دخلت لغرفتي كبل تعبت حيل اليوم رحت سبحت الحمام بغرفتي والغرفه جبيره يعني حالتهم الماديه ممتازه سبحت وبدلت لبست بدي ابيض وبجامه سوده وسويت ستوتات اثنين مال صغار
وكعدت عالجربايه جوعانه طلعت من جنطي جبس وكعدت اكل واحجي وي روحي اي ريتاج اي ارتاحي هسه اهلج تبرو منج مرضج اتبرا منج رجلج تبرا منج ماباقي غير الجبس يتبرا مني بله شكال هااا اني ماسمحلج كونين مرتي تخف علينا يوسف الصديق من حلاتك هو اني احلا منه خبصني ماحبج ومابحبج عادي عساس اني ميته عليه رح اكتل نفسي بس صراحه هو هم حلو ابيض وطول وجسم غير هيبه اطلع بنته يمه اهوواال هسه اني شبيه شاربه بس هو مو احسن مني ماجنه هو الي مجلبلي
هبه : اكيد انتي احسن 😂
ريتاج : انتي من شوكد ها
هبه : من تخف علينا يوسف الصديق 😂😂
ريتاج : ههه هاي شنو بايدج
هبه : جبتلج اكل ادري مماكله من الضهر
ريتاج : ايي والله اهم شي بطني ياضهر من الباؤحه
هبه : ههه ادللي تفضلي حبي عوافي
ريتاج : على كلبج
كعدت اكلت وهي تباوعلي وتبتسم مدري شبيهة عبالك مخبله 😂
كملت اكل ونطيتها الصينيه
هبه ها هسه شبعتي
ريتاج : كلش يلا طلعي بره روحي لرجلج ماتحمل ضيوف مره اريد انام
هبه : هافوكاها
ريتاج : خرب اموني
هبه : منو اموني
ريتاج : امون
هبه : هااا يلا اروح احسن الي
ريتاج : الباب يوسع فيلفي الضوه وراج
هبه : هههه وكي
رحت هبه اني ضليت صافه افكر معقوله هيج مكروها اني احمد لهلدرجه يكرهني اوف اوف يليتني مت امس وكنت منسا منسيا
نمت كعدت الصبح لكيت الساعه ب ٧ واحمد دوامه ٨ رحت بدلت دشداشه وشاله ونزلت خدرت جاي مهيل وسويت بيض وبصل ومعجون وفطائر وستوه الريوك وخليته على الطاوله ورحت صعدت بغرفتي وره شوي احمد كعد
احمد كعددت الصبح سبحت وبدلت نزلت لكيت اكل يفتح باب الكلب وترتيب والطاوله كعدت ردت اكل
اجت امي : صباح الخير
احمد : صباحج عافيه عاشت ايدج علاكل من ريحته يشهي
الام : اي يمه خطيه رتو كعدت من الصبح سوت الريوك
احمد سمعت سمها عفت الاكل ومااكلت وطلعت بسرعه وركعت الباب
ريتاج طبعا اني واكفه اراقب شفته الي صار حيل ضوجتني رده فعله بس كلت ماعلي نزلت يم امه
صباح الخير عمه
الام : صباحج ورده بنيتي شون صرتي
ريتاج : احسن من البارحه ليش متاكلين تفضلي قدمتلها الاكل واكلنا هيه راحت لغرفتها تقره قران اني بقيت كاعده افكر باحمد لين اجت هبه
هبه : وين صافن الحلو
ريتاج : افكر باحم... هاا ولا شي
هبه : امممم علينا
ريتاج : اهو سويت الريوك وطلع زعلان وماكل
هبه : حبي لاضوجين ازمه وتعدي انشالله بعدكم باول يوم
فطوم : صبااح الخير
ريتاج : الله جابج ام كفشه روحي صبي ريوك النا وبعدهي رشي الحديقه يلا ورجعي نضفي البيت وكنسي الصاله وعزليها وغمزت لهبه
فطوم what
ريتاج : اي وشيلي الكرون من راسج جنج صخله
هبه : ههههه اين الجبهه
فطوم : نجبن اثنينجن الا اكل لاحمد عليج
ريتاج : بصياااح فطوم لاضربيني فدوه حبابه اخخ كلبي ديوجعني بعدي هسه اصبلج ريووك لا لا شعري اااه
فطوم : فدوه اسكتي عليج العباس هسه اصبلج لايسمع بابا يموتني
هبه : ههههههه اخ بطني
ريتاج : شفتي انه كيدي عضيم
فطوم : اي حبي شفت ورده امري شتردين
ريتاج : اريدج كعدين هنا واروح اصبلجن اكل تاكلن
هبه : لاعيني اني اصب من غير شي الريحه تعط
ريتاج : ياااريحه قصدج ريحه الصخله
فطوم : اهوو ماريد الكرون بعد
ريتاج : ههههه اي هسه احلا مو هيج هبه
هبه : ايي
كمت صبيت ريوك وتريكن البنات نضفت البيت بعدهي وهبه سوت غده وتغدوا ونضفت الماعين وصعدت لغرفتي وضليت على هل حال كل يوم
بعد مرور اسبوعين
مرت اسبوعين على زواجي واني ابد مشفت احمد انزل من يطلع واصعد من يجي ولا اسمع اخباره وبهل فتره حيل تعلقت بالبنات ودخلن كلبي وصرت مركز اسرارهن وهنه يحبني واني هم حيل مرتاحه عدهم رجعت طبيعتي العفويه وياهم بس شاغلني احمد الى متى نضل اني وياه هيجي معقوله ميحبني طلع اهوو حته معنده فصول يشوفني شنو من رجال اووف
احمد مرت اسبوعين على زواجنه واني ابد مشفتها اطلع من وكت واجي متاخر علمود لاشوفها اسمع اخبارها من اهلي يكولون طيبه وعفويه وحبابه ونادره بس مايوم سمعتلها صوت ابد ولاشوفها وهي اني ولا هامها ولا تسئل على زوجها شحاله شخباره ضاهر مجانت تحبني
.......................
ريتاج كاعده بالحديقه العصر اني وهبه نحجي
ريتاج : هبه
هبه :ها
ريتاج : مختنكه
هبه : حبي كولي شبيج حتى ترتاحين
ريتاج : البيه مينكال
هبه : حياتي سمي بالرحمن ماكو شي
ريتاج : امي جابت اثنين بنات توم وابوي كلالها اذا جبتي بعد بنيه رح اشوفج الويل فامي حبلت بيه وجابتني وابوي من هذاك اليوم يعاملها بالسوء لان ماعدهم مره جيب اكثر من ٣ بنات يحسون البنات عار بعائلتهم مدري شنو سبب بس هم عمي طلك زوجته لان جابت ٤ بنات ابوي جان يحب خواني ليان وليالي لان تؤام هنه وهيج مونساته والكبار اما اني تلقيت العذاب من امي لان تكلي بسببج ابوج يكرهني ويعاملني هيج وزعلت وياه فجعلتني كالخدامه عدها اشتغل ليل ونهار يادوب يصيرلي وكت بليل اكنك شويه وكله مو بعينه ابد محد من عائلتي سالني ريتاج محتاجه شي رايده شي جنت كاني قاتله مسويه جريمه مع انو اني شيطلبون اسوي وحاطتهم فوك راسي ويردون عليه الزله ابد محبوني ولاحسبوني بنت الهم اني حيل ضجت من حياتي ومن عرفت اني مريضه بالقلب مكتلهم وفرحت كلت هسه اهلص منهم هلبت يشوفون اموت كبالهم ويحنون علي بس ابد ولافاد وياهم وبهيج ايام شنو رح يكون الي غير صديق اشكيله هم بس كذبي لخفف عذابي عرفت احمد وراسلته جنت مانطي معلوماتي اخاف من هل شي فمن تعرفت على احمد حسيت هو الوحيد القدملي الحب والحنان وصدك حبني حب موعادي حب اني كدرت احس بيه رغم البعد احمد غير حياتي خلاني اشوف الحياة غير رفم شكد جنت انتحر من وره اهلي بس احمد الي وكف وياي شلون ترديني اسوي اترك احمد ماكدر لان اذا اغيب عنه تسوئ حالتي
هبه : وهي تبجي هيج انتي متعذبه وصابره شون تحملتي واني اكول ليش هيج سووو وياح وباعوج النا .. وقطع حديثي صرخه ريتاج
ريتاج : شنوووو
هبه : شبيج
ريتاج : شنو تقصدين باعوني
هبه : ليش متدرين
ريتاج : لج لاتختبرين صبري احجي
هبه : عمي اشتراج من اهلج ب ٢٥ مليون
ريتاج : شلووون وهذه كله مادري اني
هبه : شون متدرين ليش مو انتي الي عترفتي
ريتاج : يا عتراف بعد هذه 😭
هبه : تسجيل الصوت
ريتاج كمت على حيلي وماحس بيه روح هبه كلبي يوجعني كولي شنو بالتسجيل ياعتراف الخاطر الله فهمني شنو التحجينه
هبه : والله ابوج جاب مسجل وانتي تحجين كولين احمد شافني وملتقي وياي وجاي لمحافضتي ومن هل حجي
ريتاج حسيت وقتها نكطع نفسي وكعد على حيلي وضليت اصرخ وادك ولطم ومحسيت غير اغمه علي
هبه كامت تبجي وتصرخ من كلتلها معقوله بايعينها ومتعرف الله يكون بعونها شفتها وكعت كمت ارجف صعدت فوك جبت حبوبها نزلت شربتها الحبوب شوي شوي كامت توعى ودموعها مسكتن
هبه صعدتها فوك كوه لغرفتها وكعدت وحضتني وتبجي وتحجي
ريتاج : ااااااه كلبي ابوي يبيعني والله ماصدك معقولي هيج ينطيني بهل سهوله هو كلي راح ازوجح حبيبج وماجنت اضن بهل طريقه النكسه الله ياخذني ليش نولدت ربي ليش هيج يصير بيه ليش ابوي اني هيج شمعنى سويت اني لام لاب لاحب لاصحه المن مخليني عايشه الاول مره اشكرك انك خليت بيه مرض اشكرك ع اقل مابقه بهل عذاب ليش يطيحون من عيني واحد واحد دمر حياتي وخذه حبي مني شون طاوعه كلبه اااااه ااااه
هبه : بجتني وياها تحجي وتبجي وتناشق كوه كمت اهدي بيها كسرت خاطري خطيه
احمد طبعا اليوم سبت عندي نص دوام لذلك رجعت من وكت العصر فاول مادخلت لكيت البيت فارغ بس اختي وجهال يلعبون بغرفتهم صعدت لغرفتي وجان اسمع بجي تقربت من غرفه ريتاج واسمعها تبجي ومدري شتحجي تبجي جنها طفل اني كلبي كام يوجعني مدري ليش هيج اختنكت من يمي ودمعت عيني خليت وصحيت على نفسي كلت خل انتضر هبه تكلي
هبه كوه نومتها خطيه عفتها وحده وطلعت من الغرفه لكيت احمد
احمد : شبيها
هبه : روح اسئلها
احمد : ماروح لان ضل تمثل واني ماتحمل جذب ماريد افقد اعصابي
هبه : جا ليش تسالني
احمد : هيج بس فضول
هبه : مابيها شي
احمد : يعني مكولين
هبه : ميخصك
احمد : بس هيه زوج...
هبه : اي كمل لو خايف من الحقيقه
احمد خليت ودخلت غرفتي مادري ليش هيج ضجت عليها مدري شبيه واني مشايفها حته
هبه مبين عليه قلقان عليها ويحبها بس ليش يكابرون اذا يحبون بعض اني الكم اذا ماجمعتكم بغرفه وحده فلا اطلع هبه
..........
لهنا تعبت باجر اكمل القصه اتمنى تعجبكم رئيكم واعجاب ومنشن الاصدقائكم وشكرا ع مشاهده