#ذنب طاهر....بقلمي«سموو العراق»😘
البارت..28
واوضحت لها منذ البدء انني والحزم اخوة
ووجدت عيني تنظرها وتقييم ما ظهر منها
وعدت ونهرت نفسي عن ذلك
واعدت تقييم الفعل منها والحركة
ولقيت نفسي منجذب اليها دون القدرة
على منع عيني من ان تنظر الى ذلك الاثر الوردي
يعلو الشفتين الغاوييتين
وخيالات تمر برأسي واحلام لن تحدث
ونظرت اليها يوم الحفل كاني لم ارى امرأة قبلا
ونبضات قلبي تعزف ايقاع لااعرف اسما له
ووجدت نفسي اراقصها واحادثها
كحبيبن التقيا ليطفأ نار الشوق
وبقينا ندور وندور في وسط الحفل
جلال انقهر حيييل علئ مراد صعد الغرفته شافه كاعد بزعل ومقهوور وخده مطبوعه بي اصابع جلال
جلال حط ايده علي كتفه...مراد اووف اعذرني حبيبي مو قصدي اضربك
مراد بقهر...ترة حالتك خاصه اني اريد مصلحتها قابل اريد اضرها...
جلال بجمود...هي متحب احد يتدخل بيها عوفها براحتها...
مراد بتنهيده...انت متعرف شنوو البيها..؟؟
جلال بااستغراب..شنوو البيها؟؟
مراد بلع ريقه بغصه وتنهد...هي حااامل
جلال كام مصروووع...شنووو حامل ورود حامل.
مراد بصدمه...اي حامل
جلال ابتسم وضحك بقوة....ههه معقوله يعني ورود حامل
مراد بااستغراب....اي حامل بس غريبه
جلال باس مراد بقووة وهو فرحان نزل يركض وراح للمشتمل دخل لكاها تلعب بمصطفئ وتبوس بي
حضنها من ورة وبحنيه...انتي ياحلوة ولا يبين عليج حامل...
ورود بصدمه....هاااااا
جلال بحب...كولي شنوو مشتهيه شنوو جاي علئ بالج شنوو تردين..
ورود بعصبيه...منووو كلك؟؟
جلال بجمود...ليكون ناويه تضمين عليه مثل مصطفئ..
ورود بهدوء...لا ناويه اكلك بس جلال اني ممرتاحه الله عليك ساعدني اعلن زواجنا وريحني يااما تطلقني وتريحني ميصير هيج اريد انجمع بعائلتي
جلال بتنهيده....اعلن الزواج؟:
ورود بلهفه...اي جلال اعلنه راضيه بكل شئ حتئ لو اصير خدامه وحتئ لو اضل كاعده طول عمري بالمشتمل بس مااريد واحد يتهمني باطل واليسوة والمايسوة يجيب سيرتي بالباطل
جلال ببتسامه...الج التردي اليوم استعدي بس لا تنزعجين من اي رده فعل هي لازم هيج ردود الافعال
ورود بتنهيده وابتسامه....عاادي تعودت بس انت اوكف بصفي وقويني
جلال بهدوء...اكيد حبيبتي اكيد بس خايف عليج والله خايف من عبير تطعنج...
ورود...جلال قابل كتلك طلكها اني اريد اعيش مرتاحه مو مثل الحراميه...من كتلي اني زوجتك حسيت بحقي عليك اريد حقي منك
جلال باس اصابع اديها...تدلل ام مصطفئ ومرتضئ
لا عبير مااطلكها خطيه هي هم تحبني
ورود بتفهم...لا لتطلكها بس مرتضئ منوو؟؟
جلال...النونو الجديد..
ورود ببتسامه...لا سميته احمد علئ اسم ابويه
جلال ضاج يكرة ابوها يحسه سبب بمعاناتها لان انظم للتنضيم...لا خلي مرتضئ احسن
ورود...عادي بكيفك...
جلال بتساؤل...ليش مراد يكول عندج الزائده شنوو نيته...
ورود بخوف...هو ماعنده نيه لا تسوي النه مشاكل بس عباله طفل حرام وراد يجهض الطفل...
جلال بعصبيه...شنو شنو شنوو؟؟ والله غير اذا صار شئ الابني اذبحه..
ورور بضحكه...يبووو جلال تموت علئ المشاكل شنو من كل عقلك اخلي يسوي شئ النونو
جلال بضحكه...هههه اهم شئ النونو وام النونو ولج مشتاقلج تعالي...
ورود برفض...والله ولا اجي تعلن كوولشي يالله نصير زوجين يازوجي العزيز..
جلال بضحكه...ههه ان شاء اللة اليوم والوعد دين ياام مصطفئ
ورود ببتسامه...لا تنكث الوعد ياابو مصطفئ ترة ربي يلعنك...
ابتسم وهو يقبلها بشفايفها ويحرك ايده علئ خصرها وهي خايفه منه ومن اي احد يدخل عليهم فجأه ابتعدت عنه وهو شال مصطفئ وطلع وهي طلعت وصلته للباب...
جلال بتساؤل...لو ماعرفت حامل ياورود شلون تصرفتي؟؟
ورود بعدم اهتمام...عادي اروح المحافضتي وهناك اهل الخير يخابرون اخويه ويجي
جلال باستهزاء...عفيه ورود الثوله حتئ هناك يكلولج وين جنسيتج دكليلهم هااا نسيته وبعدين يكلولج ويه ياعائله جايه وتضلين تمتمين بعدين يبحثون اسمج بالعوائل المهجرة وتطلعين بالجرم المشهود وترحين بيها ياغبيه نسيتي هناك سيطرات مشدده
ورود بصدمه وبراءه...يبووو عزة همزين مارحت جان رحت بيه الحمدلله مرحت والله هسه اتمنئ الحجه عليه حااامل ابوووسه حيل وتشكر منه..
جلال بعدم رضا وخزرة...انجبي وكلي تبن تبوسه هي
ورود...هي غير ام مراد كلتلك؟:
جلال بنص عين...لا مو ام مراد مراد يا مطفيه
ورود بااحراج...عزا عزا والله ماادري يييع ماابوسه دخلت جوة منحرجه منه ومن كلامها الغبي،ضحك عليها وهو شايل مصطفئ وطلع خارج البيت وهو ناوي يفتح الموضوع اليوم واليصير خلي يصير
************************************
عند ديانا جانت لابسه بنطرون نيلي وفوكاه بدي طويل احمر وبليرة طويله نيليه والشال احمر وطالع شعرها وتمشي هي وحسين بشارع الربيعي تريد تاجر بدلات دخلوا للمول البي بدلات اجرت فستان للحنه وبدله للعرس اردان....وطلعوا من المول...
ديانا....حسوني تعال نروح المطعم الحجي قدوري فد شئ روووووعه...
حسين...يالله نروح القدوري دقه بابنا..
ديانا....هههههههه
دخلوا حسين وديانا للمطعم وكعدوا بقسم العوائل جان المطعم جدا فاااخر وجميييل ويدل علئ رقي صاحب المحل...طلبت ديانا كنتاكي وحسين طلب كباب...
حسين بجوع...ماعدهم تمن ومركه فاصوليا..
ديانا...هههههه لا حوبي ماعدهم اكول كباب
حسين...اي مو دا اكوول«يقلدها»
ديانا...حوبي هسه نروح نأجر الصالون اريد عند كريم مراد مكياجه رووووعه
حسين بااستهزاء...ليكون كريم مراد يمكيجج؟؟
ديانا...الله ياريت بس حوبي وهو مخلي كوافير مااعتقد هو يمكيجني بس حااختار كوافير لبناني
حسين برفض...هله ديانا هله انوب يمكيجج لبناني والله يا ديانا تسكتين لا اخلي ام كرمش تمكيجج
ديانا...عزااا لويش متقبل..؟؟
حسين يقلدها...عوزا تردين يمكيجج ولد؟؟
ديانا...اي شكوو بيها هو كوافير؟؟
حسين يرجع ضهرة علئ الكرسي...والله ياديانا البيها عيب وحرام وانتي ممتوازيه تمكيجين عند ولد مدام اكوو كادر نسائي
ديانا وهي تأكل....اوك حروح المركز اريدوو عندهم كادر نسائي وهم شغلهم حلووو
حسين ...اي هسه تمام
ضلوا يأكلون ويسولفون ويضحكوون وبعدها طلع حسين حاسب الكاشيير..حسين انطاه وصل الطلبيات والكاشيير قيده بالحاسبه..
الكاشيير...82 الف
حسين صار هيج😯....شنوو مشتري طلي؟؟
ديانا...ههههه اذا ماعندك اني ادفع
حسين...اسكتي لا اعاقبج هنا وعقابي عسيررر
ديانا...ههههههههههه عصير برتقال...
حسين....هاهاهاها مضحك..
كرصته من ايده بعصبيه...لا تضحك يامزعج
حاسب الكاشيير وهو بوده يخنك ديانا.. وبكلبه هسه لو ماكلين فلافل مو احسن بس النسوان تفيك شبيه لفت الفلافل اصلا صحيه...
***********************************
عند جلال الي حسم قرارة وهو يعرف بنتائجها لكن هي حابه يعلن الزواج وتريد ترتاح لذالك حب يجمع العائله ويعلن الزواااج...
عبير لبست بنطرون ابيض وبدي احمر ولفت الشال توربان وبدلت المصطفئ وطلعت وامه هماتين ركبوا بالسيارة وراحووا البيت ام مراد وصلوا وكعدوا شويه وهو طلب من ام مراد تصيح ورود بصوت خافت....وفعلا راحت ام مراد صاحت ورود جانت خايفه حيييل من رده فعلهم لكن قوت نفسها وطلعت اول مادخلت تفاجئوا من دخولها وعبير انجنت شكوو تجي عندهم وهي غير مرحب بيها بينهم
كعدت بهدوء وهي تعدل حجابها كانت نضرات مراد حارقه الها ونضرات عبير ناريه اما نظرات جلال متوترة بعض الشئ...
جلال بجمود....اني عندي حجي وياكم واذا معرفتوا اليوم باجر تعرفون واذا انضمت عليكم متنظم علئ ربي ورغم كوولشي اني ممرتاح لان حاس ضالم انسان لهذا السبب راح اعلن كوولشي ومتقبل منكم اي شئ....
مراد بتوتر عرف عمه راح يكول اعتديت علئ ورود وهي حاامل وراح استرها هذا الجان يدور بعقله..
وعبير عقدت حواجبها وعرفت الموضوع ينتمي الورود طردت الافكار السوده من بالها وحبت يكمل كلامه...
جلال بهدوء...مااريد تضلمون اي شخص بينه افهوا وبعدين احكمووا
عبير بخووف وترقب...شنوو جلال خوفتنه؟؟
جلال بتنهيده وبعد لحضات صمت....ورود زوجتي وهي حامل حاليا وهي ام مصطفئ ابني
الكل وكف مصدووم ومصرووع ومنهار...
مراد بضحكه كذب...ششش شنوو؟؟ مستحييل
عبير بصدمه وقهر وكل شعور مؤلم وبصياح...شنوو انت شدا ادكول اكيد دا تتشاقه ويايه جلال مااحب المقالب اني
ام مراد بتنهيده....عبير حبيبتي هذا الشئ حقيقه صحيح صعب عليج بس كوله جان الخاطرج وبعدين تطورت الامور...
عبير بصراااخ وعصبيه وهي تدير وجهه الورود...يا امور يااا امور والله اليوم احروك الدنيا احروكها اني،عبير بنت العز والدلال يتزوج عليها هاي المهتلفه
هجمت عبير علئ ورود بقوووة وهي تضربها ورود مصدومه من رده فعلها طيحت حجابها وهي تتكطع شعرها بااديها وتضربها بقسووة ورود ضاعت بين اديها لان عبير خشنه حيييل وكعت علئ الارض وهي تتوجع كووة سحبوا عبير من ورود والصياح مله البيت طلعت تركض وهي تبجي ولحكه جلال...
جلال مسكها بقوة وهو يحضنها...عبير عبير اهدئ خلينه نتفاهم..
عبير بعصبيه وهي تضرب بي...نتفاهم علئ شنوو هااا متزوج عليه صارلك اكثر من سنه وتريد نتفاهم
جلال بغضب وهو يمسك اديها...مو انتي ردتي طفل هذا الطفل اخذته من ورود وسلمته الج بس حتئ ماتحسين بالنقص ضلمتها ورضيتج
عبير بقسوة وحقد وبكاء....اخر شئ كنت اتوقعه تزوج عليه لا ومنو متزوج هاي المهجرة الزعطوطه دفعته ورادت تطلع لكن هوو اعترض طريقها ومنعها من الخروج من شافها معانده خابر مراد وام مراد تجي ياخذوها البيت خالته.......
************************************
ديانا كومت ورود وكعدتها علئ القنفه وهي مصدومه من افعال عمها ومن ورود كرهت ورود حيييل
ديانا بقهر...لج طفله هل كدج مزوجه بسر وحامل وعندج طفل صدووك متستحين
لمعت الدمعه بعينها وشافت خزرات ام جلال الها وبقهر....اي حقكم متعرفون شنوو الصار يعني يهون عليه ازوج بسر بس ابنكم ساومني هذا الصار يااما اموت يااما امووت وبالحالتين متت هينه اشوف ابني بااحضان غيري ليش تكرهوني انطوني ابني واطلع من حياتكم
ام جلال بغضب....اطفالنه النه انتي مالج اي حق اذا طلكتي ومصطفئ من عرفنه بيه ابن جلال تمسكنا بي اكثر
ورود بقهر...محد حاسبه علئ فعلته بس اني تحاسبوني واني ذنبي طاهر حرام عليكم تاخذون اطفالي تاخذوني لحم وتذبوني عظم...
طلعت مقهوورة شافتهم من بعيد مراد وجلال وام مراد كلمن يحاول يطيب خاطر عبير وهي محد حاول يطيب خاطرها تنهدت بوجع وراحت الغرفتها....
"""""""""""""""""""""""""""""""""""""""""""
وصلت البيت خالته وخالتها سئلتها شنو بيها وهي جاوبتها تعاركت ويه جلال دخلت ضلت تبجي اتصل برائد....وكلتله علئ الصار وهو انصدم بقوووة وحلف يقتل جلال ويقتلها عبير ماردته يخطي هيج خطوة
رائد بتساؤل...هو وين عرفها ومنين جابها..
عبير بقهر وبكاء....معتقله ويه الارهابيات وهو مهربها وبعدين عارض عليها يزوجها وصار صوفي منها وحاليا هي مجهوله الهوويه ويخاف يلزموها الجيش هذا العرفته من ام مراد...
رائد بااستغراب...يعني هذا الحجي صحيح؟؟
عبير...اي هو جلال منطي خبر الام مراد بس محد يعرف حتئ اني ميقبل اعروف بس ام مراد جفصتها لان شافتني منهارة...
رائد بخبث وابتسامه...حلووو ابلاغ واحد تروح لو مؤيد لو اعدام لو عشرين سنه وتنحكم اربعه ارهاب
عبير بتساؤل...شنوو قصدك اشتكي عليها؟؟
رائد بخبث...لا ياغبيه اني بعد يومين اجي واجيب صديق ويايه وهو يقدم البلاغ وانتي صيري طبيعيه بعد اذا انسجنت جلال واطفالها راح يكونون الج وغمريهم بحنانج ومن يكبرون يعترفون بيج مايعترفون بسجينه ارهابيه معفنه وبعدين لا تنسين انتي ميصير عندج اطفال وجتج جاهزة تخلصي منها وعيش بين اطفالها وزوجج وبيني الجلال انتي راضيه اوك عبوورة
عبير...هههه اي والله كلامك صح طبعا انت حلوو تفكيرك منطقي تعال وخلصني منها
رائد...راح اخلي واحد ينشر صورتها وتصير الفضيحه فضيحتين ومحد راح يقبل بيها زوجه الجلال...
عبير ببتسامه...اوك منتظرتك..
قفلت الخط وهي تبتسم وقررت تخابر جلال وترضئ،بورود حتئ تكمل خطتها وتتخلص من ورود وتربئ اطفالها ويجي رائد يقدم بلاغ بحقها تخلص منا للابد.....
************************************
دخل البيت ام مراد شاف الكل مطنكر بوجه كعد شويه ضل ملتهي بمصطفئ من شاف وجوهم ثكيله اخذ مصطفئ وراح الورود حتئ يبين الهم هو ممهتم الطنكورتهم...
شافها متمدده علئ القنفه وهي متضايقه والضاهر كانت تبجي...
كعد يمها وهو يسحبها الحضنه همس الها...مضايقه
ورود ببتسامه...شويه بس احسن هي هاي ردود افعالهم لازم اتقبلها حقهم مصدومين هو اني انصدمت ههههههه
جلال بحنيه....ههههههه فديتج ياريت الكل مثلج
انتبه علئ الخدوش برقبتها وشعرها المنكوش وخدش صغير بخدها وطالع دم مسح الدم بيده وهو مقهوور عليها...هذا من عبير؟؟
ورود ببتسامه...اي بس اصلا ميوجع عاادي
جلال ابتسم عليها...ابوسه ويطيب؟؟
ورود بضحكه هادئه...لا صارت قديمه فكر بغير حل
جلال بحب...افكر بغير حل اني حلولي كلها منحرفه مثلا انام وياج وتصيرين زينه وغمز الها
ورود بخجل وهي تبتسم...عابتلك منا مصطفئ لا يكوم يكتلك والله وماادافعلك مالي،شغل خلي يكسرك تكسر ههههه
جلال ضحك عليها وقبلها بحنيه وباس رقبتها المجروحه من اثار عبير وباس خدها وضمها الصدرة..
سأحرسك ..سأبدل حزنك افراحا
لاتبكي مرارة عهد ذكرى غادرة
ذكريات عهود وجراحا نازفة
فطيفك كبلني حينا
سبقتني شجوني وأحزاني
قهرتني وأعيتني عقودا
وزماني القادر لم يحني لي ظهرا
دموعك فقط شقت صدري
ادركت هزائمي بمعركتك
انتظرك عمري ولا أقدر
أن ابرح أبدا معركتك
نامي بين أحضاني وحصنك
فحماية قلبي حارسة
نهايه البارت....يتبع...
ان شاء اللة اذا كدرت اكتب بارت ليل اكتب 😘