حوش جدي**41**👴
اني:-وين من زمان معاش سمعتها الكلمه هذي واني نحبك موت
يوسف جاي بيدوي ضرب الجرس:-اخرطي اشبح منو جاي😑
مشي يوسف فتح الباب لقي ولاء ومعاها طنجره
يوسف:-اتفضلي
ولاء:-شكلي جيت في وقت مش مناسب😂
يوسف💛:-لا عادي خشي اني منطلع
ولاء:-مربوحه😅
اني:-منووووويا يوسف
ولاء:-يوسف طلع اني ولاء
اني:-خشي خشي نديرو قهوه
خشتلي ولاء:-قوليلي شن قاتلك دكتوره
اني:-نبي راحة قالت
ولاء:-كلام هذا لي يوسف عيونك يقولن انك تكذبي
اني:-عههههه كشفتيني😂قاتلي امورك تمام لكن بيش انخلي يوسف جنبي قوتلها قولي هكي🙊
ولاء:-جبتيها بنت امك😉
اني:-ههه نعجبك
ولاء:-المهم قوتلك حسام يتصل شن ندير
اني:-ردي وخليك ساكته😁
ولاء:-هي بِسْم الله وردت ع حسام لكن سكته هو يلي يدوي
حسام:-يا عيوني والله هذي اختي في رضاعه بالك وحده مدايره ملعوب لكن اني نحبك وينك ندوي لي حيط اني عارفه ان نكره الحركه هذي ولا قولي
ولاء:-اكذب ع وحده غيري اختك تبعث رسايل وكلام حب ليك اني مش عيل بيش تضحك عليا فهمت
حسام:-تعرفي والله تسكري عليا تلقيني قدام حوش
ولاء:-مدخليش بيك هي طير بسلامه
وسكرت عليه وهيا كلها ثقه ان مش حيدير شي😶
بدينا نهدرزو وضمينا الحوش وفات الوقت لعند العشي وصار.....
؛:؛:
؛:؛:
عند حسام✨
؛:؛:
؛:؛:
حسام بعد سكرت عليه ولاء طارتله لا اخير ومشي خط واحد لي قهوة يلي يتلاقا فيها وفعلاً لقي يوسف راجلي غادي وايوب يهدرزو ويضحكو
حسام:-سلام عليكم كيف حالكم
ايوب:-تمام التمام😉
يوسف💛:-ماشيه وحمدالله
حسام:-خير بلاك ماشيه
يوسف:-والله شن بنقول حمدالله ع كل حال وخلاص😪
حسام:-حمدالله نبي قهوه قويه😒
ايوب:-احني طلبنا وشربنا قاعدين نراجو في رائف بيجي بيش نطلبو مره ثانيه
يوسف💛:-ساد بالك يطير النوم في ليل
حسام:-طار طار ماطار غير هو
ايوب عدل تقعميزته:-خيرك شنو فيه هذا كله مزال مش مزوج قاعد خاطب بس
حسام:-والله فيك تقول خطوبه بتنفسخ😒
يوسف💛 هنا عدل روحه طول:-ليش شنو صار يا نسيبنا؟؟!
ايوب:-شن فيه قول😑
حسام:-يلي هو مفسد بينه مانيش عارف منو
يوسف💛:-كيف قول اني واقف معاك قول
ايوب:-قول ولد عم
حسام:-هذا .....&&&&&£....وادوي كل شي لي يوسف وايوب
يوسف💛:-ساهله
حسام:-كيف ساهله😕
ايوب:-غااااابي بـاالله وين عقلك😂
حسام:-زفت قولو هيا
يوسف💛:-هيا قاعده في حوشي تو ولاء فهمت كيف امشي ومعاك ورد وجو وصلح الأمور وخود ايمل بنت يلي دارت هكي😉
حسام:-اهااااا تموم ولكن كيف ندير بنمشي توا
ايوب:-تو نمشو معاك نمشو احني بعدين انته خش دروحك عرفت منك ليك فهمت
حسام:-فهمت😑
يوسف:- خلاص بعد مغرب تعال لي حوشي تمام
ايوب:-اني تو منمشي اقعدو انتم بيش تراجو رائف
يوسف:-تم امشي
طلع ايوب وخش رائف وقعدو يهدرزو
ايوب جي لي حوش وقعد يدق
اني:-هيااااا
ولاء:-اقعدي تو نفتح اني
اني:-اني نوضت خلاص ""مشيت فتحت ومنسحابش ان ايوب يلي يدق ""
اني:-منوووو
ايوب:-مش تبي راحه شن نوضك
اني:-ايوب هي شويه تو نفتح
فتحتلاه:-تفضل
ايوب:-وينك خيرك ما روحتي ع حوش اهلك
اني:-تاعبه ومخطريش الحق
ايوب قعمز ع كرسي في جنان:-ايه وين ولاء خيرك انتي يلي فتحتي 😒
اني:- اها ماهو ولاء قاعده فوق في دور ثاني😅
ايوب:-ايه باهي كيف حالك انتي توا
اني:-حمدالله شوفت الحوش قبل ولا اول مره تخش😊
ايوب:-بعد كملو معاش خشيت لكن لما يبني فيه ديمه هنا
اني:-اها باهي خلاص نوض دير فتله فيه شوفه
ايوب:-نوضي معايا ولا متقدريش
اني:-لا ها تو نوض 😌
نوضت شدِّيت في ايوب وجتنا ولاء
ايوب:-وينك ماله
ولاء:-قاعده والله
ايوب:-وين خاتم يلي كان في يديك
ولاء:-ااااا شنو راح مني
ايوب:-فالحة وكان جي حسام شن منقولو
ولاء:-ساهل بعدين
اني:-هيا يا ايوب خش شوف الحوش
ايوب:-لا خلاص منطلع غير جيت نشوف فيكن
ولاء:-اها مربوحة
اني:-اقعد تعشي
ايوب:-شنو مديرين
ولاء:-نصاف مخلطات😒
ايوب:-اها ديريلي نص ومعه شاهي نبي😂
ولاء:-متبيش نجي نوكلك
ايوب:-يااااريت😂
اني:-يااااربي سادي 😪
ايوب:-امشي افتحي يا ولاء وانتي قعمزي
اني:-وجع مش قادره خليني واقفه
ايوب رعش:-يالطيف غير قعمزي فكيني من راعيش😵
ولاء:-هذا يوسف جي
يوسف💛:-خيرك واقفه قعمزي
اني:-مش قادره وجع
يوسف جي شد في يدي:-وين وجع قعمزي تو تريحي
ايوب:-مش كان مافيك شي
اني:-يوسف وين بيكون الوجع في راسي يعني اكيده بطني😒
يوسف قاعد يساعد فيا وقعمزت:-باهي غير هدي بس منبوش انفعالات
ايوب:-تي هذا كله واحد ملا توأم شن صار
ولاء خبط يدها ع طاوله:-قولو قالتها ولاء توأم والله تؤام لي ان بطنها كبيره😊
اني:-اهاااا ياربي خيرك جيت مش قولت بتجي بعد عشي
يوسف:-قولت نشوف كيف حالك
ايوب:-ولاء هيا نراجي في نص اني ره
ولاء:-هي نمشي ندير😒
وخشت ولاء واني قعدت نهدرز معهم وتعشينا وغسلت المواعين واني سعدتها شويه وقبل العشي بي نص ساعه دق باب
ولاء:-زعما منو
ايوب:-امشي افتحي
اني:-تو يمشي يوسف خليها
يوسف:-اني تاعب امشي يا ولاء
ولاء:-اووووووف اتيوبيه اني والله ماني فاتحه وكان يطّلع اشبح منو 😑
ايوب:-اقعد تو نفتح اني
اني:-امشي قريب يكسرو الباب
ايوب:-هيااااااااا منو
حسام:-جدي من بيكون حسام
ايوب فتح:-خالي عندك ذوق ولو شويه شن هذا😂 يا اخي
حسام:-دمك دهان شربه اللهم صلـِِ وبارك😑
ايوب:-حتي ولاء جوها زي وجوك خش خش
حسام:-زاد فضلك😒 وخش لي مربوعه
ايوب:-هذا حسام شوره يبي ولاء
ولاء مسكينه كانت في يدها تلفون طاح طول:-بلاش كذب خيره يبيني😵
يوسف:-مش خطيبته امشي غيري دبشك واطلعي تو نمشي نقعمز معاه
ولاء:-منبيش نشوفه مخاطريش
ايوب:-بلاش جو ليش متبيش
اني:-خلوها ع راحتها😶
يوسف:-نص ساعه وتجي ومعاك عصير ومشي هو ايوب
ولاء:-ياربي زعما حقا بيفسخ اوووووف شكله ماصدق
اني:-اني قوتلك ان مرات وحده تبي تلعب عليكم انتي صدقيتها زي غابيه😒
ولاء:-خلاص منيش طالعه
اني:-حي عليك بيش يوسف يفضح بيك قدامهم امشي غير دبشك واطلعي
ولاء:-معنديش دبش هنا
ايوب جانا:-هيا وين عصير وخيرك قاعده بي دبشك هذا غيري واطلعي
ولاء:-مجبتش معايا الحق😪
ايوب:-خودي من ساره بلا سبل
اني:-تعالي نعطيك
ولاء:-هي يالطيف اووووف😑
ركبت اني ولاء عطيتها قونه وقميص وشاح وطلعت معاها عصير
اني:-ردي بالك بشوي عليك
ولاء:-راجي شويه بس خليني نفك الدبلة نسيت حتي اني لبستها
فكت الدبله وطلعت
🌷في مربوعه🌸
يوسف:-ايه خشي يا ولاء
حسام:-والله نفكر نكمل مشروعي برا خير😊
ولاء مش لي ايوب وبدت:-تفضل
ايوب:-زاد فضلك
وبعد ايوب مقعمز حسام
ولاء:-اتفضل
حسام:-زاد فضلك وجت عينه ع يدها
يوسف:-وين دبله يا ولاء
ولاء:-تفضل يا اوسيفه
يوسف:-زاد فضلك قعمزي
ولاء قعمزت جنب ايوب
ايوب:-قالت نست وين حطتها ع كلام
ولاء :-لا مش نسيت لكن..
يوسف:-لكن شنو
ولاء:-هو يخون فيا😔
حسام حط طاسه ع طواله:-من قال قولي جيبي دليل😌
ولاء طلعت تلفونها وحطت ع صوره وع رسائل:-هذا دليل
ايوب قري الرسائل بس مشافش الصور:-والله صدقتك يا ولاء شوف يا حسام
حسام قاعد يقرا ويشوف في صور:-كذب ويلّي معايا في صوره تكون اختي مش بنت نحبها مستعد نتصل بيها😏
ولاء:-خلاص اتصل بيها وبعدين اني نتصل بي رقم يلي عندي
اتصل حسام:-سلام عليكم
اخته في رضاعه:-وعليكم سلام كيف حالك وخي
حسام:-تمام بنسألك
اخته:-تفضل
حسام:-سبوع يلي فات اني صورت معاك في حد خدي صور ولا انتي بعثيهن لي حد
اخته:-امممم منتفكرش لكن مفيش حد خده صوره هيا ره كانش خدوها واني مندريش
حسام:-تفكري زين
اخته:-ايه حقا لما صورت معاك هذكا وقت جنبي صاحبتي بالك هيا خذتها😦
حسام:-اها خلاص سلامات توا تبي شي اتصل بيا
اخته:-لا سلمتك
يوسف:-ها لعند توا الحق مع حسام
ولاء:-تو نتصل بيها اني واتصلت ولاء
بنت:-الوووو لولو
ولاء:-وتعرفي اسمي مشاءالله
بنت:-اكيده كيف ننساك وانتي ضحك عليك خطيبك ودارك مضحكه😂
ولاء:-والله وكيف مضحكة
بنت:-والله حسام يبيني اني وانتي بدير سبله وبفسخ الخطبه اصلاً ديمه لما يتصل بيا يقولي بنت دراها كبد وعععع😏
ولاء:-اها باهي كم رقمه 😒
بنت:-تبي المدار ولا ليبيانا
ولاء:-والله يلي يكذب بيه عليك
بنت:-اوووووووو لعند هنا وستوب يا حبوبه يكذب عليك مش عليا
ولاء:-باهي خلاص عطيني رقم
بنت:-#######091 هذا مدار وليبيانا*******092
ولاء:-اها وكيف عندك
بنت:-تي يحبني يا مريضه خيرك ونقولك علامه ثانيه ولا نسكت
ولاء:-قولي شنو
بنت:-عنده في يده من فوق زي حرقه لومتعرفيش
حسام😦😦😦
ولاء شفات ليهم كلهم:-باه ربي يهنكم مع بعض وسكرت ورمت تلفونها ع طول يدها ع ساس تلفونها جي ع سطاش🙊 وطلعت برا من مربوعه
ايوب:-حي ع امك يا حسام هذي تعرف حتي حرقه متع زمان هذي داهيه منو هذي
يوسف:-معقوله يا راجل تخونها تو كيف الحل😒اها قول
حسام:- والله إلا كذابه والله مانعرفها الله
ايوب:-تعرف هيا تخاف ع تلفونها اكثر من روحه وشوفت كيف رمته يعني بسلامه عليك😕 مستحيل انها ترجع ليك بعد هذي
حسام:-تو نعرفها من وراها وندير حل سلام توا
يوسف:-بسلامه
طلع حسام وهو أبواب دنيا مسكره في وجه
وخشت ولاء مش تبكي لا تضحك حلفه أنها مش حاتنزل دمعه عليه😪
اني:-خيرك
ولاء😂:-خاين حقير يتهنو بي بعضهم
اني:-غير شنو ادويلي
ولاء:-فوتي امه الموضوع اني مهمنيش واحد تافه اني يضحك عليا مزال امه ماجبته يلي يضحك عليا اني يخليني مضحكة ها حيوان
ايوب:-ألفاظك يا ولاء
ولاء:-سكت خلاص🙊
اني:-غير فهموني خيركم شن صار
يوسف:-ولاء بالك وحده تبي تفتن بس
ولاء:-اني منعرفش لا حرقه ولا شي انتم تعرفو صح يلي دواته ولا تكذب عليا انه محروق في يده قول😪
ايوب ويوسف😔😔:-صح
اني:-باهي خلاص تو يبان كل شي غير هدي بس
ايوب:-اني منروح تروحي يا ولاء
يوسف خايف من ولاء تدوي ولا شي:-اااخليها تقعد معانا
ولاء:-والله منروح
ايوب:-شنو تقعد تو تروح وغدوه تجي
ولاء:-تلفوني القديم بكل قاعد في حوش
يوسف:-شن بتقولي لي بويا
ولاء:-كل شي في وذن ماما
ايوب:-امك تزيد في ابهارات قولي لي بوك خير😒
يوسف:-لامتقولش لي حد تو نلقو حل
اني:-ديري يلي يريحك مدوريهمش😏هذي حياتك مش حياتهم مش ديمه رائهم صح
يوسف:-سااااااره😠
اني:-لاساره لا ماره ديري يلي يريحك يا ولاء فهمتي😒
ولاء:-قوليلي شن ندير ترا
ايوب:-هديها متزيدش نار
اني:-كان كلامه صح تو يبان لكن لو طلع حق شن حايصير اها قول
ولاء:-خلاص منمشي ع رائي ساره فوتوني انتم
يوسف:-ساره فكيك من تيبس الراس خيرلك ره والله تندمي
اني:-شوفي هنا يا ولاء انتي مصدقه أن ممكن حسام يديرها
ولاء:-يديرها ويديرها اكبر منها لي ان كان يهدرز مع بنات زي ايوب😒
اني:-خلاص احتمال كلام بنت صح😏يعني حطي احتمال هذا حتي لو حلف عادي احتمال ضاحك ع بنت😵
ايوب:-ساره أخطئ شر وبعدي عليها متكبريش راسها
اني:-وثاني شي والاهم كيف بنت تعرف مكان حرقه كان في يد من فوق اها قولي هذي شيفته وردي بالك ديري حاجة غصب عليك😒
يوسف خبط ع طاوله:-ساره اسكتي يا هم راك تنكري فيها شن هذا
ولاء:-هكي كلامك يا ساره
اني:-اني هم يا يوسف😨
يوسف:- هم ونص راك تنكري بنت ع خطيبها
اني:-متأكد
ايوب:-يوسف هدي مرتك حامل
يوسف:-والله شاد روحي فوق ماتخيلي اسكتي خير ليك😠
اني:-اها تموم
نوضت مشيت لي دار اتصالت بي مهند قوتلا تعالي ومشيت لبست عبايه وشاحي وخديت دبش معايا وطلعت
يوسف:-لاوين بيها
اني:-مش اني هم خلاص نمشي لي حوش اهلي منقعدش في مكان غير مرغوب بيا فهمت😪
ايوب بيهدي الوضع:- هذا حوشك يا ساره اقعدي
اني:-لو مش حامل راهو ضربني رسمي
يوسف:-بتطلعي بروحك اني والله ماني جايبك بتجي بروحك😡
اني:-والله
يوسف:-ساره اقعدي خيرلك ره
اني:-فوت امي وخر
ولاء:-خلاص اسكتو شن صار عشان موضوعي هكي صار معقوله😭
اني:-حول من ع باب تو بيجيني مهند
يوسف:-بتطلعي والله بتندمي ره😤
ايوب:-اعوذو بالله من شيطان رجيم خلاص خشي يا ساره لو عندي خاطر عندك الزح
اني شوفت لي عيونه زين وقلبت عيوني وخشيت ركبت لي دار وسكرت الباب بي مفتاحً
ايوب:-خيرك يا يوسف راهي حامل تبي تخسرها معقوله
يوسف:-استغفر الله ماهو شوفتها كيف دوت لي ولاء
ايوب:-والله كلامها نوعاً ما صح لي ان بنت تعرف كل شي
يوسف:-اوووووف اسكرت من كل تركينه😔
ولاء:-معقوله هكي والله عند امي هيا تعابه ويلّي في بطنها وانته تزيد فيها خزي عليك😑
يوسف:-تو شن بيرضيها هذي😓
ايوب:-امشي البسي عبايتك وشوفيها
خشت ولاء لبست عبايتها وجت إطق ع بــ✊ــاب
اني😭:-فوتني
ولاء:-مش يوسف اني يا سرو
اني:-تاعبه معنديش جهد نفتح الباب اسفه يا ولاء
ولاء:-باهي خلاص معاش تبكي
اني:-خلاص كان بتباتي باتي اني مدورينيش😭
ولاء:-خلاص ياقلبي مش باهي ليك اسكتي
اني:-يصير خير😭
ولاء طلعتلهم:-تبكي ومسكرا عليها الباب🚪
يوسف:-حتي اكال مكلتش
ايوب:-امشي حلها غالط منك هيا يا ولاء
يوسف:-به بسلامه
ايوب:-راهو مهند استغرب
يوسف:-تو غدوه نفهمه😪 وخلاص
ايوب:-بسلامه
ولاء:-عند امي والله ماتحشم😒
يوسف:-بسلامه اني تسمع نوريك😠
ولاء:-بلابلابلا خرف لعند غدوه ماما حانقوللها
ايوب:-هي اركبي
روحت ولاء ويوسف سكر الباب وخش
يوسف✊:-ساره عيوني
لارد🙊
يوسف✊:-سروووو قلبي
لارد🙊
يوسف:- اسف يا عمري حقك عليا غير ردي بس
لارد🙊
يوسف تفكر ان عنده نسخه من مفتاح مشي خدها وفتح الدار لقني راقده
يوسف:-ساره نعرفك مش راقده نوضي نبي نهدرز معاك في موضوع
اني درت روحي رقدة ومعدلتش عليه😒
يوسف:-عيوني عارفك مش راقده راه ساره
اني:-😴
يوسف:-تمام مش دروحك راقده كملي عقاب تمثيلك اوكي وطلع من دار
اني غطيت روحي اكثر ورقدت طول
اما يوسف طلع شرب إميه وامشي يتفرج ع كوره😒 وبعدين رقد في مكانه في دار ثانيه
في صبح يوسف كان عنده عطله نوضت مع 8 هكي درت فطور وتيتلا دبشه ودرت منبه حدا راسه وخشيت لي دار نضم فيها مع 8:20 هكي ناض يوسف وجي لي دار
يوسف:-صباح ورد يا وردتي
اني:-صباح نور
يوسف:-شنو قاعده زعلانه
اني:-فطورك واتي ودبشك محدد تبي حاجة اني لوطه
يوسف:-غير اقعدي بس اسف يا عيوني كل شي الا زعلك
اني😒:-بعد من عليا اني هم عقاب وقتي تقولي يا هم😑
يوسف:-لحظه غضب والله ماهو بقصدي
اني:-في لحظة غضب يطّلع الكلام الصح😞
يوسف:-باهي اسف يا غلايا😍
اني:-مش عارفه بعد مننزل حول
يوسف:-وين بتنزلي مش باهي ليك تعب
اني:-لا عادي مننزل خير خليني بس
يوسف قعمز ع سرير:-تمام ع راحتك انزلي😪
نزلت قعمزت ع صالون اما يوسف غير دبشه ولبس سروال وقميص وسبيدرو اديداس وبخ من برفانه ونزل
يوسف:-شنو نجيب وجبه من مطعم
اني:-لا تو ندير
يوسف:-متعبيش روحك تو نجيب من مطعم
اني نوضت ومشيت لي مطبخ:-تعال أفطر فطورك واتي
يوسف جي لي مطبخ:-عيوني ساد تعذيب هو ولا شنو وربي نحبك ومدرت هكي الا من خوفي من مشاكل بعدين خلاص
اني:-😪بطني قدامي ومريضه وفوق هدا كل تحمق عليك قدام ايوب وولاء واجد صح
يوسف باس ع راسي:-اسف يا عمري والله ماهو قصدي اسف
اني:-خلاص يا قلبي غير معاش ديرها بس
يوسف:-انشاءلله
اني:-هي قعمز أفطر
يوسف قعمز:-شنو امتي درتي عجه😍
اني:-توا مالياش واجد عرافاتك تحبها
يوسف:-ونحب يلي يديرها قبل منمشي لي امي نقوللها ديرها😍
اني:-قولت اليوم عطله ندير عجة بيش يتقوا بيها راجلي وحبيبي😂
يوسف:-ايه نجيها يلي تفهم😉
اني:-افطري وغدانا مقطعه
يوسف:-بالك واعره عليك كان تبي راحة
اني:-لا عادي لكن عندي طلب.......
يوسف:-شنو😳
|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|يتبع
سمحة
.:.:.
شينه