عاشق من بني النعمان

الجزء العاشر

💙مسائكم رحمه من عند الله💚
...نازك الحمراني....اريدكم تلطمون بصمت كتبت
اربعه الف كلمه صار يومين وكلت العصر انزلهن
لكيتهن ممسوحات ...شبعت قهر والله
وكتبت هل بارت المستعجل...لاجل مااخلف الموعد

...........

نطيت موافقتي بلحظة حماس"واعجاب
ماانكر اني ممتندمه ابد
لأن اريد اعفي نفسي من نيار..
نيار الي الكل يكول عنه وهم..
بس اني اشوفه الحقيقه الوحيده بحياتي...
نيار الي خلاني ماافقد الحنان..
ولا احس بلوحده..
ويجوز حلمت أكون زوجه له

لكن هسه رح اصير الأدهم
أدهم الي راد يتكلم شي من التقيت بي
وقاطعنا صوت بابا على صلاة
تمنيت اعرف شنو راد يكول...
وطول هل فتره اخجل اسئله شنو الي راد يتكلمه..
ماأنكر انو شخصيته حلوه
عنده كاريزما تجذب...

لكن گلبي يفكر بنيار ونظراته
الي مافارقتني ابد..
سحر عيونه الغريب...
ولونهم الأغرب الامع..
نيار أختفى مثل فص ملح وذاب..

عيونه  شفت بيهن حب قوي اليه...
يعني حرام عليه أزوج غيره..
زين هو كلي أنتظريني..
واني على وشك الزواج..
ليش مظهر طول هل فتره..

عقلي مدا يستوعب هل افكار..
بعثرة مشاعر داخلي بسبب قراري..
كيف قبلت..
وكيف رح أزوج...
زين ونيار...

طول فترة الخطوبتي من أدهم
الي طولت شهر..
أنذبة له..والأسلوبه...
شخصيته الناضجه...تعجبني

يجي الليل ارجع التفكيري بنيار
وبأامي وسهاد ومشاكلهم كثرت معاي..
وهن يشوفن أدهم كيف يحبني ومدرايني..
بعد تلث ايام للحنه...
برغم طول فترة الخطوبه..
أدهم مغاصبني على شي
بس متخوفه من شنو مااعرف..
أدهم الي اشوف بيه نفسي..
واشوف بعيونه حزن مثل حزني..
برغم ممتكلم..بس واضح..

سعادته بلخطوبه ماتنوصف
اسعد من عندي
قريت بعيون اخوانه  فرحة الثنين  ماتنوصف..
شفت بيهم حنيه على بعض قويه..

كل هل اشياء ماتلغي الخوف الي جاي احسه..
خوف من المجهول...
من القادم...
تخبطات هواي...
برغم أيماني انو الله مارح يخذلني...

ارجوچ‌نيزك انتي صديقتي الوحيده لا توكفين...
بلا كلام
القرار الي اخذته صح...
لو آني جنون عقلي هو الي ديخربط فكري

اقتربت نيزك وهي تخلع الچادر وتكعد يمي
من كعدت ضحكت بقوه...واباع عليها..

-نهاد اضحكين وتردين انطيچ رئي..

-آي أضحك على نفسي دا أتكلم وي جن...
بكل اريحيه..
وبلا خوف...
او اصلا صرتو جزء من عالمي..
اني عاقله ولا مجنونه..
الي جاي يصير حقيقه ولا واقع...
اريد اطلع من هل متاهه الي اني بيها..

أدهم يكولي ماكو شي أسمه كلام مع جن..
زين أنتم شنو...
افتر بلغرفه وارجع اكعد
جيت اطلع رجعت كعدت يم نيزك
من تعب التوتر والتفكير...

-كولي شنو رئيج بقرار زواجي...أستعجلت ولا لا...

-لا ماستعجلتي أبد..
القرار أفضل للجميع نهاد..
قصدچ آفضل المن فهميني..
اريد واحد يخبرني الصح...

-الأفضل للجميع...لأن نيار من يرجع من الحرب..
وهو العشق ماخذه...
معناها يزوجج...
وزواجكم تعدي على قوانين الطبيعه..
وتحكمين على نيار بلموت..
وعلى نفسچ بلضياع...

-ألموت يعني انتم حقيقه قوانينكم ترفض
زواج الأنس من الجن...

-اكيد وهل قوانين تنطبق عدكم...
بني أدم وبني سوميا...يجمعهم الخالق" العالم "الكون
لكن زواج وقرابه لا...

زين ليش...

-هذا مو سؤال  يسمى هذا تيهان..
أو وسؤال مااله أي جواب...

-لا الكل سؤال جواب هذا تعلمنا عليه

-غلطانه أكو اسئله تبقى اجوبتها حبيسه الكون..
حبيسة اسرار الدنيا...
رح انطيچ مثال...
آذا طير عشق سمكه..شنو مصيرهم؟؟
زين منو يسكن عالم منو؟؟
المضاجعه كيف رح تكون؟؟
الأطفال "على يانوع يكون؟؟؟

ماعندچ جواب آکید...
اترکي هل أسئله...
وفكري بزواجچ...وانسي نيار وعشقه
خلي قلبچ للرجل الي رح يكون زوجچ..
ولا تخلین نفسچ بدائرة العشق
لأن العشق معناه معاهده مع الشقاء..
خلي نيار يتحمل تبعات عشقه ألچ..
وآنتي خرجي من الموضوع...
لا تضيعين تعب السنين الي تعبته ألاجلچ..

-تعب السنين وأنتي تعبتي الآجلي..

-أي أني السبب الي مااخلي نيار يقترب منچ..
والسبب آلي جعلته ميتجاوز معاچ...حدود النظر..
أني التعويذه ألي حضرتيها نهاد..وعملك الصالح..

كامت وهي تريد تروح للزاويه تختفي..

-لا ترحين نيزك أرجوچ فهمیني..
لأن كافي الضياع ألي دا اعيشه..

جرتني الحضنها وهي تمسد على راسي..

-رح اخبرچ کیف احمیکم انتي ونيار..
من مائة سنه أني صديقة زمرده ونيار
احنا قبيلة بني النعمان..
العشق عدنا مرض..
كنت في يوم من الأيام طيفه مطيعه..
صداقتي مع نيزك ونيار أجمل شي صار...
كنت بوحده من الوديان اتمشى اني ونيزك..
نفتر بين حقول الورد...
أعترضولنه مجموعه من الجنود...
من قبيله الها اصول
فارسيه..
وكانت هل عشيره عدهم أتصال مع السحره الكهنه..
يعني من ضمن العشائر الي احنا أعداء معاهم..
فتعرضنا للخطف...
ونيزك هربت...
الجنود الي اختطفوني قيدوني بسناسل..
وطرحوني للارض
و كان يريدون يغتصبوني..
صرخت صراخ مؤلم....
واني أتوسلهم يتركوني..الشمس بعيني صارت
لأن كنت مسجونه بين تل صغير...
ضوء الشمس خفا ظل شخص واقف باب التل
ونظراتي اتجاه باب التل
كان جندي أو قائد للجنود...كان ملثم
زمجر بغضب على الجنود فرقهم
وهو يجلدهم بكربال ناري دخوله شخصيته بارزه
خرجو الجنود وهم خائفين منه...
وقائدهم الملثم أقترب مني بهدوء..
كنت خايفه لا يكمل عمل جنوده...لان ملابسي ممزقه
خلع عبايه بكتافه وهو يستر جسمي..
فتح السناسل وعيونه الزرقاء تنظرلي..بتيهان
أعطاني للحظه أمان جميل..
زرقة عيونه لون سماء بيوم صافي مشرق...
وهو يخبرني..ماأخاف
حررني من قيودي...
علنت عشيرتنا الحروب بينهم خمسين سنه..
أي مكان اخرج له...
ألتقي بلملثم..الي مافارقني بعد مااطلق سراحي
وهربني من عشيرته..

جمعني بيه
تبادل نظرات..
بعدها لقاء..
ثم موعد
وغرام
وعشق..
وهيام...
ألي أختطفني هو  صار حبيبي..
حبيبي يمان
أو القائد العسكري يمان...
اشجع قائد عند عشيرة الكهنه..
قررنا الزواج...
أتقدملي
اعترضت عشيرتنا على الزواج...
لأن احنا مسلمين ...
وهم عشيرت سحره...
قررنا الهروب والزواج.....
وبعد زواج أستمر خمسين سنه...
عشيرتنا تبحث عنا..
وسمعت بيها صوت طفله تقرأ...
قررنا الهرب المكان الصوت الي يقراء..
لأن عشيرتنا ماتركتنا....
تريد تغسل عار الزواج دون الموافقه
اصبح عندي طفلتين ورد "ود..
زوجي يمان أغلى ماااملك..
تخاصرنا بمكان صحراوي
حاصرونا جنود من عشيرته بقى يتقاتل معاهم..
وصوت التعويذه التقريها واضحه...
خبرني يمان..
اروح خلف  صوت الطفله...
وكان هل طفله أنتي..
اقتربت من الصوت..ودخلت العالمچ.
صرت محصنه بغرفتچ..الي بيها انفاس طفله معنفه
طفله مظلومه..
بعدها بأيام ...
قررت.الرجوع وكلي شوق اليمان..
لكن للأسف التقيت بنيار...
الي خبرني خبر فطع نیاط قلبي..
وشتت انفاسي..
وهو مقتل زوجي يمان تحت تهمة الهروب وزواج
اشتركت بقتله عشيرتنا...وعشيرته بغسل عار
وكل ظنهم أني ميته بوحده من الأوديه..
هل كلام خبرني ياه نيار..
لأن من عذبو يمان ليعترف على مكاني..
خبرهم اني اني وبناته سقطنا بوادي سحيق..
مات زوجي وهو يرهن روحه الأجلنا..
والي نقذنا دعوتچ...
نیار شاف عائله تسکن الشقه الي ماتت بيها أخته..
قرر ينتقم من اصحابها الجدد..
مثل مااذى الي قبلكم...
كنتي طفله صغيره...وقع بغرامچ..
وبعفوية روحچ..
وکان یرید الآقتراب منچ..
آمنعه..
لأن يحترمني..
ويحترم عهده وصداقته مع يمان
فا يبتعد..

من خبرتچ نیار عنده ذنوب كثيره..
هذا السبب
في فتره من المراهقه كان يتسكع مع يمان..
مع السحر..
عنده عشيقات..
كلهن تركهن لاجل يتوب عن ذنوبه..
وأول من شجعه على التوبه..
هو الطفله الي أنصرعت بين ايده..
بسبب تعنيف والدتها الها....
علن انو رح يتوب..
أطوع يكون قائد مشاة بحري...
للقضاء على الكفره..والفسقه..

كم مره راد ياذي والدتچ
میقدر  لآن یعرف انتي تحبيها..
فقرر يكون حارس الچ ..
واني حارسه عليچ....

-یعني هو السبب مقتل عم محمد..

-استغفر الله...لا محمد شخص فاسقه وكان يومه..
من توفى محمد
نيار يقاتل باشرس حرب..

-شنو علاقتچ بنیار  غیر الصداقه...

-علاقتي بيه..شفعلي عند ملكنا حتى يعفون عني..
ولأن هو قاد حروب وانتصر..
قبلو بطلبه...
وجعلو بناتي تنتمي للأسلام..
ومانسبوهن لعشيرة الكهنه السحره..

-السحره عرفتهم...الكهنه منو..

-الكهنه هم نوع من أنواع الجن المسترقين للسمع
ولي يخضعون السحر ساحر..
دورهم يجلبون الأخبار للساحر الي الانس..
يستعينون بيهم لتنبأ بلمستقبل..
وتكهن بلحدث القادم..

والتكهن بلغيب من المحرمات الغير مشروعه..
فقبيلة بني النعمان دورها تقاتل السحره"الفسقه

لهذا السبب أحترم نيار...واخاف عليه من العقوبه
لأن الزواج بوضعكم..
حكم بلأعدام على نيار..
وحكم بلجنون عليچ..

انتي اصبحتي بنتي الثالثه..
حتى عندما تكون  مشغوله...
اني اعتني بيچ...

فکري بمستقبلچ مع الآنسي...
اندفع الباب بقوه...واشوف اختي سهاد بيدها فون
دصورني وتضحك...
التفت نيزك اختفت..

اقتربت اجر الفون من سهاد...

-ليش دا اصورين جيبي.. بقينا نتجادل..
هي تجر وأني اجر..

دفعتني وهي بيدها الفون..وتراويني..
تفاجأت وهي تعرضلي المقطع مصورتني أتكلم
مع نيزك..
لكن نيزك ماالها وجود..
مجرد فيدو واني أتكلم وي الحايط..وتأفئف..

-شنو قصدچ آتصورین...
ضحكت بستهزاء...وهي تاشرلي للفيديو..

-اريد مليون..على هذا الفيديو..والا اراوي الخطيبچ
وخل یشوف جنونچ علی آصوله..

دفعتها واني أروح للمطبخ واشكيها عند ماما..
الي چانت واکفه تسوي اكل..

-ماما تعالي تكلمي وي سهاد...
عاد اوكفيلي ضدها لحتى اتذكر شي حلو منچ
قبل لا ازوج..بنتچ تريد مني مليون
وتريد تخرب زواجي اذا ماادفع..

اندارت عليه...وسهاد وراي. .

-عزاا لچ لیسمعچ یکول دا آعذبچ لو ما آني امچ
الي شالتچ آبطنها عشر تشهر...

-عشره...
-آي هيچ شهر زیاده من یمي لحتى ضحكين
أوي شكد معقده..
دتحسييني انتي امي..واني بنتچ
تعالي سهوده ماما ليش تردين تفركشين زواج نهاد

ادنت سهاد وهي تراوي الفيديو الامي..

-شوفي ماما كل الي طلبته مليون بربچ هواي..

-اشكد اكلاوچیه لچ غلبتیني..صورتيها
وهي تتكلم وي نفسها لحتى تحصلين مليون..
عزا صدك سباعيه..

-شنو ماما أنتي وياها...

-لا حبيبتي الخاطرچ وحتی لدکولین علیه قاسیه
رح آخلیها آتوکع خمس میه...

-يعني مارح توكفين ضدها..
-لا حبيبه حقها وتريده الفلوس مكان الفيديو

آبتعدت منهن واني فايره...رن الفون ادهم
فتحت الخط..
-الو حبي اني بل باب
مااعرف شلون رح اخبره...أو يجوز هذا سبب
لحتى الزواج ميتم...

-الو حب وينچ..

-آي لحظه...طلعت له واني أفتح الباب..

-السلام عليكم..

-وعليكم السلام تفضل..كلتها واني ارتب شعري
صوت ماما وسهاد بوراي...

-وين يتفضل...شوف نسيبي أني وسهوده بنتي
نطلب نهاد مليون
نص وكعت لأن عروس..
ونص أختها تريده...وذا متنطي الزواج مارح يتم

خجلت من هل موقف الي صرت بيه...وكلامهن
مااريد انطي بنفسي كدامه..
خصوص وهو واكف يباع عليهن ورافع حاجب..
ومتكتف...

-يعني زواجي من سهاد مايتم اذا ماانطي نص مليون هذا الي افتهمته...

جاوبت مكانهن..

-شوف أدهم ممجبور تدفع هل مبلغ...
أذا تريد خل كلشي يتفركش..لأن

اقترب وهو يجر زندي وياخذني على صفحه
بعيد عنهن..

-لچ آنتي من كل عقلچ آترکچ...یابه اني أحبچ
الفلوس ماآتهم..
لویش ماخبرتینی...واني أنطيهن بنفس راضيه
احسن من هل خرط..

-عفيه دا توجعني...
نكت ايدي وهو عصبي واشوف وجه احمر..

-لا حقچ لو بیدي اكثر أوجعچ..شلون دکولین آنفرکش

-مو..هنه..
-آي أشبيهن هنه ادري مو ثوبچ...
بس ارید توضيح منچ لیش بسرعه تحچین بلخراب
انتي مارايدتني..
ساعه راكبني جني..
ساعه امي..ساعه اختي
يابنت الناس كولي اذا مجبوره.....
بقيت ساكته..دون كلام....

-مو عدهن فيديو...چان دا یبتعد...
اندار بعصبییه...کاز اسنونه..

-یافیدیو...مااصدك لچ آراقبچ من اسنین..
وشهر یمچ..ماشفت خطاء بيچ..یافیدیو

مع ذالك وياچ للآخیر...اشوف بعینی یله...
جر ایدي بقوه وهو عصبي خطواته طويله
واني كوه اوصل السرعته لان جار ايدي بقوه...

مد ايده على بنطلونه من ورى..وهو يطلع محفظته
ايده ترجف من العصبيه...
شمر الفلوس وطشرن وهن يلمن بيهن..
نصى جسمه وهو يجر الفون من سهاد...
خوف على مستحى من هل وضع..
يجوز ماكو ابنيه بلكون امها واختها..
ديتراهنن على خراب زواجها...علمود نص مليون

اندار عليه وهو يقترب...كمش ايدي بقوه.وتوجعت
بس ماحسسته..
كل بالي هسه رح يشوف جنوني على أصوله..
وهو يباع عل مقطع الي طوله دقيقتين..
حسيتهم اطول دقيقتين بحياتي...
ضحك

-هههههه هو هذا الفيديو واني متوقع؟؟

-ها اي كول مجنونه الحمدالله خبرتك من زمان
اني اتكلم وي جن..
فلا دكول متوقع ولا غيرها...
زين انت هسه جنت عصبي فرق دقيقه تضحك
منو المجنون بينا...

اقترب وهو يبعد خصلات شعري من وجي..
ويتلمس ايدي...

-أني المجنون...مو كتلچ چنت متوقع..

-آي شچنت متوقع...الحظه ثرثرتي واني اسئله شيقصد من دون فطانه
همس بأذني..

-بورى العرس الحلو يعرف شقصد؟؟