
ايوب:-قالي منخش نجيب تلفوني وشكله خش ولقي اماني مكسده عليه وقعدو يهدرزو لعند بدا صوت يزيد في جنان طلعت قولت خيركم مش اماني قالت تعال شوف فرخ محمد وقعدت تفتفت كملت كلامها من هنا😳
يوسف خويا:-به كمل
ايوب:-ضربها كف حسيته في نص قلبي خشت اماني تبكي ومحمد طلع يجري
محمد ولدعمي:-خليها تستأهل الحمارة اكيده هبلته
عمر:-وأماني زعما تسكت عليه تو تقول لي جدي
ايوب:-اشبح
••••عند اماني••••
خشت تبكي وتشهق وحاله مسكينه
اني:-خيرك بِسْم الله
اماني😭
ملاك:-تي شن صار قولي
سجي:-موني حبي خيرك تبكي
اماني:-فرخ محمد ضربني كف😢😭
عمتي وفاء:-حقا غبارتك يا محمد من جدك
امي"مرت عمي":-اكيده اشبح شن درات
اماني:-والله مادرت حاجة غير قولت شكله فرخ محمد هبل بس
امي:-ومعاها بس مش كف تبي مفروض طريحة
اماني:-باهي يا ماما به😒
اني:-باهي توا هو وين مشي محمد
اماني:-مش عارفه حمار غبي😭
اني:-خلاص خلاص تو فتره وتمشي مديلي حويوه
اماني:-هاك ومحمود راقد
اني:-ايه
فاتت عشيه وجي ليل وروح محمد لي حوش جدي وأماني قالبه وجها عليه
ايوب:-غير أضحكي يا موني بس😂
محمد ولدعمي:-والله مسحت ع كبدي يا برو
اماني:-نانانا متحشموش كلكم
مهند:-عقبنا الحشم ليك
رائف:-ترا مدلي حمودي خليني نلعب عليه
يوسف💛:-اووووعمر شهور ره
اني:-هههه خليه عادي
وفات جو ضحك وفات الايام وسنين. وكبرو الصغار وكل واحد تغيرت حياته 🍂🍃🍂
ايوب وميمي عندهم بنتين وليد
رائف وفطومه عندهم ولدين وتوا حامل
اني ويوسف عندنا ولدين وبنتين
هاله عندها ولد وبنتين
ملاك ازوجت من محمد وتو حامل
ولاء عندها بنت وحده
محمد ولدعمتي سافر يكمل برا
اماني عقلها قاعده زي ماهو. لا زاد ولا نقص
جدي تعب علينا وووواجد لكن حمدالله قاعد بصحته
وهذا حوش جدي 💭
حوش يحمل فرحه كل واحد فينا وحزن كل واحد كبرنا فيه عيله وحده🌸
ع حيطان رسمنا قصه وكملنها🍂
حوش الجد يعني اللمه حلوه يعني ضحكة يعني كل شي حلو ممكن يصير
""الجد وحنه لما يقعدو فيهم حنيه يغنوك ع عالم كله بعد امك وبوك 🌷""
ساره:-احمممم انشاءلله عجبتكم قصتنا كانت من واقع..
يوسف:-وخيال وكان خيرنا...
ساره:-مايطلع لي غيرنا هههه😂
يوسف:- حبينا بعض وقبل كل شي طلبنا الله في حلال
ساره:-خلاص معاش تكثر دوه
يوسف:-والله.😂المهم هذي قصتنا وانشاءالله عجبتكم يارب
سار:-ويارب نكونو ضيوف خفاف عليكم مش إثقال يارب هي سلامات في امان الله وانتلقو في روايه جديده
يوسف:-بسلامه وهذا حوش جدي نمشوله طرابه
ساره:-نروحو ونخلوه خرابه
"""""""""""""النهـــــايـــة💛""""""""""""
هذي نهاية الرواية نتمني انها نالت إعجاب الجميع وأسفه ع تأخير يلي كان بين الحلقات وانتظرو مني روايةجديدة تفاعلو وراح انزلها
شنو رأيكم في رواية؟؟!
من اكثر ثنائي نال إعجابكم ؟؟!
تفاعلو لي ان راح نشوف التعليقات اول 5تعقليات راح يكون أسمائهم في رواية
سلام
الكاتبة
Fãtīãm_Eł🎀
فاطمه ابراهيم