هلاوو متابعين هسه نعرفكم بشخصيات القصه
ريتاج بطله القصه مرحبا اني ريتاج عمري ١٧ سنه
طالبه خامس علمي حلمي اصير دكتوره
من العماره
بيضه وشعري اسود وعيوني كبار ورصاصيات عندي غمازه وحده وباقي مواصفاتي حلووه
عائلتي متكونه من ابوي حيل معقد وامي هم مايعرفون بسوالف الحب والتعشك بعائلتهم كالقاتله واخواني اصغر مني اثنين واختين اكبر مني مزوجات واخت اصغر مني
بطل القصه 💕
احمد بطل القصه سلام اني احمد شاب
من البصره اعيش هناك
عمري ٢٦
واشتغل بالمحاسبه شغلي من ٧ صبح ل٨ ليل وتعبان حيل
ابيض وطول وجسم اشبه التركيين حلو وماامدح نفسي
عائلتي بيها اخ اكبر مني مزوج وامي واختي عمره ١٦ عايشين بسعاده كلنا حالتنا الماديه كلش زينه
وهسه عرفناكم على ابطال القصه ولننتقل للقصه 💕💕
نِصْفُ ﺍﻟﺬَّﻛﺮَﻳﺎﺕِ ﺗَﺄﺗِﻴْﻚَ ﻭَﺃﻧﺖَ ﺗَﻘﺮﺃ ﺷَﻲﺀٌ ﻳُﺸﺒِﻪ ﻛَﺜﻴﺮﺍً ﻣَﺎ
ﻣَﺮَﺭﺕ ﺑﻪ ✓ ✿
الام ؛ ريتاجووو كومي اشتغلي لاشغل ولاعمل كاضيتها نوم وتكنيك ابتليت بلوه اني
ريتاج: يمه صدك جذب دنيا ضهر خليني نايمه شعندج مكعدتني
الام ؛ اي اذا للصبح اتسهرين على هل خره الا اخذه منج
ريتاج : هوهو ماما خلاص كمت كمت (اووف الى متى اضل هيج على هل رنه )
طبعا امي ابد متشتغل اني لانضف البيت كله بس هي تخبر والطبخ والغسل عليه مادري مرات احس روحي خدامه عدها
اول مكعدت ع صياحها فتحت جهازي وجان اشجل دخول بلانستا واشوف حمود مراسلني ( طبعا ماكلتلكم احمد هذه اول مسويت لانستا قبل سنتين تعرفتله من خلال لانستا فجنا دايما نتراسل ونتعارك كله لان لساني طويل وياه ودايما نزعل بس نرجع عشنا صداقه مده سنه وبعدهي كلي احبج واني هم كتله وحبينه بعض بس بلانستا نحجي وطبعا اكو مشكله هو ابد مشايفني واني مكذبه عليه باسمي وبمحافضتي كتله من البصره علمود تستمر علاقتنا وكما تقولون الكذب حبله قصير فتابعو القصه ).
احمد : صباح الخير. ٧:٢٣
ريتاج : صباح النور ١٢:٣٠
احمد : شلونها الحب وين ماوين صدك جذب اراسل من الصبح ماكو مشتتتاقلج. ١٢:٤٥
ريتاج : ههه غير نايمه يعني مكول اني مسكينه هم اتعب اسهر للصبح عالتلفون واني هم مشتاقتلك شلونك
ومن هل حجي ضلينه ساعه وطفر لان عنده شغل فصارت ٢ كمت نضفت البيت كله غسل وكنس واماعين بعدهي صارت ٤:٤٤
الام : ها كملتي شغل
ريتاج : لابعدني بس جاي اخذ نضره للبيت والله ياللع غير تشوفين يلمع هو هيج جان شكله
الام : دنجبي ولاترفعين صوتج
ريتاج : هو هذه صوتي من يوم يومي
الام : حضري نفسج اخذج للطبيب مو رحاتج
ريتاج : اي ماشي وشبيج تحجين من وره خشمج
الام : انتي صدك ماتحترمين ضربتني بنعال بس اجه باخوي
المهم طلعت وبدلت لبست جبه زيتوني وشال مشجر زيتوني وابيض وكرانشوز طلعت تحفه
الام : ماخذتج العرس تمشي كدامي
ريتاج : اهو هسه ارجع
الام : امشي بلا حجي زايد
رحنا ورجعنا لمغرب وجانن رحاتي ماذياتني فاول مارحت لزمت جهازي لكيت رساله من الحب او عده رسائل خابص الدنيا
احمد: الوووو
وينج
الو ردي
مجاوبين مو قلقان
ضلي غلسي
الووو
شكو ضل بالي
وينج
ريتاج : شكو خير جنت بالطبيب وهسه رجعت
احمد : وماكلتي اكو واحد ينتضرج
ريتاج : اوووي خلاص كافي خل ابدل وجيك مالي خلكك
بدلت وراسلته ومن هل حجي كمت سويت عشه ونضفت ورجعت اجتنا اختي
ليان : شنو هاي رتو شو اربع وعشرين ساعه جهاز شعندج
ريتاج : اي تباوعون عالجهاز وماكولون شايله البيت كل همكم السلبي
ليان : واحنا شكلنا غير الحقيقيه
ريتاج : والمطلوب ابجي اضحك
ليان : لسانج حيل زفر
بهل لاثناء دخل بابا كال
الاب : شكو شبيكم صوتكم طالع
ليان : هاي بتك كلش مو محترمه
ريتاج : بابا دكذب عليك مسويت شي هي تغلط
الاب : طررررراخ ضربني راجدي هز اذني خدر وجهي تختر وكال احترمي نفسج طالع السانج يرادلج تربيه
لام : اي عفيه ادبها هاي مو محترمه طلعت عينها من وره جهاز
الاب ؛ جيبي جهازج جيبي اشو
ريتاج : هاك اخذه وعساكم لاترجعو
لاب : روحي لغرفتج لاتجين كبالي كلبه
ريتاج اني كلش ضجت كل مره هيج معاملتهم مايحبوني الواضح مع ان. اني الي اشتغل وتعبانه وامي ابد مو مهتمه وليان اختي شايلتها ع كلبي بس دومهم يفرقون يحبون المزوجات ع ابو اكباار امده حضي لو ازوج ولا اروحلهم بعد
يلا لايكاتكم او قصه الي اتمنى تعجبكم ..💕💕💕💕💕