اسيرة بموافقة أبي الجزء الاول

الفصل السابع و العشرون

الفصل السابع و العشرون من #اسيره_بموافقه_ابي

مازن : في ايه

محمد : بابا عايزني في حاجه انا همشي تمام كدا كدا مفيش حاجه النهارده

مازن : ممم هو تعبان او حاجه

محمد : لا بيقولي عايزني يتكلم معايا في موضوع مهم متعرفش عايز ايه

مازن : و انا هعرف منين

محمد : متعرفش يا مازن يعني

مازن بتفكير : لا معرفش يا محمد

محمد : طيب

و مشي محمد

اما مازن ظل يفكر هل سيقول له و لكنه لم يقل له شيئا فانه ساله اكثر من مره فلو قال له معتز فهو كذب و قال له انه يلا يعرف فتعب من كثر التفكير فاخذ سيارته و نزل ليمشي في الشوارع بلا هدف فلا يوجد شي هين فانه محمد فكان ينتظر رد فعله

______________

في شقه \ احمد يوسف السيوفي .

كانت هبه تربط الجرافته لاحمد و طبعا الايام اللي فاتت كان بيخضع لعلاج الكيماوي و كان شعره بيقع يعني بس برضو كان جذاب حتي و شعره قصير و كان لحد دلوقتي ماشي في العلاج مظبوط جدااا و بيسمع كل كلام الدكتور و كانت هبه بدورها كانت بتحاول تخفف عنه و تهتم بيه اكتر من الاول مليون مره كانت بتحرص دايما ان تكون حالته النفسيه كويسه و مترتاح لان اهم حاجه الراحه النفسيه

هبه : حماده عيد ميلادك بعد شهر احنا لازم بقااا نسافر انا و انت لمكان لمده تلت اربع ايام بابا و عمو مش هيقولوا حاجه المره ديه هنحتفل بيه انا و انت و جاسمين بس

احمد بحزن : ملوش لزمه

هبه : ليه ان شاء الله يا احمد افندي في واحده قبلي حجزاك وله ايه ده انا كنت قتلتكم و فجرت البيت كله 😂😐

احمد: هههههههه لا يا مجنونه بس مليش مزاج انتي شايفه شكلي و شعري بقا عامل ازاي و بقيت مخنوق كل شويه الناس تلاحظ و اقول عادي بقيت قرفان جداا خصوصا اني مش عايز حد غيرنا يعرف خصوصا بابا انتي عارفه ممكن يجراله حاجه فيها

هبه : و انت مالك بالناس انا اللي متجوزاك وله هوما انا شيفاك اجمل راجل في الدنيا مهما بقيت حتي و لو ناقص ايه انت بالنسبالي زياده عن اي حاجه

شكلك وسيم في كل حالاتك و متفكرش اني بقول كده علشان اواسيك بس فعلا انت قمور في كل حلااتك مهما بقيت انت بالنسبالي اجمل واحد في الدنياا و بعدين بقااا مين الحلوه القموره اللي بتقولك كده

احمد : ههههههه يعني يكون عموما يعني حتي بابا سال كذا مره علي حكايه شعري قولتله تغير

هبه : مهووا تغير فعلا و حلو برضو في كل حالاتك و بعدين كفايا بقا علشان انا بقيت بجحه اوووي و انا اللي بقيت بعاكسك بوظت اخلاقي يا احمد اقول لبابا ايه اقول لخالتو ايه اقولهم بنتكم باظت 😂🙋‍♀️

وقفت امامه و رمت دماغها علي صدره لانها كانت قصيره بالنسبه له و هو حاوطها بيديه و نام براسه علي كتفها

هبه : متفكرش في كلام اي حد فكر فيا بس انا و جاسمين و ملكش دعوه بحد في ناس بتبقي فضوليه و ممكن ناس تكون مستغربه لانك علطول بتربي شعرك و بعدين ما انا شايفه مؤمن و سليم و ناس كتير كانت بتقصه شويه و بتعمله شويه يعني مش غريبه انت اللي كنت محتفظ بشكلك علشان كده

و بعدين بقا اللي يرخم معاك اووي قله مراتي سمعتني بكلم واحده فعملتهولي و انا نايم كعقاب

احمد : يا سلام

به : و حياه عبد السلام ياله بقا هتمشي و لا هنفضل كده و مترجعش تقول عليا بقي انا مش مؤدبه علشان هتهور انا بقا 😂😊👿

احمد : لا ده انتي لما تصدقتي بقا بوظتي فعلا يا هبه انا فخور بيكي

هبه : انت بس اتعالج و اهتم بكل حاجه و اسمع كلام الدكتور كويس علشان تشوف انا لسه هبوززظ ازاي ربنا يخليك ليا يا حماده

و بالفعل بعد وقت من الدعم النفسي من هبه لاحمد فعلا كل ما بتساعده بيبقي عنده اراده و قوه اكتر علشان يكمل علاجه و انه يشفي

----------------------

في عماره معتز الدمنهوري

بعد وقت كان محمد رجع لللبيت و ركن سيارته و دخل شقه ابوه و فتح له مععتز الباب

فدخل محمد و خلع جاكته و جلس فلم يجد حركه او صوت

محمد : هي يسرا و ياسمين و الولاد فين

معتز : فوق في شقه يسراا

محمد : ليه سايبنك لوحدك

معتز : انا اللي قولتولهم علشان عايز اتكلم معاك في موضوع مهم

محمد : مممم ايه المهم اللي مش عايزهم يعرفوه يا بابا

معتز : اولا اسمع الحاجت ديه

و فتح معتز هاتفه و سمعه محادثات مازن مع وليد و اعترافه بانه فعل ذالك اما محمد نفرت عروقه و جاب اخره من اللي بيسمعه

محمد بكل غضب : ايه ده يا بابا

معتز : لما بكلمك و قاعد معاك يا محمد المفروض من الادب انك صوتك ميبقاش عالي 🤔🤔

محمد : عايزه ميبقاش عالي ازاي كل ده يحصل و متقولوليش

معتز : يعني وااحد في غضبك ده نقوله ايه مازن و ياسمين كانوا ضحيه مؤامره

محمد فقد اصابه و بقي من جواه بيغلي مش عارف يعمل ايه ابوه نفسه بيهديه

بس افتكر حاجه و كان مسغرب جدا من نفسه ليه بيفتكرها كان خلاص عروقه نفرت و كان وشه محمر من الغضبب و كان يريد ان يلكم احد ما ليشفي يغيلله

فلاش باااك

كان جالس مع موده و يتابع اخبار التلفاز اما موده تتصفح علي الفيس

موده : استغفر الله العظيم

محمد باستغراب : ايه

مووده : مفيش خبر واحد قتل مراته

محمد بللامبالاه : ليه

موده:لانه سمع من الجيران ان هو لما بيروح شغله بتخونه

محمد : ما عنده حق طبعا واحد بيمسع ان مراته بتخونه عيزاه يسيبلها وقت لعشيقها و يقولها اتفضلي يا حبي😠😠

موده : مش كده طبعا اديك بتقول سمع لا هو شاف حاجه بعنيه و حتي دلوقتي لو شفت بعينك متصدقش

محمد : ازاي يا ست البروفسيره

موده : ده راجل مسلم يعني المفروض يكون عارف الشريعه ان لازم 4 يكونوا عاقلين و مفهومش شبهه هوما يشهدوا بكده و يقرووا و الاربعه يقولوا الحادثه بالتفصيل و نفس الكلام و ميختلفهش في شي

محمد : يعني ايه

موده :علشان الاعراض ليها حرمه و مينفعش ان اي حد يتهم حد بحاجه زي ديه الا لما يكون فعلا الموضوع ثبت لما ان الاربعه يشوفوهم يبقي فعلا الوضع صح لان كلام الناس كلها خرباه بيوووت و هو مشفش حاجه بيعينه ده دليل علي جهلنا بالدين

محمد : بس ديه رجولته انتي بتتكلمي في ايه

موده : اه رجولته و كل حاجه بس ربنا هو اللي وضع الكلام ده مش احنا اللي بننحلل و كل واحد يعلق اخطائه علي حساب الكرامه ده الخبر مفجع ده مقطعها يا اخي انهي دين و انهي انسانيه تقول كده

و بعدين حد يصدق كلام جيران

محمد : انا شايف انه عادي

موده : اعوذ بالله من الشيطان الرجيم

بسم الله الرحمن الرحيم

: يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6)

لما يجي حد يقولك حاجه اتاكد الاول ميبقاش الانسان زي الثور و مندفع من غير ما يتبين يعني

التحقُّق والتثبت من الخبر؛ حتى يكون الإنسان على بصيرة من أمره

محمد : تخيلي انا اول مره اسمع الايه ديه

موده :اديني كسبت ثواب اني عرفتك حاجه جيدده بس المهم مدام عرفت المعلومه تطبقها في حياتك ميبقاش مجرد سمع

باااااااااااك

وجد معتز ابنه يضع يديه علي وجهه و يستغفر

محمد يحاول ان يسطير علي انفعاله علشان يتحقق من الامر ويفهم بالظبط اللي حصل

وبالفعل حكي له معتز ما حدث بالتفصيل الممل لم يخبي عليه اي شي

كان محمد لايعلم ماذا يفعلو لكن كل ما يسمعه يثبت انهم حقااا ليس علي درايه بالامر و طبعا والده هداه كثيرا و فهمه كل شي بالطبع كان محمد حزين بسبب وضع اخته و الموقف اللي اتحططت فيه و اتحرجت بسببه حتي لو مع ابن خالتها النقطه ضايقته جدا و لكنه حقاا لم ينكر فضل موده عليها فهذه الايه كانت تترد فعقله حينما كان والده يحدثه و كانها السبب الاكبر في عدم فعل نتصرف يندم علي اشد الندم

و كان طالع لبيته و لكنه خبط علي شقه يسرا فتحت له ياسمين كانت تعلم جيدا انه علم الحقيقه فوالدها قال لها انه سيقول له الان

ياسمين : محمددد

و انهمرت الدموع من عينيها لا تعلم السبب في ذالك

فمسح محمد دموعهاا

و اخذها في حضنه

محمد :/ انتي بتعيطي ليه دلوقت

فاستغربت ياسمين من نبره حزنه و حبه لها فهي ظنت انه لن يهدا و كان بركان ينفجر في العماره

ياسمين : مش عارفه انا يا محمد اسفه والله

محمد : انتي هبله بتتاسفي علي ايه ده احنا المفروض نتاسفلك انك اتحطتيتي في الموقف البايخ ده و بعدين انا مش زعلان منك المفروض انتي اللي تزعلي مني و بعدين انا امانك لما تحصل حاجه تقوليلي انا

و ملس علي شعرها بحنان وقبلها علي راسها ثم ابتعد عنها

محمد : يمكن لو سمعت الكلام ده من كام شهر عدوا يمكن كنت عملت حاجات ندمت عليها

بكت ياسمين و حضتنت اخيها و تشبست به

ياسمين ببكاء : انت متعرفش انا كنت بموت كل يوم كنت خايفه من رده فعلك قوووي

محمد : علشان هبله طول عمري بزعق حبه و في الاخر بنزل علي مفيش و المره دي مش انتي الملامه احنا

ولو في فضل في رده فعلي اكيد في الشيخه رابعه العدويه اللي قاعده فوق 😂😂😊

ياسمين : نظرت له باستغرابب بعد ان ابتعدت عنه

و هو قبلها من جبينها قبله كاخ يريد الاعتذار و ان يبث بها الحب و الاحتواء

و طلع لشقته اما هي ظلت تفكر ماذا فعلت موده

و لكنها ادركت ان موده لها عامل كبيرر في رده فعل اخيهااا فانه حقاا خالف توفعات الجميع برده فعله تلك و هو يفكر ماذا يفعل مع مازن

_____________________

في بيت الحاج ابراهيم

طبعا كان ينتاب ابراهيم شعورين الاول هو شعور ابنه سنده بجانبه

و الاخر الخوف عليه من ذالك الخطر الذي سفره من اجله منذ سنين

اما عمرو كان يعلم جيدا ان والده ينتظر الفررصه حتي ينهره علي فعلته فانه جاء من السفر رغم تحذيرات والده له فهو حقا تعب من العيشه في الخارج لمده خمس سنين بلا هدف يشتغل يصرف فلوس والده فقط لا شي غير ذالك يفعل

اما ابراهيم حقاا كان لا يعلم كيف يتصرف الان الخطر حتي علي ابنه اذا علموا انه رجع من الصسفر

______________________________________

في شقه \ يوسف السيوفي

كانت سلمي جالسه في غرفتها حزينه بسبب ذللك الذي فضل العمل و كل شي عنها فالان تزوج بامراه من السعوديه و كانه كان يتهرب من كل شي لذالك تهرب منها عندما قالت له ان يتزوجوا و تسافر معه و ان الموضوع ليس للعمل انما لاغراض اخري فلقد حزنت كثيرا و بقالها يومان لا تذهب بهمها للعمل فدخل سليم لغرفتها و جدها متغطيه و مدثره نفسها جيدا و الغرفه مغلقه لا يوجد شمس او اي شي فقط ظلام

سليم فتح الستائر

سليم : في ايه يا حجه ايها الراقدون تحت التراب قووومي مالك عندك ايه انا فهمتك انتي مش سهله يا بت بتعملي كده علشان بتتهربي من انك تعملي الغدااء بقالنا ييومين بناكل من برا اينعم انتي لامواخذه اكلك ميتكلش بس ارحم من الدليفري ده

سلمي: اللي باعنا خسر دلعنا مش كنت بتتريق عليا دلوقتي بقيت البريمو

سليم : اه بقيتي البريمو احنا كده مالك يا سلومه بقا بقالك كام يوم مش طبيعيه و اراهنك ان بابا عارف و انتم مخبين علياا حاجه

سلمي : مفيش يا سليم

سليم : متاككده بصي مش هتضغط عليكي وقت ما تحبي تحكي اكيد مش هتلاقي غيري تحكيله طبعا بعد بابا ههههههههههه

سلمي : اكيد يوسف هو الحكم الاول♥

سليم : قومي بقا ياله اعمللنا غدا بايدك الطاهره ديه علشان مطلبش من برا

سلمي : بتاع مصلحتك براا

سليم : طبعا

مبتشوفيش فاطمه

سلمي : اه بشوفها و بحضنها و ببوسها نعم

فضربها بقلم بخفه

سليم : بغير

سلمي : والله يا اخويا البنت 18 سنه و هتتجننك والله و انت وش جنان و تستتاهله

سليم : اصل علطول قلقان عليها يعني بسبب اللي حصل و كده نفسي اعرف مين اللي كان عايز يعمل كده

سلمي : قوم طيب ساعدني علشان نعمل الاكل

سليم : ياله كدا كدا احنا معزومين علي الغداء بكراا في بيت عم ابراهيم علشان عمرو جه انا لسه كنت عندهم تحت عديت عليهم و انا جاي من الشغل بس للاسف فاطمه مكنتش هناك عمي كان بيوصلها للدرس ده و البني الاول كنت بشوفها و بوصلها اكتر من كده

سلمي : معلش بقاا بكرا الموضوع يمشي و الدنيا تسلك

سليم : هو انتي منزلتيش خالص من ساعت ما عمرو جه و انتي معتكفه قبلها بيومين هناا

سلمي : اااه يعني انزل اشوفه اعمل بيه ايه انا فيا اللي مكفيني

ياله بقا علشان اعمل الاكل وله ارجع في كلامي

سلمي : لا ياختي مترجعيش قومي

---------------------------------

في شقه \محمد معتز الدمنهوري

كانت موده في غرفتها بناء علي امر محمد ان لا تنزل منها ابدا الا اذا طلب منهااا هووو

و ارتدت فستانها و ارتدت حذا ء بكعب عالي لونه اسود و ارتدت سللسه رقيقه غاليه عليها مكتوب عليها اسمهاا و ارتدت حلق و صففت شعرها بطريقه بسطيه و جعلته حراا

فلقد استعدت مثلما قال و لكنها كانت متوتره جدا من ان تظهر امامه بهذا الشكل لم يكن شكلها غريب عليها فانها و فاطمه كانوا يفعلوا ذالك في المنزل و لكن هذه المره لماذا يخفق قلبها بشده تشعر و كانه سيخرج من ضلوعه و بنفس الوقت كانت ستموت من الفضول ماذا يفعل بالاسفل و في نفس الوقت تشعر حقا انها احبتهه فهي تعودت علي وجوده في حياتها حتي نقاشتهم كانت تريد تغيره و كانها تاقلم نفسها علي العيش معه من يوم ما تجوزته و

هو تزوجها لم ياتوا بسيره الطلاق ابدا كانت تظن انها ستكون اسيرته و انه شخص مغرور

نعم وجدت به الثقه بالنفس الزايده و لكنه لم يكن مغرورا كانت تظن انه فعل ذالك حتي يجرحهاا و يهينها بسبب ما فعلته له و لماذا علمت كانها تحكم من الناس من الظااهرر و لكنها تحزن من مجرد التفكير فانه لا يحبهااا و لكن هي تجد تصرفاته تعكس ظنونها فاصبحت لا تعلم ماذا تخبي لها الايام مع ابن الدمنهوري

كانت تحاول ان تهدي من روعتها فهو زوجها اذا ظهرت امامه بهذا الشكل ليست مشكله و لكنها من يوم ما تزوجته ترتدي ملابس للبيت بيجامات او اشياء و لكنها واسعه و ساعدها فصل الشتاء بان تكون الملابس مغلقه فشي طبيعي و الان برغم بروده الجو كان حراراه جسدها كانها في درجه حراراه شديده و كانت تنظر لنفسها في المراه و كانت تنتظر تلك اللحظه التي يراها فيها بهذا الشكل و بالفعل رن عليها و هذه كانت اشارته لها بان تنزل لاسفل

و بالفعل خرجت من غرفتها و هي في كامل خجلها و توترهاا و نظرات علي السلالم و راها و انبهر بشكلهاا فهو يقسم انها اجمل من اي فتاه راها من قبل بالخجل و الرقه و الجمال فكانت مختلفه جداا بالطبيعي هي دائماا يعجبه اطلالتها و لكن هذه المره مختلفه شعر ححقاا بانه حبيبته التي يجب ان يخفيها عن العالم باكمله و كانت تنظر للاسفل من شده خجلهاا و و نزلت و هو كان يرتدي قميص اسود و بنطلون اسودفهي بدله و لكنه خلع الجاكت و امسك يديها و قبلها

و لكن كانت دهشه كده من الشكل فكانت المكان ملي بالشموووع و كانت الاضاءه خفيفه و كان الجو رومانسي

بمعني الكلمه ووجدت بعض الاثاث بجانب لوحده فكانت الساحه فارغغه ووجدت طاوله صغيره عليه اطباق و شموع ايضا و يعبر ان هذا العشاء و بالفعل جلسوا و تناولوا العشاء

اثناء الطعام

محمد : ينفع تعتمدي عليا بقا ؟!!

موده : بصراحه اه انت عملت كل ده لوحدك ده انا حاسه اننا مش في البيت

محمد : شفتي انا كنت ممكن نتعشي ببرا علي فكره بس انا حبيت نكون هناا

موده ماازحه :اصل اكيد عمرك ما كنت هشتري فستان زي ده علشان البسه برا ههههههه

فضحك محمد ايضا

محمد :اكيد بس طلع احلي و اجمل مما كنت اتصور انك تكوني بيه و بصررااحه انا دلوقتي شايف نجمه من السما قاعده معاياا

انتي فعلا اجمل من اي واحده انا شفتهاا و اكتر حد لفت انتابهي دلوقتي و قبل كده

فخجلت موده جدا و لم تعرف ان ترد عليه و حاولت ان تتصنع انها تاكل و تنتبه للاكل

و قام محمد و امسك يديها و شغل اغنيه

و ماله عمر ديااب

و هكذا كانت دعوه لها للرقص فكانت متوتره في بادي الامر و لكنها حاولت ان تهدي من نفسها

بداخلهاا و بالبداية كان محرجه ان تنظر لعينه و لكن بعد ذالك استسلمت لبحر عيونه التي تغرق بهااا و استسلموا

اللاغنيه و اكنهم حقا ينسوا كل شي فقط ما يركزوا به انهم مع بعض

وماله لو ليلة توهنا بعيد، وسيبنا كل الناس

أنا يا حبيبي حاسس بحب جديد، ماليني دا الاحساس

وانا هنا جنبي أغلى الناس، جنبي احلى الناس

حبيبى ليله

تعالى ننسى فيها اللى راح

تعالى جوا حضنى وارتاح

دى ليلة تسوى كل الحياه

ومالى غيرك

ولولا حبك هعيش لمين

حبيبى جاية اجمل سنين

وكل مادا تحلى الحياه

حبيبي المس ايديا عشان اصدق اللى أنا فيه

ياما كان نفسى اقابلك بقالى زمان، خلاص وهحلم ليه

مانا هنا جنبي أغلى الناس، جنبي احلى الناس

حبيبى ليله

تعالى ننسى فيها اللى راح

تعالى جوا حضنى وارتاح

دى ليلة تسوى كل الحياه

ومالى غيرك

ولولا حبك هعيش لمين

حبيبى جاية اجمل سنين

............

____________________

رايكم بقااا ياله بالتفصيل