قصة عاندت اهلي واهلها

البارت الرابع الجزء الثاني

///البااارت الرابع الجزء الثاني ///
///قصة #عاندت_اهلي_واهلها ///
///بقلم الكاتبة #بنت_الحجي  ///

اني مراح انساج ابد

موسى   :-  سمعت زينب تحجي وي نفسها من كمت اغسل ... زينب

زينب    :-  مسحت وجهي اي موسى فوت
موسى  :-  بيج شي ليش تبجين
زينب   :-  لا مابيه شي ضايجه اشويه ..خويه

موسى  :-  نامي لا سهرين يلا

سيف    :-  مر اسبوع كلت الابوي ميروح .. خليها بيت اهلها مو اول واحد اغلط اني .. متريد ترجع بكيفها من اجيب يجي ابني هنا اتريد ارجعها ارجعها مال تطلك مااطلكها ... هسه اني

سرى    :-  يمه والله عيب على زينب احنه شنو ذنبنه متحجي ويانه .. قابل غلطنه وياها بشي
اشو صرنه وياها على اخوي
ام حسن  :-  يمه ايجوز اهلها اخذو تلفون ..
وعالم مشددين ...

سرى    :-  والله مااعرف شكلج .. ادري هوه غلط بس متندم حتى شغله ذاك عافه . 

منير     :-  الووو📱  هااا سيف ماتكلي وين صرت ..
سيف   :-  📱 والله جاي اجيبلك الصبغ .. واجي
منير    :-   بداعتي سيف لا تتااخر خل اكمل هل غرفه لان يومين توصل الغرفه
سيف   :-  ماشي سويلي نركيله على مااجي
منير    :-  ماشي هنا ارشد ايسلم عليك
سيف   :-  الله يسلمه يلا جاي ...

سيف   :-   شفت غرفه مال نوم مال اطفال كلش عجبتني واني بطريق الغرفه كبيره مالتي .. اصير بيها ..
خل اروح المنير هسه .. والله كريم

تقى    :-  ههههههه لج زينب صايره دبه ترى
زينب  :-  هههههه شسوي اكل ونوم ...
خل نقرء كافي اسوالف ترى هل سنه الازم اتعدي على خير . العبت نفسي من السادس اتعقدت .. ترى
تقى   :-  والله اني عود مو حامل وروحي بخشمي الله ايساعدج .. اكلج اشتريتي ملابس اللبيبي ..

زينب   :-  لا والله كل شي مامشتريه .. بس كوثر جابت هاي الكارتونه البيها بوتره مال اطفال  ومال طعام .واوفرات بيها وكفوف ايخبلن ...
تقى      :-  هههه فدوووه ال الله يلا من اروح السوك اني هم اجيب شي البنت اختي
زينب   :-  حياتي متقصرين .. 

سيف   :-  منييير يالون السكف
منير    :-  الغرفه كلها احمر اريدها سيف .. عباره عن دم
سيف   :-   هههههههه غرفة بيها حصبه اصير ضلمه ترى
منير    :-  هوه اكو احلى من ضلمه حتى مااعرف ليلي من نهاري 😉
ارشد  :-  تفكيره .. شيطاني هذا ههههه

منير    :-  هههه سيف خلي مكان النشره
سيف   :-  مااطلعت غرفه صارت جنها قلاقيل برازيل
منير    :-  هههههههه يمعود اتفيد النشره وي اغنيه عاليه اصير ديسكو
ارشد   :-  لعد منا وهيج انسوي لكعده بغرفتك هههه
سيف   :-  حتى امك بصونده وعلي .. ابريد ايسوي الغرفه ديسكو
وهوه ايريد اروح اللحج
منير    :-  والله مال واحد ماايروح هسه قبل ميموت بسبوع ايروح ويقضي السبوع بالكعبه اخاف هم ايسوي مكسوره وربه ايسجلها .. عاد اسويها وارجع اركض . اطوف .هههههههههه

لكل      :-  ههههههههه 
سيف   :-  لا شافتك الكعبه 
ارشد    :-  سيف اتروح ويانه البنان نهاية الشهر
سيف    :-  ها انت ويامن
منير     :-  اخذوني وياكم ومن البنان الحك امي السعوديه

سيف    :-  ههههههههههه خوش والله ترضي نفسك وترضي ربك انت
ارشد    :-  وعلي راح ابتلي بي 😂

زينب   :-  مر اسبوع .. بين اقرء ..وبين صرت مااكدر اتحرك ثكيله احس روحي ..
فتحت الفيس باليل اكلب بي ضايجه شفت سيف منزل منشور هوه مبارك بي المنير ومنير ناشر صور الحنه مالته سيف لابس دشداشه سوده والغتره الجبتها له لابسها اتخبل عليه ...
اتنهدتت وطلعت من الفيس ..

دزيت رساله التبارك باركتلها ورجعت طلعت ..

بلشت الامتحانات  ... يوم جعفر ايوصلني ويم موسى لان مااكدر امشي هواي . وجو برد شته

بالمتحان حسيت بمغص موتني ..
المدرسه   :-  انتي زينه بنتي
زينب   :-  ممكن اكوم بس اتحرك اشويه ..
المدرسه   :-  كومي بنتي.. بس ممنوع اطلعين من صف
زينب   :-  كمت اتمشى بطني كبيره وصدريه ضابه اشويه
.منضري ايضحك جني بطريق ههه
ارتاحيت اشويه شربت مي رجعت المكاني كاعده ومطلعه رجليه من رحله لان مااكدر افوت بيها ضيقه ..

كملت الامتحانات .. على خير

اسلمت النتيجه بعد الامتحانات بدرسين يلا اعوض بااخر السنه
تقى      :-  همزين بدرسين اني ب7
زينب    :-  هههههههههه  ادري بشنو ناحجه انتي ماتكوليلي
تقى     :-   ناجحه بالحب والكلام الحلو هههههه
زينب   :-  امدا الحب وامداج ادرسي ولج .. لا تفوتين هل سنه منج ..

تقى    :-  حاضر يادبه
هذا لولد ايباوعلج زينب اتعرفي
زينب   :-  باوعت ستار جوارينه ... هذا كبران صار اشكد مشايفته ... فوتي تقى
تقى       :-  لا اروح اللبيت .باي
زينب    :-  الله وياج فتت بدلت

مر وقت العطله  رجعت اداوم صرت بشهر سادس
كل ماافوت بشهر اسمن .. صار منضري فد مره ايضحك ..

ابو موسى  :-  خابرني ابو حسن ابريد يجي اليوم
موسى   :-  خل يجي وشوف شيريد
ابو موسى  :-  الله كريم ...

زينب     :-  فاطمه .. ابنج يبجي
فاطمه   :-  طلع روحي  هذا ابد ميسكت يمه اقري عليه فدوه
ام موسى

:-   هاي فطنه على جاهل.. المغرب اقرء عليه
زينب   :-  اي خطيه

جنان    :-  زينب اليوم عمج راح يجي
زينب    :-  😳 منو كلج ..
جنان    :-  هسه سمعت عمو كال الموسى  ..

زينب   :-  بقيت ساكته .. اعرف ابوي . قافل صدك صار العصر اجه عمي وياه اثنين رياجيل واحد عم سيف وثاني مااعرفه ..

ام موسى  :-  خاف جاين يحجون على طفل
زينب   :-  لا يمكن سيف ماحجالهم يمه جنت كاعده بس اني وامي
ام موسى  :-  اندري

زينب   :-  بقه كلبي نار اريد اعرف

ابوموسى  :-  ابو حسن لا تحرجني خويه مال رجعه مترجع واني حالف .. الطفل الكم كتلك بس طلاك منكدر انطلك هسه خل اجيب ونطلك
ابو حسن  :-  اذا هيج بكيفك خويه. مانجبركم ..
بس خطيه نحرم ام من ابنها
ابو موسى  :-  بعدها اصغيره انشاءالله تنسه .. واذا ماعدكم مانع .. اشوف ابنها بين فترا وفترا

ابو حسن   :-  اني رجال اخاف الله اكيد مراح امنع ام من ابنها .. خل اكول هل حجي هم السيف ويصير خير
ابو موسى  :-  الله كريم ..

زينب   :-  طلعوو امي راحت يم ابوي ..

سيف   :-  هاااا هيج الحجي .. والله لعد مااطلك . ومال اشوف ابنها مااشوفه .. مااعجبهم ذيج المحاكم

ابو حسن  :-  يابه عيب اني اتفقت وي الرجال
سيف   :-  ماكو يابه اتفقت وياه والله له اشلع كلبهم .. ايحلمون ايزوجوها ..
حسن   :-  سيف البنيه بعدها اصغيره حرام عليك .. اتعوفها معلكه

سيف    :-  حرام عليه مو عليكم .. مااطلك وابني بس اجيب مااتشوفه بعد ..
خليت وكمت نمت ... اعلمج زينب انتي واهلج ...
يالله طلك واخذ ابنك ماشي
.. اذا مااخليج تتوسلين اشوفي

خابرت على ارشد الو 📱 ها خويه اشوكت اتودون جوازات تااشروهن مر اخذ جوازي اي اروح .. ماكو شي والله بس اغير جوا .. هذا الاربعاء
يلا ماشي باجر مر لي

ابوي حسم الامر على ماعرفت .. وعمو موافق اشوف ابني بين فترا وفترا .. انقهرت حيل روحي بعدها بسيف
بس هذا قدري .. الله يسعده .. وينساني
بس مو من كلبي احجيها . . غصه بكلبي .. مااعرف ندمانه لان اسرعت  . مدري صح سويت ..

سيف    :-  اجه يوم الاربعاء حضرت نفسي السفر
اخذنه منير ويانه لان متحلى من دونه ..

مازن    :-  سيف وينك
سيف   :-  بالحمام
منير     :-  فضها يمعود رااااح ايكومن من البحر وانت بالحمام
سيف   :-  ياهنه ايكومن خالاتك 😂
منير    :-  اي هنا وعماتك على بحر فضها والك ..اكلكم نازل قبلكم ...
ارشد   :-  شماخذ بيدك انت

منير    :-  نيفيه احط الجسمي ماشوفهن ايدهنن هنا على بحر حتى مايحترك جسمهن

سيف   :-  ههههههههههههه ادري انت امشك وماخذ نيفيه
لكل    :-  ههههههههههه

منير     :-  جااا همه مو ايدهنون . والله ماتعرفون انتو
دروحو
مازن   :-  اخذلك بطل زيت احسن من نيفيه 😂
سيف  :-  والك ايحون واقي شمس .مو نيفيه منعول الولدين ههههه

منير   :-  جا هوه النيفيه مو واقي شمس ومرطب
سيف   :-  منير ذبه وامشي لا اغطك بالبحر

نزلنا على بحر بس بشورتات .. ونركيله ويانه ...
شباب جابو شرب بس والله العظيم ماشربت العبت نفسي منه
اخذت شراب طاقه اني ومازن شاب ايصلي ومتدين

منير      :-  يمووووووي باع الخيط .
سيف    :-  هههههههه 

منير      :-  كون هيج بالعراق له اصير هوست امريدي على بحر ..ههههههه اكمش عرضك لا يتيه

مرتضى   :-  ههههههه خايب اسكت من دون شي خربانه العيشه .مو انصير مثلهم

منير     :-   حتى العيشه اصير مثل البجامعه المابيها لاستيكه ... ههههههههههههه

لكل      :-  هههههههه
سيف   :-   ههههه باوعو صورت فديوو واحنه كاعدين ..
منير     :-  هاااااي انا منير كيفكن .. 😍
سيف   :-  ههههههههه هذااا منير ومرتضى نسيب الغالي .. صديق الدراسه مزون الغالي ..  وارشد العلم

مرتضى   :-  حبيبي سيوفي الورد

سيف    :-  اخذ تلفون مني مرتضى ايصورني ..
واحنه كاعدين ... على سكيبات مال البحر .. ونسوان طالعه ... نزلت الفديو على فيس مقصود طبعا 😜

 
منير     :-  وعلي اذا ابقه اسبوع واحد هنا انحول ..
ارشد    :-  دخيلك ربي  ذن مصنعهن اصنع
منير  :-  انت جهره وذن جهره حرامات الله تاعب عليك
يا ارشد 😐
ارشد   :-  ههههههههه هااا

سيف   :-  شيلو وياي شلنه منير ذبيناه بلمي ..
صار جنه سلبوح اسيان .. 😂😂😂😂

زينب    :-  هلا حبي تبارك اشلونج 📱الحمدالله انتي اشلونج .. دومج حب اشلونه منير
تبارك   :-  📱الحمدالله زين بالبنان هوا والشباب .. صارلهم يومين
زينب   :-  هاااا بعده عريس
تبارك  :-   يمعوده خل ارتاح موتني ههههههه
سيف اصر عليه واخذه .. هسه شفت فديو على فيس لهم اشلون ايباوعون على بنات خل يجي اذا مااغطه بنجانت الحمام والله

زينب    :- ههههههههههههه
والله يامنير ... بقيت اسوالف وياها سديته منها فتحت الفيس اريد اشوف الفديو الفضول اكلني
. شفت الفديو  اشلون كاعدين .. وسيف مرتاح .  ومحلو اكثر ...
مصلخين على بحر والبنات استغفرالله كله بذن👙
يبوووو هذول والله مايستحون .. وهذاااا

والله مايستحون امداني حاركه كلبي وطلع متونس
وماهامه حتى سمنان .. اييي يمه هل نسوان ..

ايفكر بيه اصلا .. يالله ..

كل مره اتهد الحيل عدت الفديو اباوع عليهن اشلون همه .بله ميباوعون ...

متت من القهر وسديته ونمت ...

سيف   :-   رغم جمال البلد البي اني ..ونسه مراحت من بالي اريد انتقم منها ومن كلبي ..
كاعد وحدي بالغرفه اباوع من شباك جاي تمطر . بس جو حلو عدهم ...

شبيك سيف حبيت وحده بكلبها كل هل قسوه .. ولا مبين عليها تعرف تحقد .
انساها .. وطلعها من بالك .. المايريدك لا تريده
منير    :-  هااا سيوفي وين صافن
سيف   :-  لا مصافن نعست .. يمكن .
منير    :-  ها روح نام ..📱الوو هلا بروحي مشتاقلج والله ..

سيف   :-  اسمعه ايخابر ويحجي وين رجعني .. لو جنت وياها هم اتخابر وتسئل ..وتكول ماانام من دونك

اتنهدت حاولت انام
منير    :-  اشلونه الحلووو ههههههههه
مااشتاقلي هااااا من ارجع اشوفه العذاب اذا هيج

سيف   :-  ادبسز حجيك المنحرف اطلع احجي برا
منير     :-  انت شعليك نام جاي احجي وي مرتي

جاي اسئلها على ابني

سيف   :-  ههههههه اعرف شيحجي ..وشيقصد طايح الحظ

زينب    :-   كعدت من منام ... اخجل منه مدري ابجي مدري اضحك .
.نفس اليوم مال صباحية عرسي ..نفس سيف النايم ..
بس اكو طفل بزاويه .. يلعب بيده العاب مطالع وجه بس ضهره اشوفه ...

كام سيف ايباوع عليه ويضحك باسني .. وراح اخذ طفل بيده

اشرتله ينطينياه اخذه وطلع من الغرفه
بقيت اباوع عليه نزل من درج .. مهتملي ..

اوووف ربي شهل حلم هذا ..معقوله سيف ياخذ ابني وبعد ميشوفنياها لااااا دخيلك ياعلي ..

روحي اشتاقتله .. مو بس مشتاقتله ميته عليه ..
جاي ايسوي اكيد يشرب ..لو وي شي وحده ..اي قابل كاعد وحده ...
نزلت ادموعي كل ماتطلعه من بالي ارجع اتعمق بي اكثر

ويتبع ...قراءة ممتعه الجميع

اعذروني حبايب والله مااكدر اكتب اكثر
الكتابه اتعب .. عذرو وضعي