تابعوني بنات بطريقكم ولتنسون التصويت فديت 😍
//// البارت الثلاثون والاخيييير ////
#حليب _أسود
#الكاتبة _شمس
ماما .. ها امي شراد منج هذا قليل الاصل .
حور .. معليج منه ماما هذا عايش بالاحلام .. عباله
اني حور القديمة الي يضحك عليها بكلمتين
: •
: •
دخلت للبيت بدلت وبدلت الجهالي .. ماما كالت اني
راح اطبخ
رحت نضفت البيت وكملت شغلي
رحت للمكتب .. كعدت ع كرسيه .. فتحت الحاسوب
مالته
كان مملي بصورنا وصور مسرة
اخذتني الصفنه وي ايامنا الحلوه ..
: •
يك موبايلي
باوعت هذا استاذ مضفر ..
ردت .. هلو استاذ شلونك .
سهلو خويه ام مصطفى. الج خويه هاي ام زين تريد
تحجي وياج
-اي نطينياها
-هلو ام مصطفى شلونج
-هلو ام زين الحمد لله
-اكلج عيني . ابو زين كالي تردين تنقلين ـ وكال زينه
بالحاسبه وكلشي تعرف . ليش ماتجين هنا يمي
بالضريبه والمدير محتاج سكرتير شاطر وع الحاسبه
وهم الشغله مريحة احسن الج من المحكمه شتكولين .
.. . .
حور والله ام زين علواه . اني بعد قيس ماودي ابقى
بالمحكمه . وهم بعيده ع بيتي
ام زين .. العد هاهي اخلي ابو زين من باجر يمشيلج
بأوراق النقل . وخليت المدير يسويلج طلب حتى تسهل
الشغله
حور .. مااعرف شأكلج ماانسى وكفتكم وياي
ام زين .. كولي يالله احنه اهل . والمرحوم كان اخونا
وياما وكف ويانا ..
تشركت منهم وسديته .. فعلا اكو ناس غربة بس يوكفن
ويانا اكثر من الاقارب والي نعرفهم ..
اخبرت ماما فرحت .. كالت انى اصلا ما احب شغل
المحكمه بس لان رجلج وياج جان مطمانه
مرت الايام وبديت اشتغل بنقلي .. والحمد لله كملت
وبيوم اجاني شخص شايفته بس مااتذكر .
كال ست حور ممكن احجي وياج ..
-تفضل اخي محتاج شي
-اني عدنان ابن عم قيس ماعرفتيني
-تذكرت .. هاII اي اهلا وسهلا محتاج شي
كانت نضراته ماتعجبني وحاسه وراه شي .
عدنان .اريد احجي وياج على انفراد
حور .. بشنو ؟
عدنان .. هنا ماينفع
حور .. وانى ماكدر اطلع وياك بمكان عام . انت ناسي
انى ارمله ومايصير اطلع وياك
عدنان .. بس الظاهر تردين تطلعين خليني اوصلج
وبالطريق نحجي
حور .
. لا مطالعه بعدني بس دا الم بغراضي بعد
لان
ما اداوم هنايه انقلت
عدنان .. بأستغراب .. ليش صار شي هنا اكو احد
مضايقج بس كولي
تعجبت من لهجته عبالك من اهلي ويدافع
حور .. لا شكرا ماكو احد مضايقني بس بعد قيس
المكان صار يخنك لهذا طلبت نقل
عدنان .. امممم لست حوراني معجب بيج وخاصه من
شفتج هناك وشلون تدافعين عن حقج وبنتج عجبتيني
وماطلعتي من عقلي ابد ودووم افكر بيج . .
حور .. بس اني بعد قيس مستحيل اتزوج وكول للي
دزك عليه . يخسى اذا يفكر مجرد تفكير انه بيوم ابدل
فيس بغيرة ..
عدنان .. والله محددازن , اني رايدج بالحلال . وقيس
مات وانتي صغيرة وعندج اولاد لازم تشوفين حياتج
كمت من مكاني .. استاذ لو سمحت هذا مكان شغل .
وقراري نهائي مستحيل افكر بغير قيس انسى
ويمكن انت تعرف قيس شنو
يعني مو بالسهوله الواحد يكدر ينساه ..
وهسا من رخصتك وياليت ماتتعود تجي لهنا وتعب
نفسك لان ماراح تحصل شي مني
انسوني واطلعوا من حياتي ..
عدنان .. ع العموم اسف اذا ضايقتج .. وتصدكين اني
حاسد قيس عليج . رغم الكلام الي وصلني عنج بس
عرفت اختيار قيس مايخيب ..
اسف اذا ضايقتج . بس اذا بيوم احتاجيتيني راح اكور
موجود بأي وقت ..
كم البنتج وسند الج .. سحب ورقة من الطاوله وكتب
رقمه واسمه ونطانياه
واستآذن وطلع
هففففف مااعرف ليش كنت متوترة منه وعبالي يطلع
مثل امجد . بس الحمد لله كدر يتفهم ويطلع من
حياتي لان كنت خايفه لا يسببلي مشاكل .
انقلت للضريبة وكان دوامي حلو وبنات هواي هناك
تعرفت عليهم . وام زين وياي ماتركتني
اما محمد فكان مثل الشوكة بالبلعوم .. كل يوم
وطالعلي بسالفه
وكل يوم اطردة وارزله وميفيد ..
بيوم من الايام كان جمعة .. ماما رادت تروح يم فرح
خطيه دايما تتوسللها تجي يمها كم يوم .. واخت وياها
الاولاد بقيت بس اني ومسرة
فكنت داسوي شي خفيف بالمطبخ لان وحدي .
سمعت الباب اندكت
رحت للكاميرات باوعت . هذا امجد شيريد
مافتحتله .. بس اصر وحرك الجرس
اتصلت بضرغام .. كال هسا جايج اني ..
اضطريت فتحته بعد ماكسرها للباب .. عطت بي
شرايد ماكفاك الي سويتة
دفع الباب حيل . عليه ودخلني للحديقه
ردت اعيط سد حلكي . والايد الثانيـة شالني بيها
خلني لجوز
واني اضرب واقاوم بس مااكدر هو اضخم مني
تندمت لان فتحت الباب بعد ماشفت الشر الي بعيونة
ماردت احسسه بضعفى وخوفى
بس ماانكر ساعتها كلبي راد يوآف من الخوف ..
ومن سمعت كلامه وهو يكول
امجد .. وج حور دمرتيني راح اموت كلما اريد اقسى
عليج حتى اكرهج واحطمج بس كلبي يحبج ويعشج
من يوم الي شفتج ذبت بيج وماردت ابوي يتزوجج
وحاربتج حتى تفترقون
وردتج تجين يمي لهناك حتى تكونين قريبه عليه واشبع
#بقلمي_الكاتبة _شمس
دفعته برجلي .. الك انت متستحي شنو هالحجي اني
مرت ابوك ومحرمة عليك انت تخبلت
امجد .. اي تخبلت . ماحبيت مرتي بكد ماحبيتج . ابوي
مات حور وهاي العقائد ماتهمني اني رايدج ..
تفلت عليه .. انجب حقير سافل . اذا ماطلعت منا الم
الدنيا عليك
ركضت للمطبخ . اخذت السجينه وكتله .وربي اذا
: •
اتقربت مني اقتل نفسي
هجم عليه بوحشيه . ولواها الايدي واخذ السجينه اذا
ماطاوعتيني وتزوجتني اخذج بالقوه ..
كمت اعيط واريد احد يسمعني ماكو
الدموع نزلت من عيوني وصار قيس عبالي
كمت اصيح
قيس تعال حبيبي قيس .. قيس ليش تركتني الهيج
حيوانات
وكنت احاول ادفعه واتعارك وياه وساعه اتوسل بي
وساعه احلفه
بس مايفيد كان حيوان هائج
بس ربي العالمين وروح قيس الي محاوطتني حموني
منه .. اجه ضرغام بالوقت المناسب
تخبل من شاف الموقف .
ولزم شبعه بوكسات وضرب وامجد يرد عليه بس
ضرغام كان مسيطر اكثر .. الى ان حسيت امجد راح
يموت جواه ..
الغريب انه امجد كان منتهي ويصيح حور انتي الي
حور ما اتركج
طلع ضرغام المسدس خلاه براسه .. كاله اذا اتحركت
ارميك ..
امجد انكلب فار بذيج اللحظه .
ضرغام .. روحي استري روحج بسرعه ..
انتبهت ع ملابسي مشككه
صعدت ابد
بس الدموع كانن نهر . واحس جسمي توسخ. هذا
دخلت اسبح وابجي . بدلت وقفلت الغرفه
كانت عيني ع صور قيس وابجي
اليش هيج قيس . ليش تركتني . شوف شصار بيه من
بعدك .. ابنك من الحمك راد ينهش شرفك وعرضك
اخذني وياك قيس . لاتخليني هنا .
بقيت ساعه حابسة نفسي بغرفتي
اندكت الباب طفرت ..
منوع.
اني فرح افتحي
فتحتها وشمرت نفسي بحضنها . كمت ابجي واعيط .
وج فرح خايفه فرح شفتي هذا النذل . شرايد يسوي .
وج لو ماضرغام . جان
ناني انتحرت ولاخليته يسوي
بيه شي.
صعدت ماما حضنتني .. اني الصوج بيه طلعت اني
تركتج الوحدج . نمت بحضنها وفرح اخذت بنتي
ونزلت
ماما .. لاتخافين ياامي ضرغام خبر صديقه واجو
اخذوه وهسا يتختخ بالسجور ان شاء الله ..
من الخوف كان الحل الوحيد انام . حتى انسى .
مر كم يوم واني كارهه الدنيا ..
وكل يوم مراكز ومحاكم
ااااه ياحور شنو بعد ماصابج .. كل انواع القهر صار
وياج
بعد شكد تتحمل يلبي
ادخلوا خواله وعشيرته .. وكالوا تنازلوا ونخليه يسوي
تعهد مايجي ولايدخل بغداد بعد .
بس مانريد فضايح وهي مرت ابوه وام اخته .
مانريد الناس تاكل وجهنا
بالاول قرروا يزوجوني العدنان حتى مايصير حجي .
اني رفضت هالشئ
وعمي وضرغام هم
بس شيخ عشيرتنا كال . هيج احسن لان البنيه صغيرة
وعليها العين ولازم نسكت حلول الناس ..
تخبلت من سمعت هالكلام .
وكلتلهم انتحر اذا جبرتوني ..
بقيت الليل كله ابجى .. تذكرت رقم عدنان ..
اتصلت عليه من الصبح
رد بأستغراب ..
الو منو حضرتج
اني حور مرت قيس.
اهلا ام مصطفى. الصراحة فاجأتيني
اسفه اذا ازعجتك . بس كان لازم اتصل
لا بالعكس تفضلي
استاذ عدنان .. الي سواه امجد قله شرف منه . ولازم
يتعاقب . ولان العشاير تدخلت وطلبوا تنازل اتنازلت
بس مال يحلوها ع حسابي ويجبروني اتزوج مستحيل
عدنان .. الي ترديه يصير . بس لو تفكرين بالموضوع
من جانب الامان الج والاولادج . انتي لازمج رجال
يحمي ويدافع عنج .. الله شاهد اول ماعرفت ضربته
وبهذلته
وضجت حيل .. يعني اني مالي ذنب .
حور .. استاذ عدنان . قراري ماله علاقه بيك . بس انت
تعرف اني ما اتزوج ومستحيل اتزوج بعد قيس
اموت ولا رجال غيره يتزوجني
لهذا اتمنى الرفض يكون منك وتفهم شيخكم بهذا
عدنان .. بعد الي ، كلتيه مستحيل اجبرج عليه . والي
ترديه يصير ..
حور .. شكرا مع السلامه
عدنان .مع السلامه
بعد . شهر انحلت عشائريا .. وفصلوا خمسة وعشرين
مليون .. اني ماتهمني الفلوس ولاطلبت
بس عمي كال لازم نرد اعتبارنا ومانسكتلهم
ومن ذيج اللحظه قطعت علاقتي بيهم . بس وفاء
تتصل تسأل ع مسوره لو تطلب صورها
وقهرتني من تعتذر وتبجي ع السواه اخوها ..
اتصلت
يوم عن يوم كدرت انسى واستمر بحياتي
ودوامي مستمر ..
ماما بقت يمي .. ونقلت غراضها كلهنا الي .
اني رتبت وحدة من الغرف الفوك . المكتب قيس
صعدته كله هو واغراضه يم غرفتي . صار قريب عليه
شوكت مااشتاق ادخل اكعد ع كرسيه وافتح لابتوب
مالته اباوع الصورنا وذكرياتنا ..
وماما صارت غرفتها حوة بمكان المكتب
وماما صارت غرفتها جوة بمكان المكتب
رتبته الها واستقرت عدنا .
بيوم من الايام اني بالشغل ..
واتصلت فرح ..
هلو فروحة حبيبتي شلونج ..
صوتها غريب وتبجي
فرح .. وج حور مصيبه وكعت ع روسنا .. لاتكولين
الماما حور . شكو فهميني اولادج وضرغام بيهم شي
فرح .. لا وج بيت اهلي احتر هسا خابرتنا ام
هوار .واني وضرغام بالطريق .
لاتكولين الامي تعاي بس انتي .
اخذت اجازة بسرعه وطلعت .. والخوف موتني .
والف فكرة اجت براسي
زياد هسا دوام . بس الجهال وايمان بالبيت بس لايصر
عليهم شي
بقلمي_الكاتبه _شمس
. . . . . . . . . . . . . . . . . . . . . . . . . . . . . . . . . . . . . . .
.
وصلت الشارعنا وشفت الناس مكلوبة
نزلت اركض واوكع . رجليه ماتشيلني
البيت اظلم من الدخان والنار ماكله • البيت كله .
وسيارة الاسعاف والاطفاء بالباب
ابعد الناس بإيدي واركض
وصلت البابنا
شفت زياد يلطم ويريديد
يدخل مايخلوه وايمان مقرفصه
ع جهه
فرح كاعدة وتبجي وضرغام لازم زياد ..
كمت الطم ع وجهي ..
وج فرح احجي . زياد وين ولدك كلولي
كبلنا مثل النسوان ويلطم ويانا ..
ولجن اخوجن انهجم بيته . اولادي كلهم جوة والنار
اكلت البيت كله
: •
جانت مثل الصدمة بحياتنا
كمنا نلطم ونعيط
طلعوا الاسعاف ومطلعة جثثهم ثلاثتهم ماينعرف
شكلهم متشوهين ومقرفصين
سودة عليه يعمه .. شكالت من اكلت النار
روحكم
جسمكم الحلو هذا
: •
كمنا نلطم بالزايد
زياد تهستر يريد يحضنهم بس منعوه جسمهم حار
واللحم ممرود ..
كام يشيل روحه ويركعها
ويصيح . ولكم يابه ريت يومي قبل يومكم
: •
ايمان مثل المصدومة وصافنه
راح زياد شبعها ضرب .. الله لايوفقج انتي السبب
هاملتهم وكاضيه نهارج بالصالون.
شنو من ام انتي شنو من ام فهميني
بالكوة سحبوه منها ..
زياد .. مااريد اشوف شكلج انتي طالك طالك طالك .
طلكها كدام الكل .. وهو يبجي ..ويكول لو ادري مطلعج
مهمّ فما.. مماخذ حمال هذض وه ثلاث مر مد من
من زمان وماخذ جهالي وج ثلاث
ضيعتى ورود مني
الله لايوفقج علمودج موتي
. اركض واتعب وانتى
ولدي
مااتحملت موقفه صعبه اشوف اخوي بهيج موقف
حضنته وابجي وهو حاضني .. وج حور هم داعيه عله
والله عاقبني بولدي
وج حور انتي تحبيهم جنتي وهمه يحبوج خو ماداعيه
كتله ينكطع الساني اذا داعيه عليك لو عليهم . انت
روحي وهم قطعه مني ..
بقينا بالكاع حاضنته اني وفرح الى ان خرب ووكع .
صار مثل الجثه
كمنا نعيط
اجو ولد وضرغام شالوه للمستشفى
واحنه رحنا وراه ..
: •
كانت عيني ع البيت واباوع . اااه ياايمان هذا البيت
الي قتلتي نفسج عليه وتالي خسرتي ورود ثلاثه بي
راحت فرح وي زياد واني بقيت يم ايمار ، لان الشرطة
كانت موجودة وتحقق وياء
اها
الي عرفته .. القنينه طاكة عليهم . جوعانين يمكن
حبايبي ورادوا يسون شي ياكلوه لان كانت الساعه
وحدة وامهم بالصالون ملتهيه وتاركتهم ..
اجو اهلها واخوانها .. وامها كامت تضرب بيها وتلومها
واخوانها هم
بس هي ماتحجي بس دموعها تنزل
تالي كوموها واخذوها وياهم
اتصلت ع فرح اطمأنيت ع زياد .. كالت بي , حلطة
وبالعنايه
لتلها اني رايحة يم ماما لازم تعرف ..
رحت ومااعرف شلون راح اخبرها
وصلت لكيتها مغديه الجهال ومنيمتهم ومنتضرتني .
ماتنام الا اجي
شافت شكل ووجهي مورم من البجي
ماما .. شبيج ياامي لاتخوفيني هو اني كلبي اليوم من
الصبح يوجعني
كعدتها وحضنتها .. كلت لها ماما مااعرف شلون الج
ماما .. كولي بسرعه مو راح اموت
حور .. يوم بيتنا احترك وووو
ماما .. انعل ابو. البيت زياد واولاده بيهم شى
نزلت دموعي .. يوم اولاد زياد ماتو ..
عاطت بصوت يمكن هزت البيت بي
الدرجه اولادي كعدواع صوتها
حضنتها وابجي .. يوم لاتسوين هيج اهدي انتي
مريضه
ماما .. وج اني المتت بدالهم . والله عيب عليه
ريتني
عايشه وهمه ورود بعدهم وماتو
حور .. اسم الله عليج ماما .. بس لازم تصيرين قويه
وتوصفين وي زياد ..
ماما .. وج وهذا الاثول ومرته الغبرة وينهم عن
الجهال
حور .. ماما زياد حالته خطرة بالمستشفى صارت بي
جلطه . ارجوج لاتسمعيه حجايه .
: •
ملخت خدودها ولطمت لما الدم نزل منهن
بدلت واخذنا الجهال وديتهم البنت عمي ورحنا
من شاف امي .. يون ويبجي مثل الطفل .. حضنته
وتبجي وياه ..
كالهم طلعوني منا ما ابقى لازم احظر فاتحة اولادي
طلعناه وهو بالكوة يمشي ..
سوينا الفاتحه ببيت عمي ابو ضرغام .
وزياد ماقبل ايمان تحظر الفاتحة
كملت الفاتحة وهو حاله تغيير ..
ومو ذاك زياد
مته وكتله كوم خويه بيت اختك موجود ..
زياد .. بعدج تحنين عليه وتكولين خويه
بسته براسه . اخوى وسندى بعد
...
واني الي محتاجتك .. اريد اخوي يمي ويحميني
حضني ويبجي
اخذته البيتنا وخليلتله غرفة وحده ..
يروح للدوام ويرجع يحبس روحه بيها لايطلع
ولايمشي
بعد مدة طلك ايمان محكمه ودز ورقتها الاهلها .
وانتكست حالته كلش
بعد شهر صار سنوية قيس .. ورحت الحبيبي وسولفتله
الي صار ويانا
كنت كلما اروحله ساعه اتغزل بي وساعه اسولفله
همومي لانا اعرفه يسمعني ويدعيلي
ونفسيتي ترتاح من اشكيله ..
بعنا بيت اهلي واخذت ايمان حصتها
حالة زياد سائت ولازم فد شي يغير حياته .
الحينا عليه يتزوج رفض بالبدايه
وبعد ماقنعناه ومرع وفاة اولادة كم شهر يلة وافق ..
وكال بكيفكم اي وحدة تشوفوها مناسبه لان اختاريت
مرة وطلع اختياري فاشل
*بقلمي_الكاتبة شمس
ماما اقترحت علينا نيران صديقه ايمان . لان هو حبها
وهي حبابه وشريفه ويمكن تغيير نفسيته وحياته .
وفعلا من سمع بيها حسيناه فرح . بس ماكدر يحجي
خطبناه بسكته واهلها ماصدكوا انطوها بسرعه
وهي من سمعت بحالت زياد والي صارله انقهرت
ووافقت
بشهر كملنا كلشي . وكانت التكاليف كلها من ماما
وحصتها من البيت
اجرناله بيت صغير يم بيتي .. مثل المشتمل.
واثثناه الله من كلشي
تزوجوا وصعدوا وحدهم
بس . دايما يجون يمي اني , وماما
ونيران حبابه حيل
والصبح تجي يم ماما من نروح للدوام ومن يجي زياد
ياخذها ويرحون البيتهم
ولان بنت اصول غيرت زياد وخلته يتعلق بينا ورجع
يحبنا ويخاف علينا
ودوم تاخذة ويرحون الفرح لو النا
واحنه حبيناها وصارت مثل اختنا
بعد سنه الله رزقهم ببنيه وحاليا هسا حامل .. الحمد لله
الي عوض زياد بعد الفاجعه الي صابته .
رغم هو لسا مانسى اولادة ويروح يزورهم ويسويلهم
تواب
وايمان ماعرفنا شي عنها بعدوا
وانقطعت اخبارها .
اما اني .. فلسا عايشة ع ذكرى حبيبي قيس .. الي
ماشفت مثله رجال بحياتي
رغم الظلم الي شفته من بقية جنس ادم والي ارضعتهم
امهاتهم حليب اسود ليكونوا بهذا الحقد والظلم
الا انه هناك رجل واحدا اغناني عن كل الرجال
ربي ارحم حبيبي وزوجي قيس .. واجعل مثواه
الحنه
واحفظ عائلتي واولادي
احب اشكر كل من تابع قصتي وترحم الحبيبي والي
دعوا اله .. ربي يحفظ احبابكم ومايفجعكم بشخص
عزيز عليكم
اتمنى قصتي عجبتكم رغم كميه الحزن الي بيها بس
حبيت اشاركم بيها
تحياتي للجميع وللكاتبة الرائعة شمس
النهاية.........
*بقلمي_الكاتبة شمس
-----
: •
نهاية قصة حليب اسود