قصة عاندت اهلي واهلها

البارت السابع والثلاثون

○○///بااارت سابع وثلاثون ///○○
♧///قصة #عاندت_اهلي_وأهلها ///♧
☆☆///بقلم الكاتبة #بنت_الحجي ///☆☆

فاتن    :-  هههههه اي والله ..
زينب   :-  يبوو اشكد استحيت حتى همه حاسين عليه

ام حسن  :-  لا تحجن شي هسه .خل اتمر فترا .ونتااكد
زينب   :-  ماشي خاله .. بكلبي والله لو عرف سيف هههه

مرتضى   :-  سيف شبيها هديل ..
سيف    :-  شمدريني كالبه خلقتها .
مرتضى :-   خاف ضاجت لان ازوجت وعفتها ههههه
سيف    :-  ليش جنت حابها حتى اعوفها
مرتضى  :-  اندري

سيف   :-  كملت شغلي ساعه 3 .الوو 📱هلا كلبي جاي بطريق حضريلي الغده
زينب   :-  صار حبي
سيف   :-  اممم والحمام هم
زينب   :-  ههه حاضر ..
سيف   :-  واكيد غرفتي جاهزه موو 😂📱
زينب   :-  اي جاهزه ههههه
سيف   :-  اممم اذا هيج اكيد صاحب الغرفه هم جاهزه
زينب   :-  ههههههههه كافي عاد متعبان انت
سيف   :-  تعبي من اوصل يمج ايروح .. 

زينب   :-  اممم ديلا خلي احضر الغده .
سيف   :-  يلا باي ..
زينب   :-  سديت تلفون جنت اشسور شعري مكيجت .. البست دشداشه سمائيه رياضيه .. ماالبس شال بالبيت خاله اتكول حسن اخوج .. وابو حسن ابوج ..
نزلت حضرت الغده تمن برياني ودجاج .  بس ماادري جازه نفسي من دجاج ...
فاتن     :-  زنووووبه اني راح اروح كلبي تردين شي
زينب    :-  وين رايحه
فاتن     :-  اشتاقيت الابني  والله اروح اشوفه .
زينب    :-  اوف الله ايساعدج يلا مو عند غربه هوه
. روحي حبي سلمينه على الاهل

فاتن    :-  يوصل حياتي باي

سيف   :-  هلا يمه
ام حسن  :-  هلا بيك يمه ...
زينب   :-  الله ايساعدك ..
سيف   :-  ايساعد بختج.. كعدت على مبرده ..
ام حسن  :-  صبيله غده ..
زينب   :-  اي رحت صبيت الاكل .. خليته له بصينيه ..
سيف   :-  اكعدي اكلي ..
زينب   :-  لا مااشتهي بالعافيه ... رحت خليت جاي على نار .. 
سيف    :-  زينب ..
زينب    :-   ها عيني
سيف    :-  جاي ..
زينب    :-  رحت صبيته .. كمل غده شلت الماعين .غسلتهن .. صعدت فوك .. خليت ملابس بالحمام ومنشفه ...
سيف    :-  اشتاقيتلج ... كلبي حضنتها من ورا
زينب    :-  هههه فدوه االحبيبي اني هم اشتاقلك كووومه .. باليوم ..
سيف   :-     مامبين مشتاقتلي

زينب   :-  هههههههه هااا اشلون بله مامشتاقتلك .. بسته من حلكه .. وحاضنته ..
سيف   :-  اوووويلي 😍 ههههه اليوم وكحه
زينب   :-  لا بس جاي اثبتلك مشتاقتلك .. يلا الحمام حاضر روح اسبح

سيف   :-  نسبح اثنينه ..
زينب   :-  لا سبحت الصبح وشسورت شعري مااسبح ..
سيف   :-  هههه خوووش بعيني باليل غصبن ماعليج اخربه لج ..
زينب   :-   هههههههه دمشي اسبح ..

سيف    :-  مدلل والله اكل جاهز الملابس الكاهن معلكات .. سبحت ونمت ...
زينب   :-  بس حط راسه نام .. متمدده بحضنه .. مشغله تلفزيون.. اباوع على مسلسل تابعتها .. كلش حلوه كويتيه ..
خلصت باوعت سيف نايم .. وخرت نزلت جوا سويت كيكه .. خاف يعكد عمو لو سيف جوعانين ...

سرى    :-  اييي والله مشتهيه كيك
زينب   :-  شوفي حسيت بيج ..هههههه
سرى    :-  ههههه هنيالي لعد...
زينب   :-  اشبيج ضايجه احسج .. احجيلي ..ترى انتي بمعزت فاطمه ..
سرى    :-  حياتي يعز غاليج .. شحجي ميفيد الحجي ..
زينب   :- خليت الكيك بالفرن كعدت  .  احجيلي ماطول كلهم نايمين ..

سرى   :-  احجيلج بس بداعت سيف متحجين الاحد .. لان اني حتى الاسراء محاجيه
زينب   :-  دحجي يمعوده خوفتيني 😳
سرى   :-  اني احب مرتضى صديق سيف .. هوه اتقدملي قبل خطبتكم .  بس اني رفضته .. لان ماجنت احبه  .ولا اعرفه زين ..
زينب   :-  ليش رفضتي ولج  زين مو من رحتو الزياره هوه وياكم ماشفتي ..

سرى    :-  اي شفته بس مجان بالي اصلا ولا هوه باوعلي لو شي .. هوه طبعه ثكيل ..
بس شيفيد هسه  😔

زينب    :-  اممم والله لعرفه سيف ايحبه هوه ومنير .
وخوش ولد وحلو هم
وهسه اشلون شنو بالج اسوين

سرى    :-  بعرسكم صارت نضرات بينا .. وضحك بوجهي واني هم .. بس بعد ابد مشفته . ويمكن هوه بعد ميريدني لان رفضته ..
زينب   :-  هيه مال رفضتي حقه يزعل .. المهم عوفيها عليه   
سرى    :-  شسوين انتي .. 😳
زينب   :-  سرى فكري زين بي ماااشي .. ترى زواج مو العبه وانتي بعدج ادرسين من تتااكدين كوليلي ..

سرى    :-  هاااا لا اني متااكدا اريده خل اكلج من هسه مو بالي ادرسه
زينب   :-  هههههههههه يمه يمه  مستعجله بتنا
سرى    :-  هههههه يو زينب هاي اشبيج مو هيج ..
زينب   :-  ههههههههه فدوووه اللتستحي .. وداعتج اذا الله كاتبه لج تاخذي غصبن ماعليه ..

كملت الكيك طلعته حطيته بثلاجه .. صارت ساعه 5 صعدت خل اكعد سيف شينيمه باليل ..

حبيبي
سيف   :- اممم .
زينب   :-  سيوووووفي 😘حاضنته وابوس بي .. اكعد يلا دنيا المغرب راح اصير
سيف   :-  ااااااه .. ليش تتحارشين بيه

زينب   :-  بكيفي هه يلا كوووم ..
سيف   :-  انطيني تلفوني
زينب   :- هاك .. كوم

سويتلك كيكه .
سيف   :-  انتي الكيكه مالتي ..
زينب   :-  فدوووه انت الكيك .  ياعمري ..

سيف   :-  يلا خل اكوم اريد اطلع .
زينب   :-  وين اتروح ..
سيف   :-  وي مرتضى . ايريد ايروح اللمعارض
زينب   :-  اكولك هوه مرتضى شعجب ميزوج .
سيف   :-  مو اجه على غبيه سرى ورفضت ..

زينب  :-  ها صدك سويت روحي مااعرف .. ليش ماقبلت خوش ولد والله
سيف  :-  اي والله مايتفوت ..
زينب  :-  اتحب احجي وياها واقنعها .  احسن متاخذ واحد متعرفو شنو هوه

سيف   :-  علواه احجي وياها بله ..
زينب   :-  ماشي .. نزلت حطيت الكيك بماعين .. كعد عمو من نوم ..
ابو حسن  :-  شنو هاي الريحه الطيبه
زينب   :-  تعال عمو اكل ..
ابو حسن  :-  شكرا بابا .. اجت بوكتها جوعان

زينب   :-  الف عافيه .. هاك سيف
سيف   :- شكراااا حب
زينب   :-  هههه بالعافيه .. اكل سيف وطلع وعمو هم طلع اللمحل .. سسرى تعالي .. 
سرى   :-  شكوو
زينب   :-  حجيت وي سيف طالع وي مرتصى هوه كتله ليش مامزوج الهسه كال اجه على سرى وماقبلت .. كتله اني اقنعها .  كال علواه هههههههه

سرى    :-  ههههههههه صدك شبيج كوليله موافقه شنو اتقنعيني ..  😨
زينب  :-  هههههههه الج اصافي وداعتج .  ايكولون له قصر بجنه اليجمع بين اثنين ..
سرى   :-  ههههه انششششاءالله لج الجنه كلها مو بس قصر ..
زينب   :- امين هههه

سيف   :-  هاااا منير .. اليوم ماكو بشغل خير
منير    :-  البارحه مات ابو تبارك .. وجنت بالفاتحه قبل اشويه رجعت
سيف   :-  الله ايرحمه
مرتضى  :-  ارتاح هل مات الزلمه .. هههه الله يرحمه
منير    :-  هههههه لا خطيه .. الله يرحمه

سيف   :-  دك تلفوني الوو منو
هديل   :-  اني هديل ماعرفتني شنو .
سيف   :- لا والله لان مو نفس الرقم العندي .  اتفضلي
هديل   :- اني اريدك سيف .. مجاي اتروح من بالي شسوي ..
سيف   :-  بقيت صافن شحجي وياب الولد ماريد افضحها . كدامهم .. اني طالع مع السلامه .  سديته
مرتضى  :-  خير منو
سيف  :-  واحد تعبان ...

زينب   :-  مر شهر على زواجنه .  مااجتني الدوره
كلت الامي كالت خل تاخذج ام حسن سوي تحليل ..
كلت السيف ضايجه حروح وي خاله الشارع كال روحي .  رحنا اني وسرى وخاله .. وفاتن ويانه ..
دخلنا اللمختبر اخذ دم مني .. كال نص ساعه ويطلع تحليل    نزلنا رحنا السوك ..

اشتريت .. السيف تشيرت احمر ايحب هل لون ..
واخذت لي كيمونه وشورت مال نوم ..
سرى   :-  زينب شوووفي ملابس مال جهال
زينب  :-  هههههه فدوه بس اطلع حامل اشتري منا .
سرى   :-  انشاءالله انجهز بنت اخوي منا ..
زينب  :-  بنت اخوج 😳😧

سرى   :-  هههههه والله مو اني الساني نطق ..
ام حسن  :-  شيجي من الله نعمله .. انشاءالله حامل . 
فاتن اشترت اتراكسودات الابنها خطيه .. وملابس لها ..

رجعنا التحليل طالع .  اخذته خاله كاللها مبروك حامل . 
فاتن    :- اييييي مبروك ههه
زينب   :-  هههههه ياربي احس الكاع ماشالتني ..
من الفرحه .  رجعنا اللبيت .  اشوكت يجي اليل .  اكول السيف ..

خابرته .. الوو 📱 ها كلبي وينك
سيف    :-  ها حبيبي بشغل بعدني .  اشوكت رجعتو
زينب   :-  صار هواي من رجعنا ماتااخرنا هواي .  سمعت صوت مرتشى يمه .  حبيبي بخصوص سرى
سيف   :-  اي شبيها . 
زينب   :-  حجيت وياها موافقه .. 
سيف   :-  صدك والله .. اي خوش ..
زينب   :-  اي والله هههه لا تتااخر .. عندي الك مفاجئه
سيف   :-  ههههههه ها خوش .  يلا باي

مرتضى   :-  واحد يحجي وي خطيبته واحد وي مرته .. كاااافي ارحموني .. ترى استويت .. 😐
منير     :-  ههههههههه طبك مرض اخطب منو كامشك ..
سيف   :-   هههههه مرتضى اذا بعدا عرضك قائم .. اهلا وسهلا بيك
مرتضى   :-  بقيت صافن .. ههه ماادري شحجي .  اكو نصيب يعني .  افتهم
منير   :-  شنو الموضوع فهمونا وياكم . يانصيل وياعرض
سيف   :-  اي اكو وين نلكه احسن منك . اشوكت عدكم مجال اهلا وسهلا .

منير    :-  الووووو انت خاطب واني ماادري
مرتضى  :-  خاطب امك وين خاطب .. هسه ارووح اخطب .. هههههههه مشكور حبيبي سيوفي . 
منير   :-  خيانه هاي اشوكت حجيت وي سيف

سيف   :-  ههههههه صار هواي .  بس جانو ايفكرون واخذت الموافقه اليوم ..
مرتضى   :-  شهل تفكير شهرين .  ههههههههه خل اصير له اطلعهن من عيونها .  اليمونه

زينب   :-  فرشت نزله جديده .. وعطرت الغرفه .  خليت فواكه بثلاجه .. وبيها حلويات وعصائر سيف ايجيب .. حضرت الكيمونه والشورت البسهن .. سويت شعري ومكيجت..
فاتن     :-  ههههه شنووو هاي عيني
زينب    :-  ههههه  اريد افاجئه .  بس خاف خاله اتكوله
فاتن     :- لا  تعاي انسوي العشه ونوصيها . 

زينب   :- نزلت سوينه عشه .  سوالف وضحك ..خاله اسبورتيه .  ويانه .. اجه سيف .. وحسن وعمو صبينا العشه ..
سرى    :-  يلاااا زينب كوليله . 
زينب   :-  لا من اصعد اكله ..
سرى    :-  لا اريد اشوف شكله حبابه كوليله هسه

سيف   :-  اشبيجن ..

زينب   :-  لا هيجي ...
سيف   :-  هاااا خاف على خطبه شعجب وافقتي .

ام حسن  :-  ياخطبه
سيف    :-  سرى قبلت بمرتضى يمه .ماكالتلج
حسن   :-  هاااااا

ام حسن  :-  هااا ليش ماحجيتي .  وشكلت اللولد انت
سيف   :-  كتله موافقين هل ايام يجون
ابو حسن :-  والله خوش ولد وين نلكه احسن منه

سرى   :-  كلبي وكف يمكن .. بقيت صافنه . لكمه بحلكي لاتنبلع     ولا تطلع .. هئ شركت
زينب  :-  هههههههه اصملىالله اشربي مي .
فاتن   :-  يلا سهله من الفرحه اجتج اشهيكه .  هههههه

سرى   :-  هههههه
زينب   :-  كملنه عشه الماعين ذبيناهن على سرى
خل تغسلهن وتتخيل الخطبه   ومرتضى .  صعدت قبل سيف بدلت .وفتحت شعري خليت حمره سحريه ..وعطر ..
دخل سيف

سيف   :-  شنوو هاي
زينب   :-  هههه
سيف   :-  اييي شنوو المفاجئه بله
زينب   :-  حضنته .. باوعت عليه اني
سيف   :-  انتي شنو
زينب   :-  حامل .. هههههههه
سيف   :-  لا صدك  لا تشاقين ...
زينب   :-  والله حامل سويت تحليل اليوم
سيف   :-  ههههههههه من فرحتي شلتها .. والج اموووت على الخلقج ..
زينب  :-  بلا خبال نزلني منا وهيج خليك عاقل وكاحه ماكووو وشكولك اتكول صار 😍

سيف   :-  ههههه كله صار بس مال وكاحه ماكو مااتفق وياج تعاي بله اشلابسه بت الاوادم ..
زينب   :-  ههههههههه سيف وخر .. ؤؤؤؤؤؤؤؤؤ

سيف    :-   من هسه اكلج اذا ولد حر اسمي
زينب    :-  هههه صار واذا ابنيه شنسميها ...
سيف    :-  بكيفج .. انتي سميها .. المهم تطلع حلوه على امها
زينب   :-   ههههههه لا باع انت اختار حرفين واني هم ندمجهن وشيطلع انسميها ..
سيف   :-  اممم ماشي .  اختاري اشوف

زينب   :-  ي و ..
سيف   :- ق ت شيطلع الاسم بله قوتي ههههههههه
زينب   :-  هههههههه لا شهل اسم .. ادمج الاحرف بغير طريقه مثل لو بيها ا واحو جان صار تقاوي .
سيف   :-  انضيف ال ا  ايصير ياقوت .
زينب   :-  اايييي والله .. ياقوت اسم حلوو
سيف  :-  اي حلو هاي هيه البنيه ياقوت ولولد حر .

زينب   :-  ماشي ههههه

مر اسبوع اجه مرتضى هوا واهله  حددو موعد الخطبه اسبوع الاخ.. سرى طايره من الفرح .  راحت هيه وفاتن اجرت فستان اللخطبه.. صارت الخطبه كلش حلوووه .

منير      :-  صار سيف نسيبك
مرتضى :-  اي والله ابو حر احلى نسيب
سيف   :-  اشكرك .. 

زينب   :- مر شهرين على حملي كاره نفسي بس لعبان نفس وتقيى .. مالي واهس لشي

سيف    :-  زينب ..
زينب    :- هاا 
سيف    :-   شنو تااخرتي جوا شكو
زينب   :-  جنت اغسل ماعين .. رحت بدلت ملابسي ونمت . حاول يتقربلي سيف .. وخرته سيف مابيه حيل عفيه .. عافني محجه خطيه

سيف    :-  زينب  كلش اتغيرت من صارت حامل .. متهتم النفسها مثل قبل ولا بيه من اتقرب منها تركض اللحمام تتقيى .. الازم اتحملها . ماكو حل ..

زينب   :- سيف عفيه اريد اروح الاهلي جنان جابت . 
سيف   :-  ماشي يلا حضري نفسج

زينب   :-  حضرت نفسي .. سيف خل ابقه يمهم .  اليوم من ازوجت الهسه مابتت يمهم
سيف   :-  ماشي ابقي يمهم . 
اريد تتغير نفسيتها .. صار اسبوعين . بس اوصل يمها تلعب نفسها حسيتني بيه شي لو ريحتي مو طيبه ..
بس ساكت مااحجي .

زينب   :-  دخلت الاهلي اخواتي موجودات سلمت عليهم جنان جابت ولد ايخبل فدوووه يشبه موسى
فاطمه   :- صاير بيج ضعفانه زينب
زينب   :-  اسكتي كاره كل شي والله مالي خلك نفسي حتى هل سنه عفت المدرسه .

فاطمه   :-  يمعوده بعدج بدايتج صارلج 3 اشهور من زوجتي
زينب   :-  والله مو بيدي نساوه موتتني . حتى سيف من يتقرب مني مااتقبله
جنان   :-  ولج ميصير خطيه وهوه ساكت ومايحجي

زينب   :-  ليش يحجي قابل بيدي الشغله . 

سيف   :-  ضايج طالعه روحي .
رحت الشغل .. اشتغل وافكر مجانت هيج معقوله اكو هيج نساوه .  تكره رجلها .  وماتهتمله

منير    :-  وين صافن
سيف   :-  لا ماكو شي فاتت هديل من يمي تنوره قصيره هيه حلوه البسها ملفت النظر
منير    :-  خرب اهلج والك هاي مو مره
سيف  :-  هههههه اي والله طركاعه
منير    :- ماتفكر بشعب البالقناة .. والك حتى مشيتها.  مو مثل البشر رجل كدام رجل جسمها ياخذ لوفه وياها ههههههههههه

سيف    :-  ههههههه
ايهاب   :-  سيف تعال بس عدل باانز الميز
سيف    :-  رحت صاير جوا  البانز مال الميز مثل اليرفع .. من اترخي . هديل كاعده اتريد اتقدم البرنامج .. دخلت جوا الميز رخيت البانز

هديل   :- اعلمك سيف اتعمددت ارفع تنوره .
سيف   :-  ردت اطلع شفت رجليها وتوره قصيره كلش من تكعد ترفع حتى شسمه شفت لونه .. خليت وطلعت باوعت ضحكت .. هيه .

مجرد منظر ميروح من بالي .  شتقصد هيج اسوي هاي . 
كملت شغل رجعت اللبيت .. سبحت وتمددت .  زينب حتى ماخابرت ولا سئلت عليه ..

اكلب بتلفون اجت رساله من هديل .
هديل   :-  📱💭  احبك والله   اريدك انت ماريد غيرك اشوكت تفهم .. قابله علاقتنا تبقه سريه

سيف   :-  هاي شبيها .. رديت عليها 📱💭 هديل مزوج اني

ترى ماافيدج . ولا ازوجج شيليني من راسج
هديل  :- 📱 اتصلت عليه الوو
سيف   :- الو 

هديل   :- 📱 فدوه الهل صوت منو كلك اريدك تزوجني مطالبه غير اتحبني ..
سيف   :-  ههههه اكو هواي غيري حبيهم .
هديل   :-  نفسيتي متربد غيرك ..

سيف   :-  تحجي بصوت ناعم .  اتخلي لواحد يفكر بهل شي غصبن ماعليها .. وشتردين هسه ..

هديل  :-  اريدك هاي شبيك سيف ..
سيف   :-  بابا ترديني شسوين بيه
هديل  :-  هنيال مرتك عليك اي والله   شعجب مو يمك هيه ..
سيف  :-  لا مو يمي
هديل  :-  تعال لعد .. اذا مو يمك

سيف   :-  وين اجي
هديل  :-  البيتنا .. امي نايمه وي خالتي بالمستشفى اليوم بس اني وحماده بالبيت ..
سيف    :-  حماده منو
هديل    :-  ابني  البارحه اجه يمي ..
سيف    :-   واني اجي شسوي
هديل    :-  تعال ومعليك ... لو مو كدها انت .. ههههههه

سيف   :-    موو كدها هيج اشوفين صار بيها تحدي ..
دزي العنوان ..
هديل   :-  اوكي ..

ويتبع .. قراءة ممتعه الجميع