حليب اسود

بارت 18

هلا وغلا لاجمـل واروع قـرآء ..
بمناسبة وصول القصه للمرتبه الاولى ..
احب اشكركم من قلبي ع تفاعلكم وتصويتكم ..
ربي مايحرمنـي منكم 🌹
///// البارت الثامن عشر /////
#حلـــيـب_أســـود
#الكــاتبة_شـمــس

كم انتظرت هذهـي اللحظـات ..
لكـي اغفو بين احضانـك واشعر بدفـئ قلبك ..
لقـد جعلتنـي اعشــق لحظة صمتــك ورقة حـوارك ..
احببتـك…  لانـك جعلت منـي انثـى برقتـك...
جعلتنـي طفلـة بحنانـك ..واميرة فـي في مملكتـك ..
الليلـة انت لي يافارسـي سأعيش معك ايامي وسباتـي

كنـت متوترة حيـل .. حياة جديده وانسان يعتبر غريب عنـي ومااعرف اطباعـة ..
بس الي مطمنـي رغبتـي وشغفـي الة ..
من اشوفـة احس الدنيا كلهـا ماتوسعنـي ودي ياخذنـي بحضنـة ويقفل عليـة بداخل گلبـة ..

اجو الجهال تركض وتصيح اجو اجو ..
توترت اكثر .. الي يشوفني يگول مراهقـة وهذا اول زواج الـي ..

اتفاجأت بدخول هدى وامها اخت قيس ..
مع العلم وفاء اليوم اتصلت بيه وباركتلي وگالت قدري وضعـي لان مااگدر اجي ..
رغـم حزنها ع والدتـها والي يتزوج ابوها ..
بس كانت بقمـة الرقـي وياي ..

سلمت عليهن وگعدن يمـي .. شويه وگالوا السيد راح يعقد ..
تقربت يم الباب عقد وكمل ..
بس كانت ماكو هلاهل او هوسـة بس ام هدى طشت جكليت عليه ..
ومن دخل قيس هم طشت وصلوا ع النبي ..
ماطولنـا هواي ..
بس مجرد مالبسنا الحلقـات والذهب گال يلـة گومي خلينا نروح ..
گمنا بعد بوست ماما وحضنتـها ووصيتها ع اولادي ..
قيس كان واگف يسولف وي صفاوي ورضاوي ويوصيهم ..
قرفصت مقابيلهم وحضنتهم حيل وگلتلهم ماما كم واجي اخذكم ونروح الاربيل كلنا همه فرحوا ..
سحبنـي قيس ..
گال ماما من غير متوصين همـة كبار وابطال ويسمعون الكلام مو صحيح باوعلهم ..
ضحكوله واشروا براسهم بمعنـى اي ..

اخذت السترة لبستـها وخليت شال ع راسي ..
دخل زياد وعمي وضرغـام ..
سلموا علينا وباركوا ..
رحت بست عمو ..
وسلمت ع ضرغـام ..
وصلت الزياد .. كان منصي راسـة .
تقربت منـة وحضنتـة . گتله مهما يكون راح تبقى اخويـة وسندي الي احتمي بي حتى وان ماقبلت ..
عاد هو لزم وجهي بأثنين اديه وباس راسي ..

وگال .. ديري بالج ع نفسـج وصيري قويه ..
ابتسمتله وطلعنـا ..

كان جاي وي قيس عمامه اثنين وابنه سعد ..
سلموا عليه وباركولـي ..
وطلعنا ..
صعدنا بسيارتـة وهو الي يسوق ..
والحمايـة ورانا ..

طبعا ماكو زفـة او شي ..
بعد ماطلعت من البيت ماراح احد ورانا ولاشفت احد .

من طلعنا من شارعنـا . زاد التوتر اكثر وحسيت كأنه انس رايحـة العالم مجهول ومااعرف اذا كان اختياري صح او خطأ ..

شتت افكـاري قيس بعد ماباس راحة ايدي وگال تدرين گوة صبرت على روحـي ببيتكم من شفتج طالعـة تخبلين والفستان جاي على جسمج تگول حوريه ..
حتى من طلعنـا بودي اضمج بحظني ومااخلي احد يشوفج ..

ابتسمتلـة .. گال حور ..
عيونـها ..
اويلي ربي . مبروك عليـة انتـي .

ضحكنا اثنينه ورحنا للبيـت ..
گال حور خو ماضجتـي لان مارحنا للفندق ..
بس انـي مااخذ راحتـي هناك ..

حور .. لا عادي بأي مكان ..

كان الوقت غروب ...
دخل السيارة لجـوة .. الحمـاية ناقلهم يم بيته هنا ..

نزلت .. گال ادخلي بين مااجيب الجنط ..

نطانـي المفتاح فتحت الباب ودخلت .
فتحت الاضويـة ..
وبقيت منتضرة بالصالـة ..
دخل الجنط ..
گال اصعـدهم واجي انتضريني ..
بقيت واگفـة بالصالـة ومااعرف شآسوي ..
نزعـت السترة ورتبت شعري ..

كانت اكو مرايا طويله بالممر بين المظبخ والصاله. شفت نفسي حلوه ..

نزل من فوگ ودايحجي بالموبايـل ..
اجت دخلها ..

استغربت منو اجت ..
گال تعالي للاستقبال ..
سحبنـي من ايدي ودخلنـي وراح فتح باب الاستقبال الخارجـي ..
شفت بنـيه لابسه جينز وقميص وبيدها جنطه ..
استغربت وجودها ..

گالتـلة استاذ جاهزين ..
گالها اي ..

سلمت عليه وباركتلي .. رديت بس مااعرف شنو السالفـة ..

طلعت كامرا من جنطتها ..
وشغل قيس شكو إضاءة بالاستقبال ..

ابتسمت .. مد ايده اليه وسحبنـي حيل الحظنة لازم تصير عدنـا ذكـرى الزواجنا ..

حور .. مو اگلك انت الرجل الغامض ..
رجع باسني بخشمي ..
والبنـيه تباوع وتضحك ..

استحيت .. اخذنا صور هوايـة بوضعيات مختلفـة .
واستغربت من قيس ..
كل هذي الفخامـة والرقي وراهـا شخص رومانسـي لابعـد الحدود ..
حتى بالوضعيات الي ناخذهن كان يتصرف بشغف وحب .

كملنا تصوير ..
تحاسب وي البنيه وانطاها حسابها وطلعـت ..

قفل البـاب ودخلنا ..
اخذنـي من ايدي وعبالك راح اهرب منـة ..
گال خلينا نصعد ..
كان لازم ايدي ويصعد واني وراه ..
وصلنـا لفوگ ..
انبهرت بالمنظر ..صالـة كبيره فوگ وتحيط بيها غرف ..
وكالعاده تصميم راقي وفخامـة ..
#بقلمي_الكاتبه_شمس
………………………………………
سحبنـي من خصري وقربني اله صرت قريبه منه حيل هو يحجي وانفاسـة اختلطت بأنفاسي ..
گال انتـي من اليوم اميرتـي ..
والاميـرة مايلوگلها الدخول الا بفخامـة ..
رفعني بسرعة وصرت بحظنـة تفاجأت بحركته ..
ولان عنده لياقـة وجسمه رياضي گدر يشيلنـي بسهولـة فعلا كان احساس مختلف وحسيت نفسي اميرة بين احضانـة

اتجه للغرفة گال افتحيها .
فتحته واني بحظنه ودخلني ..
كانت ظلمـة بس اضويه خافتة مال نوم وباردة رغم الجو كان حلو بس هو مشغل تكييف ..

كلشي ماگدرت اشوف من الغرفـة نزلني بالگاع وقربنـي اكثر الـة ..

گتلـة خلينا نفتح الضوه ..
قيس .. اشششش خلينـا هيج اريد احس بأنفاسج ولمساتج ووجهج من غير ضوه ..
اول مرة احس بهذا الشعور .. لهذا حور لاتمنعيني خليني استمتع بكلشـي على طريقتـي ..
هذي الغرفـة دايما بالنسبة الي بارده وجافة مابيها حياة .
بس اليوم رغم البرودة الي بيها احسها دافيه بدفو انفاسج ونبضاتج گلبج الي جاي تسرع ..
خلة ايده ع صدري ..
هذا الگلب يدگ بهيج سرعة من التوتر لو العشق. .
ضمنـي الصدرة حيل واحس عضامي راح تتكسر ..
گال حور ضميني حيل .
اريد اصدگ انتـي يمي وبحضني ..
حور بعد مااتحمل اعذرينـي ..

وهو يحجي فتح سحاب ثوبـي ونزلة ..
انـي احس لساني ثگل وبعد مايحجي ..
كلامـة ورومانسيته ولمساته ضيعونـي وياه بغير عالم ..

بعدمـا نزل ثوبـي شالنـي ع السرير ..
وبقى يهمس بأذني كلام ماگدرت اسمع اي شي منه او أفهم .. من گد النشوى الي صابتـني ..
كان يحمل من الحب والشغف بصورة مو طبيعيه مخزون لسنين وهسا طلعـة فجأة ..

عبالك طفل محروم من حنان الام .. ولگـة امـة ..
كان يتعامل معـي برقـة واشتياق قوي بنفس الوقت ..
خلتنـي اضيع وياه ورحت العالمـة ..

كان محمد يگلي انتي باردة وياي بالفراش ..
بس يمكن هو الي مايعرف شلون يعامل المرأة ويخليها تتجاوب وياه ..

وانـي بحظن قيـس .
. حسيت انـي مهـرة وهو خيالـي ..
يتمايل ويايه ويروضني بحنانة ....
والعشگ تفصال ومفصل علينـا ...

گدر يزيل التوتر والخوف حسيت وياه بنشوة موطبيعيه وعبالك زوجـي من سنين ..
اتشجعت انه اسايره ومثل مايمتعنـي متعتـة ورحنا اثنينا العالم ثانـي مليان بالحب والرومانسية ..

بعد ماكملنا اخذنـي الحظنـة بعد شعري من وجهي ..
الي كان نازل كله واني كنت رافعته شلون ماادري ..

گال حور حبيبي ..
كنت بوضع ماسمح اتكلم بس همستله بصوت ..
ضحك .. اويلي هاي شصاير بيج .. رفع راسه وحط عينه بعيني ..
كنت ماشوف شي منه بس ملامح خفيه ..
اتلمس وجههي وشفايفي ..
گال اروح اسبح واجيج ..
هزيتلـة براسي وراح ..

اني حسيت بنعاس ..
غفيت وماادري بروحـي ..
فزيت ع صوت الحمام انفتح ..
كان لاف المنشف ع جسمـة ..
گال حبيبتي گومي اسبحي حتى ترتاحين ..
حور .. اي حبيبي گايمة ..
قيس .. شگلتي شگلتي ..
حور .. هههههه ليش انت مو حبيبي ..
طفر فوگي .. اووووف منج تردين تموتيني اليوم مو لاتخلين للصبح مااهدج ..
ارحمي حال انسان صارلـة سنين مامتمتع هيج واجته وحده حلوه گبالـة وحلاله هم وفوگاهه تتدلع عليه شتگولين يتركها ..

ضحكت .. هههههه لا گايمه ..
قيس .. واني راح انزل للولد وصيتهم على غراض ..

دخلت للحمام بسرعـة قبل مايفتح الضوه . الحمام بوسط الغرفة ..
دخلت سبحت وارتاحيت .
كانت اكو مرايه .. باوعت النفسي .
حور انتي بحلم لو بعلم .. معقولـة انتي اليوم بحظن رجال من صدگ .
رجال يعاملج كـ أنثى مو مجرد زوجته وام بيته ..
ربي ديمها عليه ولاتغيره خليه هيج يبقى ..

طلعت لگيت الضوه مفتوح وقيس ماكو ..
باوعت للغرفـة انصدمت فخمه وكبيرة ولونها ابيض وفضي روعـة ..

فتحت الجنطه مالتـي طلعت ملابس النوم بالكنتور ..
سحبت ثوب ابيض طويل شيفون كله وبي فتحه من الصدر والضهرر..
برز جسمي واني ضعيفه حلو عليه ..
سرحت شعري وخليت بس كحل وحمرة ماروني طوخ ..
ردت ارتب الملابس بعدين گلت عيب اخليه ينتظر ..
اتذكرت موبايلي ..
اتصلت على ماما طمنتها عليه واطمأنيت ع الجهال ونزلت لجوه ..
صار عندي فضول اشوف الغرف الفوگ .
كل الي افتحها فارغه .
اكو غرفه مقابيل غرفتنا .
فتحتها شفت سريرين بيها ع شكل سيارات .
واثنين كناتير وطاولات وكراسي مال دراسه ..
وبلازمـة صغيره بالحايط ..

وصور ع الحايط العلم دار .. ابتسمت اكيد هذي الاولادي لان يحبون علم دار ..
اووووف ياقيس .. انت شنو ..
ماحسيت ع ايد حاوطت خصري وسحب شعري من رگبتي وباسني .
عجبتج ??
التفتت عليه .. وبأيدي حاوطت رگبته گتلـة . ربي مايحرمنـي منك ..

كان لابس برموده وفانيلا علاگة . وجسمه كله بارز وحلو ماتگول عمره بالخمسين عبالك ثلاثين ..
عنده كاريزما قويه ولان الغرفـة ظلمـة ماشفته زين .
بس هسا خلانـي اتوه ..
سد غرفـة الجهال .
وسحبني من ايدي ..
باوع اللبسي وعظ شفتـة . ارحمي بحالج اذا بقيتي هيج تسويلي اخاف تتأذين ..
ابتسمتله ونزلنا ..

لگيته جايب عشا ومرتبه ع الطاولـة ..
گتلـة ليش مگتلي اني ارتبه ..
قيس .. ماكو فرق حبيبي اني وانتي واحد . ومثل ماتبذلين جهدج الاسعادي راح اسعدج اكثر واكثر ..

باوعتلـة بحسره وتوسل ..
لزمت ايده ..
گتلـة قيس اوعدنـي ..
قيس .. گولي حبيبتي ..
حور .. اوعدنـي ماتتغير بيوم وتبقى حياتنا هيج ..
قيس .. مستحيل اتغيير بعد مالكيت نصفي الثاني الي يكملني .. انتي الي اريد اعيش حياتي وياها انتي حبيبتي وزوجتي شلون اتغيير ..

حور تردينا ننسعد ونعيش حياتنا .. خلينا نحس اروحنا عشاق مو متزوجين .. انطيج الحب وانطيني الحب ..
خلي حياتنا ونقاشاتنا بالتفاهم ومانخلي اي طرف يدخل بحياتنا ..
خلي حياتنا بس اني وانتي ..

حور .. ان شاء الله ربي يديم علينا هالسعاده ويخلينا گلب ع گلب ..
#بقلمي_الكاتبه_شمس
…………………  … ……………… .
اتعشينا وكملنا .. ورتبنا كلشي سويه .. ماقبل يتركني ويصعد ..
طلع يم الولد شويه واجه ..
جايب ورده من الحديقه ..
گال انتي ورده حياتي حور .. ماكذب الي سماج حور
حوريتي انتـي ..
قفل باب المطبخ ..
وگال خلص بعد مااتحمل ..
سحبني بسرعه وهو يضحك . واخذني للغرفـة ..
ووووو💑 وبدى جولته الثانية كانت ليله ماتتنسى ..
والوقت وياه يمر بسرعه ..

شفتة گعد من الفجر .. گال يله حبيبي تصلين البارحة صلاة العشا راحت علينا خلي نصلي الفجر حتى الله يبارك بينا ..

گمت سبحت بعد ماسبح .. وصلينا ..
لگيته صافن عليه .
كملت نزعت الملف مال الصلاة ..
اشرلي ع حظنه .
طفيت الضوه واجيت انام يمه .
اجت رساله الجهازي ..
گتلـة اوووه نسيت اغلقـة ..
بس منو الي يدز رساله ..
فتحتها انصدمت وماگدرت احجي ..
غلقته واجيت بحظنه وهو هم ماسأل او من طبعه يتدخل بشي ..
نمت بحظنه والقلق والتفكير اذاني .. گعدت الصبح مصدعـة ..
باوعت قيس ماهو بالفراش ..
الضوه قوي ..
شفت الساعه كانت 11 ..
اوووووه هاي شگد نايمه مو من طبعي انام هالگد ..
دخل قيس ..
صباح الخير ياحلو ..
ابتسمتله .  هاي شگد نمت ..
قيس .. ههههه اني هم مثلج نمت هواي ولاول مره وماردت اگعدج شفتج تعبانه ونايمه بعمق ..
طلعت شويه للحديقه رشيتها ودزيت على ريوك ..

حور .. گول غدا مو ريوگ ..
قيس .. مدام انتي يمي لو عشا هم راضي وغمزلي ..
اجه يمي وحضني ..
گال صدگ اتصل ضرغام ..
هذا محمد اليوم موعده يشوف الجهال . وگال راح ياخذهم همه . لان اتصل عليج مغلق . فخابرني ..

گتله . ها اي صدگ وتذكرت البارحة غلقت جهازي بعد مااجت الرساله ..

گمت اريد ابدل .. استحيت منه وهو يباوع ..
ردت اروح للحمام ابدل ماقبل گال اني صرت زوجج اريدج ماتخجلين مني ابد . 
يمي تحرري اريدج جريئه ..
وخلي الخجل والمستحه خارج غرفتنا ..
ابتسمتله .. وبدلت يمه صحيح هو دايباوع بموبايله بس احسـة منتبه عليه .. لبست تراك برموده وتشيرت ربع.
وكملت رفع راسه ..
گال يلـة ننزل ..
نزلنا تريگنا وكملنا طلعنا بالحديقه الجو حلو ..
گال راح اسوي گهوة تشربين ..
گتله اني اسوي ..
قيس .. لا اني حسوي اگعدي حبيبي ..
اني اصلا مااحبها بس ماردت اكسر بي خطيه .

شربنا الگهوه وطبعا بالگوه شربتها ..
هو اتصل واجل شكو قضيه عنده للاسبوع الجاي ..
وگال باجر من الصبح نمر ع الجهال ونطلع مناك ..
گتله .. ماشي .. خليني اتصل على ماما تحظر جنطهم ..

صعدت للغرفـة ..
فتحت الموبايل ..
اتذكرت الرساله ..
فتحتها ..
محمد كاتب ..
مبروك ليلتج بحظن غيري .. بس صدگيني ماراح تتهنين .
كلما تنامين وياه راح تتذكريني وتتذكرين حظني .
لان ادري بيج تحبيني ومستحيل تحبين شخص ثاني ..
راح ابقى حاجز بينكم. للابد ..

عصبت حيل من رسالته .. هذا شنو شايف نفسه وشلون يتجرأ هيج يحجي ..

دخل قيس حسيت گلبي وگع واصفر وجهي وارتبكت ..
قيس .. شبيج حور صاير شي ..
اني من الخوف ماعرفت شأحجي وبقيت صافنة بوجهه ..
#بقلمي_الكاتبة_شمس
يتبع……………