عاشق من بني النعمان

البارت السابع

#عاشق_من_بني_النعمان

البارت السابع

دمعت عيني من الوجع
ومن شاف دمعتي نيار بعد ايده عني..
-اسف انسيتي الجميله..اسف معشوقتي
جنون عشقي الچ السبب
یتکلم ويفتر بلغرفه متعصب..
واني على وضعي اريد اكوم..
ماأكدر...
نصى وجه علیه وهو یشد شعره ..
من وری بکد مااعصبي....أبتعد وهو ينطى وجه للحايط
يزفر بقوه قويه
واشوف دخان يطلع من أذنه..
عرفت هو متعصب..
اباوع على طوله وضخامته"وكفته
ودي اضرب وجي امبين علیه
هل طول والجمال مو طبيعي..
وين چنت عن هل رعب..
تلمست أشفافي توجعني واحس بيهن شك بلوسط
واباوع على ايدي واشوف حمار
وهمات طعم دم بحلكي..
منين اجى هل دم؟؟
تذكرت من عصب مره...انيابه صار بيهن طول..
خفت من الي ديصير بيه..
بقيت أقراء المعوذات...
ياربي والله لو ما استحي چان سکنت عند عمتي.
ليش بس هنا يصير بيه هيچ..
ماکو فکره ابراسي..بس لازم اطلع من المخزن..
وهو ميدري
استندت على ايدي كمت بخطوات خفيفه..
كل ظني مارح يشوفني أو يحس بيه...
مشيت وبكل خطوه أذكر الله..
تلمست اليدة فتحت الباب..
التفت على مكانه لازم أركض..بقوه
رأسن انسد الباب حيل
واید جرتني وندفعت للحايط..
صرت محشوره بين ايده..وجه قريب عليه
وانفاسه الحاره القويه تلفحني
واني بين ايده مااكو خوف..بس مثل الشي غريب
مايقبله العقل...
اعرف ما رح يأذيني..
نزلت على کیف للکاع وظهري لحایط  لازم ابتعد منه..
اخاف يحجزني بعالمهم..
عبرت من جواه..واني احبي مثل الطفل..

-ههههه قط لعوب وين المفر..چان هذا صوته
بس بهدوء..كالها
وكفت خلاص لازم أواجهه مااخاف منه
لأن عرفت  العنف صفه
من صفاته حتى بوسته"لمست ايده..عنف

-ما الك حق عليه فاهم....زمجر بغضب قوي مخیف
-أني الشخص الوحيد الي اله حق بيچ....
أنتي ملكي...ومليكتي..
الخوف تسلل الکل آطراف جسمي...
-شتريد الله يخليك أنت"وأمي"وأختي"وقتيبه"
وعمي محمد
كلكم تحبون تأذوني..كافي غمضت عيوني بقوه
وبقيت اصيح بصوت عالي
كافي كافي أقتل روحي واريحكم...
اي اموت وكلكم ترتاحون...رجعت الثرثرتي
وا أصيح عليه بكل قوتي روح مني نيار
انت متحبني..انت عنيف
اني ماعندي حظ لا وي جن ولا وي أنس...
شتريد مني...
كل ظنك أقبل ازوجك واكعد وي صاحبتك
اي شفت عندك وحده دتحضنها.....
ويجوز زوجتك الاولى ...واني الثانيه شنو
وحتى لو عندك جيش "وقصر ماازوجك
ولا اقبل بيك..
وبعد شفت بقصرك.....هواي مخلوقات بيه
مااريد هاي الحياة والهوسه"والرعب الصامت
تاخذوني أخدمكم...
الكلام الي اتكلمه من خوفي بس عرفت بنفسي
انطلقت زايد...فتحت عيوني ماكو نيار..
خليت ايدي على گلبي...
-الحمد الله راح....لا ماارح اكيد شرد لان هواي حچیت..

طلعت من غرفتي اريد اشرب مي عطشت
فتحت الثلاجه اشرب مي
سويتلي لفت جبن.. اكلت لكمتين على السريع..
رحت للصاله واسمع اختي سهاد تتكلم وي امي..

-رح يخطبني باچر ولاتجیبین طاري نهاد
لأن خاف يكولون علينا عائله عدهم وراثة صرع..
وآرید عمو محمد يجيبلي الكريمات
الي وصيت عليهم وهو يدفع افلوسهم
واريده يشغل خطيبي وياه...
عفيه ماما هو يحبچ
قنعي؟؟
هو كال اشغل خطيبچ ویاي بصيرفه
بلكن اصير مثلچ ماما...بابا یحبچ..وعمو محمد شنو سر
علمیني ههههه
دخلت أمعصبه عليهن وضربت سهاد راشدي

-حقيره انتي مو اخت لچ منو المصروع..
وهذا يا عمو محمد يحب ماما...
ترى اعرفه عشيقچ یاامي المصون..
وللعلم آني أعقل منچن آثنینچن تدرن لیش...
لآن ماعندي عقد نفسيه"ونقص
وادور على زلم تحبني
وتكمل نقصي..
ولا مريضه نفسيين ومرخصه نفسي لشعيط ومعيط
أحمد ألله واشكره ألف مره...
ماطلعت مثل أخلاقچن
أي "آللسان دکولن علیه "مصروعه
بس شريفه..
کل دعايات تكولنهن عليه
لأن مااقبل على غلطچن النجس..
رح أتخرج من المعهد...
والكى وظيفه  واتعين...
واخذ بابا من نكاستچن
ساکته منچن
لآن صحته موزینه"کلبه ضعيف
وأله والله لو صاحي..
چان خبرته عنچن..جرت امي ايدي

-اشبيچ لچ تخبلتي..لو نصرعتي ملخت شعري
هي وسهاد والضرب من كل مكان صار...

دخل بابا على صوتنا وهو يحضني ويبعدهن
-بعدن من نهوده واحترمني اجيت تعبان
أشبيچن ویاها..
هسه بررلي ليش دضربنها....باس راسي واني بحضنه
ظليت كامشه بيه بقوه...واريد اخبره عليهن
أمي اشرتلي اسكت وسهاد تاشر على گلبها
مثل تقلد على بابا من يوجعه کلبه...کوه بلعت ریجي
وبلعت السر الي ردت أتكلمه..
-أي أبو سهاد هذا دلالك ألها خلاها تتمرد عليه..
كبرت وصارت اشكبرها وأنت تحضنها مثل طفله..
وحده حقيره غيوره...
لأن اختها اجوها خطابه ضربت سهاد
ورادت شوه وجها
واني بعدتها اتجاوزت عليه وسبتني..
نست أني امها...ضربتها شتريد ياعيني أسكت..

-انتي نسيتي اني بنتچ...ونسیتي انني دورچ أم..
ركضت للمخزن الي شردت منه..
وافكر بطيبت گلب بابا...وهل خاینات
مابقى شي على تخرجي...واخذ شهادتي

فرشت سجادتي أصلي اريد ارجع النفسي...
اعرف ممقصره بصلاتي واصليها بوقتها..
بس ابقى مقصره هواي وي ربي...
محتاجه اروح للزياره
ومحد ياخذني بس عمتي لو عماد..
عماد عند شغل بلأنبار...
سداد لو يموت ماياخذني..اروح العمتي
اقنع بابا..بلكن يقبل
كملت صلاتي وام الچادر آصلي يمي..حسيت بيها
لملمت المصلاة
حضرت العشى...
ونظفت البيت مااريد ادخل للمخزن
بقيت كاعده اتفرج على التلفزيون...غفيت اشوي
فزيت على صوت المذيع.. ثالثه بعد منتصف اليل

باوعت الملابسي وسخات لأن نظفت البيت كله..
رحت الغرفتي طلعتلي ملابس وللحمام..
اول مانزعت ملابسي أشوف العض بزنودي من سهاد
صاير أزرك...
والزند الثاني من ورى اثار ايد نيار من جراني..
اخذت دولكة مي واني أغسل واحس شي يمي
تعوذت من الشيطان..
خلصت على السريع من الخوف اريد اجر المنشفى.
شفت نيار واكف مغمض عيونه...
وماد ايده الي ينطيني  المنشفى
جفلت واني ابتعد منه...
لبست كلبيتي مال نوم
بلا ماانشف..
طلعت معصبه من الحمام وهو بوراي....
وكفت بوسط البيت
وين أنام؟
اذا يم سهاد وتشوفني أتكلم وي نيار...ادكول عني
مجنونه..
اذا بصاله اخاف زوجات أخوي يشوفني...
دخلت للديوانيه  وهو يتبعني...
ونظراته الحالمه تتفحصني وياهن أبتسامه جريئه

-المن دخلت بوراي للحمام انت مسلم لو لا
مو هذا الشي حرام...

-مسلم بس مو معصوم وليسمعچ آول مره آنظر الچ
وآنتي؟؟
-يعني شنو
-يعني يا اجمل بشريه عشقها نيار. 
ما ممكن أذيچ فتاتي "ارجوچ القلب آضنى الشوق
تعرفين من اغادر منچ بسرعه..
شنو اول شي اسوي..
اغطس بواحد من الاینابیع البارده...
آطفيء نار جسدي
جسدي راغب "الي متيم بجسدك...
لأن  ماممكن أغصبچ...
حسيت ابروده خفيفيه...وصداع ودي اتقيء

لكيت نفسي داخله بقصره الي دخلتله قبل...
كعدني على السرير....
خفت لا يسوي بيه شي....ماكو هو..
صوت صرير الباب انفتح
وأشوف أمرأه كبيره بلعمر..
الزمن نحت خطوطه بيها
وهي تقترب مني....
واشوف نيار يمسك ايدها...المرأه العجوز بأبتسامه

-السلام على أبنت أدم وحواء...
-ها كيف"اشلون وعليكم السلام خاله
اقترب نيار مني ولساتني مشدوه مكدرت اكوم..

-اقدم ألچ والدتي العزيزه أغلى مااملك بعدچ..
وخبرتها عن عشقي..
فرحت"وافقت ...وهي تطلبچ للزواج

-نیار ارید ارجع للبیت کافي

ابتعد مني  وهو یجر مرایا بلحایط..
ویکسرها اربع مرایات نزلهن
وحده وری الخ..ويشمرهن للكاع..
خفت وکرفصت جسمي..
وحضنت والدته دون ماادري..الي صاحت

-اهداء بني معشوقتك خايفه كيف تقبل بيك
وهي تشاهد جنون غضبك..تلمست ايدي بحنان ودفوها الغير طبيعي...

-اعذري أبن العاشق يريد يحصلچ بآي ثمن..
ومااعرف كيف جلبچ العالمنا البعید..
ارحمي عشقه وقبلي...اقترب من أمه وهو ينظرلي
اشوف الغضب يحيطه..نفسه يصعد وينزل
يفرك جبينه ويستغفر..

-اتركيها امي الغاليه ماتستحق عشقي..
لا تتوسليها جر ايدي بقوه يكومني ارتطمت بصدره
رفعت راسي له...وانظر لعيونه الساحره"
حسيت بدوخه واني أنظر لعيونه ألونهن وجمالهن..
ضعت بين صدره وأيده"وتقاسيم ملامحه الوسيمه
كل جسمي ينفض من هل قرب"والسحر..
بس مااضعف كدامه ابد..ايدي بورى ضهري
كامشها حيل"وبقوه..

-ايدي نيار تالمني أرجوك...تركها
غمض عيونه وبعدني بقوه..
وكعت  على سرير وبقيت كاعده..
كعد يم رجلي وهو يبوس أيدي...

-ارجوچ اقبلي بعرضي للزواج مااتحمل البعد
لیش آلأنسيه قاسيه...
خبريها امي الغاليه عن عذابي
عذابي القوي بعظمة حبي الها...

بقيت ساكته بين هدوء والدته الي تمسح بشعره
وتهداء بيه..وبين توسله
مااعرف شريد هل لحظه...
اصوات قويه  مرعبه خارج الغرفه
كامت والدته وهي تستند على صولجان ذهب..
طلعت بسرعه...نيار تبعها قبل لايطلع للباب..

-لا تخرجين الى حين قدومي...خفت من الاصوات
تبعها بوق قوي رحت للباب اريد اطلع مقفول...
شفت شباك كبير...
باوعت واشوف نفس الجنود المدججين
يوكفون باستعداد تام...
نيار يتكلم معاهم وهو عصبي...ويصيح عليهم  أمر
مافهمت الكلام لأن بعيد...اقترب شخص منه
وهو ياخذ تحيه السلام...
ويلبس نيار درع ...لامة حرب..
شكله عنده قرنين ملامح بشريه...
رفع راسه نيار للشباك شافني ختلت ورى البرده..

اي اليوم كتلي عمل شعبي..
لو ظاله على سهاد وامي وكتلهن..
بس لا شافني ابو كرون وهمات يضربني..
عزااا
بقيت استغفر وادعي...ربي يخلصني

دخل نيار وهو  يقترب مني وصوت الحديد
الي يلبسه يسبقه
هيئته بهل لبس مخليته شخصيه "بوقار غريب...

-نهادي أريد الدعاء الي بلأنتصار لان قلبك صافي..
والله يسجيب للقلوب الصافيه
من ارجع من الخرب اخذچ عروس الیه...
الحرب هاي اخر وحده والانتصار حليفنا
مثل كل مره...
لان احنا اصحاب حق...
باس ايدي...
فزيت على صوت الأذان
مغطيه وجهي بشرشف...اني بدوانيه شجابني هنا...
ودور باب الدوانيه مفتوح...
رفعت الغطاء شوي
واشوف مقابيلي ولد بلباب  مافرزنت ملامحه زين
لأن الشمس وراه  واكف يحچي

-خويه عماد الباب فتحو جهالك بس والدك الحجي نايم خاف عيب منه خل اروح..
باوعت على طول دوانيه بسكوت....
هذا يقصد اني الحجي مايشوف نعومتي...انوثتي
لازم اكوم أتعارك وياه...
لا مااكوم البارحه سبحت ونمت مامشطه..
خاف يخترع...
دخل عماد وهو يجر بصديقه..

-دتعال ادخل...
اول مدخل عماد باوع عليه عرفني...طلع صديقه
وهو يدفعه بشقى سد الباب...
أجى عليه يندس بيه..
سويت روحي نايمه حتى ماانكتل..

-لچ کعدي أشنومچ بلدوانیه...چان فضحتينا
دكومي....
كمت واني شعري كفشه.. ولافه روحي بلغطا

-غير تتاكد انت تدفع بلولد...
وجهالك يفتحون الباب...
-روحي حبابه سوي چاي...وكفشتچ غطیها خویه
لآن اني چان خترعت من شفتها...
-اي وعلى حورك...
-دروحي ام اللسان محد فاك منچ..
ها نهوده عندي مفاجأه الچ‌‌ بس تالي..

رحت للغرفه ابسرعه...
واني افكر بلي صار البارحه
دخت..
الي شفته حلم حقيقه..
زين اني احبه نيار لو  لا...
توسلاته بيه..انقهر عليه
زين زواجنا اذا صار...
وين اعيش؟؟
هنا بلارض
لو عدهم؟؟
هواي افكار اجتي بالي...

اتمنى الي شفته حلم...
بس متاكده  مو حلم  
هو اخذني وشفت كلشي...
ايدي هاي اثار ايده عليه....

طلعت من الغرفه اسوي شاي..
واسمع ماما تتكلم وي عم محمد..
اشكد قرفته من هل وضع......
يارب كون يموت محمد...نيار يقتله..
حضرت الشاي...وكعدت اقراء قرأن..

صار الليل اجاني عماد للغرفه..

-كومي نهوده خويه اليوم صديقي عازمنا عل عشاء
كلي جيب العائله وتعال..

-لا مااروح اكيد امي وسهاد يرحن..
-اي وعمتي تجي.....
-كول والله عمتي  صار كومه مشايفتها...
حضرت نفسي مجرد غسلت وجي بصابون..
لبست صايه ولفيت الشال.....
جهزنه نفسنا
ورحنا بتكسي وصلنا..
اول منزلت  اشوف باب چبير مفتوح...
وبداخله حديقة كلش چبيره تجنن..مادهشتني كلش
لان عالم نيار شفت بيه احلى واجمل...بس رعب
داخل عالم نيار....رعب خفي بلطبيعه.
لكن عل ارض مختلف....الطبيعه تخبل..
اسمع عماد یکول..
-بس الحديقة 1000 متر ...
آقترب ولد من بعيد..
شاب اسمر طویل مزين اكرع..
صاحب عيون كبار...
بقيت صافنه عليه مااعرف وین شایفته
ارید اذكر بقى يسلم على عماد
ويرحب ابعمتي...
حسيته عرف اباوع عليه..
نزلت رآسي....

-أتفضلو البيت بيتكم...تفضلي

دخلنا وصارت كعدتنه بل حديقه...
كلها اضائه قويه كلوبات
وثريات عمدان...
بحيث حتى لو الورد مبين
واكو اشجار تفاح" ومشمش" وعنب" و رمان"
وتمر" والنشرات مشتغله...
واسمع عماد صاح عليه وهو يصعد عل كرسي
يريد يشلع تفاحه...

-ادهم رح اخذ تفاحه...
-اخذ عمود اخوي...
رن تلفون عماد..وهو ديشلع تفاح
وجهه تغير من خابر...صاح..
-لا صدك عمي محمد مات...وين وشوكت؟؟