قصة عاندت اهلي واهلها

البارت العاشر الجزء الثاني

🌷بااااااارت مفاجئ 🌷

///البااااارت العاشر ماقبل الاخيييير  ///
     °•○  من جزء الثثثثثثاني °•○
/// قصة #عاندت_اهلي_وأهلها ///
///بقلم الكاتبة #بنت_الحجي ///°•○●

مرتضى   :-  هههههههههه وصلوني يم سيارتي ..
خل اطلع سالم من ورا منير ومرته

سيف    :-  وصلت مرتضى السيارته .. طلعت اني ومنير اللبيت اوصله ... وصلته رجعت اللبيت ..

حسن   :-  وين جنت
سيف   :-  رحت اشوف بنتي ..
ابو حسن  :-  انت صدك تحجي ..اشلون اتروح
سيف   :-  شنوو اشلون اروح ليش هيه مو بنتي لولا ..مالي حق اشوفها .

ابو حسن  :-  انت بس فهمني وين اتريد توصل هااا
اتريد مرتك خليك بعد عن اهلها لحد مااتفاهم وياهم ..

متنحل ترى بالعناد
سيف    :-   يابه عوفني اني وياهم اترجاك .. اني احلها وياهم .. بنتي بعد كم يوم اجيبها ..
هناا ... وخل اشوف اعنادهم اني لو همه ..
ابو حسن  :-   اني طالع من الموضوع بله خل اشوفك شسوي
سيف   :-  ماشي
زينب   :-   اجوي ثاني يوم اسراء وخاله ..
ام حسن  :-  دكتور ماوصف حليب ..لها ..
ام موسى :-  اي وصف .البارحه راح جابه ابو موسى ..
بس كال مرتين باليوم وي حليب امها بس ماعدها حليب هيه
اسراء   :-  عوفوها على حليب احسن ..
اذا زينب ماعدها شسوي .ومنا عمليتها
زينب  :-  اي والله جاي احاول بس قليل .. قبل اشويه انطيتها ممى

ام حسن  :-  عيني ام موسى سيف حجه .. وي ابوه البارحه ايريد مرته وابوه من عرف اجاكم والله ماقبله ..
.ام موسى :-  اي والله اجه ..

اني ماابيدي شي ام حسن ..شنو فايدت الطلاك ..
مااقبل عليه .. والله بس ابوها كل شي ولا لسواه سيف انوب عاند اكثر .. من سيف حجه وي زينب .. وجاب سيرت اهلها ..
ام حسن  :-  اي حجالنا الصار سيف راح ايخبلني والله ..
كال كوليلهم بس هل اسبوعين ايجيب ياقوت ..ايكول واني اتفاهم وياهم حتى كال الابو يطلع من الموضوع

زينب   :-  بقيت صافنه اشلون انطيها ياربي سيف جاي ايسوي .. عباله العناد ايحل كل شي اوووف منك ..
اسراء  :-  لا تخافين عليها .. والله بعيونه بنتج زنوبه

زينب   :-  ابتسمت لها .. اموت اذا ابعد عنها والله ..
طلعت اللبيت العصر .. فاطمه يم اهلي وكوثر بيت خالي اجوي .. يمنا هم .. هوسه صايرين
.
فاطمه   :-  خالي جاي يحجي وي ابوي علمودج
زينب    :-  شيحجي وياه .. خالي هذا مجان قابل على زواجي رادني لابنه .. خلدون .. بس بعده يدرس .وطالب وطايش ابوي ماقبل.. عليه ..
فاطمه   :-  ايكله مترجعها خل ياخذ بنته ويطلك ..
اني احب فاطمه وردتها وانت مانطيتها لنا من الاول هيج احسن ..
زينب   :-  صدك تحجيييييين .. عزا العزاني ..

فاتن    :-  هسه خالج وكته ... يحجي هيج
زينب   :-  وابوي شكاله بله

فاطمه   :-  ابوي ماادري شكله لان طلعت من يمه بقت امي ومرت خالو يمهم

زينب   :-  والله اذا عرف سيف له يحركهم ويحركني وياهم بعدني على ذمته .. ويردوني يبوووي .. والله حتى ياقوت ياخذها مني .ومااشوفها ..

ابو خلدون   :-  لا تفكر ولاشيل هم واحد مو زين وطلكت بنتك منه .. والله مااخلها شهر واذا ماازوجهم وتكسر خشمه ..

ابو موسى  :-  مو وكت هل حجي خويه بعدها على ذمته .. خل انطلك ويصير خير

ام موسى  :-   خويه هيه متعلقه بنتها والله تسودن اذا ياخذوها وماشوفها
ابو خلدون  :-  بعدها اصغيره وتنسه هم اتخلف ..
ويصيرون عدها اينسوها ..
لو انتو متردون تنطوهااا

ابو موسى  :-  خويه كتلك مو وكت هل حجي .
بعدها على ذمته .. وكلت محامي .. اني .. وكال راح يرفع قضيه ..

زينب   :-  بقيت اكل بروحي الازم سيف ايسوي شي
ياربي اشلون بله    ... كوثر ... شسوي كوليلي
كوثر    :-  حافضه رقم سيف انتي ..

زينب   :-  لا ماعندي ولا حافضته .. اشلون بله ..

خلدون   :-  عمي اني من زمان رايدها بس ادرس وهاي اخر سنه الي .. كلت اتخرج  وتقدملكم .. بس ماسمعت له انخطبت .. وجنت حاجي عليها .. اني مستعد اتاني لحد متطلك .. وشحده ليحجي عليها حجايه ..
ابو موسى  :-  هاي هيه ابني خل اتفض سالفه .. ونحجي ..

فاطمه   :-  ييييييمه شهل حجي ماتحجين انتي
ام موسى  :-  سدي حلكج شحجي تردين اخسر اخوي .والله احتاريت ياربي  منا بنتي ومنا اخوي ..

فاطمه   :-  اهووو كمت من يمهم ولج زززينب خلدون حجه هيج وي ابوي وابوي كله هاي هيه اتفض سالفه ونحجي ..

زينب   :-  لطمت على وجهي .. احرررك روحي ومااخذه .. شهل بلوه حتى حرام يحجووووون هيج واني مزوجه اشبيهم ذول خالج اتخبل والله
كوثر    :-   تلكينه ترس راس ابوي بنكيكه ماتعرفين خالج .. يهدي الحايط بحجيه ..على ابو تطلك وراح يحجون عليها .. وبعدها اصغيره

زينب    :-  نزلت ادموعي .. منا بنتي ومنا سيف وحياتي .. لو اعرف هيج ايصير والله انجب واكعد امددداني .. اشطلعني ..
كوثر    :-  اسكتي هيه بالحالتين شي نفعج وشي ضرج .. منا اتغير رجلج الاحسن . ومنا عرف قيمتج .. وانتي عرفتي .. ناسج .. وقيمت رجلج .اكثر ..

فاتن    :-  زينب جيبي تلفون

عمه مووو بي الرقم .. امه
احجي وياها كليلها ضروري اريد رقم سيف

زينب   :-  هااا

كوثر   :-  ايييي يمعوده ماطول هوسه خابري .
فاتن جيبي تلفون امي ..

سيف   :-  طلعت الشغل ثاني .. يوم ..
خابرني المحامي . كال شفت واحد يرفع الدعوة .بس
بيها تعقيد لان طرف ثاني مموافق    .كال سهله

. مابقه غير اخذ ياقوت .. هسه ..بس هاي اشلون بيها زينب اخاف تتااذه .. اوف ياربي ..
الازم تتحمل الاسوي لانفع عالم راحولهم ولا نفعهم شي
. اوف منك يل ساني هسه له تغلط ..

زينب   :-  مرحبا سرى
سرى    :-  هلا زنوبه ..
زينب   :-  عفيه سرى سيف بالبيت
سرى    :'  لا بشغل من 6 طلع .. ليش كولي خير
زينب   :-  عفيه دزيلي رقمه برساله محتاجته
سرى   :-  ماشي هسه ادزلجياه

زينب   :-  سديته .. اخاااف ايصير عصبي بنات
كوثر    :-  حقه والله مرته ويخطبوها.. قابل يهدء
زينب   :-  وصل الرقم ..

بسرعه دكيت عليه .. شوفولي لاحد يحجي
كوثر   :-  لا احجي بسرعه وياه ..

سيف   :-  دك تلفوني عندي رقم ام موسى اكيد زينب 📱الوو
زينب   :-  الوو سيف
سيف   :-   يمي الشباب هااا عيني
.زينب  :-  سيف موضوع ضروري الازم اكوله لك ..
سيف   :-  احجي اسمعك ..
زينب  :-  سيف بيت خالي يمنا ..وخالي حجه وي ابوي هوه وابنه .. ايريدني الابنه ..
سيف   :-  شنووو عفت شغل من ايدي طلعت برااا
ارجعي احجي لكلتي
زينب  :-  سيف ابن خالي اريدني قبل بس ابوي ماقبل عليه وهسه اجوي ايشوفوني
. وحجه خالي وي ابوي ايكله بس تطلك اخذها الابني

سيف   :-  ادررررري هيه بكيف الخلفج ..انتي مزوجه شنووو يجي يخطب .. بقيت اصيح ..
وابووووج عود سيد اشلون ايخلي يحجي على وحده مزوجه انعل _______

زينب    :-  بقه ايصيح .. الساني اربط
. سيف  :-    سديته الخط ..
عااامر اني رايح
عامر     :-  وين سيف بعدنا ممكملين

سيف   :-  مارديت عليه خابرت على ابوي وين انت
يابه .. خوش جاي اللبيت وافهمك

زينب  :-  ولجن سده بوجهي ..
بس ايصيح بقه .. ماكتلهم سب وغلط
كوثر    :-  الله يستر اسكتي جنه ممسوين شي ..
احذفي الرقم ..

زينب    :-  حذفته ...

بدلت الياقوت ورضعتها
اجوي بيت عمتي .. وجنتها لنا .. وسوالف ..

ابو حسن  :-  يعني هسه اروحلهم اتريد
سيف   :-  لعد ابقه كاعد وساكت يابه طلعوها من طورها ذول ..
جاي يخطب مرتي وااااسكتله
حسن   :-  مو بكيفهم انت حتى ممطلك .. كوم يابه اروحلهم .. انكلهم اجينه ارجعها   ماااقبلوو جيب الطفله وخل بتهم عدهم معلكه ..

سيف    :-   اي هيج احسن .. والله مايستحي اشلووون يجي يخطب .. هل ___

ابو حسن  :-  خل اخابر ابو اسماعيل يجي ويانه
ويحضر الحجي

سيف   :-  صعدت غيرت ملابسي لبست دشداشتي
ونزلت
حسن   :-  خليك هنا سيف ماريد مشاكل
سيف   :-  لا والله جاي بلكي الله لكه ذاك السافل واشرب من دمه
ابو اسماعيل :-  يلا امشو وانت عمي سيف خليك ساكت وهادئ
سيف   :-  فهمتهم بسياره ميجيبون سيرت الحجي لكلته لهم ماريد هم ايكولون اشلون تحجي وياها وصير عليه
ابو اسماعيل  :-  اي احسن

زينب   :-  كاعدين ساعه 7 المغرب ..اجه ابن كوثر ييييمه عمو سيف اجه ..
كوثر    :-  ياااا صدك تحجي
سجاد  :-  والله يمه وياه زلم هم ..دخلو بالستقبال
زينب   :-   احس وجع بطني موتني من الخووف ولج كوثر همستلها بس لا ايكولهم جاين اتخطبون ..

كوثر    :-  اندري خيه ..هسه لو خالي رايح
اوووف
ام موسى  :-  اجه زوجج وعمج

انفال   :- (عمة زينب ..الماخذه كوثر )  بلكي الله ترد
وتهدء النفوس ..
ام موسى  :-  والله خيه مااضن .. تهدء راح ايصير بيه سكر اني

زينب   :-  دخيلج يافاطمة الزهراء  اتحليها ..بدون مشاكل
.

ابو حسن  :-  ابو موسى اليوم جاين ننهيها ..صار اكو طفله بالموضوع .. ومو اول مره نجي ..سيف ميقبل ايطلك ..وجاي ايرد مرته ..ويانه ابوالسيد ابو اسماعيل خير ونعم منه .. ويصير الحجي وشروطكم كدامه

ابو خلدون  :-  على عينه وراسنه بس بتنا ماترد بعد .ورفعنا قضيت طلاك ..
ابو موسى   :-  اخر مره ابنك حجاها وسمعه موسى لا انتي ولا اهلج ايمنعوني ..احنه لااا منعه ولا شي ..بس رجعه ماكوو وخل ابنكم اعيش حياته براحته وبعيدنه عنا

ابو اسماعيل  :-  بس خويه هذا مو حجي
سيف هل كدامك وعتذر ومتنعاد ذيج السالفه وانت سيد.اشلون تقبل بطلاك ..

ابو موسى  :-  منو كالك جنت قابل بس على حجاية سيف لا والله اتخلف كل شي .. واذا اسكت معناها .  اني مشارك باافعاله . 
سيف   :-  شنوو هيه افعالي عمي .  شفت عليه يوميا مسويلي مشكله .. لو مزوج اكثر من مره مره وغلطه كتلكم واعتذرت منكم ..
وهل شي مصار من 9 اشهور ..

موسى    :-  سيف خويه قاطعه خلدون
خلدون   :-  مالك مره سيف .. وانت اذا تعرف بدين ومؤمن تعرف هيه مو على ذمتك .. صار تسع اشهور عند اهلها   ... مالك حق بعد .. وبس بالمحكمه مرتك

سيف    :-   ههه ليش انت تعرف بدين ..
ليش موو مرتي وهيه حامل جانت .. واني شفتها من ايام .

واذا اتعرفون بدين هيه مرتي .. بعدها شرعا وقانونا

ابو موسى   :-  اي صح على ذمتك ..بس مو اتفقنا انطلك  ..

سيف   :-  والله مبالي اطلك مرتي واحبها وام بنتي
وبنسبه الك انت منو حتى تحجي اشرت على خلدون

حسن   :-  سيف اهدء
سيف   :-   لحظه حسن .. من حقي اعرف اليدافع على مرتي منوو

خلدون  :-  اني ابن خالهاااا .. وبس تطلك الي ..
اني اخذهااا
سيف    :-   اكلك سد حلك ..لا هسه ادفننننننك كمت من مكاني انت اشلون تجرئ

ابو موسى  :-  سيف اكعد .خلدوووون سد حلكك
خلدون   :-  امشي واحد زاني وجاي ننطي بتنه ...ولي يلااااا

سيف    :-  موووسى سكته لااااا احط طلقه براسه والله
ساااااده خوش والله وييييين دينكم واحد يحجي على مرة مزوجه ومخلي نفسه بيهااااا اشلوووون اتقبلوووها

شيفرق عن الزنه هذا الشي
ابو موسى   :-   لا تاااخذ على حجيه سيف ابني ..
عوفك منه .. خلدون امشي اطلع برا

ابو حسن  :-  والله ماقبلتها منك ابو موسى .. اتخلي واحد يحجي على وحده بعدها مزوجه ..

ابو خلدون   :-  يابه ابن خالها قبلك رايدها بس جان يدرس ... وعرف راح تطلك كال اخذهاا .. اني .. وانتو متفقين على طلاك ..شغيركم ..

ابو اسماعيل  :-  والله من خالنا رفعناها سيف مموافق على طلاك لان ماردنا اصير مشاكل ..
انتووو اشلون اتقبلون بطلاك .. هوه بشر مامعصوم عن الغلط ..

جعفر    :-   ليش برا واكف خلدون

خلدون  :-  ابوك علمود هل نذل كال اطلع براا
جعفر    :-  منو قصدك ..
خلدون  :-  سيف منوو رجل اختك ..

جعفر    :-  اشششششجابه هذاااااا .. والله له اليوم
اشرب من دمه
.هيييييي انت اشجابك

سيف   :-  ناقصني   ..بس انت ..بقيت كاعد
اجه جرني من ياختي ..
جعفر نزل ايدك .. كلها كامت اصيح ...

جعفر    :-  مااانزلهاااا يوميا وجاينه .. انت بليتناااااا
انعل ساعه العرفناك بيها   امشي اطلع برا

سيف    :-  ضربته بوكس كلها كامت اتفاككنا
موسى   :-  يمعووووودين كااافي جهال   جعفررر سد حلكك

جعفر     :-  هل ساقط .. امشششششي برااااا
مالك مره عدنه ... وهسسسسه تاخذ بنتك الك .مريد انشوف وجهك

زينب    :-  بس الصياح نسمع .. ادمي اصب ..
اوف ياربي .. مراح تعدي على خير ..

ابو موسى   :-  كاااااافي احترمونه
سيف    :-  والله ماااكو غيرك السافل .. بقه ذاك يغلط ..
اسكتله ...
جعفر    :-  امشي والك سكير  عبالك مااعرف تشرب .

سيف    :-  هههه ادري انت منووو ربي ومادري ..
سد حلكك .. شرب مااشرب ..جان كتلك اشرب .. واريح كلبك

حسن    :-  هه سيف كافي خاطر محمد ..قلبوتها ساحة مصارعه
موسى   :-  والله ماتستحون ..

ابو موسى  :-   ماكو تفاهم بعد بين العائلتين .. وانت سيف تجي اطلك متنازلين عن كل شي ماريد شي منكم

سيف   :-  موسى جيب بنتي ..
ابو موسى   :-  روح جيبها .. موسى

سيف   :-  مال طلاك مااطلك اني ولاااا اخليها تزوج ..والله له اني جوا تراب

جعفر    :-   والك انت يراد واحد ايربيك
موسى   :-  كاااااافي جعفر ..

زينب   :-  دخلت امي اتلم غراض ياقوت شسوين يمه ..
ام موسى  :-  اسكتي زينب يمه ابوج ترى اليوم كلنا ميخلينه عايشين ..
زينب   :-  ايييي احسن مااااا نطي بنتي اني
.كوثر   :-  شسالفه يمه ياااخذوها والله خطيه

زينب   :-  يمه فدووه عوفوها بعدها اصغيره صحي ابوي اني احجي وياه كمت من مكاني كامشه عمليتي ..
فاطمه   :-  اتخبلتي اكعدي مسمعين الهوسه

زينب   :-  ماسمعت الوحده ياقوت بيد كوثر اخذتها منها .. ودموعي اصب ..
موسى   :-  يللااا يمه
ام موسى   :-  يمه اختك ماتقبل تنطيها

موسى  :-  يلااا زينب
زينب    :-  لاااا موسى عفيه فدوه عوفهاا مااااااا
موسى  :-   وداعتج اني اجيبها اشوفيها .. انطيني اياها
زينب   :-  الله عليك عوفها  .والله اموت من دونها ..

ايجر بيها باس راسي واخذها مني ..
اوووكف موووووووسى
فرحت روحي ..
موسى  :-  زينب لا سوين هيج خيتي .. خليج قويه
زينب   :-  خذتها منه بستها .. وشميت ريحتها ..

وطلع بيها .  وكعت على رجليه
ابو موسى  :-  هاي بتكم ..
سيف   :-  اخذتها بحضني .. اسمع اعياط زينب .. استغفرالله ياربي .. حسبي الله ونعم الوكيل ... طلعت بيها ...

ابو حسن   :-  مع السلامه
ابو موسى  :-  احجي وياه خويه ماريد مشاكل
ابو حسن   :-  انشاءالله  خويه 

ويتبع ..قراءة ممتعه