فراغ
فرااغ
فراااااااغغغ
لا فراغ غير محتمل .
مش حاسة بحاجة، انا اه واحدة طول عمرها معندهاش دم بس انا محسيتش كدة قبل كدة .
اه صح..معاكم اماندا .
فاكرين لما قلت بكراش كل خمس دقايق..
هو مفيش الكلام ده دلوقتي ليه؟
يعني..انا بجد مش حاسة اني عايزة اصاحب..ارتبط..او اكراش..
و حاسة اني عادي كدة..انا عمري ما كنت عادي!!
سؤال هو ده عشان بقالي من شهر مارس و انا مشوفتش الواد بتاع 'عايزة حاجة؟' قبل ما يمشي يبقي خلاص انا مش عارفة اكراش علي حد تاني ولا ايه اللي حصلي؟
عمتاً اكاديمية الاسكواش اللي عندنا مشيت، يعني هو اكيد مش هييجي يلعب مع نفسه و انا و الجروب بتاعي كنا بنروح و نعمل حس فالمكان و نلعب و نهزر و المكان كان فيه حياة بس دلوقتي بقوا فالجامعات و ثانوية عامة و محدش بقي ييجي عشان كدة المدربين مشيوا..و كذلك..هو كمان مشي..
الموضوع يخنق يا جماعة، كون انك مش حاسس بحاجة حتي اني مش حاسة ان ثيو جايمس قمور ده متضايقني اوي
بقيت كائن آكل، اشرب، انام و مبكتبش كتير و مش حاسة ان عندي صحاب..شكراً
و بعدين عايزة اقول حاجة تانية
انا ون دايركشن وحشوني اوي 💙💙💙🐸💔
يعني بجد انا اصلا مش هقعد كدة اتابع كل واحد لوحده و اشوف ده فين و ده فين
اثبتوا علي قرار يا شوية عرر بقي 🐸💔
هاري خلص الالبوم و تور و نايل فالتور، لوي لسههه منزلش الالبوم و لسه فيه تور طبعا -مش عارفة متأخر ليه-، ليام معرفش عنه حاجة بس هو قال هينزل البوم يمكن ولا مش عارفة ايه، بس هو في تور اعتقد
بسم الله ما شاء الله هاري متقدم بس كدة برضوا احنا في نص الطريق
يجيلي هاري الكلب يطلع انه فيهه البوم تاني!!!
ادعي عليكوا بأيه يا كلااااابب
و بعدين قاعدة علي الفاندوم بتاع بريندون..يا جدعان انا حاسة اني واحدة غريبة فالفاندوم..مش فاهمة للاسف كل النكت اللي بتحصل مبينهم و بين بعض و احداث، اه الفاندوم ممتع و مش عارفة اقولكوا محترمين كشخصيات، يعني لو اتكلمتوا معاهم تلاقيهم بيكلموكي بإحترام و مش بيتقلوا ادبهم..بس عندهم ديرتي مايند خلينا متفقين 😂😂😂😂
بس برضوا حاسة اني مش بنتمي للمكان ده
عشان كدة برضوا لسه عندي امل ان ون دي يرجعوا، ساعتها كل حاجة ان شاء الله يجد هترجع زي ما هي و كلنا هنرجع نتهوس بيهم و هيرجعوا الدايركشنرز يخوفوا باقي الفاندومز التانية زي ما كنا بنعمل و لسه بنعمل 💙💙💙💙
مم ملحوظة، انا بقالي كتير مقريتش ستوري عن هاري و اصراحة وحشني جدا القصص اللي بتتكتب بعفوية دي، و تفتح نفسي عالقراية حتي لو كانت مبتدأه .. مش عارفة بحب النوع ده من القصص 💙
لو حد عارف قصة يكتبها..ممكن ندعم بعض 💙💙
-اماندا